လိုကွက်များကို ဖြည့်စွက်ခြင်း (သီတဂူဆရာတော်)

လိုကွက်များကို ဖြည့်စွက်ခြင်း

အရှင်ရဋ္ဌပါလက ကောရဗျမင်းကြီးအား မိန့်ကြားသောစကားတစ်ခွန်း ရှိပါသည်။ ““သဗ္ဗောလောကောဦနော”” ဟူ၍ဖြစ်ပါသည်။ အဓိပ္ပါယ်မှာ ““တစ်လောကလုံးမှာ ယုတ်လျှော့ နေသည်”” သို့မဟုတ် ““တစ်လောကလုံး လိုနေသည်”” သို့မဟုတ် ““တစ်လောကလုံးမှာ လိုကွက် ဟာကွက်တွေခြည်းပဲ””ဟု အဓိပ်္ပါယ်ရပါသည်။ လမ်းပမ်းဆက်သွယ်ရေး ဟာကွက်၊ တယ်လီအော်တိုဆက်သွယ်ရေး ဟာကွက်၊ လေကြောင်း, ရေကြောင်းဆက်သွယ်ရေး ဟာကွက်၊ လျှပ်စစ်ဓာတ်အားလိုကွက်၊ ကျန်းမာရေးလိုအပ်ချက်၊ ပညာရေးလိုအပ်ချက်၊ ဘာသာရေး, သာသနာရေးလိုအပ်ချက်၊ လုံခြုံရေးလိုအပ်ချက်၊ ညီညွတ်ရေး တည်ငြိမ်ရေးလိုအပ်ချက် စသည့်စသည့် ဟာကွက် လိုကွက်တို့မှာ တိုင်းပြည်တိုင်း၊ လူမျိုးတိုင်း၊ နေရာတိုင်းမှာ ရှိနေကြပါသည်။ လောဘလွန်ကဲသူတို့၏လိုအပ်ချက်မှာ ဖြည့်စွက်ရန်မဟုတ်ဘဲ ထိုလွန်ကဲသော လောဘတို့ကို ထိန်းပေးရန်သာ ဖြစ်ပါသည်။ လောဘသံတို့ဖြင့် ဘ၀ဂ်ညံအောင် တောင်းဆိုခြင်း မပြုကြဘဲ ရောင့်ရဲတင်းတိမ် ဆိတ်ငြိ်မ်စွာဖြင့် ကြေနပ်နှစ်သက်စွာ နေကြကုန်သော သူတို့၏ တောင်ပေါ်ဒေသများနှင့်, နိုင်ငံ့ ခေါင်းဆောင်တို့ အရောက်အပေါက်နည်းသည့် အစွန်အဖျားနှင့် တောတောင်လျှိုမြောင်တို့အကြားက တိုင်းရင်းသား လူမျိုးစုများ၏ လိုအပ်ချက်နှင့် ဟာကွက်တို့မှာ လောဘ, ဒေါသတို့၏ ကြွေးကြော်သံတို့မှကင်းသော အမှန်လိုအပ်သည့် လိုအပ်ချက် ဟာကွက်တို့ ဖြစ်ပေသည်။

သီတဂူ Vision Volunteer အဖွဲ့သည် ချင်း, ကချင်, ကရင်, မွန်, နာဂ, ရခိုင်, ကိုးကန့်, ၀, ကယား, ရှမ်းလူမျိုးစုံတို့၏ ဒေသအသီးသီးသို့ အကြိမ်ကြိမ် အခေါက်ခေါက် ရောက်ဖူးခဲ့ပြီ။ စိတ်ဓာတ်နှင့်အသိဉဏ် ဖွံ့ဖြိုးရေးအတွက် တရားမျက်လုံးဓမ္မစက္ခုကို အကြိမ်ကြိမ် ပေးခဲ့လေသည်။ စိတ်ဓာတ်ရေးနှင့်ပညာရေး လိုအပ်ချက်အတွက် ဗုဒ္ဓတက္ကသိုလ် ၃-ခုကို တည်ထောင်ကာ ဓမ္မဒူတရဟန်းတော်များကို မွေးထုတ်ဖြန့်ချီလျှက် ရှိသည်။ ကျန်းမာရေး လိုအပ်ချက်အတွက် ဆရာဝန်လောင်းလျာ လူငယ်ကလေးများကို ပညာသင်စရိတ် ထောက်ပံ့ပြီး ဆရာဝန်ကလေးများဖြစ်အောင် ပြုစုပျိုးထောင်ပေးခြင်းဖြင့်လည်းကောင်း၊ သီတဂူဆေးရုံများ မြန်မာနိုင်ငံအနှံ့ တည်ဆောက်ပြီး တိုင်းသူပြည်သားတို့ကို ကျန်းမာရေး ပြုစုစောင့်ရှောက်ပေးခြင်း ဖြင့်လည်းကောင်း၊ ကျန်းမာရေးလိုအပ်ချက်တို့ကို ဖြည့်စွက်ပေးလျှက်ရှိသည်။

မှတ်ချက်-
၁။ သီတဂူပညာသင်စရိတ်ဖြင့် ဆရာဝန်ပေါင်း (၁၃) ယောက် ဖြစ်သွားပြီးဖြစ်သည်။
၂။ သီတဂူပညာသင်စရိတ်ဖြင့် သူနာပြုနှင့် ကျွမ်းကျင်ပညာရှင်ပေါင်း (၃၈) ယောက် ဖြစ်သွားပြီး ဖြစ်သည်။
၃။ သီတဂူကျန်းမာရေးစီမံချက်ဖြင့် အာရောဂျဒါန, စက္ခုဒါနဆေးရုံပေါင်း (၂၆) ရုံ တည်ဆောက် ခဲ့ပြီးဖြစ်သည်။

သီတဂူ Vision Volunteer အဖွဲ့သည် နိုင်ငံတော်၏ ကျန်းမာရေးလိုအပ်ချက်တစ်ခုကို ဖြည့်စွက်ရန်ဟူသောရည်ရွယ်ချက်ဖြင့် ၂၀၁၄ ခုနှစ်၊ မတ်လ ၁၇ ရက်နေ့တွင် သီတဂူဆရာတော် ကိုယ်တိုင် ခေါင်းဆောင်ပြီး ရှမ်းပြည်နယ် ဗဟိုချက် (Central East) ခိုလန်ကုန်းမြေမြင့်သို့ ရောက်ရှိခဲ့သည်။ ထိုအဖွဲ့ကို ဆရာတော်ကိုယ်တိုင်ဦးဆောင်သည်။ ဆရာတော်၏ လက်ထောက် အဖြစ် အရှင်သေဋ္ဌိလ(Ph.D)နှင့် အရှင်ဓမ်္မိက(M.A)တို့က လိုက်ပါခဲ့သည်။ မျက်စိခွဲစိပ် အထူးကုဆရာဝန်ကြီးများအဖွဲ့တွင် အငြိမ်းစားပါမောက္ခ ဒေါက်တာဦးမြအောင်, အငြိမ်းစား ပါမောက္ခဆရာဝန်မကြီး ဒေါက်တာ ဒေါ်မြင့်ခိုင်နှင့် ဒေါက်တာ ဒေါ်ခင်အုန်းဟန်တို့ ပါဝင်ခဲ့သည်။ ထိုမျက်စိအထူးကုအဖွဲ့တွင် တောင်ကြီးမြို့ မျက်စိအထူးကုဆရာဝန်ကြီး ဒေါက်တာ အောင်မိုးထွန်းနှင့် လွိုင်လင်ပြည်သူ့ဆေးရုံမှ မျက်စိအထူးကုဆရာဝန်ကြီး ဒေါက်တာ မြအေးတို့ လာရောက် ဆက်သွယ်ပူးပေါင်း ခွဲစိပ်ခဲ့ကြသည်။ ပြင်ပလူနာဌာနနှင့် ခွဲစိတ်ခန်းဆိုင်ရာ ၀န်ထမ်း ၁၀-ယောက်ပါဝင်သော ကျွမ်းကျင်ပညာရှင်နှင့် သူနာပြုအဖွဲ့ကို သီတဂူဆေးရုံတော် မျက်စိဌာန တာဝန်ခံ ဒေါက်တာမိမိခင်က ဦးဆောင်ခဲ့သည်။ သီတဂူအဖွဲ့ဝင်လူကြီး လေးယောက်တို့လည်း ပါဝင်ကြသည်။ အရှေ့အလယ်ပိုင်းတိုင်း စစ်ဌာနချုပ်တိုင်းမှူး ဗိုလ်ချုပ်မင်းနောင်၏ စီမံချက်ဖြင့် ကလောမြို့ စစ်ဦးစီးတက်္ကသိုလ်မှ နေဆွမ်းကပ်, နေ့လည်စာကျွေးပြီး လမ်းမှ ဧည့်ဝတ်ပြုသည်။ စစ်ကိုင်းတောင်ရိုးမှ နံနက် ၆း၃၀ ထွက်သော သီတဂူမျက်စိအထူးကုအဖွဲ့ ကားတန်းကြီးသည် လွိုင်လင်မြို့သို့ ညနေ ၄း၃၀ တွင် ရောက်ရှိခဲ့ကြသည်။ လွိုင်လင်တပ်နယ်မှုး ဗိုလ်မှုးကြီး အောင်ဌေးနှင့် တပ်မတော်အရာရှိများက ကြိုဆိုပြီး တပ်မတော်အရာရှိရိပ်သာတွင် နေရာချထားပြီးနေရာယူကြသည်။ ခေတ္တမျှအနားယူကြပြီးနောက် မြန်မာ့လွတ်လပ်ရေး သမိုင်းတွင် အရေးပါအရာရောက်လှစွာသော သမိုင်းမှတ်တိုင်ပင်လုံကျောက်တိုင်သို့ ရောက်ကြသည်။ ပင်လုံကျောက်တိုင်မှာ တိုင်းရင်းသား ညီနောင်တို့ ဥမကွဲ သိုက်မပျက် ကမ်္ဘာဆုံးသည့်တိုင် လက်တွဲနေထိုင်သွားကြမည်ဟု စာချုပ်ချုပ်ဆိုရာ ညီညွတ်ရေးကျောက်တိုင်၌ ထိုစာချုပ်ကို လက်မှတ်ထိုးကြသော ခေါင်ဆောင်ကြီး ၂၃ ယောက်တို့အား သီတဂူက ပြုသမျှကုသိုလ်တို့ကို အမျှဝေပြီး ဆုတောင်းမေတ်္တာပို့ခဲ့ကြသည်။

