ကျောင်းသားဘ၀ရဲ့ တစ်နေ့တာ

သီတဂူစတား၏ မိတ်ဆက်
ယခုတစ်ပတ်တော့ စာရေးဆရာ ကောင်းမွန် ရဲ့ တစ်နေ့တာမှတ်တမ်းတစ်ပုဒ်ကို တင်ပြပါမည်၊ ဤ ပို့စ်လေးက ပူနေးတ္ကသိုလ်ကျောင်းသားတစ်ယောက်ရဲ့ ဘ၀ကို ပုံဖော်ပေးနေခြင်းဖြစ်သလို ပူနေးတက္ကသိုလ် ပါဠိဌာနရဲ့ လှုပ်ရှားဟန်တွေကိုလည်း ပုံဖော်ထားခြင်းဖြစ်ပါသည်။ ပါဠိဌာနသည် ပူနေးတက္ကသိုလ်၏ နောက်ဆုံး ပေါ်ပေါက်လာသော ဌာနတစ်ခုဖြစ်သည်၊ သုံးနှစ်မျှသာ သက်တမ်းရှိသေးသော်လည်း ပါဠိဒီပလိုမာ၊ ပါဠိ အမ်အေ နှင့် ပါဠိ ဒေါက်တာ ဘွဲ့ရကျောင်းသားများကို မွေးထုတ်ပေးနိုင်ခဲ့ပြီးဖြစ်သည်။ ယခုအခါ ပါမောက္ခ ပါဠိဌာနမှူး၏ ကြိုးပမ်းမှုဖြင့် ပါဠိဌာနသည် ပူနေးတက္ကသိုလ်တွင် ထင်ရှားလာရုံမက နိုင်ငံတကာ ဗုဒ္ဓတက္ကသိုလ်များနှင့် ပါဠိဌာနများအလည်တွင်လည်း ၃ နှစ်အတွင်း နေရာရလာသည်။ ၂၀၀၉ ခု၊ မတ်လတွင် သီတဂူကမ္ဘာ့ဗုဒ္ဓတက္ကသိုလ်တွင် ကျင်းပပြုလုပ်သော အပြည်ပြည်ဆိုင်ရာ ထေရ၀ါဒ တက္ကသိုလ်များ ညီလာခံတွင်လဲ ပူးနေတက္ကသိုလ် ပါဠိဌာနမှူး သည် မိတ်မံခြင်းခံရသည်အတွက် မြန်မာပြည်ရဲ့ ပညာအရေအချင်းကို ကောင်းကောင်းသိသည်။ သို့ဖြစ်၍ ပါဠိဌာနမှ မြန်မာကျောင်းသားများ နာမည်ရလာသည်။

ကိုကောင်းမွန်က ဒီလိုဗျ
ကိုကောင်းမွန် အကြောင်းက ဒီလိုဗျ။ သူသည် သီတဂူကမ္ဘာ့ဗုဒ္ဓတက္ကသိုလ်တွင် သီတဂူစတားတို့နှင့် အတူ ကျောင်းအတူ တက်ခဲ့သူဖြစ်ပါသည်။ သဘောကောင်းသည်၊ အဆိပ်မရှိ သို့သော် ခေါင်းမာသည်၊ စာရေးဝါသနာ ပါသည်အားလျော်စွာ စာပေဗဟုသုတလဲ ရှိသည်။ သူ့ဆီက စာဆွေးနွေးရင်း အတွေးအသစ် အမြင်အသစ်လေးတွေ ရတက်သည်၊ သီတဂူစတားက စာဖတ်ပျင်း၊ စာရေးဝါသနာ ပါသော်လည်း မရေးခဲ့၊ ကိုယ့်ကိုယ်ကို အဖြစ်မရှိဟုထင်ခါ မရေးဖြစ်ခဲ့၊ တကယ်လဲ အဖြစ်မရှိခဲ့ပါဘူး။

