သီတဂူစတား

သီတဂူစတား

04 October 2009

အနှစ်ကိုးပါး (အပိုင်း-၁၇)



ဆုတောင်းခြင်းနဲ့ဗုဒ္ဓဘာသာ

ဗုဒ္ဓဘာသာတို့ရဲ့ ဆုတောင်းက ဘာဆုတောင်းလဲ။ ဒါန၊ သီလ၊ သမာဓိ၊ ပညာ အဲဒီ ကောင်းမှုလေးမျိုး တစ်မျိုး မျိုး ပြုကျင့်ပြီးရင် ကိုယ်လုပ်ထားတဲ့ ကောင်းမှုအားလျော်စွာ ရထိုက်တဲ့ အခွင့်အရေးကို ကိုယ့်ဟာကိုယ် တောင်းတာ။
ကိုယ်ကျင့်ထားတဲ့ အကျင့်အားလျော်စွာ ရထိုက် တဲ့ အခွင့်အရေးကို တောင်းတာ။
တောင်းတာက တစ်စုံတစ်ယောက်က ပေးမှာကို မျှော်လင့်ပြီးတော့ တောင်းနေတာမဟုတ်ဘူး။ ကိုယ့်လုပ် အားအတိုင်း ကိုယ်ဖြစ်ချင်တာကို ဖွင့်ထုတ်ပြီးတော့ ဆိုခြင်း ပါပဲလို့ ပြောလိုက်တယ်။

ကိုယ်ကျင့်ထားတဲ့ အကျင့်အားလျော်စွာ ကိုယ် ရထိုက်တာကို ရချင်တဲ့ဆန္ဒကို ဖော်ကျူးလိုက်တာပါပဲ။
''တစ်စုံတစ်ယောက်က ကိုယ့်ကို ချပေးလိမ့် မယ်လို့ မျှော်လင့်ပြီးတော့ တောင်းနေတဲ့ ဆုတောင်း မျိုး မြန်မာမှာ မရှိဘူး''လို့ ဘုန်းကြီးက ပြောလိုက်တယ်။ အဲဒီလိုပြောလိုက်တော့ ''မြန်မာတွေရဲ့ ဆုတောင်း က အဆင့်အတန်းမြင့်တယ်၊ မြန်မာတွေရဲ့ ဆုတောင်းက လက်စသတ်တော့ သူတို့အကျင့်ပေါ်မှာ သူတို့ ပြန်တည် တယ်''လို့ သူတို့တတွေ သဘောကျသွားကြတယ်။

အခြားဘာသာများက တောင်းတဲ့ဆုကတော့ ကိုယ့် အကျင့်တရားအပေါ်မှာ မတည်ပဲနဲ့ တစ်စုံတစ် ယောက်သောပုဂ္ဂိုလ်က ပေးမလားဆိုပြီးတော့ တောင်း တာ။ ဗုဒ္ဓဘာသာရဲ့ အနှစ်သာရက ''ယုံကြည်မှုနဲ့ အသိ ဥာဏ်ကို ညီမျှစွာ ပေါင်းစပ်ပြီးတော့ ကျင့်ယူရတဲ့တရား'' ဖြစ်ပါတယ်။ ဒါကြောင့် ဘုန်းကြီးတို့ မြန်မာပြည်က ဗုဒ္ဓဘာသာ ဝင် သူတော်စင်တွေဟာ ဒီလို အသိဥာဏ်မျိုးတွေကို သိခွင့် ရ၊ ဤကဲ့သို့သော ယုံကြည်မှုမျိုးတို့ကို ယုံကြည်ခွင့်ရ၊ ဤကဲ့သို့သော စရဏတရားတွေကို ကျင့်ခွင့်ရနေကြတာ ဟာ ငါတို့ ကံကောင်းလိုက်တာလို့ ကိုယ့်ဘဝရဲ့အဖိုးတန်ပုံကို နားလည်ကြပါ။

ကမ္ဘာမှာ အုပ်စုကြီး(၂)စုရှိတယ်

တို့တိုင်းပြည်မှာ လေယာဉ်ပျံလဲ မလုပ်နိုင်သေး ဘူး။ မော်တော်ကားလဲ မလုပ်နိုင်သေးဘူး။ ဒုံးပျံကြီးလဲ မဆောက်နိုင်သေးဘူး။ အထပ် ခြောက်ဆယ်လောက်ရှိတဲ့ တိုက်ကြီးတွေလဲ မရှိသေးဘူး။ တိုင်းပြည်က တယ်ပြီးတော့ အောက်ကျနောက်ကျနိုင်တာပဲလို့ ဒီလိုများ သွားပြီးတော့ မတွက်ပါနဲ့။ ကမ္ဘာမှာအုပ်စုကြီး (၂)ခုရှိနေတယ်။ တစ်အုပ်စုက အလွန်ကိုပဲ ကြီးပွားတိုးတက်ချမ်းသာ ပြီးတော့ စည်းစိမ်ခံ ဖို့ရန် ကြိုးစားနေတဲ့ လူစုကြီး။

သိပ် တိုးတက်နေတယ်။ သိပ်ကြီးပွားနေတယ်။ ပစ္စည်းတွေ အမျိုးမျိုးထုတ်လုပ်နေတယ်။ အဲဒီပုဂ္ဂိုလ်တွေက စည်းစိမ်ခံဖို့ချည်း ကြိုးစားနေကြတယ်။ သူတို့က တစ်ပိုင်း။ နောက်တစ်အုပ်စုကတော့ စည်းစိမ်ကို မခံစား နိုင်ဘူး။ စားစရာလဲ မလောက်တလောက်၊ ဝတ်စရာလဲ မလောက်တလောက်၊ နေဖို့ကလဲပဲ ကျိုးတိုးကျဲတဲ။ အဲဒီလို စားရေး၊ နေရေး၊ ဝတ်ရေးတွေ ချို့တဲ့ နေတဲ့ ဒီလူစုကလဲ 'ဟိုလူတွေဟာ မတရားသဖြင့် ချမ်းသာ တယ်ဆိုပြီး'တော့ ချမ်းသာတဲ့လူစုကြီးကို အံတကြိတ်ကြိတ် ဖြစ်နေကြတယ်။ သူတို့က တစ်အုပ်စု။

ကြီးပွားတိုးတက်လို့ စည်းစိမ်ခံနေတဲ့ လူစုမှာ ''လောဘ'' နှင့် ''မစ္ဆရိယ (ဝန်တိုမှု)''တရားက ပြဋ္ဌာန်းနေ တယ်။
လောဘက သိပ်ရချင်တယ်။ ရဖို့ချည်း သိပ် အား ထုတ်တယ်။ မစ္ဆရိယတရားက သူတို့ရတာတွေကို ဘယ်သူ့ ကိုမှ ဝေမပေး ချင်ဘူး။ သိပ်ဆင်းရဲနေတဲ့ လူစုမှာတော့ ''ဒေါသ''နဲ့ ''ဣဿာ'' (သူတပါး စည်းစိမ်ကို မနာလိုမှု)က လွှမ်းမိုးနေ ပါတယ်။
ကမ္ဘာမှာ အဲဒီလို ဟိုဘက်ဒီဘက် အစွန်းထွက်နေ ကြတယ်။ အစွန်းသို့ ရောက်နေကြတယ်။

ပြင်းထန်နေသော ပဋိပက္ခ (၂)ခု

အိန္ဒိယပြည်ကြီးမှာ သိပ်ချမ်းသာတဲ့ လူတွေကို ကြည့်လိုက်တော့ သိပ်ဇိမ်ခံကြတယ်။ သိပ်ဆင်းရဲတဲ့ လူ တွေကို ကြည့်လိုက်ပြန်တော့လဲ အမှိုက်ပုံလေးထဲ ကောက် စားနေကြတယ်။ ဒီလို ဖြစ်နေတယ်။ ဗောဓိပင်နားမှာ နေ့တိုင်းနေ့တိုင်း မနက်စော စောသွားရင် အရှေ့ဘက်နားမှာ သူတောင်းစား တစ်ရာ လောက် တန်းနေတယ်။ အနောက်ဘက်ပေါက်နားမှာလဲ တစ်ရာလောက် တန်းနေတယ်။