 ထို မတ်လ ၁၇ ရက် ၂၀၁၄ ညတွင် ညီညွတ်ရေးကျောက်တိုင်နှင့် ညီညွတ်ရေး စေတီတော်ကြီး ရင်ပြင်၌ ညီညွတ်ရေး, ငြိမ်းချမ်းရေးနှင့် အတူလက်တွဲနေထိုင်ရေး ဟုသော တရား (ရုက္ခဓမ္မဇာတ်နှင့် နိဂြောဓဇာတ်) တို့ကို ဟောကြားခဲ့သည်။ လွိုင်လင်တပ်စခန်းမှာ တစ်ညအိပ်ပြီး ၂၀၁၄ခုနှစ် မတ်လ ၁၈ ရက်နေ့ နံနက်တွင် လွိုင်လင်မှထွက်ခဲ့ပြီး အရှေ့အလယ်ပိုင်းတိုင်း စစ်ဌာနချုပ်တည်ရှိရာ ခိုလန်ကုန်းမြင့် ဒေသသို့ ရောက်သည်။ အရှေ့အလယ်ပိုင်းတိုင်းစစ်ဌာနချုပ် တိုင်းမှူး ဗိုလ်ချုပ်မင်းနောင်၊ ခိုလန်မြို့နယ် အုပ်ချုပ်ရေးမှူး ဦးအာကာမျိုးထက်နှင့် ခိုလန်ဆေးရုံအုပ်ကြီး ဒေါက်တာယုဝေတို့က စောင့်ကြိုကြသည်။ ဗရမ်းဗတာ မချမ်းမသာဖြစ်နေခဲ့သည်မှာ နှစ်ပေါင်းကြာပြီဖြစ်သော ခိုလန်ရွာကလေးကို နိုင်ငံတော်အစိုးရက ခိုလန်မြို့အဖြစ် အဆင့်မြှင့်တည်ဆောက်ခဲ့သည်။ မကောင်းမှုတို့၏ စုဝေးရာ ခိုအောင်းရာ ခိုလန်ကုန်းမြင့် ကလေးကို တပ်မတော်ခေါင်းဆောင်တို့က အရှေ့အလယ်ပိုင်းတိုင်းစစ်ဌာနချုပ်ဟု သန့်ရှင်း သပ်ရပ်စွာ တည်ဆောက်ခဲ့သည်။ မိမိတို့တည်းခိုရသော နေရာမှာ စစ်ဌာနချုပ်အရာရှိရိပ်သာဟု ဆိုသော်လည်း တရားနှလုံးကျင့်သုံးဖို့ကောင်းသော တရားရိပ်သာနှင့် တူပေသည်။ ကားသံ, လူသံတို့ဖြင့် ဆူညံခြင်းမရှိဘဲ ငှက်သံ, ဂျီသံတို့ဖြင့် တောရရိပ်သာဟန်ပေါက်နေသည်မှာ ကြည်နူးဖွယ်ဖြစ်သည်။ ပစ္စန္တရဌ်သဖွယ်ဖြစ်နေခဲ့ရတာ ကြာပြီဖြစ်သော ခိုလန်ရွာကလေးမှာ ကျိုင်းတောင်းရေတံခွန်မှ ထုတ်ယူရရှိသော မီးရောင်တို့ဖြင့် ထိန်ထိန်ညီးလျှက် တောင်ကြီးနှင့် တာချီလိတ်သွား ကားတို့ဖြတ်သန်းရာ, ဆိုက်ကပ်ရပ်နားရာ မြို့ကလေးတစ်ခု ဖြစ်နေပေသည်။ ကမ္မောဇဦးအောင်ကိုဝင်း+ဒေါ်နန်းသန်းထွေးတို့၏ ကောင်းမှုဖြစ်သော ကုတင် (၁၀၀) ဆေးရုံကြီးမှာလည်း အထွေထွေရောဂါကုအတွက် ခန့်ခန့် ညားညား, ထည်ထည်ဝါ၀ါ, ပြည့်ပြည့် စုံစုံ ရှိလေသည်။ စစ်ကိုင်းသီတဂူဆေးရုံမှ သယ်ဆောင်လာခဲ့သော မျက်စိခွဲစိပ်ခြင်းဆိုင်ရာ စက်ကိရိယာနှင့် ဆေးပစ်္စည်းတို့ကို ခိုလန်ဆေးရုံအုပ် ဒေါက်တာယုဝေ စီမံပေးသည့်အတိုင်း အခန်းအသီးသီးမှာ မတ်လ ၁၈ ရက် ၂၀၁၄ နေ့လည်ခင်းတွင် တပ်ဆင်လိုက်သည်။ တိုင်းမှူးဗိုလ်ချုပ်မင်းနောင် စီမံပေးသော လူနာပေါင်း (၂၁၅၁) ယောက်ထဲက ည ၉း၀၀ နာရီခန့်တွင် (၄၀၀)လောက် ကြည့်ရှုစစ်ဆေးပြီးဖြစ်သည်။ ခွဲစိပ်ရန် (၃၀) ကျော် ရွေးချယ်ရရှိသည်။ တစ်နေ့ (၆၀) နှုန်းဖြင့် (၅)ရက်ခွဲမည်။