စာငြင်း
သီတဂူစတားသည် အနောက်တိုင်းဒဿနနှင့် အိန္ဒိယဒဿနများကို သင်နေသူဖြစ်ရကား မိမိ၏ အတွေးအခေါ်များကို ကိုကောင်းမွန်နှင့် ဆွေးနွေးလေ့ရှိသည်။ သူ့ထံမှ ဗုဒ္ဓစာပေရှုထောင့်က နေ အယူအဆများ ရတက်သည်။ တခါတရံ သူဆီကနေ ဘယ်လို အတွေးသစ်များရမလဲ မျော်လင့်ပြီး အနောက်တိုင်းဒဿန အတွေးအခေါ်ဘက်က နေ နေပြီး ငြင်းခုံလေ့ရှိသည်၊ debate လုပ်ရတာ အသိပညာအတွက် များစွာ အထောက်ကူပြုပါသည်၊ အခြားသူများထံမှ မတူညီတဲ့ အတွေးသစ်များရသည့် အပြင် ကိုယ်ကိုယ်တိုင်ကလဲ သူရဲ့ အဆိုပြုချက်ကို ဘယ်လိုတုန့်ပြန်မလဲ ဆိုတဲ့ အတွေးသစ် အမြင်သစ်များရနိုင်သည်၊ တွေးခေါ်တက်သည့် အလေ့ကျင့်လဲ ကောင်းကောင်းရနိုင်သည်။ တောင်မြို့ မဟာဂန္ဓာရုံဆရာတော်ကြီးက စာငြင်းတာကို သဘောကျသည်ဟု မှတ်သားဘူးပါသည်။ သစ်ပင်အောက် တန်းယားပေါ်မှာ ထိုင်းနေသော ကိုရင်လေး ၂ ပါးအနား ဆရာတော်ကြီး ရောက်လာကာ ငါ့ရှင်တို့ ၂ ပါး စကားအော်ကြယ် အော်ကြယ်နဲ့ ဘာလုပ်နေကြတာလဲ? မှန်ပါဘုရား တပည့်တော်တို့ စာငြင်းနေကြပါတယ်ဘုရား၊ အေးကွ ငြင်းကြကွ စာငြင်းတာ ကောင်းတယ်တဲ့။ အမှန်က သစ်ကိုင်းပေါ်က စာလေးကိုကြည့်ကာ အထီးလား အမလား ငြင်းခုံနေကြခြင်းပင်ဖြစ်သည်။ တောင်မြို့ နေစဉ်က ရှေးရှေးက ဆရာတွေ ပြောပြသဖြင့် သိရသည့် အမှတ်တရလေးတစ်ခုပေါ့။ ဒါကြောင့် ဒဿနိကဗေဒသည် debate ကို အခြေခံသည် အမေးကို အခြေခံသည်။ ရှေးကပညာရှင်၏ အဆိုပြုချက်တစ်ခုကို နောက် ပညာရှင်များက criticize လုပ်သည်၊ ခေတ်ပြိုင် အတွေးခေါ်ရှင်တွေကတော့ အချင်းချင်း debate လုပ်ကြသည်၊ ထိုဆွေးနွေးချက်ကနေမှ အဖြေကောင်းတစ်ခု ရသည်။ ဒါက ဖီလိုဆိုဖာတွေရဲ့ mind food ပေါ့။ ကိုကောင်းမွန်းရဲ့ ပူနေးကျောင်းသားဘ၀ တစ်နေ့တာအဖြစ်အပျက်ကလေး စလိုက်ကြစို့။

ပူနေးတက္ကသိုလ်ကျောင်းသား (အပိုင်း-၁)

