2009 ~ သီတဂူစတား

31 December 2009

၂၀၁၀ နှစ်သစ်ကူး (ပူနေး)

Thursday, December 31, 2009

သီတဂူစတား (sitagustar)

1 comment

၂၀၁၀ နှစ်သစ်ကူးမင်္ဂလာအတွက် ၃၁-၁၂-၂၀၀၉ နေ့ ည ၈ နာရီမှ စ၍ နိုင်ငံခြားသားကျောင်းဆောင် (အမျိုးသား) ၏ မျက်နှာစာတွင် ပါတီပွဲကျင်းပသည်။ နိုင်ငံပေါင်းစုံက ကျောင်းသားများ ပါဝင်ကြသည်၊ အချို့လည်း အပြင်မှာ ပါတီပွဲလုပ်ကြသည်တဲ့။ ထိုပါတီပွဲတွင် ညစာ ထိုင်းရိုးရာ အစားအစာနှင့် ကိတ်မုန့်များဖြင့် ဧည့်ခံကျွေးမွေးသည်။ အစားအစာ တစ်မျိုးစားပြီးတိုင်း အစီအစဉ် တမျိုးစီဖြင့် ကျင်းပသည်၊ အာဖရိက ကျောင်းသားက ကြေညာသူ (announcer)လုပ်သည်။ ထိုကျောင်းသားသည် အင်္ဂလိပ်စကား တော်တော်လေးကို ကောင်းသည်။ နိုင်ငံအသီးသီး၏ နုတ်ခွန်းဆက်စကားများကို စာရွက်ပေါ်မှာ ကူးလာကာ မိတ်ဆက်ပါသည်၊ မြန်မာနိုင်ငံအတွက် မင်္ဂလာပါ ဟု ပီပီသသကို ပြောသည့်အတွက် လက်ခုပ်သြဘာများ ပေးကြပါသည်၊ အခြားသော နိုင်ငံများလည်း ထိုနည်းတူစွား လက်ခုပ်တီးပြီး သြဘာပေးကြသည်။ တစ်နိုင်ငံစီ က dancing (သို) သီချင်း singing ဖြင့် ဖျော်ဖြေရသည။ မွန်ဂို ကျောင်းသားတစ်ယောက်ကလည်း ဂီးတာတစ်လုံးနှင့် ဖျော်ဖြေသည်။ သီတဂူစတားတို့ အလှည့်ရောက်လာတော့မည်။ သီတဂူစတားလည်း သီချင်းဆိုရမှာ ကြောက်တာနှင့် စားစရာများစား သောက်စရာများ သောက်၊ (ဖျော်ရည်)၊ ဓာတ်ပုံတစ်ပုံလောက် ရိုက်ပြီး လစ်ခဲ့ရသည်။ နို့မို့ဆို မလွယ်၊ သီချင်း အတင်းဆိုခိုင်းမည်။

တရေးနိုးတော့ ည ၁၂ နာရီ ထိုး ၂ မိနစ်အချိန်ပေါ့ ပူနေးမြို့တစ်မြို့လုံးသည် ဗြောက်ဖောက်အသံ မီးရှုးမီပန်းတွေဖြင့် စည်းကားနေသည်။ အသံတွေလဲ ဆူညံနေသည်။ နှစ်သစ်ကူးတာတဲ့။

သီတဂူစတား
၃၁-၁၂-၂၀၀၉

Read more »

30 December 2009

သီတဂူစက္ခုဒါန မျက်စိဆေးရုံတော်

Wednesday, December 30, 2009

သီတဂူစတား (sitagustar)

No comments

ကလေးမြို့ရှိ သီတဂူစက္ခုဒါနမျက်စိ ဆေးရုံတော်ကြီးဖြစ်ပါသည်။ သီတဂူဆရာတော်ကြီးဦးစီးသည့် သီတဂူသာသနာပြုအဖွဲ့ကြီးက ၂၀၀၉ ခုနှစ် ဒီဇင်ဘာလ(၂၉)ရက်နေ့တွင် ထိုဆေးရုံတော်ကြီးကို ခန်းနားသိုက်မြိုက်စွာ ဖွင့်လှစ်ခဲ့ပါသည်။ ဆရာတော်ကြီးသည် ကလေးမြို့နှင့် တမူးမြို့ ဒေသ၀န်းကျင်ရှိ တပည့်ဒကာဒကာမများကိုလည်း ညစဉ် တရားတော်များချီးမြင့်တော်မူခဲ့ပါသည်။

ထို သီတဂူစက္ခုဒါန ဆေးရုံတော်ကြီးတွင် ပြည်ပမှ မျက်စိအထူးကု ဒေါက်တာဦးသိန်းမြင့်နှင့်အဖွဲ့၊ မြန်မာပြည်တွင်းမှ မျက်စိဆရာဝန်ကြီးများအဖွဲ့တို့က ကလေးပတ်ဝန်းကျင်ဒေသများမှလာရောက်ကြသော မျက်စိဝေဒနာရှင်များစွာကို ကုသပေးခဲ့ပါတယ်၊ မျက်စိခွဲစိတ်ကုသမှု့ကိုလဲပြုလုပ်ပေးခဲ့ကြပါတယ်။ ကလေးမြို့ဝန်းကျင်ရှိ ဒေသခံများအတွက် များစွာဂုဏ်ယူမိပါသည်။

သီတဂူစန်းလပမာ ချမ်းမြသာယာရှိကြပါစေ။

သီတဂူစတား
၃၀-၁၂-၂၀၀၉

Read more »

29 December 2009

အမျိုးသမီးစွမ်းဆောင်ရှင် (အပိုင်း-၂)

Tuesday, December 29, 2009

Saturday, December 26, 2009

သီတဂူစတား (sitagustar)

1 comment

သီတဂူဆရာတော်သြ၀ါဒ
(ပူနေးတက္ကသိုလ် ကျောင်းသားများ အိန္ဒိယ)

လူသာလျင် အကြီးကျယ်ဆုံး
ရှေးဦးစွား သီတဂူဆရာတော်ကြီးကို ပူနေးကျောင်းသားများက အသံပြိုင်ကန်တော့ကြသည်။ ထိုနောက်ဆရာတော် အမိန့်ရှိသည်မှာ ငါအမြဲတမ်းကြော်ငြာထားတဲ့ ဆောင်ပုဒ်တစ်ပုဒ်ရှိတယ် မင်းတို့အားလုံး ရကြလိမ့်မည်ဟု မျော်လင့်တယ်။ There is nothing great in the world but man. ကမ္ဘာမှာ လူက လွဲလို့ ကြီးကျယ်တာ ဘာမှမရှိဘူး။ လူသည် ဘုရားလည်းဖြစ်နိုင်တယ်၊ ပစ္စေကဗုဒ္ဓါလည်း ဖြစ်နိုင်တယ်၊ ရဟန္တာလည်းဖြစ်နိုင်တယ်၊ စကြာဝတေးမင်းလဲဖြစ်နိုင်တယ်၊ ဘုရင်လဲဖြစ်နိုင်တယ်၊ ဗြဟ္မာလည်းဖြစ်နိုင်တယ်၊ နတ်လည်းဖြစ်နိုင်တယ်၊ သကြားလည်းဖြစ်နိုင်တယ်၊ အဲ--ယုတ်စွအဆုံး မစင်စားတဲ့ ခွေးလည်းဖြစ်နိုင်တယ်။ လူက အကုန်ဖြစ်နိုင်တဲ့ ဘ၀ပဒေသာကြီးပေါ့၊ အ၀ီစိသွားချင်လည်းရတယ်၊ လူ့ဘ၀ဟာ လမ်းဆုံပဲ (junction of the world).
အဲဒါကြောင့် မင်းတို့တစ်တွေ အထက်သွားမလား အောက်ဆင်းမလား၊ နှစ်ခြောင်းထောက်ကနေ လေးခြောင်းထောက် သွားခြင်သလား။

လူထဲက အကြီးကျယ်ဆုံးတရား
နောက်တစ်ခုက There is nothing in man but character and wisdom. လူမှာလည်း သီလနှင့်ပညာထက် ကြီးကျယ်တာ ဘာမှ မရှိဘူး၊ သီလနှင့်ပညာနုတ်လိုက်ရင် လူမှာ ဘာမှ မရှိတော့ဘူး။ လောကကြီးတခုလုံးသည် အထူးသဖြင့် သတ္တလောကကြီးတခုလုံးမှာ လူဟာ အကြီးကျယ်ဆုံးပဲ၊ Great ပဲ၊ လူ့သန္တာန်မှာလဲ ပညာနှင့် ကိုယ်ကျင့်တရားဟာ Great ပဲ၊ အကြီးအကျယ်ဆုံးပဲ၊ အဲဒီနှစ်ခု နုတ်လိုက်ရင် လူဟာ Meaningless ပဲ၊ အဓိပ္ပါယ်မရှိဘူးပေါ့၊ သူဋ္ဌေးပဲဖြစ်ဖြစ်၊ ဘုရင်ပဲဖြစ်ဖြစ်၊ ပညာမဲ့နေရင် အလကားပဲ။

ဘုရင်ဆိုတာ
ဘုရင်ဆိုတာ တိုင်းပြည်ရဲ့ service ပဲ၊ တိုင်းပြည်နှင့်လူမျိုးအတွက် service ပေးနိုင်ဘို့ရန် သူတို့ရဲ့ investment (အရင်းအနှီးက) က ကိုယ်ကျင့်တရားနှင့် ပညာပ ဒီနှစ်ခုပဲ။ King တို့ Government တို့ဆိုတာ တိုင်းပြည်ရဲ့ service အလုပ်အကြွေးပဲ။ service (အလုပ်ကြွေး) ဖြစ်ဘို့ရန် character (သီလ)နှင့် wisdom (ပညာ) လိုအပ်တယ်။ wisdom ဆိုတာကို ပြန်ပြောင်းပြောရင် education ပဲ။ အဲဒီနှစ်ခုကင်းမဲ့နေရင် အဲဒီဘုရင်ဟာ တိုင်းပြည်အတွက် အသုံးမကျဘူး၊ အဲဒီအစိုးရဟာလည်း အသုံးမ၀င်ဘူး။ အဲဒီတော့ မင်းတို့တတွေ အခု ပညာသင်နေကြတယ်၊ ကျောင်းတက်နေကြတယ်၊ ဘာလုပ်ဘို့လဲ။ Ph.D ဘွဲ့တွေချိတ်ပြီး ဘာလုပ်မလဲ။

