Myanmar Kyat Converter
Monday, April 19, 2010
သီတဂူစတား (sitagustar)
၁၉-၄-၂၀၁၀ တနင်္လာနေ့
မနေ့ညက ပူနေးတက္ကသိုလ် နိုင်ငံခြားသားအဆောင် (အမျိုးသား)တွင် ကျောင်းသားများ အစည်းအဝေးတရပ်ကျင်းပခဲ့၊ အကြောင်းရင်းက အခုတလော ၃ ရက်လောက် ဆက်တိုက် ရေပြဿနာဖြစ်နေသည်။ ကျောင်းသာ ၉၆ ယောက် နေသည့်အမျိုးသားအဆောင်တွင် ရေချိုးခန်း ၁၈ အိမ်သာ ၁၈ ခန်းရှိသည်၊ တနေ့လုံးမှ တစ်နာရီ နီးပါးလောက် ရေချိုးခန်း ၆ ခန်းမှာသာ ရေလာသည်။ ဒီကျောင်းသားအရေအတွက်နှင့် ဘယ်လိုမှ မဖြစ်နိုင် အပြင်မှာ သူငယ်ချင်းတွေ အိမ်မှာ ရေသွားချိုးကြရသည်။ ရေလာတဲ့အခါ ရေချိုးခန်း နေရာလုနေရသည်၊ ချက်ဘို့ ပြုတ်ဘို့အတွက်လဲ ရေလှောင်ထားရသည်၊ ၃ ရက်လောက် ဆက်တိုက်ဖြစ်နေတော့ အဆင်မပြေမှုတွေဖြစ်လာသည်။ သီတဂူစတားလဲ သီတင်းသုံးဖော်များ ချက်ဘို့ ဆေးကြောဘို့အတွက် ရေလှောင်ထားပေးသဖြင့် နေ့တိုင်း ရေအကျိုးဆယ်ပါး ကုသိုလ်တွေ ရနေလေရဲ့။
ကျောင်းသားအစည်းအဝေး
ထိုသို့သော အခက်ခဲတွေကြောင့် ကျောင်းသားများ မနေ့ညက တိုင်ပင်ဆွေးနွေးကြသည်။ Vice Chancellor Offic မှာ ချီတက်ပြီး အခက်အခဲကို ဖြေရှင်းကြမည်ဖြစ်သည်။ အရေးထဲ အချို့ကျောင်းသားတွေက ကတ်ဖဲ့ကတ်ဖဲ့လုပ်ကာ ကျောင်းသားအစည်းအရုံးတွင် မပါဝင်လိုကြ၊ အထူးသဖြင့် ဗီယတ်နမ်ကျောင်းသားများဖြစ်သည်။ စွာကျယ်စွာကျယ် အာဖရိကကျောင်းသား (စီနီယာကျောင်းသား) က မလိုက်တဲ့ ကျောင်းသားများကို ကျောင်းသားအားလုံးက ပြန်လည် ဆန္ဒပြမယ်ဆိုတော့မှ ဗိယတ်နမ်ကျောင်းသားတွေ လျှိုလျှိုနဲ့ ထွက်လာကြသည်။ ဒီလိုတော့လဲ ကြောက်သားပဲ၊ မကြောက်လို့လဲ မရဘူးလေ၊ အဖွဲ့အစည်းတရပ်နဲ့ နေလာတော့ အများရဲ့ ဆန္ဒအတိုင်း လိုက်လျော်ညီထွေ ဖြစ်အောင် နေပေးရသည်။
မနက်ပိုင်း
မနက်ပိုင်း ၁၁-၃၀က ကျောင်းသားအားလုံး Vice Chancellor Office သို့ ချီတက်ကြသည်၊ သီတဂူစတားတော့ မနက်ပိုင်း မဆင်နွဲနိုင်ခဲ့၊ သီတဂူစတားတို့ ဒဿနိကဗေဒဌာနမှာ viva နှုတ်ဖြေ စာမေးပွဲရှိ၍ သွားဖြေလိုက်ရတော့ ထိုချီတက်ပွဲနှင့်လွဲသွားခဲ့သည်။ ကံမကောင်းစွာနဲ့ဘဲ ကျောင်းသားအားလုံး Vice Chancellor သူ့ရုံးမှာ မရှိ၍ ပြန်လှည့်လာခဲ့ကြသည်။ ညနေမှ လာခဲ့ဟု တာဝန်ရှိသူများက ပြောလိုက်သတဲ့။
ရုံးပေါက် ဆိုင်းဘုတ်
ညနေပိုင်း
ညနေပိုင်း ၄နာရီ ပြန်လည်ချီတက်ကြပြန်သည်။ ဒီတခါတော့ သီတဂူစတားလဲ စပ်စပ်စုစု ပါဝင်လိုက်သေးသည်၊ ပထမဆုံး International Student Centre နိုင်ငံခြားကျောင်းသားရေးရာဌာနချုပ်မှာ ဒါရိုက်တာနှင့် ကျောင်းသားခေါင်းဆောင်အချို့ ၀င်တွေ့ကာ ဆွေးနွေးခဲ့သည်။ အရေးထဲ တစ်ယောက်တစ်ပေါက်နဲ့ အာဖရိကန် နှင့်ကညာ ကျောင်းသား နားလည်မှုလွဲကာ စကားများကြပြန်၊ ကျောင်းသား ၃ ယောက်သာ ဒါရိုက်တာနှင့်ဆွေးနွေးနေခဲ့သော်လည်း