အရှေ့အလယ်ပိုင်းဒေသ တိုင်းရင်းသား ညီအကိုမောင်နှမပေါင်း (၃၀၀) မျက်စိမြင်ရမည်ဟု စီမံချက်ကို ချမှတ်လိုက်သည်။ ရှမ်းကုန်းမြေမြင့် အရှေ့အလယ်ပိုင်းဒေသမှ ရှမ်း, ပအို့, ပဒေါင်, ပလောင်, မြောင်စီး, လီဆူး, ကိုးကန့်, ၀, တရုတ်, ဗမာ လူမျိုးပေါင်းစုံတို့ ကမ္ဗောဇဆေးရုံ သီတဂူအရိပ်ကို ခိုလှုံ စုစည်းမိကြသည်။ တိုင်းရင်းသားပေါင်း (၁၀၀၀) ကျော်ပါဝင်သည်။ သီတဂူအဖွဲ့က မျက်စိကို အထူးစူးစိုက် ကြည့်ရှုစစ်ဆေးပါသည်။ ကမ္ဗောဇဆေးရုံအဖွဲ့က သွေးတိုး, ဆီးချို, နှလုံး, ကျောက်ကပ် , အသည်း, အိပ်ခ်ျအိုင်ဗွီ, အေအိုင်ဒီအက်စ် တို့ကို အသေးစိပ် စစ်ဆေးပေးပါသည်။

အတွင်းတိမ် , ရေတိမ် စွဲကပ်သည်မှာ နှစ်ပေါင်းကြာညောင်းကာ အချိန်လွန်၍ ခွဲစိတ်ကုသ မရနိုင် တော့သည့် လူနာပေါင်းများစွာ ပြန်လွှတ်လိုက်ရပါသည်။ အားလုံး စိတ်မကောင်းကြပါ။ ရေတိမ်နှင့် သွေးတိုးအလွန်တက်သဖြင့် မျက်ကြည်လွှာပေါက်သည့် လူနာများ ပြန်လွှတ်လိုက်ရ သည်လည်း ရှိပါသည်။ အဆုပ်ရောဂါ, အသည်းရောဂါ, နှလုံးရောဂါ, သွေးတိုးရောဂါ, လွန်ကဲစွာ ဖြစ်နေခြင်းကြောင့် မျက်စိခွဲမရသည့် လူနာများလည်း ရှိပါသည်။ ““သဗ္ဗောလောကော ဦနော”” တစ်လောကလုံးမှာ လိုနေသည်ဟူသော ဒေသနာတော်သည် ရှမ်းကုန်းမြေမြင့် အရှေ့အလယ်ပိုင်း ဒေသတွင်လည်း တစ်ထပ်တည်းပင် ဖြစ်ပါသည်။ တိုင်းမှူး, မြို့နယ်အုပ်ချုပ်ရေးမှူး, ကမ္ဗောဇဆေးရုံအဖွဲ့, သီတဂူအဖွဲ့ လေးဦးလေးရပ်တို့ စုပေါင်း၍ လေးချောင်းထောက်သဖွယ် ၁၈-ရက်မှ ၂၃-ရက် နေ့အထိ (၆) ရက်တိုင် ဟန်ချက်ညီစွာ ဆောင်ရွက်ခဲ့ကြသည်။ အကျိုးကျေးဇူးမှာ လူနာပေါင်း ၂၁၅၁ ယောက်တို့ကို မှတ်ပုံတင်စာရင်း ပြုစုနိုင်ခဲ့သည်။ အပြင်လူနာအဖြစ် စမ်းသပ်စစ်ဆေး ကုသပေးလိုက်သော လူနာပေါင်းမှာ ၂၀၉၃ ယောက် ရှိသည်။ ခွဲစိပ်ခန်းတွင်းသွင်းပြီး ခွဲစိပ်ကုသခြင်းဖြင့် မျက်စိနှစ်ကွင်း အလင်းရသူပေါင်းမှာ ၂၃၇ဩယောက် ရှိပါသည်။ ကျယ်ပြန့်လှစွာသော လိုကွက်, ဟာကွက်ကြီးတစ်ခုမှာ ကွက်လပ်လေးတစ်ခုကို သီတဂူက ဖြည့်စွက်လိုက်နိုင်ခြင်း ဖြစ်သည်။ ကျွန်ုပ်တို့၏ ကုသိုလ်ဝေစုကို အားလုံးဝေငှယူဖို့ သတင်းစကားပါးအပ် ပါသည်။

အများစုသောလူတို့၏ သဘာဝမှာ အလုပ်တစ်ခုသည် ကောင်းလည်းမကောင်း, အကျိုးလည်းမရှိ, သို့သော် လွယ်ကူ၏။ ထိုအလုပ်မျိုးကို လုပ်တတ်ကြသည်။

လူအနည်းစုတို့သည် အကျိုးရှိ၏၊ ကောင်း၏၊ လုပ်ဖို့ရန်ခက်၏၊ ထိုအလုပ်မျိုးကို လုပ်တတ်ကြ၏။
ကျွန်ုပ်တို့သည် ထိုလူနည်းစုကို လူအများစုဖြစ်အောင် ကြိုးပမ်းရမည်။ အလွယ် ကြိုက်သော လူအများစုကိုမူကား လူအနည်းစုဖြစ်အောင် ကြိုးပမ်းရမည်။

မိမိ၏အချိန်ကို သူတပါးတို့အတွက် ပေးနိုင်ရမည်။ မိမိ၏သက်သာမှုကို စွန့်လွှတ်ပြီး သူတပါးတို့အား ထိုသက်သာမှုကို ပေးနိုင်ရမည်။ မိမိ၏ ကာယသုခကို ၀န်မတိုရ။ ကာယ မစ္ဆရိယကင်းသော ၀ီရဓာတ်နှင့်ပြည့်စုံသော သူသည် သူတပါးတို့၏အကျိုးကို ဆောင်ရွက်နိုင်၏။ ဤခိုလန်ရှမ်းကုန်းမြေမြင့် အရှေ့အလယ်ပိုင်းခရီး၌ နာဂတောင်တန်း ခရီးလောက် အခက်အခဲမရှိပေ။ နာဂတောင်တန်းဒေသ၌ တစ်တောင်ခြားလျှင် ဘာသာစကားတစ်မျိုး ခြားနားသောအဖြစ်နှင့် ကြုံတွေ့ခဲ့ရသည်။ ရှမ်းကုန်းမြေမြင့် အရှေ့အလယ်ပိုင်းမှာမူကား ၀တ်စားဆင်ယင်ပုံ တစ်မျိုးလျှင် ဘာသာစကားတစ်မျိုး ပြောရတော့မည်ဟု စိတ်ထဲတွင်တွေး၍ ငေးမိပါသည်။ ပအို့ဘာသာပြန်, ပလောင်ဘာသာပြန်, ၀ ဘာသာပြန်, လီဆူးဘာသာပြန်, ရှမ်းဘာသာပြန်, မြောင်စီး ဘာသာပြန်, ပဒေါင်ဘာသာပြန်, ကိုးကန့် ဘာသာပြန်ဟူ၍ ဘာသာပြန် (၇)ယောက်နှင့် အလုပ်လုပ်ရပါသည်။ ဆက်သွယ်ရေး လိုကွက်အမျိုးမျိုးကြောင့် ရင်းနှီးမှုမရကြ။ အနီးကလေးမှာပင် အဝေးကြီးဖြစ်ကာ ကျောခြင်းကပ် လမ်းလျှောက် နေကြရသည့် အဖြစ်မျိုးကို မြင်ရသည်မှာ ၀မ်နည်းဖွယ်ရာ ကောင်းလှပေသည်။

