အီရန်နုိုင်ငံအစည်းဝေးမှတ်တမ်းနှင့် အစည်းဝေးထုတ်ပြန်ချက်

အီရန်နုိုင်ငံအစည်းဝေးမှတ်တမ်းနှင့် အစည်းဝေးထုတ်ပြန်ချက် 

သီတဂူဆရာတော်ကြီးသည် နောက်ပါ တပည့်များဖြစ်သည့် အရှင်ဥက္ကံသ၊ အရှင်ဝိသုတ၊ သီတဂူ ကုိုကျော်မုိုးနုိုင်တုို့ကုို ဦးဆောင်လျှက် အီရန်နိုင်ငံ ယဉ်ကျေးမှုနှင့် ဆက်ဆံရေးဝန်ကြီးဌာန၏ ဖိတ်ကြားမှုဖြင့် အီရန်နိုင်ငံသုို့ အစ္စလာမ်နှင့် ဗုဒ္ဓဘာသာနှစ်ခုအကြောင်း အချင်းချင်း ဘာသာရေးဆုိုင်ရာ နှီးနှောဖလှယ်ပွဲ (Multilateral Dialogue bettwen Islam and Buddhism) ဆွေးနွေးပွဲ တက်ရောက်ရန် ဒီဇင်ဘာ ၂၉ ရက်နေ့ မနက်ပုိုင်းတွင် ကာတာလေကြောင်းဖြင့် မြန်မာနိုင်ငံမှ အီရန်နိုင်ငံသုို့ ထွက်ခွါခဲ့ပါသည်။

မြန်မာနိုင်ငံတွင် နေထုိုင်သော ရှီးယား မူစလင် အီမန်နှစ်ဦးနှင့်အတူ ၎င်းတုို့၏ ဘာသာဝင်များ၊ သီတဂူကပ္ဗိယ ကာရက အဖွဲ့ဝင်များ လုိုက်ပါပုို့ဆောင်ကြသည်။ အီရန်နုိုင်ငံ အီမန်ခုိုမေနီလေဆိပ်သုို့ ည အချိန်တွင် ဆုိုက်ရောက်ခဲ့သည်။ အီရန်နိုင်ငံ ယဉ်ကျေးမှု ဌာနမှ တာဝန်ရှိသူများက လာရောက်ကြုိုဆုိုကြပြီး ပါရှန်း အဇာဒိ ဟုိုတယ်သုို့ ပုို့ဆောင်ပေးခဲ့သည်။ လေဆိပ်မှ ဟုိုတယ်တည်ရှိရာ တီဟီရန်မြို့သုို့ ၁ နာရီကျော်ကြာ ခရီးဆက်ရသည်။ ဟုိုတယ်သုို့ ည ၁၁ နာရီ အချိန်တွင် ရောက်ရှိသည်၊

နောက်တစ်နေ့ ဒီဇင်ဘာ ၃၀ ရက်နေ့တွင် ဟုိုတယ်မှာ မနက်စာ သုံးဆောင်ပြီး ပထမရက် ဆွေးနွေးပွဲကျင်းပရာဖြစ်သော Islamic Culture and Relation Organization ရုံးချုပ်ရှိရာသုို့ ထွက်ခွါခဲ့ကြသည်၊ ရှေ့ဦးစွာ Islamic Culture and Relation Organizationမှ ဥက္ကဌ Dr. Abuzar Ibrahimiက မြန်မာ၊ ထုိုင်း၊ သီရိလင်္ကာ ဗုဒ္ဓဘာသာ အဖွဲု့များကုို လှိုက်လှဲစွာ ခရီးဦးကြိုဆုိုပြီး နားနေဆောင်၌ အပြန်အလှန် နှုတ်ခွန်းဆက် စကားပြောကြားကြသည်။ လက်ဆောင်များ အပြန်အလှန် ပေးအပ်ကြသည်။ ထုို့နောက် အဓိက အစည်းဝေးကျင်းပရာ ခန်းမ အတွင်းသုို့ ကြွရောက်ကြပြီး ဆွေးနွေးပွဲကုို စတင်ခဲ့သည်။