တစ်ယောက်ကို ငါးပြားလောက် သွားမပေးနဲ။ တစ်ရာလောက် ဝိုင်းပြီးတောင်းတော့တာပဲ။ ထွက်လို့ကို မရဘူး။ ကြောက်စရာတောင်ကောင်းလိုက်တာ။ ပေးချင် လျက်နဲ့ အဲဒါမပေးခဲ့ရဘူး။ လူစေ့အောင်လဲ ဘုန်းကြီးက မပေးနိုင်ဘူး။
တချို့သူတောင်းစားကတော့ ခေတ်မီလိုက်တာ။ ဘယ်လိုခေတ်မီသလဲဆိုတော့ လက်ထဲမှာ ခွက်ကလေးကိုင် ထားပြီး '' I am blind, I am blind ကျွန်ုပ် မျက်စိမမြင်ပါ, ကျွန်ုပ် မျက်စိမမြင်ပါ''လို့ ပြောပြီးတော့ တောင်းတယ်။ အဲဒီလို ခေတ်မီတဲ့ သူတောင်းစားလဲ ရှိသေးတယ်။

ဒီပဋိပက္ခနှစ်ခုဟာ ပြင်းထန်နေရင်တော့ ကမ္ဘာ့ ငြိမ်းချမ်းမှုဆိုတာ မရနိုင်ဘူး။ ဘာ့ကြောင့်လဲ၊ အစွန်းရောက်နေလို့။
လမ်းညွှန်ခ ငါးကျပ်ပေးရမယ်တဲ့၊ ဒီကနေ့ မြန်မာပြည်က လူတွေကတော့ တယ်ပြီးတော့ တော်ကြတယ်။ ချမ်းသာတဲ့ လူတွေကလဲ ကံ၊ ဥာဏ်၊ ဝီရိယရှိလို့ ချမ်းသာတာပဲဆိုပြီး ကျေနပ်လို့။ ကောင်းလိုက်တာ။

ဆင်းရဲတဲ့ ပုဂ္ဂိုလ်တွေကျပြန်တော့လဲ တို့ ကံ၊ ဥာဏ်၊ ဝီရိယ နည်းလို့ ဆင်းရဲတာ။ ဆင်းရဲတဲ့လူကလဲ တရား သဘောကို ကောင်းကောင်းသိတယ်။ ဒီလို နားလည်တော့ ချမ်းသာတဲ့ လူတွေအပေါ်မှာ ဒေါသ, ဣဿာ မဖြစ်ကြ တော့ဘူး။
မြန်မာပြည်မှာ ချမ်းသာနေကြတဲ့ ပုဂ္ဂိုလ်တွေကလဲပဲ ဆင်းရဲတဲ့ ပုဂ္ဂိုလ်တွေကို တတ်နိုင်သမျှ စွန့်ကြဲကြတယ်။ ဆန်တဆုပ်၊ ရေတမှုတ်ဆိုတာ မြန်မာပြည်မှာ ဘယ်နေရာ တောင်းတောင်း ရတယ်။ လိုချင်တိုင်း ရတယ်။ နိုင်ငံခြားမှာ သစ်ပင်ရိပ် ကလေးတောင် သွား မခိုလေနဲ့၊ သစ်ပင်ရိပ်ကလေး သွားခိုမိတာနဲ့ ''ငါ့သစ်ပင်ရိပ် မင်းလာခိုတာ၊ ပေး ငါးကျပ်'' ဆိုပြီး ဒီလိုတောင်းတာ။

ဘုန်းကြီးတို့ ဗာရာဏသီမှာ တည်းခိုမည့်ကျောင်း ရှာမတွေ့လို့မော်တော်ကားနဲ့တလည်လည် ဖြစ်နေတော့ လမ်းပေါ်မှာ ကားရပ်ပြီး လမ်းဘေးနားက လူပျိုအရွယ် ကုလားလေး သုံးလေးယောက်ကို လှမ်း မေးတယ်။ မေးတော့ သူတို့က လမ်းဘေးကနေ ''ဘယ်လမ်းကို သွား''လို့ လမ်းညွှန်တယ်။ အဲဒီအခါမှာ ဒရိုင်ဘာက ဂီယာ ကောက်ထိုးပြီး မောင်းထွက်မလို့ ဟန်ပြင်တော့ ရှေ့ တည့်တည့်က လာရပ်တယ်၊ ''ပေး ငါးကျပ်''တဲ့ ။ ''ဟာ မင်းကို ဘာလို့ပေးရမှာတုန်း'' ဆိုတော့ ''ခင်ဗျား မေးလို့ ကျုပ်တို့ လမ်းပြရတယ်၊ အဲဒီလမ်းပြခအတွက် ၅-ကျပ် ပေးရမယ်'' တဲ့။ မခက်ဘူးလား။

မြန်မာပြည်မှာသာဆိုရင် အိမ်အရောက်တောင် လိုက်ပို့လိုက်ဦးမယ်။ ရှိတာတောင် ချကျွေးလိုက်ဦးမယ်။ ''သြော် သူတို့ခရီးသည်တွေ အဝေးကြီးက လာကြတာ။ တတိုင်း တပြည်က လာကြတာ။ ပင်ပန်းနွမ်းနယ်လာကြ တယ်။ ရေလေးသောက်ပါဦး။ ထမင်းလေးစားပါဦး။ ဒီနေရာလေး ထိုင်ပါဦး''လို့တောင် ဖိတ်ကြဦးမယ်။ ဒီတော့ ဘုန်းကြီး စိတ်ထဲက သဒ္ဓါတရား ကုန်သွား တယ်။ အဲဒီကောင်ကို မပေးချင်တော့ဘူး။ ဒါကြောင့် ဒရိုင် ဘာကိုပြောလိုက်တယ်၊ ''အဲဒီကောင် ပြတဲ့လမ်းက မမောင်း နဲ့ကွာ၊ ဒီ့ပြင်လမ်းက မောင်း'' ဆိုပြီးတော့ အခြားလမ်းက မောင်းလာခဲ့တယ်။

အဲဒီကောင်ကလဲ နောက်ကနေ လိုက်ပြီးတော့ ''ဘာဘာ ဘာဘာ''နဲ့ဆိုပြီး လိုက်လာတယ်။ ''ဘာတုန်းကွ'' ဆိုတော့ ''ပေး ငါးကျပ်''တဲ့။ ''မင်းပြတဲ့လမ်း ငါတို့ မမောင်း ဘူးကွာ၊ ဘာပြုလို့ ပေးရမှာလဲ''လို့ ပြောပစ်ခဲ့တယ်။

(အပိုင်း-၁၈) ဆက်ဖော်ပြပါဦးမည်။

သတင်းကောင်း။ ။ ဆုတောင်း- ၆ မျိုးတရား နှင့် သီတဂူစတားရဲ့ အိန္ဒိယ ဇာတ်မြင့်ဇာတ်နိမ့်ဝါဒ တို့ကို ကြားဖြက်၍ ဖော်ပြသွားပါဦးမည်ဟု ကြိုတင် သတင်းကောင်းပါးလိုက်ပါတယ်။

