သီတဂူအလှူ (အိန္ဒိယ၊ ဘင်္ဂလားဒေးရှ်)

 

(ဓာတ်ပုံ=သီတဂူစတား (ဒီဇင်ဘာ၊၂၀၁၁ က ရိုက်ခဲ့)

 

(က) ဗုဒ္ဓဂယာအလှူ
ဒီဇင်ဘာ ၂ ရက်နေ့ကနေ ၁၂ ရက်နေ့ အထိ (၁၀) ရက်တိုင်တိုင် နိုင်ငံတကာ တိပိဋက ရွတ်ဘာသ် ပူဇော်ပွဲကို ဗုဒ္ဓဘာသာနိုင်ငံများက အလှည့်ကျ ဦးဆောင်၍ အိန္ဒိယနိုင်ငံ ဗုဒ္ဓဂယာ မဟာဗောဓိပင်အောက်တွင် နှစ်စဉ် ကျင်းပလေ့ရှိသည်။ ယခုနှစ် ၂၀၁၂ ပွဲကို မြန်မာနိုင်ငံက ဦးဆောင်ကျင်းပမည်ဖြစ်သည်။ ထိုပူဇော်ပွဲကို သီတဂူဆရာတော် ဦးဆောင်၍ တိပိဋကဆရာတော်များနှင့် ၆၆ ယောက်ပါ တပည့် ဒကာ-ဒကာမများ ထိုမြေမြတ်မဟာသို့ သွားရောက် ပူဇော်ကြမည် ဖြစ်သည်။ ထိုပွဲအတွက် သီတဂူသာသနာပြုအဖွဲ့က အမေရိကန် ဒေါ်လာ (၁) တစ်သိန်း လှူဒါန်းမည် ဖြစ်သည်။

(နှစ်စဉ် အိန္ဒိယတက္ကသိုလ် အသီးအသီးတွင် ပညာသင်ကြားနေကြသော မြန်မာရဟန်းတော် ၆၀၀ ခန့်ကို ပညာသင်စရိတ် ထောက်ပံ့သည့် အစီအစဉ်လဲ ပါရှိကြောင်း၊ သို့သော် သတင်းကား အတိအကျ မရသေး)

ထိုပူဇော်ပွဲနှင့်ပတ်သက်ပြီး “မဟာဗောဓိအသံ” အမည်ရှိ ပို့စ်တစ်ခုဖြင့် စာရေးသူ၏ဆိုက်တွင် နှိုးဆော်ခဲ့ဖူးသည်။

(မှတ်ချက်) သီတဂူစတား သည် ထိုနေ့ထိုရက်များတွင် ဗုဒ္ဓဂယာတွင် ရှိနေပါမည်)

( အိန္ဒိယရောက် မြန်မာ ရဟန်းတော်များ နိုင်ငံတကာ တိပိဋက ပူဇော်ပွဲတွင် ပါဝင်)

(ခ) ဘင်္ဂလားဒေ့ရှ် အလှူ
များမကြာမီက ဘင်္ဂလားဒေ့ရ်ှနိုင်ငံရှိ သမိုင်းဝင် ရှေးဟောင်း ဗုဒ္ဓဘာသာ ဘုရားကျောင်းဆောင်၊ ဘုန်းကြီးကျောင်းဆောင် အများပြားကို မီးရှို့ဖျက်ဆီးခံရသဖြင့် ဗုဒ္ဓဘာသာ လူအနဲစုသာ နေသော ထိုနိုင်ငံတွင် ပြန်လည်ထူထောင်နိုင်ဖို့ အလွန်ခက်ခဲသည်။ ထိုဗုဒ္ဓဘာသာ ကျောင်းဆောင်များ ပြန်လည်ထူထောင်ရေးအတွက် သီတဂူသာသနာပြုအဖွဲ့က အမေရိကန် ဒေါ်လာ တစ်သိန်းကို လှူဒါန်းမည် ဖြစ်သည်။

ရွှင်လန်းချမ်းမြေ့ပါစေ
သီတဂူစတား
၂၆-၁၀-၂၀၁၂

Read more »

Ph.D သိမ်

Ph.D သိမ် (သို့) ခရီးသွားမှတ်တမ်း

စာမိတ်ဆက်
ရှေးကတော့ ရဟန္တာများ သမုတ်တဲ့ သိမ်ကို ရဟန္တာသိမ်ဟု ခေါ်သည်၊ ရဟန္တာ အရှင်မြတ် အရှင်အရဟံ သမုတ်တဲ့ သိမ်ကို အရှင်အရဟံ သိမ်ဟု ခေါ်သည်၊ ဘုရားရှင်၏ အရဟံဂုဏ်တော်ကို ဂုဏ်ပြု၍ အရဟံသိမ်ဟုလဲ အမည်ပေးကြသည်။ စာရေးသူနေခဲ့တဲ့ မဟာဂန္ဓာရုံကျောင်းတိုက်မှာတော့ ပွဲကုန်းရပ်က ဆောက်လုပ်လှူဒါန်းလို့ ပွဲကုန်းသိမ်ဟု အမည်တွင်သလို မိုးကုတ်မြို့က လှူဒါန်းသော သိမ်ကိုတော့ မိုးကုတ်သိမ်ဟု ခေါ်ခဲ့ကြသည်။ ယနေ့တော့ Ph.D ကျောင်းသား ရဟန်းတော်များ သမုတ်ခဲ့လို့ Ph.D သိမ်လို့တောင် အမည်ပေးရတော့မလို ဖြစ်သည်။

ဘုံဘေမြို့ စောမယကောလိပ်ရှိ၊ စာရေးသူတို့အဖွဲ့သည် ၂၆-၁၀-၂၀၁၂ သောကြာနေ့ည သိမ်နုတ် သိမ်သမုတ်ခြင်း၊ ရဟန်းခံပေးခြင်း စတဲ့ သံဃာ့ကံကိစ္စနဲ့ နာဂပူမြို့သို့ ဒုတိယအကြိမ်ရောက်ခဲ့ပြန်သည်။ စာရေးသူကိုယ်တိုင်ကလဲ ထိုနာဂပူမြို့သို့ရောက်ခဲ့ပြီး ၁၂ ရက်တိုင်တိုင် နေခဲ့ပြီးသည်၊ “ကမ္ဘာ့အကြီးကျယ်ဆုံး ဘာသာရေးပြောင်းပွဲကြီး” ဆိုတဲ့ပို့စ်ဖြင့် ထိုဒေသအကြောင်း ရေးခဲ့ပြီးသည်။ စာရေးသူမှာလဲ supervisor နဲ့ စာရေးလိုက် စာပြလိုက် စာပြင်လိုက် အလုပ်များနေတဲ့ကြားက ထိုဒေသသို့ ရောက်ဖူးပေမဲ့ သံဃာ့ကံကိစ္စကြောင့် မဖြစ်မနေ လိုက်သွားခဲ့ရသည်။ အကျိုးများစွာလည်းရှိပါသည်။

 

(ထီးတော်တင်လှူပွဲ) 

(ထီးတော်တင်လှူရန် ထီးတော်အဆင့်ဆင့်များ ပင့်ဆောင်ခြင်း)

သာသနာအတွက် အရေးပါသည့်သိမ်
သိမ်ဆိုတာကတော့ သိတဲ့အတိုင်းပဲ သံဃာ့အရေးမှာ အရေးပါဆုံးဖြစ်သည်။ သူမရှိရင် မဖြစ် ဖြစ်နေသည်။ ထိုသိမ်ကပဲ ရဟန်းအဖြစ်ကို မွေးထုတ်ပေးနိုင်သည်၊ ထိုသိမ်မရှိက ရဟန်းဖြစ်ဖို့မလွယ်၊ ဒေါက်တာအမ်ဘေဒကာကြောင့် ဗုဒ္ဓဘာသာ အသက်ပြန်လည်ရှင်သန်လာသော နာဂပူမြို့မှာ သိမ်မရှိတဲ့အတွက် ရဟန်းတစ်ပါးဖြစ်ဖို့ရာ အလွန်ခက်ခဲနေသည်၊ လူဆိုတာ ခက်ခဲရင် ဘာမှ မလုပ်ချင်ကြ၊ အလွယ်တကူဖြစ်မှသာ လုပ်ချင်ကြသည်၊ အလွယ်ကို သိပ်ကြိုက်ကြသည်။ အထူးသဖြင့် ဘာသာရေးလို ကိစ္စမျိုးတွေမှာဆို ပိုလို့တောင် ဆိုးသေးသည်။ ဘုန်းကြီးကျောင်းကိုတောင် အနီးအနားမှာ အလွယ်တကူရှိမှ သွားချင်ကြသည်၊ ခက်ခဲရင် မရောက်ဖြစ်တော့၊ ဝေးနေရင် နှစ်ခေါက် သုံးခေါက်ရောက်ရမည့်အစား တစ်ခေါက်ပဲ ရောက်ဖြစ်တော့သည်။ အလားတူပဲ သိမ်အခက်ခဲကြောင့် သိမ်ရှိတဲ့ အလွန်ဝေးလံလှတဲ့ နေရာမှာ သွားပြီး ရဟန်းပြုဖို့ဆိုတာ သာမန် စိတ်ဓာတ်၊ သဒ္ဓါတရား ၀ိရိယတို့ဖြင့် မလွယ်ကူ။ ထိုဒေသမှာ သိမ်အလွယ်တကူ ရှိနေရင် အရင် တစ်ပါးကနေ နှစ်ပါး သုံးပါး အထိ တိုးလာနိုင်သည်။ ယနေ့ စာရေးသူတို့အဖွဲ့က သွားရောက်ပြီး သိမ်ကိစ္စကို စနစ်တကျ ဆောင်ရွက်ပေးလိုက်ခြင်းကြောင့် သာသနာအတွက် များစွာအထောက်ကူပြုသည်ဟု ဆိုနိုင်သည်။ ယခင်က ရဟန်းတစ်ပါး ဖြစ်ချင်ရင် ရထားဖြင့် တစ်ညအိပ် ခရီးသွားရတဲ့ ဗုဒ္ဓဂယာဘက်ထိ သွားပြီး ရဟန်းပြုကြရသည်။ အခုဆိုရင် အဲဒီအခက်အခဲကို စာရေးသူတို့အဖွဲ့က ဖြေရှင်းပေးလိုက်သည်။

ဘာမှ မသိရှာ သနားစရာ
တကယ်တော့ ထိုဒေသရှိ ဗုဒ္ဓဘာသာဝင်များသည် ရဟန်းတစ်ပါး ဖူးမြင်ရဖို့ အလွန်ခက်ခဲသလို ဗုဒ္ဓဘာသာနဲ့ပတ်သက်ပြီး ဘာမှ မသိရှာ၊ သိမ်အကြောင်း၊ ရဟန်းခံခြင်း၊ ကထိန်ခင်းခြင်း စတဲ့ ကံကြီးကံငယ်အကြောင်း သိဖို့ အတော်ကို ဝေးနေသည်။ ထိုဒေသမှာ လူဝတ်ကြောင် မပြောနဲ့ အိန္ဒိယဘုန်းကြီးတွေတောင် ယခုကဲ့ သိမ်နုတ်ခြင်း၊ သိမ်သမုတ်ခြင်းကို မြင်ဖူးမည် မထင်။ စာရေးသူတို့အဖွဲ့က သိမ်နုတ်ရန် အကွက်ရိုက်ခြင်း၊ သိမ်နုတ်ကမ္မ၀ါဆောင်ခြင်၊ သိမ်းနိမိတ်ကြားခြင်း၊ သိမ်သမုတ်ကမ္မ၀ါဆောင်ခြင်းကိစ္စများကို မြန်မာပြည်က လုပ်ရိုးလုပ်နည်းအတိုင်း စနစ်တကျ ဆောင်ရွက်ပေးလိုက်သဖြင့် သူတို့တတွေ အံ့သြ ၀မ်းသာ ပီတိ ဖြစ်နေကြသည်။ မြန်မာပြည်က အတိုင်းပဲ သိမ်ဆင်းပွဲတွေ ကျင်းပပေးလိုက်သည်၊ နောက်နေ့ အိန္ဒိယကျောင်းသားတစ်ယောက်အား ထိုသိမ်အသစ်မှာပဲ ပထမဆုံးအကြိမ် ရဟန်းခံပေးလိုက်သည်။ တစ်ချိန်တည်း တစ်နေရာတည်းမှာပဲ သိမ်နုတ်၊ သိမ်သမုတ်၊ ရဟန်းခံခြင်း ကံဆောင်မင်္ဂလာကို ချပြပေးလိုက်ခြင်းဖြင့် ဗုဒ္ဓဘာသာနဲ့ပတ်သက်ပြီး ဘာမှ မသိသေးတဲ့ ထိုဒေသရှိ သာသနာအတွက် များစွာ အားရစရာ ဖြစ်ရသည်။ ထိုသိမ်သမုတ်ပွဲနဲ့ ရဟန်းခံပွဲတွေမှာ နာဂပူက အကြီးဆုံး ဆရာတော်ကြီး (သံဃာ့နာယက) နှစ်ပါးလဲကြွလာသည်၊ စာရေးသူတို့အဖွဲ့ သွားရောက် ကန်တော့ကြသည်။ ဆရာတော်ကြီးများလဲ အားရ ကျေနပ်တော်မူကြသည်၊ မြန်မာရဟန်းတော်တွေ အလွန်နှုညံ့သိမ်မွေ့ကြတယ်၊ တော်လည်းတော်ကြတယ်ဟု အမိန့်ရှိသည်။ ကျောင်းထိုင်ဆရာတော်ကဆို တအားဝမ်းသာနေသည်၊ အရှင်ဘုရားများကို အရမ်းကျေးဇူးတင်တယ်ဘုရား၊ တပည့်တော်တစ်ပါးတည်းဆို ဘာမှ မလုပ်တတ်ဘူး၊ အရှင်ဘုရားများ ကျေးဇူးကြောင့် အကောင်းဆုံးနဲ့ အအောင်မြင်ဆုံးဖြစ်သွားတယ်ဘုရား၊ အဲဒီနေ့က အိန္ဒိယ ရုပ်သံကလဲ တိုက်ရိုက်ထုတ်လွင့်သည်။ ထိုနာဂပူမြို့၊ သာရိပုတ္တဗုဒ္ဓ၀ိဟာရကျောင်းရှိ သိမ်တော်ကို အိန္ဒိယနိုင်ငံ၊ ဘုံဘေမြို့ စောမယကောလိပ်ရှိ မြန်မာရဟန်းတော် Ph.D ကျောင်းသားများချည်း သမုတ်ခဲ့လို့ Ph.D သိမ်လို့ ဆိုချင်အံ့။

(မြန်မာနိုင်ငံမှ လှူဒါန်းလိုက်သော စိန်ဖူးတော်နှင့် ထီးတော်များ ပင့်ဆောင်လာစဉ်)