ဆွေးနွေးပွဲ၏ အဓိကခေါင်းစဉ်မှာ အစွန်းရောက်မှု၊ အကြမ်းဖက်မှုများကုို မူစလင်းဘာသာဝင်များနှင့် ဗုဒ္ဓဘာသာဝင် နှစ်ခုတုို့က ပူးပေါင်း၍ မည်ကဲ့သုို့ ရင်ဆုိုင်ဖြေရှင်း အဖြေရှာကြမလဲ ခေါင်းစဉ်ဖြစ်ပါတယ်၊ (Cooperation between Muslims and Buddhists in confronting violence and extreme)၊ ဆွေးနွေးပွဲကုို ဗုဒ္ဓဘာသာအဖွဲ့မှ မြန်မာနုိုင်ငံ ဗုဒ္ဓဘာသာကိုယ်စားပြုအဖြစ် သီတဂူဆရာတော်ကြီး ထုိုင်းနိုင်ငံဗုဒ္ဓဘာသာကုိုယ်စားပြုအဖွဲ့ဖြစ် Phra Khru Wibulphatthanakit, သီရိလင်္ကာ နိုင်ငံဗုဒ္ဓဘာသာကိုယ်စားပြုအဖြစ် နုိုင်ငံတကာ ဗုဒ္ဓဘာသာလေ့လာရေးဌာနမှ ဒါရိုက်တာ ပရော်ဖက်ဆာ ဒေါက်တာဣန္ဒာစာရနှင့် သိရီလင်္ကာနိုင်ငံ သမ္မတ၏အကြံး ဆရာတော် ဓမ္မသာမိတုို့ တက်ရောက်ကြသည်။ အစ္စလာမ်ဘာသာဝင်ကုိုယ်စားပြုအဖြစ် အစ္စလမ်စ် ယဉ်ကျေးမှုနှင့် ဆက်ဆံရေး အဖွဲ့မှ ဥက္ကဌ Dr. Abuzar Ibrahimi, Inter-Religious Dialouge Center မှ ညွှန်ကြားရေးမှု Dr. Ali Mohammd Helmi၊ တီဟီရန်တက္ကသုိုလ် ဝိဇ္ဖာနမှ ဥက္ကဌ Dr. Hassan Bolkhari၊ Academy of Sciences မှ အစ္စလာမ်းမစ် လေ့လာရေးဌာနမှ ဥက္ကဌ Ayatollah Professor Seyed Mostafa Mohaqeq Dmad၊ University of Religions and Religious Denominaitons မှ ဥက္ကဌ Hojjatoleslam Dr. Abulhassan Navab နှင့် အခြားသော အစ္စလာမ်ဘာသာခေါင်းဆောင်များ၊ အဖွဲ့ဝင်များ တက်ရောက်ခဲ့ကြသည်၊၊

အစည်းဝေးတွင် သီတဂူဆရာတော်ကြီးက မြတ်ဗုဒ္ဓ၏ ဒေသနာတော်၌ လာသော လူမှုရေး ပဋိပက္ခ၏ အကြောင်းအရင်းများကုို ဖြေရှင်းရန် နည်းလမ်းများ ဟူသော ခေါင်စဉ်ဖြင့် စာတမ်းဖတ်ကြား ဆွေးနွေးပြီး၊ ထုိုင်းဆရာတော်၊ သီဟုိုလ်ဆရာတော်များကလည်း အသီးသီးစာတမ်းများ ဖတ်ကြားဆွေးနွေးကြသည်၊၊ အစ္စလာမ်းမစ် တက္ကသုိုလ်အသီးသီးမှ ပရောက်ဖက်ဆာများ။ ဥက္ကဌများကလည်း စာတမ်းများ အသီးသီး ဖတ်ကြားဆွေးခဲ့ကြသည်၊၊ အစည်းဝေးကုို မွန်းတည့် ၁၂ နာရီတွင် ရပ်နားခဲ့သည်၊၊