အိပ်ယာထ
နံက် (၆) နာရီလောက် အိပ်ရာ ထသည်။ မီးဖွင့်ပြီး အိပ်ရာထက် ပြန်အိပ်နေလိုက်သည်။ ဦးသု စရိတ Ph.D စာတမ်း တင်ပြီးဖြစ်၍ မြန်မာပြည်သို့ ပြန်မည်။ ယနေ့ ဘုံဘေ သွား။ ဘုံဘေတွင် တစ်ညအိပ်။ နောက်တစ်နေ့ ည TG လေယာဉ်ဖြင့် မြန်မာပြည်သို့ ပြန်မည်။ ဦးသီရိန္ဒ က ကားဂိတ်သို့ လိုက်ပို့မည်ဖြစ်ရာ ဦးသီရိန္ဒ အချိန်မီ အိပ်ရာမှ နိုးရန် မီးဖွင့် ထားလိုက်သည်။

နံနက် ၇ နာရီလောက် အိပ်ရာက ပြန်ထသည်။ သည်တစ်ခါတော့ ပြန်မအိပ်တော့။ တစ်နေ့ တာ လုပ်ငန်းစရန်အတွက် နောက်ဆုံးနိုးကြားခြင်းဖြစ်သည်။ အိပ်ရာအထ မျက်နှာမသစ်သေး ဘဲ ဒိုင်ရာရီမှတ်ရန် စိတ်ကူးရသဖြင့် အိပ်ထဲမှ ဒိုင်ရာရီစာအုပ်ကို ဆွဲထုတ်လိုက်သည်။ ဒိုင်ရာရီကို လှန်ကြည့်မှ ဒိုင်ရာရီမမှတ်ခဲ့တာ အတော်ကြာပြီဆိုတာကို သိရသည်။

လရောင်ကို နမ်းရှိုက်သူများ
၁၃ ရက် ဖေဖေါ်ဝါရီ စနေနေ့က ပူးနေးမြို့ထဲ German bakery တွင် ဗုန်းပေါက်ကွဲ လူ ၁၀-သေ၊ ၅၈ ဒါဏ်ရာရ။ ပါဠိဌာန ဆရာဒေ၀ကာမိသားစုနှင့် အနုရုဒ္ဓါတို့ ဂျပန်နိုင်ငံသို့ တစ်လကြာ ခရီးသွားကြသည့်အကြောင်းများကို ရေးမှတ်ဘို့ စိတ်ကူးသည်။ ထိုစဉ် ဦးသီရိန္ဒ အနီးသို့ ရောက်လာပြီး စာအုပ်လေးတစ်အုပ်လာပြသည်။ မျက်နှာဖုံး ဖတ်ကြည့်တော့ လရောင်ကို နမ်းရှိုက်သူများ အမည်ရှိ ကဗျာစာအုပ်။ လရောင်ဆိုသည်မှာ သီတဂူဆရာတော်ကို ရည်ညွှန်း ခြင်းဖြစ်သည်။ နမ်းရှိုက်သူများကတော့ တပည့် ဒကာဒကာမများပင်။ သီတဂူဆရာတော် သက်တော် ၇၃ နှစ်ပြည့်မွေးနေ့ မင်္ဂလာအထိန်းအမှတ်အဖြစ် အိန္ဒိယရောက် မြန်မာကျောင်း သား ရဟန်းတော်များ၏ လက်ရာများကို စုစည်းထားခြင်းဖြစ်သည်။ ဖန်တီးသူမှာ လင်းထက် (မြင်းခြံ) ဖြစ်သည်။ ကဗျာတစ်အုပ်လုံးကို ပြီးအောင်ဖတ်လိုက်ပြီး တစ်ချို့ကဗျာများကို နှစ်ခေါက်ပြန်ဖတ်သည်။ မွေးနေ့စာအုပ်တွင် နာကျင်ငြီးတွားသံများလွှမ်းနေသည်ဟု သုံးသပ်မိ။