မြန်မာဆန်တဲ့ ဘုရားထီးတင်ပွဲ
စာရေးသူတို့ မြန်မာနိုင်ငံမှာတော့ နေရာအနံ့အပြားမှာ ဘုရားထီးတော်တင်ပွဲတွေ တွေ့နေရသည်၊ ထိုအတွက် ဗုဒ္ဓဘာသာနိုင်ငံတွေ အတွက် အထူးအဆန်းကား မဟုတ်တော့၊ သို့သော်လည်း ဗုဒ္ဓဘာသာနဲ့ဆိုင်ရာ ယဉ်ကျေးမှု လုံးဝနည်းပါး ပျောက်ကွယ်သွားသော အိန္ဒိယလို နေရာမျိုးမှာကတော့ အထူးအဆန်းဖြစ်လိမ့်မည်။ သိမ်ကိစ္စနဲ့ ရဟန်းခံပေးခြင်း ကိစ္စပြီး နောက်နေ့မနက် ၂၉ ရက်နေ့မှာတော့ ထိုမြို့ ထိုကျောင်းသုံထပ်ရှိ ခေါင်မိုးအပေါ်မှာ တည်ထားတဲ့ စေတီတော်ကို ထီး စိန်ဖူး၊ ငှက်မြက်နား စသည်များကို တင်လှူပူဇော်ပွဲ ဖြစ်သည်။ စေတီပုထိုးတောင် ကောင်းကောင်း မမြင်ဖူးတဲ့ ထိုဒေသရှိ ဗုဒ္ဓဘာသာဝင်တွေအတွက် ထီးတော်တင်လှူပွဲကား အံ့သြ ၀မ်းသာစရာ ဖြစ်သည်။ တကယ်တော့ သူတို့တတွေသည် စေတနာ သဒ္ဓါတရား မညံ့ကြပါ၊ ဘာလုပ်ရမလဲ ဘယ်လိုလုပ်ရမလဲ ဆိုတာကိုတော့ အသိပညာ ဗဟုသုတ အလွန်နည်းပါးကြသည်။ ဒီနေ့တော့ မြန်မာမှု မြန်မာဟန်ဖြင့် ထိုစေတီ ထီးတင်ပူဇော်ပွဲကို ခန်းခန်းနားနား အောင်အောင်မြင်မြင် ကျင်းပနိုင်ခဲ့သည်အတွက် သမိုင်းမှတ်တိုင် တစ်ခုဖြစ်ခဲ့သည်။

မြန်မာ့ဟန်နဲ့ နာဂပူ
ဘုရားထီးတင်ပူဇော်ရာဝယ် ထီးတော်များ ပင့်ဆောင်ခြင်း၊ လှည့်လှည်ပူဇော်ခြင်း၊ ရွှေမိုးငွေမိုးများရွာသွန်းခြင်း စတဲ့ မြန်မာမှုမြန်မာ့ဟန်များကို အိန္ဒိယနိုင်ငံ နာဂပူမြို့မှာ ပြသနိုင်ခဲ့သဖြင့် မြန်မာနှင့်ဗုဒ္ဓဘာသာ၊ ဗုဒ္ဓဘာသာနှင့်မြန်မာဟု တွဲမြင်စေခဲ့သည်။ စာရေးသူတို့အဖွဲ့အား လိုလေးသေးမရှိအောင် ကျောင်းထိုင်ဘုန်းကြီးက စောင့်ရှောက်သည်၊ ရပ်ကွက်ရှိ ဒကာဒကာမများကလဲ အလှည့်ကျ ဆွမ်းကပ်ကြသဖြင့် တာဝန်ကျေကြသည်။ အိန္ဒိယပြည်တွင် အများစုက သက်သက်လွတ်စားကြသည်၊ အသားဟင်းများဖြင့် မစားတတ်ကြ၊ ထိုသက်သက်လွတ်ဝါဒသည် မြန်မာပြည်အထိ လွမ်းမိုးလာခဲ့သည်။ သက်သက်လွတ်စားလျှင် ကုသိုလ်ရသည်ဟု ထင်တတ်ကြသည်၊ သတွာတွေ အပေါ် မေတ္တာ ကရုဏာကြောင့် သက်သက်လွတ်စားနေတာ ကောင်းပေမဲ့ ထိုသက်သက်လွတ် အစားအစားအပေါ် ရသတဏှာ ၀င်နေခြင်းက ဘုရားအလိုတော်ကျ မဟုတ်။ ဘုရားရှင်က မစားကောင်းသော အသားကြီး ၁၀ မျိုးကလွဲရင် ကျန်သော အသားဟင်းများကို မိမိအတွက် ရည်စူး၍ သတ်ဖြတ်သည်ဟူသော မြင်ခြင်း ကြားခြင်း၊ ယုံမားသံသယဖြစ်ခြင်း စတဲ့ အစွန်သုံးပါးက လွတ်နေလျှင် စားကောင်းသည်ဟု ဟောခဲ့။ အသားဟင်းစားနေပေမဲ့ ထိုအစားအစာအပေါ် ဆင်ခြင်စားနေပါက ထိုထိုသက်သက်လွတ်သမားထက် ပိုကုသိုလ်ရသည်။ အိန္ဒိယသက်သက်လွတ်သမားများသည် ထိုကဲ့သို့ကား မသိ၊ သူ့ရိုးရာအရ သက်သက်လွတ်စားနေကြပေမဲ့ မြန်မာရဟန်းတော်များ အတွက် ကုလားအစားအစာ အနံ့ နဲနိုင်သမျှ နဲအောင် စီမံပြီး အသားဟင်းများကိုလဲ အထူးစီမံပေးသည်။

 

(သိမ်နုတ်၊ သိမ်သမုတ် အခမ်းအနားတွင် နာဂပူသံဃာ့နာယက ဆရာတော်ကြီးများအား ရိုသေပေးခြင်း)

ရပ်ကွက်ထဲက အိမ်တက်မင်္ဂလာအတွက်လဲ သံဃာများ သွားရောက် ချီးမြောက်ပေးလိုက်ကြသည်၊ သံဃာရှားပါးသော နေရာမှာ ယခုလို သံဃာများများစားစား နဲ့ အရွယ်တူ ဆိုက်တူ အသွင်တူများကို ဖူးမျှော်ရသည့်အတွက် အားရ ကျေနပ်နေကြသည်။ သံဃာကို ဖူးရကောင်းမှန်းသိသည်၊ သံဃာကို ပြုစုတတ်လာကြသည်၊ သံဃာ့ဂုဏ်ရည်ပင်ဖြစ်သည်၊ ယခုလို အ၀တ်အစား ညီညီ၊ အရွယ်ညီညီ ဖူးမြင်ရသည့်အတွက် ပိုပြီး သံဃာ့ဂုဏ်ကို ထင်ဟပ်စေသည်၊ သံဃာ (အဖွဲ့လိုက်) မဟုတ်ဘဲ တပါးချင်းစီဆိုရင် ကြည်ညိုဖွယ် ဖြစ်ချင်မှ ဖြစ်မည်၊ တောင်မြို့ မဟာဂန္ဓာရုံမှာ နေစဉ်က ဆရာတော်ကြီးများက မကြာမကြာပြောလေ့ရှိသည်၊ “အ၀တ်အစား အရောင်တူ၊ ဆံရိပ်တာချင်းလဲ တူ၊ သပိတ်လွယ်၊ ဘိနပ်ကအစ တူစေသည်၊ ညီစေသည်၊ ထိုသို့ညီညွတ်ချင်းက ကြည်ညိုစရာ ဖြစ်စေသည်၊ တစ်ပါးချင်းစီဆိုရင် မြင်ရမှာက ရွဲ့တာ စောင်းတာ၊ မဲ့တာ၊ မည်းတာ၊ တိုတာ၊ ပုတာ၊ ရှည်တာ၊ ကွေးတာ ကောက်တာ စသည်အားဖြင့် အသွင်မတူသည့်အတွက် လူတွေရဲ့ စိတ်ကို မဖမ်းစားနိုင်၊ စိတ်ရဲ့ ကြည်လင်မှု၊ အေးချမ်းမှုကို မပေးနိုင်” ဟု မိန့်သည်၊ ထို့ထက် ပိုပြင်းထန်သော စကားမှာ တစ်ယောက်ချင်းစီကို လိုက်ကြည့်နေရင် ဂျိုကျိုး နားရွက်ပဲ့နေမှာ အများနဲ့ အသွင်တူ အဆင်တူ မြင်ရတော့ ထိုပျော့ကွက် ဟာကွက်တွေ ပျောက်ပြီး သံဃာ့ဂုဏ်ကို ပီပြင်စေသည်။

စာရေးသူတို့အဖွဲ့လဲ အလားတူပင် ဖြစ်မည်၊ အရွယ်တူ ဆိုက်တူ အဆင်းတူ ကျောင်းသား ရဟန်းတော်များကို ဖူးမြင်ရသဖြင့် နာဂပူသားတွေ ပီတိတွေ ဖြစ်သည်။ အလှူအတန်းမရှိသော အိန္ဒိယလူမျိုးတွေ လှူတတ်သွားသည်၊ လှူရကောင်းမှန်းသိလာသည်၊ ထို ဘုရားထီးတော် တင်ပွဲနေ့ကပဲ ကျောင်းဘေးမှာ မဏ္ဍပ်များထိုးပြီး မနက်ပိုင်းကစပြီး ညနေပိုင်းအထိ လာသမျှလူတွေကို စတုဒိသာ ကျွေးမွေးသည်။

 

(သံဃာတော်များ ဆွမ်းကပ်ခြင်း၊ စတုဒိသာ ကျွေးခြင်းများ)

ပြန်မည့်နေ့မှာလဲ တပည့်ဒကာ ဒကာမတွေ လာနုတ်ဆက်သည်၊ တန်းစီကြွလာသော စာရေးသူတို့အဖွဲ့အား အိန္ဒိယရူပီးများလဲ လမ်းစရိတ်အဖြစ် လာလောင်းလှူကြသည်။ ကျောင်းဘုန်းကြီးလဲ အားရကျေနပ်နေသည်၊ မြန်မာမှုမြန်မာ့ဟန်များကို လက်တွေ့ချပြလိုက်ရသဖြင့် ပီတိတွေ ဖြစ်နေသည်။ ကျောင်းဘုန်းကြီးရော ဒကာ ဒကာမတွေကပါ နောက်နောင်လဲ အဆက်မပြတ် ကြွရောက်ဖို့ ဖိတ်သည်၊ အားလုံးကို ကျေးဇူးတင်ခြင်းဖြင့် နာဂပူမြို့ကို နုတ်ဆက်ကာ ညနေ ၈-၅၀ ရထားဖြင့် ဘုံဘေမြို့သို့ ပြန်ခဲ့ကြသည်။

ရွှင်လန်းချမ်းမြေ့ပါစေ
သီတဂူစတား
၃၁-၁၁-၂၀၁၂

Read more »

မိန်းမအား ငါးပါး အပိုင်း (၂)

မိန်းမအား ငါးပါး အပိုင်း (၂)

(၂) အမျိုးသ္မီးတို့၏ အသံ၊
အသံသည်လည်း အမျိုးသမီးများ၏ စွမ်းအားတစ်ခုဖြစ်သည်၊ ထိုအသံလှိုင်း ရိုက်ခက်ခံရသူ ဆန့်ကျင်ဘက် ပုရိသတို့ ပြိုလှဲကြရသည်။ အမျိုးသမီး၏ အသံကွန်ယက်ထဲသို့ ကျရောက်သူ ပုရိသတို့ ရုန်းထွက်ဖို့ရန် ခက်ခဲလိမ့်မည်။

ဘုရားရှင်ကို ဖူးမျှော်ရန် မျက်မမြင် မထေရ်ကြီးတစ်ပါးသည် လမ်းပြအဖြစ် တူတော်မောင် ကိုရင်လေးကို လက်ကိုင် တောင်ဝှေးကို ဆွဲစေကာ ဘုရားရှင်ရှိရာ အရပ်သို့ သွားသည်။ လမ်းခုလပ် တောအုပ်ကြီးထဲရောက်တော့ သီချင်းလေးတကျော်ကျော်နဲ့ ထင်းခွေ ထင်းခုတ်နေတဲ့ အမျိုးသမီး အသံလေးကို ကြားတော့ ကိုရင်လေး မနေနိုင် မထိုင်နိုင်ဖြစ်သည်၊ ထိုအမျိုးသမီးလေ၏ အသံ၏ဆွဲငင်အားသည် ကိုရင်လေး နားသောတမှ တဆင့် နှလုံးသားစီသို့ ဆွဲဆန့်သိမ်းကြုံးယူကာ ကိုရင်လေးလဲ ထိုအသံ၏ကွန်ယက်ထဲမှာ ရုန်းမထွက်နိုင်အောင် ဖြစ်နေတော့သည်။ ဦးရီးတော်ကို တစ်ပတ်ရိုက်ကာ ခဏလေး အခင်းကြီးသွားအုန်းမယ်ဆိုပြီး ထွက်သွားလိုက်တာ မကြာပါဘူး ကိုရင်လေးလဲ ရသေ့ကြီးလိုပဲ ဈာန်လျှောရပြန်သည်။ အမျိုးသမီး၏အသံလောက် ယောက်ျားတစ်ယောက်၏ တကိုယ်လုံး တုန်ခါ ပျံ့နှံသွားရလောက်အောင် တခြား ဘာအသံမှ မရှိဘူးတဲ့။

အမျိုးသမီး၏ ဘာစားမလဲ ဘာလုပ်ပေးရမလဲ၊ ဘာကူညီပေးရမလဲ၊ ယူပါ၊ စားပါ၊ သောက်ပါ၊ စသည်ဖြင့် အမျိုးသမီးတစ်ယောက်၏ အပြုစု အယုအယ အသံရဲ့ ဒဏ်ကို ခံနိုင်တဲ့ ပုရိသ မရှိသလောက်ရှား၊ ထိုအသံအောက်မှာပဲ သာယာကြသည်၊ ပြိုလဲကြသည်။ ယနေ့အင်တာနက်ခေတ်မှာ ပိုလို့တောင် ဆိုးပေါ့၊ လူမမြင်ရ အသံနဲ့ပဲ ကျေနပ်နေကြတာ၊ မမြင်မကန်း မှုံဝါးဝါး စကားလုံးတွေ ဖတ်ပြီး လေလှိုင်းက အသံကွန်ယက်အောက်မှာ ရုန်းမထွက်နိုင်သူတွေ သတိသာထား၊ ခါးနာမည်၊ မျက်ကျောတက်မည်၊ မျက်စိမှုန်မည်၊ ဆီးချုပ် ၀မ်းချုပ်ဖြစ်ပြီး မျက်စိတွေ ဦးနှောက်တွေ ရေရှည် သုံးမရဖြစ်သွားမည်။

ကိုယ့်ရှူးကိုယ်ပြန်ပတ်
ဒီစာကို ဖတ်ပြီး ကလေးမလေးတစ်ယောက်က ဘုန်းဘုန်းကပဲ ဗိုက်ဆာတယ်ပြောလို့ ဘာစားချင်လဲလို့မေးတာ နောက် မမေးတော့ပါဘူးတဲ့။ တော်ကြာ တမျိုးထင်နေမှာစိုးလို့တဲ့-pppppp။ အဲဒါမှ ကိုယ့်စကားနဲ့ကိုယ် ပြန်ထိတာပဲ။ ယောနိသော မနသိကာရဆိုတာ အလွန်အရေးကြီးပါတယ်၊ ကောင်းတဲ့ ရည်ရွယ်ချက်နဲ့ ပြောတာ ဆိုတာကို နာသူ ကြားသူကလဲ သတိရှိဖို့ပဲ။ အယောနိသော မနသိကာရ-မလျော်တဲ့စိတ် ၀င်သွားရင်တော့ ကိုယ့်အန္တရာယ်ကို ကိုယ်တိုင်ပဲ ရှာယူတာပဲ။

