အလှုရှင် ဂုဏ်ရည်

စာမိတ်ဆက်
ဒီပို့စ်လေး ရေးဖြစ်ဖို့ ၂၀၀၈ ခုနှစ်ကထဲက အစပြိုးခဲ့သည်။ အဒီအချိန် စာရေးသူလဲ စာတစောင် ပေတစောင်အဖြစ် ရေးလေ့ရေးထ မရှိခဲ့ ပေမဲ့ ကိုယ့်ရဲ့ မှတ်တမ်း (ဒိုင်ယာရီ) တွင်တော့ ရေးလေ့ရှိသည်၊ မှတ်တမ်းတင်လေ့ရှိသည်။ ၂၀၀၈ ခုနှစ်က သီတဂူဆရာတော်ကြီး အိန္ဒိယတက္ကသိုလ်ကြီးတခုခုတွင် ပညာသင်ဖို့ရန် စေလွတ်သည်။ ပူနေးတက္ကသိုလ်၊ ကာလကတ္တားတက္ကသိုလ်၊ ဘုံဘေ တက္ကသိုလ်နှင့် မဒ္ဒရစ် (ချန်နှိုင်း) တက္ကသိုလ် ၄ ခုတွင် တခုခုတက်ဖို့ရန် ညွှန်ကြားသည်။ သူငယ်ချင်းများက ပူနေးတက္ကသိုလ်တွင် တက်ခွင့်ရရန် ဆောင်ရွက်ပေးသဖြင့် ထိုတက္ကသိုလ်တက်ခွင့်ရသည်။ တက္ကသိုလ် အမ်အေတန်း ဒုတိတယနှစ် တက်ရင်း သီတဂူစတား အမည်ရှိ ဘလော့ဂ်တစ်ခု ဖန်တီးကာ စာ (ပို့စ်) များ စတင်ရေးဖြစ်ခဲ့သည်။ စာမရေးတတ် သက်ပုံသက်ညွှန်းမနိုင်နှင်းသော မိမိအဖို့ ပို့စ်တစ်ခု ဖြစ်ပေါ်လာဖို့ရာ အလွန်ခက်ခဲခဲ့သည်။ သို့သော် ရေးချင်တဲ့ ဆန္ဒလေးတစ်ခုတည်းနဲ့ ဘယ်သူတွေ ဘာပြောပြော၊ ဝေဖန်ချင်တာ ဝေဖန်ပါစေ့ ဆိုပြီး ဆုံးဖြတ်ချက်ချကာ ရေးဖြစ်ခဲ့သည်။ ဝေဖန်ပေါင်းများစွာလည်း ခံရဖူးသည်။ အခုချိန်အထိ ကိုယ့်ကိုယ်ကို ကျေနပ်လောက်အောင် မရေးနိုင်သေး။ ဘာပဲ ဖြစ်ဖြစ် ဖတ်ရင်း ရေးရင်း လေ့ကျင့်ရင်းဖြင့် အသိပညာ ဗဟုသုတမျာ ရလိုက်ခြင်းက ကိုယ့်အတွက် အမြတ်ပဲ၊ ကိုယ်အတွက် အခွင့်အရေးပဲ ဟူ၍ တွေးကာ ကျေနပ်ရတော့သည်။

အလှူရှင်ဂုဏ်ရည်
အလှူရှင်ဂုဏ်ရည် ပို့စ်တစ်ခု ရေးဖို့က အိန္ဒိယပညာတော်သင် မလာခင်လေးမှာပဲ နာဂစ်ဒဏ်ကြောင့် သေကြေပျက်စီး ဆုံးရှုံးသွားသော နေရာဒေသများဆီသို့ သွားရောက်ကြည့်ရှုပြီး ချက်ချင်း ကယ်ဆယ်ရေးတွေ ဆောင်ရွက်နေသော သီတဂူဆရာတော်ကြီး၏ အလှူတော်များကိုကြည့်ပြီး စိတ်ကူးထဲမှာ အလှူရှင်များ၏ ဂုဏ်ရည် ဆိုတဲ့ အတွေးတစ်ခု ၀င်ခဲ့ဖူးသည်၊ သို့သော် စာအဖြစ် မရေးဖြစ်ခဲ့။ ၂၃-၁၀-၂၀၁၀ နေ့က ဒုတိယအကြိမ် ထိုအတွေးတစ်ခု ၀င်လာပြန်သည်၊ တိုကျို ဂျပန်မှ မြန်မာ အလှူရှင်တဦးက သီတဂူဆရာတော်ကြီး၏ ဘာသာရေး လူမှုရေးတွေကို အမှန်တကယ် အားကြိုးမန်တက် ဆောင်ရွက်နေသည်ကို ယုံကြည်သဖြင့် ဆရာတော်ကြီးကို ကိုယ်တိုင် မဖူး မတွေ့ရသေးသော်လည်း ယုံကြည်မှုတစ်ခုတည်းနဲ့ အလွန်များပြားလှတဲ့ သိန်း ရာနှင့်ချီသော ငွေပမာဏကို စွန့်လွတ်နိုင်ခဲ့သည်။ ထိုနည်းတူစွာ ဆရာတော်ကြီးကျောင်းမှာ ရှိသည်ဖြစ်စေ မရှိသည်ဖြစ်စေ အနယ်နယ် အရပ်ရပ်မှ အလှူရှင်များသည် ဆေးရုံအလှူတော်၊ ရေ အလှူတော်၊ တက္ကသိုလ်များ အလှူတော်နှင့် အခြားလူမှုရေး အလှူတော်များကို မိမိတို့ ကိုယ်အား ဥာဏ်အား တို့ဖြင့် ရှာဖွေ စုဆောင်းထားသော စည်းစိမ်တို့ကို ကိုယ်တစ်ယောက်တည်း မစား မသုံးဘဲ သာသနာတော်အတွက် ရက်ရက်ရောရော စွန့်လွတ်နိုင်ကြသည်မှာ ယုံကြည်မှု သဒ္ဓါပင်ဖြစ်ပါသည်။

‘‘ ဒကာ ဒကာမတွေက တို့ကို အစုလိုက် အပြုံလိုက် ရက်ရက်ရောရော ပေးကမ်း လှူဒါန်းကြတယ်ဆိုတာ သာသနာတော်နှင့် သာသနာတော်ကြီးအတွက် အမှန်တကယ် အလုပ် လုပ်နေတာကို ယုံကြည်လို့ပဲ ဖြစ်ပါတယ်’’ ဟု သီတဂူဆရာတော်ကြီး မိန့်ဖူးသည်။ သဒ္ဓါ ဇာတော ဥပသင်္ကမိ- ထို ယုံကြည်ချက်ဖြင့် ငါ့ထံ ရောက်လာကြခြင်းဖြစ်တယ်။ ဒါ့ကြောင့် သာသနာပြုလုပ်ငန်း လုပ်တဲ့ကိစ္စမှာ စိတ်ဓာတ်မြင့်မားမှု (mind power) ရှိနေဖို့ဆိုတာ အလွန်အရေးကြီးပါတယ်။ ကိုယ်က သာသနာအတွက် အမှန်တကယ် အလုပ်လုပ်နေရင် ဒကာ ဒကာမ (အလှူရှင်တွေ)က နောက်က လိုက်လာဖို့ အဆင်သင့် ဖြစ်နေကြပါတယ်။ ကိုယ်က အမှန်တကယ် အလုပ် လုပ်နေဖို့ပဲ လိုပါတယ်။

ထို သဒ္ဓါတရားအလွန်ကောင်းသော အလှူရှင်များအကြောင်း တွေးရင်း ငယ်ငယ်က ဖတ်ဖူး လေ့လာခဲ့ဖူးတဲ့ စာပေထဲက စာပိုဒ်ကလေး အချို့ကို သတိရလိုက်မိပါတယ်။

ငယ်ငယ်ဘ၀ကလေ့လာခဲ့သော စာပေ
အမှန်ဝန်ခံရရင် စာရေးသူတို့ ၁၅ နှစ်သားအရွယ် သာမဏေကျော်စာမေးပွဲများ ၀င်စဉ်က ကိုယ်လေ့လာနေသော စာပေတွေကို နေ့စဉ်ဘ၀မှာ ဘယ်လို အသုံးချမလဲ (how to apply in our daily life) ဆိုတာ ကောင်းကောင်း မသိခဲ့ပါ။ မှန်၏ စာသင်တိုက်ကြီးက ပေးလိုက်သော သင်္ခန်းစာအားလုံးသည် သိုမှီးသိမ်းဆည်းထားဖို့ မဟုတ်၊ စာမေးပွဲ အောင်ရုံနှင့် ဘွဲ့ဒီဂရီများ ရဖို့ သက်သက်မဟုတ်၊ ထိုစာပေဖြင့် နေ့စဉ်ဘ၀ အသုံးချဖို့ပဲ ဖြစ်သည်။ သို့သော် ငယ်ရွယ်သော စာရေးသူမှာတော့ ထိုစာသင်တိုက်ကြီး၏ ရည်ရွယ်ချက်ကို မလိုက်နိုင်ခဲ့၊ အရွယ်ရလာတာနဲ့အမျှ ငယ်ငယ်က လေ့လာ ဆည်းပူးခဲ့သော စာပေတွေရဲ့ သဘောတရားတွေကို တဖြေးဖြေး နားလည်လာသည်၊ အသုံးချရကောင်းမှန်း သိလာသည်။ စာပေက အလှူရှင် ဂုဏ်ရည်နှင့်ပတ်သက်ပြီး ပြောထားတာလေးတွေရှိပါတယ်။

အင်္ဂါ (၃)ပါးနှင့်ပြည့်စုံသူကို သဒ္ဓါတရားရှိသော၊ သာသနာတော်၌ ကြည်ညိုသော အလှူရှင်မည်၏။
ထိုသုံးပါတို့ကား----
၁။ မိုင်ပေါင်း ဘယ်လောက် ဝေးဝေး ကိုယ်ကျင့်တရားရှိသော သီလ၀န္တ အရှင်မြတ်များကို သွားရောက် ဖူးမျှော်လိုသော ဆန္ဒရှိခြင်း။
၂။ သူတော်ကောင်းတရားတို့ကို နာယူလိုသော ဆန္ဒရှိခြင်းနှင့်
၃။ အလှူဒါန ပေးကမ်းစွန့်ကြဲခြင်းတို့၌ မွေ့လျော်ပျော်ပိုက်ခြင်း တို့ဖြစ်သည်။

ဒဿနကာမော သီလ၀တံ၊ သဒ္ဓမ္မံ သောတုမိစ္ဆတိ။
ဝိနယေ မစ္ဆေရမလံ၊ သဝေ သဒ္ဓေါ တိ ၀ုစ္စတိ။ (အံ-၁-တိဌာနသုတ်၊ နှာ ၁၄၉)

ထိုသုံးပါးဂုဏ်ရှိသူကို သဒ္ဓါတရားရှိသူ၊ သာသနာတော်၌ ကြည်ညိုသူ အလှူရှင်ဟူ၍ ဆိုအပ်၏။ ထိုလှူရှင် ဂုဏ်သုံးပုဒ်တွင် နံပါတ် ၃ အလှူဒါန၊ ပေးကမ်း၊ စွန့်ကြဲ၊ ဝေငှခြင်းတို့၌ မွေ့လျော်သူကို စာက အောက်ပါဂုဏ်ရည် တို့ဖြင့် ဖော်ညွှန်းထားသည်ကို တွေ့ရသည်။ ဒါန ဂုဏ်ရည်ဟူ၍လည်း ဆိုနိုင်ပါသည်။

ဒါနဂုဏ်ရည်များ
၁။ မုတ္တစာဂေါ ပယတပါဏိ-လွတ်လွတ်ကျွကျွတ် စွန့်ကြဲသည်ဖြစ်၍ ဆေးကြောအပ်ပြီးသော လက်ရှိသူ။
၂။ ဝေါဿဂ္ဂရတော- စွန့်လွတ်ခြင်း၌ ပျော်သည်၊ မွေ့လျော်ခြင်း။
၃။ ယာစယောဂေါ -တောင်းခံခြင်းငှါ သင့်သည်။
၎။ ဒါနသံဝိဘာဂရတော- ပေးလှူ ဝေဖန် ခန့်ခွဲ စီမံမှု၌ ပျော်ပိုက်သည်။
၅။ ၀ိဂတမလမစ္ဆေရ-ကင်းသော မစ္ဆေရ အညစ်ကြေးရှိသူ။

မုတ္တစာဂေါ ပယတပါဏိ- လွတ်လွတ်ကျွကျွတ် စွန့်ကြဲသည်ဖြစ်၍ ဆေးကြောအပ်ပြီးသော လက်ရှိသူ။ ၂၀-၁၀-၂၀၁၀ နေ့က ရွှေဥရာစုသစ်ရဲ့ မွေးနေ့ပွဲ အလှူတစ်ခု သီတဂူကမ္ဘာ့ဗုဒ္ဓတက္ကသိုလ် ရန်ကုန်မှာ ကျင်းပခဲ့သည်၊ ကျောင်းအမ ဒေါ်ရွှေဥက ထိုမွေးနေ့ပွဲ အထိမ်းအမှတ်အဖြစ် သီတဂူကမ္ဘာ့ဗုဒ္ဓတက္ကသိုလ် (ရန်ကုန်) မဟာသန္တိပါတ အစည်းဝေးခန်းမဆောင် အတွက် သိန်း ၅၀၀ ကျပ်လှူဒါန်းပွဲနှင့် ပင့်သံဃာ ၂၀ တို့အား တပါးလျှင် အမေရိကန် ဒေါ်လာ ၁၀၀ စီ လှူဒါန်းပွဲ ကျင်းပခဲ့သည်။ ထိုပွဲတွင် သီတဂူဆရာတော်ကြီးက ဒါန ဂုဏ်ရည်အကြောင်း ထည့်ပြောသွားရာဝယ် ပယတပါဏိ ပုဒ်နှင့် ဒါနသံဝိဘာဂ ရတော ပုဒ် ၂ ပုဒ်ကို ထည့် အသုံးချသွာတာ တွေ့လိုက်ရပါတယ်။ ငယ်ငယ်က လေ့လာထားခဲ့ဖူးပေမဲ့ ဤကဲ့သို့ အသုံးချရကောင်းမှန်း မိသိခဲ့။ ဆရာတော် အသုံးချပြီး ပြောသွားတာကို အလွန်ပဲ နှစ်ခြိုက်မိခဲ့ပါတယ်။

‘‘ လက်ဆိုတာ ယူခြင်း ပေးခြင်း စွန့်လွတ်ခြင်း မျှဝေခြင်း ကိစ္စရှိပါတယ်။ ယူခြင်းသည် လောဘ (attach or craving )နှင့် မစ္ဆရိယ- သိမ်းဆည်းထားခြင်း ဆုပ်ကိုင်ထား (keeping firmly) နှင့် ထိုလောဘ နှင့် မစ္ဆရိယကို စွန့်လွတ်ခြင်းဖြင့် ပေးကမ်းခြင်း မျှဝေခြင်း’’ ဟု ဆိုပါတယ်။ ထိုလောဘ၊ မစ္ဆရိယ စတဲ့ ကိလေသာ အညစ်ကြေးမှ ကင်းသော လက်ရှိသူ၊ ထို့ကြောင့် ပယတပါဏိ ဆိုတာ ထိုကိလေသာမှ လွတ်သော ဖြူစင် သန့်ရှင်းသော လက်ရှိသူ ဟု ဆိုလိုသည်။
အဋ္ဌကထာကတော့ ပယတပါဏီတိ ဓောတဟတ္ထော။ ဆိုလိုသည်မှာ သဒ္ဓါတရားမရှိသူ၏ လက်ကို အကြိမ်တရာ ဆေးကြောသော်လည်း မလိနဟတ္ထော- အညစ်ကြေးမစင် မသန့်စင်သော လက်ရှိသူ။ သဒ္ဓါတရားရှိသူ၏ လက်သည်ကား အလှူဒါန စွန့်လွန်ခြင်း၌ ပျော်ပိုက်နေသောကြောင့် ပကတိ လက်မှာ ချေး အညစ်ကြေး ပေနေသော်လည်း ဓောတ ဟတ္ထော- စင်ကြယ်သော လက်ရှိသူဟူ၍ ဆိုပါသည်။

တတိယအကြိမ် ရေးဖို့ အကြံဖြစ်ပေါ်လာခြင်းကတော့ ဒေါ်ရွေဥရဲ့ သိန်း ၅၀၀ ကျပ်အလှူ၊ ဒီပို့စ် ရေးနေစဉ်မှာပဲ ကနေဒါက မသင်းသင်းယုနှင့် သူငယ်ချင်းတစုကလည်း ဆရာတော်ကြီး၏ လူမှုကယ်ဆယ်ရေးတွေကို အားကျ ကြည်ညိုလွန်းလို့ ဟိုးးးးးးးတပြည်တရွာကနေ လာလှူလိုက်ကြသေးသည်။ ယုံကြည်မှု၏ စွမ်းအားပင် ဖြစ်ပါည်။

ဒါနသံဝိဘာဂရတော- ပေးလှူ ဝေဖန် ခန့်ခွဲ စီမံမှု၌ ပျော်ပိုက်သည်။ ဒါနဆိုတဲ့ပုဒ်ကို အများစုက ပေးလှူလို့ ဘာသာရေးနယ်ပယ်က စကားရပ်ဖြင့် ပြန်ဆိုကြပေလိမ့်မည်၊ သီတဂူဆရာတော်ကြီး၏ ဟောချက် ပြောချက်တို့သည် အဘယ့်ကြောင့် လူတွေရဲ့ နှလုံးသားထဲ၌ ထိထိမိမိ ရောက်စေနိုင်သနည်း ဆိုသော်-ဆရာတော်ကြီးသည် လူသားတို့ ဝေါဟာရ အသုံးအနှုန်းများဖြင့် တသားတည်းကျအောင် အသုံးပြုသောကြောင့် ဘ၀နှင့်တထပ်တည်းကျသည်ဟု ဆိုရပေမည်။ ထို့ကြောင့် ဒါန ကို ဝေငှခြင်းဟူ၍ ဘာသာပြန်ဆိုကာ ကျောင်းအမကြီး (အလှူရှင်) သည် မိမိကိုယ်တိုင် ကိုယ်အား ဥာဏ်အားတို့ဖြင့် ရှာဖွေစုဆောင်းထားသော စည်းစိမ်များကို ကိုယ်တည်းတယောက်တည်း မသုံးစွဲဘဲ သာသနာတော်အား ဝေငှပေးခြင်း၊ ခွဲဝေ သုံးစွဲခြင်းဖြစ်သည်။

ထို့ကြောင့် ဒါနသံဝိဘာဂရတော-ဝေငှခြင်း၊ ပေးလှူရာဝယ် ဝေဖန် ခန့်ခွဲ စီမံမှု၌ ပျော်ပိုက်သည်။ ဆိုလိုသည်မှာ မိမိရှာဖွေ၍ ရသော ပစ္စည်းများကို ဝေငှခြင်း၊ ပေးကမ်းခြင်းတို့၌ စီမံဆောင်ရွက်ခြင်းတို့၌ ပျော်မွေ့သူ၊ ပျော်ပျော်ကြီး အလှူဒါန ပြုသူဟူ၍ ဆိုနိုင်သည်။