သာသနာပြုတာဝန် ၂ ရပ်
စောစောက လောကအကြောင်းကို အတိုချုပ်ပြီးပြောခဲ့တယ်။ သာသနာမှာလည်း Ministry ရယ် Missionary ရယ် နှစ်ခုရှိတယ်။ အဲဒီ နှစ်ခုကို မင်းတို့တတွေ လုပ်ရမယ်။ Missionary ဆိုတာက လူ့လောကကြီးမှာ moral (ကိုယ်ကျင့်သီလ)၊ mental, spiritual (စိတ်ဓာတ်)၊ နှင့် intellectual (အသိဥာဏ်) ဆိုပြီး အခြေခံသုံးခုရှိတယ်။ Missionary means doing and works on the development of morality, mentality and intellectuality. အဲဒီသုံးခုကို ဖွံ့ဖြိုးတိုးတက်အောင် လုပ်ခြင်းသည်ပင် Missionary ခေါ်တာပဲ။

Mean why we must do service for the mission and country. Service ဆိုတာ humanity works ပဲ၊ Social works ပဲ၊ Material Life အတွက်ပဲ၊ ရုပ်လောကကြီးကို အကျင့်ကောင်းအောင် သင်ပေးတာ စိတ်ဓာတ်ကောင်းအောင် သင်ပေးတာ ပညာတက်အောင် သင်ပေးတာ၊ ဒါက Religious Leaders (ဘာသာရေး ခေါင်းဆောင်) တွေအတွက် ဒီနှစ်ခုဟာ မဖြစ်မနေလုပ်ရမယ်၊ အဲဒါဟာ Missionary ပဲ။

Ministry ဆိုတာကတော့ အကျင့်အောင် ဘယ်လိုပဲသင်ပေးပေး မထိရောက်ဘူး၊ သိပ်မွဲနေတဲ့သူတစ်ယောက် ဘယ်လိုပဲ အကျင့်ကောင်အောင် သင်ပေးပေး မဖြစ်ဘူး၊ အဲဒါကြောင့် သူတို့ကို ထောက်ပံ့ရမည်၊ စိတ်ဓာတ်ကောင်းအောင် ဘယ်လိုပဲသင်ပေးပေး ပစ္စည်းဥစ္စာမွဲနေတဲ့ ဆင်းရဲသား တစ်ယောက်ဟာ စိတ်ဓာတ်တွေ ညံ့သွားတက်တယ်။ အဲဒီတော့ အဲဒီတော့ စိတ်ဓာတ်ရယ်၊ အကျင့်တရားရယ်၊ ပညာရယ် ဒီဥစ္စာတွေကို ဖွံ့ဖြိုးတိုးတက်အောင် လုပ်နေပေမဲ့ တစ်ဖက်မှာက သူတို့ရဲ့စားဝတ်နေရေး ကျန်းမာရေးတွေအတွက် လူမှုရေးလုပ်ငန်းတွေ လုပ်ဘို့လိုအပ်တယ်၊ ကျန်းမာရေးအတွက် education ဥပမာ- ငါ စာသင်ကျောင်းတွေ ဆေးရုံတွေ နေရာအနှံ့အပြား လိုက်ဆောက်နေတယ်ဆိုတာ Ministry ပဲကွ။

Ministry ဆိုတာ မင်းတို့က ၀န်ကြီးဌာနကြီးပဲလို့ အောင့်မေ့နေကြတယ်၊ Ministry ဆိုတဲ့စကားလုံးဟာ ခရစ်ယာန်သာသနာကစခဲ့တာ၊ အဲဒီတော့ မင်းတို့ Minister ဆိုရင် ၀န်ကြီးလို့ထင်နေကြတယ်၊ အဲဒါကို encyclopedia မှာ သေချာဖတ်ကြည့်။ Ministry is a service for the country. တိုင်းပြည်ရဲ့အလုပ်အကြွေးပဲ အခုတော့ အရှင်သခင်တွေဖြစ်ကုန်ပြီ။ အဲဒီတော့ မင်းတို့တတွေ ဘာလုပ်မလဲဆိုတော့ အဲဒီနှစ်ခုကိုလုပ်ရမည်။ Service moral, mental, intellectual development for the country, nations. အဲဒီနှစ်ခုကို တပြိုင်တည်းလုပ်ရမည်။

မြတ်ဗုဒ္ဓရဲ့ Mission and Ministry
မြတ်ဗုဒ္ဓ ၄၅နှစ်လုပ်သွားတာကြည့်လေ၊ အ၀ိဇ္ဇာလွှမ်းနေတဲ့ကမ္ဘာကို ဘာလုပ်ပေးသလဲ၊ အ၀ိဇ္ဇာ (အကန်းကမ္ဘာ)ကို မျက်လုံးပေးတယ်၊ အပင်းကမ္ဘာကို နားပေးတယ်၊ အိပ်နေတဲ့ကမ္ဘာကို စည်ရိုက်ပေးတယ်၊ ဓမ္မစက္ကံ ပ၀တ္တေတုံ ဂစ္ဆာမိ ကာသိနံ ပုရံ၊ ပြီးတော့ အာဟဉ္ဇံအမတ ဒုန္ဒုဘိံ။ အပင်းကမ္ဘာကို စည်းရိုက်ပြီးနိုးတယ်။

အဲဒါကြောင့် အဲဒီကစပြီး ဗုဒ္ဓရဲ့ ၄၅ နှစ်ကိုကြည့်ရင်-- အဖွားအိုတစ်ယောက် သားသမီး ၁၁ ယောက်က ပစ်လိုက်တာ ဘုရားပဲ ကောက်မွေးထားတယ်၊ အဘိုးအိုတစ်ယောက် သားတွေ သမီးတွေကနှိပ်စက် မ်ိန်းမကြီးက အိပ်ယာကထ ခြေထောက်နှင့်ကန်နိုး နွားတွေက ပျောက် လယ်တွေက ပျက်၊ အဲဒီ ပုဏ္ဏားကြီးကိုလည်း ဘုရားပဲကောက်မွေးထားတယ်။ ရာဓပုဏ္ဏားကြီးကို ကြည့်ပါဦး၊ သားတွေ သမီးတွေက စွန့်လိုက်တော့ သူတောင်းစာဖြစ်နေတဲ့ ရာဓပုဏ္ဏား ကျောင်းကပ်ပြီးနေရတယ်၊ ပုဂံဆေး ခွက်ဆေး အိမ်သာဆေး တံမျက်လဲပြီးနေရတာ အသက်ကြီးလာတော့ ရဟန်းဝတ်ချင်စိတ် ပေါက်လာတယ်၊ ဘယ်သူမှ ရဟန်းပြုမပေးချင်ကြဘူး၊ ဘုရားက အစည်းဝေးခေါ်ပြီး ဒီ ရာဓပုဏ္ဏားက ကျေးဇူးပြုဖူးသောသူရှိရင် ထပါဆိုတော့ အရှင်သာရိပုတ္တရာကိုယ်တော်မြတ်ကြီးထလာတယ်၊ သူ သူတောင်းစားဘ၀က သူ့ရှေ့ကဖြတ်သွားစဉ် ဆွမ်း အိန္ဒိယလိုပြောရင် ကျပါတီ တစ်ချက်နှစ်ချက်လောက် လောင်းဖူးတယ်၊ အဲလိုဆိုရင် မင်းတာဝန်ယူပြီး ရဟန်းပြုပေးလိုက်ဆိုတော့ အရှင်သာရိပုတ်တာဝန်ယူလိုက်တယ်၊ ရာဓပုဏ္ဏားလဲ အရှင်သာရိပုတ္တရာရဲ့ လမ်းညွန်မှုအောက်မှာပဲ ရဟန္တာဖြစ်သွားခဲ့တယ်။ ဒါဟာ ဗုဒ္ဓရဲ့ Ministry ပဲ။

အပိုင်း(၂) ဆက်ပါဦးမည်။
သီတဂူစတား
၂၆-၁၂-၂၀၀၉

Read more »

24 December 2009

မျိုးချစ်အာဇာနည်

သီတဂူစတား (sitagustar)

No comments

ဗုဒ္ဓဘာသာဝင်မြန်မာလူမျိုးတို့သည် `` ဒီလောက်ရှိရင် တော်ပါပြီ၊ ကိုယ့်မိသားစု တစ်သက်စားလို့ မကုန်ဘူး၊ ဒီထက်ပိုပြီးတော့ ချမ်းသာတော့ကော ဘာလုပ်မှာလဲ၊ သေရင် ကိုယ့်နောက်မပါဘူး´´ဟု စသဖြင့် လောဘနည်းသလိုလို၊ ရောင့်ရဲသလိုလိုနဲ့ ပြောတတ်ကြ၏။ တလွဲဆန်ပင်ကောင်းခြင်းပင်တည်း။

အမှန်ကား ဤကဲ့သို့ပြောခြင်းသည် လောဘနည်းခြင်းကြောင့်မဟုတ်၊ အမျိုးဘာသာကို အားမပေးလိုခြင်း၊ ဇွဲမရှိခြင်းတို့ကြောင့် ဖြစ်ပေသည်။ ကိုယ့်မိသားစုတစ်သက် စားမကုန်လောက်အောင် ချမ်းသာနေလျှင် ဆွေမျိုးသားချင်း, ဘာသာသာသနာ, တိုင်းပြည်နှင့်လူမျိုးကို ထောက်ပံနိုင်သည် မဟုတ်ပါလော။