(၃) အမျိုးသ္မီးတို့၏ အနံ့၊
အမျိုးသမီး၏အနံ့သည်လည်း စွမ်းအင်တမျိုးဖြစ်သည်၊ ကွန်ယက်တစ်ခုဖြစ်သည်။ ဣတ္ထိဂန္ဓ- အမျိုးသမီးများ၏ ခန္ဓာကိုယ်က ပင်ကိုယ်အနံ့ကို မဆိုလို၊ ခန္ဓာကိုယ်ကို လိမ်းကြံထားသော သနပ်ခါး၊ ရေမွှေး၊ အမွှေးနံ့သာ အားလုံးတို့၏ အနံ့သည်လည်း ဆန့်ကျင်ဘက် ပုရိသ၏ စိတ်ကို သိမ်းကြုံးယူနိုင်သည်။ တကယ်တော့ ခန္ဓာကိုယ်ကြီး၏ အတွင်းပိုင်းကို ၀င်ကြည့်လိုက်ရင် အစာသစ်၊ အစာဟောင်း၊ မစင်၊ သွေးပုပ်၊ ပြည်၊ စသည်အားဖြင့် ပြည့်နေသည်ကို တွေ့ရမည်၊ ထို မစင်စသည်တို့ပြည့်နေသော ခန္ဓာကိုယ်မှ ထွက်လာသော အနံ့သည်လည်း ဘယ်ကောင်းနိုင်မည်နည်း။ တကယ်တော့ ထိုမစင်တွေ မမြင်အောင် ဖုံးထားသည်၊ ထိုအနံ့တွေ မထွက်အောင် လိမ်းကြံထားသည်။ မစင်အိုကြီး ဆေးဆိုးပန်းရိုက်ထားသလိုပင် ဖြစ်သည်။ ညအိပ်ရာဝင် ရှေးခေတ် ဘုရင်များက ကျင်ကြီးကျင်ငယ်စွန့်သည်အခါ အိုးထဲကို စွန့်ကြသည်၊ ထိုအိုးကို အမြင်ကြည့်ကောင်းအောင် ဆေးဆိုးထားသည်၊ ပန်ချီးဆွဲထားသည်။ အပြင်ကကြည့်ရင်တော့ ထိုအိုးက သိပ်လှနေသည်၊ အတွင်းမှာ မစင်တွေ အပြည့်၊ အလားတူပဲ သတ္တ၀ါတွေရဲ့ ခန္ဓာသည်လည်း အမြင်ကောင်း အနံ့ကောင်းအောင် မစင်အိုး ပန်းချီးရေးသလို ပြုပြင်ထားကြသည်။ ဒါကို မြင်အောင် ကြည့်တတ်ဖို့လိုသည်၊ အ၀ိဇ္ဇာမှောင် ပိတ်ကာလှောင်သဖြင့် မမြင်မကန်းဖြစ်နေသူတွေအတွက် မက်မောစရာ တပ်မက်စရာ ဖြစ်နေသည်၊ အသုဘကို သုဘထင်သည့် စိတ္တ၀ိပလ္လာသပင်ဖြစ်သည်။ စိတ်ဖောက်ပြန်သည်ဟိုဆိုလိုသည်၊ ရူးနေသည်ဟု ဆိုက ပိုမှန်သည်။

အမျိုးသမီးများ၏ ပင်ကိုယ်အနံ့
မလိမ်းမခြယ်ဘဲ အမျိုးသမီးများ၏ခန္ဓာကိုယ်က အနံ့ လေးမျိုးထွက်သည်ဟု စာပေမှာ တွေ့ရသည်။ (၁) မြင်းအနှံ့ (အဿဂန္ဓိနီ), (၂) ဆိပ်အနံ့-သိုးအနံ့ (မေဏ္ဍကဂန္ဓိနီ), (၃)ချွေးအနံ့ (သေဒဂန္ဓိနီ), (၄) သွေးအနံ့ (သောဏိတဂန္ဓိနီ) ဟူ၍ ပြထားသည်။ သို့သော်လည်း ထူးခြားသည့် အမျိုးသမီးများ၏ ကိုယ်ခန္ဓာမှ စန္ဒကူးအနံ့ထွက်သည်၊ ပါးစပ်မှ ကြာပန်းအနံ့ထွက်သည်ဟူ၍လည်း ဆိုထားသည်။ အနံ့နှင့်ပတ်သက်ပြီး တိရစ္ဆာန်မတွေ၏ ဥတုသွေးအနံ့ကို ၄ ယူဇနာ (တစ်ယူဇနာ-၆ မိုင် ခန့်မှန်းခြေ) ၂၄ မိုင်အကွာအဝေးမှ တိရစ္ဆာန်အထီးတွေ ခံစားနိုင်သည်ဟု ဆိုသည်။ စာပေက ဆိုထားသေးသည်မှာ ဒီလောက် ဆိုးဆိုးဝါးဝါးအနံ့ထွက်နေတဲ့ အမျိုးသမီးကို တပ်မက် မက်မောတဲ့ ပုရိသကို အန္ဓဗာလ (မိုက်မိုက်ကန်းကန်း) ဟုသတည်း။

သို့သော်လည်း ထိုအမျိုးသမီး၏ အနံ့သည် ထိုပုရိသတို့အတွက် အလွန်ကြီးမားသော စွမ်းအင်ရှိသည်။ ထိုအနံ့ ရှူမိသူတိုင်းသော ပုရိသတို့ ကြက်သီးမွှေးညှင်းထကြသည်ဟု ဆိုသည်။ တောင်မြို့ မဟာဂန္ဓာဆရာတော်ကြီး စာသင်သားဘ၀က ကဗျာလေးတစ်ပုဒ်ရေးခဲ့ဖူးသည်။ သူ၏ တစ်ဘ၀သံသရာ စာအုပ်တွင် ဖတ်နိုင်သည်၊ ထိုကဗျာ အစနှင့်အဆုံး မေ့နေသည်၊ အလည်လဲ ကောင်းကောင်း မမှတ်မိတော့))))))။ သူ စာတက်ရန် အသွား လမ်းမှာ ကျောင်းအမ၏ သမီးတစ်ယောက် အနားနားက ဖြတ်လျှောက်သွားသည်။ သူ့ကိုမမြင်လိုက်ရပေမဲ့ သူ၏ ကိုယ်ရနံ့က ကြက်သီးထသွားသည်ဟု ဆိုသည်။ အဲဒီအချိန်မှာပဲ ကဗျာလေးတစ်ပုဒ် စပ်ဆိုခဲ့သည်တဲ့။ “ကြည့်ရုံ မြင်ရုံအဆိပ်တက်သမို့ သိပ်ခက်သကွဲ့ အမိတို့ရေ” စသော ကဗျာဖြစ်သည်။ အကြည့်ခြင်းစုံလိုက်တာ အဆိပ်တက်သွားနိုင်သည်။ ဒိဋ္ဌ၀ိသမြွေ၊ ထိလိုက်တာနဲ့ အဆိပ်တက်သည့် ဖုဋ္ဌ၀ိသမြွေဟု စသဖြင့် အဆိပ်ပြင်းသည်၊ စွမ်းအားကြီးသည်။ ထိုစွမ်းအားကြီးတဲ့ ကွန်ယက်၊ အဆိပ်တို့မှ ကာကွယ်ရန် ဘုရားရှင်က သူ့တပည့်တွေအား အသုဘကမ္မဋ္ဌာန်းတရား၊ ၃၂ ပါးကောဋ္ဌာသတို့အကြောင်း အကြိမ်များစွာ ဟောကြားခဲ့သည်။

(၄) အမျိုးသ္မီးတို့၏ အနှစ်
အမျိုးသမီးတို့၏ အနှစ်ဆိုတာ ဣတ္ထိရသ- ရသာရုံကိုဆိုလိုသည်။ အစ်ကိုရေ၊ မောင်ရေ၊ ကိုကိုရေ၊ မောင်မောင်ရေ ဘာများ အကူညီပေးရမလဲ၊ ဘာလုပ်ပေးရမလဲ ဆိုတဲ့ အသံလေးကို ကြားရခြင်းတည်းဟူသော ရသ (အနှစ်)၊ ခံစားခြင်းဟုသော ရသ (အနှစ်)သည် ဣတ္ထိရသ မည်၏။ ထိုအမျိုးများ၏ စားဖွယ် သောက်ဖွယ်များဖြင့် ပြုစုခြင်းသည်လည်း ဣတ္ထိရသ မည်သည်။ ဆန့်ကျင်ဘက် ပုရိသတို့သည် ထိုအမျိုးသမီးများ၏ ကိုယ်တိုင်ကိုယ်ကျ ပြုစုခြင်းကိုပဲ မဓုရ-ပျားရည်လို ချိုမြိန်မြိန် ရှိလှသည်။ ထိုသို့ အမျိုးသမီးများ၏ အပြုစု အယုအယကြောင့် ပျက်စီးခြင်းသို့ ရောက်ရသည်။

ဘုရားလောင်းဘ၀ ဖြစ်စဉ်တစ်ခုမှာ တက္ကသိုလ်ပြည်ကြီးကို ထီနန်းမင်းလုပ် အုပ်ချုပ်ရန်ဆိုပြီး သူငယ်ချင်း ငါးယောက် လက်နက်ကိုယ်စီ ကိုင်ဆောင်ပြီး ဘုရားလောင်းကို ခြံရံလျှက် ထွက်လာခဲ့ရာ၊ တစ်နေရာရောက်တော့ သိပ်လှ သိပ်ချောတဲ့ အလှပိုင်ရှင် မိန်းကလေးတွေကို မြင်တော့ သူငယ်ချင်း ငါးယောက်ထဲက တစ်ယောက် ထိုအလှပတွေရဲ့အာရုံကွန်ယက်ကနေ မခွဲနိုင်မခွါနိုင်ဖြစ်၍ ဘုရားလောင်းက ဆုံးမတဲ့ကြားက နေခဲ့သည်၊ သိပ်မကြာပါ ဘီလူးမလေးတွေရဲ့ အစာ ဖြစ်သွားရသည်။ တနေရာတော့ ထိုဘီလူးမလေးတွေကပဲ မိန်းမလှလေးဖန်ဆင်းက ဂီတသံလေးပေးပြီး ဆွဲဆောင်ပြန်၊ တစ်ယောက်ကျန်ခဲ့သည်၊ ဤနည်းအားဖြင့် တစ်နေရာရောက်တော့ စားကောင်း သောက်ဖွယ်တွေနဲ့ မိန်းမလှလေတွေက ဧည့်ခံပြန်၊ ထိုစားဖွယ်အာရုံရသ၊ မိန်းမလှလေးတွေရဲ့ အပြုစု အယုအယရသကို မက်မော၍ ထိုကွန်ယက်က ရုန်းမထွက်နိုင်တဲ့ တစ်ယောက်လဲ အရိုးပဲ ကျန်တော့သည်။ ငါးယောက်လုံး အမျိုးသမီး၏ စွမ်းအင်၊ အားငါးမျိုးအောက်မှာ တစ်ယောက်ပြီးတစ်ယောက် ပြိုလဲပြီး ပျက်စီးသွားကြသည်။ ဘုရားလောင်းကတော့ ပညာရှိပီပီ မိမိရဲ့ မျက်စိ, နား, နှာတို့ကို ထိန်းချုပ်နိုင်ခဲ့သဖြင့် ထိုအမျိုးသမီးအာရုံ၊ စွမ်းအင်၊ ကွန်ယက်တွေကို ကျော်လွားနိုင်ခဲ့သဖြင့် ထီးနန်းကို ပိုင်ဆိုင်ခဲ့ရဖူးသည်။

(၅) အမျိုးသ္မီးတို့၏ အတွေ့
အမျိုးသမီးစွမ်းအင်၊ အား၊ ကွန်ယက်ထဲမှာတော့ ဣတ္ထိဖောဋ္ဌဗ္ဗက ပိုပြီး ပြင်းထန်မည်ထင်ပါသည်။ အထက်မှာ ပြထားတဲ့ ဇာတ်လမ်းထဲက သူငယ်ချင်းငါးယောက်မှာ တစ်ယောက်သော သူက ဣတ္ထိသမ္ဖဿ-အမျိုးသမီးအတွေ့အထိကို အားသန်သူ ဖြစ်သည်။ ထို့ကြောင့် အဆင်း၊ အသံ၊ အနံ့၊ အစားအစာတို့ကို ကျော်လွားနိုင်ခဲ့ပေမဲ့ နောက်ဆုံး အမျိုးသမီးလေးတွေရဲ့ အထိအတွေ့အောက်မှာ ပြိုလဲခဲ့ရသည်။ အမျိုးသမီး၏ အသားတောင်မဟုတ် သူမ၏ အ၀တ်အစား ဆံပင် စသည် တခုခုနဲ့ ထိမိလိုက်ရင်တောင်မှ ကြက်သီးထသွားနိုင်သည်။

တခါက အလွန်ရုပ်ဆိုးသော ပဉ္စပါပီဆိုတဲ့ အလွန်ဆင်းရဲ့ အမျိုးသမီးလေးတစ်ယောက် ရှိခဲ့ဖူးတယ်၊ လက်,ခြေ, မျက်စိ, နှာခေါင်း, ပါးစပ် ငါးခုလုံးက အလွန်အကျည်းတန်ပြီး ကြည့်ရဆိုးသောကြောင့် ပဉ္စပါပီလို့ နာမည်ရထားတယ်၊ သို့သော်လည်း အရင်ဘ၀က ပစ္စေကဗုဒ္ဓါကို မြေညှပ်လှူခဲ့ဖူးလို့ ပဉ္စပါပီဘ၀မှာ အလွန်နုညံ့သော အသားရည်ကို ပိုင်ဆိုင်သူဖြစ်သည်။ တစ်နေ့မှာတော့ ဗာရာဏသီမင်းကြီး တိုင်းခန်းလှည့်လည်ချိန် ဆင်းရဲသားမလေး ပဉ္စပါပီက ကလေးတွေနဲ့အတူ ကစားရင်းက အနားရောက်လာသော ဘုရင့်လက်ကို ကိုင်မိရက်သား ဖြစ်သွားတယ်၊ ထိုကလေးမ အကိုင်ခံလိုက်ရသော ဘုရင်ကြီခင်များ ကလေးမလေးရဲ့ အတွေ့အထိကို မခံနိုင်ဖြစ်ရသည်။ ထိုကလေးမလေး၏ အတွေ့ထိသည် ထိမိသူတိုင်း ပင်ကိုယ်စိတ်ပျောက်ပြီး ရူးသွပ်သွားနိုင်သည်အထိ ဆွဲငင်အားကောင်းသည်။ ဘုရင်ကြီးလဲ ထိုအတွေ့ကွန်ယက်ကနေ ရုန်းမထွက်နိုင်ဖြစ်ရသည်၊ နောက်ဆုံးတော့ ရုပ်ဆိုးပေမဲ့ နုးညံ့သော အတွေ့ပိုင်ရှင်သည် ဗာရာဏသီဘုရင်၏ မိဖုရားတစ်ပါး ဖြစ်လာသည်။

ဒီလောက်အင်အားကြီးတဲ့ အန္တရာယ်ကို ဘုရားရှင်က သာသနာတော်ကို ဆက်လက် ထမ်းဆောင်ကြမည့် သူ့တပည့်တွေအတွက် အထူးတလည် ဟောထားသည်၊ သာသနာကို ပို၍အသက်ရှည်အောင် ထမ်းဆောင်နိုင်သည်မှာလဲ တပည့် ရဟန်းယောက်ျားများသာ ဖြစ်သည်၊ အမျိုးသမီးများက အမျိုးသားလောက် ထမ်းဆောင်နိုင်ကြမည်မဟုတ်သလို ထိုအမျိုးသား ရဟန်းတော်တွေအတွက် အန္တရာယ်ကြီးတစ်ခုလို ဖြစ်နေသည်၊ ဘုရားရှင်းက “အရက်၊ မိန်းမ၊ ငွေ တို့သည် ရဟန်းတော်များအတွက် အလွန်အန္တရာယ်ကြီးသည်”ဟု ဆိုထားသည်။

အင်းအား၊ စွမ်းအင်၊ ကွန်ယက်များကို ကာကွယ်နည်း
ဘုရားရှင်က သူ့တပည့် ရဟန်းတော်တွေကို အဲဒီ အန္တရာယ်ကြီးတဲ့ ကွန်ယက်ကနေ လွတ်အောင် နည်းမျိုးမျိုးနဲ့ ဟောကြားခဲ့သည်။ “စက္ခုနာ သံဝရော သာဓု၊ သာဓု သောတေန သံဝရော” အစချီသော ဂါထာဖြင့်လဲ မျက်စိ၊ နား၊ နှာ၊ လျှာ၊ ကိုယ် ဒွါရ အပေါက်တို့ကို လုံအောင် ပိတ်ဖို့နှင့် သတိဖြင့် ထိုအပေါက်များမှ ၀င်လာသမျှ အာရုံအန္တရာယ်တို့ကို စောင့်ကြည့်ဖို့မှာသည်။ ထိုသို့ ပိတ်ဆို့နိုင်ခြင်း သတိဖြင့်စောင့်စည်းခြင်းသည် အခုရေးမက နောင်အေးရဖို့ ဘ၀တာရှည် ကောင်းမြတ်လှလေ၏။