ဝိဂတမလမစ္ဆေရ- ၀န်တိုခြင်းဟုသော အညစ်ကြေးမရှိ။ မိမိ ရှာဖွေ၍ ရသော ပစ္စည်း စည်းစိမ်များကို နှမျောတွန့်တိုခြင်းမရှိ၊ သိမ်းဆည်းထားခြင်းမရှိ၊ တပါးသူတို့အား ပေးကမ်းနိုင်ခြင်း၊ စွန့်လွတ်နိုင်ခြင်းဖြစ်သည်။ ထိုအလှူရှင်သည် ထို သိန်း ၅၀၀ ကျပ်ကို မိမိ တကိုယ်တည်း စားသုံးဖို့ပဲ သိမ်းဆည်းထားခြင်းမရှိ၊ တပ်မက်ခြင်းမရှိ၊ ၀န်တိုခြင်းမရှိဘဲ စွန့်လွတ်နိုင်ခဲ့သည်။

နိဂုံး
ဤသို့အားဖြင့် အလှူရှင်တို့သည် ပုဗ္ဗေကတပုည- ရှေးဘုန်းရှေးကံကြောင့် ပတိရူပ ဒေသလို့ခေါ်တဲ့ ဘုရား တရား ရဟန်းသံဃာ ရှိရာအရပ်သို့ ဖြစ်ခွင့်ရကြသည်။ ထို အရပ်ဒေသမှာ လူဖြစ်ခွင့်ရကြခြင်းကြောင့် သဒ္ဓမ္မသ၀န-သူတော်ကောင်းတရားများ နာကြားခွင့်ရ၍ အတ္တသမ္မာမဏိဓိ-မိမိစိတ်ကို ကောင်းစွာ ထိန်းနိုင်ခြင်း၊ ထားနိုင်ခြင်း။ ကောင်းစွာထားနိုင်ခြင်း ထိန်းနိုင်ခြင်းဟူသည် မိမိကိုယ်ကို သီလမရှိသည်ကို သီလရှိလာအောင်၊ သဒ္ဓါမရှိသော မိမိကိုယ်ကို သဒ္ဓါတရား ရှိလာအောင်၊ နှမျှောတွန့်တို ၀န်တိုခြင်း မစ္ဆရိယစိတ်ရှိသော မိမိကိုယ်ကို မစ္ဆရိယစိတ် မရှိအောင် ထားပေးနိုင်ခြင်းတို့ကြောင့် အတ္တသမ္မာမဏိဓိ ဂုဏ်ကို ရရှိကြသည်။ ဤသို့သော ဂုဏ်အပေါင်းတို့ကြောင့် သဒ္ဓါ စေတနာ ပစ္စည်းဝတ္ထု အလှူခံဟု အင်္ဂါ ၄ တန် ပြည့်စုံကြသဖြင့် အလှူဒါနပွဲများ ဆင်နွှဲနိုင်ကြသည်။ ဆိုခဲ့ပြီးသော ဂုဏ်ရည်အပေါင်းတို့နှင့် ပြည့်စုံသော အလှူရှင်တို့သည် မိမိပိုင် စည်းစိမ်များကို ပေးနိုင် ကမ်းနိုင် စွန့်နိုင်ကြပေတော့သတည်း။

မှတ်ချက်။ ။ ဤ အလှူရှင်ဂုဏ်ရည် အမည်ရှိသော ပို့စ်ဖြင့် နယ်နယ် အရပ်ရပ်မှ သီတဂူသာသနာပြုအလှူရှင်များနှင့် အခြားခြားသော အလှူရှင်များအား ဂုဏ်ပြုပါသည်။

ကျမ်းကိုးများ
(က) အဂုင်္တ္တရနိကာယ တိကနိပါတ ပါဠိတော်
(ခ) အဂုင်္တ္တရနိကာယ တိကနိပါတဋ္ဌကထာ
(ဂ) အဂုင်္တ္တရနိကာယ် တိကနိပါတ မြန်မာပြန်
(ဃ) မဇ္ဈိမပဏ္ဏာသ ပါဠိတော်
(င) သုတ္တနိပါတဋ္ဌကထာ
(စ) သီတဂူဆရာတော် သြ၀ါဒ

ရွှင်လန်းချမ်းမြေ့ပါစေ။
သီတဂူစတား
၂၈-၁၀-၂၀၁၀

Read more »

စာသင်နည်းများ

နိဒါန်း
ဒီပို့စ်လေးက ‘‘အရှင်ဘုရား ရဟန်းတော်တွေသည် B.A, M.A, Ph.D ဘွဲ့တွေ၊ ဓမ္မာစရိယစတဲ့ ဘွဲ့တွေ ရဘို့ရန် အသည်းအသန် ကြိုးစားနေကြပါတယ်ဘုရား။ အဲဒီဘွဲ့တွေကို ဘယ်ရည်ရွယ်ချက်နဲ့ ရဖို့ ကြိုးစားနေကြပါသလဲဘုရား။ ထိုဘွဲ့တွေကကော မဂ်ဖိုလ် နိဗ္ဗာန်ကို အထောက်အကူပြုပါသလားဘုရား’’ ဟုသော စာဖတ်ပရိသတ်တစ်ယောက်ရဲ့ သီတဂူစတားထံ ပေးစာဖြစ်ပါတယ်။ မေးထားတဲ့မေးခွန်းက အတော်ကြာသွားပါပြီ၊ စာရေးသူ ပူနေးတက္ကသိုလ် ကျောင်းတက်စဉ်က ကျောင်းတက်နေရသဖြင့် ထိုမေးခွန်းကို မဖြေမိလိုက်ဘဲ အခုမှပြန်တွေ့တာနဲ့ ရေးဖြစ်သွားခြင်းဖြစ်ပါတယ်။

စာပေမှာ စာသင်နည်း ၃ မျိုးပြထားပါတယ်။ ထို ၃မျိုးလုံးက လောကမှာ ဖြစ်တတ်တဲ့သဘာဝလေးတွေကို ပြထားသဖြင့် စိတ်ဝင်စားစရာ ကောင်းသလို မှတ်သားထားသင့်တဲ့ အချက်လေးတွေလည်းဖြစ်ပါတယ်။ စာသင်သားတိုင်းမှာ ကိုယ်ပိုင် ရည်ရွယ်ချက်လေးတွေ ရှိကြပါတယ်။ ထိုရည်ရွယ်ချက်ဖြင့် လိုချင်တဲ့ ပန်းတိုင်းဆီသို့ မရောက်ရောက်အောင် အားခဲကြခြင်းဖြစ်ပါသည်။ ထိုရည်ရွယ်ချက်မရှိဘဲ ပန်းတိုင်သို့ ရောက်ဖို့ရန် အလွန် နှေးကွေးပါလိမ့်မယ်။ ရည်ရွယ်ချက် (ဆန္ဒာဓိပတိ) ရှိမှ အလုပ်လုပ်လိုစိတ် ကြိုးစားချင်စိတ် ပိုမိုအားကောင်းပြီး ရည်ရွယ်ချက်ပန်းတိုင်သို့ ဖြောင့်ဖြူးစွာနှင့် အလျှင်အမြန်ရောက်နိုင်မှာ ဖြစ်ပါသည်။ တဦးနှင့်တဦး ရည်ရွယ်ချက်သည် တူညီကြလိမ့်မည်မဟုတ်၊ စရိတ်လက္ခဏာတွေ ကွဲပြားသည်အားလျှော်စွာ ရည်ရွယ်ချက်တွေလည်း ကွဲပြားသွားနိုင်ပါသည်။ သို့သော် စာပေက မည်သို့ ရည်ရွယ်ပြီး စာသင်သင့်သည်ကို ပြဆိုထားပါသည်။

စာသင်နည်း ၃ မျိုး
၁။ အလဂဒ္ဒူပမာ ပရိယတ္တိ
၂။ ဘဏ္ဍာဂါရိက ပရိယတ္တိ
၃။ နိဿရဏ ပရိယတ္တိ

၁။ အလဂဒ္ဒူပမာ ပရိယတ္တိ ဆိုသည်မှာ- စာပေသင်ခြင်း တရားနာခြင်းဖြင့် ဘုရားတရားတော်များကို တတ်မြောက် နားလည်သည်ရှိသော် ငါ့ကို လူတွေက ချီးကြူးဂုဏ်ပြုကြလိမ့်မည်၊ ပစ္စည်းဥစ္စာ ပူဇော်မှုကို လည်း ရလိမ့်မည် စသည်ဖြင့် မာန်မာနကို ဖြစ်စေ၊ လောဘ စသော အကုသိုလ်တို့ကို ဖြစ်စေသော စာသင်နည်းမျိုးဖြစ်သည်။ ဤသည်ကို မြွေဖမ်းမတတ်ခြင်းကြောင့် မြွေက မိမိကို ပြန်ပေါက်သတ်သလို မိမိ သင်ယူသော စာပေ၊ ပညာများက မိမိကို ပြန်နစ်နာစေသည်၊ ဆုံးရှုံးစေသည်။

ဆိုလိုသည်မှာ- ဘုရားတရား စကားတော်များကို ကြွားဝါလို၍ လာဘ်လာဘကို မျှော်ကိုး၍ သင်ယူခြင်း၊ သင်ယူထားသော စာပေဖြင့် သူတပါးကို ချိုးနှိမ်လို၍ စသော အတ္တုက္ကံသန- မိမိကိုယ်ကို ချီးမွမ်း (ကြွားဝါ)၊ ပရ၀မ္ဘန-သူတပါးကို ချိုးနှိမ်လို၍ သင်ယူခြင်းနှင့် တပါးသူ၏ ရန်ကို ကာကွယ်လိုခြင်းမျိုး စသည်တို့ကို စာပေက အလဂဒ္ဒူပမာ ပရိယတ္တိ-မြွေဖမ်းခြင်းနှင့် တူသော စာသင်နည်းဟု ဆိုသည်။ ဤစာသင်နည်းမျိုးကား အကျိုးလုံးဝမရှိ၊ အပါယ် ၄ပါး အစာသာ ဖြစ်သည်။ ဒုတိယ စာသင်နည်းက ဘဏ္ဍာဂါရိက ပရိယတ္တိ ဖြစ်သည်။

၂။ ဘဏ္ဍာဂါရိက ပရိယတ္တိ ဆိုသည်မှာ စကြာမင်း၏ ဘဏ္ဍာစိုးနှင့်တူသော ရဟန္တာပုဂ္ဂိုလ်များ၏ စာသင်နည်းမျိုးဖြစ်သည်။ ဘဏ္ဍာတိုက်စောင့် ဘဏ္ဍာစိုးပမာ စာပေပရိယတ္တိတွေကို မပျောက်ပျက်ရလေအောင် ထိန်းသိမ်းစောင့်ရှောက်သော စာသင်နည်းမျိုးဖြစ်သည်။ ကိုယ်ကျိုးမရှိ၊ မဂ် ဖိုလ် ကို တိုက်ရိုက် မရနိုင်သည့် နည်းဖြစ်သည်။ ဆိုလိုသည်ကား ကိုယ်ကျိုးကို စွန့်၍ သာသနာ အရှည် တည်တံ့ရေးကို ရည်ရွယ်၍ စာသင်နည်းမျိုးဖြစ်သည်၊ ယနေ့ မြန်မာနိုင်ငံရှိ စာသင်တိုက်ကြီးများ အချို့ကဲ့သို့ပင် ဖြစ်ပါသည်။ တတိယ စာသင်နည်းကတော့ နိဿရဏ ပရိယတ္တိ ဖြစ်သည်။

၃။ နိဿရဏ ပရိယတ္တိ ဆိုသည်မှာ ၀ဋ်ဆင်းရဲမှ လွတ်မြောက်ရေးကို ရှေးရှု၍ သင်ကြားခြင်းမျိုးကိုဆိုလိုသည်၊ အကျိုးရှိသော စာသင်နည်းဖြစ်၍ မဂ် ဖိုလ် နိဗ္ဗာန်ကို ရနိုင်သော စာသင်နည်းဖြစ်သည်။ ယနေ့ မြန်မာနိုင်ငံရှိ ပရိယတ္တိကို အခြေခံသော ၀ိပဿနာ ကမ္မဋ္ဌာန်းတိုက်များကဲ့ သို့ ဖြစ်ပါသည်။
နိဿရဏ ပရိယတ္တိ= နိဿရဏ- ၀ဋ်ဆင်းရဲမှ လွတ်မြောက်ခြင်းငှါ၊ ပရိယတ္တိ- သင်ယူခြင်း။ နိဿရဏ ပရိယတ္တိ ၀သေနာတိ အဒ္ဓါ ဣမံ ပရိယတ္တိံ နိဿာယ ၀ဋ္ဋဒုက္ခတော နိဿရိတုံ လဗ္ဘာတိ ဧ၀ံ နိဿရဏ ပရိယတ္တိဝသေန။ (သံ၊ဋီ၊၁၊၃၀၃)
‘‘ ငါသည် စာပေများကို တတ်မြောက်ပြီးပါက ထိုတရားတော်အတိုင်း သီလ သမာဓိ ၀ိပဿနာ ပညာများကို အစဉ်အတိုင်း ဖြည့်ကျင့်ကာ မဂ် ဖိုလ် နိဗ္ဗာန်ကို ရစေအံ့၊ မျက်မှောက် ပြုလတံ့’’ ဟု ရည်စူးကာ ပရိယတ္တိစာပေများကို သင်ယူခြင်းသည် အကျိုးရှိ၏ မဂ်ဖိုလ် နိဗ္ဗာန်ကို ရောက်စေနိုင်သော စာသင်နည်းဖြစ်၏။

ပေါဋ္ဌိလ မထေရ်ကြီးသည် စာပေကို ထုံလိုမွှေ ရေလိုနှောက်နိုင်သလို စာပေလောက၏ အထွဋ်အထိပ်သို့ရောက်အောင် တတ်မြောက်၏၊ သို့သော် မြတ်ဗုဒ္ဓက ထိုမထေရ်အား တုစ္ဆ တုစ္ဆ (အချီးနှည်း အချီးနှည်း) ဟူ၍သာ ရှုံ့ချသော လေသံဖြင့် ခေါ်၏။ (ဒေါသဖြင့် ခေါ်ဝေါ်ခြင်းမျိုးမဟုတ်၊ မဟာကရုဏာဖြင့် အကျိုးကို မျှော်ကိုး၍ ဤကဲ့သို့ခေါ်ခြင်းဖြစ်သည်)။ ထိုမထေရ်သည် ပရိယတ္တိ အထွဋ်အထိပ်သို့ ရောက်ပါသော်လည်း သူ သင်ကြား တတ်မြောက်ထားသည့်အတိုင်း မကျင့်ရသေး အားမထုတ်ရသေးသည့် အတွက် မြတ်ဗုဒ္ဓက ထိုကဲ့သို့ တုစ္ဆ တုစ္ဆ ဟုခေါ်သည်။ (တုစ္ဆ ဟူသည် empty ဘာမျှ မရှိဟုသော အဓိပ္ပါယ်ရှိ) ထို့ကြောင့် စာပေတတ်မြောက်ပြီး ရပ်မနေဘဲ နိဿရဏ ဖြစ်ဖို့ရန်အတွက် ဆက်လက် အားထုတ်ရပေတော့သတည်း။

စာပေသင်ကြားစဉ်
စာပေသင်ကြားစဉ်မှာလည်း ကိုယ့်သန္တာန်မှာ အလွန်မွန်မြတ်သော စိတ်ကို မွေးမြူးသင့်၏၊ ‘‘ ငါ စာပေ ပညာတွေ တတ်မြောက်ပြီးဖြစ်ပါက ငါတတ်သည့်ပညာဖြင့် အများအကျိုးအတွက် ဆောင်ရွက်မည်၊ အများသူငါ သတ္တ၀ါတွေ ကိုယ်စိတ် နှစ်ပါး ချမ်းသာအောင် ဆောင်ရွက်မည်။ ငါတတ်သော ပညာသည် ငါတစ်ယောက်စာအတွက် မဟုတ်ဘဲ အများအကျိုးအတွက် ဖြစ်စေရမည်ဟူသော ရည်ရွယ်ချက်များဖြင့် ပညာကို ဆည်းပူးသင့်၏။
ဤသို့အားဖြင့် စာပေ ပရိယတ္တိနှင့် အခြား စာပေ အတတ်ပညာများကို သင်ယူရာဝယ် ဘွဲ့ ဒီဂရီများ ရဘို့ သက်သက် မဟုတ်ဘဲ လွတ်မြောက်ရေးနှင့် အများအကျိုးအတွက်ကို ရှေးရှုသော စာပေသင်ကြားနည်းနှင့် ယောနိသော မနသိကာရ- ရည်ရွယ်ချက်ကောင်းဖြင့် ရအပ်သော ထို ဘွဲ့ ဒီဂရီများသည်လည်း အကျိုးရှိသဖြင့် (မဂ် ဖိုလ် နိဗ္ဗာန် ကို အကျိုးပြုသဖြင့်) ရသင့် ရထိုက်သော ဘွဲ့ ဒီဂရီများဟူ၍ ဆိုနိုင်ပါသည်။

ကျမ်းကိုးများ-
(က) ၀ိပဿနာ အခြေခံနှင့် အမေးအဖြေ (ဦးပဂျီငို)
(ခ) ပါဠိပဒ ပိဋက ကျမ်းညွှန်း
(ဂ) သရုပ်ပြ အဘိဓာန် (အရှင်သြဘာသာဘိသ၀ံသ)
(ဃ) မူလပဏ္ဏာသ အဋ္ဌကထာ
(င) ပါရာဇိကဏ် အဋ္ဌကထာ
(စ) ဓမ္မပဒအဋ္ဌကထာ

ရွှင်လန်းချမ်းမြေ့ပါစေ။

သီတဂူစတား
၂၆-၁၀-၂၀၁၀

Read more »

သီတဂူ မေတ္တာ ကရုဏာ အလှူတော်

သီတဂူဆရာတော်ကြီး ဦးဆောင်သော သီတဂူသာသနာပြု အဖွဲ့၏ ပဉ္စမအကြိမ်မြောက် သီတဂူ မေတ္တာ ကရုဏာ အလှူတော်ကို မန္တလေးဗဟို အကျဉ်းထောင်နှင့် ထုံးဘို ကျောက်ထုစခန်းတို့တွင် ၂၀၁၀ခုနှစ် အောက်တိုဘာလ(၁၆)ရက်နေ့ တွင် ကျင်းပ ပြုလုပ်ခဲ့ပါသည်။

ထိုလှူဒါန်းပွဲတွင် မန္တလေးအကျဉ်းထောင်တွင် အကျဉ်းသူ/သား(၄၈၅၃)ဦးနှင့် ထုံးဘိုကျောက်ထု စခန်းတို့တွင် ၀န်ထမ်းနှင့် အကျဉ်းသူ/သား (၂၇၄၁)ဦးတို့ကို နေ့လည်စာ ကြက်သား ဒန်ပေါက်နှင့် ညနေစာ ကြက်သားကြော် ထမင်းတို့ကို ကျွေးမွေးလှူဒါန်း နိုင်ခဲ့သလို အကျဉ်းသူ/သားများ အတွက် အခြားလိုအပ်သော စားစရာများ နှင့်အသုံးအဆောင် အမျိုးပေါင်း (၂၁)မျိူး တို့ကို အလှူငွေ (၈၉၄)သိန်းခန့် လှူဒါန်းနိုင်ခဲ့ ပါသည်။