03 October 2009

မိဘဂုဏ်(၁၂)ပါး






မြတ်စွာဘုရား ဟောကြားတော်မူခဲ့သော သောဏနန္ဒဇာတ်လာ မိဘဂုဏ်(၁၂)ပါး။
၁။ မိဘ ဆိုတာ ကိုးကွယ်ရာ ဗြဟ္မာဖြစ်တော့သည်။
၂။ သွန်သင်ပြသ ဆိုဆုံးမ မိဘ ဆရာ ဖြစ်တော့သည်။
၃။ အလှူခံ ပုဂ္ဂိုလ် မိဘဆို လှူကို လှူရမည်။
၎။ အိမ်စောင့် အိမ်ဦး နတ်မြတ်ထူး အထူးပူဇော်မည်။
၅။ ခြင်ဆီရိုးထဲ လွန်စွာကဲ ချစ်လည်းချစ်ကြသည်။
၆။ မွေးဖွားပို့ဆောင် ဤလူ့ဘောင် ဂုဏ်ရောင်လင်းစေသည်။
၇။ နို့ချို တိုက်ကျွေး မွေးမြူပေး အလေးထားရမည်။
၈။ ယုယ ကြင်နာ ပိုးပမာ မွေးရှာခဲ့ကြသည်။
၉။ ပူပန်ကြီးစွာ စောင့်ရှောက်ကာ ကာကွယ်ပေးကြသည်။
၁၀။ လောကအကြောင်း လူ့အကြောင်း ကောင်းကောင်းညွှန်ပြသည်။
၁၁။ ယုယပိုက်ထွေး ချော့မြှူပေး နွေးထွေး ကြင်နာသည်။
၁၂။ ရတဲ့ ဥစ္စာ သားသမီးဖို့ပါ ဖွေရှာ ထိန်းသိမ်းသည်။


မိဘတို့သည် သားသမီးအပေါ်တွင် မည်မျှကောင်းကြောင်းကို ထင်ရှားစေသော စာသားများဖြစ်သည်။အချို့သော သားသမီးတို့သည် မိဘကို ပစ်ပယ်၍ ဘိုးဘွားရိပ်သာ သို့ပို့ထားကြသည်။အချို့ သော သားသမီးများက မိဘတို့ကို စော်ကားကြသည်၊ ထိုသို့သာ သားသမီးများက မိဘကိုစော်ကားနေလျှင် ငရဲရောက်မည်မှာ ဧကန်ဖြစ်သည်။ ထိုသို့ မဖြစ်ရလေအောင် လူတိုင်းသိရှိပြီး လိုက်နာနိုင်ရန်ရေးသားလိုက်ရပါသည်။ အထက်ပါစာသားများ၏ အကျယ်ရှင်းလင်းချက်မှာ

၁။ သားသမီးအပေါ်တွင် ထာဝစဉ် မေတ္တာထားသောကြောင့် ဗြဟ္မာ ဖြစ်ပါသည်.
၂။ ငယ်စဉ်ကတည်းက ဒီလိုစား၊ဒီလိုသွား၊ဒီလိုနေ ဟူ၍ သင်ကြားပြသပေးသောကြောင့်လက်ဦးဆရာ ဖြစ်သည်။
၃။ မိဘသည် ရပ်ဝေးတွင် စီးပွားရှာ၍ သားသမီးကိုကျွေးမွေးသည်။သားသမီးကလည်း ထိုသို့ ပြန်လည် လုပ်ကျွေး ထိုက်သော အာဟုနေယျ ပုဂ္ဂိုလ် ဖြစ်သည်။
၎။ သားသမီး ရှာဖွေသည်ကို မပျောက်ပျက်အောင် တိုးတက်အောင် စောင့်ရှောက်ပေးသော ပုဗ္ပဒေဝတာ ဖြစ် သည်။
၅။ သားသမီးမမွေးခင် ကတည်းက ကြိုတင်ချစ်ခင်လွန်းသောကြောင့် သုဟဒ ဟုမည်သည်။
၆။ လူဖြစ်အောင် မွေးဖွားပေးခဲ့သော မိခင်၏ ဂုဏ်ကို ဇနေတ္ထိ ဟုခေါ်သည်။
၇။ နို့ချိုတိုက်ကျွေးခဲ့သော မိခင်၏ ဂုဏ်ကို ပေါသက ဟုခေါ်သည်။
၈။ ယုယကြင်နာစွာ မွေးဖွားပေးခဲ့သော မိခင်၏ဂုဏ်ကို ပေါသေန္တ ဟုခေါ်သည်။
၉။ အမြဲတစဉ် စောင့်ရှောက်နေတတ်သောကြောင့် အာပါဒက ဟုမည်သည်။
၁၀။ လူအကြောင်း၊လောကအကြောင်းကိုမိဘများ သိသမျှ သားသမီးများသိရအောင် ပြောပြသောကြောင့် ဒေဿတာရ ဟုခေါ်သည်။
၁၁။ သားသမီးများကို ချော့ပြော၊နားဝင်အောင် ပြောသောကြောင့် တောသယန္တိ ဂုဏ်မည်သည်။
၁၂။ ကိုယ်သုံးဖို့ ရှာထားသောပစ္စည်းကို ကိုယ် ကိုယ်တိုင်မသုံးရက် ၊မစားရက်အောင် သားသမီး အတွက် ချန်ထားသောကြောင့် ရသော ဂုဏ်ကို ဂေါပယန္တိ ဟုခေါ်သည်။

စကားချပ်။ ။ ပါဠိစာပေကို များစွာ ကျွမ်းကျင်မှု မရှိသောကြောင့် အချို့ သော ပါဠိစာသားများမှားယွင်းမှု ရှိခဲ့သော် ကျွန်ုပ်၏ အမှားပင်ဖြစ်ကြောင်းဝန်ခံအပ်ပါသည်။ ဘာသာရေးစာအုပ်တစ်အုပ်မှ ပြန်လည် ကောက်နှုတ် ဖော်ပြ ခြင်း ဖြစ်ပါသည်။

.................................................................................................................................

အမေဆိုတာ........ don't forget her love!




ကယ်ဆယ်ရေး လုပ်သားတွေက သူ့ကိုတွေ့တဲ့ အချိန်မှာ သူသေနေခဲ့ပြီ။
ပြိုကျလာတဲ့ အိမ်ပိမိပြီး သူသေသွားတာ။အပျက်အစီးတွေကြားကနေ
သေဆုံးနေတဲ့ သူ့ပုံစံကို လှမ်းမြင်နေရတယ်။ဒူးကွေးပြီး ရှေ့ ကိုကိုင်းနေတဲ့
ကိုယ်ခန္ဓာကိုယ်နဲ့ လက်နှစ်ချောင်းကို အားပြုထောက်ထားတဲ့ သူ့ပုံစံက ဘုရား
ဝတ်ပြုနေတဲ့ ပုံနဲ့တူနေတယ်။ဒါပေမဲ့ အသက်ရှင်မရှင် ပိုသေချာအောင်
ကယ်ဆယ်ရေးလုပ်သားတွေက သူ့ကို စမ်းသပ်ကြည့်ကြတယ်။ကယ်ဆယ်ရေး
အလုပ်သမားတဦးက ဦးခိုက်ချသေနေတဲ့ သူ့ခန္ဓာကိုယ်ထဲ ခဲရာခဲဆစ် လက်-
-ကိုထိုးထည့်ပြီး ၀မ်းသာအားရ လှမ်းအော်လိုက်တယ်။"လူရှိတယ်။ကလေး
တစ်ယောက်ရှိတယ်၊အသက်ရှင်လျက်ပဲ" လို့ထအော်လိုက်တယ်။ရှိသမျှ
ခွန်အားတွေနဲ့ သူ့ကိုယ်ပေါ်မှာ ဖိကပ်နေတဲ့ အုတ်ပုံတွေကို ရှင်းလင်းလိုက်ကြတယ်။
သူ့ခန္ဓာကိုယ်ကို ထောင်မတ်လိုက်တယ်ဆိုရင်ပဲ အိပ်ပျော်နေတဲ့ သုံး၊လေးလသားအရွယ်
ကလေးတစ်ယောက်ကို သွားတွေ့မိတယ်။ကလေးကိုစစ်ဆေးဖို
့ ဆရာဝန်တစ်ဦးက
ပွေ့ချီလိုက်တယ်ဆိုရင်ပဲ ကလေးကျောပိုးစထဲကနေ ဖုံးတစ်လုံးထွက်ကျလာတယ်။
ဆရာဝန်က ဖုံးကိုကြည့်လိုက်တော့ message တိုလေးတစ်ကြောင်းကို တွေ့လိုက်ရတယ်...
"သားလေးရေ...တကယ်လို့များ သားလေးအသက်ရှင်ခဲ့မယ်ဆိုရင် သားကိုအမေ
အရမ်းချစ်တယ်ဆိုတာကို သေသေချာချာ မှတ်ထားပေးပါနော်။"တဲ့။
သေသူပေါင်းများစွာကို တွေ့ဖူးတဲ့ ဆရာဝန်ရဲ့ ပါးပြင်ပေါ်ကို မျက်ရည်တွေ
စီးကျလာခဲ့တယ်။
တယောက်လက်ကို တယောက်ကမ်းလိုက်တဲ့ ဖုံးထဲက message ကို ဖတ်မိသူတိုင်း
ရင်ထဲဆို့နင့်သွားတဲ့ ဒီခံစားချက်က ဘာနဲ့မှ နှိုင်းပြလို့
မရနိုင်ခဲ့ဘူး။မုချသေရတော့မယ်
ဆိုတာ သိလိုက်ရတဲ့ အမေတစ်ယောက်ဟာ နောက်ဆုံးအချိန်ထိ သူ့ရင်သွေးအတွက်
ပေးဆပ်သွားခဲ့တာ....သြော်...မိခင်တွေ...မိခင်တွေ......