အ၀တ်အစား ၀တ်ဆင်တာတောင် အမျိုးသမီးရန်မှ ကာကွယ်ရန် ဆံပင်ကို ဖျက်ခြင်း၊ အ၀တ်အစားကိုလဲ အကြောင်းအကြား မ၀တ်ခြင်း၊ လယ်ကွင်းကဲ့သို့ လိုင်းများဖော်၍ ၀တ်စေခြင်း၊ ပုခုံးတစ်ဖက်ကို ဖုံးလွမ်းခြင်း စသည်ဖြင့် အမျိုးသမီးများ သာယာဖွယ် မဖြစ်အောင် ကိသာစိတ်မဖြစ်အောင် ဒီဇိုင်း ထွင်ပေးရသည်။ မိထွေးတော်ဂေါတမီ ဘုရားရှင်ထံ ရဟန်းမ ဖြစ်ခွင့်တောင်းသောအခါ ရဟန်းတော်များအတွက် အန္တရာယ်ကို ဖြစ်စေသော ကြီးမာသော အင်းအားငါးပါးရှိသောကြောင့် အမျိုးသမီးများကို သာသနာတော်အတွင်း ရဟန်းမ အဖြစ် ခွင့်ပြုရန် ငြင်းဆိုခဲ့ခြင်းဖြစ်သည်။

အမျိုးသမီးများနှင့် ဆက်ဆံရာတွင် အမေအရွယ် အမေစိတ်၊ အဒေါ်အရွယ် အဒေါ်စိတ်၊ အစ်မအရွယ်၊ နှမအရွယ်များကို အစ်မစိတ် နှမစိတ် ထားရမည် ဖြစသည်။ အရှင်အာနန္ဒာက “အမျိုးသမီးများအပေါ် ဘယ်လိုဆက်ဆံရမလဲဘုရား“ ဟု ဘုရားရှင်အားမေးတော့၊ မမြင်အောင်နေတဲ့၊ မကြည့်နဲ့ပေါ့၊ ကြည့်မိတာနဲ့ အဆိပ်မိသွားမည်။ အကယ်၍ မဖြစ်မနေ မြင်တွေ့နေရရင်ကော ဆိုတော့ စကားမပြောနဲ့တဲ့၊ အသံရဲ့အားအင်ကို သာယာမိမှာစိုးရိမ်ဟန်ရှိ၊ စကားပြောခွင့် ကြုံလာခဲ့ရင်ကော ဆိုတော့ သတိ အမြဲရှိတဲ့။ ထို့ကြောင့် အရာရာဝယ် သတိသည် အရေးကြီး၏ ပိုသည်မရှိ၊ လိုနေသည်သာပဲ ရှိသည်။

အဆိပ်ပြင်းမြွေ

တောင်မြို့မဟာဂန္ဓာဆရာတော်ကြီးက အမျိုးသမီးများ အင်အား၊ စွမ်းအင်၊ ကွန်ယက်တို့ကို အဆိပ်ပြင်းသော မြွေဟူ၍ တင်စားပြီး သတိပေးပြောထားသေးသည်။ ကဗျာလေးဖြင့် သတိပေးထားသည်။

ကြည့်ရုံမြင်ရုံ အဆိပ်တက်သမို့ သိပ်ခက်သဟဲ့ ကြည့်ဘို့ကို၊
စိတ်ပျက်သကွဲ့ ထိဖို့ဆိုလျှင် အမိတို့လို မြွေအမျိုး။
နှာခေါင်းလေနှင့် အမှုတ်ခံလျှင် တမဟုတ်အမြန် သေတတ်ပါသတဲ့ဗျိုး။
ကိုက်များကိုက်က ငိုက်ဆိုက်နေမည်၊ ကတိုက်ကရိုက် သေမည် အဖြစ်ဆိုး၊
မိုက်မိုက်ပွေလီ ဥာဏ်သူခိုးဖြင့် ကြံဆိုးကြံနှင့် အသင့်ရှောင်၊
“အသုဘ”ခေါ် ဆေးတော်ကြီး မနှေးဖော်ပြီး သုံးစွဲပါလေမောင်။
ငါတို့ဘုရား အလောင်းတော်တောင်ပင် ကြောင်းမလျှော်ပေါင် မိဖုရားနှင့်
ကြည့်မှားသဖြင့် မသင့်ဥာဏ်တွေခြယ်၊ အကျင့်ဈာန်တွေ ကွယ်။
မြွေအမျိုးကြောင့် တန်ခိုးပြယ်လျှင် အမျိုးအနွယ် မှိန်သတဲ့ပါတဲ့လေး ။ (တစ်ဘ၀သံသရာ)

ထို့အတူပဲ ယောကျာ်းတွေမှာလဲ အမျိုးသမီးတွေ အတွက် အင်အားငါးပါးရှိသည်။ အမျိုးသားများ၏ အဆင်း၊ အသံ၊ အနံ့၊ အနှစ် (ရသ)၊ အတွေ့အထိတို့သည် အရည်အသွေး ငါးမျိုး၊ ကွန်ယက်၊ အနှောင်ဖွဲ့များသည်လဲ အမျိုးသမီးများအတွက် အဆိပ်ပြင်းမြွေများ ဖြစ်ကြသည်။ မြွေကိုက်လို့ ကုသဖို့ လွယ်ပေမဲ့ အချစ်အဆိပ်ပြင်းမြွေအကိုက်ခံရရင်တော့ ကုသဖို့ မလွယ်။ သို့သော် ဘုရားရှင်ရဲ့ ကုသတဲ့နည်းကတော့ “အသုဘ”ခေါ် ဆေးတော်ကြီး မနှေးဖော်ပြီး သုံးစွဲပါလေမောင်” ဟူ၍ပင်တည်းးး။


ဒီပို့စ်သည် သံသရာဝဋ်ဆင်းရဲမှ လွတ်လိုသော ရဟန်းတော်များ၊ အမျိုးသားများနှင့် အမျိုးသမီးများကို ရည်ရွယ်သည်။

ကျမ်းကိုး---
အင်္ဂုတ္တရနိကာယ၊ ၎င်း အဋ္ဌကထာ
သံယုတ္တနိကာယ၊ အဋ္ဌကထာ
ဝိနည်း
ဒီဃနိကာယ၊
ဓမ္မပဒ၊ အဋ္ဌကထာ
ဇာတကပါဠိ၊ အဋ္ဌကထာ
တစ်ဘ၀သံသရာ၊
သီတဂူဆရာတော် ဟောတရား။

ရွှင်လန်းချမ်းမြေ့ပါစေ
သီတဂူစတား
၂၃-၉-၂၀၁၂

Read more »

သီတဂူဘန်ကောက် အထူးတရားပွဲများ

သီတဂူဆရာတော် ဘန်ကောက်တရားပွဲ

သီတဂူကမ္ဘာ့ဗုဒ္ဓတက္ကသိုလ်ကြီးများ၏ အဓိပတိ ဒေါက်တာအရှင်ဥာဏိဿရ သည် ယခုနှစ် ၁၃၇၄ ခုနှစ် သီတင်းကျွတ်လပြည့်ကျော် (၃)ရက်မှ စ၍ ထိုင်းနိုင်ငံ တွင် အောက်ပါ အစီအစဉ်အတိုင်း တရားဓမ္မများ ဟောကြားမည် ဖြစ်ပါသည်။

(တရားပွဲကြော်ငြာ)

ပထမည
(က) သီတင်းကျွတ်လပြည့်ကျော် (၃)ရက်၊ (၂-၁၁-၂၀၁၂) သောကြာနေ့ည (၈)နာရီအချိန်၊ ၀ပ်ကျာဒဲလ်ကျောင်းတိုက်၊ ဘန်ကောက်မြို။

ဒုတိယ၊ တတိယ ညများ
(ခ) သီတင်းကျွတ်လပြည့်ကျော် (၄-၅)ရက်၊ (၃-၄-၁၁-၂၀၁၂) စနေနှင့် တနင်္ဂနွေနေ့ည (၉)နာရီအချိန်၊ ထိုင်းနိုင်ငံတောင်ပိုင်း၊ ကော့သောင်းကျွန်း။

စတုတ္ထ၊ ပဉ္စမညများ
(ဂ) (သီတင်းကျွတ်လပြည့်ကျော် (၆-၇)ရက်၊ (၅-၆-၁၁-၂၀၁၂) တနင်္လာနေ့ညနှင့် အင်္ဂါနေ့ည (၉) အချိန်၊ ထိုင်းနိုင်ငံတောင်ပိုင်း၊ ကော့ဖငန်းကျွန်း။
ကမ္ဘာတစ်ဝှမ်းလုံးရှိ အွန်လိုင်းမှ တရားချစ်ခင် သူတော်စင်များအတွက် အောက်ပါ ၀က်ဘဆိုက်များမှ ထိုနေ့ ထိုအချိန်တွင် တိုက်ရိုက်နာယူနိုင်ပါကြောင်း သတင်းကောင်း ပါးအပ်ပါသည်။

www.ustream.tv/channel/nivirna တွင် ရုပ်မြင်အသံကြား ဖူးမျှော် နာယူနိုင်ပြီး
www.nibbansaw.com/live-audio တွင် အသံကို တိုက်ရိုက် နာယူနိုင်ပါသည်။

(မှတ်ချက်။ ။ ကြော်ငြာဓာတ်ပုံရှိ အင်္ဂလိပ်ရက်စွဲမှ ၁၀ လပိုင်းကို ၁၁ လပိုင်းဟု ပြင်ဆင်ဖတ်ရန်)

ဓာတ်ပုံကြော်ငြာကို နိဗ္ဗာန်ဆော် ဖေ့ဘုတ်မှ ကူးယူဖော်ပြသည်။

ရွှင်လန်းချမ်းမြေ့ပါစေ
သီတဂူစတား
၂၃-၁၀-၂၀၁၂

Read more »

သီတဂူ အထူးကုသတင်း (သီတဂူဆေးရုံ)

သီတဂူအာယုဒါနဆေးရုံတော် အထူးကုအစီအစဉ်များ

 

(ကချင်ပြည်နယ် ပူတာအို မျက်စိ အထူးကု အစီအစဉ် ဓာတ်ပုံ)

 (က) ၂၂-၁၀-၁၂ နေ့ မှ ၂၆-၁၀-၁၂ အထိ ဂျာမနီနိုင်ငံမှ နှုတ်ခမ်းကွဲ အာခေါင်ကွဲ အထူးကုနှင့် နား နှာခေါင်း လည်ချောင်း အထူးကုအဖွဲ ။

 (ခ) ၂၉-၁၀-၁၂ မှ ၃-၁၁-၁၂ အထိ အမေရိကန်နိုင်ငံမှ အထွေထွေအထူးကု၊ ခွဲစိပ်အထူးကု၊ ဦးနှောက်နှင့်အာရုံကြောအထူးကု၊ ကလေးအထူးကု၊ အမျိုးသမီးအထူးကု၊ တံတောင်ဆစ်အောက် လက်တုတပ်ဆင်ခြင်း အထူးကုအဖွဲ့ များ လာရောက်ကြမည်ဖြစ်ပါသည်။

ashinkovida ဖေ့ဘုတ်မှ ကူးယူဖော်ပြသည်။

 

 (ကချင်ပြည်နယ် ပူတာအို မျက်စိ အထူးကု အစီအစဉ် ဓာတ်ပုံ) 
 

ရွှင်လန်းချမ်းမြေ့ပါစေ

သီတဂူစတား

၂၀-၁၀-၂၀၁၂

Read more »

မိန်းမအား ငါးပါး

အမျိုးသမီးအား ငါးပါး

စာမိတ်ဆက်

INGO နိုင်ငံတကာ NGO မှာ အမှုထမ်းနေတဲ့ သူတစ်ယောက်နဲ့တွေ့ဖြစ်သည်။ တစ်နေ့တော့ သူက အနောက်နိုင်ငံတစ်ခုမှာ Gender in Buddhism (ဗုဒ္ဓဘာသာမှာ အမျိုးသား အမျိုးသမီးခွဲခြားမှု) ပတ်သက်ပြီး စာတမ်းဖတ်မှာ ဖြစ်သည်။ စာရေးသူအား ဗုဒ္ဓဘာသာတွင် ကျား-မ ခွဲခြားမှု၊ ကျား-မ အခွင့်ရေးနှင့်ဆက်စပ်သော အကြောင်းအရာများကို မေးသည်၊ ဆွေးနွေးသည်၊ စာရေးသူလဲ အင်တာနက်ကနေ ဗုဒ္ဓဘာသာတွင် အမျိုးသမီးနှင့်ဆက်စပ်၍ ရေးသားထားသော ဆောင်းပါး ပို့စ်များကို ရှာဖွေပေးလိုက်သည်၊ ထိုထဲတွင် စာရေးသူကိုယ်တိုင် ရေးထားသည့် အမျိုးသမီးများနှင့်ဘုန်းကံ ဆိုတဲ့ ပို့စ်လဲပါသည်။ ထိုသို့ဆွေးနွေးရာမှ သူလဲ ဘယ်ဝက်ဘဆိုက်တွေကို ကြည့်ပြီး ပြောလဲမသိ၊ အမျိုးသမီးနဲ့ဆက်သော သုတ္တန်တွေကို စာရေးသူအား ပြသည်၊ သုတ္တန်များကို Roman အက္ခရာဖြင့် ရေးပေးရန် အကူညီတောင်းသည်။ စာရေးသူလဲ သူပေးသော သုတ္တန်များကို မူရင်းပါဠိတော်များတွင် ရှာဖွေကြည့်ရာ တချို့လဲ ခေါင်းစဉ်နဲ့ မစပ်ဟပ်။ ထိုထဲတွင် အမျိုးသမီးတို့၏ အရည်အသွေး ငါးမျိုး ဆိုတာလဲ ပါသည်။ စာရေးသူလဲ ငယ်ငယ် စာသင်သားဘ၀က ဒီသုတ္တန်ကို ဒီလို မတွေးမိခဲ့ဘူ။ “အမျိုးသမီးတို့၏ အရည်အသွေး ငါးမျိုး” လို့ အမည်ပေးထားတာကို သဘောကျမိသည်၊ စာရေးချင်စိတ်လဲ ပေါက်လာ၍ ရေးမိရေးရာ ရေးချမိလိုက်တော့သည်။

အရည်အသွေး ငါးမျိုးမှာ--
(၁) အမျိုးသ္မီးတို့၏ အဆင်း၊
(၂) အမျိုးသ္မီးတို့၏ အသံ၊
(၃) အမျိုးသ္မီးတို့၏ အနံ့၊
(၄) အမျိုးသ္မီးတို့၏ အနှစ်၊
(၅) အမျိုးသ္မီးတို့၏ အတွေ့၊
စာရေးသူလည်း အရည်အသွေးငါးမျိုးဆိုတဲ့ ခေါင်းစဉ်ကြည့်ပြီး ဘာကို ဆိုလိုမှန်း ချက်ခြင်းမသိ၊ ထို ၅ မျိုးအောက်မှာ အမျိုးသမီး၏ အဆင်း၊ အသံ၊ အနံ့စသည် ဆိုသဖြင့် သုတ္တန်တစ်ခုကို သွားသတိရမိသည်၊ အဂုင်္တ္တရနိကာယ်၏ အစဆုံး စာမျက်နှာတွင် ထို ငါးမျိုးပြထားသည်ကို တွေ့ရသည်။
တကယ်တော့ ဒီငါးပါးကို မြတ်ဗုဒ္ဓက သူ၏တပည့် ရဟန်းတော်တွေ အတွက် ဟောပေးခြင်းဖြစ်သည်။ ဒုက္ခကို မြင်အောင်၊ ကာမစည်းစိမ်ကို စက်ဆုပ်ပြီး ငြီးငွေ့လာအောင်၊ ဟောခြင်းဖြစ်သည်။