ဆရာတော်ကြီးသည် အကျဉ်းထောင်အတွင်း ၀င်ရောက်ကာ အကျဉ်းသူ/သားများအား ကိုယ်တိုင်ကိုယ်ကျ ဝေငှလှူဒါန်းကာ မေတ္တာပို့ ဆုတောင်းပေးခဲ့ပါသည်။ ထို့နောက် ဆရာတော်ကြီးသည် ထောင်အတွင်းရှိ ဆေးရုံ၊စာသင်ကျောင်း၊ တရားစခန်းနှင့် သေဒဏ်ကျခံနေကြရသော အကျဉ်းသားများအဆောင်နှင့် အကျဉ်းသူ/သားများ၏ အလုပ်ရုံ တို့ကို လှည့်လည် ကြည်ရှု့ ခဲ့ပါသည်။

ထောင်တွင်းတရား
အားလုံး ကျွေးမွေး လှူဒါန်းပြီး သီတဂူ ဆရာတော်ကြီးသည် နေ့လည်(၁)နာရီ ခန့်တွင် ထောင်အတွင်း အလုပ်ရုံခန်းမ၌ ထောင်ဝန်းထမ်းများ၊ အကျဉ်းသူ/သားများနှင့် လိုက်ပါလာသော အလှူရှင်များတို့ကို ချမ်းသာစွာ အိပ်စက်နိုင်ပါစေ တရာတော်းဖြင့် တရားရေအေး အမြိုက်ဆေးကို တိုက်ကျွေးခဲ့ကာ လှူဒါန်းမှု့ အခန်းအနားကို ညနေ(၃)နာရီခန့် တွင်အောင်မြင်စွာ ကျင်းပပြီးစီးနိုင်ခဲ့လေသည်။
ထိုအလှူတော်ကို ကိုယ်တိုင်ကိုယ်ကျ လိုက်ပါခွင့်ရ၍ ပီတိဖြစ်ခံစား ရသကဲ့သို့ မလိုက်ပါနိုင်သော သူများလဲထပ်တူ ပီတိလေးတွေ ရရှိစေရန်အတွက် မျှဝေလိုက်ရပါသည်။
သီတဂူစန်းလပမာ ချမ်းမြသာယာရှိကြပါစေ။

အလှူတော်အတွက် သာဓုခေါ်ရင်း မျှဝေပေးသော မပန်းစပယ်အား အထူးကျေးဇူးတင်ပါသည်။

ရွှင်လန်းချမ်းမြေ့ပါစေ
သီတဂူစတား
၂၃-၁၀-၂၀၁၀

Read more »

ဘုန်းဘုန်းထံ ပေးစာ (၇)

ဤ စာလေးက ၂၀၁၀ခုနှစ် အောက်တိုဘာလ(၁၁)ရက်နေ့က သီတဂူဆရာတော်ကြီး ဖွင့်လှစ်ပေးသော
ဖျာပုံ မြိ်ု့နယ် ထိတန်ကျေးရွာ စာသင်ကျောင်းဖွင့်ပွဲ အခန်းအနား အကြောင်းဖြစ်ပါသည်၊ ဤကျောင်းဆောင်၏ ကုသိုလ်ရှင်လည်းဖြစ်သည့် ကျောင်းအမ ပေးပို့သော စာဖြစ်ပါသည်၊ စာဖတ်ပရိသတ် ကုသိုလ်ပွားရအောင် မျှဝေလိုက်ပါသည်။

ဘုန်းဘုန်းဘုရား
နေကောင်းပါလားဘုရား အမြဲတမ်းမေတ္တာပို့ နေပါတယ်ဘုရား ဒီတစ်ခါတော့ စာသင်ကျောင်း ဖွင့်ပွဲလေးအကြောင်း တပည့်တော် ပို့ပေးလိုက်ပါတယ်ဘုရား။
၂၀၀၈ ခုနှစ် မေလလဆန်းကတိုက်ခတ် ခဲ့သော နာဂစ်မုန်တိုင်းဒဏ်ကြောင့် ဧရာဝတီတိုင်း တစ်တိုင်းလုံးနီးပါး ပျက်စီးဆုံးရှုံးခဲ့ကြရလေသည်။ ထိုပျက်စီးဆုံးရှုံးမှု့ များစွာကို သီတဂူဆရာတော်ကြီး ဦးဆောင်သော သီတဂူသာသနာပြု အဖွဲ့ဝင်များက ကျပ်သိန်း ဘီလျံပေါင်းများစွာ အကုန်အကျခံကာ ပြုပြင်လှုဒါန်း နိုင်ခဲ့ကြပါသည်၊ ယခုအချိန်အထိလည်း ဘုရား ပုထိုး၊ ကျောင်းနှင့် စာသင်ကျောင်းများကို ဆောက်လုပ်ဆဲ ဖြစ်ပါတယ်ဘုရား။ ထိုပြုပြင် တည်ဆောက်ပေးမှု့ များစွာထဲတွင် တစ်ခု အပါအ၀င်ဖြစ်သော ဧရာဝတီတိုင်း ဖျာပုံခရိုင် ထိတန်ကျေးရွာ တွင်ရှိသော စာသင်ကျောင်းဆောင်ကို ဆောက်လုပ် လှူဒါန်းပေးနိုင်ခဲ့ပါသည်။ ထိုဆောက်လုပ် လှူဒါန်းပြီးသော စာသင်ကျောင်းဆောင် အသစ်ကို ၂၀၁၀ခုနှစ် အောက်တိုဘာလ(၁၁)ရက်နေ့က သီတဂူဆရာတော်ကြီး ကိုယ်တိုင် ဖွင့်လှစ်ပေးခဲ့ပါသည်။ လမ်းခရီး ကြမ်းတမ်းလွန်းလှပေမဲ့ ဆရာတော်ကြီးသည်ကိုယ်တိုင် ကြွရောက်ကြည့်ရှု့ပြီး ဖွင့်လှစ်ပေးခဲ့ကာ ကျေးရွာပြည်သူများ ဆရာ ဆရာမများ ကျောင်းသူ ကျောင်းသားလေးများနှင့် ပျော်ပျော်ပါးပါး တွေဆုံကာ ဆုံးမ သြ၀ါဒ မိန့်ကြားခဲ့ပါသည်။

သီတဂူဆရာတော် သြ၀ါဒ
ဆရာတော်ကြီးရဲ့ ဆုံးမသြ၀ါဒတွေကတော့ ဟိုးရှေးယခင် ကိုလိုနီ လက်ထက်တွေကထဲက ဘုန်းကြီးကျောင်း ပညာသင်ကြားရေး ဆိုတာရှိခဲ့ကြောင်း၊ မင်းညီမင်းသား သူဌေးသူကြွယ်တွေက အစ ကုန်သည် ပွဲစားတွေပါမကျန် ပညာသင်ကြားခဲ့ရကြောင်း၊ ဒါပေမဲ့ ပညာတွေ ဘယ်လောက်ဘဲတတ်တတ် အကျင့်စာရိတ္တ မကောင်းလျှင် ခြေတောက်ကျိုးတာနဲ့တူကြောင်း၊ ပညာဆိုတာမျက်စိ ဖြစ်ကြောင်း၊ မျက်စိကောင်းနေပေမဲ့ ခြေတောက်ကျိုး နေလျှင် ဘာမှလူ့လောကကြီးတွင် ဘာမှအသုံးမ၀င်ကြောင်း၊ ပညာမျက်လုံး ဘယ်လောက် ကောင်းကောင်း အကျင့် စာရိတ္တ ဟူသော ခြေတောက်ပြတ်နေလျှင် ပျက် နေလျှင် ဘယ်လမ်းကြောင်း ဘယ်လောက် ကောင်းကောင်း အသုံးမချနိုင်ကြောင်း၊ ကိုယ်ကျင့်တ၇ားသည် ဘ၀ရဲ့အရင်းအနှီး ဖြစ်ကြောင်း၊ ကုဋေပေါင်းများစွာ ချမ်းသာပေမဲ့ ပညာမတတ်ရင် နောက်ဆုံးသူတောင်းစား ဖြစ်သွားတဲ့ သာဓကအကြောင်း၊ ဆင်းရဲသားတစ်ယောက် ကြွက်သေ တစ်ကောင်အရင်းပြု ပြီးသန်းကြွယ်သူဌေး ဖြစ်ဘူးကြောင်းနှင့် တောသူတောင်သားတွေ ငွေကြေးအရင်းအနှီး မရှိပေမဲ့လဲ ကိုယ်ကျင့်တရားကောင်းခြင်းဟာ အရင်းအနီး ဖြစ်ကြောင်းဆိုတဲ့ အခုပညာသင်ကြားနေတဲ့ ကလေးတွေဟာနောင် နှစ်ပေါင်း(၃၀) လောက်ဆိုရင် တိုင်းပြည်ကို အုပ်ချုပ်ကြမှာ ဖြစ်တဲ့ အတွက် ဆရာ/မ များက ကလေးတွေကိုပညာ သင်ပေးရုံမက ကိုယ်ကျင့်တရားကောင်းအောင် ပေါင်းသင်းဆက်ဆံရေး ကောင်းအောင်ပါ သင်ပေးကြရန် တိုက်တွန်း မိန့်ကြားပြီး သီတဂူအဓိဌာန်နဲ့ ကျောင်းဖွင့်ပွဲ အခန်းအနားလေးကို ရုပ်သိမ်းလိုက်ကြပါသည်ဘုရား။
ကျောင်းလွတ် ပူဇော်ပွဲ

ကျောင်းအလှူရှင်
ဒီကျောင်းလေးရဲ့ အဖြစ်အပျက်ကလေး ကိုလဲ ဘုန်းဘုန်းကို လျှောက်ထားချင်ပါတယ်ဘုရား ဖျာပုံခရိုင် ထိတန်ရွာကျောင်းလေးက ပင်လယ်ပိုင်းနဲ့ နီးပြီး လမ်းပန်း ဆက်သွယ်ရေး အရမ်း ခက်ခဲသောကြောင့် ပျက်စီးနေသော ကျောင်းလေးကို လှူမယ်ဆိုပြီး လာလာကြည့်ကြပေမဲ့ တကယ်တန်းလာရောက် လှူဒါန်းမှု့ မရှိသောကြောင့် ပြုပြင်သူမဲ့နေတဲ့ကျောင်းလေးမှာ စာသင်ကြားရသော ဆရာ/မများနဲ့ ကလေးတွေ ရဲ့အခက်အခဲကို တာဝန်ယူ ဖြေရှင်းပေးမဲ့သူကတော့ ကွယ်လွန်သူ (ဦးတင်ကြူ+ဒေါ်ကျင်န) ကောင်းမှု့ အလို့ငှာ မောင်ဖြစ်သူ သီတဂူ ဦးမြင့်စိန်+ဒေါ်လှအေး(လှဆန်းယဉ်မိသားစု) ဘုန်းဘုန်းတို့ ဒါယကာကြီးက သူတာဝန်ယူ ဆောက်လှူမယ်လို့ ကတိပေးခဲ့တယ်လေဘုရား ဒါပေမဲ့ ကျေးရွာပြည်သူတွေက အရင်လူတွေလိုဘဲ ပြန်မပေါ်လာမှာ ကိုတော်တော်လေး စိုးရိမ်နေကြကြောင်းကို အဲဒီ့ကျောင်းဖွင့်ပွဲ့နေ့က သူတို့ပြောပြလို့ သိခဲ့ရတယ်လေဘုရား၊ ဒကာကြီးက ကျောင်းဆောက်ရန် အတွက်လိုအပ်တဲ့ ငွေကို သူတို့ လက်ထဲထဲ့ပေးလိုက်တော့ မှသူတို့မှာ စိတ်အေးချမ်းသာစွာနဲ့ ပျော်ရွင်သွားကြရတယ်ဆိုတဲ့ ပီတိ စကားသံလေးတွေ ကြားရတော့ တပည့်တော်ပါ တော်တော်လေးပီတိ ဖြစ်ရယ်လေဘု၇ား။ အဲဒီ့ ပီတိလေးကို တပည့်တော်က ကိုယ်တိုင် ခံစားခဲ့ရလို့ မျှဝေ ပေးလိုက်တာပါဘုရား။

သီတဂူစန်းလပမာ ချမ်းမြသာယာရှိပါစေဘုရား။
မပန်းစပယ် (လှဆန်းယဉ်)

ကျောင်းအမရေ- သတင်းကောင်းတွေ ပို့ပေးတဲ့အတွက် ကျေးဇူးတင်ပါသည်၊ ကုသိုလ်တွေအတွက်လည်း သာဓုခေါ်ပါသည်။

ရွှင်လန်းချမ်းမြေ့ပါစေ။
သီတဂူစတား
၁၉-၁၀-၂၀၁၀

Read more »

ကာမေသုမိစ္ဆာစာရ ဟူသည်

အရှင်ဘုရား-
တပည့်တော်က ဟားခါးမြို့ကပါဘုရား။ အရှင်ဘုရားရဲ့ဆိုက်ကို(သီတဂူစတား) အရင်တလော ကမှစတွေ့မိပါတယ်ဘုရား။ သီတဂူစတား ဆိုက်က အမေးအဖြေကဏ္ဍ မဟုတ်ပေမယ့် တပည့်တော်မသိ (မရှင်းတာ)လေး မေးချင်လို့ပါဘုရား။

ငါးပါးသီလထဲက ကာမေသုမိစ္ဆာရကံနဲ့ပတ်သက်လို့ မေး မလို့ပါဘုရား။ အခု နိုင်ငံခြားမှာ အလုပ်သွားလုပ်နေတဲ့သူတွေ ဟိုမှာ အိမ်ထောင်ရှိသူရော၊ မရှိသေးသူရော (အခြေအနေအရ သော်လည်းကောင်း၊ အခြားအကြောင်းကြောင့် သော်လည်းကောင်း) အတူနေကြတာတွေ ကြားနေရပါတယ်ဘုရား။ မြန်မာပြည်မှာလည်း အချို့ ဒီလိုအခြေအနေတွေရှိနေပါတယ်ဘုရား။
အဲဒီလိုနေတာ ကာမေသု- ကံထိုက်မထိုက်သိချင်ပါတယ်ဘုရား။ ပြီးတော့ အထက်ပါနဲ့အလား တူတဲ့ အခြေအနေဖြစ်တဲ့ (သမီးရည်းစားတွေ လက်မထပ်သေးခင်မှာ အတူနေမိခြင်း (နှစ်ဦးသဘောတူ) စတာတွေ)ဟာလည်း ယင်းကံထိုက် မထိုက် သိလိုပါတယ်ဘုရား။ နောက်ထပ် ထိုကံထိုက်နိုင်မည့် အခြေအနေများကိုလည်း စေ့စုံအောင် သိချင်ပါသေးတယ်ဘုရား။ ဒါကြောင့် နားနဲ့မနာ ဖ၀ါးနဲ့နာပြီးဖြေပေးတော်မူပါ အရှင်ဘုရား။ ( ဒါမျိုးကိစ္စ ဆိုတာက အရှင်ဘုရားတို့လို သံဃာတော်တွေကို မေးမှပဲ မှန်ကန်တဲ့ အဖြေရနိုင်မှာမို့ပါဘုရား။ အဲဒီကိစ္စနဲ့ ပတ်သက်ရင် တပည့်တော်တို့ သူငယ်ချင်းတွေ အချင်းချင်း အမြင်မတူ ( ငြင်းပွား)ရဆဲ ပါ။ အရှင်ဘုရား ရှေလျှောက် ဒီထက်မက သာသနာအကျိုး သယ်ပ်ိုးနိုင်ပါစေကြောင်း ဆုရည်လျှက်--
နောင်နောင် (ဟားခါး)

ဒကာလေးရေ-
ကာမေသု မိစ္ဆာစာရကံနှင့်ပတ်သက်ပြီး မေးခွန်းတွေ အဖြေတွေကို စာအုပ်များစွာတွင်ရော အင်တာနက်စာမျက်နှာအပေါ်မှာရော ရှာတွေ့နိုင်ပါသည်။ အဲဒီတော့ အင်တာနက်သုံးဆွဲနေသူတွေ အတွက်တော့ google search ကနေ ကာမေသု မိစ္ဆာစာရ မြန်မာလို စာလုံးရိုက်ပြီး ရှာလိုက်ရင် ထို ကာမေသု မိစ္ဆာစာရ ကံနှင့် ပတ်သက်ပြီး ရေးထားသော ဘလော့ဂ်များစွာနှင့် ၀က်ဘဆိုက်တို့ကို တွေ့ရပါလိမ့်မယ်။ ထို့ကြောင့် အကျယ်တ၀န့် မပြဆိုတော့ဘဲ အနဲအကျဉ်းမျှသာ ပြဆိုပေမည်။

ကာမေသု မိစ္ဆာစာရ
ကာမေသု- ကာမဂုဏ်တို့၌ မိစ္ဆာ-မှားယွင်းစွာ၊ ဖောက်ဖောက်ပြန်ပြန်၊ မလျော်မကန်၊ ပုံမှန်မဟုတ်သော နည်းဖြင့်။ စာရ- ပြုကျင့်ခြင်း၊ ကျူးလွန်ခြင်း။ ဆိုလိုသည်မှာ ကာမနှင့် ပတ်သက်၍ ကဲ့ရဲ့ ထိုက်စွာ မသင့် မတော်လွဲမှား ဖောက်ပြန် ယုတ်မာစွာ ကျင့်ခြင်းကိုဆိုလိုသည်။

ဋီကာကျော် (အဘိဓမ္မာ)တွင် မေထုန်ကို လွန်ကျူးခြင်းဟု ဆိုအပ်သော ကာမဂုဏ်တို့၌ မှားယွင်း၍ ကျင့်ခြင်းဟု ဆိုအပ်သော ယုတ်မာသောအကျင့်သည် ကာမေသုမိစ္ဆာစာရ မည်၏။ တနည်းကား- မေထုန်မှီဝဲသည်၏ အစွမ်းဖြင့် ကာယဒွါရ၌ ဖြစ်သော မသွားလာအပ်သော အရာကို ကျူးလွန်ကြောင်း ဖြစ်သော စေတနာသည် ကာမေသုမိစ္ဆာစာရကံ မည်၏ဟု ဆိုထား၏။
ဝိနည်းပိဋကတ်တော် ပါရာဇိကဏ် ပါဠိတော်လာ အမျိုးသားများအတွက် မသွားသင့်သော အမျိုသမီး၂၀ ရှိပါသည်၊ ထိုအမျိုးသမီးတို့မှာ အုပ်ထိမ်းသူများရှိကြသဖြင့် သွားလာမိပါက ကာမေသုမိစ္ဆာစာရ ကံထိုက်သည်ဟု ဆိုသည်။ အကျယ်ကို ထိုပါရာဇိကဏ် အဋ္ဌကထာ၊ ဋီကာတို့တွင်လည်း လေ့လာနိုင်ပါသည်။