မွေးရာပါမျက်စိနှစ်လုံး မမြင်သည့် ၁၀-နှစ် ၁၂-နှစ်အရွယ် ကလေးငယ် ၅-ယောက်ခန့် ရောက်လာကြသည်။ အချို့မှာ မျက်စိသူငယ်အိမ်ကို ပါမလာကြသဖြင့် အလင်းရအောင် မကုသနိုင်တော့ပေ။ အချို့မှာ မျက်စိသူငယ်အိမ် ကြုံ့သွားသည်မှာ ဇီးသီးချောက်သဖွယ် ဖြစ်နေသဖြင့် ကုမရနိုင်ခဲ့ပေ။ အချို့မှာ မျက်ကြည်လွှာ ပေါက်သွားခဲ့လေပြီ။ ဤကလေးငယ်တို့၏ ဘ၀အမြင် ဟာကွက် လိုကွက်တို့ကို ကျွန်ုပ်တို့ ဖြည့်စွက်ခြင်းငှာ မတတ်နိုင်ခဲ့။ သို့အတွက် သူတို့လေးများ၏ ဒုက္ခကို တွေးယူခံစားရင်း စိတ်နှလုံး ပင်ပန်းစွာဖြင့် ဤကလေးတို့ နောင်တစ်ဖန် ဤဘ၀မျိုး မကြုံကြရပါစေနှင့်ဟု ကရုဏာပို့ရုံမျှသာ ကုသိုလ်ပြု ခဲ့ရပါသည်။ မွေးရာပါ နှစ်ဖက်မမြင်သော ကလေးနှစ်ယောက်ကို မေ့ဆေးပေးပြီး တစ်ချိန်တည်းမှာပင် မေ့ဆေး စွမ်းရည်မကုန်ခမ်းမီ ကာလအတွင်း တစ်လုံးပြီးတစ်လုံး ခွဲစိပ်ကုသပေးနိုင်ခဲ့သဖြင့် ရှမ်းနှင့် ပလောင် သမီးငယ်နှစ်ယောက်တို့ အတော်အသင့် မြင်သွားကြပြီ။ လွန်ကဲသော ၀မ်းသာပီတိကြောင့် ဆရာဝန်, ဆရာမ, သူနာပြုများအားလုံး မျက်ရည်ဝဲခဲ့ကြရသည်။ သို့သော် ၀မ်းနည်းမှုတစ်မျိုးကို အံကြိတ်၍ ထိန်းခဲ့ရသည်မှာ သူတို့၏ အသက်နှင့်အမျှ (၁၀-နှစ် ၁၂-နှစ်ခန့်) မမြင်ခဲ့ရဖူးသော ဤလောကကြီးကို ဘာတွေပဲပြောပြပြ ဘာမှန်းမသိသည်မှာ ၀မ်းနည်းဖွယ်ကောင်းလှသော အချက်ဖြစ်ပေသည်။ ဤသည်ကား အဖေ, ဤသည်ကား အမေဟူ၍ အသံသာကြားဖူးခဲ့သော်လည်း ရုပ်အဆင်းကို ယခုမှမြင်ရသည်။ ဟုတ်မှ ဟုတ်ရဲ့လား၊ ဘယ်လိုလူတွေလဲဟု တွေးငေးနေသော ကလေး၏ မျက်နှာမှာ စူးစမ်းလိုစိတ်တို့ဖြင့် ကြည်လင်ဝင်းပ နေသော်လည်း ကျွန်ုပ်တို့သီတဂူအဖွဲ့နှင့် ကမ္ဗောဇဆေးရုံ အဖွဲ့တို့၏ မျက်နှာများမှာ ကြည်လင်နိုင်ခြင်း မရှိပေ။ သူတို့လေးတွေမှာ ပျက်နေသည့် မှတ်ဥာဏ်ကို ဘယ်လိုနည်းနှင့် ပြန်လည်ဖြည့်စွက် ပေးနိုင်အံ့နည်းဟု တွေးငေး၍ စိတ်နှလုံး မချမ်းမမြေ့ ဖြစ်ရပါသည်။

ဆရာဦးမြအောင် ပြောပါသည်။ “ဆရာတော် Physical Eye အသားမျက်လုံးကတော့ ကောင်းသွားပါပြီ၊ သို့သော် The Eye of Memory ကိုတော့ တစ်နှစ် နှစ်နှစ်ခန့် လေ့ကျင့်ရပါဦးမည်။ အဲဒီလောက် လေ့ကျင့်မှ လူ, ကျွဲ, နွား, ခွေး , ကြောင်, ကြက် စသည့် အမည်နှင့် ပုံသဏ္ဍာန်၊ အစိမ်း, အနီ, အ၀ါ, အပြာ အရောင်နှင့် အရိပ်တို့ကို နားလည် လာပါလိမ်မည်” ဟု လျှောက်ထားပါသည်။ ဆရာကြီး ဦးမြအောင်ပြောတော့မှ သြော်- Eye Operation တစ်ခုတည်းနှင့် ကိစ္စမပြီး Operation များစွာလုပ်မှ အလုံးစုံ ပြီးမည်။ လိုအပ်ချက်မှာ အလွန်ကြီးပေစွတကားဟု သံဝေဂပွားလျှက်, မဖြည့် မစွက်နိုင်သော လိုကွက် ဟာကွက်ပေါင်း များစွာအတွက် မဆုံးနိုင်သော အတွေးအမျှင်တန်းကြီးဖြင့် စဉ်းစား တွေးတောရင်း, “ပရေသံ ဟိတ မိစ္ဆေယျံ”” ဟုသာဆုတောင်းမိပါသည်။

ဤရှမ်းကုန်းမြေမြင့် အရှေ့အလယ်ပိုင်းခရီး၌ ဓမ္မ Operation အနေအားဖြင့် ဩ
၁။ ပင်လုံ၌ ငြိမ်းချမ်းရေး, ညီညွတ်ရေး, အတူလက်တွဲနေထိုင်ရေး တရားတော်
၂။ ခိုလန်မြို့၌ လူတို့၏ စရိုက်လက်္ခဏာကောင်းများသည် လူ့ဘ၀၏ တန်ဘိုးနှင့် တန်ခိုးတရားတော်
၃။ ကျိုင်းတောင်းမြို့တွင် မေတ္တာတရားတော်
၎။ မိုးနဲမြို့တွင် အပ္ပမာဒတရားတော်
၅။ လဲချားမြို့တွင် အဆင်သင့်ပြင်ထား တရားတော်
၆။ ကွန်ဟိန်းမြို့တွင် လူသားတို့၏ ဘ၀တန်ဘိုး တရားတော် တို့ကို ဟောကြားခြင်းဖြင့် စာရိတ်္တ, စိတ်ဓာတ်, အသိဉဏ် တို့ကို ခွဲခြမ်း စိပ်ဖြာသည့် ဓမ္မဒါန (Dhamma Operation) ကောင်းမှုကို ကောင်းစွာ ပြုလုပ်ခဲ့ပါသည်။

မတ်လ ၂၄-ရက်, ၂၀၁၄ နေ့တွင် ခိုလန်ကုန်းမြင့်ရိပ်သာ၌ အနားယူလျှက် ဤစာတန်းကို ရေးသားပါသည်။ ၂၅-ရက် နံနက် ၇း၀၀ နာရီတွင် ခိုလန်မြို့မှ နမ့်ပန်မြစ်, သံလွင်မြစ်နှင့် နမ့်ဆင်မြစ်တို့ကို ဖြတ်သန်းပြီး ကျိုင်းတုံနှင့် တာချီလိတ်နယ်ခြားဒေသသို့ ဓမ္မခရီးတစ်ခုကို ဆက်လက်၍ခရီးထွက်ခဲ့ပါသည်။

သူတော်ကောင်းတရား နေရာတိုင်းမှာ ထွန်းတောက်ပါစေ။
သီတဂူစန်းလပမာ ချမ်းမြသာယာရှိကြပါစေ။

သီတဂူဆရာတော် ဒေါက်တာအရှင်ဉဏိဿရ
(ခေတ္တ-အရှေ့အလယ်ပိုင်း ရှမ်းကုန်းမြေမြင့်)
ခိုလန်
(၂၄၊၃၊ ၂၀၁၄)

ရွှင်လန်းချမ်းမြေ့ပါစေ
သီတဂူစတား
၂၈-၃-၂၀၁၄
www.thesitagu.org

Read more »

သီတဂူ၏ ခိုလန် (ရှမ်းတောင်) နောက်ဆုံး ကုသမှု အခြေအနေ

သီတဂူ၏ ခိုလန် (ရှမ်းတောင်) နောက်ဆုံး ကုသမှု အခြေအနေ

ရှမ်းပြည်တောင်ပိုင်း၊ ခိုလန်မြို့၊ သီတဂူမျက်စိအထူးကုအဖွဲ့၏ ၅ ရက်မြောက်နေ့ ၁၈-၃-၂၀၁၄ရက်မှ ၂၂-၃-၂၀၁၄ရက်နေ့အထိ ရပ်ဝေး ရပ်နီးမှ ဒေသခံ တိုင်းရင်းသားများ ဖြစ်ကြသော မျက်စိဝေဒနာရှင်ပေါင်း (၁၅၅၅)ယောက်ကို စမ်းသပ်စစ်ဆေးခဲ့သည်။ ထိုအထဲမှ (၂၃၄)ယောက်ကို ခွဲစိပ်ပေးပြီး မျက်စိအလင်း အလှူများ ပြုခဲ့ပါသည်။

