ရွှေကျင်သံဃာ့ရာဇာ နယူးဒေလီမိန့်ခွန်း

နယူးဒေလီမြို့၊ “The Hotel Lalit”၌ ကျင်းပသော တစ်ကမ္ဘာလုံး ဆိုင်ရာ ဗုဒ္ဓဘာသာညီလာခံကြီး၌ ရွှေကျင်သာသနာပိုင် ၀ါဆိုဆရာတော်ဘုရားကြီး၏ နှုတ်ခွန်းဆက်စကား

နှုတ်ခွန်းဆက်
ချစ်ခင်လေးစားအပ်ပါသော သံဃာတော်များ၊
ထူးခြားသည့် ဧည့်သည်တော်ကြီးများ၊
ဘာသာရေး နိုင်ငံရေးခေါင်းဆောင်များ၊
ပညာရှင်များနှင့် ဓမ္မမိတ်ဆွေအပေါင်းတို့ ရှေးဦးစွား “Asoka mission” ဆိုတဲ့ အသောကသာသနာပြုအဖွဲ့နှင့် စည်းရုံးရေးအဖွဲ့ဝင်များ၏ ဤမျှကြီးကျယ်ခမ်းနားသော တစ်ကမ္ဘာလုံးဆိုင်ရာ ဗုဒ္ဓဘာသာညီလာခံကြီး ဖြစ်ပေါ်လာအောင် ပင်ပင်ပန်းပန်း ကြိုးစားအားထုတ်ခဲ့သည့်အတွက် အလေးအနက် ကျေးဇူးတင်ကြောင်း ပြောကြားလိုပါသည်။

ထို့အပြင် ဤအစည်းအဝေးကြီး၌ အကျွန်ုပ်အား နှုတ်ခွန်းဆက်စကား ပြောကြားခွင့်ပေးသည့်အတွက်လည်း မြန်မာနိုင်ငံ သံဃာတော်ပေါင်း ငါးသိန်းကျော်တို့နှင့် သန်းခြောက်ဆယ်ကျော်မျှရှိသော မြန်မာနိုင်ငံပြည်သူ/သားတို့ကိုယ်စား အထူးပင် ကျေးဇူးတင်ကြောင်းကိုလည်း ပြောကြားလိုပါသည်။ ဤမျှကြီးကျယ်ခမ်းနားသော တစ်ကမ္ဘာလုံးဆိုင်ရာ ဗုဒ္ဓဘာသာအစည်းအဝေးကြီး၌ ထူးခြားသည့်ဧည့်သည်တော်များ၊ ပညာရှိများ၊ နိုင်ငံရေး ဘာသာရေး စိတ်ဓာတ်ရေးရာ ခေါင်းဆောင်များနှင့် အတူတကွ ပါဝင်တက်ရောက်ရန် အထူးအခွင့်အရေးရရှိသည့်အတွက် အမှန်တကယ်ပင် ဂုဏ်ယူဝမ်းမြောက်ပါသည်။