ထို အမျိုးသမီး (၂၀)
၁။ မာတုရက္ခိတ= အမိအုပ်ထိန်းသော မိန်းမ။
၂ ။ ပိတုရက္ခိတ=အဘအုပ်ထိန်းသော မိန်းမ။
၃ ။ မာတာပိတု ရက္ခိတ= အမိအဘစုံ အုပ်ထိန်းသော မိန်းမ။
၎။ ဘာတု ရက္ခိတ= မောင်ကြီး မောင်ငယ် အုပ်ထိန်းသော မိန်းမ။
၅ ။ ဘဂိနိ ရက္ခိတ= အမကြီး အမငယ် အုပ်ထိန်းသော မိန်းမ။
၆။ ဥာတိ ရက္ခိတ= ဆွေမျိုးတို့ အုပ်ထိန်းသော မိန်းမ။
၇ ။ ဂေါတ္တ ရက္ခိတ= အမျိုးအနွယ်တို့ အုပ်ထိန်းသော မိန်းမ။
၈။ ဓမ္မ ရက္ခိတ= သီတင်းသုံးဖော်တို့ အုပ်ထိန်းသော မိန်းမ။

မှတ်ချက်။ ။ အထက် ဖေါ်ပြခဲ့သော မိန်းမ(၈)ဦးတို့ကို ကျူးလွန်လျှင် ယောက်ျားတွေမှာသာ ကံထိုက်၏ အမျိုးသမီးများကား ကံမထိုက်ဟု ဆို၏။ ထိုအမျိုးသမီးများမှာ မိမိတို့၏ ကာမဂုဏ်အတွေ့ကို ပိုင်ဆိုင်သူမရှိ၊ မိမိတို့ကပင် ပိုင်ဆိုင်သောကြောင့် ယောက်ျားနှင့် သွားလာ ဆက်ဆံသော်လည်း ကာမေသုမိစ္ဆာစာရကံ မထိုက်ဟု ဆို၏။

၉။ သာရက္ခာ= ထိန်းမြား (တစ်နည်း)လက်ထပ်ပြီးသူ၊ ထိမ်းမြားကြောင်းလမ်းပြီးသူ၊ လင် အုပ်ထိန်းသောမိန်းမ။ ၀မ်းတွင်းကပင် စောင့်ရှောက်ထားသော မိန်းမ၊ ဆိုလိုသည်မှာ- အမိဝမ်းတွင်းကပင် ဖွားမြင်လာလျှင် မယားအဖြစ် လက်ထပ်ယူရန် တောင်းရမ်းသက်မှတ်ထားသော မိန်းမ။
၁၀ ။ သပရိဒဏ္ဍာ= ဘုရင်ကောက်ယူရန် သတ်မှတ်ထားလျက် ဒဏ်ထားပြီးလျင် အုပ်ထိန်းသော မိန်းမ။ အာဏာပိုင်မင်းတို့က ကိုယ်တိုင် သိမ်းပိုက်ရန် ရည်ရွယ်ထားသဖြင့်‘‘ ဤ မိန်းမကို သွားလာ ကျူးလွန်လျှင် အပြစ်ဒဏ်သင့်စေ’’ဟု သက်မှတ်ထားသော မိန်းမ။
၁၁ ။ ဓနက္ကီတာ= ဥစ္စာဖြင့် ၀ယ်ယူထားလျက် မယားအဖြစ် အုပ်ထိန်းထားသော မိန်းမ။
၁၂ ။ ဆန္ဒ၀ါသိနီ= သဘောတူ အလိုတူ ညားနေသော ပေါင်းသင်းနေသော မိန်းမ၊ (နှစ်ဦးသဘောတူ)။ မိန်းကလေးနှင့် ယောက်ျားလေး နှစ်ဦးသဘောတူ ခိုးယူထွက်ပြေးရာ၌ မိန်းကလေးသည် ဆန္ဒ၀ါသိနီ မယားဖြစ်၏။
၁၃။ ဘောဂ၀ါသိနီ= စည်းစိမ်ကိုပေး၍ ပေါင်းသင်းနေသော မိန်းမ။ ယောက်ျားထံမှ ပစ္စည်းဥစ္စာများရ၍ မယားအဖြစ် သွားရောက်နေထိုင်သော မိန်းမ။
၁၄။ ပဋ၀ါသိနီ= ပုဆိုးပေး၍ (ပုဆိုးတန်းတင်) ပြု၍ ပေါင်းသင်းနေသော မိန်းမ။ ၀တ်ရုံလောက်ကာမျှသော အ၀တ်ထမီကို ရ၍ မယားအဖြစ် ခံယူသော မိန်းမ။
၁၅။ သြဒပတ္တကိနီ= ရေခွက်၌ လက်ဆုံချ၍ မိဘက ထိမ်းမြားပေးစားထားသော မိန်းမ။
၁၆ ။ သြဘဋ စုမ္ဗဋာ= ခေါင်းခုကို ချ၍ လင်မယားအဖြစ်နေသော မိန်းမ။ ထင်ခွေ ရေခပ်ခြင်းအမှုကို ပြုလုပ်နေသော မိန်းမကို မယားအဖြစ် သိမ်းပိုက်လို၍ ‘‘ သင် ဤနေ့မှစ၍ ထင်းခွေ ရေခပ်ခြင်းအမှုကို မပြုနဲ့တော့’’ဟု ပြောဆိုကာ သိမ်းပိုက်ထားသော မယား။
၁၇ ။ ဒါသီစ ဘရိယာ စ= ကျွန်လည်းဖြစ် မယားလည်း ဖြစ်သော မိန်းမ။
၁၈ ။ ကမ္မကာရီ စ ဘရိယာ စ= အမှုလုပ်ကို လုပ်စေ မယားအဖြစ်ကိုလည်း ပြုထားသော မိန်းမ။
၁၉ ။ ဓဇာ ဟဋာ= စစ်မြေပြင်မှ ဆောင်ယူခဲ့သော သုံးပန်းအဖြစ်ရခဲ့သော မိန်းမ။
၂၀ ။ မုဟုတ္တိကာ= ခေတ္တမျှပေါင်းရန် ငှားယူထားသော ခေတ္တမယားပြုထားသော မိန်းမ။ ပြည်တံဆာ ကဲ့သို့သော မယား။

မှတ်ချက်။ ။ အမှတ်(၉)မှ(၂၀)ထိသော မိန်းမ(၁၂)ယောက်အနက် တစ်ယောက်ယောက်ကို လွန်ကျူးလျှင် လင်ရှိ မယားများဖြစ်၍ သို့မဟုတ် ကာမပိုင် ရှိနေ၍ ယောက်ျားရော မိန်းမပါ ကာမေသု မိစ္ဆာစာရကံထိုက်၏။
စာက ဆိုပါသေးသည်၊ မိမိရဲ့ မယား မိမိ၏ကာမပိုင်ပင် ဖြစ်လင့်ကစား ပုံမှန် ဖြစ်ရိုးဖြစ်စဉ် မဟုတ်ဘဲ မလျော်မကန် ဖောက်ပြန်သော နည်းလမ်းများဖြင့် ပြုကျင့်ပါက ကာမေသု မိစ္ဆာစာရကံထိုက်ပါသေးသည်ဟူ၍လည်း ဆိုထား၏။

အုပ်ထိန်းရာသော မိန်းမ ၂၁
မနုကျယ် ဓမ္မသတ်ကျမ်း ဆဋ္ဌမတွဲ ပုဒ်မ ၂၈ တွင်၊ အထက်ဖေါ်ပြပါ ၁ မှ ၈ အထိ ကဲ့သို့သော အစောင့်ရှောက်ခံ မိန်းမ ၂၁ ယောက်အနက် တဦးတယောက်သော မိန်းမကပင် မိမိ၏ ကာမကို သဘောတူပေါင်းသင်းရန် ပေးသော်လည်း အုပ်ထိန်းသူတို့၏ ခွင့်ပြုချက်မရဘဲ ပေါင်းသင်း ဆက်ဆံကျူးလွန်သော ယောက်ျားအား ကြီးလေးသော အပြစ်ဒဏ်ကို ပေးရမည်ဟု ဆိုထား၏။
ထို ၂၁ ယောက်ထဲတွင် အသက်ကြီးသော မိန်းမ၊ ကိုယ်ဝန်ရှိသော မိန်းမ၊ အရွယ်မရောက်သေးသော မိန်းမ၊ ခရီးဝေးက လာသော မိန်းမ၊ ဘဒွေး၊ မိထွေး၊ အရီး၊ ဦးလေး၊ ဦးကြီး၊ အဖိုး၊ အဖွား စောင့်ရှောက်သော မိန်းမများ စသဖြင့် ပါဝင်သည်။

ကာမေသုမိစ္ဆာစာရကံ အထမြောက်ရန်မှာ-
၁။ အဂမနိယ ၀တ္ထု ၂၀ တွင် ပါဝင်ခြင်း၊ ဆိုလိုသည်မှာ အထက်ဖေါ်ပြခဲ့သော မသွားသင့်သော အမျိုးသမီး ၂၀ တွင် ပါဝင်ခြင်း။
၂။ကျင့်ပြု၊ မှီဝဲလိုစိတ် ရှိခြင်း။ (ဆိုလိုသည်မှာ စိတ်ဆန္ဒမပါဘဲ သူတပါးလုလ္လပယောဂ (အတင်း အဓမ္မပြုခိုင်းခြင်း) ကြောင့် ကံမမြောက်)။
၃။ နည်းအမျိုးမျိုးနှင့် မှီဝဲရန် လုလ္လပြုခြင်း၊ ပြုကျင့်ခြင်း။
၎။ ပြုကျင့်ခြင်းကို သာယာမိခြင်း။ (ဆိုလိုသည်မှာ- သူတပါးအတင်းအကျပ်ခိုင်းခြင်းကြောင့် အနာဂါမ် ရဟန္တာများ ကျူးလွန်မိခြင်းတို့သည် ကံမမြောက်။ အနာဂါမ် ရဟန္တာတို့သည် ကာမဂုဏ်တို့၌ သာယာသော စိတ်မရှိ၊ သာမန် ပုထုဇဉ်တွေသော်မှလည်း ထိုပြုကျင့်မှု၌ သာယာမှု မရှိပါက ကံမမြောက်)။

မှတ်ချက်။ ။ ထိုကာမေသုမိစ္ဆာစာရကံသည် သီလစသော ဂုဏ်မရှိသူကို ကျူးလွန်မိလျှင် အပြစ်နဲ၏၊ သီလစသော ဂုဏ်ကြီးမြတ်သူကို ကျူးလွန်မိလျှင် အပြစ်ကြီး။ အလှပိုင်ရှင် ဥပ္ပလ၀ဏ်ထေရီမကဲ့သို့ ရဟန္တာမကို ကျူးလွန်မိသော နန္ဒလုလင်သည် ထိုကျူးလွန်မိရာ နေရာမှာပင် မြေကြီးက မျိုချပြီး ငရဲဘုံမှာ ခံစားရပြီး၊ တိရိစ္ဆာန် ၃ ဘ၀ဖြစ်၍ သင်းကွပ်ခံရခြင်း၊ ထိုမှ လွတ်လျှင် ကျွန်မ၀မ်းဗိုက်၌ နပုံးပဏ္ဍုက်ဖြစ်ရခြင်းအပြင် နောက်ဆုံးကျွတ်တန်းဝင်မည့် ဘ၀မှာပင် မိန်းမဘ၀ဖြင့် ကျွတ်တမ်းဝင်ရရှာလေသည်။ (ထေရီ၊၄၂၅-၄၂၈၊ ထေရီ၊ဋ္ဌ။၂၆၇၊၂၇၇)

နိဂုံး
ဒကာလေးရေ--
ဒကာလေး သိချင်တဲ့ အကြောင်း၊ ဒကာလေးရဲ့ အမေး၊ ဒကာလေးတို့ အငြင်းအပွားတွေကို ဘုန်းဘုန်း ပြဆိုခဲ့သော အမျိုးသမီး ၂၀ တွင် ဘယ်အချက် ဘယ်နံပါတ်နဲ့ ငြိနေသလဲ ဆိုတာ တိုင်းတာကြည့်ပါ။ ထိုအချက် ၂၀ ကို ပေတံအဖြစ် အသုံးပြုကာ ကိုယ့်ရဲ့ ပြဿနာကို ဖြေကြည့်ပါ။ အများကြီးမရေးတော့ပါဘူး၊ ဤမျှလောက်ဖြင့် ကျေနပ်စေလိုပါသည်။ အကျယ်တ၀န်း သိချင်သေးတယ်ဆိုပါက စာအုပ်တွေမှာ ရှာဖတ်ပါလို့ပဲ တိုက်တွန်းပါတယ်။ ဒါမှ မဟုတ် အင်တာနက်စာမျက်နှာမှ ရှာဖတ်ပါ။ အဆင်ပြေပါလိမ့်မယ်။

ရွှင်လန်းချမ်းမြေ့ပါစေ။
သီတဂူစတား
၁၆-၁၀-၂၀၁၀

Read more »

ရှက်မိခြင်း

အချည်းနှီး မဖြစ်ရလေအောင်
တနေ့က တက္ကသိုလ် အသျှင်သီရိ၏ ရဟန်းမြတ် စာအုပ်လေးဖတ်ပြီး ကိုယ့်ဘ၀ကို ပြန်သုံးသပ်မိသောအခါ ရှက်စိတ်ဝင်လာမိသည်၊ ရှက်စိတ်ထက် စိတ်ထဲမှာ လေးလံနေမိသည်။ ဒကာ ဒကာမတွေ လှူလိုက်တဲ့ ဆွမ်း (အစားအစာ)၊ သင်္ကန်း (အ၀တ်)၊ ကျောင်း (နေစရာ) နှင့် ဆေး (ကျန်းမာရေး) တွေကို အလှူခံပြီး ကိုယ့်ဘ၀က ကြီးပြင်းလာခဲ့ရသည်။ အပေးမရှိ အယူပဲ ဖြစ်၍ ဤကဲ့သို့ တွေးမိသည်။ တကယ်တော့ မိမိတို့ ပေးနိုင်သည်ကား ကောင်းကောင်းနေခြင်း၊ ဓမ္မအာဟာရများ ပေးခြင်းနှင့် မေတ္တာပွားများပေးခြင်းမျှသာ ဖြစ်သည်၊ ဘုရားကလဲ ပြောပါတယ်၊ တိုင်းပြည် လူမျိုးက လှူအပ်သော ဆွမ်းစသည်ကို မေတ္တာ မပွားများဘဲ သုံးဆောင်မိပါက တိုင်းပြည် လူမျိုးအတွက် အချည်းနှီးမျှသာ ဖြစ်သည်တဲ့၊ ဆိုလိုသည်မှာ တိုင်းပြည်နှင့် လူမျိုးအတွက် အကျိူးမများဘူး၍ပင်။

မိမိ အသက် ၁၅ နှစ်အရွယ်က သင်ခဲ့ဖူးသော အင်္ဂုတ္တရနိကာယ် ဧကနိပါတ် အစ္ဆရာသင်္ဃာတ၀ဂ္ဂ မှာ လာရှိတဲ့ စာပိုဒ်လေး တခုက ခေါင်းထဲဝင်လာသည်။ ထိုစာပိုဒ်ကလေးက-
အစ္ဆရာသင်္ဃာတမတ္တမ္ပိ မေတ္တာစိတ္တံ အာသေ၀တိ၊ အယံ ၀ုစ္စတိ ဘိက္ခဝေ ဘိက္ခု အရိတ္တဇ္ဈာနော ၀ိဟရတိ သတ္ထုသာသနကရော သြ၀ါဒပတိကရော အမောဃံ ရဋ္ဌပိဏ္ဍံ ဘုဉ္ဖတိ။

လက်ဖျစ်တတွတ်လေးမျှ မေတ္တာစိတ် ပွားများပြီး သုံးဆောင်ပါက ဘုရားအဆုံးအမကို လိုက်နာရာ ရောက်၏၊ မြတ်ဗုဒ္ဓသာသနာကိုလဲ ပြုရာရောက်၏၊ တိုင်းပြည်နှင့်လူမျိုးအတွက် အချည်းနှီးမဖြစ်ဟု စာက ဆိုထား၏၊ သို့သော် နေ့စဉ် ပုံမှန် မေတ္တာပို့ငြားသော်လည်း မဟာမိတ္တမထေရ်၏ အလှူရှင်အပေါ်ထားသည့် စိတ်ဓာတ်ကို ကြည်ညိုမိပြီး ကိုယ့်ကိုယ်ကို အားမလို အားမရဖြစ်ကာ ရှက်မိသည်။ ဒါပေမဲ့ မဟာမိတ္တ မထရ်ကဲ့သို့ အလှူရှင်များအတွက် ရဟန်းကိစ္စ မပြီးသေးနိုင်ပေမဲ့ အကြွေးမတင်အောင် (ဣဏပရိဘောဂ) တိုင်းပြည်အတွက် အချည်းနှီး မဖြစ်အောင် (အမောဃံ ရဋ္ဌပိဏ္ဍံ)၊ ဘုရားစကားလိုက်နာရာ ရောက်အောင် (သြ၀ါဒပတိကရော) အနည်းဆုံး မေတ္တာစိတ်ကလေးတော့ ပွားများနိုင်ပါသေးသည်ဟု ဖြေသိမ့်ရပါတော့သည်။

အချို့သော ဒကာ ဒကာမတွေမှာ သူတို့အတွက် စားစရာမရှိပေမဲ့ ရဟန်းတော်တို့အား မွန်မြတ်သော အစားအစာ လှူနိုင်ခဲ့သည်။ နေစရာ ကောင်းကောင်း မနေဘဲ ကျောင်းဆောင်ကြီးများ ဟီးနေအောင် ဆောက်ပြီးလှူဒါန်းနိုင်ခဲ့သည်၊ ၀တ်စရာ နွှမ်းပါးပေမဲ့ ရဟန်းတော်တို့အား အမြတ်တနိုး ကောင်းသော အထည်များကို လှူနိုင်သည်။
မဟာမိတ္တ အမည်ရှိ ရဟန်းတပါး၏ အလှူရှင်များ အပေါ် ထားရှိသည့် သဘောထားများကို ဖတ်လိုက်ရပြီး ထို ဒကာ ဒကာမတို့ လှူလိုက်သော ပစ္စည်း လေးပါးဖြင့် ကြီးပြင်းလာခဲ့ရခြင်းကို တွေးမိကာ မိမိလိုပဲ မိမိနှင့်ဘ၀တူတွေလည်း ရှက်စိတ်လေးများ ၀င်လာမိမှာ အမှန်ပင် ဖြစ်သည်။

