သီတဂူစတား

သီတဂူစတား

17 April 2013

နှစ်သစ်မွေးနေ့ အထူးပို့စ် (ဘောလုံးနဲ့တူသော မိန်းမများ)

နှစ်သစ်မွေးနေ့ အထူးပို့စ်
(ဘောလုံးနဲ့တူသော မိန်းမများ)

စာမိတ်ဆက်
ဒီကနေ့ ဧပြီလ (၁၇) ရက်၊ မြန်မာနှစ်ဆန်း (၁)ရက်ဖြစ်သည်။ နှစ်ဟောင်းကုန်ကျူး နှစ်သစ်ကူးသည့် နှစ်၏အစ နှစ်သစ်၊ နှစ်ဆန်း ဖြစ်သည်။ ဒီနေ့ ဒီရက်နေ့မှာ ကျရောက်တဲ့ မွေးနေ့ရှင်အတွက် ဓမ္မလက်ဆောင်ပို့စ် ရေးရန် စိတ်ကူးပေါ်မိသည်။ “မွေးနေ့အတွက် အမှတ်တရ တစ်ခုခု လုပ်ပေးပါ”ဟု ပူဆာလွန်းသော ဂျီကျလွန်းသော မွေးနေ့ရှင်အတွက်ရော၊ ဒီကနေ့ကျရောက်သော မွေးနေ့ရှင်အားလုံးအတွက်ရော၊ မွေးနေ့ရှိသော လူတိုင်းအတွက်ပါ ဘ၀ဆိုတာ နေ့စဉ် တန်ဖိုးရော့ရော့သွားတယ်ဆိုတာကို ဘောလုံး ဥပမာဖြင့်သော်လည်းကောင်း၊ ဘ၀ဆိုတာ အချိန်က နေ့စဉ် အ၀ါးမျိုးခံရတယ်ဆိုတဲ့ အကြောင်းနှင့် အချိန်၏၀ါးမျိုးခြင်း မခံရအောင်၊ အချိန်ကို အသုံးချတတ်အောင်၊ အချိန်ကို အောင်နိုင်သူများဖြစ်အောင် တန်ဖိုးရှိတဲ့ ဘ၀လေးဖြစ်လာအောင် ဆိုတဲ့ မှတ်မှတ်ရရ မွေးနေ့ပို့စ်လေး ရေးပေးလိုက်ပါသည်။

(ဒီပို့စ်သည် ရုရှားရောက် ပညာတော်သင် စစ်ဗိုလ်တစ်ယောက်အားလည်း သင်္ကြန်အတွင်းမှာပဲ ဟောထားပြီးဖြစ်သည်။)
(နှစ်သစ်မှာ မဟာသတိပဌာန် တရား အားထုတ်သူများ သီတဂူကမ္ဘာ့ဗုဒ္ဓတက္ကသိုလ်၊ ရန်ကုန်)

အချိန်က လူကို ၀ါးမျိုးခြင်း
မွေးနေ့ တစ်နှစ်ပြည့်သွားတိုင်း၊ အသက်တစ်နှစ်ကြီးသွားသည်၊ အသက်ကြီးသွားသည်ဆိုတော့ အိုလာပြီလို့ သတိပေးနေတာပဲ။ ခေါင်းပေါ်က ဆံပင်ဖြူလေး တစ်ပင်မြင်လိုက်ရတာလေးနဲ့ပဲ ချွေးသီးချွေးပေါက်များကျပြီး ကြောက်အားကြီးသွားတဲ့ မဃဒေ၀မင်းကြီးက “သေမင်းက ငါ့ကို အောင်လံ လာစိုက်နေပြီ၊ ငါ ဒီလိုပေါ့ပေါ့ဆဆ မနေသင့်တော့ဘူး”ဟု ဆို၏။ ဘောလုံးစကားနဲ့ ပြောရရင် ငါ့ကို အ၀ါကပ်ပြနေပြီ၊ မကြာမီမှာပဲ နောက် နှစ်ဝါတစ်နီနဲ့ လူ့လောကကနေ ထုတ်ပယ်ခံရတော့မယ်။ မဃဒေ၀မင်းကြီးကတော့ သတိသံဝေ ရပြီး ရွှေနန်းတော်ကြီးကို သူ့သားအား မင်းကျင့်ဝတ်တရားနဲ့ အညီ တိုင်းပြည်ကို ဆက်လက်ဦးဆောင်ရန် လက်ဆင့်ကမ်းပြီး တောထဲတောင်ထဲမှာ ရသေ့ရဟန်းဝတ်ပြီး ကောင်းမှုပါရမီများ ပြုလုပ်သွား၏။

အသက်အရွယ်တွေကြီးလာတာနဲ့အမျှ ကိုယ့်ကိုယ်ကို တန်ဖိုးရော့နေသလား၊ တန်ဖိုးတက်လာနေသလား ဆိုတာ နေ့စဉ် ဆင်ခြင် စဉ်းစားသင့်သည်။ ကိုယ့်ရဲ့ အခြေအနေ၊ သဘာဝရဲ့ အခြေအနေကို သတိလက်လွတ်ဖြစ်ကာ မဆင်ခြင် မစဉ်းစားမိလေသော အခါ ကိုယ့်ကိုယ်ကို အထင်ကြီးမှုတွေ ၀င်လာတတ်သည်။ ထိုသည်ပင် မာနဖြစ်သည်၊ မာနသည် အသက်၊ အရွယ်၊ ဓန၊ ပညာတို့ကြောင့် ဖြစ်တတ်သည်။ အသက်ငယ်သော အခါ ငါဘယ်တော့မှ မသေနိုင်ဟုသော ဇီဝိတမာန်၊ ငါနုပျိုနေဆဲ၊ လှနေဆဲဟူသော ယောဗ္ဗနမာန်၊ စည်းစိမ်ဥစ္စာဆိုတဲ့ ဓနမာန်၊ အတတ်ပညာမာန်တွေ ဖြစ်တတ်သည်။

တကယ်တော့ အချိန်က သတ္တ၀ါတွေကို စားသည် (ကာလော ဃသတိ ဘူတာနိ) ဟူသော နိယာမ အရ တရွေ့ရွေ့နဲ့ အချိန်က လူတွေရဲ့ အသက်၊ အဆင်း၊ အရွယ်တွေကို အချိန်တိုင်း စားပြစ်နေသည်၊ ထို့ကြောင့်ပင် နုပျိုနေတဲ့ရုပ်တွေ၊ လှပနေတဲ့ အဆင်းတွေ ပျောက်ကွယ်ကာ ဆန်ဖြူ၊ သွားကျိုး၊ နားထိုင်း၊ အသားအရေတွန့်လိမ်ခြင်း အားအင်ချိနဲ့ခြင်းကနေ ရောဂါအမျိုးမျိုးဝင်လာခြင်း၊ နောက်ဆုံး တိုတောင်းလှတဲ့ ဘ၀တစ်ခု အဆုံးသတ်သွားတော့သည်။ ဒီလိုပါပဲ ဘ၀ဟာ အချိန်က နေ့စဉ် စားခြင်းကို ခံလိုက်ရသည့်အတွက်လဲ တန်ဖိုးသည်လည်း ရော့သွားတော့သည်။
 တန်ဖိုးလျှော့သွားသော ခန္ဓာ
ဥဒယဘဒ္ဒနတ်သားက ဥဒယဘဒ္ဒမင်းသမီးလေးကို ပထမဆုံးနေ့မှာ ရွှေလင်ပန်းနဲ့ရွှေအပြည့်ထည့်ကာ ချစ်လက်ဆောင်များပေးကာ ချစ်ခွင့်ပန်သည်၊ မင်းသမီးလေးက ဘ၀ဟောင်းက လင်တော်မောင်ကို သစ္စာစောင့်သောအားဖြင့် လက်မခံဘဲ ပယ်ခဲ့သည်။ နတ်သားက လက်မလျှော့၊ ဒုတိယနေ့မှာ ငွေလင်ပန်းထဲ ငွေတွေ အပြည့်ထည့်ပြီး ချစ်ခွင့်ပန်ပြန်သည်၊ ရှေးနည်းအတိုင်းပင် မင်းသမီးလေးက လက်မခံ။ တတိယနေ့ လာပြန်သည်၊ ကြေးလင်ပန်းထဲ ငွေအပြည့်ထည့်ပြီး ချစ်ရေးဆိုပြန်သည်။

တကယ်ဆို သဘာဝအရ ချစ်သူကို ချစ်ရေးဆိုတဲ့အခါ ချစ်သူလက်ဆောင်အဖြစ် တစ်ကြိမ်မရရင် နောက်တစ်ကြိမ်ကြိုးစားရသည်၊ ထိုသို့ကြိုးစားတဲ့အခါ ချစ်လက်ဆောင်သည်လည်း တန်ဖိုး တိုးတိုးပြီး ပေးရရိုးထုံးစံဖြစ်သည်။ အခုတော့ ရွှေကနေ ငွေ၊ ငွေကနေ ကြေး တန်ဖိုးလျှော့လျှော့ပြီး ချစ်ခွင့်ပန်သည်မှာ သဘာဝမကျလှပါ။ ထို့ကြောင့် မင်းသမီးကမေးသော အခါ---
“မင်းသမီး မနေ့ကနဲ့ ဒီနေ့ မတူပါ၊ မနေ့က သင်မင်းသမီးရဲ့ အရွယ်ကို အချိန်က စားပြစ်လိုက်သည်၊ တစ်ရက်နဲ့တစ်ရက် အချိန်က စားပြစ်လိုက်သဖြင့် သင့်ရဲ့ ရုပ်ရည်ဟာ မတူပါ၊ တနေ့ထက် တစ်နေ့ တန်ဖိုး လျော့လျော့လာတယ်။ အခု သင်မင်းသမီးကို ကျွန်ုပ် ရပ်ပြီး စကားပြောနေစဉ်မှာပဲ သင့်ရဲ့ ရုပ်ရည်တွေဟာ အချိန်က ၀ါးမျိုပြစ်လိုက်သဖြင့် တန်ဖိုးတွေ လျော့လျော့လာနေတယ်၊ ဒါ့ကြောင့် ကျွန်ုပ်ကလဲ သင့်ရဲ့ခန္ဓာ တန်ဖိုးနဲ့ကိုက်ညီတဲ့ ချစ်လက်ဆောင်တွေကို လျော့လျော့ပြီး ယူလာပါတယ်”ဟု ဆိုသတဲ့။

ဘောလုံးနဲ့တူသော မိန်းမများ
အမှန်တကယ်ပါပဲ ဖြစ်ခြင်း ပျက်ခြင်း ဆိုတဲ့ ဥပ္ပါဒ ၀ယ သဘောအရ တစ်စက္ကန့်ထက် တစ်စက္ကန့် အသက် ခန္ဓာတွေဟာ ယုတ်လျှော့လာသဖြင့် တန်ဖိုးလည်း လျှော့လာပါတယ်။ ဟာသလေးတစ်ပုဒ်ကြားဖူးသည်၊ ဟာသလေးဆိုပေမဲ့ တကယ့် သံဝေဂရစရာလေးဖြစ်သည်။ အမျိုးသမီးတွေရဲ့ အသက်အရွယ်ကို ဘောလုံး အမျိုးအစားနဲ့ နှိုင်းယှဉ်သည့်အခါ တစ်နှစ်ထက်တစ်နှစ် တန်ဖိုးကျသွားတဲ့ သဘောတရားလေးကို ထင်ဟပ်စေနေတာကို တွေ့ရသည်။

(က) အသက် ၂၀ အရွယ် မိန်းကလေးကို ဘောလုံးနဲ့ တူသတဲ့၊ ဘောလုံးတစ်လုံးကို လူ ၂၂ ယောက်ရောက်က အပြိုင်လုယုနေကြသည်၊ အလာတူပဲ အသက် ၂၀ အရွယ်အထိ တန်ဖိုးရှိသဖြင့် ၀ိုင်းဝိုင်းလည်နေတဲ့အချိန်ဖြစ်သည်။

(ခ) အသက် ၃၀ အရွယ် မိန်းကလေးကတော့ နဲနဲ တန်ဖိုးကျသွားသည်၊ သူမကတော့ ဘောလီဘောနဲ့တူသည်၊ ဘောလီဘော ဆိုသည်မှာ တစ်ဖက်က ပုတ်ထုတ်လိုက်သည့် ဘောလုံးဘောကို တစ်ဖက်က ဖမ်းယူသည်။ အပုတ်ထုတ်ခံရပေမဲ့ ဖမ်းယူမည့်သူတော့ ရှိနေသေးသည့်အတွက် တန်ဖိုးက ရှိနေသေးသည်။

(ဂ) အသက် ၄၀ အရွယ် မိန်းကလေးကတော့ ပိုပြီး တန်ဖိုးကျသွားသည်၊ သူမကို တင်းနစ်ဘောနဲ့ တင်စားသည်။ တင်းနစ်ဘောကို ဟိုဘက်လူနဲ့ ဒီဘက်လူက ကိုယ့်ဖက်ကျမလာအောင် အတင်းပုတ်ထုတ်နေကြသည်။ ထိုအရွယ်ကတော့ အပုတ်ထုတ်ခံ ဘ၀တော့ ရောက်သွားသည်။

(ဃ) အသက် ၅၀ အရွယ်ကိုတော့ ဂေါက်သီးဘောနဲ့ တူသဖြင့် တန်ဖိုးအနဲဆုံးဘ၀ ရောက်သွားသည်။ ဂေါက်ရိုက်သမားက ဂေါက်တံဖြင့် ဂေါက်သီးကို အဝေးဆုံးနေရာ ရောက်သွားအောင် အားရှိပါးရှိ ရိုက်ထုတ်ပစ်လိုက်သည်။ တကယ်တော့ ဟာသလေးဆိုပေမဲ့ ကိုယ့်ဘ၀ကို သတိပေးလိုက်တဲ့ သင်္ခန်းစားလေးဖြစ်သည်။ “အသက်တစ်နှစ်ကြီးလာတိုင်း ဘောလုံးနဲ့ တူနေလား၊ ဘောလီဘောနဲ့ တူနေပြီလား၊ တင်းနစ်ဘောနဲ့ တူနေပြီလား၊ ဂေါက်သီးဘောနဲ့ တူနေပြီလား” ဆိုတာ မမေ့မလျှော့ မပေါ့မဆဘဲ သတိရှိသင့်လှသည်။ အချိန်က ၀ါးမျိုးလိုက်သည့်အခါ ဘောလုံးဘ၀ကနေ ဘောလီဘောဘ၀၊ ဘောလီဘောဘ၀ကနေ တင်းနစ်ဘော၊ ဂေါက်သီးဘော ဘ၀သို့ ရောက်ကြရမှာဖြစ်သည်။ ထို့ကြောင့် တန်ဖိုးကျကျလာတဲ့ အသက် ခန္ဓာထဲက တန်ဖိုးရှိတဲ့ ကုသိုလ်အနှစ်တွေ ထုတ်ယူကြခြင်းဖြင့် ဘ၀ကို မြင့်သထက်မြင့်မားလာအောင် ကိုယ်ကိုယ်တိုင် ဖန်တီးကြရမည်ဖြစ်သည်။