ကြီးမြတ်သော ယောက်ျား
အကျွန်ုပ်တို့သည် အိန္ဒိယနိုင်ငံတော်ကြီး၏ ဘာသာရေးအတွေးအခေါ်ပညာ၊ စိတ်ပညာ၊ စာပေအနုပညာ စသည်တို့၌ ကြီးကျယ်မြင့်မြတ်သော ဗုဒ္ဓကဲ့သို့သော ဘာသာရေးခေါင်းဆောင်များ၊ ဇိနကဲ့သို့သော ဘာသာရေးခေါင်းဆောင်များ၊ ရ၀ိန္ဒြာနတ်တဂိုးကဲ့သို့သော စာပေပညာရှင်များထံမှ မျိုးဆက်တစ်ခုမှတစ်ခု ယနေ့တိုင် အဆက်မပြတ် ကြီးကျယ်ဖြစ်ထွန်းရရှိနေသည်ကိုလည်း အကျွန်ုပ်တို့ အထူးပင်စိတ်ဝင်တစား ရှိရပါသည်။ မဟတ္တမဂန္ဓီ၏ အဟိံသာ ၀ါဒသည် မြတ်ဗုဒ္ဓ၏ ကရုဏာတို့နှင့် ဆက်စပ်နေသည်မှာလည်း အထူးပင် အံ့သြဖွယ်ရာ ဖြစ်ပါသည်။ မဟာဝီရ၏ အဟိံသာဝါဒတို့သည် အာရှတိုက်၏ နိုင်ငံရေး ဘာသာရေးခေါင်းဆောင်များအပေါ်မှာသာ လွှမ်းမိုးနိုင်ခဲ့ရုံမျှမက ကမ္ဘာ့နိုင်ငံရေး ခေါင်းဆောင်များကိုပါ အကြီးအကျယ် လွှမ်းမိုးနိုင်ခဲ့သည်မှာ အံ့ချီးဖွယ်ရာ ဖြစ်ပါသည်။
ကြီးမြတ်သော ယောက်ျားတို့သည် ကြီးမြတ်သောစိတ်ဓာတ်ဖြင့် ကြီးကျယ်မြင့်မြတ်သော အလုပ်တို့ကို ကမ္ဘာ့သမိုင်းတွင်အောင် လုပ်ဆောင်ခဲ့ကြသည်။ ရ၀ိန္ဒြာနတ်တဂိုး ရေးသားခဲ့သော ကဗျာတို့၏ အရောင်အရိပ်များသည် ယနေ့တိုင်အောင် လူ့လောကကြီးတစ်ခုလုံးအပေါ်မှာ နွေးထွေးစွာ လွှမ်းမိုးလျက်ရှိပါသည်။ သူ၏ကမ္ဘာ့ငြိမ်းချမ်းရေးနှင့် လူသားတို့အကျိုးပြု ကဗျာစာပေတို့မှာ နိုင်ငံနှင့် လူမျိုး နယ်နိမိတ်အားလုံးကို ကျော်ဖြတ်၍ ယနေ့တိုင် တစ်ကမ္ဘာလုံးကို လွှမ်းမိုးလျက် ရှိပါသည်။

အမှောင်နဲ့ အလင်း
ဒါကြောင့် ဒီကနေ့ တစ်ကမ္ဘာလုံးဆိုင်ရာ ဗုဒ္ဓဘာသာညီလာခံကြီး၏ ရည်ရွယ်ချက်နှင့် ပတ်သက်၍လည်း အကျွန်ုပ်စကားအနည်းငယ်မျှ ပြောကြားလိုပါသေးသည်။ အမှောင်ထဲမှာ နေရတဲ့လူတို့အတွက် အလင်းရောင်ဆိုတာ တကယ်ပဲလိုက်အပ်ပါတယ်။ သို့သော် အမှောင်နှင့်အလင်း ဤနှစ်ခုသည် ပူးတွဲရပ်တည်လို့ မရပါ။ မှောင်တဲ့နေရာမှာ အကျွနု်ပ်တို့သည် အလင်းကို အစားထိုးရမှာ ဖြစ်ပါသည်။ ထို့အပြင် မီးရှိတယ် မီးလောင်တယ်ဆိုရင် ရေသည် မရှိမဖြစ် လိုအပ်တဲ့ပစ္စည်းတစ်ခုပါ။ သို့သော် ရေနှင့်မီးတို့သည် အတူတကွတွဲ၍ မရပ်တည်နိုင်ကြပေ။ လေးစားအပ်ပါသော သံဃာတော်များ၊ ချစ်ခင်ရပါသော ဂုဏ်သရေရှိ ပရိသတ်များ ယနေ့ မျက်မှောက်ခေတ်တွင် ကမ္ဘာကြီးသည် စိုးရိမ်ပူဆွေးခြင်း၊ လုံခြုံမှုမရှိခြင်း၊ ဆင်းရဲငတ်မွတ်ခြင်းတို့အောက်တွင် အများဆုံးရောက်ရှိနေပါသည်။ ထိုဒုက္ခအပေါင်းတို့ကို ဖြစ်စေတာကတော့ ညှင်းဆဲနှိပ်စက်ခြင်း၊ စစ်မက်ဖြစ်ပွားခြင်းနှင့် ပဋိပက္ခဖြစ်ခြင်းတို့ ဖြစ်ကြပါသည်။ မြတ်ဗုဒ္ဓ၏ အဆုံးအမတစ်ခု၌ “အန္ဓီဘူတော အယံ လောကော၊ ဤလောကကြီးသည် ကန်း၏”။ “သဗ္ဗော လောကော ပကမ္ပိတော၊ ဤလောကကြီးသည် တုန်လှုပ်နေ၏”။ “သဗ္ဗော လောကော ပဇ္ဇလီတော၊ ဤလောကကြီးသည် လောင်ကျွမ်းနေ၏” ဟု မိန့်တော်မူထားတာ ရှိပါသည်။