ဘုရားမြတ်စွာက ``ရောင့်ရဲရမည်၊ တင်းတိမ်ရမည်´´ဟု ဟောခြင်းသည် “ပစ္စည်းဥစ္စာများကို မရှာရ” ဟု ဆိုလိုသည် မဟုတ်ပါ။ တခါတရံ မတရားလောဘကြီးသည့်အခါ ``တုတ်နှင့်ပစ်လို့ရရ၊ ခဲနှင့်ပစ်လို့ရရ၊ ရဖို့သာအဓိက´´ဟု ဆိုပြီး လုယက်ခြင်း၊ ခိုးဝှက်ခြင်း၊ ချောက်တွန်းခြင်း၊ တစ်ပတ်ရိုက်ခြင်းစသော ဒုစရိုက်မျိုးစုံကို လုပ်တော့၏။
ယင်းကဲ့သို့သော မတရားလောဘများကို ထိန်းပေးဖို့အတွက် ဘုရားမြတ်စွာက ``ရှိတာလေးနှင့် ကျေနပ်ရမယ်၊ ရောင့်ရဲတင်းတိမ်ခြင်းဟာ အကောင်းဆုံးဥစ္စာပါပဲ´´ဟု ဟောတော်မူခြင်းဖြစ် ပေသည်။ စီးပွားရေး လုပ်ငန်းများကို မလုပ်ဖို့အတွက် ဟောတော်မူခြင်းမဟုတ်။

တချို့လူပုဂ္ဂိုလ်များကား လူ့ဘ၀ကြီးကို ငြီးငွေ့သည့်အတွက် စီးပွားရေးလုပ်ငန်းတွေကို မလုပ်ချင်သယောင်ယောင်၊ ၃၁-ဘုံလုံးသည် ဒုက္ခသစ္စာဖြစ်သည့်အတွက် နိဗ္ဗာန်တစ်ဘက်ကမ်းကိုပဲ အခုချက်ချင်း ကူးတော့မည့်ယောင်ယောင် သံဝေဂတရားရနေသည့် ယောဂီသူတော်စင်ကဲ့သို့ ပြောတတ်ကြသေး၏။
ထိုပုဂ္ဂိုလ်များ တရားရိပ်သာကိုသွားပြီး တရားအားထုတ်သောအခါ ၂-ရက်လောက် အားထုတ်ပြီး အိမ်ပြန်လာတော့၏။ အိမ်ပြန်ရောက်သောအခါ ``ကျန်းမာရေးကလည်း မကောင်းဘူး၊ ဒီတော့ စိတ်သွားတိုင်း ကိုယ် မပါတော့ ဘယ်အားထုတ်လို့ ကောင်းတော့မှာလဲ၊ တရားပြဆရာကလဲ အတွေ့အကြုံနုသေးတော့ တရားနာရတာက အားမရပါဘူးပေါ့ကွာ´´ဟု စသဖြင့် ဆင်ခြေအမျိုးမျိုးပေးပြီး ကိုယ့်အပြစ်ကို သူများပေါ်ပုံချလေတော့၏။ အမှန်ကား အပေါ်ယံအသိလေးကို တကယ့်``သံဝေဂတရား´´ဟု ထင်နေခြင်းပင်တည်း။

ကျောင်းဒကာကြီးအနာထပိဏ်၊ ကျောင်းအမကြီး ၀ိသာခါတို့သည် သောတာပန် အရိယာပုဂ္ဂိုလ်များဖြစ်ကြ၏။ သို့သော် ကိုယ်ပိုင်စီးပွားရေးလုပ်ငန်းများ ရှိကြပေသည်သာ။ ထို့ကြောင့် လောကီလူသားမှန်သမျှ စီးပွားရေးလုပ်ငန်းကို မဖြစ်မနေ ပြုလုပ်သင့်ပေသည်။ ပိဋကတ်စာပေမှာ တရားသဖြင့် စီးပွားရေးလုပ်ခြင်းကို “သမ္မာအာဇီဝ” ဟုခေါ်၏။ မဂ္ဂင်ရှစ်ပါးထဲမှာ တစ်ပါးအပါအ၀င်တည်း။ သစ္စာအားဖြင့် “မဂ္ဂသစ္စာ”ဟု ခေါ်၏။

ဘက်ပေါင်းစုံကနေ မကြည့်ဘဲ တစ်ဖက်သတ်ကြည့်နေရင်တော့ အမြင်မှန်ကို ရနိုင်မည်မဟုတ်ပေ။ အမြင်မှန်ကို မရလျှင် လူ့ဘ၀ကြီးကို ငြီးငွေ့သလိုလို၊ စိပ်ပုတီးနှင့်ရိပ်ကြီးခိုတော့မှာလိုလိုနှင့် စီးပွားရေးလုပ်ငန်း များကို မလုပ်ဘဲနေလျှင် လောကီအကျိုးလည်း မရ၊ လောကုတ္တရာအကျိုးလည်း မရဘဲ ကီမဟုတ် ကုတ်မဟုတ်၊ မိနောက်မကျ ဖနောက်မမီ၊ ``အောက်ကလိအာ´´ ဖြစ်သွားမှာ စိုးရပေသည်။ (ကြက်တွန်သံလည်းမဟုတ်၊ ကျီးတွန်သံလည်းမဟုတ်သည်ကို အောက်ကလိအာဟု ခေါ်၏။)

လူမှန်လျှင် လူ့အလုပ်ကို လုပ်ရမည်။ ဘုန်းကြီးမှန်လျှင်လည်း ဘုန်းကြီအလုပ်ကို လုပ်ရမည်။ လူဖြစ်ပါလျက် ဘုန်းကြီးတစ်ပါးကဲ့သို့ စီးပွားရေးအလုပ်များကို မလုပ်ဘဲပစ်ထားလျှင် (သို့မဟုတ်) စီးပွားရေး လုပ်ငန်းများကို လုပ်သော်လည်း စိတ်ပါဝင်စားမှု မရှိလျှင် လူ့တာဝန် ပျက်ကွက်ခြင်းပင်တည်း။
``အလုပ်လုပ်ရင် လုပ်၊ မလုပ်ရင် သေ´´ဟူသော စကားပုံတစ်ခု ရှိ၏။ အသက်ရှင်သန်နေတုန်းမှာ ငွေများများရရှိအောင် စုဆောင်းရမည် ဟု ဆိုလိုခြင်းပင်တည်း။ ထို့ကြောင့် ပြော ကြသည်ထင်၏။ ``ငွေသည် ဒုတိယဘုရား´´ဟူသတတ်။

ဘုရားမြတ်စွာက ပစ္စုပ္ပန်ချမ်းသာရေးကိုအလိုရှိသူများအတွက် `` ဥဋ္ဌာန- မည်သည့် အလုပ်ကိုပဲ လုပ်လုပ် ငုတ်မိသဲတိုင် တက်နိုင်ဖျားရောက်ဆိုတဲ့ နောက်မဆုတ်တမ်းစိတ်ဓာတ် ရှိရမည်၊ အာရက္ခ- ကြွက်သေ တစ်ခု အရင်းပြုဆိုသကဲ့သို့ အလေအလွင့်မရှိအောင် ထိန်းသိမ်းစောင့်ရှောက်ရမည်၊ ကလျာဏမိတ္တ- ဈေးကွက် ချဲ့နိုင်ဖို့အတွက် တစ်ရွာတစ်ကျီ ဆောက်ရမည်၊ သမဇီဝိတ- စီမံခန့်ခွဲမှု စာရင်းအင်းပညာကို ကျွမ်း ကျင်ရမည်´´ ဟု သမ္ပဒါတရား ၄-ပါး ကို မိန့်တော်မူခဲ့ပေသည်။

ဤကဲ့သို့ ကြီးပွားရေးတရားများကို သတိမထားမိကြသူများက ``ဘုရားမြတ်စွာ၏တရားသည် ကြီးပွား တိုးတက်ဖို့အတွက် ပိတ်ဆို့သည့်တရား´´ဟု ထင်မြင်ကုန်တော့သည်။ တက်တက်စင် လွဲမှာခြင်းပင်။ အကယ်တန္တုကား ဘုရားမြတ်စွာ၏တရားများသည် လောကီဘက်မှာ ဖြစ်ဖြစ် လောကုတ္တရာဘက်မှာဖြစ်ဖြစ် အညွန့်တလူလူ တက်စေသော လမ်းပြမြေပုံ Road map များ ဖြစ်ပေသည်တမုံ့။

မှတ်ချက်။ ။ သီတဂူအရှင်ဒေ၀ိန္ဒာဘိဝံသ၏ ဆောင်းပါးကို မျှဝေပါသည်။

Read more »

17 December 2009

နှိုင်းနှိုင်းချိန်ချိန်သုခမိန်

Thursday, December 17, 2009

သီတဂူစတား (sitagustar)

2 comments

ဆုတောင်း ၆မျိုး (ဇာတ်သိမ်းပိုင်း)