သီတဂူ မျက်စိအထူးကုအဖွဲ့တွင် မျက်စိအထူးကု ဆရာဝန်ကြီးများ
၁။ ပရော်ဖက်ဆာ ဒေါက်တာ ဦးမြအောင်(ငြိမ်း)၊ ၂။ ပရော်ဖက်ဆာ ဒေါက်တာ ဒေါ်မြင့်ခိုင်(ငြိမ်း)၊ ၃။ ဒေါက်တာဒေါ်ခင်အုန်းဟန်၊ ၄။ ဒေါက်တာ ဒေါ်ခင်အေးသီ၊ ၅။ သူနာပြုဆရာမကြီး ဒေါ်ခင်ကြူ၊ ၆။ လွိုင်လင်မြို့မှ မျက်စိအထူးကု ဆရာဝန်ကြီး ဒေါက်တာမြအေး၊ ၇။ ဒေါက်တာသော်တာဝင်း၊ ၈။ တောင်ကြီးမြို့မှ မျက်စိအထူးကုဆရာဝန်ကြီး အောင်မိုးထွန်း၊ ၉။ သီတဂူအာယုဒါနဆေးရုံတော်မှ ဒုဆေးရုံအုပ် ဒေါက်တာဒေါ်မိမိခင်နှင့် သီတဂူ အထူးသူနာပြု(၁၀)ဦး တို့က ပါဝင်လုပ်အားဒါနပြုခဲ့ပါသည်။

လိုက်ပါသွားသော သီတဂူသာသနာပြု အဖွဲ့ဝင် လူကြီးများ

သီတဂူသာသနာပြု အဖွဲ့ဝင် လူကြီးများဖြစ်ကြသော ၁။ ဦးတင်အေး(အတွင်းရေးမှူး(၂))၊ ၂။ ဦးမြင့်အောင်(အတွင်းရေးမှူး(၃))၊ ၃။ ဦးသန်းလွင်(ဘဏ္ဍာရေးမှူး)၊ ၄။ ဦးအောင်သောင်း (ထရန်စဖော်မာ)။

သီတဂူရဲ့ ကျေးဇူးတင်စကား
သီတဂူမျက်စိအထူးကုအဖွဲ့တွင် ပါဝင်ကြသော အထူးကုဆရာဝန်ကြီးများ၊ သူနာပြုများ၊ သီတဂူသာသနာပြုအဖွဲ့ဝင်လူကြီးများနှင့် သီတဂူမျက်စိအထူးကုအဖွဲ့ကို စားဝတ်နေရေးအတွက် အစစအရာရာလိုလေသေးမရှိ ဆောင်ရွက်ပေးပါသော အရှေ့အလယ်ပိုင်းတိုင်းစစ်ဌာနချုပ်၊ တိုင်းမှူး ဗိုလ်ချုပ်မင်းနောင်နှင့် ဇနီး၊ အရာရှိ၊ အရာခံ အကြပ်တပ်သားများ အားလုံးကို သီတဂူသာသနာပြုအဖွဲ့က လှိုက်လှိုက်လှဲလှဲ ကျေးဇူးအထူးတင်ရှိပါသည်။

ဆေးရုံကုသရေးအတွက် ရှမ်းပြည်နယ်တောင်ပိုင်း ခိုလန်မြို့၊ ကုတင်(၁၀၀)ဆံပြည်သူ့ဆေးရုံမှ ဆေးရုံအုပ်ကြီး ဒေါက်တာဦးယုဝေနှင့် အထူးကုဆရာဝန်များ၊ သူနာပြု ဆရာ/ဆရာမများ၊ ခိုလန်မြို့၊ အထွေထွေအုပ်ချုပ်ရေးမှူးနှင့် ပတ်ဝန်းကျင်ဒေသရှိ အဖွဲ့အစည်း များကလည်း ပါဝင်လုပ်အားဒါနပြုခဲ့သည်ကို သီတဂူမျက်စိအထူးကု အဖွဲ့က လှိုက်လှိုက်လှဲလှဲ ကျေးဇူးအထူးတင်ရှိပါသည်။

ရှမ်းပြည်နယ် အရှေ့အလယ်ပိုင်း၊ မျက်စိအထူးကုအစီအစဉ်မှာ မွေးရာပါ မျက်စိနှစ်ကွင်း အလင်းမရရှာကြသည်ကို ပရော်ဖက်ဆာဒေါက်တာ ဦးမြအောင် (ငြိမ်း)၏ လမ်းညွှန်ချက်ဖြင့် သီတဂူအဖွဲ့က ခွဲစိပ်ကုသရာ ကလေးငယ်(၂)ဦး မအီနေနှင့် မသဇင်ထွန်း မျက်စိနှစ်ကွင်း အလင်းရရှိသွားခဲ့ကြလေသည်။

သီတဂူစန်းလပမာ ချမ်းမြသာယာရှိကြပါစေ။

ရွှင်လန်းချမ်းမြေ့ပါစေ

သီတဂူစတား

၂၅-၃-၂၀၁၄

www.thesitagu.org

Read more »

သီတဂူ ကျန်းမာရေးနှင့် ပညာရေးအလှူတော်

သီတဂူ ကျန်းမာရေးနှင့် ပညာရေးအလှူတော်
-------------

 ပညာရေးအလှူတော်

၂၃-၃-၂၀၁၄ နေ့က ရှမ်းပြည်တောင်ပိုင်း၊ ခိုလန်မြို့၊ အမှတ် (၂၃) အခြေခံပညာ မူလတန်းကျောင်းဆောင်သစ်ကို ကျပ်သိန်းပေါင်း ၂၅၀ အကုန်ကျခံ၍ ဆောက်လုပ် လှူဒါန်းခြင်းအခမ်းအနားကို ပြုလုပ်ခဲ့သည်။

ကျန်းမာရေးအလှူတော်
ထိုနေ့မနက် အခမ်းအနားမှာပဲ ခိုလန်မြို့ ပြည်သူ့ဆေးရုံအတွက် လိုအပ်သော ဆေးရုံးသုံး ပစ္စည်းများကိုလည်း လှူဒါန်းခဲ့သည်။

မြို့နယ်ပညာရေးမှူး၊ တပ်ခွဲမှူးနှင့် ကျောင်းအုပ်ဆရာမကြီးတို့က ၀မ်းသာစကား၊ ကျေးဇူးတင်စကားများ ပြောကြသည်။

ထို့နောက် ကျောင်းအလှူရှင်များဖြစ်ကြသော သီတဂူသာသနာပြုအဖွဲ့ဝင် လူကြီးမင်း အလှူရှင်များအား တိုင်းမှူး ဗိုလ်ချုပ်မင်းနောင်က ဂုဏ်ပြုမှတ်တမ်းများ ပေးအပ်သည်။

အစီအစဉ်အားလုံးအပြီးမှာ သီတဂူဆရာတော်ကြီးက အလှူရှင်များ၊ ဒေသခံပြည်သူများ၊ အစိုးရလူကြီးမင်းများအား ပညာတန်ဖိုးအကြောင်း ဟောကြားခဲ့သည်။

“သီတဂူစန်းလပမာ ချမ်းမြသာယာ ရှိကြပါစေ”

ရွှင်လန်းချမ်းမြေ့ပါစေ
သီတဂူစတား
၂၄-၃-၂၀၁၄
www.thesitagu.org

Read more »

သီတဂူ မျက်စိအလှူ-ခိုလန် (ရှမ်းတောင်)

သီတဂူ မျက်စိအလှူ-ခိုလန် (ရှမ်းတောင်)

ရှမ်းပြည်တောင်ပိုင်း၊ ခိုလန်မြို့၊ ကုတင် (၁၀၀)ဆံ့ ပြည်သူ့ဆေးရုံကြီးမှာ သီတဂူဆရာတော်ကြီးနှင့်အဖွဲ့တို့သည် မျက်စိအလှူတော်များ ပေးဝေနေသည်မှာ ၂၁-၃-၂၀၁၄ ရက်နေ့ဆို ၄ ရက်မြောက်နေ့ဖြစ်ပါသည်။