သိပ်ချစ်နေကြတဲ့ သံဃာ့ရာ (၀ါဆိုဆရာတော်နှင့် တိဘက်ရဟန်းမင်း ဒလိုင်းလားမား)

ကမ္ဘာ့ခေါင်းဆောင်များနှင့် စိန်ခေါ်မှု
သစ္စာတရားကို မသိနားမလည်ခြင်း၊ အာဏာနှင့်စည်းစိမ်ကို မက်မောခြင်းတို့ကြောင့် ကမ္ဘာ့သမိုင်းတစ်လျှောက်လုံး၌ ကမ္ဘာမြေကြီး သွေးနီစွန်းခဲ့သည်မှာ များပြားလှပေသည်။ ထို့ကြောင့် ယနေ့မျက်မှောက်ကမ္ဘာမှာ လူသားအားလုံးတို့ကို ငြိမ်းချမ်းစွာ ညီညွတ်စွာ အတူတကွ လက်တွဲကြဖို့ အရေးကြီး လိုအပ်နေပြီ ဖြစ်ပါသည်။ ဤလိုအပ်ချက်က ကမ္ဘာ့ဘာသာရေးခေါင်းဆောင်များ၊ စိတ်ဓာတ်ရေးရာခေါင်းဆောင်များ၊ နိုင်ငံရေးရာခေါင်ဆောင်များကို အထူးပင် စိန်ခေါ်နေပြီဖြစ်ပါသည်။ အကျွန်ုပ်တို့အားလုံး ထိုစိန်ခေါ်ချက်များကို ရင်ဆိုင်ရပါလိမ့်မည်။ အကျွန်ုပ်တို့ ခေါင်းဆောင်များအားလုံး ကမ္ဘာကြီး၏လိုအပ်ချက်တို့အပေါ်မှာ တာဝန်ရှိနေကြသည်ဆိုတာကို လက်ခံကြရပေလိမ့်မည်။ ယနေ့ ကမ္ဘာသူ/သားတို့ ကိုးကွယ်နေကြသည့် ဘာသာတရားတိုင်းမှာ အပြင်လွှာအကာနှင့် အတွင်းပိုင်းအနှစ်ဟူ၍ နှစ်မျိုးရှိပါသည်။ ကျမ်းစာများ၊ ပုံဝတ္ထုများ၊ ယုံကြည့်မှုများ၊ အခန်းအနားများ၊ ရဇ်စသည်ပူဇော်ခြင်းများမှာ ဘာသာတရားအားလုံး၏ အပေါ်လွှာအကာပင် ဖြစ်ပါသည်။ ထိုအပေါ်ယံ အကာအခေါက်များက ဘာသာတရားတစ်ခုနှင့်တစ်ခုကို ခြားနားကွဲပြားစေကြတာ ဖြစ်ပါသည်။ သို့သော် ဘာသာတရားတိုင်းမှာ အတွင်းပိုင်းအနှစ်ဆိုတာ ရှိပါတယ်။ အတွင်းအနှစ်သို့ရောက်လျှင် ဘာသာတရားအားလုံး တူညီသွားကြပါသည်။ ဒါန၊ သီလ၊ ကိုယ်ကျင့်တရား၊ လူ့ဘ၀စည်းကမ်းစိတ်ဓာတ်ထိမ်းခြင်း၊ စိတ်ဓာတ်ဖြူစင်ခြင်း၊ မေတ္တာ၊ ကရုဏာ၊ မုဒိတာ၊ ခန္တီ၊ ပညာတို့မှာ ဘာသာတရားတိုင်း၏ အနှစ်သာရ တူမျှနေသော အချက်ပင်ဖြစ်ပါသည်။ လူသားတိုင်း အညီအမျှ လက်ခံနိုင်ကြသည့် သီလ၊ သမာဓိ၊ ပညာ၊ မေတ္တာ၊ ကရုဏာ၊ မုဒိတာ၊ ခန္တီ ဤအချက်များကို အားလုံးသော ဘာသာရေးခေါင်ဆောင်တို့က လောကကြီးတစ်ခုလုံးကို အလေးအနက်ထား၍ သင်ကြားပို့ချပေးဖို့ လိုအပ်ပါသည်။