အချိန်အခါရဲ့ အခြေအနေကို မဆင်ခြင် မစဉ်းစားမိသောအခါ

ကိုယ့်ဘ၀အခြေအနေ၊ သဘာဝရဲ့ အခြေအနေ၊ အချိန်အခါရဲ့ အခြေအနေကို မဆင်ခြင် မစဉ်းစားမိလေရာကား ကိုယ့်ကိုယ် အထင်ကြီး စိတ်ကြီးဝင်နေတတ်သည်၊ ထိုအခါ ပြောစကား ဆိုစကားများလည်း ရင့်သီးလာတတ်သည်၊ အပြုအမှု အပြောဆိုတို့သည် ကြမ်းတမ်းလာတတ်သည်၊ ပတ်ဝန်းကျင်နဲ့ အဆင်မပြေ ဖြစ်တတ်သည်၊ ပတ်ဝန်းကျင်ကို လေးစားရကောင်းမှန်းမသိ ဖြစ်လာတတ်သည်။

တခါက ပုဏ္ဏား (ဗြာဟ္မဏ) ငါးရာသည် မြတ်ဗုဒ္ဓထံ ရဟန်းဝတ်လာကြသည်။ သူတို့အားလုံးက ဗြာဟ္မဏ၀ါဒ အရ ဝေဒသုံးပုံ (ဗြာဟ္မဏ၏ ပိဋကတ်သုံးပုံ)ကို တတ်မြောက်ပြီးသားဖြစ်သည်။ မြတ်စွာဘုရားထံ ရောက်လာပြီး ဘုရားထံက ပိဋကတ်တော်များကိုလည်း သင်ယူတတ်မြောက်ပြီးသော အခါ “မြတ်စွာဘုရားလည်း ပိဋကတ်သုံးပုံဆောင်၊ ငါတို့လည်း ပိဋကတ်သုံးပုံဆောင်ပဲ၊ အတူတူပဲ၊ ဘာမှ ထူးခြားမှု မရှိ”ဟု စိတ်ကြီးဝင်၊ မာန သွေးနထင်တက်နေကြသည်။ ထိုအခါ မြတ်စွာဘုရားကို မချဉ်းကပ်တော့၊ အလုပ်အကြွေးလဲ မပြုစုတော့၊ ရိုသေမှုလဲ မပေးတော့၊ ဆရာအဖြစ်လဲ အသိအမှတ်မပြုတော့ဘဲ ဘုရားနဲ့ ယှဉ်ပြိုင်လာကြသည်၊ ဆရာနဲ့ ခြေရာခြင်း တိုင်းလိုကြသည်။

ဘုရားရှင်က သိသည်၊ ထို့ကြောင့် သုတ္တန်တစ်ခု (မူလာပရိယာယသုတ်)ကို တန်ဆာဆင်ပြီး အကျယ်တ၀န့် ဟောကြားလိုက်သောအခါ ထို ပုဏ္ဏား (ဗြာဟ္မဏ) ငါးရာတို့သည် အံ့သြဘနန်းဖြစ်ရသည်။ တခါမှ မကြားဘူးသေးသော တရားဓမ္မများကို မြေကြီးဟီးအောင် ဟောနိုင်သော ဘုရားရှင်ထံ သူတို့မာန ခ၀ါချတော့သည်၊ ဆရာနဲ့ ခြေရာခြင်းတိုင်းလိုသော စိတ်တွေ ပျောက်သွားတော့သည်၊ အဆိပ်ပြင်းသော မြွေ အစွယ်ကျိုးသလို မာနကျိုးသွားတော့သည်။ ထိုအကြောင်းအရာနဲ့ပတ်သက်ပြီး အတိတ်ကြောင်းကို ဆက်စပ်ခါ “အချိန်သည် သတ္တ၀ါတွေရဲ့ အသက် အဆင်း၊ အားအင်းတွေကို ကုန်ခမ်းစေသည်။ ရောဂါမျိုးစုံတွေ ပေးပြီး ၀ါးမျိုးတတ်သည်”ဟု မိန့်သည်။

အသက် ၃၈ အရွယ်က အသက် ၁၆ နှစ်အရွယ်အဖြစ်ကို ပြန်မသွားနိုင်တော့၊ အချိန်က စားပြီး ဖြစ်လေသည်။ ကုန်လွန်သွားသော အချိန်တွေကို ပြန်၍ တောင်းတ၍မရတော့ပေ၊ ထိုကဲ့သို့ တောင်းတ၍ မရခြင်းသည်ကား အချိန်က ၀ါးမျိုးသွားခြင်းဟု ဆိုအပ်၏။

အချိန်ကို ပြန်ဝါးမျိုနိုင်သူ
အချိန်ကို တန်ဖိုးရှိရှိ အသုံးချနိုင်သူများသည် အချိန်ကို အောင်နိုင်သူများ ဖြစ်ကြသည်။ တစ်နေ့ကုန်လို့ ည အိပ်ယာဝင်ချိန် “ဒီ တစ်နေ့အတွင်းမှာ ငါဟာ ကုသိုလ်ကောင်းမှု တစ်ခုခု ရခဲ့သလား၊ ပညာရှာမှီးခဲ့သလား၊ ပစ္စည်းဥစ္စာ ရှာမှီးခဲ့သလား၊ ဒါမှ မဟုတ် အသက်ခန္ဓာ ခန့်ကျန်းဖို့အတွက် ကျန်းမာရေး တစ်ခုခု ရရှိလိုက်သလား၊”ဆိုတာ ဆင်ခြင်တွေးတောမိသောအခါ၊ ဘာတစ်ခုမှ မရလိုက်ရင် ထိုနေ့အတွက် အချိန်၏ ၀ါမျိုခြင်းကို ခံလိုက်သူဖြစ်သွားပြီ၊ အချိန်ကို ရှုံးနိမ့်သွားသူ ဖြစ်သွားသည်၊ ထိုနေ့အတွက် အရှုံးကြီး ရှုံးလိုက်ရသဖြင့် ၀မ်းနည်းဖွယ် နေ့ဖြစ်တော့သည်။ တောင်မြို့ မဟာဂန္ဓာဆရာတော်ကြီးက “ကုသိုလ် ဥစ္စာ ပညာ တန်ခိုး တစ်မျိုးမျိုးမှ အကျိုးမထွက် ထိုနေ့တွက် သက်သက် ၀မ်းနည်းဖွယ်” ဟု ကဗျာလေးဖြင့် အချိန်သည် အရေးကြီးသဖြင့် အချိန်ကို အသုံးချတတ်အောင် ဆုံးမခဲ့သည်။ ဘာသာခြား အဆိုအမိန့်တစ်ခု အရ Time is God. အချိန်ဆိုတာ ဘုရားသခင်ပါပဲ၊ ဘုရားသခင်ဆိုတာ အရာရာကို ဖန်တီးနိုင်သည်။ အချိန်သည်လည်း အရာရာကို ဖန်တီးနိုင်သည်၊ တန်ဖိုးရှိရှိနဲ့ အချိန်ကို ဖြတ်သန်းလျှင် အချိန်သည် ကြီးမြတ်သော တန်ဖိုးကို ဖန်တီးသည်။ တချို့ကတော့ Time is money- အချိန်သည် ငွေပဲဟု စီးပွားရေးသမားများအတွက် ဆိုကြသေးသည်။ အချိန်ကို ကောင်းကောင်း အသုံးချနိုင်ဖို့လိုသည်၊ အချိန်က ကိုယ့်ကို အသုံးချခွင့် မပေးသင့်။ ကိုယ်က အချိန်ကို တန်ဖိုးရှိရှိ အသုံးချနိုင်မှ အချိန်ကို နိုင်သည်ဟုဆိုသည်။ အချိန်၏ အသုံးချခံ ဖြစ်သွားလျှင်တော့ အချိန်၏၀ါးမျိုးခံ သားကောင်ဖြစ်သွားတော့သည်။

တကယ့် အချိန်ကို အောင်နိုင်သူ စစ်စစ်ကတော့ “အသက်၊ အရွယ်၊ အဆင်း၊ ခွန်အား စသည်များကို အချိန်၏ လုံးဝ ၀ါးမျိုးခြင်းမခံရတော့သူများ ဖြစ်သည်။ ထိုကဲ့သို့ ၀ါးမျိုးခြင်း မခံရအောင် ဘ၀အသစ် မရရှိဘို့ရန် ဖြစ်တော့သည်။ ဘ၀ ရရှိနေလျှင် အသက်၊ အရွယ်၊ အဆင်းစသည်တို့ကို အချိန်က ၀ါးမျိုးနေအုန်းမှာပင်။ ဘ၀ မရရှိဘို့ရန်မှာလည်း ဘ၀ကို လိုချင်၊ မက်မောမှု တဏှာ (သမုဒယ) ကို သတ်နိုင် ရှင်းနိုင်မှ ဖြစ်သည်။ ထို့ကြောင့် ရဟန္တာ အရှင်မြတ်များက တဏှာ မရှိရာကား ဘ၀အသစ်မရရှိတော့ဘဲ အချိန်၏ ၀ါးမျိုးခြင်း လုံးဝ မခံရတော့သဖြင့် အချိန်ကို လုံးဝ အောင်နိုင်သူများ ဖြစ်ကြသည်။

မွေးနေ့ဆုတောင်း
ထို့ကြောင့် မွေးနေ့ရှင်နှင့်တကွ အားလုံးသောသူတို့သည် ဒီကနေ့ မွေးနေ့မှစ၍ “အချိန်၏ ၀ါးမျိုခြင်း မခံရအောင်၊ အချိန်ကို တန်ဖိုးရှိစွာ အသုံးချတတ်အောင်၊ အချိန်ကို အောင်နိုင်သူဖြစ်အောင်၊ ကျန်းမာ ချမ်းသာစွာဖြင့် အားထုတ်နိုင်ပါစေသတည်း၊ တန်ဖိုးလျော့လျော့လာတဲ့ အသက်၊ ခန္ဓာမှ အဖိုးတန် သီလ သမာဓိ ပညာတွေ ရအောင် ယူနိုင်ကြပါစေသတည်း”ဟု ဆုတောင်း မေတ္တာပို့သပါသည်။ 

(မွေးနေ့ရှင် ညီမဖြစ်သူ မရီလေးနှင့် နှစ်ဆန်းတစ်ရက် မွေးနေ့ရှင်များအတွက် 
 မွေးနေ့ဓမ္မလက်ဆောင် ဖြစ်စ်သည်)

ရွှင်လန်းချမ်းမြေ့ပါစေ
သီတဂူစတား
၁၇-၄-၂၀၁၃

13 April 2013

ဧရာဝတီ အလှ ဖန်တီးကြ


ဧရာဝတီ အလှ ဖန်တီးကြ

ဧရာဝတီတိုင်းကြီး တစ်တိုင်းလုံးနီးပါးသည် ၂၀၀၇ခုနှစ်က နာဂ်စ် မုန်တိုင်းဒဏ်ကြောင့် အကျည်းတန် ဖြစ်ခဲ့ရသည်။ ထိုအရုပ်ဆိုး နေသော နေရာလေးကို လှပအောင် ပရဟိတစိတ်ရှိသူများက မိမိ တတ်နိုင်သမျှ လှပသာယာလာအောင် ဖန်တီး အလှဆင်နေကြပေသည်။
(သီတဂူလှဆန်းယဉ် စက္ခုဒါန ဆေးရုံ (မော်လမြိုင်ကျွန်းမြို့)
 ထိုတိုင်းဒေသကြီးထဲက မော်လမြိုင်ကျွန်းမြို့ ပစ္ဆိမာရုံစာသင်တိုက်နေရသည် ထိုတိုင်းဒေသကြီးကို လှပအောင် အများဆုံးဖန်တီးပေးနေသူ သီတဂူဆရာတော်ကြီးအတွက် နေရာတစ်ခု ဖြစ်သည်။ ထိုကျောင်းကြီးရဲ့ ဆရာတော် အရှင်စိန္တိတာလင်္ကာရ၊ တိုက်အုပ်ဆရာတော် အရှင်ရေ၀တာလင်္ကာရနှင့် ကျောင်းရှိ သံဃာများသည် မုန်တိုင်းတိုက်ခတ် ပြီးပြီးခြင်း ဒုက္ခရောက်နေသူများအတွက် ကယ်ဆယ်ရေး လုပ်ငန်းများကို အမာခံအနေနဲ့ လုပ်ဆောင်ခဲ့ကြသည်။ နာဂစ် ကယ်ဆယ်ရေးလုပ်ငန်းကို အများဆုံး လုပ်ဆောင် ခဲ့သော သီတဂူဆရာတော်ကြီး၏ ဦးဆောင်မှု့ အောက်တွင် လည်းပါဝင်ကူညီခဲ့သော ကျောင်းတိုက်ကြီး ဖြစ်ခဲ့သည်။

မော်ကျွန်းဆရာတော်နှင့် ပရဟိတ စိတ်ဓါတ်

ပစ္ဆိမာရုံကျောင်း ဆရာတော်သည် နိုင်ငံတော် သံဃာမဟာနာယက အဖွဲ့ဝင် ဆရာတော်တစ်ပါးဖြစ်သည်။ မော်ကျွန်းဆရာတော်ဟူ၍၎င်း၊ ပစ္ဆိမာရုံဆရာတော်ဟူ၍၎င်း လူအသိများသည်။ ဆရာတော်သည် သာသနာရေးကိုသာမက လူမှုရေးတွေကိုပါ တစိုက်မက်မက် အားထုတ်ခဲ့သည်၊ အားထုတ်နေဆဲဖြစ်သည်။ ဧရာဝတီတိုင်း တစ်တိုင်းလုံးနီးပါး နာဂ်စ် မုန်တိုင်းဒဏ် ခံစားနေရချိန်တွင် ကယ်ဆယ်ရေးလုပ်ငန်းများကို မိမိ စွမ်းနိုင်သမျှ လုပ်ဆောင်ခဲ့သည်။ လူနေအိမ်များ၊ အလယ်တန်းကျောင်း၊ မူလတန်းကျောင်းများ ဆောက်လုပ်ပေးသည်။ ကျောင်းရန်ပုံငွေ အတွက် စပါးချွေ့စက် ကိုင်းဆက် ဆန်စက်အသေးစားလေးများ တည်ဆောက်လှုဒါန်းပေးသည်၊ ဆက်သွယ်ရေး ကောင်းမွန်အောင် တယ်လီဖုန်းများ ၀ယ်လှုသည်။ ထိုနာဂ်စ်မုန်တိုင်းမှ ခိုကိုးရာမဲ့စွာ ကျန်နေသော ကလေးများကိုလဲ ဆရာတော်သည် ပြုစုစောင့်ရှောက်ထားပါသည်။