ps: ဒီpostလေးဟာ ပုံပြင် မဟုတ်ပါဘူး။၂၀၀၈၊မေလ၁၂ရက်နေ့က
တရုတ်နိုင်ငံ စီချွမ်ပြည်နယ်မှာ လှုပ်ခဲ့တဲ့ ငလျင်ရဲ့ ဖြစ်ရပ်မှန်လေးပါ..
မိခင်မေတ္တာကို ခံစားရတာကြောင့် သူငယ်ချင်းတွေကို share လုပ်ပေး
လိုက်တာပါ..............

သီတဂူစတားရဲ့ သီတင်းကျွတ် ဆုတောင်း


ဒီနေ့သည် သီတင်းကျွတ်ပြည့်နေ့ဖြစ်သည်။ ဗုဒ္ဓဘာသာမြန်မာလူမျိုးတို့ရဲ့အလေးမြတ်ထားရာ နေ့လည်းဖြစ်ပါသည်။ မြတ်ဗုဒ္ဓသည် တာဝတိံသာနတ်ပြည်ဝယ် မိခင်အားကျေးဇူးဆက်သည့်အနေအားဖြင့် အဘိဓမ္မာတရားများဟောကြားပြီး လူ့ပြည်လူလောကသို့ပြန်ကြွသည့်နေ့ဖြစ်ပါသည်၊ မြန်မာပြည်သူတွေသည် ထိုနေ့ကို နေ့ထူးနေ့မြတ်အဖြစ်သက်မှတ်ကာ မြတ်ဗုဒ္ဓအား ဆီးမီးများဖြင့်ပူဇော်ကြသည်။ ဒါ့ပြင် ရတနားသုံးပါးအား ပူဇောကန်တော့ကြသည်၊ အသက်ကြီးရွယ်အိုး အဘိုးအဖွားတို့အား ပူဇော်ကြသည်၊ ကန်တော့ကြသည်၊ အလွန်ချစ်စရာကောင်းသည့် မြန်မာပြည်သူတွေရဲ့ ဓလေ့ဖြစ်ပါသည်။ ဤနေ့သည် သံဃာတော်များသည် လှောင်အိမ် (အချုပ်)ထဲမှ လွတ်သည့်နေ့လည်းဖြစ်ပါသည်၊ ၀ါတွင်းသုံးလပတ်လုံး အချုပ်မိနေသည်၊ ဒီနေ့ရောက်ရင် ဘာရယ်မသိ အလိုလို စိတ်ထဲမှာ ပေါ့ပါးသလိုခံစားရသည်၊ ကိုယ့်အဖြစ်ကိုပမာပြုပြီး အခြားသူတွေမှာလဲ လွတ်မြောက်မှုကို မျော်နေကြမှာ အမှန်ဖြစ်သည်ဟု တွေးတောမိပါသည်။
လွတ်မြောက်မှုကိုတမ်းတ၊ မျော်လင့်နေကြတဲ့ မြန်မာပြည်သူအားလုံး ကမ္ဘာသူကမ္ဘာသားအားလုံး မိမိတို့မျော်လင့်နေတဲ့ လွတ်မြောက်မှုကို ရယူပိုင်ဆိုင်နိုင်ပါစေလို့ သီတင်းကျွတ်မှာ အကုန်လုံးလွတ် ကျွတ်နိုင်ကြပါစေလို့ ဆုမွန်ကောင်းတောင်းလိုက်ပါတယ်။

သီတဂူ စန်းလပမာ ချမ်းမြသာယာရှိကြပါစေ။
သီတဂူစတား
၃-၁၀-၂၀၀၉

ကောင်းမွန် ဓမ္မဒူတမှတ်တမ်း (အပိုင်း-၉)



ဒေါက်တာအမ်ဘေဒကာ ရုပ်ထု
လမ်းဆုံအနီးတွင် လက်တစ်ဖက်က စာအုပ်ကိုင် လက်တစ်ဖက် ပင့်မြှောက်ပြီး လက်ညှိုးထိုးပြနေသော အန်ဘေဒကာ ရုပ်တုကြီးကို ထုဆစ်ပြထားသည်။ ရုပ်တုကို ပန်းခြံအတွင်း ခုံမြင့်နေရာတွင် ထားရှိပြီး လူအများအပြား တက်ရောက်၍အရိုအသေပြုကြသည်ကို တွေ့ရသည်။ စာရေးသူတို့လည်း အများနည်းတူတက်ရောက် ကြည့်ရှုကြသည်။ ရုပ်တုပေါ်သို့ စာရေးသူတို့ ရောက်လျှင် စာရေးသူတို့နှင့် ဓာတ်ပုံတွဲရိုက်လိုသူများ များပြားသဖြင့် ပန်းခြံထဲမှ အတော်နှင့် ထွက်ခွင့်မရခဲ့ပေ။ ပန်းခြံမှထွက်ခဲ့ပြီးနောက် သုံးဘီးဖြင့် ဟော်တယ်သို့ ပြန်လာခဲ့ကြသည်။ ဟော်တယ်သို့ ရောက်လျှင် ည (၁၁) နာရီထိုးပြီ။

၂ဝဝ၉ နိုဝင်ဘာလ ၂၉ နေ့ နံနက် ၆ နာရီခွဲ ရထားဖြင့် ပူးနေးမြို့သို့ပြန်လည်ထွက်ခဲ့ကြသည်။ ဘုရားပွဲတော် ပြီးစီးချိန်ဖြစ်၍ဘုရားပွဲတော်ပြန်များဖြင့် ရထားတွဲတိုင်းတွင် ပြည့်ကျပ်နေတော့သည်။ နေ့လည် (၁ဝး၃ဝ) နာရီတွင် ပူနေးဘူတာသို့ ရထားဆိုက်ရောက်သည်။ ။

ကောင်းမွန် ဓမ္မဒူတမှတ်တမ်း(အပိုင်း-၈)