ဘာသာတရားကို ကိုးကွယ်ဆည်းကပ်ကြသည့် လူသားအားလုံးတို့က အထက်ပါ ဘာသာရေးအနှစ်သာရကို အလေးအနက်ထားပြီး လိုက်နာကျင့်သုံးကြဖို့ လိုအပ်ပါသည်။ အကယ်၍သာ ဘာသာရေးခေါင်ဆောင်များနှင့် ဘာသာဝင်အားလုံးတို့က ဘာသာတရား၏ အနှစ်သာရကို သင့်တင့်လျှောက်ပတ်စွာ အလေးအနက်ထား ဦးစားပေးကျင့်သုံးနိုင်ကြမည်ဆိုလျှင် ခန္တီ၊ မေတ္တာ၊ ကရုဏာ၊ ပညာ၊ အဟိံသာတရားတို့က ပဋိပက္ခနှင့် စစ်မက်များကို လျှော့ပါးသွားအောင် ပျောက်ကွယ်သွားအောင် စွမ်းဆောင်နိုင်မည်ဖြစ်ပါသည်။ အားလုံးသော လူသားတို့သည် မိမိတို့ ယုံကြည်ရာ ကိုးကွယ်ရာကို လွတ်လပ်စွာယုံကြည်ခွင့် ကိုးကွယ်ခွင့် ဟောပြောခွင့် ရှိသင်ပေသည်။ သို့သော် လူသားတိုင်း သတိပြုရမှာက ဆိုင်ရာဆိုင်ရာ ဘာသာတရားတို့၏ အနှစ်သာရကို ကျင့်သုံးလိုက်နာဖို့ မချွတ်မယွင်း မပျက်ကွက်ရန်ပင် ဖြစ်ပါသည်။ ထို့အပြင် မိမိဘာသာတရားဖြင့် အခြားသောဘာသာတရားတို့ကို အနှောက်အယှက်မပြုရန်လည်း အရေးကြီးပေသည်။

(တိဗက်ရဟန်းမင်းကြီးက ၀ါဆိုဆရာတော်ကြီးအား လက်ဆောင် ပေးစဉ်)

သဘောထားကြီးဖို့လို
ဓမ္မာသောကမင်းကြီး၏ ကျောက်စာ၌ ဖေါ်ပြထားသကဲ့သို့ မိမိတို့၏ ဘာသာတရားထွန်းကားရေးအတွက် အခြားအခြားသော ဘာသာတရားနှင့် ဘာသာဝင်တို့ကို မနှောက်ယှက်ရန် မပုတ်ခတ်ရန် အရေးကြီးပေသည်။ ဤကဲ့သို့ ဘာသာတရားများ များပြားစွာရှိရာ၌ ဘာသာအယူဝါဒ အမျိုးမျိုးရှိကြကုန်သော လူတို့သည် မြတ်ဗုဒ္ဓကို ချဉ်းကပ်ကြသည့်အခါ မြတ်ဗုဒ္ဓက ဤကဲ့သို့ ပြန်လည်၍ မိန့်တော်မူဘူးပါသည်။ “အို အချင်းလူသားတို့ သဘောမတူနိုင်သည့်အချက်များကို ဘေးဖယ်ထားလိုက်ကြပါစို့၊ သဘောတူညီနိုင်သည့် အချက်များကိုပဲ ဆွေးနွေးပြောဆိုကြပါစို့၊ အကျွန်ုပ်တို့ ကျင့်သုံးလိုက်နာရမည့် ကျင့်စဉ်များ၌ ငါတို့ ကျင့်သုံးရမည့် ကျင့်စဉ်များ၌ည ငါတို့အားလုံး သဘောတူနိုင်သည့်အချက်များကိုပဲ ထည့်သွင်းဆွေးနွေးကြပါစို့၊ အဘယ့်ကြောင့် မတူညီသည့်အချက်များကို ရှေးတန်းတင်၍ ငြင်းခုံနေကြပါသနည်း?”