ကမ္ဘာကျော် မန္တလေး ပရိယတ္တိသာမဏေကျော်စာမေးပွဲကဲ့သို့ သာသနာတော်လုံးဆိုင်ရာ သာမဏေကျော် စာမေးပွဲများကို မိမိကျောင်းတိုက်တွင်းမှာပဲ ဦးဆောင်ကျင်းပနိုင်ခဲ့သည်။ ယခုအခါ မြန်မာနိုင်ငံတွင် အောင်မြင်ကျော်ကြားသော စာမေးပွဲကြီးတစ်ခု ဖြစ်သည်။ ဧရာဝတီတိုင်းဒေသကြီးရှိ ဘုန်းတော်ကြီးသင် ပညာရေးကျောင်းများ (ဘက ကျောင်း) များ၏ တိုင်း အကြီးဆုံး ဆရာတော် တစ်ပါးဖြစ်သည်။ ထိုကျောင်းတွင် ဘက ကျောင်းသား ( ၇၀၀ ) ခန့်ကို အချိန် နှစ်ချိန်ခွဲ သင်ကြားပေးနေသည်။ ဆရာတော်ကြီးသည် မိမိနိုင်သ၍ ကျောင်းတိုက်တွင်း နွမ်းပါးသူများအတွက် အခမဲ့ကုသိုလ်ဖြစ် ကုသပေးနိုင်သော ဆေးခန်းကို လွန်ခဲ့သော(၆) နှစ်လောက်က တည်ထောင် ကုသပေးခဲ့သည်။ စေတနာရှင် ဆရာဝန် (၆) ဦးက အလှည့်ကျလာရောက် ကုသိုလ်ယူ ကုသပေးသည်။ ဆရာတော်၏ န၀ကမ္မအလှူထဲကမှ ဆရာဝန် တစ်ဦး အား လစာပေး၍ အချိန်ပြည့်ထိုင်နိုင်ရန် ခန့်ထားသည်။

နိုင်ငံတော်သံဃာမဟာနာယကတာဝန်တွေကို ရန်ကုန်တွင် အလှည့်ကျ နှစ်စဉ် တာဝန် ထမ်းဆောင်နေသလို မိမိ ပရိယတ္တိစာသင်ကျောင်းတိုက်တွင်လဲ သာသနာ့တာဝန်တွေကို ဖျတ်လတ်သွက်လက်စွာ အပြုံးမပျက် ထမ်းဆောင်နေသော ဆရာတော်ကို စာရေးသူတို့က ကြည်ညိုလေးစားစွာ “ဘုန်ုးဘုန်းက အသက်နဲ့ မလိုက်အောင် တာဝန်တွေများကြီး လုပ်ဆောင်နေတာတောင် သွားလာလှုပ်ရှားပုံတွေ လျင်မြန်ဖျတ်လတ် သွက်လက်နေတာ”ပဲလို့ အားကျကြောင်းလျှောက် ထားသောအခါ ဆရာတော်က ပြန်မိန့် လိုက်သည်မှာ ပိုကြည်ညို လေးစားရပါသည်။ သူပြန်မိန့်လိုက်သည်မှာ “သူ ကိုယ်သူ ဖျတ်လတ် သွက်လက် နေတယ်လို့ ထင်နေမိတာ သီတဂူဆရာတော်ကြီး နဲ့တွေ့မှ သူဖျတ်လတ် သွက်လက်နေတာ သီတဂူ ဆရာတော့် ခြေဖျားတောင်မမှီ နိုင်ဘူး”ဟုပင် ဖြစ်သည်။

အလင်းဒါန ကုသိုလ်ရှင်

မျက်စိ အလင်းတွေပေးဆောင်နိုင်ရန် သီတဂူဆရာတော်ကြီးသည် တိုင်းနဲ့ ပြည်နယ် အနှံ့ စက္ခုဒါန ဆေးရုံများကို တည်ဆောက် ဖွင့်လှစ် ပေးခဲ့သည်မှာ ဆေးရုံပေါင်း (၂၀) ရှိပါသည်။ အခုအခါ ဧရာဝတီတိုင်းဒေသကြီး မော်လမြိုင်ကျွန်းမြို့ ပစ္ဆိမာရုံစာသင်တိုက်ကြီးတွင် သီတဂူဆရာတော်ကြီး၏ လမ်းညွှန်မိန့်ကြားမှု၊ ရွှေပြည်ဟိန်းဆရာတော်၏ ပံ့ပိုးကူညီမှု၊ သီတဂူဦးမြင့်စိန်+ဒေါ်လှအေး (လှဆန်းယဉ်) မိသားစုတို့၏ မ တည်လှူဒါန်းမှုတို့ဖြင့် “သီတဂူလှဆန်းယဉ် စက္ခုဒါန ဆေးရုံကြီး” (သီတဂူ၏ ၂၁ ခုမြောက်ဆေးရုံ)ကို (၄-၉-၂၀၁၁)နေ့မှ စတင်၍ ပစ္ဆိမာရုံစာသင်တိုက် ပဓာနနာယက ဆရာတော် အရှင်စိန္တိတာလင်္ကာရနှင့် တိုက်အုပ်ဆရာတော် အရှင်ရေ၀တာလင်္ကာရတို့က အနီးကပ်ကြီးကြပ် ဆောက်လုပ်ခဲ့ပါသည်။

ကျောင်းတိုက်ဆရာတော်နှင့် တပည့် ရဟန်း ဒကာ/မများ၏ လုပ်အား၊ ငွေအား၊ စေတနာရှင် အလှုရှင်များ ၏ငွေအားကြောင့် ဆေးရုံကြီးသည် ခန့်ညားထည်ဝါစွာ ဖွင့်လှစ်နိုင်ပါသည်။ ဆေးရုံအဆောက်အဦးကြီးကို လှုဒါန်းကြသလို သီတဂူဆရာတော်ကြီးကလဲ လိုအပ်သော ဆေးရုံသုံး၊ လူနာ အသုံးအဆောင်များ၊ ခွဲစိပ်ခန်းသုံး စက်ပစ္စည်းများ၊ ဆေးပစ္စည်းများ၊ မီးစက်များကိုလဲ ပံ့ပိုးကူညီ လှုဒါန်းထားပါသည်။ ဘက်ပေါင်းစုံမှ ၀ိုင်းဝန်းပံ့ပိုး လှုဒါန်းကြသောကြောင့် ဧရာဝတီတိုင်း ဒေသကြီးတွင် စက္ခုအလင်းကို ပေးနေနိုင်ပြီ ဖြစ်သည်။

အားလုံးမျှော်လင့် တောင်းတနေသော မျက်စိဆေးရုံသစ်ကြီးကို ၂၀၁၃ ခုနစ် ဧပြီလ (၇) ရက်နေ့တွင် ဖွင့် လှစ်နိုင်ပါသည်။ ဖွင့်လှစ်နိုင်ရန်အတွက် မတ်လ(၂၈) ရက်နေ့တွင် စစ်ကိုင်း သီိတဂူအာယုဒါနဆေးရုံမှ ဆေးရုံအုပ်ကြီး ဒေါက်တာ ဦးခင်မောင်ဇော်ဦးဆောင်သော အဖွဲ့သည် ဆေးရုံတွင်း ကြိုတင်ပြင်ဆင်ထားမှု့များကို လာရောက်ကြည့်ရှု့ပြီး ခွဲစိပ်ခန်း၊ ပေါင်းတင်ခန်းများကို ပိုးသတ်သည်။ ဧပြီ(၂) ရက်နေ့တွင် စစ်ကိုင်း သီတဂူအာယုဒါနဆေးရုံ မှ ဒုဆေးရုံအုပ် ဒေါက်တာဒေါ်မိမိခင် ဦးဆောင်သော မျက်စိကုအဖွဲ့သည် မော်ကျွန်းမြို့ ဆေးရုံသို့ ကြိုရောက်ကာ မော်ကျွန်း အနီးတ၀ိုက် ကျေးရွာမှ မျက်စိ ဝေဒနာရှင်များကို အမြင်စစ်ဆေးပေးခြင်းနှင့် ခွဲစိပ်ရန်လိုအပ်သော မျက်စိဝေဒနာရှင်များအား သွေးတိုး၊ ဆီးချို စစ်ဆေး ပေးခြင်းများကို ကြိုတင်ပြုလုပ်ပေးကြသည်။ ဧပြီ(၃)ရက်နေ့တွင် မျက်စိအထူးကု ဆရာဝန်ကြီးပါမောက္ခ ဒေါက်တာဦးမြအောင်နှင့် အင်္ဂလန်မှ ဒေါက်တာဦးသိန်းမြင့်တို့ ဦးဆောင်ပြီး ပါမောက္ခဒေါက်တာ ဒေါ်မြင့်ခိုင်၊ ပါမောက္ခ ဒေါက်တာ ဦးစဂျေလွင် နှင့် ပါမောက္ခဒေါက်တာဦးအောင်မြတ်စိုး (မေတ္တာဦးဆေးခန်း)မျက်စိအထူးကု ဆရာဝန်ကြီးများသည် ခွဲစိပ်ကုသရန်လိုအပ်သော မျက်စိဝေဒနာရှင်များအား ခွဲစိပ်ပေးပြီး အလင်းဓါတ်ဆောင်ပေးသည်။ လိုအပ်သော ပံ့ပိုးကူညီမှု့များကို မော်ကျွန်း ပစ္ဆိမာရုံကျောင်းမှ ရဟန်း ကိုရင်များ၊ ဘကကျောင်းမှ ဆရာ/မ များက လုပ်အားပေး ကူညီကြသည်။

၂၁ ခုမြောက် သီတဂူလှဆန်းယဉ် ဆေးရုံအသစ် ဖွင့်ပွဲ

ဧပြီ(၆)ရက်နေ့ညတွင် ကျေးဇူးရှင် သီတဂူဆရာတော်ကြီးသည် ဆေးရုံဖွင့်လှစ်ခြင်း အထိမ်းအမှတ် အကြိုအဖြစ် တရားရေအေး အမြိုက်ဆေးကို တိုက်ကျွေးသည်။ အားလုံးမျှော်လင့် စောင့်မျှော်နေသော ဧပြီ (၇) ရက်နေ့သို့ ရောက်ရှိလာပါသည်။ ဖွင့်ပွဲ အခမ်းအနားကို အပိုင်း၂ ပိုင်းခွဲ ကျင်းပသည်။ ပထမပိုင်း အစီအစဉ်တွင် သီတဂူဆရာတော်ကြီးနှင့် တကွ ပင့်သံဃာများ၊ သာသနာရေးဝန်ကြီး၊ တိုင်းဒေသရှိ ဌာနဆိုင်ရာ အကြီးအကဲများ၊ မြို့မိမြို့ဖများ၊ အလှုရှင် မိသားစုများ ဖိတ်ကြားထားသူများ တက်ရောက်ကြသည်။ ရှေးဦးစွာ ဆရာတော်ကြီးထံမှ ငါးပါးသီလ ခံယူဆောက်တည်ကြသည်၊ ထိုနောက် ရွှေပြည်ဟိန်းဆရာတော်က သီတဂူလှဆန်းယဉ် စက္ခုဒါန ဆေးရုံဖြစ်ပေါ်လာပုံနှင့် သီတဂူဆရာတော်ကြီး၏ စက္ခုဒါနဆေးရုံများ ဖြစ်ပေါ်တည်ဆောက်လာပုံများ လျှောက်ထားသည်။ ထို့နောက် တိုင်းသာသနာရေးမှုးက သာသနာရေးဆိုင်ရာများ လျှောက်ထားသည်၊ ဆေးရုံအတွက် လိုအပ်သော နေရာတွင် အသုံးပြုရန် Super-Custom (ဂျပန်) ကားတစ်စီးနှင့် ပတ်သက်သော စာရွက်စာတန်းများနှင့် နောင်ရေရှည် ဆေးရုံ တည်တံ့ ခိုင်မြဲအောင် ငွေပဒေသာပင် စိုက်ထူရန် ကျပ်သိန်း (၁၀၀)တို့ကို ဆေးရုံ မတည် အလှုရှင် သီတဂူဦးမြင့်စိန်+ဒေါ်လှအေး (လှဆန်းယဉ် မိသားစု) တို့က ပစ္ဆိမာရုံကျောင်း ဆရာတော်အား လွှဲပြောင်းပေးအပ် လှုဒါန်းပါသည်။ တခြားအလှုရှင်များကလဲ လှူဒါန်းကြသည်။ လှူဒါန်းမှု့ အစုစုကို သီတဂူဆရာတော်ကြီးက ရေစက်ချ တရားချီးမြှင့်ပြီး အမျှပေးဝေကာ ပထမပိုင်း အစီအစဉ်ကို သီတဂူ အဓိဌာန်ဖြင့် အောင်မြင်စွာ ကျင်းပပြီးစီးသည်။

ဖွင့်ပွဲ ဒုတိယ အစီအစဉ်ကို ဆေးရုံရှေ့ မျက်နှာစာတွင် ကျင်းပသည်။ ပစ္ဆိမာရုံကျောင်းဆရာတော်၊ တိုင်းသာသနာရေးမှူး၊ မြို့နယ်အုပ်ချုပ်ရေးမှူး၊တိုင်းဒေသကြီး လွှတ်တော်ဥက္ကဋ္ဌ၊ မတည်အလှုရှင်တို့က ဖဲကြိုးဖြတ် ဖွင့်လှစ်ပေးကြသည်။ ထို့နောက် ဆေးရုံ ဆိုင်းဘုတ် စက်ခလုပ်ကို သရုပ်ဆောင် စိုးမိုးကြည်မှ ကိုင်ဆောင်ပေးပြီး သာသနာရေးဝန်ကြီးဌာန ပြည်ထောင်စုဝန်ကြီးက စက်ခလုပ်နှိပ် ဖွင့်လှစ်ပေးလိုက်သည်။ ထိုအချိန်တွင် ဖွင့်ပွဲ အောင်ပွဲအထိမ်းအမှတ် ဒုံးကျည်၊ မီးပန်းများ ပစ်ဖေါက်ကြသည်။ မော်ကွန်းကမ္ဗည်း ကျောက်စာကို သီတဂူဆရာတော်ကြီးနှင့် တာဝန်ရှိသူများ၊ အလှုရှင်များက အမွှေးနံ့သာရေများ ပက်ဖြန်းကြသည်၊ ထိုနောက် တက်ရောက်လာသော ဧည့်သည်များက ဆေးရုံတွင်းရှိ လူနာဆောင်များကို လှည့်လည် ကြည့်ရှု့ပြီး မျက်စိဝေဒနာရှင်များကို အားပေး စကားများပြောကြားပြီး ဖွင့်ပွဲ အခန်းအနား အောင်မြင်စွာ ရုပ်သိမ်းလိုက်သည်။
 