လှည့်လည်ကြည့်ရှု
တရားပွဲပြီးလျှင် အားလုံးကို နှုတ်ဆက်ပြီး ဥပါသကာ ဝိက ၏ ဦးဆောင်မှုဖြင့် ဘုရားလှည့်ပွဲကြည့်ရှုရန် ကားဖြင့် မြို့လယ်သို့ ထွက်ခွါခဲ့ကြသည်။ ထိုအချိန်သည် ည ၈ နာရီခွဲပြီဖြစ်သည်။ မြို့လယ် လမ်းမပေါ်တွင် လူအ များဥဒဟို သွားလာနေကြသည်ကို တွေ့ရသည်။ ဆင်းတုရုပ်ပွားတော်များကို တင်ဆောင်ထားသော ကားများ။ ၄င်းကား များ၏နောက်တွင် စီးဝါးနှင့်အညီ ကခုန်နေသော လူငယ်များ။ ကြည့်ရှုနေသော ပရိတ်သတ်များဖြင့် မြို့လယ်တွင် စည်ကား နေတော့သည်။ ဗုဒ္ဓသာသနာစတင်ခဲ့သော နေရာတွင် သာသနာတော် ပြန်လည်နိုးထလာမည့် အနေအထားများကို တွေ့ရသဖြင့် ဝမ်းသာကြည်နူးမှုဖြစ်ရသည်။

ကခုန်မြူးတူး
စာရေးသူတို့သည် လမ်းဆုံရှိ အဝိုင်းပေါ်သို့ တက်၍ လာသမျှ အကအလှအဖွဲ့များကို အားပါးတရ ကြည့်ရှု ဓာတ်ပုံရိုက်ကြသည်။ စာရေးသူတို့အားမြင်လျှင် လူအများစု အနီးသို့ လာရောက်နှုတ်ဆက်ကြသည်။ အရိုအသေပေးကြသည်။ အရိုအသေပေးပုံမှာ စာရေးသူတို့၏ ခြေထောက်ကို (ခြေဖမိုးကို) လက်ဖြင့် ထိပြီး သူတို့၏ ရင်ဘတ်ကို ထိ၍ အရိုအသေပေးကြ၏။ အမျိုးသမီးများက ဝန္ဒာမိ ဘန္တေ ( အရှင်ဘုရား ရှိခိုးပါ၏) ဟု ပြောပြီးလက်အုပ်ချီသွားကြ၏။သူတို့သည် ဗုဒ္ဓသားတော်ရဟန်းတော်များကို ရုတ်တရက် မြင်တွေ့ရသဖြင့် အံ့သြဝမ်းသာနေကြ၏။ စဉ်မြင့်တစ်ခုမှ လာရောက်ခေါ်သဖြင့် လိုက်ပါသွားပြီ ထိုစဉ်မြင့်ထက် ထိုင်ခုံတွင် ထိုင်ပြရ၏။ ပန်းစည်းများလက်ဆောင်ပေးကြ၏။ ဘယ်ကြွလာပါသလဲ မေးကြ၏။ ကခုန်သူများကို လက်ပြ အားပေးရ၏။ ထို့နောက် မြို့လယ်လမ်းမကြီးအတိုင်း လမ်းလျှောက်ပြီး အလှည့်ကားများကို ကြည့်ကြ၏။ နောက်ဆုံးရောက် က လိုက်ပါလာသည့်အဖွဲ့မှာ လူငယ်အဖွဲ့ဝင် တစ်ထောင်ဖြင့် ဖွဲ့စည်းထားသည့် အကြီးဆုံးအဖွဲ့ဖြစ်ကြောင်း သိရသည်။ ထိုအဖွဲ့နှင့်အတူ စာရေးသူတို့သည် နောက်ကြောင်းပြန်လှည့်ခဲ့ကြသည်။ သို့သော် မြို့လယ်လမ်းဆုံသို့ ရောက်သောအခါ ထိုအဖွဲ့မှာ ကခုန်ခွင့် မရတော့ပေ။ ရှိနှင့်သော အခြားအဖွဲ့များလည်း ကခုန်မှုမရှိ အသံချဲ့စက်များလည်း တိတ်နေသည်ကို တွေ့ရသည်။ အကြောင်းမှာ ကခုန်ပူဇော်မှု အချိန် ပြည့်သွားပြီဖြစ်ကြောင်း သိရသည်။ လမ်းဆုံနှင့် အခြားနေရာများတွင် ရဲများ စစ်သားများ အဆင်သင့် နေရာယူထားသည်ကို တွေ့ရသည်။

02 October 2009

ကောင်းမွန် ဓမ္မဒူတခရီးမှတ်တမ်း (အပိုင်း-၇)



ညနေပိုင်းတရားပွဲ
မစ်စ် သရတိတို့ ဘုရားကျောင်းသည် အဝတ်များဖြင့် တန်ဆာဆင်ထားသဖြင့် မိုးရွာသောအခါ မိုးရေများဖြင့် စိုစွတ်နေ၏။ ထို့ကြောင့် သန့်ရှင်းရေးလုပ်ဆောင်နေရသည်မှာ အချိန်အတော်ကြာမြင့်သွားသဖြင့် ညနေ ၆ နာရီလောက်မှ အခမ်းအနားစဖြစ်သည်။ ကလေး လူကြီး ၃ဝ ခန့်တက်ရောက်သည်။ ဘုရားရှိခိုး၊ ငါးပါးသီလယူ၊ ပန်းပေး၊ မိတ်ဆက်၊ တရားဟော။ ဦးကောဝိဒ ဟောပြောပြီးလျှင် စာရေးသူအလှည့်။ စာရေးသူ ဟောပြောနေစဉ် ရုတ်တရက် မိုးရွာလာသဖြင့် အခမ်းအနားကို ခေတ္တရပ်နားပြီး မစ်စတာ သတိဝန်တိ အိမ်ထဲသို့ ရွှေ့ပြောင်းပြု လုပ်ကြသည်။ အိမ်ထဲရောက်သောအခါ ဦးစန်နှင့် ဘိက္ခုနီမတို့ ဆက်လက်ဟောပြောကြသည်။

ကောင်းမွန် ဓမ္မဒူတခရီးမှတ်တမ်း (အပိုင်း-၆)




ဘုရာပင့်

စာရေးသူတို့ ရောက်လျှင် ဆင်းတုတော်တင်ဆောင်ထားသော ကားပေါ်သို့ တက်ရောက်ရန် ပင့်ဆောင်ကြ၏။ အကအဖွဲ့မှာ ကားရှေ့ ခပ်လှမ်းလှမ်းနေရာတွင် အားပါးတရ ကခုန်နေကြသည်ကို တွေ့ရသည်။ ကားပေါ်တွင် တင်ဆောင် ပူဇော်ထားသည့် ဆင်းတုတော်မှာ ဥာဏ်တော် ၇ ပေခန့်ရှိပြီး ဖိုင်ဘာဖြင့် ဖန်တီးထားသည် ဟုသိရသည်။ အမှတ်တမဲ့ ကြည့်လျှင် ကြေးနီရောင် အဆင်းရှိသဖြင့် ကြေးဆင်းတုတော်ဟု ထင်မှတ်ရသည်။ ကားထွက်ခွါရန် အချိန်ရောက်ပြီဖြစ်သော်လည်း စွမ်းအင်ဝန်ကြီး၏ သမီး အခမ်းအနားသို့ တက်ရောက်လာမည်ဖြစ်၍ သူမအား စောင့်စားနေခြင်းဖြစ်ကြောင်း ပြောပြသည်။ ထို့ကြောင့် သည့်ခံပြီး စောင့်စားပေးပါရန် တောင်းပန်စကား ဆိုကြသည်။ ထို့နောက် တာဝန်ခံ ရဲအရာရှိ တစ်ဦးရောက်လာပြီး စာရေးသူတို့အား နှုတ်ဆက်စကားဆိုသည်။ ထို့နောက် ဆင်းတုတော်ကြီးကို ထုဆစ်ပုံဖော်သော ဗိသုကာဆရာရောက်လာပြီး စာရေးသူတို့အား မိတ်ဆက် စကားဆိုလာသည်။ ခဏကြလျှင် စာရေးသူတို့သည် ရုပ်ပွားတော်အား ဖယောင်း နံသာထွန်း ညှိပူဇော်ကြရသည်။ထိုအချိန်တွင် ရုတ်တရက် မိုးသက်လေပြင်းကျလာသဖြင့် မိုးလွတ်ရာ တိုက်ခန်းတစ်ခုသို့ ဝင်ရောက်နားခိုကြရသည်။ ကခုန်သူများသည် မိုးရွာထဲတွင် အရှိန်အဟုန်မပျက် ဆက်လက် ကခုန်နေကြဆဲဖြစ်သည်။ မိုးတိတ်လျှင် ဘုရားလှည့်အဖွဲ့အား နှုတ်ဆက်ပြီး မစ်စ်သရတိ တို့ ဘုရားကျောင်းဆောင်သို့ ကားဖြင့် ပြန်လာခဲ့ကြသည်။ မစ်စ် သရတိတို့ ဘုရားကျောင်းဆောင်တွင် ညနေ ၄ ခွဲတွင် တရားဟောဘို့ စောစီးစွာကပင် စီစဉ်ထားသဖြင့် ဘုရားလှည့်ရာသို့ လိုက်ပါနိုင်ခြင်း မရှိတော့ပေ။ ထို့ပြင် လူအများစု တက်ရောက်သော ညနေ ၆ နာရီပွဲနှင့် တခြားအခမ်းအနားတစ်ခုတို့က ပင့်ဖိတ်ထားသော်လည်း အချိန်လောက်ငခြင်း မရှိသဖြင့် ပင့်ဖိတ်မှုကို လက်မခံလိုက်ကြောင်း ဥပါသကာ ဝိက က ပြောပြသည်။