နံနက်စာ
ကိုကြီးညော မီးဖိုချောင်ဝင်၍ ကြက်ဥပေါင်မုံ့ ကြော်နေသည်။ ယနေ့ နံက်စာကို ပေါင်မုံ့ကြက် ဥကြော်နှင့် ပြီးကြမည့်သဘောပင်။ ကိုကြီးညောမှာ ကောင်းကောင်းကြော်တတ်ပုံမရ။ ကြော် သမျှ တူးနေသည်။ အကြော်ပုံထဲမှ သုံးလေးခုခန့်ယူပြီး ရေနွေးနှင့် သောက်စားလိုက်သည်။ ယနေ့ နံနက်စာ သို့မဟုတ် နေ့ဝက်စာ ပြီးသွားပြီ။ လူမမာ ဦးပညိန်အတွက် သုံးခုခန့် ကြော် ပေးလိုက်ပြီး ကျောင်းသွားရန်ပြင်သည်။

ခြေတက်ရဦးမည်
ယနေ့ ပုံမှန် အတန်းများမရှိဟု သုမေဓာထံမှ ဖုန်းသတင်းရထားသည်။ အတန်းများ ရှိမရှိကို သူတို့ကို မေးရသည်။ သူတို့ကမှ သင်တန်းနှင့် ပတ်သက်၍ အစစ သိကြသည်။ ပုံမှန်အတန်း များ မရှိသော်လည်း အဘိဓမ္မာသင်တန်းတစ်ခုကတော့ ရှိသည်။ ထိုသင်တန်းကို အိမ်မှ မိမိ တစ်ဦးတည်းသာ တက်သည်။ ထို့ကြောင့် အများတကာ အတန်းမရှိ၍ အိမ်မှာ အေးဆေး နေနိုင်သော်လည်း မိမိမှာ ခြေတက်ရဦးမည်။

လမ်းလျှောက်သမားလေး
အိမ်မှ တက္ကသိုလ်ဂိတ်သို့ နာရီဝက်၊ တက္ကသိုလ်ဂိတ်ပေါက်မှ pali department အထိ ၁၅ မိနစ် စုစုပေါင်း ၄၅ မိနစ် လမ်းလျှောက်သွားရသည်။ နံနက်ပိုင်း သင်တန်းများဖြစ်၍ လမ်းလျှောက်လို့ အဆင်ပြေ၏။ first semester တုန်းက နေ့ပိုင်းသင်တန်းများဖြစ်၍ နေ့စဉ်ပင် သုံးဘီးစီးသွားရသည်။ ယခု second semester တွင် အတန်းချိန်များမှာ နံနက်သို့ ရောက်လာ ခဲ့သည်။ ထို့ကြောင့် သုံးဘီးသမားများကို လှည့်မကြည့်ဘဲ လမ်းလျှောက်၍သာ သွားတော့၏။ လမ်းလျှောက်ခြင်းသည် ကျန်းမာရေးကို ကောင်းစေ၏။ အသက်ကို ရှည်စေ၏။ အစာကို ကြေစေ ၏ ဟု ကျန်းဂန်များတွင် ဆိုထားသည်။ ယခု လက်တွေ့ကျင့်သုံးကြည့်ခြင်းဖြစ်သည်။ တနည်းအားဖြင့် ရူပီးငွေ ၃၀ ကျော် ၄၀ ကို သုံးဘီးသမားအား မပေးလို၍လည်း ဖြစ်သတတ်။