သီတဂူအလင်း ကမ္ဘာသို့ချဉ်း အလင်းကမ္ဘာတည်စေသော်
ဧရာဝတီတိုင်း မော်ကျွန်းမြို့ သီတဂူလှဆန်းယဉ် စက္ခုဒါနဆေးရုံတွင် မျက်စိဝေဒနာရှင်ပေါင်း (၁၀၉၇) ဦးကို မျက်စိ စမ်းသပ်စစ်ဆေးပေးနိုင်ခဲ့သည်။ အလင်းမရရှာသော ဝေဒနာရှင် (၂၉၅) ဦးကို ခွဲစိပ်ကုသပေးပြီး မျက်စိအလင်းရအောင် ကုသပေးနိုင်ပါသည်။ သီတဂူဆရာတော်ကြီးဦးဆောင်သော သီတဂူသာသနာပြုအဖွဲ့သည်၊ မြန်မာပြည်အနှံ့ တောင်ပေါ်ဒေသ နယ်စပ်မြို့များပါ မကျန် လောကအလှ အလင်းကိုပေးဆောင်နေကြသည်။ လမင်းကြီးသည် သဘာဝ အလင်းကို ဖန်တီး ပေးနေသလို လမင်းကြီးနှင့် တူသော သီတဂူသည်လဲ ဧရာဝတီတိုင်းကြီး တစ်ခုလုံးကို အလင်းရောင်တွေ ထွန်းလင်းစေပါသည်။ ဧရာဝတီမြစ်ရေသည် အေးမြသောအအေးဓါတ်ကို ဆောင်ပြီး တိုင်းဒေသကြီး တစ်ခုလုံးကို အေးမြအောင် စီးဆင်း ပေးနေသလို ဧရာဝတီနှင့် အပြိုင် သီတဂူ လမင်းကြီး ကလဲ အလင်းဓါတ်တွေ လင်းစေပြီး ဧရာဝတီရဲ့အလှကို ဖန်တီးပေးကြပါသည်။ ရုပ်ဆိုးကျည်းတန်နေခဲ့သော ဧရာဝတီတိုင်းကြီးသည် အခုအခါ ထွန်လင်းတောက်ပသော အလင်းဓါတ်များရရှိပြီး အေးချမ်းသာယာလှပနေပါတော့သည်။

သီတဂူစန်းလပမာ ချမ်းမြသာယာရှိပါစေ။
 ပန်းစပယ် (လှဆန်းယဉ်)
 
ရွှင်လန်းချမ်းမြေ့ပါစေ
သီတဂူစတား
၁၃-၄-၂၀၁၃

09 April 2013

သီတဂူလှဆန်းယဉ် စက္ခုဒါနဆေးရုံ

သီတဂူလှဆန်းယဉ် စက္ခုဒါနဆေးရုံ
(၂၁)ခုမြောက်ဆေးရုံ 

 
(ဆေးရုံတော် ဖွင့်လှစ်ပွဲနှင့် ရေစက်ချ လှူဒါန်းပွဲ)

သီတဂူဆရာတော်ကြီးနှင့် သီတဂူသာသနာပြု အဖွဲ့ကြီးက ပြည်နယ်နှင့် တိုင်းဒေသကြီးများရှိ မြန်မာနိုင်ငံ အနှံ့အပြား၊ ဝေလှံခေါင်သော နေရာပါ မကျန် သီတဂူစက္ခုဒါနဆေးရုံများ၊ သီတဂူအာရောဂျဒါနဆေးရုံများ၊ သီတဂူအထွေထွေရောဂါကု ဆေးရုံကြီးများကို တည်ဆောက် လှူဒါန်းလျှက်ရှိရာ ဤ သီတဂူလှဆန်းယဉ် စက္ခုဒါဆေးရုံသည် သီတဂူဆေးရုံများစွာထဲက (၂၁) ခုမြောက် ဆေးရုံဖြစ်သည်။

သီတဂူလှဆန်းယဉ် စက္ခုဒါဆေးရုံသည် ဧရာဝတီတိုင်းဒေသကြီး မော်လမြိုင်ကျွန်းမြို့နယ် အမှတ်(၉)ရပ်ကွက် ပစ္ဆိမာရုံစာသင်တိုက်တွင် တည်ရှိသည်။

ထိုဆေးရုံကြီးကို ၇-၄-၂၀၁၃ နေ့က သီတဂူဆရာတော်ကြီးနှင့် ဒေသခံ ပစ္ဆိမာရုံဆရာတော်တို့ ဦးဆောင်ပြီးဖွင့်လှစ်ရာ ပင့်သံဃာတော်များ၊ တိုင်းဒေသကြီးရှိ တာဝန်ရှိသူများ၊ အလှူရှင်များ၊ ဒေသခံပြည်သူများ၊ ဖိတ်ကြားထားသူ ဧည့်သည်တော်များ စည်ကားသိုက်မြိုက်စွာ တက်ရောက်ကြသည်။
(ခွဲစိပ်ကုသပြီး လူနာရှင်များအား အလှူရှင်များ အားပေးစကားပြော)
( တာဝန်ရှိသူများ လာရောက် အားပေးစကားပြော)

အလှူရှင်များနှင့် ကုန်ကျစရိတ်
ထိုဆေးရုံကြီးကို သီတဂူဆရာတော်ကြီး တစ်ဦးတည်းလှုဒါန်းသော ဆေးရုံးသုံးဆေးပစ္စည်းများ၊ ခွဲစိပ်ခန်းသုံး စက်ပစ္စည်းကိရိယာများ၊ လူနာအသုံးပြုရန် ပစ္စည်းများ၊ မီးစက်များ စုစုပေါင်း ကျပ်သိန်း နှစ်ထောင် (၂၀၀၀ ကျပ်)နှင့် ဒေသခံ ပစ္ဆိမာရုံ ဆရာတော်၊ သီတဂူဦးမြင့်စိန်+ဒေါ်လှအေး (လှဆန်းယဉ်မိသားစု) နှင့် အနယ်နယ်အရပ်ရပ်မှ အလှူရှင်များ စုပေါင်း လှူဒါန်းငွေ ကျပ်သိန်း နှစ်ထောင့်ငါးရာ (၂၅၀၀ကျပ်) နှစ်ရပ်ပေါင်း ကျပ်သိန်းပေါင်း လေးထောင့်ငါးရာ (၄၅၀၀) ဖြင့် အကုန်အကျခံ လှူဒါန်းထားသည်။

သီတဂူဦးမြင့်စိန်+ဒေါ်လှအေး (လှဆန်းယဉ်မိသားစု)က သီတဂူလှဆန်းယဉ်စက္ခုဒါနဆေးရုံ အတွက် ကျပ်သိန်း(၁၀၀) ငွေပဒေသာပင် စိုက်ထူခဲ့သည်၊ ထို့ပြင် ဆေးရုံအတွက် အသုံးပြုရန် Super Custom ဂျပန် ကားတစ်စီးကိုလည်း လှူဒါန်းသည်။ ဒေသခံများနှင့် အဝေးရောက် အလှူရှင်များကလဲ ဆေးရုံကြီး ရေရှည် ရပ်တည်နိုင်ရန် ငွေပဒေသာပင်များ စိုက်ထူလှူဒါန်းကြသည်။

မျက်စိဝေဒနာများ ကုသပေးခြင်း
ဆေးရုံကြီးမဖွင့်မီ ကြိုတင်ပြီး (၃-၄-၂၀၁၃)နေ့မှ စတင်ပြီး မျက်စိအထူးကု ဆရာဝန်ကြီး ဒေါက်တာဦးမြအောင်၊ အင်္ဂလန်နိုင်ငံမှ ဒေါက်တာသိန်းမြင့်ခေါင်းဆောင်သော မျက်စိအထူးကု ဆရာဝန်များက မျက်စိဝေဒနာရှင်ပေါင်း (၁၀၉၇)ယောက်တို့အား စမ်းသပ် စစ်ဆေးပေးသည်။ ထိုအထဲမှ(၂၉ရ)ယောက်ကိုတော့ ခွဲစိပ်ကုသပေးသဖြင့် လောကအလင်းများ ပြန်လည်ရရှိကြသည်။

သတင်း-ပန်းစပယ် (လှဆန်းယဉ်) သတင်းကို ကိုးကားသည်။
ဓာတ်ပုံ-သီတဂူထိန်လင်းဦး ထံမှ ရယူသည်။


ရွှင်လန်းချမ်းမြေ့ပါစေ
သီတဂူစတား
၉-၄-၂၀၁၃

02 April 2013

သီတဂူအာရောဂျဒါန ဆေးရုံ (ရပ်စောက်)

အမှတ်စဉ် (၂၀) မြောက် သီတဂူအာရောဂျဒါန ဆေးရုံ (ရပ်စောက်)
(ဆေးရုံတော်ကို သီတဂူဆရာတော်ကြီး ကိုယ်တိုင် ဖွင့်လှစ်ပေးစဉ်)
သီတဂူအာရောဂျဒါန ဆေးရုံကို ရှမ်းပြည်နယ်တောင်ပုိုင်း၊ ရပ်စောက်မြို့တွင် ၃၁.၃.၂၀၁၃ နေ့က ဖွင့်လှစ်ခဲ့သည်။ ထိုဖွင့်ပွဲအခမ်းအနားသို့ သီတဂူဆရာတော်ကြီးနှင့်အလှူရှင်များ မျက်စိအထူးကုဆရာဝန်ကြီးများ၊ သီတဂူအာယုဒါနဆေးရုံ ဆရာဝန်၊ သူနာပြုများ၊ မြို့မိမြို့ဖများ တက်ရောက်ကြသည်။
(လှပတဲ့ ရပ်စောက်မြို့က သီတဂူအာရောဂျဒါနဆေးရုံတော်ကြီး)

 မျက်စိကုသမှုများ
ထိုဆေးရုံကြီးမှာပဲ မျက်စိဆရာဝန်ကြီး ဒေါက်တာသိန်းမြင့်၊ မျက်စိအထူးကုဆရာဝန်ကြီး ဒေါက်တာ မြအောင်၊ ဒေါက်တာမြသီတာအုန်းနှင့် သီတဂူအာယုဒါနဆေးရုံမှ ဒေါက်တာမိမိခင် ဦးဆောင်သော ဆေးရုံဝန်ထမ်း(၁၀)ဦးအဖွဲ့သည် လူနာပေါင်း ၇၄၁ယောက်ကုို စမ်းသပ်စစ်ဆေးကာ မျက်စိဝေဒနာရှင်ပေါင်း (၁၃၂)ယောက် မျက်စိအလင်းဒါန လုပ်အားပြုခဲ့ကြပါသည်။
(မျက်စိဝေဒနာရှင်များအား အားပေးစကားပြောနေသော သီတဂူဆရာတော်)
ဖွင့်လှစ်ပြီးဆေးရုံများ
၁။ သီတဂူအာယုဒါနဆေးရုံ
စစ်ကိုင်းတောင်။ စစ်ကိုင်းမြို့၊ စစ်ကိုင်းဒေသ
၁၉၈၉ ခုနှစ် ဖွင့်လှစ်သည်။
၂။ သီတဂူမြမေတ္တာ စက္ခုဒါန ဆေးရုံ
ပန်းတနော်၊ ဧရာဝတီတိုင်းဒေသ
၂၀၀၈ ခုနှစ်တွင် ဖွင့်လှစ်သည်။
၃။ သီတဂူစက္ခုဒါနဆေးရုံ
သီပေါမြို့၊ ရှမ်းပြည်နယ်
၂၀၀၈ နှစ်တွင် ဖွင့်လှစ်သည်။
၎။ သီတဂူစက္ခုဒါနဆေးရုံ
ကလေးမြို့။ စစ်ကိုင်းတိုင်း
၂၀၀၉ ခုနှစ်တွင် ဖွင့်လှစ်သည်။
၅။ သီတဂူအာရောဂျဒါနဆေးရုံ
စဥ့်ကူးမြို့နယ်၊ ကျည်တောက်ပေါက်ကျေးရွာ၊ မန္တလေးတိုင်းဒေသ
၂၀၁၁ နှစ်တွင် ဖွင့်လှစ်သည်။
၆။ သီတဂူဒီပင်္ကရာစက္ခုဒါနဆေးရုံ
နတ်မောက်မြို့၊ မကွေးတိုင်းဒေ
၂၀၁၀ ခုနှစ်တွင် ဖွင့်လှစ်သည်။
၇။ သီတဂူဗြဟ္မာယုပြည်သူ့ဆေးရုံ
ဆားတောင်မြို့၊ စစ်ကိုင်းတိုင်းဒေသကြီး
၂၀၁၀ ခုနှစ်တွင် ဖွင့်လှစ်သည်။
၈ ။ သီတဂူအာရောဂျဒါနဆေးရုံ
ရင်းငြိမ်၊ မွန်ပြည်နယ်။
၂၀၁၀ ခုနှစ်တွင် ဖွင့်လှစ်သည်။
၉။ သီတဂူတက်လမ်းစက္ခုဒါနဆေးရုံ
မင်းတပ်မြို့၊ ချင်းပြည်နယ်။
၂၇-၁၂-၂၀၁၀ ခုနှစ်တွင် ဖွင့်လှစ်သည်။
၁၀။ သီတဂူအာရောဂျဒါနဆေးရုံ
ထားဝယ်မြို့၊ တနင်္သာရီတိုင်းဒေသ
၁၂-၂-၂၀၁၁ နေ့ ဖွင့်လှစ်သည်။
၁၁။ သီတဂူရွှေပြည်ဟိန်းစက္ခုဒါနဆေးရုံ
ရန်ကုန်။ ဧပြီလ (၂၇) ၂၀၁၁ ခုနှစ်တွင် ဖွင့်လှစ်သည်။
၁၂။ သီတဂူမေတ္တာဆေးရုံ
အင်းလေးဒေသ၊ ဟဲယားရွာမ၊ ရှမ်းပြည်နယ်။
၁၃။ အမှတ်စဉ် (၁၃) သီတဂူအာရောဂျဒါန (အထွေထွေဆေးရုံ) 
 ၂၀၁၁၊ နိုဝင်ဘာ (၁၄) ရက်နေ့၊ ကရင်ပြည်နယ် မြိုင်ကြီးငူဒေသ ဖွင့်လှစ်ခဲ့သည်။
၁၄။ အမှတ်စဉ် (၁၇) သီတဂူအာယုပါလဆေးခန်း (မြင်းခြံ)
၁၃၇၄ ခု (၁-၉-၂၀၁၂) မန္တလေးတိုင်း၊ မြင်းခြံမြို့တွင် ဖွင့်လှစ် လှူဒါန်းခဲ့သည်။
၁၅။ အမှတ်စဉ် (၁၄) သီတဂူစက္ခုဒါနဆေးရုံ (မြစ်ကြီးနား)
(၀၂-၁၁-၂၀၁၁)-ရက်နေ့ ဖွင့်လှစ်သည်ည်။(၀၅-၁၁-၁၁)-ရက်နေ့တွင် ကချင်ပြည်နယ်, ပူတာအို ဆေးရုံတွင် ဆေးရုံပစ္စည်းများ လှူဒါန်းသည်။
၁၆။ အမှတ်စဉ် (၁၅) သီတဂူတက်လမ်းစက္ခူ့ဒါနဆေးရုံ (လွိုင်ကော်)
ကယားပြည်နယ် လွိုင်ကော်မြို့ (၂၀-၁၂-၂၀၁၁)နေ့ ဖွင့်လှစ်သည်။
၁၇။ သီတဂူစက္ခုဒါနဆေးရုံ (မင်းတပ်)
ချင်းပြည်နယ်၊ မင်းတပ်မြို့တွင် ၂၇-၁၂-၂၀၁၁ နေ့က ဖွင့်လှစ်ခဲ့သည်။
၁၈။ အမှတ်စဉ် (၁၆) သီတဂူသုမေဓာဆေးရုံ
ပန်းတနော်မြို့ အစုကြီးကျေးရွာတွင် သီတဂူသုမေဓာဆေးရုံ ဆောက်လုပ်ထားသည်။
၁၉။ အမှတ်စဉ် (၁၉) သီတဂူစက္ခုဒါနဆေးရုံ
ရှမ်းပြည်မြောက်ပိုင်း၊ မူဆယ်ခရိုင်၊ နမ့်ခမ်းမြို့၊ ၂၀၁၂- နိုဝင်ဘာ ၁၄ ရက်နေ့တွင် ဖွင့်လှစ်သည်။
၂၀။ အမှတ်စဉ် (၂၀) သီတဂူအာရောဂျဒါန ဆေးရုံ (ရပ်စောက်)
၃၁.၃.၂၀၁၃ ရက်နေ့က ရှမ်းပြည်နယ်တောင်ပုိုင်း၊ ရပ်စောက်မြို့တွင် ဖွင့်လှစ်သည်။