အဘယ့်ကြောင့်ဆိုသော အမျိုးသမီးများ၏ ထိုစွည်းရည် ငါးမျိုးက အလွန်ထက်ပြီး အလွန်အန္တရာယ်ကြီးသောကြောင့်ပင်ဖြစ်သည်။ ထိုငါးမျိုးကိုပင် သံယုတ်ပါဠိတော် ဗန္ဓနသုတ်မှာကား အမျိုးသမီးများ၏ ကွန်ယက်လို့ ဆိုထားသေးသည်၊ စာကလေးတွေ ငှက်ကလေးတွေ မုဆိုး၏ ပိုက်ကွန်ထောင်ချောက်ထဲ ကျရောက်လာပါက ပြန်လွတ်နိုင်ဖွယ် မရှိချေ၊ အလားတူပဲ ဆန့်ကျင်ဘက် ပုရိသတို့သည် အမျိုးသမီး၏ ကွန်ယက်ထဲ ကျရောက်သွားပါက ရုန်းထွက်နိုင်ဖို့ မလွယ်ပေ။ ရဟန်းတော်များ သတိလက်လွတ်ဖြစ်ပြီး အမြင်မတော် ၀တ်စားထားသော အမျိုးသမီး၏ အလှကို မြင်ပြီး တွေးမိတွေးရာ ကြံမိကြံရာ ကြံပြီး နောက်ဆုံး လူထွက်ရတဲ့ အထိရောက်သည်၊ ထိုသည်ပင် ထိုရဟန်း မိချောင်းဘေးအန္တရာယ် ကျရောက်ခြင်းဟူ၍ ဆိုထားသည်။ အကယ်၍ သတိတရားမရှိတဲ့ ရဟန်းတစ်ပါးဟာ ကာမဂုဏ်ခံစားနေသော လူဝတ်ကြောင်ဘ၀ကို မြင်တွေ့မိပါက ကြံမိကြံရာ ကြံပြီး လူဝတ်လဲသွားပါက ၀ဲဂယက်ထဲ ကျရောက်ခြင်းမည်သည်။ သတိသည် အလွန်အရေးကြီးလှပါသည်။ အမျိုးသမီး အရည်အသွေးကို စွမ်းအင်၊ ကွန်ယက်၊ ၀ဲဂယက်၊ မိချောင်း၊ ကာမဂုံ၊ စသည်အားဖြင့် အမည်များစွာ ရှိသည်။

(၁) အမျိုးသ္မီးတို့၏ အဆင်း၊
အမျိုးသမီးရဲ့ ရူပါရုံသည် အလွန်စွမ်းအားကြီးသော ဆွဲဆောင်မှုရှိသည်၊ အမျိုးသားများအတွက် ထိုအမျိုးသမီး၏ ရူပါရုံအစွမ်းအားထက် ဆွဲငင်အားကောင်းသည့် အရာ တခြား လောကမှာ မရှိဟုဆိုသည်။ မုဒုလက္ခဏဇာတ်တော်မှာ ရသေ့ကြီး ကောင်းကင်ခရီးကနေ ဈာန်အဟုန်စီးပြီး နန်းတော်ထဲ ဆွမ်းခံကြွလာသည်၊ ဘုရင်ကြီးမရှိခိုက် ရသေ့ကြီး နန်းတော်ထဲရောက်တော့ သိပ်လှ သိပ်နုပြီး အိစက် ၀င်းဝါသော အသားအရည်ရှိတဲ့ မုဒုလက္ခဏမိဖုရားကြီး ကမန်းကတန်း ကုတင်က ထလိုက်တော့ အလွန်ကောင်းပေ့ဆိုတဲ့ သိန်းချီတန်တဲ့ ပိုးထည်အ၀တ်က လျှောကျသွားသည်။ မိဘုရားရဲ့ ရူပါရုံဆွဲငင်အားကြောင့် တဒင်္ဂအကြည့်ခိုက်လေးမှာပင် သူတော်စင် ရသေ့ကြီး ဗို့အား ၁၅၀၀ ရှိတဲ့ ရာဂမီးတွေ ထတောက်သည်။ ရှိတဲ့ဈာန်တွေလဲ လျှောကျကုန်လေရဲ့။ မိဖုရားကြီးအလှ ရူပါရုံအမဓာတ် စွမ်းအင်နဲ့ ရသေ့ကြီး၏ မျက်စိပသာဒ အဖိုဓာတ် စွမ်းအင်တို့ ပေါင်းစပ် ထိတွေ့လိုက်သည်အခါ ဗို့အား ၁၅၀၀ ရှိ အချစ်မီးများ ထတောက်တော့သည်။

အလွန်စွမ်းအားပြင်းတဲ့ အမျိုးသမီးရူပါရုံကို အကြည့်ကလေး တစ်ချက်ကြောင့် ရသေ့ကြီးခမျာ ဒုက္ခတွေ ဆက်တိုက်ကျရောက်ပါတော့တယ်။ ရရှိပြီးတဲ့ လောကီဈာန်လဲ ဆုံးရှုံးသွားသည့်အပြင် ကျောင်းရောက်တော့လဲ မစားနိုင် မသောက်နိုင်ဖြစ်ရသည်၊ ရသေ့ကြီးရင်ဘက်ထဲ နှုတ်၍မရတဲ့ ဆူးငြောင့်တစ်ချောင်း စိုက်မိပြီး ဖြစ်သည်။ မစားနိုင် မသောက်နိုင်၊ တမှိုင်မှိုင်တထွေထွေ ဖြစ်နေသော ရသေ့ကြီးကို ကြည့်ပြီး ဘုရင်ကြီးလဲ စိတ်မကောင်းဖြစ်ရသည်။ အလွန့်လွန်ကို သဘောကောင်းသည့် ဘုရင်ကြီးက သူ၏ ချစ်လှစွာသော မိဖုရားကို ရသေ့ကြီး ကျေနပ်အောင် ပေးလိုက်သည်။

ဘုရင်နှင့်မိဖုရား ပညာပြပြီ
“ယောင်နှောက် ဆံထုံးပါ” ပါပဲ ကြားဖူးသည်၊ ဒါပေမဲ့ မိဘုရားကြီးက ယောင်ထုံးမပါတဲ့ ရသေ့ကြီးနောက်သို့ လိုက်ရပြီ၊ မိဘုရားကြီးက အတူနေဖို့ ဘုရင်ကြီးထံနေရာလေးတစ်နေရာ တောင်းခိုင်းတော့ ရသေ့ကြီး ရှေ့မျက်နှာနောက်ထားပြီး မျက်နှာပူပူနဲ့ သွားတောင်းသည်၊ ဘုရင်ကြီးလဲ သူတို့နှစ်ယောက်နေဖို့ ဥယျာဉ်ထဲက အိမ်သာပျက်ကြီးရှိတဲ့နေရာလေးကို ပေးလိုက်သည်၊ နေဖို့ထိုင်ဖို့ နေရာအတွက် ရှာရခြင်း၊ သန့်ရှင်းရေးတွေလုပ်ရခြင်း၊ စားဖို့သောက်ဖို့လုပ်ရခြင်း၊ နန်းတော်နဲ့ အိမ် ခေါက်တုန့်ခေါက်ပြန် မျက်နှာပူပူနဲ့ သွားနေရသည်။ မိဖုရားကြီးကလဲ တစ်ခုပြီးတစ်ခု ခိုင်းတော့သည်။ ရသေ့ကြီးခင်မျာ တဒင်္ဂကိလေသာစိတ်ကလေး မထိန်းနိုင်လိုက်တာနဲ့ မယားကျွန်ဘ၀ရောက်သွားရရှာပြီ။ ညချမ်းအချိန်အိပ်ယာဝင်တော့ ရသေ့ကြီးလဲ တနေကုန် အလုပ်တွေ ဖိလုပ်နေရတော့ ကိလေသာစိတ်တွေတောင် ပျောက်ကုန်သည်။ “အရင်တုန်းကတော့ ကောင်းကင်မှာ လေဟုန်စီးပြီး ဈာန်ပျံနိုင်ခဲ့တယ်၊ အခုတော့ ကျမနဲ့တွေ့လိုက်တာ ဘာမှ မရှိတော့ဘူး၊ ပင်ပန်းကြီးစွာ အလုပ်တွေလဲ လုပ်ရတော့ မောနေရှာပြီပေါ့နော်”လို့ မိဖုရားကြီး၏ စကားသံကို ကြားရတော့မှ ရှက်စိတ်တွေဝင်လာသည်၊ သံဝေဂတွေ ရလာသည်၊ မိဖုရားကြီးနဲ့ အိပ်တောင် မအိပ်လိုက်ရဘူး တစ်ခါတည်း တောထဲ လစ်ပြေးတော့တာပဲ၊ (ရဟန်းတရား အားထုတ်ရန်)။

ရသေ့ကြီး ဒုက္ခကို ကောင်းကောင်းကြီးမြင်သွားသည်။ ဒါ့ကြောင့် ဘုရားက ဒုက္ခကို ရှေးဦးစွာမြင်တတ်ဖို့ ဒုက္ခသစ္စာကို ဟောသည်၊ ဘ၀ရဲ့ဆင်းရဲမှု၊ ပင်ပန်းမှု၊ ရှုပ်ပွေမှု စတဲ့ ဒုက္ခသဘောတွေကို မြင်ပါမှ ထိုဘ၀ကို လိုချင် တပ်မက်တဲ့ စိတ်တွေ ပျောက်မည်၊ တပ်မက်တဲ့စိတ် (သမုဒယသစ္စာ) ပယ်သတ်နိုင်ပါမှ သံသရာဝဋ်က လွတ်မြောက်မည်။ (ဒုက္ခသစ္စံ ပဇာနန္တော-ဒုက္ခသစ္စာကို သိခြင်း၊ သမုဒယသစ္စံ ပဇဟန္တော-သမုဒယသစ္စာကို ပယ်ခြင်း၊ ဓမ္မစက္ကပ၀တ္တနသုတ်)

လူပျံတော်ကြီးတွေ စာရေးသူတို့လို ငယ်ပေါင်း ရဟန်းတော်များကို တွေ့လျှင် ပြောလေ့ရှိတဲ့စကား တစ်ခုရှိတယ်၊ “အရှင်ဘုရား၊ လူမထွက်နဲ့ဘုရား၊ လူ့ဘ၀က မလွယ်ဘူး၊ အရမ်းဆင်းရဲတာ၊ ဒီဘ၀လေးနဲ့ မြဲအောင်နေပါဘုရား”ဟူသတည်း။ လူပျံတော် ထိုဒကာတော်လဲ အရင်က ဒီလိုဒုက္ခတွေ မစဉ်းစားခဲ့မိလို့ပဲလား၊ ဒါမှမဟုတ် ဒုက္ခကိုပင် သုခထင်နေလို့ပဲလား၊ တချို့ကတော့ ပြောတယ်၊ ပင်ပန်းတာတော့ အမှန်ပဲ ဘုရား၊ ဒါပေမဲ့ အိမ်ပြန်ရောက်လို့ မိန်းမမျက်နှာ သားမျက်နှာ သမီးမျက်နှာလေး မြင်လိုက်ရရင် အဲဒီမောတာ ပန်းတာတွေ ပျောက်သွားတယ်ဘုရားတဲ့၊ “မောတော့ မောတာပေါ့ ဒါပေမဲ့ မမောဘူး”ဆိုတဲ့ သီချင်းလိုပဲပေါ့။ သူတို့အတွက်ကတော့ မာဂဏ္ဍီပြောတဲ့ လောကနိဗ္ဗာန်လို့ပဲ ပြောရမည်ထင်၊ ဒီထက်ကောင်းတဲ့ နိဗ္ဗာန်အစစ် (ချမ်းသာအစစ်)ကိုကား သူ မတွေ့သေး။

တစ်ခါက သံဃာ့မဟာနာယက ဆရာတော်ကြီးတစ်ပါးက သူ့ဆီ အလည်လာသော ငယ်သူငယ်ချင်း လူပျံတော်ကို ပြောသတဲ့၊ “ကောင်းကြသေးရဲ့လား သူငယ်ချင်းရာ၊ အခု ကြည့်စမ်းပါအုန်း၊ မင်းမှာတော့ မယားပူ သားပူ သမီးပူ၊ ၀မ်းစာအတွက်ပူစတဲ့ အပူတွေနဲ့ နေနေရတယ်၊ ငါတို့မှာတော့ အဲဒီအပူပင်မျိုးလဲ မရှိဘူး၊ ခရီးသွားရင်တောင် ကောင်းကင်ကနေ လေယာဉ်ပျံကြီးစီးသွားနေရတဲ့ဘ၀”လို့ပြောတော့ လူပျံတော်က “အရှင်ဘုရားက လေယာဉ်ပျံပဲ စီးနိုင်တာပါဘုရား၊ တပည့်တော်ကတော့ လူကိုတောင် စီးနေရတာပါဘုရား”တဲ့၊)))))။ ရွှတ်နောက်နောက်ပြောလိုက်တဲ့ စကားကလဲ လောကနိဗ္ဗာန်ကို နိဗ္ဗာန်အစစ် ချမ်းသာအစစ်ထင်သူတွေ အတွက်ကတော့ ကွက်တိပဲ။ သူတို့လဲ အမျိုးသမီးရဲ့ အဆင်းရူပါရုံတည်းဟုသော အစွမ်းအင် ကွန်ရက်ထဲ ကျရောက်သွားသူ၊ ရုန်းမထွက်နိုင်သူများ ဖြစ်ကြလေတော့သည်။ အမျိုးသမီ၏ ခွန်းအား (ရူပဗလ)သည် ရုပ်ရည်အဆင်းလှပခြင်း ဖြစ်သည်။

အမျိုးသမီး၏ ရုပ်ရည်အဆင်း အလှတရား အစွမ်းအားသည် ဆန့်ကျင်ဘက် ပုရိသတို့ကို ရူးသွပ်စေနိုင်သည်။ ဥမ္မာဒန္တီ၏အလှကို မြင်သူတိုင်း သွက်သွက်ခါရူးမူးကြသည်။ တခါက စိတ္တမထေရ် ရဟန်းအိုကြီးတစ်ပါး အလွန်လှ အလွန်ချောမောတဲ့ ဒမိဠမိဖုရားရဲ့ အလှတရားအောက်မှာ ရုန်းမထွက်နိုင်အောင် သွပ်သွပ်ခါ ရူးသွပ်ခဲ့သည်။ မိဖုရားအလှကို မြင်တဲ့ အချိန်က စပြီး “ဒမိဠ ဒမိဠ ဒမိဠ ဒမိဠ” ဟု ပါးစပ်က တွတ်ပွ တွတ်ပွ ရွတ်နေတော့သည်။ သွားလဲ မိဖုရားကိုပဲ မြင်နေသည်၊ စားနေတဲ့အချိန်လဲ မိဖုရားအလှကိုပဲ မြင်နေသည်၊ အိပ်နေလဲ မိဘုရား အသွင်ပြင်ကို ပုံဖော်နေတော့သည်။ ဒီစိတ်နဲ့ပဲ ပါးစပ်က တတွတ်တတွတ် ရွတ်နေတော့သည်၊ သူ့ကို မြင်တဲ့ ကိုရင်လေးတွေက ဒီကိုယ်တော်တော့ ရူးသွားပြီ၊ အရူး ရဟန်းကြိးဟု ခေါ်ကြသည်။ ရုပ်ရည်အလှတရားသည် လူကို ရူးသွပ်စေသည်။ စွမ်းအင်တစ်ခု ဖြစ်သည်။