မနက်ပုိုင်းအစည်းဝေးပြီးစီးချိန်မှစ၍ ထုိုင်းနိုင်ငံဆရတော်၊ သီဟုိုလ်ဆရာတော်တုို့က နောင်တွေဆုံးပွဲများ၌ သီတဂူဆရာတော်ကြီးကုို ဗုဒ္ဓဘာသာခေါင်းဆောင်အဖြစ် ဆွေးနွေးစေခဲ့သည်၊ သီတဂူဆရာတော်ကြီးတစ်ပါးတည်းကပဲ မည်သူနှင့်တွေ့တွေ့ အဓိက ဦးဆောင်ဆွေးနွေးခဲ့သည်။

ညနေ သုံးနာရီတွင် အီရန် သမ္မတ ဒေါက်တာ ရူဟနီ၏ အထူးအကြံပေး H.I Younesi နှင့် သီတဂူဆရာတော်ကြီး ဦးဆောင်သော ဗုဒ္ဓဘာသာအဖွဲ့တုို့ ဘာသာရေး၊ လူမှုရေး ဆုိုင်ရာများ အမြင်များကုို ဆွေးနွေးတုိုင်ပင်ကြသည်၊။ တစ်နေ့တာ နောက်ဆုံး အစီစဉ်ဖြင့် သီတဂူဆရာကြီးဦးဆောင်သော ဗုဒ္ဓဘာသာအဖွဲ့နှင့် အီမန် ခုိုမေနီ Relief Foundation ခေါင်းဆောင်နှင့် တွေ့ဆုံပြီး ဗုဒ္ဓဘာသာနှင့် အစ္စလာမ်တူညီမှုများကုို ချစ်ခင်ရင်းနှီးစွာ အမြင်ခြင်းဖလှယ်ဆွေးနွေးခဲ့ကြသည်။

ဒီဇင်ဘာ ၃၁ ရက်နေ့တွင် ဒုတိယနေ့ ဆွေးနွေးပွဲကုို ရှေ့ဟောင်းကွမ်းမြို့ရှိ ဘာသာရေးတက္ကသုိုလ်တွင် (University of Religions and Denominations) ဆက်လက်ကျင်းပခဲ့သည်။ ထုိုဆွေးနွေးပွဲတွင် ဗုဒ္ဓဘာသာအဖွဲ့မှ သံဃာတော်တုို့နှင့် တက္ကသုိုလ် ပါမောက္ခများ စာတမ်းများ ဖတ်ကြား ဆွေးနွေးကြသည်။ သီတဂူဆရာတော်က ဤဆွေးနွေးပွဲမှာ အစ္စလာမ်ဘာသာဝင် ပါမောက္ခတုို့၏ ဆွေးနွေးချက်များကုို နားထောင်ရသည့်အတွက် အလွန်ကျေးဇူးတင်ကြောင်း၊ လူသားတုို့အတွက် အမြဲမှန်ကန်သော သစ္စာတရားရှိသော်လည်း မသိနားမလည်သည့် အောက်ခြေလူထု အများအပြားပင်ရှိသေးသဖြင့် ယခု မိမိတုို့ ရောက်ရှိနေသော ဘာသာရေးတက္ကသုိုလ်ကဲ့သုို့ တစ်နေရာတည်း၌ ဘာသာပေါင်းစုံးကုို သင်ကြားသော ဘာသာရေးတက္ကသုိုလ်များ များများတည်ထောင်ဖုို့ အထူးပင်လုိုအပ်ကြောင်း၊ အခြေခံကျောင်းမှာ ဘာသာရေးဆုိုင်ရာ အသိပညာများ သင်ကြားပေးသင့်ကြောင့် တုိုက်တွန်းပြောကြားခဲ့သည်။