ဤသို့လျှင် အံ့ချီးဖွယ်ကောင်းသော ပညာရှင်တို့၏ ညီညွတ်ရေးစကား၏ စွမ်းရည်သတ္တိများသည် ယနေ့ထက်တိုင်အောင် ကမ္ဘာပေါ်၌ ထင်ရှားတည်ရှိလျက်ပင် ရှိပါသေးသည်။ ဆူပူသောင်းကြမ်းခြင်း၊ နှောက်ယှက်ဖျက်ဆီးခြင်း၊ ညှင်းပန်းနှိပ်စက်ခြင်းတို့ကိုသာ စူးစိုက်လုပ်နေကြမည်ဆိုလျှင် ထိုရက်စက်ကြမ်းကြုတ်သော ပုဂ္ဂိုလ်တို့သည် မိမိတို့၏ သွေးရင်းသားရင်း ညီအစ်ကိုမောင်နှမများကို ညှင်းပန်းနှိပ်စက်နေကြသူများ ဖြစ်သည်မှာ ရှင်းလင်းစွာ သိသာလှပေသည်။ သူတို့ဟာ သီးမခံနိုင်ခြင်း၊ ခွင့်မလွတ်နိုင်ခြင်းက တုန့်ပြန်သည်မှာ ရက်စက်ကြမ်းကြုတ်ခြင်း ပုန်းအောင်းလုပ်ကြံခြင်းတို့ ဖြစ်ကြပါသည်။ အခြားတစ်ဖက်၌ ကောင်းခြင်းမင်္ဂလာဆိုသည်မှာ ကရုဏာတရားပင် ဖြစ်ပါသည်။ အဘယ့်ကြောင့်ဆိုသော် ထိုရက်စက်ကြမ်းကြုတ်သူတို့မှာ သနားခြင်းကရုဏာတရားကိုပင် အကျိုးအမြတ်ရကြပေလိမ့်မည်။ ဤသည်ကား သဘာဝဥပဒေဖြစ်သည်။ ဤသည်ကို ဘုရားသခင်၏ အညီအမျှဆုံးဖြတ်ချက်ဖြစ်ခြင်းဟု ခေါ်ဆိုနိုင်သည်။ ဆိုလိုသည်မှာ ဆူပူသောင်းကြမ်း ရက်စက်ကြမ်းကြုတ်သူများကို ကရုဏာပြုရမည်ဟု ဆိုချင်သည်။
မြတ်ဗုဒ္ဓ၏ အဆုံးအမ၌ “ရန်ကို ရန်တုန့်ပြန်ခြင်းဖြင့် ရန်ပွဲမငြိမ်းနိုင်၊ ဆဲဆိုသူကို ပြန်လည်ဆဲဆိုခြင်းဖြင့် ဆဲဆိုပွဲကြီး ကျယ်ပြန့်လာနိုင်သည်။ စွပ်စွဲသူကို ပြန်လည်စွပ်စွဲခြင်းဖြင့် စွပ်စွဲမှုတွေ ရှုပ်ထွေးလာနိုင်သည်။ ရန်ပြုခြင်း၊ စွပ်စွဲခြင်း၊ ဆဲရေးခြင်းတို့ကို သီးခံခြင်း၊ ခွင့်လွတ်ခြင်း၊ မေတ္တာထားခြင်းတို့ဖြင့်သာ ငြိမ်းအေးစေနိုင်သည်။ တိုက်ခိုက်လာသူကို ပြန်လည်၍ တိုက်ခိုက်ခြင်းဖြင့် မငြိမ်းအေးနိုင်၊ အကြမ်းဖက်သူကို ပြန်လည်၍ အကြမ်းဖက်ခြင်းဖြင့် မငြိမ်းချမ်းနိုင်၊ ရက်စက်ခြင်း အကြမ်းဖက်ခြင်းတို့ကို ခန္တီ၊ မေတ္တာတို့ဖြင့်သာ ငြိမ်းချမ်းစေနိုင်သည်။ ဤသည်ကား ကမ္ဘာ့လူသားတို့ ကျင့်သုံးသည့်တရား၊ ကမ္ဘာဆုံးအောင် ကျင့်ရမည့်တရား၊ ဘာသာတရားတိုင်းမှာ ရှိရမည့်တရား ဖြစ်သည်။