အမှတ်စဉ် (၁၉)ဆေးရုံဖွင့်ပွဲတုန်းက နမ်းခမ်းက ဆေးရုံအကြောင်း သတင်းရေးခဲ့ပေမဲ့၊ နောက်ပိုင်းဆေးရုံအကြောင်းတွေ မသိခဲ့သဖြင့် ယခုဆေးရုံသည် အမှတ်စဉ် (၂၀)လားဟု အသေချာ မသိ။ ဒါပေမဲ့ ဆေးရုံ အရေအတွက်များကို စာရေးသူ သိသမျှ စုစည်းထားသည်၊ တချို့ ဖွင့်ပြီး ဆေးရုံများ စာရင်းတွင် ကျန်နေသည်။

ယခုလအတွင်း ဆက်လက်ဖွင့်မည့် ဆေးရုံတော်များမှာ မော်လမြိုင်ကျွန်းမြို့ သီတဂူလှဆန်းယဉ်ဆေးရုံနှင့် နာဂအထူးသေ ဆေးရုံများဖြစ်သည်ဟုလဲ သိရသည်။ သဲကုန်း သီတဂူစက္ခုဒါနဆေးရုံကိုတော့ ပြီးခဲ့တဲ့ ၂၀၁၂ ဒီဇင်ဘာလက ပန္နပ်ချမင်္ဂလာကျင်းပခဲ့။

(ဓာတ်ပုံများကို ဗီဒီယိုနှင့်ကင်မရာမင်း သီတဂူထိန်းလင်းဦးထံမှ ရယူသည်)

ရွှင်လန်းချမ်းမြေ့ပါစေ
သီတဂူစတား
၂-၄-၂၀၁၃

01 April 2013

Communal Violence Condemnation by Sitagu Sayadaw

Communal Violence Condemnation by Sitagu Sayadaw

ရွှင်လန်းချမ်းမြေ့ပါစေ
သီတဂူစတား
၁-၀၄-၂၀၁၃
 

31 March 2013

အကြမ်းဖက်မှုအားလုံး ရှုတ်ချသည် By သီတဂူဆရာတော်

အကြမ်းဖက်မှုအားလုံး ရှုတ်ချသည်
By သီတဂူဆရာတော်
 
 
မည်သည့်အကြမ်းဖက်မှုမျိုးကိုမဆို ဘာသာရေးခေါင်းဆောင်တစ်ယောက်အနေနှင့် ပြင်းပြင်းထန်ထန် ရှုတ်ချပါသည်။

ဒီကနေ့ ပြည်ထောင်စုသမ္မတမြန်မာနိုင်ငံတော်မှာ မည်သည့်ထောင့် မည့်သည့်နေရာက မည်သူတို့ လှုံ့ဆော်သည်ဟု အတိအကျ မသိရနိုင်သော ဆူပူသောင်းကြမ်းမှုများ အကြမ်းဖက်မှုများ၊ ဘာသာ အယူဝါဒနှင့် လူမျိုးမတူ ထူးခြားသူများကို အခြားသော ဘာသာအယူဝါဒ မတူကြသော လူမျိုးခြင်း မတူကြသောသူတို့ဟာ အပြန်အလှန် ဆူပူသောင်းကြမ်း တိုက်ခိုက် နှောက်ယှက်နေကြပါတယ်။ အထူးသဖြင့် ရခိုင်ဒေသက စလိုက်သော လူမျိုးရေး ဘာသာရေး ဆူပူမှုတွေဟာ မန္တလေးတိုင်းထဲသို့ ကူးစက်ဝင်ရောက်လာပြီး မိတ္ထီလာမြို့မှာလဲ ဗုဒ္ဓဘာသာဝင်တွေနဲ့ အစ္စလာမ်ဘာသာဝင်တွေ ရန်ဖြစ်ခဲ့ကြတယ်။ အဲဒီကနေ ကူးစက်ပြီးတော့ ပဲခူးတိုင်း အနောက်ဖက်ခြမ်းကို ကူးစက်သွားခဲ့တယ်။ အခြားတိုင်းနှင့်ပြည်နယ်တစ်ချို့မှာလဲ ထိတ်လန့်ဖွယ် ကောလာဟလတွေ ဖြစ်ပေါ်နေကြတယ်။

အဲ့ဒီ ကောလာဟလတွေဟာ ဒီနိုင်ငံမှာ ငြိမ်းငြိမ်းချမ်းချမ်း ညီညီညွတ်ညွတ် လက်တွဲ နေထိုင်လိုကြတဲ့ မြန်မာ့မြေဖွား တိုင်းရင်းသား ညီအစ်ကိုမောင်နှမတွေရဲ့ စိတ်ကို စိုးရိမ်စိတ်တွေ ကြောက်ရွံ့စိတ်တွေ ပူပန်စိတ်တွေ ဖြစ်ပွားစေခဲ့တယ်။ အဲ့ဒီကောလာဟလတွေဟာ နိုင်ငံသစ် စနစ်သစ် ငြိမ်းချမ်းသာယာသော လမ်းစဉ်သစ်တစ်ခု တည်ထောင်တဲ့နေရာမှာ ကြီးစွာသော အနှောက်အယှက်တွေ ဖြစ်စေခဲ့ပါတယ်။ ထို့ကြောင့် ဘာသာရေးအကြမ်းဖက်မှု လူမျိုးရေးအကြမ်းဖက်မှု စီးပွားရေးအကြမ်းဖက်မှုအားလုံး မည်သည့်အကြမ်းဖက်မျိုးကို မဆို သီတဂူဆရာတော်က ပြင်းထန်စွာ ရှုတ်ချပါသည်။
(ယာစွန် ဒေါက်တာ သီတဂူအရှင်ပညာသီဟာလင်္ကာရ)
ဘုရားသခင်အားလုံးရဲ့ (Non-Violence) အဟိံသ၀ါဒ
မြတ်ဗုဒ္ဓရဲ့ဝါဒဟာ အဟိံသ၀ါဒ (Non-Violence)၀ါဒသာ ဖြစ်ပါတယ်။ မြတ်ဗုဒ္ဓရဲ့ဝါဒဟာ အဟိံသ၀ါဒ ဖြစ်သလို ခရစ်ယာန်ဘာသာ၊ အစ္စလာမ်ဘာသာ၊ ဟိန္ဒူဘာသာဆိုတဲ့ အခြားဘာသာတရားတွေရဲ့ ၀ါဒများဟာလဲ Non-Violence ဆိုတဲ့ အဟိံသ၀ါဒ ဟူ၍သာ သီတဂူဆရာတော်က ယုံကြည် လက်ခံထားပါသည်။ ဘာသာတရား အားလုံးကို တည်ထောင်ခဲ့ကြတဲ့ ဘုရားသခင် အားလုံးတို့ဟာ လူသား အားလုံးတို့ကို ဆူပူသောင်းကြမ်းမှုတွေ ပြုလုပ်ကြဖို့ ဘယ်ဘုရားကမှ မဟောကြားခဲ့ကြပါဘူး။ ဘာသာအားလုံးတို့၏ တရားအမျိုးမျိုးတို့ကလည်း ငြိမ်းချမ်းရေး-သန္တိ၊ ညီညွတ်ရေး-သမဂ္ဂ၊ အတူလက်တွဲ နေထိုင်ရေး-သဟာယ Peace-Harmony-Coexistence ဆိုတဲ့ မူဝါဒများကို ဟောကြားဆုံးမတော်မူကြတယ်လို့ ယုံကြည်ပါတယ်။

ထို့ကြောင့် မိမိတို့ ယုံကြည်ရာ ဘာသာတရား အသီးသီးကို လိုက်နာကျင့်သုံးနေကြတဲ့ ကိုးကွယ်နေကြတဲ့ ဘာသာဝင် လူမျိုးအားလုံးတို့သည် ငြိမ်းချမ်းစွာ ညီညွတ်စွာဖြင့် အတူလက်တွဲ နေထိုင်ကြဘို့ အထူး မေတ္တာရပ်လိုပါတယ်။ Peace-Harmony-Coexistence ဆိုတဲ့ အခြေခံလမ်းစဉ် သုံးခုကို တည်ဆောက်တဲ့ နေရာမှာ သည်းခံခြင်း-ခန္တီ Tolerance၊ ခွင့်လွတ်ခြင်း-ခမာ Forgiveness၊ လူသားတစ်ယောက်က လူသားတစ်ယောက်၏ အပြစ်တို့ကို မေ့ပျောက်နိုင်ခြင်း Forgetness ဆိုတဲ့ ဒီသုံးခုဟာ အလွန်တရာမှ အရေးကြီးပါတယ်။

ကောလာဟလနဲ့ သံသယတွေကို မဖန်တီးကြပါနဲ့

နောက်ပြီးတော့ “မသင့်လျှော်သော ရည်ရွယ်ချက်တစ်ခုခုနဲ့ ဆူပူသောင်းကြမ်းမှုတစ်ခုခုကို ရည်ရွယ်ပြီးတော့ ကောလာဟလနဲ့ သံသယတွေကို မဖန်တီးကြပါနဲ့”လို့ တိုက်တွန်းလိုပါတယ်။ ကောလာဟလနဲ့ သံသယတွေဟာ ငြိမ်းချမ်းရေးနဲ့တည်ငြိမ်ရေးရဲ့ ကြီးကျယ်တဲ့ အနှောက်အယှက်တွေပဲ ဖြစ်ပါတယ်။ သံသယကို ဖန်တီးတဲ့ပုဂ္ဂိုလ်တွေဟာ ကြီးလေးသော ပြစ်မှုကြီးတွေကို လွန်ကျူးနေကြသလို ကောလာဟလကို ထုတ်လွင့်နေတဲ့ ပုဂ္ဂိုလ်တွေဟာလဲ တည်ငြိမ်အေးချမ်းရေးရဲ့ အနှောက်အယှက်တွေပဲ ဖြစ်ပါတယ်။

မြတ်ဗုဒ္ဓက “မာ အနုဿဝေန ဂဏှိတ္ထ- တဆင့်စကား တဆင့်ကြားပြီး ချဲ့ထွင်ထားတဲ့ ကောလာဟလတွေကို လက်တွေ့ မျက်မြင် မပါဘဲ၊ ကိုယ်တိုင်လဲ သိမြင် နားလည်ခြင်းမရှိဘဲ အမှန်ဟု မယူဆမိကြစေ”ဘို့ အထူး မိန့်ကြားတော်မူလေ့ရှိပါတယ်။ အဲဒါကြောင့် တိုင်းသူပြည်သားတွေကလဲ ကောလာဟလတွေ ထွက်လာတိုင်း သံသယတွေဝင်ပြီးတော့ တလှုပ်လှုပ်တရွရွ မဖြစ်ကြဘို့ ကောလာဟလရဲ့ ယုတ္တိတွေကို စိစစ်ပြီးမှ စဉ်းစားပြီးမှ လုပ်ကိုင်ဆောင်ရွက်ကြဘို့ သီတဂူဆရာတော် ပြောကြားလိုက်ပါတယ်။

မြန်မာနိုင်ငံဟာ လူရိုင်းတွေ နေတဲ့ နိုင်ငံမဟုတ်

မြန်မာနိုင်ငံဟာ ဘာသာရေးနဲ့ ယဉ်ကျေးမှုတွေ ထွန်းကားတဲ့ နိုင်ငံဖြစ်ပါတယ်။ လူရိုင်းတွေ နေတဲ့ နိုင်ငံမဟုတ်ပါဘူး။ နှစ်ပေါင်းထောင်ချီ၍ ကြာညောင်းခဲ့ပြီ ဖြစ်တဲ့ ဘာသာရေး ယဉ်ကျေးမှု၊ ဆရာ မိဘ၊ သူတော်ကောင်း အဆုံးအမတွေနဲ့ ဖွဲ့စည်းတည်ထောင်ထားတဲ့၊ နောက်ခံ သမိုင်းကြောင်း ခိုင်မာတောင့်တင်းတဲ့ နိုင်ငံတစ်နိုင်ငံဖြစ်ပါတယ်။ အဲဒါကြောင့် ဒီမြန်မာမြေပေါ်မှာနေပြီးတော့ မြန်မာ့ရေကို အတူသောက်နေကြတဲ့ မြန်မာ့အလံအောက်က လူတွေ အားလုံး မြန်မာ့စိတ်ဓာတ်ကို တစ်ညီတစ်ညွတ်တည်းဖြင့် နေထိုင်ကြပါလို့ အထူးတိုက်တွန်းလိုက်ပါတယ်။

မြန်မာဆိုတာ ဗြဟ္မာကနေ တရွေ့ရွေ့ဆင်းသက်လာတာဖြစ်တယ်။ ဗြဟ္မာရဲ့ အဓိပ္ပါယ်က Noble မွန်မြတ်ခြင်းလို့ အဓိပ္ပါယ်ရပါတယ်။ မွန်မြတ်တဲ့ စိတ်ဓာတ်ဆိုတာ သည်းခံခြင်း၊ ခွင့်လွတ်ခြင်း၊ မေတ္တာတရားထားခြင်း၊ ကရုဏာတရားထားခြင်း၊ တရားမျှတခြင်း၊ အကြောင်းအကျိုး ဆင်ခြင်တုံတရားနှင့် ပြည့်စုံခြင်းတို့ပဲ ဖြစ်ပါတယ်။ အဲ့ဒါကြောင့် မြန်မာတွေဟာ မွန်မြတ်သော စိတ်ဓာတ်ကို နှလုံးသားမှာ အပြည့်ထားပြီး ဆူပူသောင်းကြမ်းမှုမှန်သမျှကို တစ်ညီတစ်ညွတ်တည်း တွန်းလှန်ကာကွယ်ဖို့နဲ့၊ ငြိမ်းချမ်းရေးနှင့်ညီညွတ်ရေးကို တစ်ညီတစ်ညွတ်တည်း တည်ဆောက်ကြဖို့ တိုက်တွန်းလိုပါတယ်။