ပုံတော်တောင်းသူ
တက္ကသိုလ်သို့ လမ်းလျှောက်လာရာ တံတားပေါ်အရောက် နောက်မှ ဆိုင်ကယ်တစ်စီး အနားသို့ ထိုးရပ်လာသည်ကို သတိပြုမိ၏။ ကြည့်လိုက်တော့ လူငယ်တစ်ဦး။ ထိုလူငယ်က သူ၏ ဆိုင်ကယ်ဖြင့် လိုက်ခဲ့ရန် ပြောသည်။ သို့သော် လမ်းလျှောက်၍သာ သွားချင်သည်ဖြစ်၍ ကျေးဇူးတင်ပါသည်။ မလိုက်ပါလိုပါဟု ပြန်ပြောလိုက်သည်။ သို့သော် ထိုလူငယ်က အနားမှ ထွက်မသွားသေးဘဲ လိုက်ပါခဲ့ရန်သာ ပြောနေသဖြင့် အိပ်ထဲမှ ဗုဒ္ဓပုံတော်ပါသော ဆွဲပြားတစ် ခုကို ထုတ်ပေးလိုက်သည်။ လူငယ်မျက်နှာ ၀င်းပသွားပြီး ကျေးဇူးတင်ပါကြောင်းပြောပြီး အနားမှ ထွက်သွားသည်။ ဤသို့ပင် ဤနေရာ၌ ဗုဒ္ဓဘာသာကို သက်ဝင်ယုံကြည်သူများသည် ဘုန်းကြီး ရဟန်းများနှင့်တွေ့က ဗုဒ္ဓပုံတော်တောင်းယူတတ်သည်။ ထိုအကြောင်းကို သိထား၍ ဗုဒ္ဓဂယာရောက်စဉ်က ဗုဒ္ဓဂယာပုံတော်ပါ ဆွဲပြားများကို ၀ယ်ခဲ့ပြီး တောင်းသူရှိက ပေးနိုင်ရန် အိပ်ထဲတွင် အမြဲဆောင်ထားသည်။

ဂိတ်စောင့်ရဲများ
တက္ကသိုလ်ဂိတ်အ၀င်ပေါက်တွင် ဂိတ်စောင့်ရဲများ အ၀င်အထွက် စစ်ဆေးနေသည်ကို တွေ့ရ သည်။ Valentine day အကြို ယမန်နေ့ (၁၃-၂-၂၀၁၀) ညနေ ၇း၀၀ က မြို့ထဲ နာမည်ကျော် osho ယောဂသင်တန်းကျောင်းအနီး German Bakery ဆိုင်တွင် ဗုန်းပေါက်ကွဲခဲ့မှု ဖြစ်ပွားခဲ့သည်ကို အကြောင်းပြု၍ တင်းတင်း ကြပ်ကြပ် စစ်ဆေးနေခြင်းပင်ဖြစ်သည်ဟု ထင်ရသည်။

မင်္ဂလာပါ
Pali department ရှေ့ရောက်တော့ နံနက် ၉း၁၅ရှိပြီ။ သင်တန်းပြရာ အပေါ်ထပ်သို့ ဆက်လက်တက်ခဲ့သည်။ သင်တန်းခန်းမတွင် သင်တန်းတာဝန်ခံ ဥဇ္ဖောကုမာရကို တွေ့ရ သည်။ ထုံးစံအတိုင်း မိမိက သုဘရာဘတာ (ကောင်းသော နံနက်ခင်းပါ) ဟု ကုလားလို နှုတ်ဆက်ပြီး သူက မင်္ဂလာပါ ဟု မြန်မာလို ပြန်လည် နှုတ်ဆက်သည်။ ပါဠိဌာနတွင် သင်တန်းသားများသည် အချင်းချင်းနှုတ်ဆက်ရာတွင် များသောအားဖြင့် မြန်မာနည်း မြန်မာ ဟန်ဖြင့် မင်္ဂလာပါ ဟု နှုတ်ဆက်ကြသည်။ မင်္ဂလာဆိုသည်မှာ မကောင်းတာတွေ ကင်းပျောက် ကောင်းတာတွေ ရောက်လာပါစေ ဟုအဓိပ္ပါယ်ရှိကြောင်း မိမိတို့က ပြောပြထားသည်။ မင်္ဂလာပါနှင့် နေကောင်းပါသလား မြန်မာစကားကို သူတို့ ကောင်းစွာ ပြောတတ်သည်။

ကောင်းမွန်၏ ကျောင်းသားဘ၀ရဲ့ တစ်နေ့တာ အပိုင်း (၂) ဆက်ပါဦးမည်။
သီတဂူစတား
၈-၃-၂၀၁၀

Posted in: မှတ်စု