(၄) ရက်မြောက်နေ့အထိ မျက်စိဝေဒနာရှင်ပေါင်း (၁၃၁၆)ဦးကို စမ်းသပ်စစ်ဆေးသည်၊ မျက်စိဝေဒနာရှင်ပေါင်း (၁၈၃)ဦးကို ခွဲစိပ်ပေးသည်။ မျက်စိဝေဒနာရှင်များစွာထဲက လွန်ခဲ့တဲ့ (၉)နှစ်လောက်ကထဲက မွေးရာပါ မျက်လုံးတိမ်ပါလာသူ ပအိုးတိုင်းရင်းသူ မအီနေ၊ အသက် (၁၀)နှစ်၊ မက်မွန်လောင်ရွာ၊ ခိုလန်မြို့သူသည် သီတဂူမျက်စိအထူးကုအဖွဲ့၏ ခွဲစိပ်မှုကို ခံယူပြီး အလင်းရောင်များ၊ ပတ်ဝန်းကျင်ကို မြင်နိုင်သဖြင့် သူမရော သူမ၏အဖေပါ ၀မ်းသာမဆုံးဖြစ်နေကြသည်။

ဓာတ်ပုံသတင်း- သီတဂူထိန်လင်း

ရွှင်လန်းချမ်းမြေ့ပါစေ
သီတဂူစတား
၂၂-၃-၂၀၁၄
www.thesitagu.org

Read more »

သီတဂူကျန်းမာရေးစောင့်ရှောက်အဖွဲ့ ရှမ်းပြည်တောင်ပိုင်း ရောက်ရှိ

သီတဂူကျန်းမာရေးစောင့်ရှောက်အဖွဲ့ ရှမ်းပြည်တောင်ပိုင်း ရောက်ရှိ

သီတဂူဆရာတော်ဦးဆောင်သော သီတဂူသာသနာပြု မျက်စိအထူးကုအဖွဲ့သည် စစ်ကိုင်းမြို့မှ ၁၇-၃-၂၀၁၄ ရက် နံနက် ၆နာရီ ၃၀ မိနစ်တွင် ရှမ်းပြည်နယ်တောင်ပိုင်း လွိုင်လင်မြို့သို့ စတင်ထွက်ခွာခဲ့သည်။

ညနေ ၄-၃၀ မိနစ်တွင် ပင်လုံမြို့သို့ရောက်ရှိသည်၊ ပြည်မ-တောင်တန်း ပူးပေါင်းရေးစာချုပ်အတွက် အမှတ်တရ ပင်လုံကျောက်တိုင်ကိုလည်း ရောက်ရှိခဲ့သည်။ ထိုနေ့ ညပိုင်းတွင် မဟာရဋ္ဌာဘိသာမဂ္ဂီစေတီတော်မြတ်ကြီးတွင် တရားတော်များ ဟောကြားတော်မူခဲ့သည်။

၁၈-၃-၂၀၁၄ နေ့မှာ လွိုင်လင်မြို့တွင် ညအိပ်နားသည်၊ ထိုနေ့ နံနက် ၆ နာရီခွဲတွင် ရှမ်းပြည်တောင်ပိုင်း ခိုလန်မြို့သို့ ခရီးဆက်ကြသည်။ ခိုလန်မြို့တွင် ကမ္ဘောဇဘဏ်မှ ဆောက်လုပ်လှူဒါန်းထားသော ကုတင် (၁၀၀)ဆန့် ဆေးရုံတွင် မျက်စိခွဲအစီအစဉ်အတွက် ဝေဒနာရှင်များကို စမ်းသပ် စစ်ဆေးသည်။

မျက်စိကုသမှုအစီအစဉ်တွင် မျက်စိအထူးကု ပါမောက္ခ အငြိမ်းစား သီတဂူ ဒေါက်မြအောင် ဦးဆောင်ကာ မျက်စိဝေဒနာရှင်ကို စမ်းသပ်စစ်ဆေးပေးခဲ့ရာမှာ ၁၈-၃-၂၀၁၄မှ ၂၀-၃-၂၀၁၄ရက်နေ့အထိ မျက်စိဝေဒနာရှင် (၁၀၄၈)ဦးကို စမ်းသပ်စစ်ဆေးခဲ့သည်၊ ထိုစစ်ဆေးပြီး မျက်စိဝေဒနာရှင်များမှ လူနာပေါင်း ၁၂၂ ယောာက်ကို ခွဲစိပ်သည်၊ အလင်းရောင်များ ရရှိသွားကြသည်။ ထိုမျက်စိဝေဒနာရှင်များတွင် မွေးရာပါ မျက်လုံးနှစ်လုံး တိမ်စွဲနေသော ဝေဒနာရှင်တစ်ဦး ထူးထူးခြားခြား ပါဝင်သည်။ မျက်လုံး နှစ်လုံးကို တပြိုင်နက်တည်း ခွဲစိပ်ခဲ့ရပါသည်။

သီတဂူ အခြေံပညာမူလတန်းကျောင်း

သီတဂူသာသနာပြုအဖွဲ့သည် ကျန်းမာရေးစောင့်ရှောက်မှုအပြင် ပညာရေးအတွက်ပါ ဆောင်ရွက်လျှက်ရှိသည်။ ရှမ်းပြည်နယ်တောင်ပိုင်း၊ ခိုလန်မြို့မှာပဲ အခြေခံပညာမူလတန်းကျောင်းကို သီတဂူ သာသနာပြုအဖွဲ့မှ ဦးအောင်သောင်း (ထရန်စဖော်မာ)နှင့် ဦးကျော်မိုးနိုင် (Krislite) မိသားစုတို့က ကျပ်သိန်း ၂၅၀ မတည် လှူဒါန်း ခဲ့ပါသည်။

“သီတဂူစန်းလပမာ ချမ်းမြသာယာ ရှိကြပါစေ”

ရွှင်လန်းချမ်းမြေ့ပါစေ
သီတဂူစတား

၂၁-၃-၂၀၁၄
www.thesitagu.org

Read more »

ယခုနှစ် ထူးခြားသည့်မွေးနေ့ပွဲ အစီအစဉ်များ

ထူးခြားသည့်မွေးနေ့ပွဲ အစီအစဉ်များ

ဒီနှစ် ၇၇ နှစ်ပြည့် သီတဂူဆရာတော်ကြီး၏ မွေးနေ့ပူဇော်ပွဲကြီးမှာ သံဃာတစ်ထောင်ကျော်၊ သီလရှင်တစ်ထောင်ကျော် အမျိုးစုံးလောင်းလှူပွဲကြီးနှင့် ပြည်တွင်းပြည်ပ အရပ်လေးမျက်နှာမှ ကြွရောက်လာကြသော အလွှာအမျိုးစုံ ပရိသတ်ထောင်ပေါင်းများစွာတို့အား အစားအစာအမျိုးစုံတို့ဖြင့် ကျွေးမွေးသည့် အစီအစဉ်များအပြင် ထူးခြားသည့် အစီအစဉ်နှစ်များကိုလည်း ပါဝင်စေလာသည်။

၁။ သီတဂူဆရာတော်ကြီး၏ ၇၇နှစ်ပြည့် မွေးနေ့ ဂုဏ်ပြုပူဇော်ပွဲအတွက် ကြွရောက်လာသော အရပ်လေးမျက်နှာမှ ပရိသတ်အပေါင်းတို့အား ညစဉ် သီတဂူဓမ္မကထိကများက တရားတော်များ ဟောကြားပေးခြင်း။