ဘုရားသားတော် သံဃာထုကို သီတဂူဆရာတော် တောင်းပန်လိုက်ခြင်း
မြန်မာနိုင်ငံတော်မှာ ဘုရားသားတော် သံဃာတော်ဦးရေ ငါးသိန်းနီးပါးရှိပါတယ်။ မြန်မာ့တပ်မတော်တစ်ခုလုံးရဲ့ အင်အားကြီးနဲ့ အညီအမျှလောက်ပဲ ဖြစ်ပါတယ်။ မြန်မာ့တပ်မတော်က လက်နက်ကိုင်၍ တိုင်းပြည်ရဲ့ ရန်များကို တွန်းလှန် ကာကွယ်ပြီး နိုင်ငံတော်ရဲ့ ငြိမ်းချမ်းရေး တည်ငြိမ်ရေး တည်ဆောက်ရတာကို ကြည့်ပြီး အလွန်တရာ အင်အားကြီးမားတဲ့ ဘုရားသားတော် သံဃာ့အစည်းအရုံးကြီးကလဲ အကြမ်းမဖက်ဘဲ ဆူပူသောင်းကြမ်းခြင်းမှန်သမျှကို မေတ္တာလက်နက် ကိုင်စွဲ၍ ၀ိုင်းဝန်းနှိမ်နင်းတော်မူကြပါ။ နိုင်ငံတော်ရဲ့ ငြိမ်းချမ်းရေးနှင့် တည်ငြိမ်ရေးကိုလဲ အင်လိုက် အားလိုက် ၀ိုင်းဝန်းတည်ထောင် ပေးကြပါလို့ လျှောက်ထား တောင်းပန်လိုပါတယ်။ ငြိမ်းချမ်းရေး တည်ငြိမ်ရေးနှင့် ညီညွတ်ရေးကို တည်ထောင်လိုသော မည်သည့်ဘာသာရေး ခေါင်းဆောင်များနှင့်မဆို လက်တွဲ ဆောင်ရွက်တော်မူကြပါလို့ တိုက်တွန်းလိုပါတယ်။

ဒီကနေ့ ဒီအချိန်ဟာ မြန်မာနိုင်ငံတော်ရဲ့ စာမျက်နှာအသစ်တစ်ခုကို ဖွင့်လှစ်ပြီးတော့ သမိုင်းအသစ်တစ်ခုကို ရေးကြဖို့ နိုင်ငံ့ခေါင်းဆောင်များအားလုံး ပြင်ဆင်နေကြတဲ့ အချိန်ပဲ ဖြစ်ပါတယ်။ အဲဒါကြောင့် ဘာသာရေးခေါင်းဆာင်များ (Religious Leaders) အားလုံး, လူမှုရေးခေါင်းဆောင်များ (Social Leaders)အားလုံးနှင့် စိတ်ဓာတ်ရေးရာခေါင်းဆောင် (Spiritual Leaders) အားလုံးတို့ဟာ စိတ်ထားမှန်၍ ရည်ရွယ်ချက်မှန်မှန်ဖြင့် နိုင်ငံတော်ရဲ့ စာမျက်နှာသစ်ကို ဖွင့်လှစ်ကြမည့် နိုင်ငံ့ခေါင်းဆောင်အားလုံးတို့အား ဖေးမကူညီ စောင့်ရှောက်ပေးကြပါ။

နိဂုံးချုပ်

ဒီကနေ့ ဒီအချိန်မှာ ယခုကဲ့သို့ Peace- (သန္တိ)၊ Harmony-(သမဂ္ဂ)၊ Coexistence-(သဟာယ) ဆိုတဲ့ မွန်မြတ်သော အခြေံမူဝါဒတွေကို မတည်ဆောက်နိုင်ကြဘူးဆိုလျှင် သံသယတွေ ကောလာဟလတွေ ဆူပူသောင်းကြမ်းမှုတွေ အကြမ်းဖက်လုယက်မှုတွေရဲ့ နောက်ကွယ်မှာ မမြင်နိုင်သော စိုးရိမ်ဖွယ်ရာကောင်းသော အခြားကြီးမားသော အနှောက်အယှက် ဆန့်ကျင်ဘက်များ ဖြစ်ပေါ်လာနိုင်ပြီး ကုန်ဆုံးခါနီးဖြစ်သော ဆူးခင်းသောလမ်းကြမ်းကြီးမှ ပန်းခင်းသောလမ်းကြောင်းပေါ်သို့ ဆက် မလျှောက်နိုင်ဘဲ မီးကျီးခဲခင်းသော လမ်းကြောင်းပေါ်သို့ ပြန်လည်ရောက်ရှိသွားမှာကို အလွန် စိုးရိမ်ရပါတယ်။

အဲ့ဒါကြောင့် တိုင်းရင်းသားအားလုံး ဗြဟ္မာစိတ်ဓာတ်ကို မွေးထားကြတဲ့ မြန်မာအားလုံး အဟိံသ၀ါဒ (Non-Violence)ကို လက်ကိုင်ထားကြတဲ့ အခြားအခြားသော ဘာသာဝင်အားလုံးတို့ သည်းခံခြင်း Tolerance၊ ခွင့်လွတ်ခြင်း-ခမာ Forgiveness၊ လူသားတစ်ယောက်၏ မေ့ပျောက်နိုင်ခြင်း Forgetness Harmoniously Coexistence ဆိုတဲ့ လောကပါလတရားများ လက်ကိုင်ထား၍ ဆူပူသောင်းကြမ်းခြင်း အားလုံးတို့ကို ၀ိုင်းဝန်းတားဆီးကြပါ။ ငြိမ်းချမ်းရေးနှင့်ညီညွတ်ရေးကို ၀ိုင်းဝန်းတည်ဆောက်ကြပါလို့ အလေးအနက် တိုက်တွန်းလိုက်ရပါတည်။

အားလုံးကို ကျေးဇူးတင်ပါတယ်။
ဒေါက်တာအရှင်ဥာဏိဿရ (Ph.D, D.Litt.)
အဓိပတိ-သီတဂူဆရာတော်

မှတ်ချက်။ ။ ၃၀-၃-၂၀၁၃ နေ့လည်(၂)နာရီ၊ ရန်ကုန်မြို့၊ ဗဟန်းမြို့နယ် ရွှေလီလမ်း မြန်မာငြိမ်းချမ်းရေးစင်တာ“Myanmar Peace Center”မှာ ကျင်းပခဲ့တဲ့ “မြန်မာနိုင်ငံ တည်ငြိမ်အေးချမ်းရေးနဲ့ သဟဇာတဖြစ်ရေးအတွက် အရပ်ဖက်လူ့အဖွဲ့စည်းများနဲ့ ဘာသာပေါင်းစုံဆွေးနွေးပွဲ” ခေါင်းစဉ်နဲ့ကျင်းပတဲ့ ဆွေးနွေးပွဲအတွက် သီတဂူဆရာတော်ကြီး၏ သ၀ဏ်လွှာမိန့်ခွန်းကို သင်ကြားစီမံ ဒေါက်တာပညာသီဟာလင်္ကာရ သီတဂူကမ္ဘာ့ဗုဒ္ဓတက္ကသိုလ် (ရန်ကုန်) ဖတ်ကြားသည်။) (ဓာတ်ပုံများကိုတော့ the voice weekly နှင့် Yangon Media Group တို့မှ ကူးယူသည်)

အထူးမေတ္တာရပ်ခံ။  ။ဤမိန့်ခွန်းကို လိုရာ ကွက်ကြား ဖြတ်တောက်ခြင်း၊ ပြင်ဆင်ခြင်းများ မပြုလုပ်ကြဘဲ အပြည့်အစုံ ကော်ပီယူပြီး ရှယ်နိုင်ကြပါသည်။

ရွှင်လန်းချမ်းမြေ့ပါစေ
သီတဂူစတား
၃၁-၃-၂၀၁၃

29 March 2013

အောင်ဆန်း တကယ် မသေ သေးဘူး by သီတဂူဆရာတော်

အောင်ဆန်း တကယ် မသေ သေးဘူး
by သီတဂူဆရာတော် 
“အောင်ဆန်း”ကွန်ပျုတာ ဖွင့်လှစ်ပွဲ
မကွေးတိုင်း၊ နက်မောက်မြို့၊ ဗိုလ်ချုပ်မွေးရပ်မြေ၊ ဗိုလ်ချုပ်အောင်ဆန်းကို ဂုဏ်ပြုသောအားဖြင့် ထိုမြို့ရှိ ဗိုလ်ချုပ်အမှတ်တရ အထက (၁) အခြေံပညာ အထက်တန်းကျောင်းတွင်၊ ကွန်ပျူတာကျောင်းဆောင်နှင့် ကွန်ပျူတာများကို ကျပ်သိန်း ၁၆၀၀ (တစ်ထောင့်ခြောက်ရာ)ကျော် အကုန်ကျခံ၍ သီတဂူဆရာတော်ကြီးနှင့် ဘယ်လ်ဂျီယံအလှူရှင် အထွေထွေခွဲစိတ်အထူးကု ဆရာဝန်ကြီး ဒေါက်တာ ဘိုကုတို့က မတည်လှူကြသည်။
(ဂုဏ်ပြုမှတ်တမ်းများ ပေးအပ်စဉ်)

တက်ရောက်လာသော လူကြီးမင်းများ
ဒီကနေ့ ၂၈-၃-၂၀၁၃ နေ့၊ မနက်ကပဲ သီတဂူဆရာတော်ကြီးနှင့် သီတဂူသာသနာပြုအဖွဲ့၊ အလှူရှင် ဒေါက်တာဘိုကု၊ အမျိုးသားဒီမိုကရေစီအဖွဲ့ချုပ် ဗိုလ်ချုပ်အောင်ဆန်းသမီး ဒေါ်အောင်ဆန်းစုကြည်နှင့်အဖွဲ့ ထိုကျောင်းဆောင်သစ်ကို ဖွင့်လှစ်ပေးခဲ့ကြသည်။ ကျောင်းဆောင်သစ် ဖွင့်လှစ်ပွဲသည် ကမ္ဘာကျော်ပုဂ္ဂိုလ်များနှင့် ဒေသခံ မြို့မိ မြို့ဖများ စည်ကားလျှက်ရှိသည်။
(အခမ်းအနား မစမီ သီတဂူဆရာတော် သြ၀ါဒတရားချီးမြင့်)
(မင်္ဂလာအခါတော်အချိန်ကျရောက်ပါပြီ)
(ဒေါ်အောင်ဆန်းစုကြည်နှင့် အလှူရှင် ဖဲကြိုးဖြတ် ဖွင့်လှစ်)

ဆရာတော်ကြီး၏ မှာကြားချက်များ
“ထိုကျောင်းအတွက် တပ်ဆင်လှူဒါန်းထားသော ကွန်ပျူတာများကို ထိုကျောင်းကပဲ အသုံးပြုရန်ဖြစ်သည်၊ မည်သည့်ကျောင်း၊ မည်သည့် အခမ်းအနားအတွက်ကိုမှ ငှါးရမ်း ထုတ်ယူ မသုံးစွဲကြရန်”ကိုလည်း သီတဂူဆရာတော်ကြီးက မှာကြားသည်။
ဗိုလ်ချုပ်အောင်ဆန်းကို ဂုဏ်ပြုသောအားဖြင့် လှူဒါန်းဖွင့်လှစ်ပွဲသို့ တက်ရောက် အားပေးသော ဗိုလ်ချုပ်အောင်ဆန်းသမီး ဒေါ်အောင်ဆန်းစုကြည်အား ကျေးဇူးတင်ကြောင်း မိန့်သည်၊ ကျောင်းသား ကျောင်းသူများနှင့် ကြွရောက်လာကြသော ပရိသတ်အား “အသက်ရှင်သမျှကာလပက်လုံး သင်ယူကြရန်၊ သင်နေသမျှ ကာလပတ်လုံး အသက်ရှင်နေရန်”ကို သီတဂူဆရာတော်ကြီးက မိန့်ကြားခဲ့သည်။ ထိုမိန့်ကြားချက်ကိုပဲ ဒေါ်အောင်ဆန်းစုကြည်က လူထုအား ပြန်လည် ဟောကြားခဲ့သည်။
(ဆရာတော်နှင့် ဒေါ်အောင်ဆန်းစုကြည်၊ အလှူရှင် အမှတ်တရ စုပေါင်းဓာတ်ပုံရိုက်)
(ဆရာတော်နှင့် သီတဂူကျောင်းအမများ အမှတ်တရ စုပေါင်းဓာတ်ပုံရိုက်)
 (ဆရာတော်နှင့် ဆရာ ဆရာမများ အမှတ်တရ စုပေါင်းဓာတ်ပုံရိုက်)

ဗိုလ်ချုပ်မသေသေး
“အောင်ဆန်းကို လုပ်ကြံခံရလို့ သေပြီဆိုတာ တကယ် မဟုတ်ဘူး၊ အောင်ဆန်း ရှင်နေဆဲ၊ အောင်ဆန်း အသက်ရှင်နေတာကို သိချင်ရင် အောင်ဆန်းစုကြည်ကို ကြည့်လိုက်၊ အဲလို အသက်ရှင်နေတဲ့ ပုဂ္ဂိုလ်ကို ဆက်လက် အသက်ရှည်အောင် ဒို့တတွေ ၀ိုင်းလုပ်ကြရမှာ။” ဟု နက်မောက်မြိ့၊ “အောင်ဆန်း”ကွန်ပျူတာကျောင်းဆောင်ဖွင့်ပွဲ အပြီးတွင် သီတဂူဆရာတော်မိန့်သည်။

လွန်ခဲ့သော နှစ်က ထိုမြို့မှာပဲ သီတဂူဆရာတော်ကြီးနှင့် တပည့်များက သီတဂူဒီပင်္ကရာစက္ခုဒါန ဆေးရုံကြီးတစ်ခု ဆောက်လုပ် လှူခဲ့ပြီးဖြစ်သည်။
(အခမ်းအနားအပြီး လူထုအား မိန့်ခွန်းပြောနေသော ဒေါ်အောင်ဆန်းစုကြည်) 
(ဓာတ်ပုံနှင့် သတင်းများကို ဗီဒီယိုနှင့်ကင်မရာမင်း သီတဂူထိန်လင်းဦးထံမှ ရယူသည်) 
ရွှင်လန်းချမ်းမြေ့ပါစေ
သီတဂူစတား
၂၈-၃-၂၀၁၃

26 March 2013

သီတဂူဆရာတော်မွေးနေ့ပွဲ (ဘုံဘေ)

သီတဂူဆရာတော်မွေးနေ့ပွဲ (ဘုံဘေ)