နှိုင်းနှိုင်းချိန်ချိန်သုခမိန်
သုံးဆယ့်ခုနှစ်မင်းဆိုတဲ့ နတ်တွေကို သေချာကြည့်ဦး။ ကောင်းကောင်းသေတဲ့နတ် သိပ်မရှိဘူး။ လည်မျို ဒုတ်တို အနှပ်ခံရလို့ သေတဲ့အကောင်၊ မီးဖုတ်ခံရလို့ သေတဲ့အကောင် စဉ်းစားကြည့်ပေါ့။ နတ်ပဲဖြစ်မလား၊ သရဲပဲဖြစ်မလား၊ အဲဒါ စဉ်းစားဖို့ ပြောတာပါ။
သူတို့သေချင်တာနဲ့ သေပေါ့ဗျာ။ ဒါကို ကိုးကွယ်မဲ့အစား 'ဗုဒ္ဓံ သရဏံ ဂစ္ဆာမိ'လို့ ဆိုတာက အကောင်းဆုံးပဲ။ 'ဗုဒ္ဓံ သရဏံ ဂစ္ဆာမိ ဂစ္ဆာမိ'လို့ မဆိုလည်း ဘုရားက စိတ်မဆိုးဘူး။ 'သံဃံ သရဏံ ဂစ္ဆာမိ - သံဃာရတနာကို ကိုးကွယ်ပါ၏'လို့ ဆိုချင်ရင်လည်းဆို မဆိုရင်လည်း သံဃာတော်အရှင်မြတ်တို့က စိတ်မဆိုးဘူး။
ဟိုနတ်တွေက မရဘူး။ အုန်းသီးပုတ်တာနဲ့ ခေါင်း ကိုက်မယ်။ မှတ်ထား။ အဲဒါကြည့်လုပ်။ ''ဇာတံ သရဏ တော ဘယံ- ကိုးကွယ်ရာက ဘေးဖြစ်မှာ''ကို သတိထား။
ဗမာပြည်မှာ လူဦးရေ သန်းပေါင်း ၅ဝ-လောက်ရှိ တယ်။ ၁ဝ-သန်းလောက်ကနေ အုန်းသီးအလုံး ၁ဝ-သန်း လောက် နတ်တင်တယ်ဆိုလို့ရှိရင် အဲဒါကိုကျပ်-၃ဝဝနဲ့ မြှောက်ကြည့်။
တိုင်းပြည်ရဲ့ပိုက်ဆံ ကုဋေပေါင်း ဘယ်လောက် ကုန် မလဲဆိုတာ စဉ်းစားကြည့်စေချင်တယ်။ ဘုန်းကြီးတို့ ဗုဒ္ဓဝါဒသည် ဝိဘဇ္ဇဝါဒ။ ဝိဘဇ္ဇဝါဒဆိုတာ ဝေဖန်ရမယ်, သုံးသပ်ရမယ်, စဉ်းစားရမယ်။ ဘာသာတရားကို အကန်း ယုံ, အရမ်းယုံမဖြစ်ဖို့ သတိထားရမယ်။
ဗမာပြည်ရဲ့ နတ်တင်ဖို့ အုန်းသီးဖိုးငွေတွေဟာ နည်းတာမဟုတ်ဘူး၊ အဲဒီငွေတွေဟာ နတ်စားလို့ ကုန်သွား တာပဲလို့ ပြောလို့ရတယ်၊ ဘာကျေးဇူးမှ မရှိဘူး။
အဲဒီငွေတွေကို စာသင်ကျောင်းဆောက်မယ်, ဆေးရုံဆောက်မယ်ဆိုရင် ဘယ်လောက် ကောင်းလိုက် မလဲ၊ ဒီလိုအကျိုးရှိတဲ့ နေရာတွေမှာ အသုံးချတတ်ရမယ်။ အခုတော့ လူတွေက သဒ္ဓါတရားကတော့ ကောင်းကြပါတယ်။ ဒါပေမဲ့ တလွဲဆံပင်ကောင်း ဖြစ်နေကြတယ်။
ဒကာကြီးတွေ နေမကောင်းလို့ အိမ်ကအုန်းသီးကို လာစားတဲ့နတ်က ဒကာကြီးတို့ကို နေကောင်း ပျောက်ဆေး ဘယ်တုန်းက ပေးဘူးသလဲ၊ ဝမ်းကိုက်လို့ ဝမ်းကိုက်ပျောက် ဆေးကို ဘယ်နှစ်ခါလာပေးသလဲ။
သူတို့လည်း ဘာမှမတတ်နိုင်ဘူး သူ့အုန်းသီး တောင် သူမသယ်နိုင်ဘူး၊ သူတို့လည်း ထွက်ပြေးရတယ်၊ အုန်းသီးလေးတောင် မီးထဲပါသွားသေးတယ်၊ ဒီနတ်တွေကို အားကိုးရာ အဖြစ်နှင့် ကိုးကွယ်နေကြခြင်းကို စဉ်းစားကြဖို့ အချိန်တန်ပြီ။

အကျဉ်းချုပ်ကာဇာတ်ပေါင်းပြ
မြတ်စွာဘုရားက ကျွန်းပင်ကြီးအောက်က မြေ ကွက်ကြီးပေါ်မှာထိုင်ရင်း ပြောနေတာပါ။
''ငါ့ညီအာနန္ဒာ... သိကြားနဲ့ငါ အကြိတ်အနယ် ပြောရဆိုရတာ ဒီနေရာပဲ။ အဲဒီတုန်းက 'သူ့စည်းစိမ် လိုချင် လို့ တရားဓမ္မတွေကို အားထုတ်နေသလား မသိဘူး'လို့ သံသယဝင်နေတဲ့ သိကြားမင်းဟာ ခုတော့ ဟောဒီအနုရုဒ္ဓါ ပေါ''့၊ လက်သည်တရားခံက အရှင်အနုရုဒ္ဓါ ဖြစ်နေတယ်။
''ကဏှခေါ်တဲ့ရှင်ရသေ့ကတော့ ငါဘုရားရှင် ကိုယ်တော်မြတ်ပဲ''လို့ ဇာတ်ကြောင်းကို မိန့်တော်မူတယ်။
ကဏှရသေ့ကြီးရဲ့ ဆုတောင်းခြောက်ပါးတရားတော် ဒီမှာ အစအဆုံး အကုန်လုံးပြီးပြီ။

ိ''သီတဂူစန်းလပမာ ချမ်းမြသာယာရှိကြပါစေ''

အမျိုးသမီး သူရဲကောင်းတစ်ယောက်အကြောင်းဆက်ပါဦးမည်။
သီတဂူစတား
၁၇-၁၂-၂၀၀၉

Read more »

15 December 2009

ဓမ္မောသဓတရားအကျိုးဆောင်

Tuesday, December 15, 2009

သီတဂူစတား (sitagustar)

2 comments

အထက်ပါ ဓာတ်ပုံသည် မွေးနေ့အလှူရှင်များဖြစ်ပါသည်။

မအူပင်မြို့၊ဘုရားလမ်းရှိတရားတော် CD /VCD/DVD တိတ်ခွေနှင့်ဘာသာရေး စာအုပ်များ အခမဲ့ငှားသော
ဓမ္မောသဓ အကျိုးဆောင်အဖွဲ့၏ စေတနာနှင့်ရည်ရွယ်ချက်များ-----
(၁) မိမိထံရှိ တရားခွေနှင့်တရားစာအုပ်များကို မိမိတစ်ဦးတည်းနာယူ၊ဖတ်ကြား၊ သိမ်းဆည်း
ထားခြင်းထက် သူတစ်ပါးဖတ်ကြားနိုင်ရန် လှူဒါန်းခြင်းဖြင့်အခြားသူများလည်းနာယူ၊ ဖတ်ကြား ၊ အသိဥာဏ်တိုးပွားစေလိုခြင်း။
ကုသိုလ်တရားတိုးပွားစေလိုခြင်းအယူ/အမြင်စင်ကြယ်စေလိုခြင်း။
(၂) သူတစ်ပါးထံမှ တရားခွေ၊တရားစာအုပ်များ ကိုလည်းမိမိမှအခမဲ့ နာယူ၊ဖတ်ကြားနိုင်ခြင်း
(အပြန်အလှန် အလဲ၊အလှယ်ပြုလုပ်ရာရောက်ခြင်း)
(၃) တရားခွေ၊တရားစာအုပ်များဝယ်ယူရန်ငွေကြေး အခက်အခဲရှိသူများအတွက်လည်း
အဆင်ပြေစွာအခက်အခဲမရှိ အခမဲ့ငှားနိုင်ခြင်း၊တရားတော်အလှူတော် ဖြစ်ခြင်း၊ အမြတ်ဆုံး အလှူတော်ဖြစ်နေခြင်း၊ လှူဖြစ်ခဲသော အလှူမျိုးဖြစ်ခြင်း၊ ထာဝရအလှူဖြစ် နေခြင်း။
(၄) ထေရ၀ါဒ ဗုဒ္ဓသာသနာတော်ကြီး စည်ပင်ပြန့်ပွား၍ အရှည်တည်တံ့ခိုင်ခံ့အောင်
တတ်စွမ်းသမျှသောအင်အားဖြင့်ကြောင်းကျိုးညီညွတ်မျှတအောင်ဆောင်ရွတ်
ပေးလိုခြင်း။
(၅) တရားတော်နှင့်ပတ်သက်သမျှသောအသံတော်တရားခွေ၊စာအုပ်၊စာပေများကို
မအူပင်မြို့တစ်နေရာတည်းတွင်ပြည့်စုံနိုင်အမျှပြည့်စုံအောင်ထားရှိပေးခြင်း။
(၆) ဗုဒ္ဓ၏ အဆုံးအမ၊တရားဓမ္မများကို နာယူ၊ဖတ်ကြားကြခြင်းဖြင့်၊ ဓမ္မဗဟုသုတ တိုးပွားစေခြင်း၊ အကုသိုလ်တရားနည်းပါးလာခြင်း၊ကုသိုလ်တရားတိုးပွားလာခြင်း၊ အယူအမြင်
စင်ကြယ်ကာ အသိမှအကျင့်သို့ တတ်လှမ်းနိုင်ရန်အတွက် တစ်ဖတ်တစ်လှမ်းမှ
ကူညီရာ ရောက်စေခြင်း
(၇) သဗ္ဗဒါနံ ဓမ္မဒါနံဇိနာတိ ဟူသည်နှင့်အညီတစ်ဦးခြင်းတက်စွမ်းသမျှဖြင့်၊အားလုံးစုပေါင်း
ကြ၍ တရားအလှူတော်ကြီးပေးကာ(ဓမ္မောသဓ) တရာဆေးတိုက်ကျွေးပြီး၊ သံသရာက
ပါလာသောရောဂါဆွေး၊ရောဂါဟောင်းကြီးဖြစ်သည့် ကိလေသာရောဂါ(စိတ်ရောဂါကို)
ကုသပေးရာရောက်လျှက်ရောဂါကင်းပျောက်နိဗ္ဗာန်ရောက်(ကိလေသာနိရောဓေါနိဗ္ဗာနံ)
ဖြစ်စေရန်ရည်ရွယ်ကြပါသည်။