(ငြိမ်းချမ်းရေး ဆုတောင်းပွဲ)

ဓမ္မဆိုတာဘုံဆိုင်
ဤသည်ကား ဓမ္မ၊ ဓမ္မဆိုတာ ဤကမ္ဘာမှာ ဗုဒ္ဓလည်းမဟုတ်ဘူး၊ Buddhism, Hinduism, Sikhism, Islamism, Judism, Jainism, Christianity” လည်း မဟုတ်ပါဘူး။ ဓမ္မဆိုတာ ဘာအစ်ဇင်းမှ မဟုတ်ပါဘူး။ တကယ်စင်စစ် ဓမ္မဆိုတာ သစ္စာတရားပဲ ဖြစ်ပါတယ်။ ဓမ္မက အကျွန်ုပ်တို့ကို သင်ပြသည်မှာ မည်သူ့ကိုမျှ ဒုက္ခနပေးပါနှင့်တဲ့၊ အကျွန်ုပ်တို့သည် သူတပါးကို ဒုက္ခပေးမည်ဆိုလျှင် အကျွန်ုပ်တို့စိတ်ထဲမှာ ရှေးဦးစွာ ဒုက္ခဖြစ်နေပြီဆိုတာကို သိထားဖို့ လိုအပ်ပါတယ်။ သူတပါးကို ဒုက္ခပေးမည်ဆိုသည့် မလိုလားအပ်သည့် စိတ်ယုတ်မာတို့ကို အကျွန်ုပ်တို့ ထုတ်ဖယ်ဖြစ်နိုင်လျှင် အကျွန်ုပ်တို့ချက်ချင်း အကျွန်ုပ်တို့ကိုယ်တိုင် ငြိမ်းချမ်းရေး ရမည်ဖြစ်ပါသည်။ ထို့ကြောင့် ငြိမ်းချမ်းရေးဆိုတာကို အကျွန်ုပ်တို့ရဲ့ ကိုယ်တွင်းမှာပဲ ရှာဖွေတွေ့ရှိနိုင်ပါသည်။ အကျွန်ုပ်တို့ကိုယ်တိုင် ငြိမ်းချမ်းရေးရဖို့ အကျွန်ုပ်တို့ကိုယ်တွင်းက ယုတ်မာသောစိတ်ဓာတ် (Mental negativities of mind) များကို ထုတ်ဖယ်ပြစ်ဖို့ အရေးကြီးပါသည်။ ဤသို့ အားထုတ်နိုင်ကြလျှင် အကျွန်ုပ်တို့ တစ်ယောက်ချင်း ပိုင်ဆိုင်ထားသည့် ငြိမ်းချမ်းရေးကို တစ်ကမ္ဘာလုံး ဖြန့်ကျက်နိုင်မည် ဖြစ်ပါသည်။ အကျွန်ုပ်တို့ တစ်ယောက်ချင်း၏ ငြိမ်းချမ်းရေးကို တစ်ကမ္ဘာလုံးသို့ဖြန်နိုင်ကြပါစေ။

(အမှတ်တရ ဗောဓိပင်စိုက်ပျိုး)