၂။ စစ်ကိုင်း၊ မန္တလေး၊ ရန်ကုန်ရှိ သီတဂူကမ္ဘာ့ဗုဒ္ဓတက္ကသိုလ်တွင် တက်ရောက်နေကြသော Ph.D, M.A, B.A, Diploma ကျောင်းသားများနှင့် ဗုဒ္ဓဓမ္မ အခြေခံကျောင်းသားများက သီတဂူဆရာတော်ကြီးကို ပူဇော်ကန်တော့ကြသည်၊ ဆရာတော်ကြီးထံမှ သြ၀ါဒတရား နာယူကြသည်၊ ထိုပွဲတွင် စစ်ကိုင်း၊ မန္တလေး၊ ရန်ကုန်ရှိ သီတဂူကမ္ဘာ့ဗုဒ္ဓတက္ကသိုလ် သုံးခုမှ တာဝန်ရှိသူများက တစ်နှစ်စာ ပညာရေး အစီအရင်ခံစာ အကျဉ်းချုပ်များကို တင်သွင်းကြသည်။

၃။ သီတဂူကမ္ဘာ့ဗုဒ္ဓတက္ကသိုလ် (ရန်ကုန်)တွင် တက်ရောက် သင်ကြားနေကြသော ဗုဒ္ဓဓမ္မ အခြေခံကျောင်းသားများက ဆရာများအား ကန်တော့ကြသည်။ ထိုအစီအစဉ် သုံးရပ်ကို ထူးခြားစွာ ပါဝင်လာသည်ကို တွေ့ရသည်။

ရွှင်လန်းချမ်းမြေ့ပါစေ
သီတဂူစတား
၁၇-၃-၂၀၁၄

Read more »

ကမ္ဘာ့အကြီးဆုံး မွေးနေ့ပွဲကြီး

ကမ္ဘာ့အကြီးဆုံး မွေးနေ့ပွဲကြီး

၁၃-၃-၂၀၁၄ ကနေစပြီး ၁၄-၁၅ ရက်နေ့များအထိ သီတဂူကမ္ဘာ့ဗုဒ္ဓတက္ကသိုလ်၊ စစ်ကိုင်းတွင် လူ ထောင်ပေါင်းများစွာ ၀င်ထွက်လျက်ရှိသည်။ နေ့စဉ် ထိုတက္ကသိုလ်အတွင်းမှာ ပြည်တွင်း ပြည်ပ ရပ်ဝေးမှ ညအိပ်အဖြစ် လာရောက်နေသူများမှာလည်း ၁၅၀၀ ကျော် ၂၀၀၀ ခန့်ရှိနေသည်။ ညအိပ်သူရော ညမအိပ်ဘဲ ၀င်ထွက်နေသူရော ၄၀၀၀ (လေးထောင်) ကျော်ရှိနိုင်သည်။

ထိုထောင်ပေါင်းများစွာသော သူတွေကို နေ့စဉ် တစ်နေ့တစ်မျိုး မရိုးရအောင် မနက်၊ နေ့လည်၊ ညနေစာတို့ဖြင့် ကျွေးမွေးနေသည်မှာလည်း ဝေဿန္တရာမင်းကြီး၏ ထမင်းရည် ချောင်းတိုက် စတုဒိသာအလှူကြီး၊ ကောသလမင်းကြီး၏ ထမင်းရည် ချောင်းစီး အသဒိသဒါနကြိးများ အလား ထင်ရပေသည်။

သီတဂူဆိုတဲ့အသံ ကြားတာနဲ့ လှူဖို့ ပေးဖို့ အရန်သင့် ဖြစ်နေကြသည့် သီတဂူချစ်ခင် သာသနာမာမကတွေကလည်း နေရာတိုင်း ဒေသတိုင်းမှာ ရှိနေသည်။ ထို ထောင်ပေါင်းများစွာသော သီတဂူတပည့်များအတွက် တစ်နေ့ မနက်စာ၊ နေ့စာ၊ ညစာများအပြင် လှူလို့ ရသည့်နေရာမှ လှူကြမည်ဟူသော တပည့် ဒကာ ဒကာမတွေကလည်း ရွှေတောင်ခေါက်ဆွဲ၊ ဒံပေါက်၊ ခိုတောင်မုံ့တီ၊ မြန်မာ့ ကျေးလက်ဒေသ အစားအစာများ၊ ဘူးသီးကြော်၊ မုံ့ပြားသလပ်၊ မုန့်ပေါင်း၊ လက်ဖက်သုပ်၊ စတဲ့ အမျိုးစုံတို့ဖြင့် လာသမျှပရိသတ်တွေကို ကျွေးမွေးနေကြသည်မှာလည်း ကြက်သီးမွှေးပင် ထမိသည်။

၁၄-၃-၂၀၁၄ ရက်နေ့ (တပေါင်းလဆန်း-၁၄) မနက်စောစောမှာ သီလရှင် တစ်ထောင်ကျော်၊ တပေါင်းလပြည့်နေ့ညမှာတော့ သံဃာတော် အပါးတစ်ထောင်ကျော်တို့အား ၀တ်စရာ၊ စားစရာ၊ ကျောင်းသုံးအဆောင်၊ ဆေးပစ္စည်းများ အပြင် လိုတရ သုံးနိုင်ရန် န၀ကမ္မ ၀တ္ထုကျပ်ငွေများကို လောင်းလှူပူဇော်ကြီးကလည်း ကမ္ဘာ့အကြီးဆုံး မွေးနေ့ပွဲ အလှူကြီးဖြစ်သည်။ တစ်းပါးလျှင် ပလပ်စတစ် ဆာလာအိပ်ကြီး လေးလုံစာ လောင်းလှူကြသဖြင့် ရဟန်းအပါးတိုင်း၏ နောက်မှာ လူလေးယောက်လောက်က ကပ္ပိယအဖြစ်လိုက်ပေးကြရသည်၊ မွေးနေ့ပွဲကို အာမိသဒါနဖြင့် ပူဇော်ဇော်ကြသည့် အလှူရှင်များအပြင် ထောင့်စေ့ နေရာစေ့အောင် ပြုလုပ်နိုင်ကြသည့် လုပ်အားဒါနဖြင့် ကုသိုလ်ပြုကြသော အနယ်နယ်အရပ်ရပ်မှ သီတဂူအထောက်ကူပြုအဖွဲ့များကလည်း ပြေးလွှားလှုပ်ရှားနေကြသည်။

ဤပူဇော်ပွဲကြီးကား သီတဂူဆရာတော်ကြီး၏ ၇၇ နှစ်ပြည့် မွေးနေ့ပွဲကြီး ဖြစ်သည်။

ပေ-တစ်ထောင် ပေ-ကိုးရာ ကျယ်ဝန်းသော သီတဂူကမ္ဘာ့ဗုဒ္ဓတက္ကသိုလ်၊ စစ်ကိုင်း ၀န်းကြီးထဲမှာ အလှူပေး အလှူခံတို့ဖြင့် ပြည့်လျှံထွက်၊ ညံထွက်နေသည်။ တစ်နှစ်ထက် တစ်နှစ် ဤမွေးနေ့ပူဇော်ပွဲ အလှူကြီးကား ကြီးကျယ်သထက် ကြီးကျယ်လာနေသည်၊ ကျယ်သထက် ကျယ်လာသည့်အတွက် နောင်နှစ်များအတွက် ဤမျှလောက်ကျယ်ဝန်းသော နေရာသည်ပင် အခက်အခဲ ရှိလာနိုင်ဖွယ်ရှိသည်။ ယခုနှစ်မှာပင် နေစရာ အခက်ခဲကြောင့် လူပေါင်း ၃၀၀ ကျော်လောက်ကို နီးစပ်ရာနေရာတွေမှာ နေရာပေးကြရသည်။

ဤမျှလောက်ကြီးကျယ်သော မွေးနေ့ပူဇော်ပွဲမျိုး မတွေ့ဖူး၊ မမြင်ဖူး၊ မကြားဖူး၊ ကမ္ဘာ့အကြီးဆုံးမွေးနေ့ ပူဇော်ပွဲကြီးဟု ဆိုရမလောက်ဖြစ်သည်။ ထိုကမ္ဘာ့အကြီးဆုံးမွေးနေ့ ပူဇော်ပွဲကြီးမျိုးကို ဘုန်းကံရှိသူတို့သာ ပြုလုပ်နိုင်ပါသည်။ “အလုပ်ဟူသည် ဘုန်းကံ၊ ကုသိုလ်ကံဟူသည် ဘုန်းကံ”ဆိုသည့်အတိုင်း သီတဂူဆရာတော်ကြီးသည် အလွန့်အလွန်ကို အလုပ်လုပ်သည့် ဆရာတော်ကြီးဖြစ်သည်။ ထို့ကြောင့် ဘုန်းကံကြီးမားသော ဆရာတော်ကြီးဖြစ်ပါတော့သည်။