(လာရောက်လှူဒါန်းနိုင်ပါသည်။ လာရောက်ငှားရမ်းနိုင်ပါသည်။)
သူငါအများတရားကိန်းပါစေ

စာကြည့်တိုက်မှူး
ဓမ္မောသဓတရားအကျိုးဆောင်အဖွဲ့
ဘုရားလမ်း၊မအူပင်မြို့
(၁) ဂီလာနသံဃာတော်နှင့်သီလရှင်ဆရာလေးဆရာကြီးများအား မော်တော်ယာဉ်ဖြင့် ကြိုပို့ဆောင်ရွတ်ပေးနေမှုမှတ်တမ်း
(၂) ဆေးကုသပေးနေမှုမှတ်တမ်း
(၃)ဆေးကုသပေးနေမှုမှတ်တမ်း
(၄)ဆေးကုသပေးနေမှုမှတ်တမ်း
(၅) အလှူရှင်များ၏ပီတိမှတ်တမ်း
(၆)မွေးနေ့ အလှူရှင်များ၏ပီတိမှတ်တမ်း

မှတ်ချက်။ ။ ပေးပို့သူ-- မခင်ဆွေဝင်း(မအူပင်)

Read more »

ဓမ္မောသဓသာသနာပြုအကျိုးဆောင်

Tuesday, December 15, 2009

သီတဂူစတား (sitagustar)

No comments

ဓမ္မောသဓသာသနာပြုအကျိုးဆောင်အဖွဲ့ကြီးကို ၂၀၀၅ ခုနှစ်တွင်စတင်ဖွဲ့စည်းထူထောင်ခဲ့ပြီး ဓမ္မောသဓဓမ္မစာကြည့်တိုက်ကို မအူပင်မြို့ ဘုရားလမ်း ရွှေဘုန်းမြင့်စေတီတော်အနီးတွင်စတင် ဖွင့်လှစ်ခဲ့ပါသည်။ ဓမ္မောသဓ သာသနာပြုအကျိုးဆောင်အဖွဲ့သည် အောက်ပါ သာသနာ့ ကိစ္စများကို ဆောင်ရွက်လျှက်ရှိပါသည်။

(၁) စာအုပ်၊တိတ်ခွေ၊စီဒီ၊ ဗွီစီဒီ ၊ဒီဗွီဒီခွေများ နေ့စဉ်အခမဲ့ငှားရမ်းခြင်း
(၂) ဂီလာနရဟန်းတော်များ ၊သီလရှင်များအား တပတ်လျှင် တကြိမ် အခမဲ့ဆေးကုသပေးခြင်း
(၃) အလှူ(၁)ရက်တရားစခန်းပွဲများကို လစဉ်ဖွင့်လှစ်နိုင်ခဲ့ခြင်း၊
ဝါတွင်းဥပုသ်နေ့တိုင်း ပဋိစ္စသမုပါဒ် သင်တန်းနှင့်ဝိပသနာအလုပ်ပေးတရားများ
ဟောပြောပို့ချပေးခြင်း၊အကျဉ်းထောင်တွင် (၁၀)ရက် စခန်းပွဲများ ကျင်းပပေးခြင်း စသည့်သာသနာ့ကိစ္စရပ်များကို အကျိုးဆောင်အဖွဲ့မှ ဆောင်ရွက်ပေးလျှက် ရှိပါသည်။
အထက်ပါ သာသနာ့ကိစ္စရပ်များအား ပင်စိုက်အလှူရှင်ကြီးများ၊ မတည် အလှုရှင်ကြီးများ၊ လိုရာဖြည့်အလှူရှင်ကြီးများ စသည့်သာသနာကိုကြည်ညိုလေးစားမြတ်နိုးသူများက ၀ိုင်းဝန်းလှူဒါန်းခြင်းဖြင့် ပရိယတ္တိသာသနာ၊ပရိပတ္တိသာသနာအဓွန့်ရှည်တည်တံ့ခိုင်မြဲရေးကို ဆောင်ရွတ်ပေးလျှက်ရှိပါကြောင်း အကျိုးဆောင်စာကြည့်တိုက်မှူး ဦးဝင်တင်ထွန်းထံမှသိရှိရပါသည်။
အထက်ပါသာသနာပြုလုပ်ငန်းရပ်များအပေါ်သဒ္ဒါဖွေးဖြူပေးလှူလိုကြသောသာသနာပြု အလှူရှင် ကြီးများသည် မအူပင်မြို့ ဘုရားလမ်း ဓမ္မောသဓဓမ္မစာကြည့်တိုက် အကျိုးဆောင် စာကြည့်တိုက်မှူး ဦးဝင်တင်ထွန်း ထံသို့စာတိုက်မှလည်းကောင်း damawthahta@gmail.com သို့လည်းကောင်း၊အကျိုးဆောင်အဖွဲ့ဥက္ကဌ ဦးရွှေထွန်း phone :09 8585587 သို့လည်းကောင်း ဆက်သွယ်လှူဒါန်းနိုင်ပါကြောင်းသိရှိရပါသည်။

မှတ်ချက်။ ။ မအူပင်သူ မခင်ဆွေဝင်း ပေးပို့သော ပို့စ်ဖြစ်ပါတယ်။

Read more »

သီတဂူဆရာတော် မိန့်ခွန်း

Monday, December 07, 2009

သီတဂူစတား (sitagustar)

No comments

ညနေ ၃၊၃၀ မီးနစ်မှာ ပူနေးတက္ကသိုလ်အတွင်းရှိ တက္ကသိုလ်ခန်းမကြီးထဲတွင် သီတဂူဆရာတော်ကြီး၏ ဟောပြောပွဲ အစီအစဉ်စပါသည်။ ရှေးဦးစွာ အခမ်းအနားမှူး (အမျိုးသမီး)က မြန်မာရဟန်းတော်များအား စတိတ်ခုံပေါ်တက်စေ၍ ပရိတ်တရားများ ပွားဘို့ မေတ္တာရပ်ခံသောအခါ အားလုံးက မေတ္တာသုတ်ဖြင့် အခန်းအနားကို စတင်ဖွင့်ပေးသည်။ ထိုအခန်းအနားမစမီ ဆရာတော်နှင့် ပါဠိဌာနမှူးတို့က ဘုရားရှင်အား ဆီမီပူဇော်သည်။ အခန်းအနားမှူးက ဆရာတော်နှင့်သီတဂူသာသနာပြုလုပ်ငန်းများအကြောင်းမိတ်ဆက်သောအခါ အံသြဘနန်းဖြစ်ကြသည်။ အသက်အရွယ်အားဖြင့် ၇၃ နှစ်ရှိနေသော်လည်း လူငယ်တို့ထက် တက်တက်ကြွကြွ အလုပ်လုပ်နိုင်တာကိုလည်း အံ့သြနေကြသည်။ ထိုနောက် ဌာနမှူးကလည်း ဆရာတော်နှင့်သူစတင်တွေ့ပုံ၊ သီတဂူကမ္ဘာ့ဗုဒ္ဓတက္ကသိုလ်ကြီးမှာ ကျင်းပခဲ့သော အပြည်ပြည်ဆိုင်ရာထေရ၀ါဒ တက္ကသိုလ်များ ညီလာခံကြီးကိုလည်း အံ့ဘနန်းဖြစ်ခဲ့ရပုံ၊ ဆရာတော် ယခုလို ပူနေးတက္ကသိုလ်သို့ကြွလာခြင်းသည် ပူနေးတက္ကသိုလ်အတွက် အထူးအခွင့်အရေးဖြစ်ကြောင်းနှင့် သီတဂူဆရာတော်သည် ပါဠိဌာနသို့ ပိဋကတ်ကျမ်းစာများနှင့် စကျင်ကျောက် ဗုဒ္ဓဆင်းတုတော်တို့ကို လှူခဲ့ကြောင်းစသည်များကို ပြောကြားကာ သီတဂူဆရာတော်အား ပူနေးတက္ကသိုလ်ကြီးရဲ့ကိုယ်စား အထူးကျေးဇူးတင်ရှိပါကြောင်းပြောကြားသွားပါသည်။ ထို့နောက် သီတဂူဆရာတော်၏ မိန့်ခွန်းစတင်ပါတော့သည်၊ ဆရာတော်သည် မြန်မာနိုင်ငံမှာ တရားဟောသလိုမျိုးအလွတ်ပြောသွားသည့်အတွက်ကြောင်းနှင့် ဆရာတော်၏တရားတော်တို့ကို နားကြားရပြီး ပရိသတ်များက လက်ခုတ်သြဘာများပေးကြသည်။ ဟောပြောပွဲအပြီးမှာ လက်ဆောင်များပေးကြပါသည်။ စင်မြင့်ပေါ်သို့ ပါမောက္ခများတက်လာကာ ဆရာတော်အား မိတ်ဆက်စကားပြောကြပါသည်၊ ထိုအထဲတွင် သီတဂူစတား၏ဆရာမ ဒဿနိကဗေဒဌာနမှ မင်္ဂလာချင်ချိုရီလဲပါသည်။ အော်တိုများ၊ ဧည့်သည်တော်မှတ်တမ်းများရေးပြီး လေဆိပ်သို့ထွက်လာခဲ့ပါသည်။ ဆရာတော်၏ နွေးထွေး ဖော်ရွှေမှုတို့ကြောင့် ဆရာကြီးနှင့်တကွ ပရိသတ်များ အားရကျေနပ် သဘောကျကြပါသည်။ သီတဂူစတားသည် မြန်မာနိုင်ငံအတွက် ဂုဏ်ယူမဆုံးဖြစ်မိပါသည်၊ ၀မ်းသာလွန်း၍ မျက်ရည်ပင်ကျမိပါသည်။