ဗုဒ္ဓဘာသာမှာ သီလ၊ သမာဓိ၊ ပညာတို့သည် လူတုိုင်းကျင့်ရမည့် ကျင့်စဉ်ဖြစ်ကြောင်း၊ ဤတရားများ လူသားတုို့၏သန္တာန်မှာ ကင်းမဲ့ပါက မဖြစ်သင့်သည် အရာများ ဖြစ်ပွားနုိုင်ကြောင်း၊ အထူးအားဖြင့် မြန်မာနုိုင်ငံမှာ ဗုဒ္ဓဘာသာဝင်နှင့် အစ္စလာမ်ဘာသာဝင်တုို့ အကြား ဖြစ်ပျက်ခဲ့သော ဖြစ်စဉ်တုို့သည် အောက်ခြေအဆင့် လူထုတုို့မှာ ဘာသာရေးသင်ကြားချက်များ ကင်းမဲ့၍ ဖြစ်ကြောင်း၊ မီဒီယာတုို့၏ ကျင့်ဝတ်နှင့် မညီသော ရေးသားဖော်ပြချက်ကလည်း ပဋိပက္ခကုို မီးလောင်ရာလေပင့်သကဲ့သုို့ ဖြစ်ခဲ့ကြောင်း ရှင်လင်းပြောကြားခဲ့သည်။

ဘာသာဝင်အချင်းချင်း ချစ်ကြည်ရင်းနှီးမှုပုိုမုို ရရှိစေရန်နှင့် တည်မြဲရန် မိမိတုို့ တက္ကသုိုလ်အနေဖြင့် ဆရာ၊ ကျောင်းသား အပြန်အလှန် ဖလှယ်ခြင်းကုို ဆောင်ရွက်ရန် ဆွေးနွေးခဲ့သည်။ အစ္စလာမ်ဘာသာရေးတက္ကသုိုလ်ဘက်ကလည်း မိမိတုို့မှာ ပါဠိဘာသာနှင့် ဗုဒ္ဓဘဘာသာသင်ကြားပေးမည့်သူ လုိုအပ်ကြောင်း မေတ္တာရပ်ခံရာ သီတဂူဆရာတော်က မိမိတက္ကသုိုလ်မှ ပါဠိဆရာ စေလွတ်ပေးနုိုင်သည်ဟု ပြန်ကြားခဲ့သည်၊ သီတဂူဆရာတော်ကြီးက ဤကဲ့သုို့သော ဆွေးနွေးပွဲသည် နှစ်ဖက်ဘာသာဝင်တုို့အကြား နားလည်မှု ပုိုမုိုရရှိစေရန် အရေးပါလှသဖြင့် နောက်နောင်တွင်လည်း မိမိတုို့ဘက်မှ ကျင်းပပါဦးမည်။ ထုိုအခါ လာရောက်နုိုင်ပါရန် ဖိတ်ကြားပါမည်ဟု ပြောကြားခဲ့သည်။

ဆွေးနွေးပွဲအပြီး၌ သီတဂူဆရာတော်ကြီးကုို အစ္စလမ်ဘာသာရေးခေါင်းဆောင်များ၊ တက္ကသုိုလ်ဆရာများက သူတုို့ရေးသားသော စာအုပ်များကုို လက်ဆောင်များပေးကြ၊ ဆရာတော်ကြီး ချစ်ခင်လေးစားကြောင်းပြသကြသည်ကုို မြင်ရ၊ တွေ့ရသည်မှာ အတော်ကြည်နူးစရာကောင်းသည်၊ အစ္စလာမ်တက္ကသုိုလ် ပါမောက္ခဆရာကြီး တစ်ယောက်က သူဘိက္ခုဝတ်ချင်ကြောင်း ရဟန်းဖြစ်လုိုကြောင်း သီတဂူဆရာတော်ြုကီးထံ ကပ်ပြောကြားသံကုိုလည်း ကြားလုိုက်ရသေးသည်။