အပိုင်း (၂) ကို ဆက်လက်ဖော်ပြပါဦးမည်။

 

ရွှင်လန်းချမ်းမြေ့ပါစေ

သီတဂူစတား

၂၃-၉-၂၀၁၂

Read more »

ချစ်ခြင်းကို မခွဲပါနဲ့

ချစ်ခြင်းကို မခွဲပါနဲ့

စာမိတ်ဆက်
ခေါင်းစဉ်က ကလက် (frivolous)နေပါတယ်၊ တချို့က ခေါင်းစဉ်ကလက်တာကို မကြိုက်ကြသလို စာရေးဟန် ကလက်နေရင်လဲ ပေါ့ပျက်ပျက် ဖြစ်နေသည်ဟု ထင်မြင်ချက်ပေးကြသည်။ ဥပမာ-နာမည်ကြီး ဓမ္မကထိက စာရေးဆရာ၏ စာအုပ်များသည် အမည် ကလက်လွန်း၍ ဝေဖန်တာတွေလဲ ရှိနေသည်။ စာရေးသူ၏ အနီးအနားက သူတွေတောင် ဝေဖန်တာကို ကိုယ်တိုင်ကြားသိရသည်။ သို့သော်လည်း သူ၏စာအုပ်များသည် သို့မဟုတ် သူ၏စာရေးဟန်တို့သည် ယနေ့ ခေတ်လူ လူငယ်များနှင့် လူလတ်ပိုင်းများကို ဆွဲဆောင်မှုပေးနိုင်သည်။ သူပြောသည့် စကားတွေသည် ယနေ့ လူငယ်တွေ ရင်ဘက်ထဲ စွဲကျန်စေသည်။ ဤနည်းဖြင့် လူငယ်တွေရဲ့ ရင်ထဲ မြတ်ဗုဒ္ဓ၏အဆုံးအမတွေကို အရောက်ပို့နိုင်ခြင်းသည်လည်း သူ၏စွမ်းရည်ပင် ဖြစ်သည်၊ ကောင်းနေသည်ဟု ဆိုရမည်။

အမည်ပေး ဆန်းသလို စာအုပ် စာသား ဒီဇိုင်း အပြင်အဆင်ကလဲ လှပသေသပ်မှ လူငယ်တွေ စိတ်ဝင်စားသည်၊ စိတ်ဝင်စားသည်ဆိုသည်မှာလဲ စာအုပ်ကလေးက လက်ထဲမှာ အမြဲကိုင်ထားချင်စရာကောင်းနေခြင်း၊ စာအုပ်နာမည်လေးကလဲ ဆန်းသစ်နေခြင်းတို့ကြောင့် စာဖတ် မဖတ်တော့မသိ စာအုပ်ကလေးတော့ သူတို့ လက်ထဲမှာကိုင်ထားကြသည်။ အကျိုးမများသည့် စာအုပ်တွေကို ကိုင်ထားတာစာလျှင် ဘာသာရေးစာအုပ်ကလေးကိုင်ထားနေတာကိုက ကျက်သရေရှိလှသည်။ ဘာပဲပြောပြော လူငယ်တွေ စာဖတ်ဖို့ စိတ်ဝင်စားလာတာကိုက ကျေးဇူးတင်စရာ ဖြစ်သည်။ စာဖတ်တဲ့ အလေ့အထ မရှိရင်တော့ အတွေးအခေါ်ပိုင်းမှာလဲ အားနဲလာသည်၊ သုတမရှိခြင်းတို့ကြောင့် သူပြောလူပြောပြသမျှတွေကို မှန်၏ မမှန်၏ မစဉ်းစားတတ်၊ ပြောသမျှကို ပုတ်သင်ညိုကြီးလို ခေါင်းတညိတ်ညိတ်နဲ့ သဘောကျ လက်ခံနေတတ်သည်။ စာမဖတ်ရင်တောင်မှ စာဖတ်အလေ့အထ မရှိသူတွေရဲ့ လက်ထဲမှာ စာအုပ်လေးကိုင်ထားနေသည်ကိုက ကျက်သရေရှိလှသည်။ ထို့အတွက် စာအုပ်-အမည် ကလက်စေကာမူ စာဖတ်အလေ့မရှိသူတွေရဲ့ လက်ထဲမှာ အရောက်ပို့နိုင်တာကိုက ကျေးဇူးတင်ကြရမှာ ဖြစ်သည်။

ကိုယ်ကိုယ်တိုင်လဲ သူတို့နည်းတူ ကလောင်သွေး ကလောင်သွား လှလှပပ၊ စာသားစာသွား ထွားထွား၊ စာဖြစ်စာနှစ် ကျစ်ကျစ်၊ စာသုံး စာလုံး ပြုံးပြုံးလေးတွေ ရေးချင်သည်၊ မရေးတတ်။ အဖြစ်ကား မရှိဖြစ်နေသည်။ သို့ပေမဲ့ ကိုယ်နားလည်သလို နားလည်စေချင်သည်၊ ကိုယ်သိသလို သိစေချင်သည်၊ ကိုယ်ရသလို ရစေချင်သည်၊ ထို့ကြောင့် ဖတ်သမျှ မှတ်သမျှ သိသမျှ နားလည်သမျှတွေကို စုစည်းမိသည်။
ယခုလည်း စာရေးသူ တရားကို မကြာမကြာ နာယူဖော်ရတဲ့ သူအတွက် အထူးကျေးဇူးတင်ပါသည်။ ထိုသို့ ဟောဖို့ ပြောဖို့ရန်အတွက် စာရှာရသည်၊ စာဖတ်ရသည်၊ ဖတ်ပြီး အဆင်ပြေအောင် ပြောဖို့ စာစီရသည်၊ နားလည်နိုင်မည့် စကားလုံးရှာရသည်၊ ကိုယ်ကိုယ်တိုင်က ထိုအလုပ်တွေလုပ်တော့ မဟောမီ မပြောမီကထဲက ကုသိုလ်များစွာ ရနေသည်။ ငယ်ငယ်က ဖတ်ထား၍ သိနေသည် ဆိုပေမဲ့ အရွယ်ရလာချိန် ပြန်ဖတ်ခြင်းက ထပ်ဆင့် အတွေးများ ရတတ်သည်။ ငယ်ငယ်က စာမေးပွဲ အောင်ဖို့အတွက်ပဲ စာဖတ် စာကျက်ရသည်၊ နုတ်တက် အာဂုံဆောင်ရသည်၊ ကျက်ထားသလောက်ပဲ ခေါင်းထဲမှာ ရှိနေသည် ကျယ်ကျယ်ပြန့်ပြန့် မတွေးတတ် မခေါ်တတ်၊ အသိကျဉ်းသည်၊ အမြင်ကျဉ်းသည်၊ သူတပါးကို ဝေငှဖို့ မလွယ်ကူဖြစ်နေသည်၊ အရွယ်ရောက်၍ သူတပါးကို ပြောဖို့ ဟောဖို့ရန်အတွက် ဖတ်မှတ်တဲ့ အသိက ငယ်ငယ်က စာကျက်သလို မဟုတ်ဘဲ ပိုမို ကျယ်ပြန့်တဲ့ အတွေးအမြင်ရှိလာသည်ကတော့ အမှန်ဖြစ်သည်။ ထို့ကြောင့် စာရေးသူ၏ ဟောသမျှ ပြောသမျှတွေကို မငြီးမငြူ နာယူဖော်ရတဲ့ အတွက်လဲ အထူးကျေးဇူးတင်မိသည်။

 

(ပို့စ်နဲ့ဆက်စပ်မှုမရှိပေမဲ့ ကြည်ညိုလွန်းလို့ ဒီပုံလေးကို ထည့်လိုက်သည်။)

ဒီနေ့ဟောတရား
ဒီနေ့အတွက် ဘာဟောရမလဲ ကွန်ပြူတာထဲ ဆော်ဝဲဖြင့် ထည့်ထားသော တိပိဋက စာတွေကို ရှာမိသည်၊ ရှာသည်ဆိုသည်မှာလဲ ကိုယ် ငယ်ငယ်က သင်ယူခဲ့ပြီးတဲ့ စာပေထဲကပဲ လျှောက်ကြည့်ရင်း ကောဏ္ဍဓာန မထေရ်အကြောင်းကို တွေ့မိသည်။ ဖတ်ရင်းနဲ့ စိတ်ဝင်စားလာ၍ ဒီတရား ဒီနေ့ ဟောမည်ဟု ဆုံးဖြတ်လိုက်သည်။ ထိုစာထဲတွင် တချိန်က သူများချစ်ခြင်းကို ခွဲခဲ့သဖြင့် မထေရ်တပါး၏ ထိုအပြစ်ကို ခံယူနေရပုံတွေကို ပြထားသည်။

“၀ဋ်မှာအမြဲ ငရဲမှာ အပ” မြန်မာစကားပုံထဲမှာ ငယ်ငယ်ကထဲက ကြားဖူးနေသည်။ “ကိုယ့်ကာယကံ ကိုယ့်ထံပြန် ပဲ့တင်သံမလွဲ တထပ်တည်း” ဆိုတဲ့ ဆောင်ပုဒ်ကဗျာလေးကလဲ နားလည်သည့် အရွယ်ကထဲက ကြားဖူးနေသည်။ ထို ကဗျာဆောင်ပုဒ် စကားပုံတွေကို ပိသုဏ၀ါစာ မှ ကိုယ် (body-language) ဖြင့်ပြောသော ပိသုဏ အကြောင်းလေးက ထင်ဟပ်စေပါလိမ့်မည်။

ပိသုဏ
ပိသုဏ ဆိုတာ ပိယ+သုည+ကရ မှ ပိသုဏ-ပေသုည ဟု ဖြစ်လာသည်၊ အဓိပ္ပါယ်မှာ ချစ်ခြင်းကို ကင်းအောင်ပြုခြင်း၊ ချစ်ခြင်းကို ခွဲခြင်း၊ အဆင်ပြေနေသူအကြား အထင်မှား အမြင်မှားအောင် နုတ်ဖြင့်ပြောခြင်း၊ ကိုယ်ဟန်ဖြင့်ပြောခြင်း(body-language) များ ဖြစ်သည်။ ဣဿာ မစ္ဆရိယ စိတ်ကြောင့် ပိသုဏ ဖြစ်ပေါ်လာတတ်သည်။ တစ်ယောက်နှင့်တစ်ယောက် ချစ်ခင်နေသည်ကို မကြည့်နိုင်၊ တစ်ယောက်နှင့်တစ်ယောက် အဆင်ပြေနေသည်ကို ၀မ်းမသာနိုင်၊ တစ်ယောက်နှင့်တစ်ယောက် ညီညွတ်နေသည်ကို မလိုလားသည့် ဣဿာစိတ်ကြောင့် ပိသုဏ၀ါစာ ဒုစရိုတ်ကို ကျူးလွန်မိတတ်ကြသည်။ ပိသုဏအကြောင်းလေးကလဲ အမျိုးသမီးနောက်ယောင်ခံ ရဟန်းတစ်ပါး၏ အတိတ်အကြောင်းလေးက ထင်ရှားစေပါလိမ့်မည်။

ရဟန်းတစ်ပါးနှင့်အမျိုးသမီး
တခါက ရဟန်းတော်တစ်ပါး ဆွမ်းခံသွားတိုင်း သူ၏နောက်က ကပ်လျှက် အမျိုးသမီးတစ်ယောက် ပါလာတတ်သည်။ သူ့နောက်ကပ်ပါလာတဲ့ အမျိုးသမီးကို မထေရ်က မမြင်ပေမဲ့ နဘေးက လူအားလုံးက မြင်ကြသည်။ ဒကာ ဒကာမတွေက ဆွမ်းလောက်တဲ့အခါ “ဒီတစ်ဇွန်းက အရှင်ဘုရားအတွက်ပါဘုရား၊ ဒီတစ်ဇွန်းကတော့ အရှင်ဘုရားရဲ့ အမျိုးသမီးအတွက်ပါဘုရား”ဟု ပြော၍ လောင်းလှူလေ့ရှိကြသည်။ နောက် ဒကာ ဒကာမတွေကလဲ ထိုနည်းအတိုင်း ပြောသဖြင့် မထေရ်လဲ အလွန်အရှက်ရနေသည်။ ထိုအမျိုးသမီးသည် မထေရ် ရဟန်းပြုတဲ့အချိန်က စပြီး သူ့နောက် တကောက်ကောက် အရိပ်သဖွယ် လိုက်နေတော့သည်၊ ဒါကို မထေရ်ကိုယ်တိုင် မသိရှာ။ သူသွားတိုင်း အမျိုးသမီးတစ်ယောက် ကပ်ပါလာသည့်အတွက်ကြောင့်ပဲ သူ့ကို ကောဏ္ဍဓာန မထေရ်ဟု အမည်တွင်ခဲ့သည်။

ကျောင်းထဲမှာရှိတဲ့ ရဟန်းတွေကလဲ ဒီရဟန်းရှိနေရင် ငါတို့ ရဟန်းအားလုံး သိက္ခာကျမည်၊ “ငါးခုံးမတစ်ကောင်ကြောင့် တစ်လှေလုံးပုပ်” ဆိုတာလို ရဟန်းသံဃာအားလုံး ဂုဏ်သိက္ခာ ညှိုးမည်၊ သာသနာအတွက်လဲ အိုးမဲသုတ်ရာ ရောက်မည်၊ ထို့ကြောင့် ကျောင်းဒကာကြီး အနာထပိဏ်ထံ သွားပြီး အကူအညီတောင်းကြသည်၊ ရဟန်းတော်များကား သူတို့ကိုယ်တိုင် ပြောရမှာ အားနာနေဟန်ရှိသည်၊ “ဘုန်းကြီးအမှု ရွာပတ် ဆိုတာလို” သာသနာမှာ ပြောရေးဆိုရေးခွင့်ရှိတဲ့ ကျောင်းဒကာ ကျောင်းအမများထံ အပူကပ်ရတော့သည်။ “ကျောင်းဒကာကြီး-- ဦးဇင်းတို့ကျောင်းမှာတော့ သီလမရှိတဲ့ ရဟန်းတစ်ပါး ရှိနေပြီ၊ သာသနာအတွက် ရဟန်းသံဃာအတွက်ပါ ဒီရဟန်းကို ကျောင်းတိုက်ကနေ နှင်ပေးပါ”ဟု ပြောသောအခါ ကျောင်းဒကာကြီးက အလိမ္မာစွာ ပြန်ပြောလိုက်သည်မှာ “အရှင်ဘုရားတို့--ကျောင်းမှာ မြတ်စွာဘုရားရှိနေတယ်မလား ဘုရား၊ ဒီကိစ္စ မြတ်စွာဘုရားပဲ တတ်နိုင်ပါသည်ဘုရား” ဟုသတည်း။ အနာထပိဏ်ရဲ့ အကူအညီမရတော့ ကျောင်းအစ်မကြီး ၀ိသာခါထံ သွားကြပြန်သည်၊ ကျောင်းအစ်မကြီး ၀ိသာခါလည်း အနာထပိဏ်နည်းတူ ပြန်လျှောက်လိုက်သည်။