နိဂုံးချုပ်
အထူးလေးအပ်ပါသော ထေရ၀ါဒနှင့် မဟာယာနသံဃာတော်များ၊ ဂုဏ်သရေရှိ ဧည့်သည်တော်များနှင့် ဓမ္မမိတ်ဆွေများ -----------------
နိဂုံးချုပ်ပြောကြားလိုသည်မှာ အကျွန်ုပ် အထက်မှာ ပြောခဲသည့်အတိုင်း ဤတစ်ကမ္ဘာလုံးဆိုင်ရာ ဗုဒ္ဓဘာသာအစည်းအဝေးကြီးက လူသားအားလုံး ငြိမ်းငြိမ်းချမ်းချမ်း ညီညွတ်စွာ အတူတကွ လက်တွဲနေထိုင်ကြခြင်းဟူသော အဓိကရည်ရွယ်သုံးခုကို တည်ဆောက်ပေးမည့် စိတ်ဓာတ်များကို ဖြန့်ချိနိုင်လိမ့်မည်ဟု အကျွန်ုပ်တို့ သဘောတူ လက်ခံယုံကြည်သည်။ ထို့အပြင် ယဉ်ကျေးမှု၊ ယုံကြည်မှု လူမျိုး အမျိုးမျိုးရှိကြသည့် လူသားလုံးတို့အတွက် အကျွန်ုပ်တို့ အစည်းအဝေးတက်ရောက်လာကြသည့် ဘာသာရေးခေါင်းဆောင် အားလုံးတို့ကလည်း တာဝန်အသီးသီး ခွဲဝေယူကြလိမ့်မည်ဆိုတာကို အကျွန်ုပ်တို့ သဘောတူ ယုံကြည်လက်ခံပါသည်။ မြန်မာနိုင်ငံ ထေရ၀ါဒသံဃာငါးသိန်းကျော်တို့ကိုယ်စား၊ သန်းပေါင်းခြောက်ဆယ်ကျော်သော ပြည်သူ/သားတို့ကိုယ်စား ပြောကြားလိုသည်မှာ ကမ္ဘာ့ငြိမ်းချမ်းရေး၊ ကမ္ဘာ့လူသားအားလုံး တည်ငြိမ်ရေး၊ ကမ္ဘာ့လူသားအားလုံးတို့ မပူမပန် မကြောင့်မကြ စားဝတ်နေမှု ပြည့်စုံရေးတို့အတွက် ဤအစည်းအဝေးကြီးက ချမှတ်သည့် လုပ်ငန်းစီမံချက်များ အားလုံးတို့ကို လှိုက်လှိုက်လှဲလှဲ ထောက်ခံကြောင်း၊ အားပေးကြောင်း ပြောကြားလိုပါသည်။ ထို့အပြင် ဘာသာရေးကို အခြေခံ၍ ဆင်ခြင်တုန်တရား ကင်းမဲ့ခြင်း၊ တရားဥပဒေ ကင်းမဲ့ခြင်း၊ ဆူပူသောင်းကြမ်းခြင်းတို့ကို ဆန့်ကျင်တိုက်ဖျက်ရာ၌ အားလုံးသော အစည်းအဝေးတက်ရောက်လာကြကုန်သော ညီတော်နောင်တော်တို့ တစ်သွေးတည်း တစ်သံတည်း ဆုံးဖြတ်နိုင်ကြလိမ့်မည်ဟုလည်း လှိုက်လှိုက်လှဲလှဲ ယုံကြည့်ကြောင်း ပြောကြားရင်း နိဂုံးချုပ်ပါသည်။ ။

“သီတဂူစန်းလပမာ ချမ်းမြသာယာ ရှိကြပါစေ”
“သူတော်ကောင်းတရား ကမ္ဘာ့နေရာတိုင်းမှာ သန့်သန့်ရှင်းရှင်း ထွန်းတောက်ပါစေ”
သီတဂူဆရာတော်
၂၇-၁၁-၂၀၁၁

(၀ါဆိုဆရာတော်ကြီးက မြန်မာဘာသာဖြင့် မိန့်ကြားတော်မူ၍ သီတဂူဆရာတော်က အင်္ဂလိပ်ဘာသာပြန်ဆို ပြောကြားခဲ့သည်။ (၂၇-၁၁-၂၀၁၁)။

မှတ်တမ်းတင်သူ-ရှင်သုခ(မင်းလှ)
(28-11-11-01:40)

ရှင်သုခ (မင်းလှ)၏ဆိုက်မှ ကူးယူဖော်ပြသည်။

ရွှင်လန်းချမ်းမြေ့ပါစေ
သီတဂူစတား
၅-၁၂-၂၀၁၁

Posted in: ဆောင်းပါး