မဟာမိတ္တ ၀တ္ထု
တခါက သီဟိုဠ်ကျွန်းမှာ မဟာမိတ္တအမည်ရှိ ရဟန်းတပါးသည် ကဿက လိုဏ်ဂူ၌ သီတင်းသုံးကာ ရဟန်းတရား အားထုတ်၍ နေလေ့ရှိသည်။ သူသည် နေ့စဉ်နှင့်အမျှ ထို လိုဏ်ဂူအနီးအနားရှိ ဆင်းရဲသား မိသားစုအိမ်သို့ ဆွမ်းခံကြွလေ့ရှိသည်။ ထိုမိသားစုမှာလည်း အမေနှင့် သမီး သားအမိ ၂ ယောက်သာရှိသည်။
တနေ့သ၌ မိခင်ကြီးသည် တောထဲသို့ မသွားမီ သမီးအား မှာကြားခဲ့သည်၊ ‘‘ သမီးရေ--သမီး အကိုကြီး ဆွမ်းခံကြွလာရင် ထမင်းချက်ပြီး နို့၊ ထောပတ်၊ တင်းလဲ တို့ကို လောင်းလှူလိုက်ပါ၊ သမီးလည်း စားပေ့ါ’’
ကိုယ့်လည်မှ ထွက်သော ဆန်စပါးများကို ကိုယ်ကိုတိုင် ဖွတ်ထောင်းပြီး ထားခဲ့သော နေရာကို သမီးအား ပြပြီး အထွက်တွင် ‘‘မေမေကော ဘာစားပြီးပြီလဲ’’ ဟု သမီးက မေးရာ မေမေတော့ မနေ့က ကျန်တဲ့ ထမင်ကြမ်းခဲကို ထမင်းရည်နဲ့ စမ်းပြီး စားလိုက်ပြီ သမီး။ ဒါဆို နေ့လည်စာအတွက်ကော မေမေ? နေ့လည်စာအတွက်တော့ ဆန်ကွဲလေးကို ပြုတ်ပြီး ဟင်းရွက်ကလေးခပ်လိုက်ရင် ဒို့သားအမိ နှစ်ယောက်စာအတွက် လုံလောက်ပြီပေါ့’’

ကိုယ့်ကိုယ်ကို ဆုံးမ
မဟာမိတ္တမထေရ်သည် ဆွမ်းခံရန်အတွက် သပိတ် သင်္ကန်းတို့ကို ပြင်ဆင်နေစဉ် ဒိဗ္ဗသောတ အဘိဥာဉ်ဖြင့် သားအမိ နှစ်ယောက် ပြောသမျှ စကားအားလုံးကို ကြားသိရသဖြင့် သတိသံဝေရကာ သူ့ကိုယ်သူ ဆုံးမသည်မှာ ‘‘ မောင် မိတ္တ-- မင်း ကြားရဲ့လား၊ သူတို့ခမျာ ထမင်းရည်၊ ထမင်းကြမ်း၊ ဟင်းကြမ်းမျှဖြင့် တစ်နပ်သာ စားရရှာပေမဲ့ မင်းအတွက်တော့ ကောင်းပေ့ဆိုတဲ့ ထောပတ်၊ ဆီဦး၊ ဆန်ကောင်း၊ နို့ထမင်းတို့ဖြင့် အကောင်းခြည်းပဲ လှူဖို့ စိတ်ဆန္ဒစောနေကြတယ်၊ သူတို့က မင်းဆီက ရွှေ ငွေ ကျောက်တန် ပတ္တမြား ဘယ်ဥစ္စာကိုမှ မျှော်လင့်နေကြတာ မဟုတ်ဘူး၊ မင်းနဲ့ ဆွေမျိုးတော်လို့ လှူကြတာလဲ မဟုတ်ဘူး၊ လူနတ် နိဗ္ဗာန် ချမ်းသာကိုသာ မျှော်ကိုးပြီး လှူနေကြတာ ဖြစ်၍ သင်ကကော သူတို့မျှော်သလို ပေးနိုင်တဲ့ လယ်ယာ မြေကောင်းကြီးကော ဟုတ်ရဲ့လား၊ ထို့ကြောင့် မောင်မိတ္တ- သင့်မှာ ရာဂ၊ ဒေါသ၊ မောဟ အစရှိတဲ့ ကိလေသာတွေနဲ့ သူတို့ လှူတဲ့ ဆွမ်းကို စားသင့်ရဲ့လား’’ ။

မထေရ်လည်း ထိုကဲ့သို့ သတိ သံဝေဂ ရကာ ‘‘ ငါသည် ရဟန်းကိစ္စ မပြီးသရွေ့ ဒီနေရာက မထတော့ဘူး’’ ဟု သန္ဒိဋ္ဌာန်ချကာ သပိတ်ကို အိပ်ယာအောက် ထားလိုက်ပြီး လိုဏ်ဂူထဲ ၀င်ကာ တရားအားထုတ်လေတော့သည်။ ထိုနေ့ မွန်မလွဲခင်မှာပဲ ရဟန်းကိစ္စပြီး၍ ရဟန္တာအရှင်မြတ်ကြီးဖြစ်ကာ ထိုမိသားစု အတွက် လယ်ယာမြေကောင်းကြီး ဖြစ်ပါတော့ သတည်း။

လိုဏ်ဂူ အနီးရှိ နတ်ဒေ၀ါများကလည်း ‘‘ သင်သည် ယောက်ျား အာဇာနည် ဖြစ်သည်၊ ရဟန္တာ အရှင်မြတ်ဖြစ်သည်၊ ပူဇော်အထူးကို ခံထိုက်သည်၊ ထိုကဲ့သို့သော အရိယာအရှင်မြတ်ကို လှူဒါန်းပူဇော်ကြသူများမှာ သံသရာ ၀ဋ်ဒုက္ခမှ လွတ်ငြိမ်းရပါတော့သည်ဘုရား’’ဟု ကောင်းချီးပေးကာ ရှိခိုးလေသည်။

တိုက်ပွဲနှင့် ရှက်စိတ်
တိုက်တိုက်ဆိုင်ဆိုင် ထို မဟာမိတ္တ အရှင်မြတ်အကြောင်း ဖတ်ပြီး နောက် ၂ရက်မြောက်နေ့မှာ သီတဂူကျောင်းအမကြီး၏ အိမ်၌ ဆွမ်းစားပင့်သဖြင့် ဒေါက်တာပညာသီဟာလင်္ကာရ နှင့် အတူ ရောက်ခဲ့သည်။ စားဖွယ် သောက်ဖွယ်တွေလည်း ကိုယ်တိုင် ချက်ပြုတ်ပြီး ဖွယ်ဖွယ်ရာရာ ကပ်သည်။ ဆွမ်းစားနေရင်း ထိုမထေရ်ကြီးကို သတိရမိလိုက်သည်၊ ရှက်စိတ် ၀င်လာပြန်သည်။ ဆွမ်းများကပ်ပြီး လှူဖွယ်နှင့် ပစ္စည်း ၄ ပါးအတွက် န၀ကမ္မ ပါ လှူလိုက်သေးသည်၊။ နောက်တနေ့ နေ့လည်ပိုင်း အခန်း သန့်ရှင်းရေးလုပ်ပြီး စာအုပ်ကြားတွင် ညှပ်ထားသော စာအိပ်ကို ဖွင့်ကြည့်လိုက်တော့ ထူးထူးဆန်းဆန်းတွေ့လိုက်ရသည်မှာ ဟိုတနေ့က ကျောင်းအမကြီးက လှူလိုက်သော န၀ကမ္မများမှာ မြန်မာကျပ်ငွေများမဟုတ်ဘဲ ဒေါ်လာများ ဖြစ်နေသည်။ ပုထုဇဉ်ဖြစ်သော မိမိသည် ထို အလှူငွေကို ကြည့်လိုက် ပီတိဖြစ်လိုက် တဖန် မဟာမိတ္တ မထေရ်ကြီးကို သတိရလိုက် ရှက်စိတ်ဖြစ်လိုက်နဲ့ ရှက်ခြင်းနှင့် ပီတိဖြစ်ဖြစ်ခြင်းတို့ အပြန်အလှန် တိုက်ခိုက်နေကြသည်။ ဒကာမကြီးကတော့ လှူလိုက်ရတော့ လောဘတည်းဟူသော ၀န်ထုပ်ကြီးကို ပစ်ချလိုက်ရသဖြင့် ပေါ့ပါးသွားပါလိမ့်မည်၊ အလှူခံ မိမိမှာတော့ ထိုပစ္စည်းကို ခံယူလိုက်ရသဖြင့် လေးလံသွားသည်။ ၀န်ထုပ်ကြီးတခု လက်ခံလိုက်သလိုပဲ ဟု ဆရာတော်ကြီးတပါး မိန့်ခဲ့ဖူးသလိုပင်။

လှူလိုက်တဲ့ ဒကာမကြီးကတော့ လောဘ (ပစ္စည်းဥစ္စာအပေါ် တပ်မက်ခြင်း) ကို စေတနာဖြင့် ကောင်းကောင်း အောင်ပွဲဆင် အနိုင်ယူနိုင်ပြီး စွန့်လွတ်နိုင်ခဲ့ပေမဲ့ မိမိမှာတော့ အပြန်အလှန် တိုက်ပွဲ နွဲနေဆဲ။ ထို ရှက်စိတ်ကြောင့်ပင် အရှင်မြတ်ကဲ့သို့ ရဟန်းကိစ္စ ပြီးအောင် အားမထုတ်နိုင်သော်လည်း အချည်းနှီးမဖြစ်ရလေအောင် အလှူရှင်အား မေတ္တာပဲ ဖိ ပို့နေရတော့သည်။

အစားအစာ စားတိုင်း၊ ဒကာ ဒကာမများ အလှူများကို သုံးစွဲတိုင်း မဟာမိတ္တမထေရ်ကြီးကိုပဲ မြင်ယောင်မိနေတော့သည်။ ကိုယ့်ကိုယ်ကိုလည်း သတိ သံဝေဖြင့် စိတ်ကို ထိန်းနိုင်ဖို့ ကြိုးစားရမှာ ဖြစ်တော့သည်။

ရွှင်လန်းချမ်းမြေ့ပါစေ။
သီတဂူစတား
၁၄-၁၀-၂၀၁၀

Read more »

အံ့ဖွယ် ထူးခြား အင်ဒိုနီးရှား

ရွှေနှလုံးသားပိုင်ရှင်၏
ရွှေမြေပေါ်မှ ရွှေတိဂုံစေတီပွါး အခမ်းအနား

ဆုမတြာကျွန်းကို သုမိတြကျွန်းဟု ပါဠိ၊ သက္ကဋစကားဖြင့် ခေါ်ဝေါ်ခဲ့ဘူးသည်။ အိန္ဒိယတောင်ပိုင်း ပလ္လ၀အရပ်မှ သုမိတ္တ (သုမိတြ) အမည်ရှိ ကုန်သည်ကြီး ခေါင်းဆောင်၍ အိန္ဒိယသားတို့ အခြေချခဲ့ကြသည်။ ခန့်မှန်း B.C. 4 ရာစုဟု ယူဆရသောခေတ်က ဟိန္ဒူဘာသာဝင် အိန္ဒိယလူမျိုးတို့ (ဟိန္ဒူတို့) နေခဲ့ကြသည်။ A.D. 4 ရာစုခန့်လောက်တွင် တရုတ်ဗုဒ္ဓဘာသာဘုန်းတော်ကြီး ဖာဟီယန် (Faxian)တို့ ရောက်ခဲ့ကြသည်။
ဤသို့လျှင် အိန္ဒိယတလှည့် တရုတ်တလှည့် ဘာသာရေးခေါင်းဆောင်များနှင့် ကုန်သည်များ ရောက်ရှိခဲ့ကြရာ ဟိန္ဒူဘာသာနှင့် ဗုဒ္ဓဘာသာတို့လည်း ရောက်ရှိခဲ့ကြ သည်ဟု ဆိုရမည်ဖြစ်သည်။
[မှတ်ချက်။ ။ထိုနေရာကို အင်ဒိုချိုင်းနားဟုခေါ်စမှတ်ရှိသည်။]


ရာမာယဏဇာတ်တော်တွင်လာရှိသည့် အမည်များကိုသုံး၍ မဟာဝိဇယအမည်ရှိသည့် မင်းဆွေမင်းမျိုးများလည်း ရောက်ရှိခဲ့ကြသည်။ သူတို့တည်ထောင်သောမြို့သည် ၀ိဇယပုရ-ဖြစ်သည်။ မဟာဝိဇယဟူသော အောင်တော်မူမင်းများ၊ သေလိန္ဒရ-ဟူသော ကျောက်နိုင် မင်းများက မုဆိုး၊ တံငါအလုပ်ဖြင့် အသက်မွေးကြကုန်သော barbarian တို့ကို တိုက်ခိုက်နှိမ်နင်း အောင်မြင်ခြင်းကို အထိမ်းအမှတ်ပြု၍ မြို့ပြပြည်ရွာ တည်ထောင်ကြရာ သူတို့၏အောင်မြို့ကို ဇယကရ-ဟုခေါ်ခဲ့ကြသည်။ ယနေ့တော့ ဂျကာတာ-ဟု ခေါ်ကြသည်။

အိန္ဒိယပြည်မှ လာကြကုန်သော မင်းဆွေမင်းမျိုးများ၊ အိန္ဒိယပင်လယ် တရုတ်ပင်လယ်တွင် သွားလာကြသော သင်္ဘောကုန်သည်များက ရိက္ခာအဖြစ် ဂျုံမျိုးစေ့တို့ကို သယ်ဆောင်လာခဲ့ကြပြီး စိုက်ပျိုးကြရာ ဂျုံများအလွန့်အလွန် အောင်မြင်ဖြစ်ထွန်းသဖြင့် ထိုကျွန်းကို ဂျာဗားကျွန်းဟုခေါ်ဆိုကြလေသည်။
မှတ်ချက်။ ။ ဂျာဗားဟူသည် ယ၀-ဟူသော ပါဠိပုဒ်မှ ဆင်းသက်လာသည်။ ယ၀-ပါဠိပုဒ်သည် ဂျုံမုယော-ဟု အဓိပ္ပါယ်ရသည်။ ဣန္ဒနိဿယ (အိန္ဒနိသျ-အိန္ဒိယလူမျိုးတို့နေရာဒေသ၊ (သို့) သိကြားမင်း၏ နေရာဒေသ) မှ အင်ဒိုနီးရှား [အိန္ဒနိသျ (ရှ)] ဟု ဖြစ်လာရသည်။


တောင်အာရှနှင့် အရှေ့တောင်အာရှတစ်ခွင်လုံးသို့ အာဏာစက်ဖြန့်ကြက်ခဲ့သော အသောကခေတ်တွင် အရှေ့တောင်အာရှနယ်မြေ (မြန်မာအရှေ့တောင်ပိုင်း၊ ထိုင်းအနောက်တောင်ပိုင်း၊ မလေးကျွန်းစု၊ ဆုမတြာကျွန်းစု) တစ်ခုလုံးကို သုဝဏ္ဏဘူမိ-ဟူ၍ ခေါ်ဆိုခဲ့ကြသည်။ ဤရွှေမြေ၌ အသောက၏ ဓမ္မဒူတအဖွဲ့များ ရောက်ခဲ့ဖူးသည်။
A.D. 8 ရာစုခန့်တွင် သေလိန္ဒရမင်းတို့ တည်ဆောက်ခဲ့သော ၀ရဗုဒ္ဓစေတီတော်ကြီး (သို့) ၀ိဟာရဗုဒ္ဓစေတီတော်ကြီး ဗောရောဗုဓော (Borobudur) က ဗုဒ္ဓသာသနာ ထွန်းကားခဲ့ရာ သုဝဏ္ဏဘူမိ ရွှေမြေ၏ အမှတ်လက္ခဏာ (Landmark of Golden Land) ပင်ဖြစ်သည်။

ယခုအခါ ဤရွှေမြေပေါ်၌ ရွှေတိဂုံစေတီပွါး ပေ-၁၇၀-ခန့်မြင့်သည့် ရွှေတိဂုံစေတီတော်ကို ရွှေနှလုံးသားပိုင်ရှင် သူဌေးတစ်ဦးက ရက်ရက်ရောရော စွန့်လွှတ်၍ တည်ဆောက်ခဲ့ပြီးဖြစ်သည်။ ထိုရွှေမြေပေါ်က မြတ်ဘုရားရွှေတိဂုံ၏ စေတီပွါးကို သံဃာတော်ပေါင်း ၁၅၀၀-ခန့်တို့ဖြင့် ဗုဒ္ဓါဘိသေကဗုဒ္ဓ-ဟူသော အနေကဇာတင်၍ ပူဇော်တော်မူကြမည်ဖြစ်သည်။
သုဝဏ္ဏစေတီတော်၏ စေတိယပူဇာပွဲကျင်းပရာ သုဝဏ္ဏဘူမိသို့ မြန်မာနိုင်ငံမှ သံဃာတော်-၆၀၀၊ ထိုင်းနိုင်ငံမှ သံဃာတော်-၄၀၀၊ သီရိလင်္ကာနိုင်ငံမှ သံဃာတော်-၄၀၊ ကဗ္ဘောဒီးယားနိုင်ငံမှ သံဃာတော်-၂၀၊ လာအိုနိုင်ငံမှ သံဃာတော်-၁၀၊ နီပေါ-အိန္ဒိယ-တိဗက်-တရုတ်-ကိုရီးယား-ဂျပန်-မက္ကစီကို-အမေရိက-ပြင်သစ်-အင်္ဂလန်-ဂျမေကာ-ဒိန်းမတ်-ယုဂန္ဓာနိုင်ငံတို့မှ သံဃာတော်များနှင့်ပေါင်းလျှင် သံဃာတော်ပေါင်း ၁၅၀၀-တို့၏ မဟာသံဃသန္နိပါတ၊ မဟာစေတိယပူဇာပွဲကြီးကို ဆင်နွှဲကြမည်ဖြစ်သည်။

အစီအစဉ်

၁။ ဗုဒ္ဓါဘိသေက ဗုဒ္ဓပူဇာ စေတိယပူဇာပွဲ
၁၃၇၂-ခုနှစ်၊ သီတင်းကျွတ်လပြည့်ကျော် (၇)ရက် (30th Oct. 2010)

၂။ မဟာသံဃသန္နိပါတ အစည်းအဝေး၊ တရားဆွေးနွေးခြင်း၊
၁၃၇၂-ခုနှစ်၊ သီတင်းကျွတ်လပြည့်ကျော် (၈)ရက် (31st Oct. 2010)

၃။ သာဂရ ရေသောက်မြစ် သိမ်သမုတ်ခြင်း
၁၃၇၂-ခုနှစ်၊ သီတင်းကျွတ်လပြည့်ကျော် (၉)ရက် (1st Nov. 2010)

ဘာသယေ ဇောတယေ ဓမ္မံ၊ ပဂ္ဂဏှေ ဣသိနံ ဓဇံ။
သုဘာသိတဒ္ဓဇာ ဣသယော၊ ဓမ္မော ဟိ ဣသိနံ ဓဇော။

ဓမ္မံ-လောကုတ္တရာတရား မြတ်ကိုးပါးကို (၀ါ) သစ္စာလေးပါး မြတ်တရားကို၊ ဘာသယေ-ဟောပြောပြသပို့ချရာ၏၊ ဇောတယေ-ပြောင်ပြောင်ဝင်းဝင်း ထိန်လင်းရာ၏၊ ဣသိနံ-ရသေ့ရဟန်းတို့၏၊ ဓဇံ-တရားတည်းဟူသော အောင်လံကို၊ ပဂ္ဂဏှေ-စိုက်ထောင်မြင့်မြင့် စွင့်စွင့်လူလူ လွှင့်ထူရာ၏၊ ဣသယော-ရသေ့ရဟန်းတို့သည်၊ သုဘာသိတဒ္ဓဇာ-ကောင်းစွာစိုက်ထောင်အပ်ပြီးသော တရားအောင်လံရှိတော်မူကြကုန်၏၊ ဟိ-မှန်၏၊ ဓမ္မော-တရားတော်သည်၊ ဣသိနံ-ရသေ့ရဟန်းတို့၏၊ ဓဇော-အောင်လံတစ်ဆူ ဖြစ်ပါပေ၏။

Preach, glorify the Truth, and
Lift the Sage's flag on high,
Emblem of saints is goodly speech,
Truth is the flag they fly.