ဆရာတော်၏ မိန့်ခွန်းကို သီတဂူစတား စာမေးပွဲအပြီးမှာ တင်ဖြစ်ပါမည်။ သီတဂူစတား ကင်မရာသည် အပျော်တမ်း အညံ့စားဖြစ်၍ ဓာတ်ပုံအရည်အသွေးမကောင်းသည်ကိုတော့ နားလည်ပေးစေလိုပါသည်။

သီတဂူစတား
၇-၁၂-၂၀၀၉

Read more »

သြ၀ါဒခံယူ

Monday, December 07, 2009

သီတဂူစတား (sitagustar)

No comments

ပူနေးတက္ကသိုလ်ရှိ ဌာနအသီးသီးတွင် ပညာသင်ကြားနေသော ကျောင်းသားများသည် ဆရာတော်ကြီး တည်းခိုသည့် Season Hotel သို့သွားရောက်ကာ ဖူးမျှော်ကြသည်၊ ဆရာတော် ခဏအနားယူစဉ် သီတဂူစတားတို့အဖွဲ့သည် သြ၀ါဒခံယူရန် ခန်းမဆောင်တစ်ခုတွင် နေရာယူကြသည်။ ထိုခန်းမဆောင်သည် တစ်နာရီအတွက် ဒေါ်လာ ၁၀၀ နီးပါးပေးရပါသည်။ ဆရာတော်အား ပြိုင်တူကန်တော့ပြီး ဆရာတော်ကြီးက သြ၀ါဒချီးမြင့်သည်။ Missionary and Ministry (သာသာနပြု)အတွက် မင်းတို့တတွေ ရင်းနှီးမြုတ်နှံရမှာက Education and character (ပညာနှင့် သီလ)ဖြစ်သည်ဆိုတဲ့အကြောင်း အမိန့်ရှိပါသည်။

(အသေးစိတ်ကိုတော့ သီတဂူစတား စာမေးပွဲအပြီးမှာ တင်ပါဦးမည်)
သီတဂူစတား စာမေးပွဲသည် ဒီဇင်ဘာ ၁၀ ရက်နေ့စမည်။

သီတဂူစတား
၇-၁၂-၂၀၀၉

Read more »

အမေရိကနှင့် တိုကျိုခရီးစဉ်

သီတဂူစတား (sitagustar)

No comments

နှလှုံးရောဂါဝေဒနာရှင်များ အားထားသင်သည့်
တရားထိုင်ခြင်း အလေ့အကျင့်

ကျန်းမာရေး အကျိုးကျေးဇူးများ
ခံစားရသည်ဟူ၍ သိရှိနေသည့် တရားထိုင်(ကမ္မဋ္ဌာန်း အားထုတ်)ခြင်းကြောင့်
နှလုံးရောဂါ ဝေဒနာရှင်များ သေဆုံးနှုန်းကို လျှော့ချနိုင်ကြောင်း မကြာမီက
လေ့လာတွေ့ ရှိသည်ဟု ဆိုသည်။

လျော့ပါး

နေ့စဉ် မိနစ် ၂ဝကြာမျှ နှစ်ကြိမ် တရားထိုင်လျှင် နှလုံးရောဂါဖြစ်နေသူများ၏ သေဆုံးမှုနှုန်း ၄၇ ရာခိုင်နှုန်း
လျော့ပါးသွားကြောင်း လေ့လာတွေ့ရရှိသည်။ တရားထိုင်ခြင်းကြောင့် လူတစ်ဦးချင်း၏ စိတ်ဖိစီးမှုနှင့် သွေးပေါင်ချိန်တို့ကို
သိသိသာသာ လျှော့ချနိုင်သည်။ နှလုံးရောဂါနှင့် လေဖြတ်ဝေဒနာကင်းဝေးရန် တရားထိုင်သင့်သည်ဟုဆိုသည်။

ကောက်ချက်ချ
နှလုံးရောဂါနှင့် ဆက်စပ်သည့် ရောဂါဝေဒနာများ ကာကွယ်ရေးအတွက်
တရားထိုင်ခြင်းမှာ လောလောလတ်လတ် တွေ့ရှိသည့် ဆေးဝါးအမျိုးအစား
တစ်ရပ်ဖြစ်သည်ဟု သိပ္ပံပညာရှင်များက ကောက်ချက်ချသည်။ ။

(ဆေးသိပ္ပံပညာရှင်များ)

Read more »

လမင်းဘုရား

Wednesday, November 25, 2009

သီတဂူစတား (sitagustar)

No comments

ပျိုရွယ်သွေးကြွ၊ ငယ်စဉ်ကမူ
ငါနှင့် ငါသာ၊ နှိုင်းစရာဟု
ပညာမုန်ယို၊ မဆိုစလောက်
မာန်စောင် မြောက်ခဲ့မိပါသည်။ ။

ယခုမှာမူ
ဇရာမုန်း၍၊ လူလုံးမလှ
ယွတ်တွ ယွင်းယို၊ ခန္ဓာကိုယ်နှင့်
အိုကြီးအိုမ၊ ငါ့ဘ၀သည်
မလှမပ၊ ရှိခဲ့ပြီ။ ။

လောကဓာတ်ဆုံး၊ နေလုံးကွယ်ပျောက်
ညမှောင်ရောက်သို့၊ မှဲ့ပြောက်ယှက်ဖြာ
ငါ့ခန္ဓာလည်း၊ မကြာတိမ်မြှုပ်
ဇိဝိန်ချုပ်ဖို့၊ မလှုပ်လှက်သာ
ဝိဇ္ဇာဥာဏ်ကင်း၊ အသိဖျင်းလျက်
သေမင်းခေါ်က၊ လိုက်ပါရမည်
ဘ၀နေ၀င်ချိန် ပါတကား။ ။

ထိုစဉ်ခိုက်ဝယ်
လှိုက်လှဲ မေတ္တာ၊
ကြင်နာသနား၊ လမင်းဘုရားလျှင်
ငါ့အား ချီးမြောက်၊ ကြွလာရောက်စဉ်
အစ္စယော မေ ဘန္တေ၊ အစ္စာဂမာ အစဖြာလျှက်
ကျမ်းလာယှိမှန်၊ တောင်းပန်လျှောက်ထား၊ ငါ့စကားကို
ဝုဒ္ဓိဟေသာ အာယတိံ သံဝရ မိန့်ဟစကား၊ ခွန်းတုံ့ကြားလျှက်
မြွက်ထားဆုံးမ၊ သြ၀ါဒကို
တုပ်ကွနာစဉ်၊ အသိဝင်၍
ရင်တွင်ပီတိ၊ ဂွမ်းဆီထိသို့၊
ရွန်းအိဝေဖြာ၊ ဘယာကွေကွင်း၊ ငါ့ရင်တွင်းဝယ်
လမင်း ဘုရား လင်းခဲ့ပြီ။ ။

အော် ---- အနောက်ဖက်ဆီ၊ နေ၀င်ပြီမို့
ရောင်နီပြိုးပြက်၊ မလင်းလက်လည်း
ရှေ့ဖက်ဆီမှ သော်တာလ သည်
ရွှန်းပ -- ၀င်းလက်ခဲ့ပြီတကား။ ။

လမင်းဘုရားသို့ ထာဝရ ဦးခိုက်လျှက်
တပည့်
ဒေါက်တာသြသဓသာရ
(အင်္ဂလန်)
မှတ်ချက်။ ။ သီတဂူဆရာတော်ဘုရားကြီး၏ ၇၃ နှစ်ပြည့်မွေးနေ့ကို ရည်ရွယ်၍ ပူဇော်ပါသည်။

ဆရာတော်ကြီး၏မွေးနေ့သည် တပေါင်းလပြည့်ဖြစ်သည်၊ ကဗျာ၊ ဆောင်းပါး၊ များ ပူဇော်လိုပါက sitagustar2010@gmail.com သို့ ပေးပိုင်နိုင်ပါသည်၊ ဤဆိုဒ်တွင် ဖော်ပြပေးသွားပါမည်။
ကျေးဇူးတင်ပါသည်။
သီတဂူစတား
၂၅-၁၁-၂၀၀၉

Read more »

23 November 2009

စံနမူနာသာသနာပြုဘုရင် အသောက

Monday, November 23, 2009

သီတဂူစတား (sitagustar)