“သီတဂူစန်းလပမာ ချမ်းမြသာယာ ရှိကြပါစေ”

ရွှင်လန်းချမ်းမြေ့ပါစေ
သီတဂူစတား
၁၆-၃-၂၀၁၄

Read more »

ဒုတိယအကြိမ် သီတဂူစက္ခုဒါန အလှူတော် (သဲကုန်း)

ဒုတိယအကြိမ် သီတဂူစက္ခုဒါန အလှူတော် (သဲကုန်း)

၂၀၁၄ ဇန္န၀ါရီလ (၁၃၇၅-တပိုတွဲလပြည့်)နေ့က သဲကုန်းမြို့ သီတဂူရွှေဥရာစုသစ် စက္ခုဒါနဆေးရုံကို ဖွင့်လှစ်ပြီး ပထမအကြိမ် မျက်စိကုသမှုများ ပြုလုပ်ခဲ့ရာ စမ်းသပ် လူနာပေါင်း ၅၀၀၀ (ငါးထောင်) ကျော်နှင့် ခွဲစိပ်ပြီး အလင်းရသူများ ၅၉၃ ယောက်ရှိသည်။

ပထမအကြိမ်တွင် ဆရာဝန်များ အနားပေးခြင်း၊ လူ ၂၀၀၀ကျော် နေ့စဉ်သုံးသည့် ရေချိုးခန်း၊ အိမ်သာများ၊ နေရာများ သန့်ရှင်းရေးအတွက် ပြုလုပ်ခြင်းများ လိုအပ်သည့်အတွက် ပထမအကြိမ် ၅၀၀၀ ကျော်သော လူနာများ စမ်းသပ်ပြီး ဒုတိယအကြိမ်အတွက် ပြင်ဆင်ရန် အနားပေးကြရသည်။

ဒုတိယအကြိမ်
ဒုတိယအကြိမ်ကို ၄-၃-၂၀၁၄ နေ့က စပြီး ယနေ့အထိ လူနာပေါင်း ၇၇၉ စမ်းသပ်ပြီး လူနာ ၈၀ ခွဲစိပ်ပြီးဖြစ်သည်၊ မနက်ဖန်တွင် လူနာ ၁၀၀ ကျော် ခွဲစိပ်ဖို့ ပြင်ဆင်ထားသည်။ ၈-၃-၂၀၁၄ နေ့အထိ အထူးကုဆရာဝန်ကြီးများက နေ့မအား ညမအား စမ်းသပ်ခြင်းများ၊ ခွဲစိပ်ခြင်းများ ပြုလုပ်ပေးနေသည့်အတွက် စမ်းသပ်လူနာပေါင်း ၁၅၀၀ကျော်နှင့် ခွဲစိပ်လူနာ ၄၀၀ ကျော် မျှော်မှန်းထားကြောင်း သီတဂူအာယုဒါန ဒု-ဆေးရုံအုပ် ဒေါက်တာမိမိခင်က ပြောပါသည်။ နှစ်ကြိမ်ပေါင်း ခွဲစိပ်လူနာ (မျက်စိအလင်းရသူ) ၁၀၀၀ (တစ်ထောင်) ကျော်နိုင်သည်ဟုလည်း ပြောပါသည်။

ဒုတိယအကြိမ် မျက်စိအလင်းအလှူများတွင် အငြိမ်းစား ပါမောက္ခ မျက်စိအထူးကု ဆရာဝန်ကြီး ဒေါက်တာ မြအောင်၊ အငြိမ်းစားပါမောက္ခ ဒေါက်တာမြင့်ခိုင်၊ ဒေါက်တာ လှအောင်ဒင်၊ ဒေါက်တာ စဂျေလွင်၊ ဒေါက်တာပွင့်ဦး၊ ဒေါက်တာ တင့်ဇော်ဦးနှင့် အထူးပြု သူနာပြုများ၊ စစ်ကိုင်း သီတဂူအာယုဒါနဆေးရုံတော်မှ ဒု-ဆေးရုံအုပ် ဒေါက်တာမိမိခင်နှင့် သူနာပြုများ၊ ဒေသခံမှ သူနာပြုများက အထူးတာဝန်ယူလုပ်ဆောင်ကြသည်။

သီတဂူအထောက်ကူပြု အဖွဲ့များ၊ ဒေသခံလုပ်အားပေးအဖွဲ့များ၊ စေတနာရှင်များက အင်တိုက် အားတိုက် လုပ်အားဒါနပြုကြသည်။

“သီတဂူစန်းလပမာ ချမ်းမြသာယာ ရှိကြပါစေ”

ရွှင်လန်းချမ်းမြေ့ပါစေ
သီတဂူစတား
၆-၃-၂၀၁၄
www.thesitagu.org

Read more »

သီတဂူဆရာတော်ကြီး သက်တော်(၇၇)နှစ်ပြည့် မွေးနေ့အလှူတော်မင်္ဂလာ ဖိတ်ကြားလွှာ

သီတဂူဆရာတော်ကြီး သက်တော်(၇၇)နှစ်ပြည့်
မွေးနေ့အလှူတော်မင်္ဂလာ ဖိတ်ကြားလွှာ

သီတဂူဆရာတော်ကြီးသက်တော်(၇၇)နှစ်ပြည့် မွေးနေ့ပူဇော်ပွဲကို ၁၃၇၅-ခု၊ တပေါင်းလဆန်း (၁၃)(၁၄)(၁၅) ရက်နေ့များတွင် စစ်ကိုင်းတောင်ရိုး၊ သီတဂူကမ္ဘာ့ဗုဒ္ဓတက္ကသိုလ်၌ စည်ကားသိုက်မြိုက်စွာ ကျင်းပမည်ဖြစ်ပါ သည်။

 (၁) တပေါင်းလဆန်း(၁၄)ရက်နေ့တွင် သီလရှင် အပါး(၁၀၀၀)တို့အား အရုဏ်ဆွမ်း ရွှေတောင်

ခေါက်ဆွဲကျွေးမွေး၍ သီလရှင်ဝတ်စုံ၊ အုန်းထမင်း၊ ဟင်းငါးမျိုးနှင့် လှူဖွယ် မျိုးစုံလောင်းလှူပါမည်။

(၂) တပေါင်းလပြည့်နေ့တွင် ပင့်သံဃာအပါး (၁၀၀၀)တို့အား ခိုတောင် မုန့်တီလက်သုပ်ဆွမ်း ဆက်
ကပ်၍ သင်္ကန်း၊ သပိတ်၊ ဒံပေါက်ဆွမ်း၊ ဟင်းငါးမျိုး၊ သစ်သီးများ၊ မုန့်မျိုးစုံများနှင့် လှူဖွယ်ပစ္စည်း
မျိုးစုံတို့ ကို လောင်းလှူမည်ဖြစ်ပါသည်။

ဖျော်ဖြေ ရေးအစီအစဉ်များ ------
(က) တပေါင်းလဆန်း (၁၃) (၁၄)ရက်ညတွင် မြန်မာပြည်ကျောက်စိမ်းဆိုင်းအဖွဲ့။

(ခ) လပြည့်နေ့ညတွင် သီတဂူဂီတဉ္ဇလီ(အလင်္ကာဝတ်ရည်) တေးဂီတအဖွဲ့။

(ဂ) တပေါင်းလပြည့်ကျော် (၁)(၂)ရက်ညများတွင် မင်းသား ဖိုးချစ်ဇာတ်သဘင် အဖွဲ့တို့က ဖျော်ဖြေ တင် ဆက်ကြပါမည်။

သီတဂူကို ကြည်ဖြူကြသည့် ပြည်သူအားလုံးကို ဖိတ်ကြားအပ်ပါသည်။

“သီတဂူစန်းလပမာ ချမ်းမြသာယာ ရှိကြပါစေ”

ရွှင်လန်းချမ်းမြေ့ပါစေ

သီတဂူစတား

၁-၃-၂၀၁၄

Read more »