ဒီကနေ့ဟာ တပေါင်းလပြည့်ဖြစ်သည်၊ သီတဂူဆရာတော်ကြီး၏ (၇၆)နှစ်ပြည့် မွေးနေ့ ဖြစ်သည်။ ဒီကနေ့ဆိုရင် ဆရာတော်ကြီး၏ မွေးနေ့ပွဲကို အကြောင်းပြုပြီး စစ်ကိုင်းမှာ သံဃာ အပါး (၁၀၀၀) တစ်ထောင် သံဃာဒါန အလှူပွဲကြီးကျင်းပသည်၊ မနေ့က တပေါင်းလဆန်း (၁၄) မက်လ ၂၅ ရက်နေ့က သီလရှင် ဆရာလေး အပါး (၁၀၀၀) တစ်ထောင် လှူတဲ့ပွဲ ကျင်းပခဲ့သည်။

( Happy Birthday ကိတ်ပြင်ဆင်)

ဘုံဘေက သီတဂူဆရာတော်ကြီး မွေးနေ့
သီတဂူဆရာတော်ကြီး၏ မွေးပွဲအထိမ်းအမှတ်အနေနဲ့ နယ်နယ်ရပ်ရပ်ရှိ တပည့်များက မိမိတို့ နေရာအသီးသီးမှာ မွေးနေ့အလှူများ ပြုလုပ်ကြသည်။ အလားတူ အိန္ဒိယနိုင်ငံ၊ ဘုံဘေ (မွမ်ဘိုင်း)မြို့တွင် Ph.D အတွက် စာတမ်းပြုစုနေကြသော သီတဂူတပည့်များက ဆရာတော်ကြီးကို ပူဇော်သောအားဖြင့် မွေးနေ့အလှူ လုပ်ကြပါသည်။ ပြည်ပရောက် Ph.D ကျောင်းသားများအား တစ်နေ့တာ အလှူ ပြုလုပ်ပါသည်။
(ဒီနေ့ မွေးနေ့အတွက် အလှူရှင်တွေကတော့ ဘုံဘေမြို့ရှိ သီတဂူတပည့်များ)

အကောင်းဆုံးပူဇော်ခြင်း
တကယ်တော့ ဒီလိုအလှူမျိုးက image (အမြင်)အနေနဲ့ ပူဇော်ပွဲလို့ ပြောလို့ရပါတယ်၊ အကောင်းဆုံးပူဇော်နည်းမဟုတ်စေကာမူ ဆရာတော်ကြီး၏ သာသနာနှင့် တိုင်းပြည်အတွက် အလုပ်လုပ်ခြင်းနှင့် သီလဂုဏ် သမာဓိဂုဏ်၊ ပညာဂုဏ်တို့ကို အာရုံပြု၍ ပြုလုပ်သော အလှူသည်ကား ဒါနမင်္ဂလာအပြင် ဂါရ၀မင်္ဂလာ၊ နိဝါတမင်္ဂလာ စတဲ့ မင်္ဂလာတွေ ရရှိပါတယ်။
ဆရာတော်ကြီး၏ သွန်သင်ဆုံးမခဲ့သည်အတိုင်း လိုက်နာ ကျင့်သုံးနေသူတွေအတွက်ကတော့ ဆရာတော်ကြီးကို အကောင်းဆုံး ပူဇော်ခြင်းမည်ပါသည်။ မြတ်စွာဘုရား၏ “ ငါ့ဘုရားရှင်ကို ပန်းနံ့သာ စသော အလှူတွေနဲ့ ပူဇော်တာထက်၊ ငါ့ဘုရားရှင်အဆုံးအမတိုင်း လိုက်နာ ကျင့်သုံးခြင်းက ငါ့ဘုရားကို အကောင်းဆုံး ပူဇော်ရာရောက်၏” ဟူသော မြတ်ဗုဒ္ဓ၏ အဆုံးအမတိုင်း တပည့်ကောင်းဖြစ်ဖို့ ဆရာ့ရဲ့ လမ်းညွှန်မှုကို လက်တွေ့ကျကျ ကျင့်သုံး အလုပ်လုပ်နေခြင်းဖြင့် အကောင်းဆုံး ပူဇော်နိုင်ကြပါစေသတည်းးးး။
(သူငယ်ချင်းတွေ မွေးနေ့အတွက် စီစဉ်ထားစဉ်)

Happy Birthday Sayadaw! May you be happy, healthy and long life!
ဆရာတော်ဘုရား---မွေးနေ့ပေါင်းများစွာ အလှူဒါနများ ပြုလုပ်နိုင်ပါစေ၊ သာသနာနှင့်တိုင်းပြည်၊ ကမ္ဘာသူ ကမ္ဘာသားများ အေးချမ်းသော ဘ၀ကို ပိုင်ဆိုင်နိုင်ကြဖို့ အေးချမ်းတဲ့ ဓမ္မတွေ ဆထက်တိုး၍ ကျန်းမာစွာ ဟောပြော၊ ဝေငှနိုင်ပါစေ။

အိန္ဒိယနိုင်ငံ၊ ဘုံဘေမြို့ရှိ သီတဂူဆရာတော် တပည့်များ
၁။ အရှင်ကောဝိဒသိရီ (သီတဂူစတား)
၂။ အရှင်မေဓာနန္ဒ
၃။ အရှင်သြသဓာလင်္ကာရ
၎။ အရှင်ခေမာစာရာလင်္ကာရ

ရွှင်လန်းချမ်းမြေ့ပါစေ
သီတဂူစတား
၂၆-၃-၂၀၁၃

24 March 2013

ချင်းပြည်နယ်က သီတဂူမျက်လုံးအလှူတော်

သီတဂူစက္ခုဒါနဆေးရုံ (မင်းတပ်မြို့) 
မျက်စိအလှူတော်
(သီတဂူသူနာပြု မျက်စိစမ်းသပ်၊ ဆေးထည့်ပေးနေစဉ်၊)
 

သီတဂူစက္ခုဒါနဆေးရုံ (မင်းတပ်)ကို ချင်းပြည်နယ်၊ မင်းတပ်မြို့တွင် ၂၇-၁၂-၂၀၁၁ နေ့က သီတဂူဆရာတော်ကြီးနှင့် သီတဂူတပည့် ဒကာ ဒကာမများက ဖွင့်လှစ်ပေးခဲ့သည်။ ထိုဆေးရုံတွင် နှစ်စဉ်နှစ်တိုင်း ထိုဒေသရှိ ရပ်ဝေး ရပ်နီးမှ မျက်စိအလင်းလိုသူများနှင့် မျက်စိ ဝေဒနာရှင်များကို မြန်မာနိုင်ငံ (အထက်၊အောက်) ရှိ မျက်စိပါရဂူဆရာဝန်ကြီးများနှင့် ပြည်ပမှ မျက်စိပါရဂူဆရာဝန်ကြီးများက လာရောက် မျက်စအလင်းများ ပေးသည်၊ မျက်စိဝေဒနာများ ကုသပေးသည်။

ယခုနှစ်အစီအစဉ်
သီတဂူမျက်စိအထူးကုအဖွဲ့သည် ၁၆-၃-၂၀၁၃မှ ၁၉-၃-၂၀၁၃ ရက်အထိ မျက်စိလူနာပေါင်း ၂၇၁၀ကို စမ်းသပ်စစ်ဆေးပြီး (၆၂၈)ယောက်ကုို ခွဲစိတ်ပြီး မျက်စိအလင်းများ အလှူဒါနပြုခဲ့သည်။ ထုိုအဖွဲ့ကုို သီတဂူဆရာတော်ကြီး ဦးဆောင်ကာ မျက်စိဆရာဝန်ကြီး ဒေါက်တာ သိန်းမြင့်၊ ပရော်ဖက်ဆာဦးမြအောင်၊ ပရော်ဖက်ဆာ ဒေါက်တာဒေါ်မြင့်ခုိုင်နှင့် သီတဂူအာယုဒါနဆေးရုံ (စစ်ကိုင်း)မှ ဒေါက်တာမိမိခင်နှင့် ကျွမ်းကျင်သူနာပြုဝန်ထမ်း(၁၃)ယောက်တုို့က မျက်စိစမ်းသပ်ခြင်း၊ ဆေးပေးခြင်း စတဲ့ ကြိုတင်စမ်းသပ်မှုများ ပြုလုပ်ပေးဖြင့် လုပ်အားဒါနပြုကြသည်။
(မျက်စိခွဲစိပ်ရန် စောင့်နေသော ချင်းအမျိုးသား)

(သတင်းနှင့်ဓာတ်ပုံများကို ဗီဒီယိုကင်မရာ သီတဂူထိန်လင်းဦး ဖေ့ဘုတ်မှရရှိသည်။)

(Sitagu International Buddhist Academy ဖေ့ဘုတ်မှ တဆင့်ဝေငှသည်။)
ရွှင်လန်းချမ်းမြေ့ပါစေ
သီတဂူစတား
၂၃-၃-၂၀၁၃

21 March 2013

အိမ်ရှင်ဘာသာဝင်တွေနဲ့ တည့်အောင်နေဖို့လို By သီတဂူဆရာတော်

အိမ်ရှင်ဘာသာဝင်တွေနဲ့ တည့်အောင်နေဖို့လို
By သီတဂူဆရာတော်

ယနေ့ နိုင်ငံရဲ့ အစိတ်ပိုင်းတစ်နေရာမှာ အသေးအမွှားကိစ္စလေးကနေ ဘာသာရေး မငြိမ်မသက်မှုတွေ အထိ ရောထွေး ဖြစ်ခဲ့တယ်၊ ထိုအဖြစ်က ရပ်တန့်ဖို့နှင့် ထိုမငြိမ်မသက်မှုကြောင့် ထိခိုက်နစ်နာသူတွေ၊ အကြမ်းပထမ်းတွေ မဖြစ်ရလေအောင် သီတဂူဆရာတော်ကြီးက ဘာသာဝင်အားလုံးတို့အား သတိပေး ဆုံးမထားသည်၊ ဘာသာဝင်အားလုံး သိသင့်သည်၊ လိုက်နာသင့်သည်။ ဒီဗွီဘီက အသံဖိုင် သီတဂူစတား စာအဖြစ် ဖန်တီး၍ မျှဝေလိုက်ပါသည်။
(၂၀၁၁နှစ်က သီတဂူကမ္ဘာ့တက္ကသိုလ်ဖွင့်ပွဲဓာတ်ပုံ)
ဧည့်သည်ဘာသာဝင်တွေ
ကိုယ်၊ နှုတ်၊ စိတ် သုံးပါး မငြိမ်းချမ်းသမျှကာလပတ်လုံး၊ နိုင်ငံတော်ရဲ့ ငြိမ်းချမ်းရေး ဘယ်တော့မှ မရနိုင်ဘူး။ ဒီမြန်မာ့မြေပေါ်မှာ နေကြတဲ့ အစ္စလာမ်ဘာသာဝင်တွေ၊ ခရစ်ယာန်ဘာသာဝင်တွေ၊ ဟိန္ဒူဘာသာဝင်တွေရှိတယ်။ မြန်မာ့မြေပေါ်မှာ ဗုဒ္ဓဘာသာ ရောက်တာ နှစ်ပေါင်း ၂၀၀၀ (နှစ်ထောင်) ရှိပြီ။ အဲဒီဘာသာတွေ ရောက်လာတာ နှစ် ထောင်ဂဏန်းမရှိသေးဘူး၊ ရာဂဏန်းပိုင်းပဲ ရှိသေးတယ်၊ ဧည့်သည် အဖြစ်နဲ့ ရောက်လာကြတဲ့ ဘာသာဝင်တွေဟာ အိမ်သည်နဲ့ ယဉ်ယဉ်ကျေးကျေး ချစ်ချစ်ခင်ခင် တည့်အောင်နေဖို့ကောင်းတယ်။
 (နာဂစ်တုန်းက လာရောက်လှူဒါန်းကြသော ခရစ်ယာန်ဘာသာဝင်များ) 
(ဘန်ကောက် ခရစ်ယာန်တက္ကသိုလ်က ပါမောက္ခများနှင့်အတူ) 

ဘာသာတိုင်း သစ္စာတရားနဲ့ ငြိမ်းချမ်းရေးအတွက်ဖြစ်
ပြီးတော့ တခါ “ဒီဘာသာတရားတွေကို တည်ထောင်ခဲ့တယ်၊ God တို့၊ အမ်လာတို့၊ ရဟူးတို့၊ ဗြာဟ္မာတို့၊ ဗိရှနှိုးတို့၊ ရှီဝတို့၊ ဒို့ဘက်ကပြောရင် ဗုဒ္ဓတို့ သူတို့တတွေဟာ သစ္စာတရားနဲ့ ငြိမ်းချမ်းရေးအတွက် ပေါ်လာတာပဲ”လို့ အကုန်လုံး တကမ္ဘာလုံးက ပညာရှိတိုင်းက ယုံကြည်လက်ခံထားကြတယ်။ အဲဒါကို ယုံကြည်လက်ခံထားသည့်အားလျှော်စွာ ဒီဘာသာတရားတွေကို ကိုးကွယ်ကြတဲ့ ဒီလိုတွေဟာ သစ္စာတရားနဲ့ ငြိမ်းချမ်းရေးကို အကုန်လုံး ၀ိုင်းဝန်း တည်ဆောက်တဲ့ ပုဂ္ဂိုလ်တွေပဲ ဖြစ်သင့်တယ်။ သစ္စာတရားကို ဖောက်ဖျက်ပြီးတော့ အမှန်တရားကို ဖယ်ရှား၊ မတရားတွေ၊ အဓမ္မ၀ါဒတွေ အဓမ္မကျင့်သုံးမှုတွေကို ကျင့်သုံးပြီးတော့ ငြိမ်းချမ်းရေးကို နှောက်ယှက်ကြမည်ဆိုရင်တော့ ဘယ်ဘာသာဝင်ကိုမဆို ဘယ်ဘုရားကမှ ကြိုက်မှာ မဟုတ်ဘူး။

မြန်မာ့မြေက ဘာသာဝင်တွေ အိမ်ရှင်ဘာသာနဲ့ ချစ်ချစ်ခင်ခင် နေဖို့လို
အဲဒါကြောင့် “နှစ်ပေါင်း ရာဂဏန်းလောက်သာ ရှိသေးတဲ့၊ မြန်မာမြေပေါ်ကို ရောက်လာကြတဲ့ အစ္စလာမ်ဘာသာဝင်တွေဟာ ငြိမ်းငြိမ်းချမ်းချမ်း ပြေပြေပြစ်ပြစ်၊ ချစ်ချစ် ခင်ခင် ဗုဒ္ဓဘာသာတွေနဲ့ နေဖို့ ကောင်းတယ်။” ဗုဒ္ဓဘာသာတွေက ဒီနိုင်ငံမှာ နှစ်ပေါင်း နှစ်ထောင်ကျော်ပြီ၊ သူတို့တတွေက ရာလောက်ပဲ ရှိသေးတယ်၊ အဲဒါကြောင့် အိမ်သည်တွေနဲ့ ဧည့်သည်တွေဟာ ချစ်ချစ်ခင်ခင်၊ ညီညီညွတ်ညွတ် ရှိဖို့ကောင်းတယ်။