ကျန်ကျောင်းသားအားလုံးက Vice Chancellor Offic သို့ ချီတက်ကြသည်။ Vice Chancellor နှင့်တွေ့ဘို့အရေး တစ်နာရီလောက် ရုံးအပေါက်ကနေ စောင့်ရသည်၊ ဘင်္ဂလားဒေးရ်ှကျောင်းသား၊ နီပေါကျောင်းသားနှင့် အာဖရိကန်ကျောင်းသား သုံးယောက် ရုံးခန်းထဲ ၀င်သွားခဲ့သော်လည်း Vice Chancellor နှင့် တွေ့ခွင့်မရ၊ ဒုတိယ ဒါရိုက်တာလဲ ရောက်နေသည်၊ သူက အမျိုးသမီးဖြစ်သည်၊ တော်တော် စိတ်ဆိုးနေသည်၊ ဒါရိုက်တာနဲ့ဆွေးနွေးပြီးရင် ကိစ္စပြီးရက်သားနဲ့ Vice Chancellor Offic နှင့်လာတွေ့ရကောင်းလားဆိုပြီး ကျောင်းခေါင်းဆောင်များကို ငေါက်လိုက်သေးသည်တဲ့။
ဒီလိုနဲ့ အပေါက်ဝမှာ အတော်ကြာကြာလေး စောင့်ပြီးတော့ အချို့သော ကျောင်းသားက ပြန်မယ် တကဲကဲလုပ်နေပြန်သည်။ သတင်းထောက် တစ်ယောက်က မင်းတို့ ဒီအပေါက်က မစောင့်နဲ့ ဟိုဘက်အပေါက်က စောင့်တဲ့၊ သူက အဲဒီဘက်ကနေ ထွက်သွားလိမ့်မယ်တဲ့၊ Vice Chancellor နှင့် တွေ့ဘို့ သိပ်မလွယ်လှပါ၊ လုံခြုံရေးအမြဲရှိသည်။ ရုံးဝန်းထဲကိုပင် ၀င်ဘို့မလွယ်။
ရောက်လာပါပြီ Vice Chancellor
သတင်းထောက်ပြောတဲ့အတိုင်းပဲ အပေါက်ကထွက်ဘို့ ကားပြင်ထားသည်၊ ကျောင်းသားအားလုံးအပေါက်ကို ပိတ်ရပ်လိုက်ကြသည်၊ အဲဒီတော့မှ Vice Chancellor က ပြုံးပြုံးနဲ့ မင်းတို့ ဘာအခက်အခဲရှိလဲ ပြောဆိုတော့ ခေါင်းဆောင်ကျောင်းသားတွေက ဘယ်ချောင်ရောက်နေမှန်းမသိ၊ အခြားကျောင်းသားတွေက တစ်ယောက်တစ်ပေါက်နဲ့ စွတ်ပြောနေကြသည်။ Vice Chancellor သည် သဘောကောင်းမည့်ပုံပေါ်သည်၊ ဒီ ရေအခက်ခဲက အင်ဂျင်နီယာတွေ ရေပိုက်တွေ ပြင်နေကြတယ်၊ ပြီးတော့ ဒီက အခက်အခဲကို သတင်းစာထဲ မပါသရွေ့ ကြာနေဦးမယ်ဟုပြောသည်။ သတင်းစာလွတ်လပ်ခွင့် နိုင်ငံဖြစ်သည့်အတွက် ဖြစ်ရပ်မှန်များကို တိတိကျကျ ရေးပိုင်ခွင့်ရှိသည်၊ ပြောဆိုပိုင်ခွင့်ရှိသည်၊ သတင်းစာထဲ ဖော်ပြနိုင်ဘို့ အရေးကြီးတယ်ဟူ၍လဲ ပြောသွားသည်။ အကြမ်းဖတ်မှုတော့ မလုပ်ကြပါနဲ့၊ မိဘနှင့် သားသမီးဆက်ဆံရေးကဲ့သို့ ပြုလုပ်ကြတာပေါ့ဟု ပြောလိုက်သဖြင့် ကျောင်းသားများက ကျေးဇူးတင်ပါတယ်ဟု ၀မ်းမြောက်စွာပဲ ပြောကြသည်။
ရေပြဿနာ အဆင်ပြေမလားဆိုတာကိုတော့ နောက်နေ့ စောင့်ကြည့်ဦးမှာပေါ့။ ပူနေးမြို့သည် တောင်ပေါ်မြို့ဖြစ်၍ မိုးရေကိုအဓိက အသုံးပြုကြရသည်၊ လူဦးရေ ထူထပ်လာတာနဲ့အမျှ ရေအခက်အခဲတွေ တနှစ်ထက်တနှစ် ပိုမိုဆိုးဝါးလာသည်။ ပူနေးရဲ့ ပုံရိပ်ကလေးတွေ အဖြစ် အကောင်းအဆိုး ပူနေးဗဟုသုတလေးတွေ ရစေရန် ဖော်ပြလိုက်ရပါသည်။
သီတဂူစတား
၁၉-၄-၂၀၁၀
Posted in: မှတ်စု
Washington Time
London Time
Beijing Time
Kuala Lumpur Time
Brasilia Time
Wellington Time
Havana Time
Singapore Time
Yangon (Rangoon) Time
New Delhi Time
0 comments:
Post a Comment