သူတော်ကောင်းတရား နေရာတိုင်းမှာ ထွန်းတောက်ပါစေသတည်း။
May the Sublime Dhamma prevail in its pristine purity in every corner of the world.

သီတဂူစန်းလပမာ ချမ်းမြသာယာ ရှိကြပါစေ။
May all beings be well, happy and peaceful as a full-moon.

သီတဂူဆရာတော်ကြီး၏ သြ၀ါဒမှ ဖော်ပြသည်။

သီတဂူစတား
၁၁-၁၀-၂၀၁၀

Read more »

ပြင်ချင်တာလေးတွေ ပြင်စေချင်

မိတ်ဆက်

ဒီစာလေးကတော့ မလေးရှားမှာနေသော မဇာခြည်နှင်းရေးသော ပို့စ်လေးဖြစ်ပါတယ်၊ မလေးရှားမှာ ဖြစ်တတ်တသည့် အခြေအနေများကို မြန်မာအမျိုးသမီးများအတွက် သိစေချင်သော စေတနာသန့်သန့်ဖြင့်ရေးသော အကြံပြုစာဖြစ်ပါတယ်။ မလေးရှားမှာဆိုသော်လည်း နိုင်ငံအသီးအသီး ရောက်ရှိနေကြသော မြန်မာအမျိုးကောင်းသမီးလေးများ အတွက်ရော မြန်မာ့မျိုးချစ်စိတ်ရှိသော မြန်မာအမျိုးသားများစွာ အတွက်ရော ကိုယ့်ဘာသာ ကိုယ့်လူမျိုးချစ်တတ်ဖို့ တပ်လန့် (သတိ) ပေးသည့် အကြံပြုစာလေးများ ဖြစ်ပါသည်။ ဘာသာရေး လူမျိုးရေး အကျိုးပြု ပညာပေးပို့စ်ဖြစ်သဖြင့် တင်ပေးလိုက်ပါသည်။ ပို့စ်ရေးပို့ပေးသော မဇာခြည်နှင်းအား အထူးကျေးဇူးတင်ပါသည်။

သီတဂူစတား
၁၀-၁၀-၂၀၁၀


ပြင်ချင်တာလေးတွေ ပြင်စေချင်

နိုင်ငံရပ်ခြား ကို ရောက်လာတဲ့ မြန်မာအမျိုးသမီးလေး တော်တော်များများရဲ့ အဖြစ်တွေကို တွေ့ရတာ တော်တော်လေး စိတ်မချမ်းမသာ ဖြစ်ရပါတယ်။ ကိုယ့် ဘက်ကလည်းကူညီပေးချင်ပေမယ့် တကယ့်လက်တွေ့မှာ ကူညီဖို့ ရန်အခက်အခဲတွေ အများကြီးရှိပါတယ်။

မြန်မာမလေးများနှင့် မလေးရှား

မလေးရှား ရောက်အချို့သော မြန်မာ အမျိုးသမီးများမှာ မြန်မာပြည်မှ မိကောင်းဖခင်များ၏ရင်သွေး ရတနာလေးများဖြစ်ကြပါတယ်။ မလေးရှားကိုရောက်လာချိန်မှာ အကြောင်းကြောင်းကြောင့် ပြောင်းလဲသွားကြခြင်းသာဖြစ်ပါတယ်။ အကြောင်းကြောင်းကြောင့် နိုင်ငံရပ်ခြားကို ထွက်တော့မယ် ဆိုရင် မိဘတွေ အနေနဲ့ရော ကာယကံရှင်က ပါ အခြေအနေ အရပ်ရပ် ကို စုံစမ်းမေးမြန်းပြီးမှ တွက်စေချင်ပါတယ်။ ပထမဆုံး ကြုံတွေ့ ရတာ က ပွဲစားတွေရဲ့ လိမ်လည်ခံရမယ့်ပြဿနာပါ။ free calling လို့ပြောပြီး short visit နဲ့ထွက်လာ၊ ဒီဘက်ရောက်ရင် permit ပြောင်းပေးမယ် ပြောထားပြီး၊ ပွဲစားက ရှောင်နေတဲ့အတွက် over stay ဖြစ်သွား ကြရတာက တစ်မျိုး၊ calling visa နဲ့ထွက်လာပြီး ဒီဘက်ရောက်တော့ မှ ပြောထား တဲ့လစာ ထက်လျော့ခံရတာက တစ်မျိုး၊ အလုပ်ချိန်များနေတာ၊ အခန်းကျဉ်းလေးထဲ မှာ နှစ်ထပ်ကုတင် နဲ့ လူပေါင်း လေးယောက် (သို့) ခြောက်ယောက်ထားတာ၊ ထမင်း စားချိန် မှာ ထမင်း၊ ဟင်းသေသေချာချာ မကျွေးတာ၊ နေမကောင်းရင်လဲ ဆေးခန်းပြခွင့်၊ နားခွင့် မပေးတာ….စသည်ဖြင့် အခြားသော ပြဿနာ များလည်း ကြုံတွေ့ ကြရပါတယ်။

အဲဒါတွေ အပြင် စိတ်ပိုင်းဆိုင်ရာ၊ ရုပ်ပိုင်းဆိုင်ရာ ပြဿနာပေါင်းမြောက်များစွာ ကိုလည်းကြုံတွေ့ ကြရပါတယ်။ ဒီလိုအချိန်တွေ မှာ အမျိုးသမီးတွေ အနေနဲ့ ကိုယ့်ရဲ့ပြဿနာ အရပ်ရပ်ကို ဖြေရှင်းပေး နိုင်မယ့်၊ အကြံဥာဏ်ပေးနိုင်မယ့်လို့ ထင်ရတဲ့သူကို အားကိုးရှာပါတော့တယ်။ အဲဒီအချိန်မျိုးမှာ ကိုယ့် ကိုမောင်နှမသားချင်းလို ကူညီတဲ့သူရှိသလို အခွင့်အရေး လိုချင်လို့ ကူညီတဲ့သူလည်းရှိပါတယ်။ များသောအားဖြင့် အခွင့်အရေးယူတတ်သူနဲ့သာ တွေ့ကြရပြီး မလိုလားအပ်တဲ့ လူမှုရေးပြဿနာတွေနဲ့ ကြုံတွေ့ကြရပါတော့တယ်။ စားနေကျ ကြောင်ပါးများကလည့်း ဒီလိုအချိန်မျိုးမှာ ၀မ်းသာအားရ ကူညီကြပါတယ်။

အဆိုးဆုံး

အဆိုးဆုံး အဖြစ်က အိမ်ထောင် ရေး နဲ့ပက်သက်တဲ့ အမှား ပါပဲ။ မသိလို့မှားသည်ဖြစ်စေ၊ သိရက်နဲ့ မှားသည်ဖြစ်စေ အဲဒီ အမှားထဲက ရှန်းထွက်နိုင်အောင် ကြိုးစားသင့်ပါတယ်။ မှားလက်စ နဲ့ မထူးတော့ ပါဘူးဆိုပြီး ဆက်မှားနေတဲ့ အတွက် အမှားသံသရာမှာလည်နေကြပါတယ်။ မြန်မာ လူမျိုးအချင်းချင်းလည်း ကူညီစောင့် ရှောက်ရမည့်အစား ရေနစ်သူ ၀ါးကူ လို့ထိုးနေတဲ့ အဖြစ်တွေကလည်း အများကြီး ကြုံတွေ့နေ ရပါတယ်။ မှားနေတဲ့ သူကို အမှန်ရောက်အောင်လမ်းမပြပဲ အချွန်နဲ့ မ ပေးနေသူတွေ ကလည်းအများသား။ အပျို၊ လူပျို တွေ့ကြပြီဆိုလျှင်လည်း မိမိရဲ့ အဖော်ကို တကယ် လက်တွဲ နိုင်တဲ့ အိမ်ထောင်ဘက် အဖြစ် လက်တွဲနိုင်မှသာ အတူနေကြစေချင်ပါတယ်။ နိုင်ငံခြားမှာ ဘယ်သူနဲ့ နေ နေ ကိစ္စမရှိဘူးဆိုပြီး တစ်ယောက်ပြီး တစ်ယောက်ပြောင်းနေကြမယ်၊ ငွေကြေးအတွက် ခဏသာ အသုံးချတာပဲ လို့ အတွေးမျိုးတွေ ရှိနေရင် မိမိ လူတစ်ယောက်အဖြစ် ရပ်တည်နေခြင်း၏ တန်ဖိုးကို ပြန်လည်သုံးသပ်စေချင်ပါတယ်။ ကိုယ်လုပ်ခဲ့တဲ့ အလုပ်အားလုံးဟာ ကိုယ့်နောက်ကို ထပ်ချပ်မကွာလိုက်နေမှာပါ။ ကိုယ် ဘယ်လမ်းကိုလျှောက်နေ တာလဲ၊ ဘယ်လမ်းပေါ် ရောက်နေပြီလဲလို့ ပြန်တွေးကြည့်ရင်ကြောက်စရာပါ။ ဒီ အရိပ်ဟာ ကိုယ့် တစ်ယောက်တည်းပေါ် ကျရောက်မှာ မဟုတ်ပါဘူး။ ကိုယ့် မိဘ အသိုင်းအ၀ိုင်း၊ ကိုယ့်ရဲ့ သားသမီးမြေးမြစ် အထိ လိုက်မယ့် အရိပ် ဆိုတာ သတိထားစေချင်ပါတယ်။

ဒီဘ၀ အတွက် တင် မဟုတ် သံသရာ အထိ သယ်သွားရမယ့် အရိပ် အောက်မှ အတတ်နိုင် ဆုံးရုန်းထွက် နိုင်ကြမည် ဆိုလျှင် ဘယ်အချိန်၊ ဘယ်အခြေအနေ ဖြစ်ဖြစ် ရုန်းထွက်ဖြစ်သည့် အချိန်သည် အမှန်ဆုံးအချိန်ပင် ဖြစ်ပါတယ်။ ထို့ အတူ အိမ်ထောင်သည်များအနေဖြင့်လည်း မိမိ၏ မိသားစု ဂုဏ်သိက္ခာ ကို ထိမ်းသိမ်းသင့်ပါသည်။ ကိုယ့်ရဲ့ အတ္တ ၊ ကိုယ့်ရဲ့ ခံစားမှုကြောင့် မိသားစုတစ်စုလုံး စိတ်ဆင်းရဲ ကြရမည် ဆိုလျှင် မျှတမှုရှိပါရဲ့လား၊ ကိုယ့်တစ်ယောက်တည်းရဲ့ ခံစားချက်ကို အားလုံးရဲ့ စိတ်ဆင်းရဲမှုနဲ့ လဲရဲတဲ့ မိမိ ကိုယ်တိုင်ရောစိတ်ချမ်းသာမှု ဘယ်လောက် အတိုင်းအတာထိ ရမည်ထင်ပါသလဲ။ တစ်ယောက်ကိုတစ်ယောက် ငွေကြေးအရဖြစ်စေ၊ မည်သို့သော အကြောင်းကြောင့်ဖြစ်စေ အသုံးချတယ် ဟုဆိုလျှင် မိမိ ကိုယ်တိုင် အသုံးချခံနေရသည်ကို သတိပြုမိစေလိုပါတယ်။

တကယ်တော့ ကံဆိုတာ

ငွေကြေးနှင့် အကျင့်စာရိတ္တ၏ တန်ဖိုးသည်မည်သည့်နည်းနှင့်မျှ နှိုင်းယှဉ်၍ မရလောက်အောင် ကွာခြားလှပါသည်။ ဗုဒ္ဒဘာသာဝင်များ နေ့စဉ် စောင့်ထိန်းရမည့် အခြေခံသီလ ၅ ပါးတွင်ပါဝင်သော ကာမေသု မိစ္ဆာစာရာ ကံ ကိုလည်းနေ့စဉ် ကျူးလွန်နေသည်ကို သတိပြုမိစေချင်ပါတယ်။ ကျွန်ုပ်တုိ့ဗုဒ္ဒဘာသာမြန်မာလူမျိုး တော်တော်များများ အသုံးချနေသောစကားတစ်ခုမှာ အမှားများလုပ်ပြီးသောအခါတွင် မှားသွားမှန်းသိသော်လည်း ပြန်ပြင်ရန် မကြိုးစားဘဲ ကံတရားပေါ့လေ ဟုဖြေပြောပြောတတ်ကြပါတယ်။ အမှန်မှာ ကံ ဆိုသည်မှာ မိမိတို့ ကိုယ်တိုင်ပြုလုပ်ခဲ့သော၊ ပြုလုပ်နေသော အလုပ်များသာ ဖြစ်ပါတယ်။ အတိတ်ကံ အရ မှားသည် ဟုဆိုလျှင် လက်ရှိအချိန်တွင် အမှန်ကို ပြင်ယူသင့်တယ်လို့ ထင်ပါတယ်။ ယ္ခု လက်ရှိ လုပ်ရပ် ကောင်းပါမှ အနာဂါတ် သံသရာကောင်း ပါလိမ့်မယ်။ ထိုမိမိ၏ ကံတရားကို ပုံချကာ အမှားကိုမပြင်မှုကြောင့် လူအများ စိတ်ဆင်းရဲ ရသည့်အဖြစ်ကိုရောက်ရပါတော့တယ်။ ဒါ့အပြင် လူမျိုးခြားများ၏ အထင်အမြင်သေးခြင်းကိုလည်း ခံကြရပါ တယ်။ လူနည်းစု ရဲ့ အမှား ဟာ မြန်မာ လူမျိုးအားလုံးကို ထိခိုက် နစ်နာစေမှု ရှိပါတယ်။ လူတိုင်းအမှားတွေ လုပ်မိကြပါတယ်၊ လုပ်လည်းလုပ်နေကြဆဲပါ၊ သို့သော် မှားမှန်းသိ၍ ပြင်သူများမှာ အနည်း ငယ်သောအရေအတွက်မျှသာရှိပါတယ်။ ကျွန်ုပ်ကိုယ်တိုင်လည်း မှားခဲ့ဘူးပါတယ်။ ကြိုးစားပြီးလည်း ပြင်ခဲ့ပါတယ်။ ထို့အတူအားလုံးသော လူများလည်း အမှားများထဲမှ အမှန်ကို ပြန်ပြင်ချင်ကြလိမ့်မယ် လို့ထင်ပါတယ်။

နောက်မကျသေးပါ

ထို့ကြောင့် မထူးဇာတ်ခင်းနေသူများ၊ ပြင်ရန်ကြိုးစားနေသူများ၊ ပြင်ရန်မေ့လျော့နေသူများ၊ ပြင်ချင်သော် လည်း ပတ်ဝန်းကျင်မှ အတင်းအဖျင်းပြောမည်ကို ကြောက်ရွံ့နေသူများ၊ မှားမှန်းသိသော်လည်း ပြင်ရန်ခက်နေသူများ အားလုံး ယခုအချိန်မှ စ ပြင်ပါလျှင် နောက်မကျသေးပါဟု စေတနာထား၍ တိုက်တွန်းလိုက်ပါတယ်။

ဇာခြည်နှင်း
မလေးရှား
၂၅-၉၂၀၁၀

Read more »

အရေးပေါ် (၂)

အရေးပေါ် (၁) မှာ ပြောခဲ့သလို သီရိလင်္ကာရောက် ကလေးတွေရဲ့ စာတွေကို ပရိသတ်က ဖတ်ချင်ကြပါတယ်တဲ့။ ကလေးများစွာထဲက ကိုရင်လေးတပါးနှင့် ဆရာလေးတပါးတို့၏ စာများကို ကရုဏာတရား ပိုမို ပွားနိုင်အောင် တင်ပြလိုက်ရပါသည်။ ကလေးတွေရဲ့ မူရင်းစာကို စကန် scan ဖတ်ပြီး တင်လိုက်ပါသည်၊ စာသားတွေ ၀ါးကောင်း ၀ါးနိုင်ပါသည်။ Ctrlနှင့်+ ကို နှိပ်ပြီး အကျယ်ချဲ့ ကြည့်နိုင်ပါသည်။
Connection မကောင်းပါသဖြင့် ပေးစာ မူရင်းများကို စကန်ဖတ်ပြီး မတင်နိုင်တော့ပါ၍ ဤနေရာတွင် နှိပ်ရန် လင့်ခ်ပဲ ပေးလိုက်ရပါတော့သည်။

တွေ့ဆုံပွဲ
ကလေးမိဘများ၊ သတင်းမီဒီယာများ အလှူရှင်များတို့၏ တွေ့ဆုံပွဲကိုတော့ ရန်ကုန်မြို့ နိုင်ငံတကာ လေဆိပ်အနီးအနားမှာ ရှိသော ယောမမာန်(ယခင် အိုအေစစ်) စားသောက်ဆိုင်မှာ ပြုလုပ်မှာ ဖြစ်ပါတယ်၊ စိတ်ပါဝင်စားသူများ တက်ရောက်နိုင်ပါတယ်။ အချိန်ကတော့ အောက်တိုဘာ ၁၉ ရက်နေ့ မနက်ပိုင်း ၁၁ နာရီ ၀န်းကျင် ဖြစ်သည်။

ကုသိုလ်ပါဝင်နိုင်
ပထမအသုတ်ကိုတော့ အောက်တိုဘာ ၁၈-၁၉ ရက်များမှာ ကြိုဆိုပွဲနှင့်တွေ့ဆုံပွဲများပြုလုပ်မည် ဖြစ်သည်။ ကလေးတစ်ယောက်လျင် အမေရိကန် ဒေါ်လာ ၃၅၀ နှုံးဖြင့် ပါဝင် ကုသိုလ်ပြုနိုင်ကြပါသည်။ ပထမ အသုတ်အတွက် အလှူရှင် လုံလောက်သွားပြီဖြစ်သဖြင့် နောက်နောက် အသုတ်များအတွက် ကိုယ်စွမ်း ဥာဏ်စွမ်း သဒ္ဓါစွမ်း ရှိသလောက် လာရောက် လှူနိုင်ပါကြောင်း ထပ်လောင်း နှိုးဆော်လိုက်ပါသည်။