မြန်မာ့ရာဇ၀င်က မွတ်စလင်

ဒို့နိုင်ငံတော်မှာ မင်းအဆက်ဆက်၊ ပုဂံခေတ်ကပဲ စကြည့်၊ ရခိုင်ရာဇ၀င်တွေမှာပဲ ဖတ်ကြည့်၊ ဗဒူမင်းညိုတို့ ဘာတို့ဆိုတဲ့ စာဆိုတော်တွေဟာ ရခိုင်ရာဇ၀င်မှာ ရှိတယ်။ ဗဒူမင်းညိုဆိုတာ အဗ္ဗဒူမင်းညိုပဲကွ၊ အဲဒီတော့ ဗမာ့နန်းတွင်းမှာ စနစ်တကျပဲ၊ အမရပူရမှာ ကြည့်လိုက်ရင် အမရပူရမြို့တော်ဝန်ဟာ မွတ်စလင်ဘာသာဝင်တွေ ဖြစ်ဖူးတယ်၊ အဲဒါ မြန်မာ့မင်းတွေက ဒီလို နေရာတွေမှာ သေသေချာချာ သပ်သပ်ရပ်ရပ် ကောင်းကောင်းမွန်မွန် ချစ်ချစ်ခင်ခင် ပေးထားပါတယ်ကွ။

ငြိမ်းချမ်းစွာ လက်တွဲလို
အဲဒါကြောင့် အိမ်ရှင်နဲ့ ဧည့်သည်ဟာ၊ အိမ်ရှင်ကလဲ အိမရှင်ဝတ်နဲ့ ကျေကျေပွန်ပွန် ဧည့်သည်တွေကို ချစ်ချစ်ခင်ခင် ရင်းရင်းနှီးနှီး ပြောဆို ဆက်ဆံ လက်ခံ၊ ဧည့်သည်တွေကလဲ အိမ်ရှင်ရဲ့ အိမ်ပေါ်မှာ အိမ်ရှင်ကို ဒုက္ခမပေးနဲ့၊ အိမ်ရှင်ကို ပြစ်မှား ဆော်ကားခြင်း၊ အိမ်ရှင်ကို ရိုက်ပြီးတော့ လုဖို့ မကြိုးစားကြဖို့ အဲဒါ အလေးအနက် တိုက်တွန်းချင်ပါတယ်။

အားလုံး မေတ္တာ ကရုဏာ၊ ဘုရားသခင်တို့ရဲ့ မေတ္တာ ကရုဏာ၊ ပညာ အရိပ်အောက်မှာ အားလုံး ကရုဏာနဲ့တူသော လရောင်ခြည်အောက်မှာ၊ ပညာနဲ့တူတဲ့ နေရောင်ခြည်အောက်မှာ အားလုံး အမြင်ရှင်းလင်းပြီး အေးအေးချမ်းချမ်း နေထိုင်ကြစေချင်ပါတယ်။


မတ်လ၊ ၂၁ရက်၊ ၂၀၁၃ နေ့ ဒီဗွီဘီမှာ ပြောသော သီတဂူဆရာတော်ကြီး၏ ငြိမ်းချမ်းရေးဓမ္မ အသံဖိုင်မှ ကူးယူ ဖော်ပြပါသည်။

ရွှင်လန်းချမ်းမြေ့ပါစေ
သီတဂူစတား
၂၁-၃-၂၀၁၃

ဤဘလော့ဂ် ရေးသားသူသည်

ဤဘလော့ဂ် ရေးသားသူသည်
စာရေးသူ သီတဂူစတား၏ဘ၀ကို အမရပူရမြို့ မဟာဂန္ဓာရုံကျောင်းတိုက်မှ အခြေခံကျကျ စနစ်တကျ တည်ဆောက်ပေးခဲ့သည်၊ ထို့နောက် သီတဂူကမ္ဘာ့ဗုဒ္ဓတက္ကသိုလ်မှ ထိုရရှိလာသော ဘ၀ကို အသုံးချ ဘ၀ရောက်အောင် ဖန်တီးပေးခဲ့သည်၊ ထို့ကြောင့် ဤဘလော့ဂ်သည် ဘ၀နှစ်ခုကို ပေါင်းစပ်ထားခြင်းဖြစ်သလို သီတဂူစတား၏ ဘ၀နှစ်ခုကို ထင်ဟပ်စေပါသည်။

သီတဂူစတား သို့ဆက်သွယ်ရန်---

အရှင်ကောဝိဒသိရီ (သီတဂူစတား) Kovida
Sitagu International Buddhist Academy (YGN)
Dagon (North), Yangon, Myanmar
Phone: 09-7956-30013/09-250 790 483

အီမေးလ်= sitagustar.0073@gmail.com ၊ sitagustar2010@gmail.com

2009 ခုနှစ် အတွက် အကယ်ဒမီဆု

rel.gif အကောင်းဆုံး သာသနာတော်အကျိုးပြု စာပေဘလော့ဂ်ဆု အတွက် သီတဂူစတားကျေးဇူးစကား အနည်းငယ်မျှ ပြောပါရစေ။ နှမ်းတစ်လုံးတည်းနှင့် ဆီမဖြစ်သလို သီတဂူစတား တစ်ယောက်တည်းနှင့် ဘလော့ဂ်ဆုရဘို့ဆိုတာ မဖြစ်နိုင်ပါဘူး။ စည်းလုံးမှုရဲ့ အင်းအားတစ်ခုတည်းနှင့် ရရှိလာခြင်းဖြစ်ပါသည်။ သီတဂူစတားကို အားပေးကြတဲ့ စာဖတ်ပရိသတ်၊ သီတဂူစတားအား ဘလော့ဂ်ပညာတွေ နဲနဲချင်း သင်ပေးနေတဲ့ ညခင်းရဲ့လမင်း သီတဂူစတားရဲ့ ဒိုမိန်းခေါင်းစဉ် photo ပညာဖြင့် ပူဇော်ပေးသော မေမေ့လပြည့်ဝန်းလေး နှင့် ဆုများချီးမြင့်သော မြန်မာဘလော့ဂ်ပရပ်စ် နှင့် မြန်မာပြည်က စာဖတ်ပရိသတ် ၀င်ကြည့်နိုင်ရန် net လှူပေးသော အမေရိကမှ ဦးကိုကိုနှင့် ကိုခွန်သီရိ တို့ရဲ့ စေတာနာတွေကြောင့်ပဲ ဖြစ်ပါတယ်။ ဒီအတွက် အားလုံးကို အထူးကျေးဇူးတင်ပါတယ်။

သီတဂူ ကမ္ဘာ့ဗုဒ္ဓတက္ကသိုလ် ဆက်သွယ်ရန်--

သီတဂူကမ္ဘာ့ဗုဒ္ဓတက္ကသိုလ် (ရန်ကုန်)
အမှတ်-၁၀၊ ပါရမီလမ်းနှင့် ပင်လုံလမ်းဒါင့်၊ ဘေလီတံတားထိပ်၊ ဒဂြုံမို့သစ်မြောက်ပိုင်း၊
ဖုန်း-၀၁-၅၈၁ ၉၉၉/ ၅၈၁ ၈၈၈/ ၅၈၁ ၇၇၇
အီးမေးလ်=thesitagu@gmail.com

သီတဂူကမ္ဘာ့ဗုဒ္ဓတက္ကသိုလ် (စစ်ကိုင်း)
စစ်ကိုင်းတောင်၊ စစ်ကိုင်းမြို့
ဖုန်း-၀၇၂-၂၂၂၆၀။ ၂၁၆၁၁
အီးမေးလ်=thesitagu@gmail.com

ဘ၀ရဲ့အနိမ့်အမြင့်

ဘ၀ရဲ့အနိမ့်အမြင့်
ကိုယ့်ဘ၀ရဲ့ အနိမ့် အမြင့်၊ ကိုယ့်ဘ၀ရဲ့ကျရှုံးမှုနှင့် အောင်မြင်မှုတွေကို ကိုယ့်ရဲ့ အလုပ် ကိုယ့်ရဲ့ အပြော ကိုယ့်ရဲ့ အတွေးကပဲ ဆုံးဖြတ်ပေးသွားတာပါ။

မမေ့သင့်ရာ


“လူတွေက သေခြင်းတရားကို မေ့နေတတ်ကြပါတယ်၊ သေရမှာကို မေ့နေတတ်ကြလို့ပဲ အတ္တတွေ မာနတွေ ဖုံးလွှမ်းပြီး တကိုယ်ကောင်းဆန် စိတ်တွေ မွေးဖွားတတ်ကြပါတယ်၊ ထိုအခါ လူ့ပတ်ဝန်ကျင်နဲ့ အဆင်မပြေမှုတွေ ဖြစ်တတ်ပါတယ်။ ဒါ့ကြောင့် သေခြင်းတရားကို အမှတ်ရစေခြင်းသည်လည်း လူ့ပတ်ဝန်ကျင်အတွက် အကောင်းတကာထဲက အကောင်းတစ်ခု ဖြစ်တယ်ဆိုတာပါပဲ။”
သီတဂူစတား
၂၈-၅-၂၀၁၂

သတင်စကား

သတင်စကား
သီတဂူစတားသည် သီတဂူဆရာတော်ကြီး၏ စီမံမှုဖြင့် သီတဂူကမ္ဘာ့ဗုဒ္ဓတက္ကသိုလ်၊ ရန်ကုန်တွင် ကထိက၊ စီမံအုပ်ချုပ်ရေးမှူးတာဝန်များကို ထမ်းဆောင်လျှက်ရှိသည်။

ကိုယ်ရေးတဲ့ ကိုယ်ရေးရာဇ၀င်

ကိုယ်ရေးတဲ့ ကိုယ်ရေးရာဇ၀င်
သီတဂူစတားသည် စာရေးဆရာမဟုတ်ပါ သို့သော်လည်း စာရေးချင်ပါသည်၊ သီတဂူစတားဆိုက်ကိုလည်း ကိုယ်ပိုင်မှတ်စုသဘောအနေနဲ့ မှတ်တမ်းတင်ခြင်းမျှသာဖြစ်သည်။ ကြီးကျယ်တဲ့ဆိုက် မဟုတ်၍ ကြီးကျယ်သော စာများကား မဟုတ်။ သို့သော်လည်း တိုလီတိုထွာ ဗြုတ်စဗြင်နောင်လေးတွေ မှတ်စုအဖြစ် ရေးပြီး တင်နေသူပါ။ ဒါလေးတွေက ကျွန်ုပ်ရဲ့ မပြောပါးလောက်တဲ့ ရှိစုမဲ့စုလေးတွေ အကုန်သုံး ထုတ်ပြထားတဲ့ အမည်လေးတွေပေါ့။ သီတဂူစတား (စာရေးသူ) အသက် ၁၄ နှစ်လောက်ကထဲက အမရပူရဲမြို့ မဟာဂန္ဓာရုံကျောင်းတိုက် ဘ၀ကိုမြုတ်နှံခဲ့ပါတယ်။ ထိုစာသင်တိုက်မှာဘဲ ရဟန်းတော်များရသင့်ရထိုက်တဲ့ အနည်းငယ်သော ဘွဲ့တွေလဲရခဲ့ပါတယ်၊ သာသနဓဇဓမ္မာစရိယ (၁၉၉၉)၊ မဟာဂန္ဓာရာမိကဓမ္မာစရိယ (၁၉၉၆)၊ ၀ိနယနိကာယ၀ိဒူ (၁၉၉၄)၊ အင်္ဂုတ္တရနိကာယ၀ိဒူ (၁၉၉၈)ဘွဲ့များမဖြစ်စလောက် ရခဲ့တယ်၊ ဒုတိယပိုင်းဘ၀တစ်စိတ်ကိုတော့ ၂၀၀၀ ခုနှစ်ကစပြီး သီတဂူကမ္ဘာ့ဗုဒ္ဓတက္ကသိုလ်မှာ ရင်းနှီးမြုပ်နှံခဲ့ပါတယ်။ ထို တက္ကသိုလ်ကြီးမှပင်၂၀၀၁ ခုနှစ်ှ English Diploma (2003)၊ Japanese Level 4 & 3 (2004/5)၊ နှင့် ၂၀၀၇ ခု B.A (Buddhism) ဘွဲ့ရခဲ့တယ်။ ၂၀၁၀ ခုနှစ် အိန္ဒိယနိုင်ငံ ပူနေးမြို့၊ ပူနေးတက္ကသိုလ်မှာ (Philosophy)ဒဿနိကဗေဒနှင့် M.A ရရှိပြီး ယခုအခါ သီတဂူဆရာတော်ကြီး၏ အထောက်အပံ့ဖြင်ပင် စောမယကောလိပ် ဘုံဘေမြို့၊ အိန္ဒိယနိုင်ငံမှာ Ph.D အတွက် စာတမ်းရေးပြီး ကျမ်းတင်ပြီးဖြစ်ပါသည်။ ရန်ကုန်မြို့ သီတဂူကမ္ဘာ့ဗုဒ္ဓတက္ကသိုလ် တွင် ကထိကတာဝန် ယူလျှက်ရှိသည်။

ဖိတ်ခေါ်ပါသည်

ဖိတ်ခေါ်ပါသည်
ဆောင်းပါးနှင့်ဓာတ်ပုံများ The word is an invaluable like a jewel if it gives the knowledge or is able to make a person's situation change ( that is from a lower state to a higher state) with a word. In this day, there are a large number of persons who are searching for and giving it so that you are also one of them. Are you who searching for it or giving it? If you all my dhamma friends have a wish to give the profits to the people like knowledge, send it with or without photos as well as amazing photos to this very mail(sitagustar.0073@gmail.com). ကိုယ့်ရဲ့စကားတစ်ခွန်းဟာ လူတစ်ယောက်အတွက် အပြောင်းလွဲလေးတစ်ခု (အပြောင်းအလဲဆိုသည်မှာ ကောင်းသော ပြောင်းလဲခြင်း) ပေးနိုင်မယ်ဆိုရင် အဲဒီစကားဟာ အဖိုးမဖြက်နိုင်တဲ့ ရတနာပါ။ ယနေ့ ခေတ်မီးတိုးတက်နေတဲ့နိုင်ငံတိုင်းမှာ လူငယ်ရော လူကြီးပါ အွန်လိုင်းကနေဘဲ ရတနာတွေရှာနေကြပါတယ် ရတနာတွေ ပေးနေကြပါတယ်၊ မျှဝေဘို့လည်းမျော်နေကြပါတယ်။ ထူးစမ်ထွေလာဓာတ်ပုံများ၊ သတင်းထူးများ၊ အကျိုးပြုဆောင်းပါးများ ပေးပို့ နိုင်ပါပြီ။

လာရောက် လေ့လာ ဓမ္မမိတ်ဆွေများ

Popular Posts

Vistors (1-1-2012)

 
Lasantha - Premium Blogger Themes | Best WordPress Themes