ကျောင်းဒကာ ကျောင်းဒကာမများ မှတ်သားရန်
ဘုန်းကြီးအရေးမှာ လူဝတ်ကြောင်တွေ ၀င်ပါလာလျှင် ပိုရှုပ်ထွေးသွားနိုင်သလို လူဝတ်ကြောင်တို့၏ တချို့ အရေးတွေမှာ ဘုန်းကြီးတွေ ပါလာလျှင်လဲ ပို၍ ရှုပ်ထွေးသွားနိုင်သည်။ မြတ်စွာဘုရား၏ တပည့် ကျောင်းဒကာ ကျောင်းအစ်မတို့သည် သာသနာတော်အတွက် အလွန်ကျေးဇူးများသူများ ဖြစ်ကြသည်၊ ရဟန်းသံဃာအားလုံးနဲ့ အလွန်ကျွမ်းဝင်ကြသည်၊ ရဟန်းသံဃာအားလုံးကလဲ ကျောင်းဒကာ ကျောင်းအစ်မများကို လေးစားကြသည်၊ မေတ္တာထားကြသည်။ ထို့ကြောင့် ထိုကျောင်းဒကာ ဒကာမများသည် သာသနာမှာ ပြောရေးဆိုခွင့် ရှိသူများ ဖြစ်ကြပေမဲ့ လူဝတ်ကြောင်တွေ အနေနဲ့ ရဟန်းကိစ္စများကို ၀င်ပြီး ရှုပ်လေ့မရှိ။ ဤသည်မှာ ဘုရားလက်ထက်က ကျောင်းဒကာ ကျောင်းအစ်မများ၏ ထူးခြားသည့် ဂုဏ်တစ်ခုဖြစ်သည်။ ယနေ့ခေတ် ဘုန်းတော်ကြီးကျောင်းများတွင် ဘုန်းကြီးအရေးတွင် ကျောင်းဒကာ ဒကာမများ ၀င်ပါနေသည်အတွက် အလုပ် ပိုရှုပ်သွားသည်။ ကျောင်းပြောင်း ကျောင်းလွှဲကိစ္စတွေမှာ ကျောင်းဒကာ ကျောင်းအစ်မများ ၀င်ပါနေသဖြင့် ကျောင်းပြဿနာများ ဖြစ်ပေါ်နေသည်ကိုလဲ တွေ့ဖူး မြင်ဖူးရသည်။ ကျောင်းဒကာ ကျောင်းအစ်မများအနေဖြင့် သာသနာတော်ကို မိမိတို့ သဒ္ဓါ စေတနာ သုံးတန် အပြတ်လှူပြီးဖြစ်ရကား ကျောင်းပြဿနာ ဘုန်းကြီးအရေးများ ပေါ်ပေါက်လာပါက အနာထပိဏ် ၀ိသာခါတို့ထုံး နှလုံးမူသင့်သည်။

သာသနာတွင် အာဏာစက်တည်
ကျောင်းဒကာ ကျောင်းအစ်မများဆီ သွားအကူညီတောင်းသော်လည်း အဆင်မပြေခဲ့၊ ဒီတခါတော့ တိုင်းပြည်တွင် အာဏာရှိဆုံး ရှင်ဘုရင်ထံ အကူအညီတောင်းကြသည်။ “ဘုရင်ကြီး-- အရှင်မင်းကြီးတိုင်းပြည်မှာ ကောဏ္ဍဓာန မထေရ်သည် အမျိုးသမီးတစ်ယောက်နဲ့အတူ အမြဲတမ်းရှိနေပါတယ်၊ တစ်သာသနာလုံးကို ဂုဏ်မဲ့စေပါတယ်၊ ထို့ကြောင့် အရှင်မင်းကြီး တိုင်းပြည်ကနေ နှင်ထုတ်ပေးပါ”ဟု ဘုရင့်ထံ အကူအညီတောင်းကြသည်။ ဘုန်းကြီးအမှု ရွာတင်ပတ်သည်မဟုတ် တိုင်းပြည်တပြည်လုံးကိုပါ ပတ်နေတော့သည်။ ဘုရင်ကြီးလဲ ကောင်းပါပြီဘုရား တပည့်တော် ကူညီပါ့မယ်ဘုရား၊ အဲဒီရဟန်း ဘယ်မှာလဲ ဘုရား၊ တပည့်တော် ဖမ်းပါ့မယ်ဘုရားဟု အာမခံပြီး ကျောင်းထဲမှာ ၀င်ရှာသည်၊ ရဟန်းလဲ လူသံကြား၍ အပြင်ထွက်ကြည့်ရာ တံခါးပေါက်အရောက် အမျိုးသမီးလဲ ရဟန်းအနောက်တွင် ကပ်လျှက်ပါလာသည်ကို ဘုရင်ကြီး ကိုယ်တိုင် မြင်သည်၊ သို့ပေမဲ့ အခန်းထဲ ၀င်ကြည့်ပြန်တော့ စောစောက အမျိုးသမီးကို မတွေ့၊ ဒီလိုနဲ့ တက်လိုက်ဆင်းလိုက် လုပ်ကြည့်ရာ ရဟန်းနောက်တွင် ထိုအမျိုးသမီးတွေ့ပေမဲ့ တကယ်တမ်း ၀င်ရှာကြည့်တော့ မတွေ့။

“မင်းကြီး--အားလုံးက ဦးဇင်းနောက်မှာ အမျိုးသမီးတစ်ယောက် ကပ်လျှက်ပါသည်ကို မြင်ကြတယ်၊ မြင်သူတိုင်းကလဲ ပြောကြသည်၊ ဝေဖန်ကြသည်၊ ကဲ့ရဲ့ကြသည်၊ အပြစ်တင်ကြသည်၊ ဒါပေမဲ့ ဦးဇင်းက မမြင်၊ မသိ၊” ဟု ဘုရင်ကြီးအား အကျိုးအကြောင်း ပြောပြတော့မှာ ဘုရင်ကြီးလဲ သံသယ ၀င်လာသည်၊ ထို့ကြောင့် ပြန်လည် စစ်ဆေးပြန်သည်၊ ဘုရင်ကြီးလဲ ဆုံးဖြတ်ချက် တစ်ခု ချလိုက်သည်၊ “ဤအမျိုးသမီးသည် တကယ့်အမျိုးသမီး အစစ်ကား မဟုတ်၊ တစ်ယောက်ယောက်က ဖန်ဆင်းတာ ဖြစ်နိုင်သည်၊ ဒီရဟန်းကို ဘယ်သူမှ ဆွမ်းလောင်းလိမ့်မည်မဟုတ်၊ ငါကပဲ တာဝန်ယူ ထောက်ပံ့မှ ဖြစ်တော့မည်”ဟု သတည်း။ ဘုရင်ကြီးသည် ထိုရဟန်း၏ ပစ္စည်းလေးပါ ဒကာ ဖြစ်လာသည်။ ရဟန်းတွေသည်လဲ ဘုရင်ကြီးအား ကဲ့ရဲ့ကြပြန်သည်။ “ဘုရင်ကြီးက ဒီရဟန်းကို တိုင်းပြည်က နှင်ထုတ်မည်ဟု ကြုံးဝါးပြီးကာမှ နှင်မထုတ်တဲ့အပြင် ထိုရဟန်း၏ပစ္စည်းလေးပါး ဒကာအဖြစ် ခံယူလိုက်သေးတယ်၊ သူလဲပဲ အလိုတူပဲ”ဟု အမြင်လွဲ အထင်မှားကြသည်။ ဘုရားလက်ထက်တော်ကထဲက သာသနာသန့်ရှင်းရေးအတွက် ဓမ္မစက်အပြင် အာဏာစက်ပါ သုံးခဲ့သည်ကို ဤ၀တ္ထုက ထင်ရှားစေသည်။
ထိုရဟန်းလည်း အရင်က တစ်ယောက်တည်း သူ့ဘက်က ဘယ်သူမှ ကာကွယ် ပြောပေးမည့်သူ မရှိသဖြင့် ရဟန်းအားလုံးက ဒုဿီလ ဟု စွပ်စွဲသမျှ ခေါင်းငုံ့ ခံခဲ့သည်၊ ယခုအခါမှာတော့ ဘုရင်ကြီးကျောထောက် နောက်ခံရှိသဖြင့် သူ့ကို စွပ်စွဲတဲ့သူမှန်သမျှကို ဒုဿီလဟု ပြန်လည် စွပ်စွဲ ဆဲရေးတော့သည်။ ထိုရဟန်းကို နှင်ထုတ်ရေးအဓိကရုဏ်းသည် ရဟန်းသံဃာတွေထံ ရိုက်ခတ်ရုံမက ဘုရားအထံပါ ရောက်သွားတော့သည်။ မြတ်စွာဘုရားက တရားလို တရားသေ အားလုံးသော ရဟန်းသံဃာတွေ စုဝေးပြီး မေးမြန်းစစ်ဆေးသည်။ အဲဒီနောက်- မိန်းမကပ်လျှက်ပါခြင်းကြောင့် ဒုဿီလဟု စွပ်စွဲခံ ရဟန်းကို ဘုရားက အပြစ်တင်သည်မှာ-“ရဟန်းတွေက တကယ်မြင်လို့ သင့်ကို ဒုဿီလဟု ပြောတာ၊ သင်က ဘာမှ မမြင်ဘဲ သက်သက် ထိုရဟန်းတွေကို ပြန်ပြီး ဒုဿီလဟု စွပ်စွဲသည်၊ သင်ဟာ အရင်တုန်းကလဲ ဒီလို နုတ်ဝစီ မစောင့်ခဲ့၊ သူတပါးကို ခြောက်ချခဲ့လို့ သူတပါး ချစ်ခြင်းကို ခွဲခဲ့လို့ အခုလို သင်လဲ အလားတူ ပြန်ခံနေရတာပဲ” ဟု မိန့်ကာ ထိုရဟန်း အတိတ်က ပိသုဏ- သူတပါးချစ်ခြင်းကို ခွဲခဲ့ခြင်း အကြောင်းကို ဆက်မိန့်လေတော့သည်။

အတိတ်က ပိသုဏ
ကဿပမြတ်စွာဘုရားရှင် လက်ထက်တော်က တစ်မိတည်းပေါက် ညီအစ်ကိုရင်းနှစ်ယောက်လို သိပ်ချစ် သိပ်ညီညွတ်ကြတဲ့ သူငယ်ချင်း ရဟန်း ၂ ပါးရှိခဲ့ဖူးသည်။ ထိုသူငယ်ချင်းနှစ်ယောက် သိပ်ချစ် သိပ်ညီညွတ်နေတာကို တာဝတိံသာက နတ်သားတစ်ယောက်က ကြည့်မရ ဖြစ်နေသည်။ သူတို့နှစ်ယောက် သိပ်ညီညွတ် သိပ်ချစ်နေတာကို ခွဲမယ်ဆိုတဲ့ အတွေးရိုင်း ၀င်လာသည်။ တနေ့တော့ ရဟန်းတော်များ ဥပုသ်ပြုကြဖို့ရန် သိမ်ရှိရာ နေရာသို့ စုဝေးကြသည်၊ အဲဒီခေတ်က သက်တော်ရှည် ဘုရားလက်ထက်တော် ဖြစ်သည့်အတွက် ဒီခေတ်လို လပြည့်-လကွယ်နေ့တိုင်း ဥပုသ်ပြုရသလို မဟုတ်ဘဲ တစ်နှစ်မှ တစ်ကြိမ်၊ ၆ လမှ တစ်ကြိမ်မျှသာ ဥပုသ်ပြုကြရသည်။ တောနယ်တွေမှာတော့ ဘုန်းကြီးကျောင်းတကျောင်းနဲ့ တကျောင်း အလှမ်းဝေးပေမဲ့ အသက် သိက္ခာ အကြီးဆုံး မထေရ်ကြီး ရှိရာ ကျောင်းသို့ အနီးအနားမှာ ရှိသည့် ကျောင်းတွေက လာစုဝေးကြသည်။ စာရေးသူတို့ တောနယ်မှာဆို ရှေး မထေရ်ကြီးရှိစဉ်ကထဲက အစဉ်အလာကို ယနေ့အထိ ထိန်းသိမ်းတဲ့ ကျောင်းထိုင်ဆရာတော်က လပြည့် လကွယ်နေ့တိုင်း ညနေ ၄ နာရီ အနီးအနားရှိ ကျောင်းမှ ရဟန်းတော်များ ဥပုသ်ပြုကြွရန် ကြေးစည် ကြေးမောင်း အသံပေးလေ့ရှိသည်။ တောလမ်းတွေဆိုတော့ ချုံတွေ တောအုပ်တွေ အလွန်ပေါသည်။

ကဿပဘုရားလက်ထက်က ဥပုသ်ပြုသွားကြသော ရဟန်း ၂ ပါးလဲ ထိုကဲ့သို့သော တောအုပ်လမ်းလေးအတိုင်း ဖြတ်ပြီး ဥပုသ်ပြုသွားကြသည်။ တခါတော့ လမ်းခုလပ်မှာ ၀မ်းမထိန်းနိုင်ဖြစ်နေသည်၊ ထိုဝမ်းပြဿနာကို အနီးအနားမှာ ရှိသည့် တောအုပ်ကလေးထဲမှာပဲ ဖြေရှင်းလိုက်သည်။ ထိုအချိန်မျိုးကို စောင့်နေသော နတ်သားက ချုံပုတ်ကထွက်လာသော ရဟန်းနောက်က မိန်းကလေးဟန်ဆောင်ပြီး ကပ်လိုက်သည်၊ ဟိုကိစ္စ ဒီကိစ္စ ပြီးခဲ့သည် ဟန်ဖြင့် ထမီကိုပါ ပြင်ဝတ်ပြလိုက်သေးသည်။ အပြင်ကစောင့်နေသော အချစ်ဆုံးသူငယ်ချင်း ရဟန်းက ထိုအခြင်းအရာ အားလုံးကို မြင်သည်။ စိတ်လဲ အရမ်းဆိုးနေသည်၊ “အရှင်ဘုရားဟာ- တပည့်တော် သူငယ်ချင်းမဟုတ်တော့ဘူး၊ တပည့်တော် သူငယ်ချင်း ဖြစ်ဖို့ မတန်ဘူး၊ အရှင်ဘုရားမှာ ဘာသီလမှ မရှိတော့ဘူး” စသည်ဖြင် အချစ်ဆုံးသူငယ်ချင်းရဲ့ စိတ်ဆိုးမာန်ဆိုးပြောသော စကားကို သူ နားမလည်ရှာ ဘာပြောနေမှန်းလဲ မသိ။ မိန်းကလေးနဲ့ အတူ ချုံပုတ် ထဲမှာ သားမယားပြုတယ်ဆိုတဲ့ အကြောင်းပြောပြလိုက်တော့ ဦးခေါင်းကို မိုးကြိုးပစ်သလို ခံရသည်။ တပည့်တော် ဘာမှ မသိပါဘူးဘုရား ပြောလဲ မရတော့ချေ၊ အရှင်ဘုရားနဲ့အတူ ဥပုသ်လဲ အတူမပြုနိုင်တော့ဘူးဘုရား ဟု လမ်းခွဲကြရန် ပြောသောအခါ နတ်သားလဲ သူဟာ ကြီးလေးတဲ့ အမှားကြီးတစ်ခုကို လွန်ကျူးမိလိုက်ပြီဆိုတာ သိလိုက်ရပြီ၊ သံဝေဂလဲ ရသွားသည်၊ ရဟန်းနှစ်ပါးလုံးကို တောင်းပန်သည်၊ အရှင်ဘုရားတို့ တစ်ပါးနဲ့တစ်ပါး အမြင်မလွဲကြပါနဲ့ဘုရား၊ “စောစောက ချုံပုတ်ထဲမှာ အိမ်သာသွားသော ရဟန်းနောက်က မိန်းကလေးက တပည့်တော် နတ်သား အယောင်ဆာင်လိုက်လာတာပါဘုရား၊ အရှင်ဘုရားတို့ နှစ်ပါး သိပ်ချစ် သိပ်ညီညွတ်တာကို ခွဲချင်လို့ လုပ်မိတာပါဘုရား၊ တပည့်တော် အပြစ်ပါဘုရား”ဟု ၀န်ခံလိုက်မှ ထိုရဟန်းနှစ်ပါးလဲ ဥပုသ်အတူ ပြုနိုင်သည်၊ သို့ပေမဲ့ တစ်ယောက်နှင့်တစ်ယောက် အထင်သေး အမြင်သေး ပြောမိလိုက်ခြင်းကြောင့် သူတို့ နှလုံးသားမှာတော့ အစွန်းထင်သွားသည်၊ အရင်လို တစ်ပါးနဲ့တစ်ပါး သိပ်ပြီး လှိုက်လှိုက်လှဲလှဲ မဖြစ်တော့ချေ။ တာဝတိံနတ်သားသည် ထိုကဲ့သို့သော အကုသိုလ်ကြောင့် ဘုရားနှစ်ဆူ အကြားမှာ ငရဲခံရပြီး အကုသိုလ် အကြွင်းအကျန်အနေနဲ့ ၀ဋ်ကတော့မြဲနေသေးသည်။ ယခု ဘ၀မှာတော့ ကောဏ္ဍဓာန မထေရ်အဖြစ် ဆွမ်းခံကြွတိုင်း နောက်က အမျိုးသမီးတစ်ယောက် အရိပ်သဖွယ် လိုက်နေတော့သည်။ အများအမြင်မှာ ထင်ယောင်ထင်မှားဖြစ်စေတော့သည်။ ကုသိုလ်ကံ အကုသိုလ်ကံတွေ ကုန်လို့ ရဟန္တာ ဖြစ်သွားပေမဲ့ ၀ဋ်ကတော့ လိုက်မြဲပင် ဖြစ်သည်။