အံ့သြစရာကောင်းသည်မှာ ထိုဘာသာရေးတက္ကသုိုလ်မှာ အစ္စလာမ်ပါမောက္ခဆရာကြီးတစ်ယောက်က မြတ်ဗုဒ္ဓ၏ ဣတိဝုတ္တက ပါဠိတော်ကြီးကုို အီရန် ပါရှန်းဘာသာလုို ပြန်ထားသည်၊ နောက်ဆရာကြီးတစ်ယောက်က အရိမေတ္တေယျ နောင်ပွင့်တော်မူမည့် ဘုရားအကြောင်း စာအုပ်ရေးသားထားသည်၊၊ ဆွေးနွေးပြီးသော်လည်း ထုိုအစ္စလာမ် ပါမောက္ခဆရာကြီးများက သီတဂူဆရာတော်ကြီးကုို ဗုဒ္ဓဘာသာအကြောင်း အကျဉ်းချုပ်ဟောပြောပုို့ချပေးပါရန် တောင်းဆုိုလာသဖြင့် သီတဂူဆရာတော်ကြီးက မြတ်ဗုဒ္ဓဒေသနာတော်၏ အနှစ်ဖြစ်တဲ့ သီလ၊ သမာဓိ၊ ပညာအကြောင်းကုို အကျဉ်းချုပ်ဟောပြောခဲ့သည်။

ဆွေးနွေးပွဲကုို ညနေ သုံးနာရီအချိန်တွင် အချက် ဆယ်ချက်ပါဝင်သော ပူးပေါင်းထုတ်ပြန်ချက်ကုို လက်မှတ်ရေးထုိုးခြင်းဖြင့် အောင်မြင်စွာ ပြီးဆုံးခဲ့သည်။

သဘောတူကြေငြာစာတမ်း ၁၂ ချက်မှာ----

၁။ ကမ္ဘာ၌ ဖြစ်ပေါ်နေသော ဆူပူသောင်းကြမ်းခြင်းနှင့် အစွန်းရောက်ခြင်းတုို့ကုို ဗုဒ္ဓဘာသာနှင့် အစ္စလာမ်ဘာသာတုို့ လက်တွဲကာကွယ်ရန်နှင့် ဘာသာတရား၂ခုတုို့ ငြိမ်းချမ်းစွာ အတူတကွ လက်တွဲနေထုိုင်ရန်။

၂။ ဘာသာရေးဂုိုဏ်းဂဏအားလုံး ဘာသာတရားအားလုံးတုို့၏ အဆုံးမများနှင့် ယုံကြည်မှုများကုို အပြန်အလှန် ရုိုသေလေးစားကြရန်။

၃။ ဘာသာရေးအဖွဲ့အစည်းတစ်ခုခု၏ အမည်၊ သုို့မဟုတ် ဘာသာတရားတစ်ခုခု၏ အမည်ကုိုအသုံးပြု၍ လွန်ကြူးသော မည်သည့်အစွန်းရောက်ခြင်း၊ ဆူပူသောင်းကြမ်းခြင်းမျိုးကုိုမဆုို ရှုတ်ချကန့်ကွက်ရန်။

၎။ မည်သည့်ဘာသာတရားနှင့် ဘာသာရေးအဖွဲ့အစည်း လူသားတုို့၏ဘဝကုို ခြိမ်းခြောက်လာသော မည်သည့်ခြိမ်းခြောက်ခြင်းမျုိုးကုိုမဆုို စုပေါင်းကာကွယ် ဖြေရှင်းပေးရန်။

၅။ ဘာသာတရား နှစ်ခု၏ ချစ်ခင်ရင်းနှီးမှု၊ ယုံကြည်ကုိုးကွယ်သူ အချင်းချင်း ချစ်ခင်ရင်းနှီမှု၊ ဘာသာရေးအဖွဲ့အစည်းတုို့၏ ချစ်ခင်ရင်းနှီမှုများကုို နှောက်ယှက်လာသော မည်သည့်ပြသနာမျိုးကုိုမဆုို ဘာသာနှစ်ခု ပူးပေါင်းဖြေရှင်းရန်