ဆက်သွယ်နိုင်ခဲ့
သီရိလင်္ကာရှိ မြန်မာကလေးများ မိဘများထံ ပြန်လည် အပ်နိုင်ရေးအတွက် သူတို့၏ လိပ်စာအတိုင်း ကျောင်းတိုက်များနှင့် မိဘများထံ စတင်ဆက်သွယ်နိုင်ခဲ့သည်။ အများစုက ဘုန်းတော်ကြီးသင် ပညာရေးကျောင်းက ဖြစ်သည်၊ သူတို့၏ မိဘများထံ တိုက်ရိုက်ဆက်သွယ်ဖို့ အရမ်းခက်ခဲသည်၊ ကလေးတွေသည် နယ်ဝေး နယ်ခြား၊ တောင်တန်း ဒေသများက တိုင်းရင်းသားများဖြစ်ကြသည်၊ မကွေး၊ ရမည်းသင်း စတဲ့ မြန်မာပြည် အလယ်ပိုင်းဒေသကလဲ ပါကြသည်။ ရန်ကုန်ဝန်းကျင်ကလည်း ပါကြသည်။ ယခု ပထမ အသုတ်ထဲမှာ နာဂစ်ထိတဲ့ နေရာဒေသက တစ်ယောက်မှ မပါ။ တယ်လီဖုန်းရှိသော ကျောင်းများနှင့် နီးစပ်ရာအိမ်တွေကနေ ဆက်သွယ်ရာမှာ အဆင်ပြေပါသည်။ ကျောင်းတိုက်ဆရာတော်များကလဲ သူတို့မိဘများထံ စာများကို အရောက်ပို့ပေးမည် ဖြစ်ကြောင်း ၀မ်းမြောက်ဝမ်းသာ ပြောလာပါသည်။

ဖုန်းတဂွမ်ဂွမ်
သီတဂူသာသနာပြုအဖွဲ့က ထိုကိစ္စကို ဆောင်ရွက်နေသည်ဟု ကြားသိကြသော ကလေးမိဘများ ဆရာသမားများမှာ ၀မ်းသာလွန်းလို့ မျက်ရည်များပင်မဆည်နိုင်။ တပည့်တော်မတို့လည်း ကလေးတွေရဲ့ စာကို ဖတ်ရသဖြင့် စားလို့လဲ မပျော်၊ အိပ်လို့ အဆင်မပြေ၊ အလုပ်လုပ်ရတာလဲ မဖြောင့်ဖြစ်နေကြရပါသည်ဘုရားတဲ့။ တပည့်တော်တို့မှာ တနေ့လုပ်မှ တနေ့စားရသည့်အတွက် ကိုယ့်ကလေးကို ဘယ်လိုကယ်ရမှန်းမသိ ဘယ်ကို အကူအညီတောင်းရမှန်း မသိဖြစ်နေပါတယ်ဘုရားဟု ကလေးမိဘတစ်ယောက်က ရင်ဖွင့်လာပါသည်။

ထိုကလေးတွေရဲ့ သတင်းများ အင်တာနက်စာမျက်နှာပေါ်တွင် ရောက်လာသော အခါ တယ်လီဖုန်းများ တဂွမ်းဂွမ်း မြည်လာပါတော့သည်။ ဒီသတင်းကို ကြားနေရတာ ကြာပါပြီဘုရား၊ ဘယ်သူမှ ကယ်တင်တာလဲ မကြားရပါဘုရား အခုတော့ သီတဂူသာသနာပြုအဖွဲ့က ကယ်တင်မည်ဟု ကြားသိရသောအခါ သီတဂူဆရာတော်ကြီးနှင့် သီတဂူကပ္ပိယအဖွဲ့တို့ အထူးကျေးဇူးတင်ကြပါသည်ဘုရား၊ ဆရာတော်နှင့် တကွ သီတဂူသာသနာပြုအဖွဲ့ ကျန်းမာစွာ ဘာသာရေး လူမှုရေးများကို ဆောင်ရွက်နိုင်ပါစေကြောင်း ဆုမွန်ကောင်းတောင်းနေကြပါတယ်ဘုရားဟု အင်တာနက်စာမျက်နှာရဲ့ ရင်ဖွင့်သံများဖြစ်ပါတယ်။

သူတို့ကို မေးကြည့်သော်အခါ
ဆက်သွယ်လာသော ကလေးမိဘများကို ပြန်လည်မေးကြည့်သောအခါ------
၁။ ကလေးတွေကို ခင်များတို့ ကိုယ်တိုင် ထည့်ပေးလိုက်တာလား?
ဟုတ်ပါသည်ဟု ဖြေပါသည်။ မှန်ပါ တပည့်တော်တို့ ထည့်လိုက်တာပါဘုရား။ အဖေက မရှိတော့ဘူးဘုရား တပည့်တော်တို့ရဲ့ သား သမီးကို ပြည်ပမှာ ပညာသင်ပြီး ပညာတတ်ကြီးဖြစ်ချင်လွန်းလို့ ထည့်လိုက်တာပါဘုရားတဲ့။

၂။ ခင်များတို့ သားသမီးတွေနဲ့ကော အဆက်အသွယ်များ ရရဲ့လား?
မှန်ပါဘုရား အဆက်သွယ် ရပါတယ်ဘုရား၊ တပည့်တော်က ညီအစ်ကို ၂ ယောက် ထည့်လိုက်တာပါဘုရား၊ တယောက်နှင့်တယောက် တကွဲတပြားစီမှာ နေရတယ်လို့ ပြောပါတယ်ဘုရား။ တပည့်တော်တို့ သားရဲ့ စာဖတ်ပြီး တပည့်တော် စိတ်မကောင်း ဖြစ်နေရပါတယ်ဘုရား။ စားလို့လည်း မ၀င် အိပ်လို့လည်း မပျော်၊ သတိရတိုင်း စိတ်မချမ်းမသာ ဖြစ်နေရပါတယ်ဘုရား။ အလုပ် လုပ်ရတာလဲ အဆင်မပြေပါဘူးဘုရား။
မှတ်ချက်။ ။ ကလေးတွေကို တရွာစီမှာ ခွဲထားသည်၊ တယောက်နှင့် တယောက်လဲ အဆက်သွယ်မရှိကြဟု သိရသည်။

၃။ ခင်များတို့ ကလေးတွေ ပြန်ခေါ်ဘို့ရော မကြိုးစားကြဘူးလား?
မှန်ပါဘုရား၊ ဘယ်နေပါ့မလဲ ကြိုးစားကြတာပေါ့ ဘုရား၊ ဒါပေမဲ့ တပည့်တော်တို့မှာ ပြန်ခေါ်နိုင်ဖို့ အင်အားလဲ မရှိပါဘူးဘုရား။ ဘယ်လို ပြန်ခေါ်ရမယ်ဆိုတာလဲ မသိဖြစ်နေပါတယ်ဘုရား။ ယခု အရှင်ဘုရားတို့က အကူညီတွေ ပေးနေတာဆိုတော့ တပည့်တော်တို့ ဘယ်လို ပြောရမှန်းတောင် မသိတော့ပါဘူး ဘုရား၊ ကျေးဇူးတင်ပါတယ်လို့ပဲ ပြောတတ်ပါတော့တယ်ဘုရား။
မှတ်ချက်။ ။ တချို့ ဘ.ကကျောင်းများက ဆရာတော်တွေလည်း ပြန်ခေါ်နိုင်ဘို့ ကြိုးစားကြပါတယ်။ သို့သော် ဘယ်လို ဘယ်ပုံ လုပ်ရမယ်ဆိုတာလဲ မသိဖြစ်နေပါတယ်ဘုရား။ အာမခံ ဆရာတော်များ ကလေးတွေရဲ့ မိဘများက ဖုန်းတွေဖြင့် ဆက်သွယ်လာကြပါသည်။ တချို့လည်း ပထမ အသုတ် ၃၅ ယောက်တွင် သူတို့ ကလေးတွေရဲ့ နာမည်တွေ ပါမလာသေး၍ စိတ်မကောင်းဖြစ်နေကြသည်။

ကျန်ရှိနေသော ကလေးများကို အမိမြေသို့ ပြန်ဖို့ရန် ဆန္ဒရှိနေပါက ဆက်လက်ကူညီပေးသွားမည်ဖြစ်သဖြင့် မည်သူမဆို ပါဝင် ကူညီနိုင်ပါကြောင်းလဲ အကျိုးမျှော်၍ ထပ်မံ နှိုးဆော်လိုက်ပါသည်။

ကရုဏာတရား ကိုယ်စီ ပွားနိုင်ကြပါစေ။
သီတဂူစတား
၎-၁၀-၂၀၁၀

Read more »

မန္တလေးထောင်

မန္တလေးအကျဉ်းထောင်
သီတဂူဆရာတော်ကြီးဦးဆောင်သော သီတဂူသာသနာပြုအဖွဲ့ကြီးသည် ၂၀၁၀ အောက်တိုဘာလ ၁၆ရက်နေ့တွင် မန္တလေးမြို့ရှိ အကျဉ်းဦးစီးဌာနတွင် အကျဉ်းသား ၆၀၀၀ (ခြောက်ထောင်)ကျော်တို့အား ဒံပေါက် ကြက်သားကြော် နှင့် အခြားစားဖွယ်များနှင့် ဆေးဝါးများ စသည်တို့ကို အင်းစိန်အကျဉ်းထောင်မှာကဲ့သို့ သွားရောက် ပေးကမ်းလှူဒါန်းကြမည် ဖြစ်သည်။
ဆရာတော်ကြီးနှင့် တပည့်ဒကာဒကာမတို့သည် လူမှူရေးလို့ခေါ်သည့် Ministry သာသနာပြုနည်းဖြင့် အင်တိုက်အားတိုက် နည်းမျိူးစုံဖြင့် ပြုလုပ်အားထုတ်နေကြသည်မှာ အလွန် အားရကျေနပ်စရာကောင်းလှပါသည်။ နောင်လာ နောက်သား မျိုးဆက်သစ်တို့အား အာသစ်လောင်းပေးခြင်းလည်း ဖြစ်ပါသည်။

သီတဂူသာသာပြုအဖွဲ့၏ အဓိက စီမံကိန်းကြီးများဖြစ်သော ရေအလှူတော်၊ ဆေးရုံးအလှူတော်နှင့် တက္ကသိုလ်အလှူတော်များ အနက် ရေအလှူတော်သည် ပထမဆုံးသော သီတဂူသာသနာပြုအဖွဲ့၏ စီမံကိန်းကြီး ဖြစ်ခဲ့သည်၊ ထိုမှ တိုးချဲ့ကာ ဆေးအလှူတော်နှင့် ပညာရေးအလှူတော်များ တဆင့်ပြီး တဆင့် တက်လှမ်းလာခဲ့သည်။ ထိုကဲ့သို့ တိုးချဲ့လာရာ---
စစ်ကိုင်းမြို့ရှိ ပင်မ သီတဂူအာယုဒါနဆေးရုံအပြင် မြန်မာနိုင်ငံရှိ တိုင်းကြီး (၇)တိုင်းနှင့် ပြည်နယ် အသီးသီးရှိ ဒေသများတွင် သီတဂူဆေးရုံတော်များ တည်ဆောက်၍ လှူဒါန်းသည့်အပြင် မြို့နယ်ဆေးရုံများ ခရိုင်ဆေးရုံများတွင် ဆေးရုံသုံးပစ္စည်းများကိုလည်း လှူဒါန်းခဲ့သည်။

ပညာရေးအလှူတော်အနေနဲ့ စစ်ကိုင်း၊ မန္တလေးနှင့် ရန်ကုန်မြို့ကြီးများတွင် တက္ကသိုလ်ကြီးများတည်ထောင်ထားသည့်အပြင် မြို့နယ်များစွာရှိ အထက်တန်းကျောင်း အလယ်တန်းကျောင်းနှင့် မူလတန်းကျောင်းများတွင်လည်း ပညာရေးအထောက်ကူပြု ကွန်ပြူတာများ တယ်လီဗီးရှင်းများ တပ်ဆင်ကာ လှူဒါန်းခဲ့သည်။
နောက်ထက် သီတဂူသာသနပြုအဖွဲ့၏မဖြစ်မနေ တက်လှမ်းရမည့် ခြေလှမ်းကား တက်လှမ်းဆဲ တက်လှမ်းခဲ့ပြီး ခြေလှမ်းများကား မေတ္တာကရုဏာ အလှူတော်များပင် ဖြစ်ပါသည်။

ကရုဏာအလှူတော်များ
ဆရာတော်ကြီးသည် ပြည်တွင်းပြည်ပရှိ အလှူရှင်များ လှူအပ်သော ဒါတဗ္ဗ၀တ္ထုတို့ကို စနစ်တကျ အသုံးပြုသည်ဟု တကမ္ဘာလုံးက လက်ခံယုံကြည်ထားကြသည်။ ဆရာတော်ကြီးသည် ထိုယုံကြည်ချက်တို့ကို ကောင်းကောင်း အသုံးချကာ နာဂစ်အလှူတော်ကြီးတွင် ကိုယ်ပင်ပန်း စိတ်ပင်ပန်းမှုတို့ကို လျစ်လျှူရှုကာ အလုပ်လုပ်နေသည်မှာ တကမ္ဘာလုံးရှိ ပြည်သူတွေရဲ့ နှလုံးသားကို တုန်လှုပ်စေကာ ပို၍ ကြည်ညိုလာကြစေသည်။

(၆)ကြိမ်မြောက် ထောင်အလှူတော်များ
ယခုနှစ် အောက်တိုဘာလ (၁၆)ရက်နေ့တွင် ပြုလုပ်မည့် မန္တလေးကျဉ်းထောင်ရှိ အကျဉ်းသားများအတွက် ကရုဏာအလှူတော်သည် ဒုတိယ (၂) ကြိမ်မြောက် အလှူ ဖြစ်ပြီး စတုတ္ထ (၄) ကြိမ်မြောက် အင်းစိန်အကျဉ်းထောင်ရှိ အကျဉ်းသား ၉၀၀၀ (ကိုးထောင်)ကျော်တို့အား သိန်း ၆၀၀ (ခြောက်ရာ)ကျော် အကုန်ကျခံကာ ပြုလုပ် အားထုတ်ခဲ့သော မေတ္တာကရုဏာ အလှူတော်ကြီးသည်ကား တကမ္ဘာလုံးရှိ ပြည်သူများ၏ ရင်ဝယ် သဒ္ဓါ ပီတိတို့ကို တိုးပွားစေနိုင်ခဲ့သည်။ စိတ်တခုကို မထိမ်းနိုင်ခဲ့သဖြင့် အမှားတစ်ခု ကျူးလွန်မိခဲ့ကြသော အကျဉ်းသားများသည်လည်း ဆရာတော်ကြီး၏ တရားတော်ကို နားကြားခွင့်ရကြသဖြင့် အာယတိံ သံဝရာမိ နောင် မကျူးလွန်မိအောင် စိတ်ကို ထိမ်းပါမည်ဟု ခံယူထားကြသည်မှာ အမှန်ပင် ဖြစ်ပါသည်။

ထိရောက်သော သာသနာပြုနည်း
ပေး၍ သာသနာပြုခြင်း ကျွေး၍ သာသနာပြုခြင်းတို့သည် အလွန်ထိရောက်သော သာသနာပြုခြင်းဖြစ်ပါသည်။ ဆိုလိုသည်မှာ အသိဥာဏ် ဗဟုသုတ ပေးခြင်း (mental food) နှင့် အစားအစာ ဆေးဝါး အ၀တ်ထည် စသည့် နေ့စဉ်သုံးပစ္စည်းများကို ပေးခြင်း (material food) ဖြစ်သည်။ တနည်းပြောရရင် Ministry (အာမိသာနုဂ္ဂဟ) နှင့် Missionary (ဓမ္မာနုဂ္ဂဟ) ဟုခေါ်သည့် သာသနာပြုနည်းပင် ဖြစ်ပါသည်။
ဆရာတော်ကြီး သက်တော်ရာကျော်ရှည်၍ ကျန်းမာစွာ သာသနာပြုနိုင်ပါစေလို့ ဆုတောင်းပေးရပါတော့သည်။ သီတဂူသာသနာပြုအဖွဲ့တွင် လူအင်အား ငွေအင်အားတို့ဖြင့် ပါဝင် ကုသိုလ်ပြုကြသော တကမ္ဘာလုံးရှိ သူတော်စင်အပေါင်းတို့သည်လည်း ဆရာတော်ကြီး၏ သာသနာပြုရာဝယ် ကိုယ်စိတ်နှစ်ပါး ကျန်းမာလျက် ဆက်လက် ပါဝင်နိုင်ကြပါစေလို့ ဆုတောင်းမေတ္တာပို့သပါသည်။

မေတ္တာကရုဏားတရား ကိုယ်စီပွားနိုင်ကြပါစေ။

သီတဂူစတား
၃-၁၀-၂၀၁၀

ကွန် သိပ်မကောင်းတာနဲ့ အရေးပေါ် ပိုင်း (၂)ကို မတင်လိုက်ရပါ။ နောက်ရက် စောင့်မျှော်ဖတ်ရန်။ ကလေးတွေရဲ့ မိဘများထံ ပေးစာများကို စကန်ဖတ်ပြီး တင်ပြမည်။

Read more »

ကုမုဒြာတွေပွင့်တဲ့ည အပိုင်း (၆)

၂ ခုမြောက် ရဟန်းပြုရကျိုး
မြတ်စွာဘုရား ထိုထက်အဆင့်မြင့်သော ရဟန်းပြုခြင်းရဲ့အကျိုး ကျေးဇူးကို မိန့်ကြားတော်မူပါအုံး ဆိုတော့ ပရိသတ်ရေ အလွန်ရှည်လျားစွာသော သုတ္တန်ကြီးကို ဘုန်းကြီးတို့ သုံးလုံးထဲနဲ့ခြုံပြောမယ်။ အဲဒီသုတ္တန် ကြီးတစ်ခုလုံးကို ဘာအဓိပ္ပါယ်မှမပြောဘဲနဲ့ ပါဠိရှိသလောက်ပါဠိကြည့် အရှိအတိုင်းမှန်မှန်လေး ရွတ်ဖတ်သွားရင် နှစ်နာရီပိုပိုလေးရွတ်ရမယ်၊ ပါဠိချည်းလျှောက်ရွတ်၊ ဘာမှမပြောနဲ့ အဓိပ္ပါယ်ပါပြောမယ်ဆိုရင် (၁ဝ) ရက် (၁၅) ရက်ပြောရမယ်။
ခု ဘုန်းကြီးက သုံးလုံးထည်းနဲ့ဟုတ်လား၊ (၅)မိနစ်လောက်အတွင်း ပြီးအောင်ပြောမယ်၊ ဘာလဲဆိုတော့ နောက်ရလာတဲ့အကျိုးကျေးဇူးက သီလ ရယ် သမာဓိရယ် ပညာရယ်၊ ခုနက မြတ်စွာဘုရား ပထမစစချင်းပြောလိုက် တာက သီလ သမာဓိ ပညာ မပါသေးဘူး၊ ရဟန်းပြုရုံလေးပြုထားတဲ့ပုဂ္ဂိုလ် သီလ သမာဓိ ပညာကိုပရိသတ်ရေ ဘုရားကထည့်မပြောသေးဘူး၊ ဒီလောက်ပဲ ရဟန်းပြုရုံမျှပြုထားတာကိုပဲ ဘုရင်ကို သူရှိခိုးဖို့ မလိုတော့ဘူး၊ ဘုရင်ကပဲ ထိုရဟန်းကို ရှိခိုးရမယ်တဲ့ ဒီလိုဖြစ်သွားတယ်၊ ဘုရင်ကြီးကို သူက ထောက်ပံ့စရာမလိုတော့ဘူး၊ ဘုရင်ကပဲ သူ့အလုပ်သမားရဟန်းကို သူက ထောက်ပံ့ရမယ်။ အဲဒီလိုလေး ကွာသွားတယ်၊ အခုတက်လာရတဲ့ ပရိသတ်ရေ သီလအကျင့် ဘာအကျင့်လဲ။ သီလအကျင့်ပါဘုရား။