No comments

မြတ်ဗုဒ္ဓလွန်ပြီးနောက် နှစ်(၂၀ဝ)ကျော်ကာလ ခရစ်မပေါ်မီနှစ်(၃၀ဝ)ခန့်ကာလတွင် ဇမ္ဗူဒီပတစ်ခုလုံး၏ ဧကရဇ်မင်းကြီးအသောက ပေါ်ပေါက်ခဲ့သည်။ ထိုဇမ္ဗူဒီပါ၏ ဧကရဇ်မင်းကြီးအသောကသည် မြတ်ဗုဒ္ဓ၏ ထိုသဘောထားကြီးခြင်း၊ ခွင့်လွှတ်ခြင်း၊ သည်းခံခြင်းဟူသောဝါဒကို လိုက်နာ ကျင့်သုံးရာ၌ စံနမူနာယူထိုက်သည့် မင်းကြီးတစ်ပါးဖြစ်သည်။
သူသည် အလွန်ကျယ်ပြန့်သော သူ၏ဓမ္မနိုင်ငံတော်ကြီး၌ ထင်ရှားတည်ရှိ၍နေကြကုန်သော အခြားအခြားသော ဟိန္ဒူဘာသာ , ဂျိန်းဘာသာ ,ဗြဟ္မဏဘာသာ , နတ်ကိုးကွယ် သည့်ဘာသာ အစရှိသော ဘာသာတရားအားလုံးတို့ကို လွတ်လပ်စွာ ကိုးကွယ်ခွင့်နှင့် သူကိုယ်တိုင်ဂုဏ်ပြု၍ အရိုအသေပြုခြင်း၊ အလေးအမြတ်ပြုခြင်း၊ ထောက်ပံ့အားပေးခြင်းတို့ကို ပြုလုပ်ခဲ့လေသည်။
သူ၏ဓမ္မနိုင်ငံတော်၌ ဘာသာရေးပဋိပက္ခမရှိ၊ မတူ ထူးခြားသော ဘာသာဝင်အားလုံးတို့ ချစ်ခင်ပျော်ရွှင်စွာ ပူးတွဲ နေထိုင်ကြသည်မှာ မြတ်ဗုဒ္ဓ၏ ခန္တီဝါဒ , အဟိံသဝါဒပေါ်၌ အသောကချမှတ်ထားသော Common ground-ပေါ်မှာ လက်တွဲရပ်တည်၍ နေနိုင်ကြသောကြောင့်ဖြစ်၏။
အသောကသည် အနောက်ဖက်တွင် ဂရိ၊ မြောက်ဖက်တွင် ရုရှားနှင့် ဟိမဝန္တာတစ်လျှောက်၊ အရှေ့ဖက်တွင်- ဘင်္ဂလားပင်လယ်အော်၊ တောင်ဘက်တွင်- အိန္ဒိယသမုဒ္ဒရာ၊ သူ၏ ဩဇာလွှမ်းမိုးထားသမျှ ကျယ်ပြန့်စွာသော နယ်မြေကြီး တစ်ခွင်လုံး၌ အယူဝါဒနှင့် အမျိုးဇာတ်မတူကြသည့် လူသားပေါင်းများစွာတို့ လက်တွဲနေထိုင်ကြရန် ခန္တီ , သစ္စာ , အဟိံသာ(မညှင်းဆဲခြင်း) ဟူသော Common ground-ကို မည်ကဲ့သို့ ချမှတ်ခဲ့သည် ဆိုသည်တို့ကို သူ၏ကျောက်စာပေါင်းမြောက်များစွာတို့၌ တွေ့ရှိရသည်။ တစ်ခုသောနေရာ၌ တွေ့ရသည်မှာ အောက် ဖော်ပြပါအတိုင်းဖြစ်သည်။
"တစ်ယောက်သောသူသည် မိမိကိုးကွယ်သောဘာသာတရားကိုသာ ချီးမြှောက်၍ အခြားသောသူတို့၏ ဘာသာ တရားကို ရှုံ့ချသောအမှုကို မပြုကြကုန်နှင့်၊ တစ်ယောက်သောသူသည် မိမိကိုးကွယ်သောဘာသာကို ချီးမြှောက်သကဲ့သို့ အခြားသောဘာသာကိုလည်း ချီးမြှောက်သင့်၏။ ဤသို့ ပြုခြင်းဖြင့် တစ်ယောက်သောသူသည် မိမိဘာသာကိုလည်း ကြီးပွာအောင် စောင့်ရှောက်ရာရောက်၏။
ဘာသာဝင်အားလုံးတို့သည် ဤသို့မဟုတ်မူ၍ မိမိတို့ဘာသာကို ကာကွယ်၍ သူတပါးတို့၏ဘာသာကို ရှုံ့ချ စော်ကားလာလျှင် ထိုသူသည် မိမိဘာသာတရားနှင့် မိမိအတွက် သေတွင်းကို တူးသည်နှင့်တူ၏။
မည်သူမဆို မိမိကိုးကွယ်သော ဘာသာတရား၏ ဂုဏ်ကျေးဇူးကိုပြောဆို၍ အခြားသောဘာသာတရားကို ရှုံ့ချ ကဲ့ရဲ့လျှင်၊ ထို့အပြင် မိမိကိုးကွယ်သည့်ဘာသာနှင့် တခြားသူ တို့ကိုးကွယ်သည့်ဘာသာကို နှိုင်းယှဉ်မှုပြုလျှင် နှိုင်းယှဉ်ရာမှ ပြိုင်ဆိုင်ခြင်းသို့ တက်လာနိုင်သည်။
နှိုင်းယှဉ်ခြင်းနှင့် ပြိုင်ဆိုင်ခြင်းတို့သည် ချီးမွမ်းခြင်းနှင့် ကဲ့ရဲ့ခြင်းဟူသော ရလဒ်တို့ကို ဖြစ်စေကုန်၏။ မိမိဘာ သာကို ချီးမွမ်း၍ သူတပါးဘာသာကို ကဲ့ရဲ့လျှင် ထိုသူသည် မသိသဖြင့် မိမိဘာသာကို ပို၍ပို၍ တိုက်ခိုက်ဖျက်စီး ဒဏ်ရာ အနာတရ ဖြစ်အောင်ပြုသည်မည်၏။
ထို့ကြောင့် ဤသို့ကောင်းမြတ်သော သဘောတူညီချက်တစ်ခု ရရှိပါသည်။ အားလုံးသောလူသားတို့သည် အားလုံးသော ဘာသာတရားတို့၏ အဆိုအမိန့်တို့ကို စိတ်ဝင်စားစွာ နားထောင်သင့်၏။ မိမိ၏စကားကို သူတပါးတို့ စူးစိုက်၍နားထောင်စေလိုလျှင် သူတပါးပြောသော စကားကိုလည်း မိမိတို့က စိုက်စိုက်စူးစူး နားထောင်ကြပါ´´။ (အသောကကျောက်စာအမှတ်-၁၂)

ဤနေရာ၌ ကျွန်ုပ်တို့သည် ဤကဲ့သို့သော မုဒိတာ အသိမျိုးကို ဤဘာသာရေးကိစ္စ၌သာ လက်ကိုင်ပြုအသုံးချ သင့်သည်မဟုတ်ပေ။ အခြားသော နိုင်ငံရေး လူမျိုးရေး စီးပွားရေး ပညာရေးကိစ္စတို့၌လည်း ဤသည့်မြတ်ဗုဒ္ဓ၏ ခန္တီ မေတ္တာ ကရုဏာ အဟိံသာ သစ္စာတရားတို့ဖြင့် ဖွဲ့စည်းတည်ဆောက်ထားသော Common ground-ပေါ်၌ လက်တွဲ ညီညီ၊ မိမိကလည်း သူ့ကို မရှုံ့ချ၊ သူကလည်း ငါ့ကို မကဲ့ရဲ့၊ ငါကလည်း သူ့ကိုဂုဏ်ပြု၊ သူကလည်း ငါ့ကိုလေးစား၊ သူ့စကားလည်း ငါနားထောင်၊ ငါ့စကားလည်း သူလေးစား၊ ဤသဘောထားမျိုးနှင့် သွားကြလျှင် ဆူးခင်းသောခရီး ကြမ်းဟာ မကြာမီ အဆုံးသတ်၍ ပန်းခင်းသောလမ်းပေါ်၌ ပျော်ရွှင်စွာ လျှောက်လှမ်းနိုင်ကြမည်ဖြစ်ပါသည်။
ဤကဲ့သို့သော ခွင့်လွှတ်ခြင်း၊ သည်းခံခြင်း၊ သဘော ထားကြီးခြင်း၊ ရင့်ကျက်သော နားလည်ခြင်းဟူသော မွန်မြတ် သည့်စိတ်ဓာတ်သည် လူ့ယဉ်ကျေးမှုသမိုင်းတွင် အလွန်မြင့် မြတ်ကြွယ်ဝသည့် ဗုဒ္ဓဘာသာအတွေးအခေါ်မှ စတင်ပေါ် ပေါက်လာခြင်းဖြစ်သည်။
ထို့ကြောင့်ပင် နှစ်ပေါင်း-(၂၅၀ဝ)ခရီး ဗုဒ္ဓဘာသာ သမိုင်းတစ်လျှောက် ဗုဒ္ဓသာသနာပြုမင်းနှင့် သာသနာပြု ပုဂ္ဂိုလ်တို့က အခြားဘာသာဝင်တို့ကို ဗုဒ္ဓဘာသာဝင်အဖြစ်သို့ အတင်းအကြပ် အနိုင်အထက်ပြု၍ ပြောင်းလဲခြင်းကြောင့် ကမ္ဘာမြေကြီးပေါ်၌ သွေးတစ်စက်တစ်ပေါက် ထိစွန်းခဲ့ဖူးသည့်ဖြစ်ရပ်မျိုး လုံးဝမရှိခဲ့ဘူးချေ။
ဗုဒ္ဓ၏ မြတ်ဓမ္မသည် အာရှတိုက်ကြီး တစ်ခုလုံးကိုသာမက ကမ္ဘာတစ်ရပ်လုံးသို့ တစိမ့်စိမ့်ပြန့်နှံ့နေရာ၌- ထိုမြတ်ဗုဒ္ဓ၏ အဆုံးအမတွေကို သူတို့၏စိတ်ဆန္ဒအလျှောက် ငွေကြေးနိုင်ငံရေးနှင့် လူမှုရေးအကြပ်ကိုင်မှုတို့မရှိပဲ လွတ်လပ် သောစိတ်ဓာတ်ဖြင့် ဓမ္မကိုကြိုက် အလိုကိုလိုက်နာကျင့်သုံးနေကြသော လူဦးရေသည် သန်းပေါင်း(၁၀ဝ၀)မျှရှိမည်ဟု ခန့်မှန်းရသည်။
မှားယွင်းသောအတွေး မကောင်းသောအပြော မကောင်းသောအလုပ် တစ်ခုခုကြောင့် ဆူပူသောင်းကြမ်း ခြင်း၊ ရမ်းကားခြင်း၊ နှိပ်စက်ခြင်းဖြစ်လာလျှင် ထိုအမှုမျိုးသည် မြတ်ဗုဒ္ဓ၏ မြတ်ဓမ္မနှင့် လုံးလုံးဆန့်ကျင်သည်သာဖြစ်၏။