ကောင်းမွန် ဓမ္မဒူတခရီးမှတ်တမ်း( အပိုင်း-၅)




နေ့လည်စာအလှူရှင်

တရားပွဲပြီးသောအခါ နေ့လည်စားစားရန်နှင့် တရားဟောရန် အခြားတစ်နေရာသို့ ကားဖြင့် ပင့်ဆောင် သွားကြပြန်သည်။ နေ့လည်စာကို ဥပါသကာ သတိသဝန်တိ အိမ်တွင် စားသောက်ရသည်။ နေ့လည်စာကို ချပါတီ ပူရီတို့ဖြင့် ကျွေးမွေးဧည့်ခံသည်။ ဦးစွာ ရေသန့်နှစ်ခွက်လာချသည်။ ထို့နောက် ချပါတီ ပူရီ အာလူး ထည့်ထားသော ပုဂံပြားတစ်ချပ်စီ ချသည်။ ထို့နောက် ဟင်းရေသောက်၊ နွားးနို့၊ ခရမ်းသီးချက်ပုဂံများ အသီးသီးလာရောက်ချပေး သည်။ အဆင့်သင့်ဖြစ်လျှင် စားသောက်ကြသည်။ ချပါတီကို အာလူးဖြင့် စားရပြီး ဒူရီကိုမူ နို့ဖြင့် တို့စားရသည်။ ထမင်းကြော်နှင့် ရိုးရိုးထမင်းကိုလည်း လိုအပ်လျှင် စားသုံးရန် အနီးတွင် ချထားပေးထားသည်။ နေ့လည်စာ စားပြီးလျှင် ဆွမ်းဒကာ မိသားစုအား ဆုတောင်း မေတ္တာပို့သောအားဖြင့် မေတ္တာသုတ်ပရိတ်ချီးမြှင့်ကြသည်။

ခေတ္တအနားယူ
နေ့လည်စာ စားပြီးလျှင် အနီးရှိ မစ်စ် သရတိ တို့ အိမ်သို့ သွားရောက် အနားယူကြသည်။ နေ့ ၂ ခွဲလျှင် အခြား အခမ်းအနားသို့ တက်ရောက်ရန် သုံးဘီးကားငယ်ဖြင့် ပင့်ခေါ်သွားကြပြန်သည်။ အခမ်းအနားမှာ ဘုရားဆင်းတုတော်ပင့်ဆောင်ရာတွင် ဘုရားဆင်းတုတော်အား ပူဇော်ရန် အစီအစဉ်ဖြစ်သည်။ ယနေ့သည် အန်ဘေဒကာ၏ ဆောင်ရွက်မှုကြောင့် ဗုဒ္ဓဘာသာဝင်များအဖြစ်သို့ ရောက်ကြသည့် ၅၃ နှစ်ပြည့် အထိန်းအမှတ် နှင့် ဓမ္မစကြာအခါ တော်နေ့ အထိန်းအမှတ်ပွဲတော်ဖြစ်သည့်အားလျှော်စွာ တစ်မြို့လုံးရှိ ရပ်ကွက် အသီးသီးမှ ဗုဒ္ဓဘာသာဝင်များသည် ဘုရားဆင်းတုတော်များကို ကားဖြင့် တင်ဆောင်ပြီး မြို့ကို လှည့်လည် ပူဇော် ကခုန်ကြ မည်ဖြစ်သည်။

01 October 2009

ကောင်းမွန် ဓမ္မဒူတခရီးသွားမှတ်တမ်း (အပိုင်း-၄)





အခန်းအနားအစီအစဉ်

နံနက်ပိုင်း အစီအစဉ်
အခမ်းအနားကို နံနက် (၉း၃ဝ) နာရီတွင် စတင်သည်။ ဟောပြောကြမည့်ပုဂ္ဂိုလ်များမှာ စာရေးသူတို့ သုံးပါးနှင့် ဘိက္ခုနီမတို့ဖြစ်ကြသည်။ အခမ်းအနားမှူးမှာ ဥပါသကာ မစ်စတာ စဂါရ် ဖြစ်သည်။ ပရိသတ်မှာ ၅ဝ ခန့်ရှိပြီး အမျိုးသား အမျိုးသမီး ကလေး လူငယ် လူလတ် လူကြီး စုံညီစွာ တက်ရောက်ကြသည်။ အထူးသဖြင့် အမျိုးသားများသည် ဝတ်ဖြူစင်ကြယ် တူညီဝတ်ဆင်ထားကြသည်။ ရှေးဦးစွာ ရုပ်ပွားဆင်းတုတော်မြတ်အား ဖယောင်းမီး နံသာအမွှေးတိုင်များ ထွန်းညှိပူဇော်ရသည်။ ထို့နောက် အန်ဘေဒကာ၏ ဓာတ်ပုံအား ဖယောင်း နံသာတိုင်ဖြင့် ထွန်းညှိရသည်။ ထို့နောက် (နှင်းဆီပန်းများကို ချွေထားသော) ပန်းဖတ်များကို ကြဲဖြန့်လှူဒါန်းရသည်။ ထို့နောက် ဟောပြောကြမည့် စာရေးသူတို့အား ပန်းစည်း လက်ဆောင်များ ပေးကြသည်။ ထို့နောက် ဘုရားရှိခိုး၊ ငါးပါးသီလတောင်း။ မေတ္တာပို့ကြသည်။ ထို့နောက် ဟောပြောပွဲစတင်သည်။ ရှေးဦးစွာ အရှင်ကောဝိဒသိရီ (သီတဂူစတား) ဟောပြောပြီး စာရေးသူ ဦးစန် ဘိက္ခုနီမတို့ အစဉ်အတိုင်း ဆက်လက် ဟောပြောကြသည်။ အရှင်ကောဝိဒသိရီ (သီတဂူစတား) က ဗုဒ္ဓဘာသာရဲ့ အနှစ် (the essence of Buddhism) အကြောင်း၊ စာရေးသူက ဓမ္မစကြာအနှစ်ချုပ်၊ ဦးစန်က the foundation of Buddhism )ငါးပါးသီလ အကြောင်းကို ဟောပြောသည်။ ဟောပြောသောအခါ အင်္ဂလိပ်လိုဟောပြောရပြီး ဘာသာပြန်အဖြစ် ဥပါသကာ ဝိက ကဆောင်ရွက်သည်။ ဘိက္ခုနီမမှာ စောဠပူရမြို့ သူဖြစ်သည့်အားလျှော်စွာ မိခင် မာရတီဘာသာဖြင့် တရားနာ ပရိသတ် ကလေး လူကြီး စိတ်ဓာတ် တက်ကြွလာအောင် မြိုင်မြိုင်ကြီး ဟောပြောသွားနိုင်သည်ကို တွေ့ရသည်။ တရားပွဲအခမ်းအနားသည် ၂ နာရီခန့်ကြာမြင့်သည်။ တရားပွဲပြီးသောအခါ အမျိုးသား အမျိုးသမီးလေးများ စာရေးသူတို့ အနားသို့ ရောက်လာပြီး အရိုအသေပေး ကန်တော့ကြသည်။ အမှတ်တရ အော်တိုများ အရေးခိုင်းကြသည်။