ဒီကနေ့ ဘုန်းကြီးတို့ပရိသတ် သီလဆိုတာ ဘာလဲလို့ဆိုလို့ရှိရင် ဒီလိုလေးမှတ်ထား၊ ကိုယ်အမူအရာကို ထိန်းသိမ်းသောစည်းကမ်း၊ နှုတ်အမူအရာကို ထိန်းသိမ်းသောစည်းကမ်း၊ အသက်မွေးလုပ်ငန်းကို သန့်ရှင်းအောင် ထိန်းသိမ်းသောစည်းကမ်း၊ ဒီသုံးခုပဲ။
(၁) က ဘာထိန်းသိမ်းသလဲ။
ကိုယ်အမူအရာကို ထိန်းသိမ်းသောစည်းကမ်းပါဘုရား။
BODILY DISCIPLINE TO CONTROL THE BODILY ACTION NOT THE COMMIT ANY EVIL. မကောင်းမှုမှန်သမျှ ဘာမှမလုပ်နဲ့ မလွန်ကျူးမိအောင် ထိန်းထားတဲ့စည်းကမ်း၊ ပါဏာတိပါတာ ဝေရမဏိ စသည်က ဒါ စည်းကမ်း။ နောက်ပါးစပ်ကို ထိန်းသိမ်းတဲ့စည်းကမ်း မုသာဝါဒါဝေရမဏိ၊ ပိသုဏဝါစာဝေရမဏိ ဒါတွေမဟုတ်လား။ မှန်ပါဘုရား။

အေးနောက်တစ်ခါ သက်မွေးမှုလုပ်ငန်းကို ထိန်းသိမ်းပေးတဲ့ စည်းကမ်း (၁) အဆိပ်ရောင်းဝယ်ပြီးတော့ အသက်မမွေးနဲ့။
(၂) လက်နက်နဲ့အသက်မမွေးနဲ့။
(၃) အသားစားသတ္တဝါတွေနဲ့ အသက်မမွေးနဲ့
(၄) ပြည့်တန်ဆာလုပ်ဖို့ အမျိုးသမီးတွေ ရောင်းဝယ်ပြီးတော့ အသက်မမွေးနဲ့၊ ကျေးကျွန်လုပ်ဖို့ ယောက်ျား မိန်းမအရောင်းအဝယ် မလုပ်နဲ့ ဒါမျိုးတွေ။
(၅) ယစ်မူးစေတတ်တဲ့ ပစ္စည်းတွေရောင်းဝယ်လို့အသက်မမွေးနဲ့။ အဲဒါတွေက သက်မွေးလုပ်ငန်းရဲ့စည်းကမ်းချက် အခြေခံငါးခုနော်။ အကျယ် တဝင့်တော့ရှိပါတယ်။ ဒီသုတ္တန်မှာ အကျယ်ဟောတယ်။
(၁) ကိုယ်ကိုထိန်းတဲ့စည်းကမ်း။
(၂) နှုတ်ကိုထိန်းတဲ့စည်းကမ်း။
(၃) အသက်မွေးလုပ်ငန်းကိုထိန်းတဲ့စည်းကမ်း။
အဲဒီ discipline လို့ခေါ်တဲ့စည်းကမ်းမှန်သမျှက ဒါသီလ၊ အဲဒီလိုစည်းကမ်းကောင်းတဲ့ပုဂ္ဂိုလ်ဟာ ပရိသတ်ရေ သူ့မှာ ကာယကံလွန်ကျူးတဲ့အပြစ်၊ ဝစီကံလွန်ကျူးတဲ့အပြစ် သူ့မှာ ရှိသေးလား။
မရှိတော့ပါဘုရား။

စည်းကမ်းတကျ နေတဲ့ပုဂ္ဂိုလ်ဟာ အပြစ်ကင်းတယ်၊ ဘာဖြစ်လဲ။
အပြစ်ကင်းပါတယ်ဘုရား။
အပြစ်ကင်းတာကို ပါဠိလိုပြောရင် ''အနဝဇ္ဇ'' ပြောပါ။
''အနဝဇ္ဇပါဘုရား''။

အရသာဆိုတာ
စည်းပွား ဥစ္စာ ရာထူး အာဏာ တောင်လိုမောက်၍နေစေကာမူ ရထားတဲ့ထိုစီးပွား ဥစ္စာ ရာထူး အာဏာတွေဟာ နောက်က လွန်ကျူးထားတဲ့ အပြစ်တွေက တစ်ပုံကြီးနဲ့ဆိုလို့ရှိရင် အဲဒီပုဂ္ဂိုလ်ရဲ့စီးပွား ဥစ္စာ ရာထူး အာဏာကိုခံစားနေရတာဟာ အရသာမရှိဘူး။ ပရိသတ်ရေ ဘာကပိုပြီးတော့ အရသာရှိသလဲ။ အပြစ်ကင်းတဲ့ဘဝဟာ အရသာပိုရှိတယ်။ ဘာလဲ။ အပြစ်ကင်းတဲ့ဘဝ အရသာပိုရှိပါတယ်ဘုရား။
စားစရာမရှိလို့ ထမင်းရည်ဆားခတ်ပြီးတော့ သောက်နေရစေကာမူ အဲဒီထမင်းရည်ထဲမှာ ဘာအပြစ်မှမပါဘူးဆိုရင် ဒါအရသာထွက် တယ်။
မှန်ပါဘုရား။
အဲဒီချမ်းသာမျိုးကိုခေါ်ရင် မှတ်ထား ''အနဝဇ္ဇသုခ'' ဘာသုခလဲ။
အနဝဇ္ဇသုခပါဘုရား။
အပြစ်ကင်းသောချမ်းသာ၊ ဘယ်ကရသလဲ သီလကရတယ်၊ ဒကာတော်မင်းကြီး သီလကိုစောင့်ရှောက်တဲ့ပုဂ္ဂိုလ်ဟာ အပြစ်ကင်းတဲ့ချမ်းသာကိုရတယ်။ နားလည်နိုင်ဖို့ရန် ဒါ တစ်ချို့လူတွေအတွက် ခက်လိမ့်မယ်။ အပြစ်ကင်းလို့ရှိရင် ကိုယ့်ကိုကိုယ် ယုံကြည်စိတ်ချနေတဲ့ဥစ္စာလေးကိုက ဒါ အရသာရှိတယ်။
ပရိသတ်ရေ ဘယ်အထဲဝင်သွားသွား ဘာအပြစ်မှမရှိရင် ဘာမှ ပူစရာမလိုဘူး။ အေး ဘယ်အကြောင်းကြောင့်မှ နှလုံးစိတ်ဝမ်း မအေးချမ်းဘဲနဲ့ နောက်ကြောင်းကိုပြန်တွေးပြီးတော့ ကုက္ကုစ္စဆိုတဲ့ပူပန်မှုဖြစ်စရာ ဘာမှ မရှိရင် ဒါချမ်းသာတယ်၊ အဲဒါကို အားလုံး ''အနဝဇ္ဇသုခ'' ပြောကြည့်ပါ။
အနဝဇ္ဇသုခပါဘုရား။

ဒကာတော်မင်းကြီး သီလနဲ့ပြည့်စုံတဲ့ပုဂ္ဂိုလ်ရဲ့ချမ်းသာခြင်းသည် အနဝဇ္ဇသုခဆိုတာ အပြစ်ကင်းတဲ့ ချမ်းသာကိုရတယ်၊ အဲဒါဟာ ဒုတိယံ သန္ဒိဋ္ဌိကံ သာမညဖလံ ရဟန်းပြုခြင်းကြောင့်ရလာတဲ့ ဒုတိယအကျိုးက တော့ အနဝဇ္ဇသုခပါပဲ။ ဘာကိုကျင့်လို့ရတယ်။
သီလကိုကျင့်လို့ရပါတယ်ဘုရား။
သီလကိုကျင့်သုံးခြင်းကြောင့် ပရိသတ်ရေ ဘာသုခရနိုင်သလဲ။
အနဝဇ္ဇသုခပါဘုရား။

ဟာ သေပြီးသည်မှနောက်ဘဝအသက်ရှင်တယ်၊ အနာကင်းတယ်၊ ကျန်းမာတယ်၊ စီးပွားတက်တယ်၊ အဲဒါတွေတော်တော်ဝေးသေးတယ်၊ အခု ဒီဘဝမှာ မသေခင်ရနေတာက အနဝဇ္ဇသုခ၊ သူ့အတွက်အနှောက်အယှက် ဘာမှမရှိတော့ဘူး။
ဒကာတော်မင်းကြီး အဲဒီသုခမျိုးကိုရချင်လျှင် သီလကိုဆောက်တည်၊ ရဟန်းဘဝ ဒီချမ်းသာရတယ်ကွယ့်။ ထို့ထက်လွန်သော သန္ဒိဋ္ဌိက သာမညဖလ ဘာရှိသေးလဲ မြတ်စွာဘုရားမိန့်တော်မူပါ။

ဒုတိယ ကျင့်စဉ် (သို့) သမာဓိ
ဒကာတော်မင်းကြီး ဒုတိယကျင့်စဉ်က သမာဓိ(သို့မဟုတ်) သမထ ပရိသတ်ကြီး ဒုတိယကျင့်စဉ်ကဘာလဲ။
သမာဓိပါဘုရား။
သမာဓိဆိုတာ ဘာလဲလို့မေးရင် ပရိသတ်ရေ စိတ်၏စည်းကမ်း လို့မှတ်ကြပါ၊ ဘာများလဲ။
စိတ်၏စည်းကမ်းပါဘုရား။
MENTAL DISCIPLINE စိတ်ကိုစည်းကမ်းတကျထိန်းနိုင်တဲ့ ပုဂ္ဂိုလ်ချမ်းသာတယ်၊ ခုနကတော့ ကိုယ်နဲ့နှုတ်ကိုထိန်းတာက သီလ၊ ကိုယ်နဲ့နှုတ်ကို ထိန်းတော့ ကာယကံလည်း အပြစ်ကင်းတယ်၊ ဝစီကံလည်းအပြစ် ကင်းတယ်၊ အနဝဇ္ဇသုခရတယ်တဲ့။ ဒါပေမဲ့ စိတ်ကို မထိန်းနိုင်တော့ စိတ်ချည်ပဲသတ်နေ၊ စိတ်နဲ့ချည်း လွန်ကျူးနေတာတွေ ဖြစ်နိုင်တယ်၊ စိတ်ထဲက အကြိမ်ကြိမ်ပရိသတ်ရေ ဟိုလူဒီလူကို သတ်ဖူးတဲ့လူတွေ ကိုယ့်ဟာကိုယ် ပြန်တွေးကြည့်ရှိရင်ရှိမှာ။
ဟာ လှလှပပလေး အမျိုးသားလေးတစ်ယောက်တွေ့လိုက်ရင် အမျိုး သမီးကလည်း စိတ်နဲ့ အမျိုးသမီးလှလှလေးတွေ့လိုက်ရင် အမျိုးသားတွေကလည်း စိတ်နဲ့နော်၊ ကာမေသုမိစ္ဆာစာရ ဖြစ်ချင်ဖြစ်နိုင်တယ်၊ ဟုတ်လား။
မှန်ပါ့ဘုရား။

အဲဒီတော့ မျောက်လိုဖြစ်နေတဲ့စိတ်၊ ပရမ်းပတာ ဟိုအပင်ခုန် ဒီ အပင်ခုန် မျောက်လေး၊ နှာခေါင်းကြိုးမရှိတဲ့ နွားလိုဖြစ်နေတဲ့စိတ်၊ ဟိုခြံ ဒီ ခြံအကုန်စား၊ ဟိုအပြေးမြန်တဲ့ မြင်းလိုဖြစ်နေတဲ့စိတ်၊ ရွာလယ်ခေါင်ရောက် လာတဲ့တောသမင်လို ချောက်ချားနေတဲ့စိတ်၊ အဲဒီစိတ်ကို ဘာနဲ့ထိန်းလဲ ဆိုတော့ သမထနဲ့ထိန်းတယ်။ ဘာနဲ့ထိန်းသလဲ။
သမထနဲ့ထိန်းပါတယ်ဘုရား။
ဝီရိယနဲ့သတိ စိတ်ကို ထိန်းလို့ ဒီစိတ်က တစ်နေရာတည်းမှာမြဲလို့ ငြိမ်သွားပြီဆိုတော့မှ သမာဓိကဝင်လာတယ်၊ အဲဒါကို သမာဓိကိုခေါ်တာ စိတ်၏ စည်းကမ်းတဲ့၊ ဘာလဲ။
စိတ်၏စည်းကမ်းပါဘုရား။
MENTAL DISCIPLINE အဲဒီတော့ တစ်ခုတည်းသောအာ ရုံပေါ်မှာ ဝီရိယ သတိ သမာဓိနဲ့ ထိန်းထားတဲ့အတွက်ကြောင့် စိတ်သည် ငြိမ်နေပြီဆိုရင် အဲ ခေတ်လိုပြောရရင် ဒီပုဂ္ဂိုလ်စိတ်မများတော့ဘူးပေါ့၊ ဘာဖြစ်သလဲ။ စိတ်မများတော့ပါဘုရား။

စိတ္တ၀ိဝေကသုခ

တစ်အာရုံထဲမှာ တစ်စိတ်ထဲမှာနေတယ်၊ အာရုံအားလုံးလည်းဆိတ် ငြိမ်သွားတယ်၊ စိတ်တွေလည်း တခြားမလိုအပ်တဲ့ စိတ်တွေလည်း ကင်းဆိတ်သွားတယ်၊ အဲ မလိုအပ်သော အာရုံတွေနဲ့မလိုအပ်တဲ့ စိတ်တွေကင်းပြီးတော့ တစ်အာရုံထဲ တစ်စိတ်ထဲနေတာကို စိတ္တဝိဝေကခေါ်တယ်၊ ခေါ်ကြည့်ပါ။
စိတ္တဝိဝေကပါဘုရား။ MENTAL SECLUSION အာရုံတွေ့ကင်းပြီးတော့ ငြိမ်ပြီး တစ်စိတ်တည်းဖြစ်တယ်။ အဲဒီလိုတစ်စိတ်တည်း တစ်အာရုံတည်းနေတဲ့ ချမ်းသာကိုခေါ်ရင် ဝိဝေကသုခ၊ ဘာသုခလဲ။
ဝိဝေကသုခပါဘုရား။

ဟိုနတ်ပြည်ခြောက်ထပ်က နတ်စည်းစိမ်တက်ခံစားရတဲ့ချမ်းသာနဲ့ အဲဒီအာရုံတို့မှာ ကင်းနေပြီးတော့ တစ်စိတ်တည်း တစ်အာရုံတည်းနေတဲ့ချမ်းသာ ယှဉ်ကြည့်ရင် တစ်စိတ်ထဲ တစ်အာရုံထဲချမ်းသာက ပိုပြီးတော့ မြိန်ယှက်ဖွယ်ကောင်းတယ်တဲ့၊ ဒါကို ဝိဝေကသုခ ခေါ်ပါတယ်။
ဒကာတော်မင်းကြီး သမထ (သို့မဟုတ်) သမာဓိကျင့်သဖြင့် အာရုံငါးပါးဆိတ်သွားတဲ့ အတွက်ကြောင့်မို့လို့ တစ်အာရုံထဲ တစ်စိတ်ထဲနေတဲ့ ပုဂ္ဂိုလ်ရဲ့ချမ်းသာ ဝိဝေကသုခသည်၊ ပရိသတ်ကြီး ဘာသုခ။
ဝိဝေကသုခပါဘုရား။
အဲဒီ ဝိဝေကဇံ ပီတိသုခံ - ဝိဝေကကြောင့်ဖြစ်လာတဲ့ ဒီချမ်းသာခြင်းဟာ ငြိမ်းချမ်းခြင်းဟာ။ ဒုတိယံ - နှစ်ခုမြောက်သော။ သန္ဒိဋ္ဌိကံ သာမညဖလံ - ရဟန်းဘဝမှလက်တွေ့ မျက်မှောက်ကိုယ်တိုင်ရနိုင်တဲ့အကျိုးတရားပါပဲလို့။ သတ္ထာ - နတ်လူတို့ဆရာဘုရားရှင်သည်။ ဗျာကရောသိ - ကောင်းစွာမသွေ ဖြေကြားတော်မူလိုက်ပါပေသတည်း။
သာဓု သာဓု သာဓုပါဘုရား။

ပရိသတ်ရေ မမေ့စေနဲ့ သီလနဲ့ပြည့်စုံတဲ့ပုဂ္ဂိုလ်ဘာသုခရလဲ။
အနဝဇ္ဇသုခရပါတယ်ဘုရား။
သမာဓိပြည့်စုံတဲ့ပုဂ္ဂိုလ်ဘာချမ်းသာရလဲ။
ဝိဝေကသုခပါဘုရား။
ဝိဝေကသုခ မျက်မှောက်ထင်ထင်ရနိုင်တာ၊ သေပြီးတဲ့အထိစောင့် စရာမလိုဘူးတဲ့။ NO DEED TO WAIT AFTER DEAD, EVERY BODY CAN ATTAIN DISABUSE IN THIS EVERY LIFE. မျက် မှောက်ဘဝမှာ ဒါမျိုးကိုရတယ်၊ သီလ သမာဓိ မြတ်စွာဘုရား ထို့ထက်ပို သော သန္ဒိဋ္ဌိက သာမညဖလ ရှိပါသေးသလား။
ရှိတယ် ဒကာတော်မင်းကြီး။
ဘုန်းကြီးက သမာဓိတစ်လုံးတည်းပြောတယ်၊ ပထမဈာန်သမာဓိ၊ ဒုတိယဈာန်သမာဓိ၊ တတိယဈာန်သမာဓိ၊ စတုတ္ထဈာန်သမာဓိ ဈာန်လေး ပါးကို အဆင့်ဆင့်ပြောတယ်။ ပြီးတော့မှ ဘာပြောလဲဆိုတော့ လောကီ အဘိညာဉ်ငါးပါး ဘုရားက ဒီလောက်အသေးစိတ်ပြောတယ်၊ ဘုန်းကြီးတို့ ပရိသတ်ကလည်း ဒီလောက်အသေးစိတ်စရာမလိုဘူး။

အပိုင်း (၇)ဆက်ပါဦးမည်။

အားလုံး ရွှင်လန်းချမ်းမြေ့ကြပါစေ။
သီတဂူစတား
၃၀-၉-၂၀၁၀

Read more »