Read more »

ဤဘလော့ဂ် ရေးသားသူသည်

စာရေးသူ သီတဂူစတား၏ဘ၀ကို အမရပူရမြို့ မဟာဂန္ဓာရုံကျောင်းတိုက်မှ အခြေခံကျကျ စနစ်တကျ တည်ဆောက်ပေးခဲ့သည်၊ ထို့နောက် သီတဂူကမ္ဘာ့ဗုဒ္ဓတက္ကသိုလ်မှ ထိုရရှိလာသော ဘ၀ကို အသုံးချ ဘ၀ရောက်အောင် ဖန်တီးပေးခဲ့သည်၊ ထို့ကြောင့် ဤဘလော့ဂ်သည် ဘ၀နှစ်ခုကို ပေါင်းစပ်ထားခြင်းဖြစ်သလို သီတဂူစတား၏ ဘ၀နှစ်ခုကို ထင်ဟပ်စေပါသည်။

2009 ခုနှစ် အတွက် အကယ်ဒမီဆု

အကောင်းဆုံး သာသနာတော်အကျိုးပြု စာပေဘလော့ဂ်ဆု အတွက် သီတဂူစတားကျေးဇူးစကား အနည်းငယ်မျှ ပြောပါရစေ။ နှမ်းတစ်လုံးတည်းနှင့် ဆီမဖြစ်သလို သီတဂူစတား တစ်ယောက်တည်းနှင့် ဘလော့ဂ်ဆုရဘို့ဆိုတာ မဖြစ်နိုင်ပါဘူး။ စည်းလုံးမှုရဲ့ အင်းအားတစ်ခုတည်းနှင့် ရရှိလာခြင်းဖြစ်ပါသည်။ သီတဂူစတားကို အားပေးကြတဲ့ စာဖတ်ပရိသတ်၊ သီတဂူစတားအား ဘလော့ဂ်ပညာတွေ နဲနဲချင်း သင်ပေးနေတဲ့ ညခင်းရဲ့လမင်း သီတဂူစတားရဲ့ ဒိုမိန်းခေါင်းစဉ် photo ပညာဖြင့် ပူဇော်ပေးသော မေမေ့လပြည့်ဝန်းလေး နှင့် ဆုများချီးမြင့်သော မြန်မာဘလော့ဂ်ပရပ်စ် နှင့် မြန်မာပြည်က စာဖတ်ပရိသတ် ၀င်ကြည့်နိုင်ရန် net လှူပေးသော အမေရိကမှ ဦးကိုကိုနှင့် ကိုခွန်သီရိ တို့ရဲ့ စေတာနာတွေကြောင့်ပဲ ဖြစ်ပါတယ်။ ဒီအတွက် အားလုံးကို အထူးကျေးဇူးတင်ပါတယ်။

သီတဂူ ကမ္ဘာ့ဗုဒ္ဓတက္ကသိုလ် ဆက်သွယ်ရန်--

သီတဂူကမ္ဘာ့ဗုဒ္ဓတက္ကသိုလ် (ရန်ကုန်)
အမှတ်-၁၀၊ ပါရမီလမ်းနှင့် ပင်လုံလမ်းဒါင့်၊ ဘေလီတံတားထိပ်၊ ဒဂြုံမို့သစ်မြောက်ပိုင်း၊
ဖုန်း-၀၁-၅၈၁ ၉၉၉/ ၅၈၁ ၈၈၈/ ၅၈၁ ၇၇၇
အီးမေးလ်=thesitagu@gmail.com

သီတဂူကမ္ဘာ့ဗုဒ္ဓတက္ကသိုလ် (စစ်ကိုင်း)
စစ်ကိုင်းတောင်၊ စစ်ကိုင်းမြို့
ဖုန်း-၀၇၂-၂၂၂၆၀။ ၂၁၆၁၁
အီးမေးလ်=thesitagu@gmail.com

မမေ့သင့်ရာ

“လူတွေက သေခြင်းတရားကို မေ့နေတတ်ကြပါတယ်၊ သေရမှာကို မေ့နေတတ်ကြလို့ပဲ အတ္တတွေ မာနတွေ ဖုံးလွှမ်းပြီး တကိုယ်ကောင်းဆန် စိတ်တွေ မွေးဖွားတတ်ကြပါတယ်၊ ထိုအခါ လူ့ပတ်ဝန်ကျင်နဲ့ အဆင်မပြေမှုတွေ ဖြစ်တတ်ပါတယ်။ ဒါ့ကြောင့် သေခြင်းတရားကို အမှတ်ရစေခြင်းသည်လည်း လူ့ပတ်ဝန်ကျင်အတွက် အကောင်းတကာထဲက အကောင်းတစ်ခု ဖြစ်တယ်ဆိုတာပါပဲ။”
သီတဂူစတား
၂၈-၅-၂၀၁၂

ကိုယ်ရေးတဲ့ ကိုယ်ရေးရာဇ၀င်

သီတဂူစတားသည် စာရေးဆရာမဟုတ်ပါ သို့သော်လည်း စာရေးချင်ပါသည်၊ သီတဂူစတားဆိုက်ကိုလည်း ကိုယ်ပိုင်မှတ်စုသဘောအနေနဲ့ မှတ်တမ်းတင်ခြင်းမျှသာဖြစ်သည်။ ကြီးကျယ်တဲ့ဆိုက် မဟုတ်၍ ကြီးကျယ်သော စာများကား မဟုတ်။ သို့သော်လည်း တိုလီတိုထွာ ဗြုတ်စဗြင်နောင်လေးတွေ မှတ်စုအဖြစ် ရေးပြီး တင်နေသူပါ။ ဒါလေးတွေက ကျွန်ုပ်ရဲ့ မပြောပါးလောက်တဲ့ ရှိစုမဲ့စုလေးတွေ အကုန်သုံး ထုတ်ပြထားတဲ့ အမည်လေးတွေပေါ့။ သီတဂူစတား (စာရေးသူ) အသက် ၁၄ နှစ်လောက်ကထဲက အမရပူရဲမြို့ မဟာဂန္ဓာရုံကျောင်းတိုက် ဘ၀ကိုမြုတ်နှံခဲ့ပါတယ်။ ထိုစာသင်တိုက်မှာဘဲ ရဟန်းတော်များရသင့်ရထိုက်တဲ့ အနည်းငယ်သော ဘွဲ့တွေလဲရခဲ့ပါတယ်၊ သာသနဓဇဓမ္မာစရိယ (၁၉၉၉)၊ မဟာဂန္ဓာရာမိကဓမ္မာစရိယ (၁၉၉၆)၊ ၀ိနယနိကာယ၀ိဒူ (၁၉၉၄)၊ အင်္ဂုတ္တရနိကာယ၀ိဒူ (၁၉၉၈)ဘွဲ့များမဖြစ်စလောက် ရခဲ့တယ်၊ ဒုတိယပိုင်းဘ၀တစ်စိတ်ကိုတော့ ၂၀၀၀ ခုနှစ်ကစပြီး သီတဂူကမ္ဘာ့ဗုဒ္ဓတက္ကသိုလ်မှာ ရင်းနှီးမြုပ်နှံခဲ့ပါတယ်။ ထို တက္ကသိုလ်ကြီးမှပင်၂၀၀၁ ခုနှစ်ှ English Diploma (2003)၊ Japanese Level 4 & 3 (2004/5)၊ နှင့် ၂၀၀၇ ခု B.A (Buddhism) ဘွဲ့ရခဲ့တယ်။ ၂၀၁၀ ခုနှစ် အိန္ဒိယနိုင်ငံ ပူနေးမြို့၊ ပူနေးတက္ကသိုလ်မှာ (Philosophy)ဒဿနိကဗေဒနှင့် M.A ရရှိပြီး ယခုအခါ သီတဂူဆရာတော်ကြီး၏ အထောက်အပံ့ဖြင်ပင် စောမယကောလိပ် ဘုံဘေမြို့၊ အိန္ဒိယနိုင်ငံမှာ Ph.D အတွက် စာတမ်းရေးပြီး ကျမ်းတင်ပြီးဖြစ်ပါသည်။ ရန်ကုန်မြို့ သီတဂူကမ္ဘာ့ဗုဒ္ဓတက္ကသိုလ် တွင် ကထိကတာဝန် ယူလျှက်ရှိသည်။

ဖိတ်ခေါ်ပါသည်

ဆောင်းပါးနှင့်ဓာတ်ပုံများ The word is an invaluable like a jewel if it gives the knowledge or is able to make a person's situation change ( that is from a lower state to a higher state) with a word. In this day, there are a large number of persons who are searching for and giving it so that you are also one of them. Are you who searching for it or giving it? If you all my dhamma friends have a wish to give the profits to the people like knowledge, send it with or without photos as well as amazing photos to this very mail(sitagustar.0073@gmail.com). ကိုယ့်ရဲ့စကားတစ်ခွန်းဟာ လူတစ်ယောက်အတွက် အပြောင်းလွဲလေးတစ်ခု (အပြောင်းအလဲဆိုသည်မှာ ကောင်းသော ပြောင်းလဲခြင်း) ပေးနိုင်မယ်ဆိုရင် အဲဒီစကားဟာ အဖိုးမဖြက်နိုင်တဲ့ ရတနာပါ။ ယနေ့ ခေတ်မီးတိုးတက်နေတဲ့နိုင်ငံတိုင်းမှာ လူငယ်ရော လူကြီးပါ အွန်လိုင်းကနေဘဲ ရတနာတွေရှာနေကြပါတယ် ရတနာတွေ ပေးနေကြပါတယ်၊ မျှဝေဘို့လည်းမျော်နေကြပါတယ်။ ထူးစမ်ထွေလာဓာတ်ပုံများ၊ သတင်းထူးများ၊ အကျိုးပြုဆောင်းပါးများ ပေးပို့ နိုင်ပါပြီ။