ကောင်းမွန် ဓမ္မဒူတခရီးသွားမှတ်တမ်း (အပိုင်း-၃)




နံနက်စာစားပြီးလျှင် အနီးရှိ ဗုဒ္ဓဘာသာ ဘုရားကျောင်းဆောင်သို့ ပင့်ဆောင်ကြ၏။ ကျောင်းဆောင်မှာ သန့်ရှင်းသပ်ရပ်သော ၇ ခန်း ၄ ခန်း နှစ်ထပ်ကျောင်းဆောင်ကြီးဖြစ်သည်။ ကျောင်းဆောင် တည်ရှိရာ ဧရိယာ အကျယ်အဝန်းမှာ နှစ်ဧကခန့် ကျယ်ဝန်းပြီး သီးသန့် ပရိဝုဏ်အရံအတားဖြင့် ထားရှိသည်။ ထောင့်နေရာတွင် ဗောဓိညောင်ပင်တည်ရှိသည်။ ကျောင်းပရိဝုဏ်၏ ဘေးပတ်လည်တွင် ဗုဒ္ဓဘာသာဘာသာဝင်များ နေထိုင်သော အိမ်များကို စနစ်တကျ တည်ဆောက်ထားသည်။ ဤသို့ပင် အခြားရပ်ကွက်များတွင်လည်း ဘုရားကျောင်းဆောင်ကို ဗဟိုထား၍ လူနေအိမ်များကို တည်ဆောက်နေထိုင်ကြကြောင်း သိရသည်။ အဖွဲ့အစည်းတစ်ခုတွင် လူနေအိမ် ၄၅ အိမ်ခန့် ရှိကြောင်းသိရသည်။
ဘုရားဆောင်
ကျောင်းဆောင်အတွင်း ဘုရားခန်းတွင် ဗုဒ္ဓဆင်းတုတော်နှင့် အန်ဘေဒကာ၏ ဓာတ်ပုံများထားရှိသည်။ ဗုဒ္ဓဆင်းတုတော်မှာ ဥာဏ်တော် ၂ ပေခန့်ရှိပြီး ထိုင်းနိုင်ငံမှ လက်ဆောင်ရထားခြင်းဖြစ်ကြောင်း သိရသည်။ဆင်းတု ရုပ်ပွားတော်ကို ပလ္လင်ထက်တွင် ထားရှိပြီး တစ်ဖက်တစ်ချက် နံရံများတွင် အန်ဘေဒကာ၏ ခန်းလုံးပြည့် ဓာတ်ပုံကြီးများကို ထားရှိသည်။ ဆင်းတုတော်၏ နောက်ကပုံမှာ ဗုဒ္ဓဦးခေါင်းတော်နနှင့် အန်ဘေဒကာ၏ ဦးခေါင်းပုံ တစ်ဝက်စီပေါင်းစပ် ရေးဆွဲထားသည်ကို တွေ့ရသည်။ သူတို့သည် အန်ဘေဒကာ၏ ကျေးဇူးကြောင့် ဗုဒ္ဓဘာသာဝင်များဖြစ်လာရသည်ဖြစ်၍ အန်ဘေဒကာကို ကျေးဇူးတင်သောအားဖြင့် ယခုကဲ့သို့ အန်ဘေဒကာကို ဗုဒ္ဓဘုရားနှင့် ထပ်တူပြု ကိုးကွယ်ကြခြင်းဖြစ်ကြသည်။ နေရာတိုင်းတွင် ဘုရားနှင့် အန်ဘေဒကာကို တန်းတူထား၍ ကိုးကွယ်ကြသည်ကို တွေ့ရသည်။

ဤဘလော့ဂ် ရေးသားသူသည်

ဤဘလော့ဂ် ရေးသားသူသည်
စာရေးသူ သီတဂူစတား၏ဘ၀ကို အမရပူရမြို့ မဟာဂန္ဓာရုံကျောင်းတိုက်မှ အခြေခံကျကျ စနစ်တကျ တည်ဆောက်ပေးခဲ့သည်၊ ထို့နောက် သီတဂူကမ္ဘာ့ဗုဒ္ဓတက္ကသိုလ်မှ ထိုရရှိလာသော ဘ၀ကို အသုံးချ ဘ၀ရောက်အောင် ဖန်တီးပေးခဲ့သည်၊ ထို့ကြောင့် ဤဘလော့ဂ်သည် ဘ၀နှစ်ခုကို ပေါင်းစပ်ထားခြင်းဖြစ်သလို သီတဂူစတား၏ ဘ၀နှစ်ခုကို ထင်ဟပ်စေပါသည်။

သီတဂူစတား သို့ဆက်သွယ်ရန်---

အရှင်ကောဝိဒသိရီ (သီတဂူစတား) Kovida
Sitagu International Buddhist Academy (YGN)
Dagon (North), Yangon, Myanmar
Phone: 09-7956-30013/09-250 790 483

အီမေးလ်= sitagustar.0073@gmail.com ၊ sitagustar2010@gmail.com

2009 ခုနှစ် အတွက် အကယ်ဒမီဆု

rel.gif အကောင်းဆုံး သာသနာတော်အကျိုးပြု စာပေဘလော့ဂ်ဆု အတွက် သီတဂူစတားကျေးဇူးစကား အနည်းငယ်မျှ ပြောပါရစေ။ နှမ်းတစ်လုံးတည်းနှင့် ဆီမဖြစ်သလို သီတဂူစတား တစ်ယောက်တည်းနှင့် ဘလော့ဂ်ဆုရဘို့ဆိုတာ မဖြစ်နိုင်ပါဘူး။ စည်းလုံးမှုရဲ့ အင်းအားတစ်ခုတည်းနှင့် ရရှိလာခြင်းဖြစ်ပါသည်။ သီတဂူစတားကို အားပေးကြတဲ့ စာဖတ်ပရိသတ်၊ သီတဂူစတားအား ဘလော့ဂ်ပညာတွေ နဲနဲချင်း သင်ပေးနေတဲ့ ညခင်းရဲ့လမင်း သီတဂူစတားရဲ့ ဒိုမိန်းခေါင်းစဉ် photo ပညာဖြင့် ပူဇော်ပေးသော မေမေ့လပြည့်ဝန်းလေး နှင့် ဆုများချီးမြင့်သော မြန်မာဘလော့ဂ်ပရပ်စ် နှင့် မြန်မာပြည်က စာဖတ်ပရိသတ် ၀င်ကြည့်နိုင်ရန် net လှူပေးသော အမေရိကမှ ဦးကိုကိုနှင့် ကိုခွန်သီရိ တို့ရဲ့ စေတာနာတွေကြောင့်ပဲ ဖြစ်ပါတယ်။ ဒီအတွက် အားလုံးကို အထူးကျေးဇူးတင်ပါတယ်။

သီတဂူ ကမ္ဘာ့ဗုဒ္ဓတက္ကသိုလ် ဆက်သွယ်ရန်--

သီတဂူကမ္ဘာ့ဗုဒ္ဓတက္ကသိုလ် (ရန်ကုန်)
အမှတ်-၁၀၊ ပါရမီလမ်းနှင့် ပင်လုံလမ်းဒါင့်၊ ဘေလီတံတားထိပ်၊ ဒဂြုံမို့သစ်မြောက်ပိုင်း၊
ဖုန်း-၀၁-၅၈၁ ၉၉၉/ ၅၈၁ ၈၈၈/ ၅၈၁ ၇၇၇
အီးမေးလ်=thesitagu@gmail.com