၆။ ဗုဒ္ဓဘာသာနှင့် အစ္စလာမ်ဘာသာဝင်များ အထူးသဖြင့် ဘာသာဝင်လူငယ်များကုို ဗုဒ္ဓဘာသာနှင့် အစ္စလာမ်ဘာသာရေး ခေါင်းဆောင်များက ပညာရေးနှင့် လူမှုရေးများ လက်တွဲဆောက်ရွက်ပေးဖုို့ ပြင်ဆင်ထားရန်။

၇။ ဗုဒ္ဓဘာသာ အစ္စလာမ်ဘာသာနှင့် ထုိုဘာသာဝင်များကုို ခြိမ်းခြောက်နေသည့်ပြဿနာများအတွက် ဘာသာတရား နှစ်ခုတုို့က လက်တွဲ အဖြေရှာကြရန်။

၈။ ဘာသာရေးနှင့် လူသားတုို့၏ ဘဝတန်ဖုိုးနှင့် ဂုဏ်သိက္ခာကုို ထိခုိုက်စေသော အပြုမူများကုို လက်တွဲကာကွယ်စောင့်ရှောက်ရန်။

၉။ လူငယ်များနှင့် အနာဂါတ်မျိုးဆက်သစ်များအတွက် ဘာသာရေးနှင့် ယဉ်ကျေးမှု ပညာရေး စီမံချက်များကုို လက်တွဲပြင်ဆင်ပေးရန်။

၁၀။ ဘာသာတရားအားလုံးတုို့နှင့် ပဋိပက္ခမရှိ ငြိမ်းချမ်းစွာ အတူယှဉ်တွဲနေထုိုင်သွားကြရန်။

၁၁။ ဗုဒ္ဓဘာသာနှင့် အစ္စလာမ်ဘာသာတုို့ အပြန်အလှန်ချစ်ကြည် ရင်းနှီးမှုနှင့် နားလည်မှု ပုိုမုိုကောင်းမွန်ရေးအတွက် ပညာရေး ဖလှယ်မှုများ ပြုလုပ်ရန်။

၁၂။ ဘာသာတရားနှစ်ခု အပြန်အလှန် ဆက်သွယ်ရေး၊ ပညာရေးနှင့် လူမှုရေးလုပ်ငန်းများ ပူတွဲဆောင်ရွက်ရေးတုို့ ပုိုမုိုရင်းနှီး နီးစပ်လာအောင် ဆောင်ရွက်ကြရန်။

မှတ်ချက်၊ မူရင်း Statement ထုတ်ပြန်ချက်မှာ အချက်အလက် ၁၀ ခုသာ ပါရှိသည်၊ သုို့သော် ရှည်လျားသော အပုိုင်းများကုို လွယ်ကူစွားနာလည်စေရန် သီးခြားခွဲထုတ် ဘာသာပြန်လုိုက်သဖြင့်၁၂ ဖြစ်သွားသည်။။ သီတဂူဆရာတော်ကြီး၏ မိန့်ခွန်းကုို သီတဂူဆရာတော်ကြီးကုိုယ်တုိုင် ဘာသာပြန်ထားသည်၊ သီးခြားဖော်ပြပါမည်။

အစည်းဝေးမှတ်တမ်းသူ
သီတဂူအရှင်ဥက္ကံသ၊ သီတဂူအရှင်ဝိသုတ

“သီတဂူစန်းလပမာ ချမ်းမြသာယာ ရှိကြပါစေ”
သီတဂူသာသနာပြုအဖွဲ့
www.thesitagu.org

ရွှင်လန်းချမ်းမြေ့ပါစေ

သီတဂူစတား

၃-၁-၂၀၁၄

Posted in: အစည်းအဝေးများ