သီတဂူကမ္ဘာ့ဗုဒ္ဓတက္ကသိုလ် (စစ်ကိုင်း)
စစ်ကိုင်းတောင်၊ စစ်ကိုင်းမြို့
ဖုန်း-၀၇၂-၂၂၂၆၀။ ၂၁၆၁၁
အီးမေးလ်=thesitagu@gmail.com

ဘ၀ရဲ့အနိမ့်အမြင့်

ဘ၀ရဲ့အနိမ့်အမြင့်
ကိုယ့်ဘ၀ရဲ့ အနိမ့် အမြင့်၊ ကိုယ့်ဘ၀ရဲ့ကျရှုံးမှုနှင့် အောင်မြင်မှုတွေကို ကိုယ့်ရဲ့ အလုပ် ကိုယ့်ရဲ့ အပြော ကိုယ့်ရဲ့ အတွေးကပဲ ဆုံးဖြတ်ပေးသွားတာပါ။

မမေ့သင့်ရာ


“လူတွေက သေခြင်းတရားကို မေ့နေတတ်ကြပါတယ်၊ သေရမှာကို မေ့နေတတ်ကြလို့ပဲ အတ္တတွေ မာနတွေ ဖုံးလွှမ်းပြီး တကိုယ်ကောင်းဆန် စိတ်တွေ မွေးဖွားတတ်ကြပါတယ်၊ ထိုအခါ လူ့ပတ်ဝန်ကျင်နဲ့ အဆင်မပြေမှုတွေ ဖြစ်တတ်ပါတယ်။ ဒါ့ကြောင့် သေခြင်းတရားကို အမှတ်ရစေခြင်းသည်လည်း လူ့ပတ်ဝန်ကျင်အတွက် အကောင်းတကာထဲက အကောင်းတစ်ခု ဖြစ်တယ်ဆိုတာပါပဲ။”
သီတဂူစတား
၂၈-၅-၂၀၁၂

သတင်စကား

သတင်စကား
သီတဂူစတားသည် သီတဂူဆရာတော်ကြီး၏ စီမံမှုဖြင့် သီတဂူကမ္ဘာ့ဗုဒ္ဓတက္ကသိုလ်၊ ရန်ကုန်တွင် ကထိက၊ စီမံအုပ်ချုပ်ရေးမှူးတာဝန်များကို ထမ်းဆောင်လျှက်ရှိသည်။

ကိုယ်ရေးတဲ့ ကိုယ်ရေးရာဇ၀င်

ကိုယ်ရေးတဲ့ ကိုယ်ရေးရာဇ၀င်
သီတဂူစတားသည် စာရေးဆရာမဟုတ်ပါ သို့သော်လည်း စာရေးချင်ပါသည်၊ သီတဂူစတားဆိုက်ကိုလည်း ကိုယ်ပိုင်မှတ်စုသဘောအနေနဲ့ မှတ်တမ်းတင်ခြင်းမျှသာဖြစ်သည်။ ကြီးကျယ်တဲ့ဆိုက် မဟုတ်၍ ကြီးကျယ်သော စာများကား မဟုတ်။ သို့သော်လည်း တိုလီတိုထွာ ဗြုတ်စဗြင်နောင်လေးတွေ မှတ်စုအဖြစ် ရေးပြီး တင်နေသူပါ။ ဒါလေးတွေက ကျွန်ုပ်ရဲ့ မပြောပါးလောက်တဲ့ ရှိစုမဲ့စုလေးတွေ အကုန်သုံး ထုတ်ပြထားတဲ့ အမည်လေးတွေပေါ့။ သီတဂူစတား (စာရေးသူ) အသက် ၁၄ နှစ်လောက်ကထဲက အမရပူရဲမြို့ မဟာဂန္ဓာရုံကျောင်းတိုက် ဘ၀ကိုမြုတ်နှံခဲ့ပါတယ်။ ထိုစာသင်တိုက်မှာဘဲ ရဟန်းတော်များရသင့်ရထိုက်တဲ့ အနည်းငယ်သော ဘွဲ့တွေလဲရခဲ့ပါတယ်၊ သာသနဓဇဓမ္မာစရိယ (၁၉၉၉)၊ မဟာဂန္ဓာရာမိကဓမ္မာစရိယ (၁၉၉၆)၊ ၀ိနယနိကာယ၀ိဒူ (၁၉၉၄)၊ အင်္ဂုတ္တရနိကာယ၀ိဒူ (၁၉၉၈)ဘွဲ့များမဖြစ်စလောက် ရခဲ့တယ်၊ ဒုတိယပိုင်းဘ၀တစ်စိတ်ကိုတော့ ၂၀၀၀ ခုနှစ်ကစပြီး သီတဂူကမ္ဘာ့ဗုဒ္ဓတက္ကသိုလ်မှာ ရင်းနှီးမြုပ်နှံခဲ့ပါတယ်။ ထို တက္ကသိုလ်ကြီးမှပင်၂၀၀၁ ခုနှစ်ှ English Diploma (2003)၊ Japanese Level 4 & 3 (2004/5)၊ နှင့် ၂၀၀၇ ခု B.A (Buddhism) ဘွဲ့ရခဲ့တယ်။ ၂၀၁၀ ခုနှစ် အိန္ဒိယနိုင်ငံ ပူနေးမြို့၊ ပူနေးတက္ကသိုလ်မှာ (Philosophy)ဒဿနိကဗေဒနှင့် M.A ရရှိပြီး ယခုအခါ သီတဂူဆရာတော်ကြီး၏ အထောက်အပံ့ဖြင်ပင် စောမယကောလိပ် ဘုံဘေမြို့၊ အိန္ဒိယနိုင်ငံမှာ Ph.D အတွက် စာတမ်းရေးပြီး ကျမ်းတင်ပြီးဖြစ်ပါသည်။ ရန်ကုန်မြို့ သီတဂူကမ္ဘာ့ဗုဒ္ဓတက္ကသိုလ် တွင် ကထိကတာဝန် ယူလျှက်ရှိသည်။

ဖိတ်ခေါ်ပါသည်

ဖိတ်ခေါ်ပါသည်
ဆောင်းပါးနှင့်ဓာတ်ပုံများ The word is an invaluable like a jewel if it gives the knowledge or is able to make a person's situation change ( that is from a lower state to a higher state) with a word. In this day, there are a large number of persons who are searching for and giving it so that you are also one of them. Are you who searching for it or giving it? If you all my dhamma friends have a wish to give the profits to the people like knowledge, send it with or without photos as well as amazing photos to this very mail(sitagustar.0073@gmail.com). ကိုယ့်ရဲ့စကားတစ်ခွန်းဟာ လူတစ်ယောက်အတွက် အပြောင်းလွဲလေးတစ်ခု (အပြောင်းအလဲဆိုသည်မှာ ကောင်းသော ပြောင်းလဲခြင်း) ပေးနိုင်မယ်ဆိုရင် အဲဒီစကားဟာ အဖိုးမဖြက်နိုင်တဲ့ ရတနာပါ။ ယနေ့ ခေတ်မီးတိုးတက်နေတဲ့နိုင်ငံတိုင်းမှာ လူငယ်ရော လူကြီးပါ အွန်လိုင်းကနေဘဲ ရတနာတွေရှာနေကြပါတယ် ရတနာတွေ ပေးနေကြပါတယ်၊ မျှဝေဘို့လည်းမျော်နေကြပါတယ်။ ထူးစမ်ထွေလာဓာတ်ပုံများ၊ သတင်းထူးများ၊ အကျိုးပြုဆောင်းပါးများ ပေးပို့ နိုင်ပါပြီ။

လာရောက် လေ့လာ ဓမ္မမိတ်ဆွေများ

Popular Posts

Vistors (1-1-2012)

 
Lasantha - Premium Blogger Themes | Best WordPress Themes