ဤ၀ဋ် ဤကံတို့သည် သူများ ချစ်ခြင်းကို ခွဲမိခြင်းကြောင့်ပင် ဖြစ်သည်။ ထို့ကြောင့် ချစ်ခြင်းကို မခွဲမိစေဖို့ သတိရစေပါသည်။

နိဂုံး
ကြမ်တမ်းသော စကားကို အနဲငယ်မျှ မဆိုမိစေနဲ့၊ သင်ပြု သင်ပြောသမျှသော ကံတွေသည် သင့်ထံ မလွဲ မသွေ ပြန်ရောက်မှာ အမှန်ပင် ဖြစ်သည်၊ “သင်ဘာတွေး၊ ဘာပြော၊ ဘာလုပ်၊ သင်တွေးမျှ ပြောသမျှ လုပ်သမျှတို့သည် သင်၏ ကံ၊ သင်၏ ကိုယ်ကျင့်တရားများဖြစ်တော့သည်။”ဟု မှတ်ရမည်။ ကိုယ့်ကာယကံ ကိုယ့်ထံပြန် ပဲ့တင်သံမလွဲ တစ်ထပ်တည်း ဟူသတည်းးးးးးးး

ရွှင်လန်းချမ်းမြေ့ပါစေ
သီတဂူစတား
၂၆-၄-၂၀၁၂

Read more »

ညီညွှတ်ကြီးပွားလမ်းစဉ်

ညီညွှတ်ကြီးပွားလမ်းစဉ် (သို့) သာရဏီယ တရား

စာမိတ်ဆက်
“ဖေ့စ်ဘုတ်မှာ သာရဏီယတရား ၆ ပါးနှင့် ထင်ရှား ပြည့်စုံသူများ”ဟုသော ခေါင်းစဉ်အောက်မှာ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၊ ကုလသမဂ္ဂအတွင်းရေးမှူးချုပ် ဦးသန့်နှင့် ပြည်သူ့လွတ်တော်ကိုယ်စားလှယ် နိုဘယ်လ်ဆုရှင် ဒေါ်အောင်ဆန်းစုကြည်တို့ သုံးယောက်ကို ပြထားတာ တွေ့ရတယ်။ မြန်မာကို ကမ္ဘာ့အသိုင်းအ၀ိုင်းနဲ့ မိတ်ဆက်ပေးသူများဟူ၍လဲ ရေးထားသည်။ ထိုအောက်မှ ကွန့်မန့်တွေ ဖတ်ရင်း စိတ်ဝင်စားစရာလဲတွေ့ရ ရယ်စရာတွေ့၍လဲ ရယ်မိသည်။ တချို့လဲ အကောင်းမြင်ဝါဒဖြင့် ချီးမွမ်းထောမနာ ပြုထားကြသည်၊ တချို့ကတော့ ဘယ်သူကိုတော့ ဘာလို့မထည့်လဲဆိုပြီး နာမည်ကိုပါ ထည့်၍ မန့်ထားသည်။ စာရေးသူလဲ ဖေ့စဘုတ်ဂျိုးဖြစ်နေမှန်းမသိ ဖြစ်နေသည်၊ ဖေ့စ်ဘုတ်က ကွန်မန့်တွေ ဖတ်ရတာကို နှစ်သက်လာမိသည်။ တော်တဲ့သူကို တော်သလို ကောင်းတဲ့သူကို ကောင်းသလို ချီးမွမ်းခန်းတွေနဲ့ မန့်ထားသည်၊ ဆိုးသည်ဟု ယူဆရသောသူကိုတော့ အသားကုန် မန့်ထားသည်ကို တွေ့ရသည်။ နိုင်ငံရေးမှာပဲဖြစ်ဖြစ် ဘာသာရေးမှာပဲဖြစ်ဖြစ် လူမှူရေးမှာပဲဖြစ်ဖြစ် တော်သူကို တော်သလို ဆိုးဝါးသူကို ဆိုးသလို အချက်ကျကျ ဝေဖန်သုံးသပ်ထားသည်ကိုလဲ တွေ့ရသည်။ ထိုကွန်မန့်များစွာထဲက သာရဏီယတရားအကြောင်း မန့်ထားတာလေးကိုလဲ တွေ့ရသည်။ ဒါနဲ့ပဲ သာရဏီယအကြောင်း ရေးချင်စိတ်ပေါက်လာတာနဲ့ ရေးဖြစ်သွားခြင်းဖြစ်သည်။

ညီညွတ်ခြင်း၏ သင်္ကေတ (ဦးပိန်တံတား)

(မွေးနေ့တစ်ခုအတွက်နဲ့ နှစ်လည်အောင့်မေ့ဖွယ်အတွက် ဂုဏ်ပြုပေးသော စာရေးသူ၏ ပို့စ်တချို့မှာလဲ ထိုသာရဏီယတရားအကြောင်း အနဲငယ်ထည့်ရေးဖူးသည်။)

သာရဏီယတရားများ
အဂုင်္တ္တရနိကာယ် တိကနိပါတ်မှာတော့ သာရဏီယဆိုတာ တစ်သက်မမေ့ထိုက်သော အရာများ၊ မမေ့သင့် မမေ့ထိုက်သော၊ တစ်သက်တာ အမှတ်ရထိုက်သော အရာများဟု မေ ၁၆ ရဲ့မွေးနေ့ပို့စ်မှာ ရေးခဲ့ဖူးသည်။ ထိုသုတ်အရ မမေ့ထိုက်သော အရာ သုံးခုကို ပြထားသည်၊ ၁။မွေးနေ့၊ ၂။ဘ၀တစ်ခု၏ အလုပ်စလုပ်ရာနေ့ (ဘုရင်ဖြစ်သောနေ့၊ ရဟန်းဖြစ်သောနေ့စသည်) ၃။ အောင်မြင်သောနေ့ဟု ပြဆိုခဲ့ပြီး ဖြစ်သည်။

အဂုင်္တ္တရနိကာယ် ဆက္ကနိပါတ်မှာတော့ တစ်သက်တာ အမှတ်ရစေရမည့် အရာ ၆ မျိုးကို ပြထားသည်။ ထို ၆ မျိုးလုံးကို ခြံငုံသုံးသပ်လျှင် “သာရဏီယတရားသည် အချင်းအချင်း တစ်ဦးပေါ် တစ်ဦး ခိုက်ရန်မဖြစ်ခြင်း၊ ချစ်ခင်ကြင်နာခြင်း, လေးစားယုံကြည်ခြင်းတို့ကို ဖြစ်စေသောကြောင့် စည်းလုံးခြင်း၊ ငြိမ်းချမ်းခြင်း ကြီးပွားခြင်းတို့ကို ဖြစ်စေသည်သည်။ ထို့ကြောင့် ထိုသာရဏီယတရား ၆ပါးကို လူဝတ်ကြောင်ပဲ ဖြစ်ဖြစ် သာသနာအတွင်းက ရဟန်းသာမဏေများပဲ ဖြစ်ဖြစ် တစ်သက်တာအမှတ်ရစေရမည့် တရား ၆-ပါးအဖြစ် ပြုကျင့်၏ဟူ၍” ဆိုအပ်၏။

သာရဏီယ ၆ ပါး
(၁) တစ်ယောက်ကိုတစ်ယောက် ,ရှေ့မှာပဲဖြစ်စေ ဆိပ်ကွယ်ရာမှာဖြစ်စေ ကာယကံမေတ္တာထားခြင်း (မေတ္တံ ကာယကမ္မံ)။
ရဟန်းတော်များအတွက် အာဘိသမာစာရိက အချင်းအချင်းအပေါ် နားလည် လေးစား လိုက်နာရမည့် ကျင့်ဝတ်တွေကို မေတ္တာဖြင့် ပြုကျင့်ခြင်းဖြစ်သည်။ ဥပမာ-တပည့်တစ်ယောက်က ဆရာသမားအပေါ် သို့မဟုတ် မိတ်ဆွေတစ်ယောက်အပေါ် လုပ်သင့်လုပ်ထိုက်သော တာဝန်များရှိသည်၊ ထိုတာဝန်များကို မေတ္တာထားပြီး ကိုယ်ဖြင့်ပြုလုပ်သော အမှုများကို ကာယကံမေတ္တာ ထားခြင်းဟုဆိုသည်။
အလားတူပင် လူဝတ်ကြောင်များလဲ အချင်းအချင်းအပေါ် အပြန်အလှန် လေးစားရမည်၊ ပြုလုပ်သင့်သော တာဝန်များရှိသည်။ ထိုတာဝန်များကို ဖြည့်ဆည်းပေးရာဝယ် မေတ္တာစိတ်လေးထားလိုက်ရုံမျှဖြင့် ကာယကံမေတ္တာဖြစ်သွားသည်။ သူငယ်ချင်းတစ်ယောက် သို့မဟုတ် သူစိမ်းတစ်ယောက် အိမ်ကိုရောက်လာလျှင် နွေးနွေးထွေးကြိုဆိုလိုက်ခြင်း နေရာပေးခြင်း ရေအေးအေးလေးတိုက်ခြင်း စသည်စသည်ဖြင့် ဧည့်ဝတ်ပြုကြရသည်၊ ထိုသို့ဧည့်ဝတ်ပြုရာဝယ် မေတ္တာစိတ်လေးထားလိုက်ခြင်းသည်ပင် ကာယကံမေတ္တာမည်သည်။ ဘုရားဖူးသွားသည်ပဲ ဖြစ်ဖြစ်၊ ဘုရားဝတ်ပြုတာပဲ ဖြစ်ဖြစ်၊ သူတော်စင်တပါးပါးကို အိမ်သို့ပင့်တာပဲဖြစ်ဖြစ်၊ ကြွလာသော သူတော်စင်ကို ခရီးဦးကြိုခြင်း၊ နေရာထိုင်ခင်းပေးခြင်း စသည် ဝေယျာဝေစ္စအမှုများသည် မေတ္တာဦးစီးသောအခါ ကာကယံမေတ္တာ ဖြစ်သွားသည်။

(၂) အချင်းချင်း တစ်ဦးအပေါ် တစ်ဦး ၀စီကံမေတ္တာ ထားခြင်း (မေတ္တံ ၀စီကမ္မံ)
ဝစီကံမေတ္တာ သည်လည်း ကာယကံမေတ္တာနည်းတူ မေတ္တာဖြင့် နှုတ်ဝစီကို ဆိုခြင်းသည် ၀စီကံမေတ္တာမည်သွားသည်။ မေတ္တာစိတ်ဖြင့် ဓမ္မအကြောင်း ဘာသာရေးအကြောင်း လူမှုရေးအကြောင်း စီးပွားရေးအကြောင်း စသည်ဖြင့် ဗဟုသုတဖြစ်ဖွယ်၊ အကျိုးများဖွယ်ရှိသော စကားများကို ပြောပေးခြင်း၊ ဟောပေးခြင်း၊ ဆွေးနွေးခြင်းများသည် ၀စီကံမေတ္တာမည်သည်။ သူငယ်ချင်းရေ-- ဒီည ဘယ်ဆရာတော် တရားဟောမည်တဲ့၊ တရားသွားနာကြရအောင်ဟု ပြောဆိုခြင်း၊ မနက်ဖန် သံဃာ့ ဘုရားရှိခိုးမယ်၊ ပရိတ်ရွတ်မယ်၊ ပဌာန်းရွတ်မယ် စသည်အားဖြင့် မေတ္တာဖြင့် ပြောဆိုခြင်း၊ ရွတ်ဖတ်ခြင်းတို့သည် ၀စီကံမေတ္တာများဖြစ်သည်။ အမြင်မတော် လုပ်နေသော သူငယ်ချင်းကို “သူငယ်ချင်းရေ-ဒီအလုပ်တော့ မလုပ်သင့်ဘူး၊ ဒီလိုတော့ လုပ်သင့်တယ်၊ ဒီလိုတော့ မပြောသင့်ဘူး၊ ဒီလိုတော့ ပြောသင့်တယ်”ဟု မေတ္တာဖြင့် လမ်းညွှန်ပြသ ပြောဆိုခြင်းသည်လည်း ၀စီကံမေတ္တာ မည်သည်။ ဤသို့အား အကောင်းဘက်မှာ မေတ္တာနှင့်ယှဉ်၍ ပြောဆိုခြင်းအားလုံးကို ၀စီကံမေတ္တာ ဆိုပါသည်။

(၃) တစ်ယောက်အပေါ် တစ်ယောက် ရှေ့မှာပဲဖြစ်ဖြစ် မျက်ကွယ်မှာပဲဖြစ်ဖြစ် မေတ္တာပွားခြင်း (မေတ္တာ မနောကံ)
အချိန်မရွေး နေရာမရွေး တစ်ဦးနဲ့ တစ်ဦး မေတ္တာစိတ်တွေ မွေးနေရင် မေတ္တာ မနောကံ မည်သည်။ “ဤမြို့ ဤရွာ ဤနေရာ၌ နေကြကုန်သော သူတို့သည် စိတ်ဆင်းရဲခြင်းကင်းကြပါစေ ကိုယ်ဆင်းရဲခြင်းကင်းကြပါစေ” စသည်ဖြင့် တစ်ဦးချင်းကို ရည်ရွယ်ပြီး မေတ္တာပွားခြင်းပဲ ဖြစ်ဖြစ် (ဥဒ္ဒိဿမေတ္တာ)၊ ခြုံငုံ၍ မေတ္တာပွားခြင်းပဲဖြစ်ဖြစ် (အနောဒိဿမေတ္တာ) ဘယ်နည်းနဲ့မဆို မေတ္တာပို့ခြင်းမှန်သမျှသည် မေတ္တံ မနောကံမည်သည်။ မေတ္တံ-မနောကံဆိုတာ ကာယကံ မေတ္တာကဲ့သို့ ကိုယ်ထိလက်ရောက် မေတ္တာဖြင့် ပြုစုခြင်းမျိုးလဲ မဟုတ်၊ မေတ္တာစိတ်ဖြင့် နှုတ်ဝစီဖြင့် ထုတ်ဖော် ပြောဆိုခြင်းမျိုးလဲ မဟုတ်ဘဲ စိတ်ထဲမှာပဲ ပွားများခြင်းမျိုးဖြစ်သည်။

(၄) ရရှိလာတဲ့ ပစ္စည်းတွေကို အတူမျှဝေသုံးစွဲခြင်း (လာဘေဟိ အပ္ပဋိဝိဘတ္တဘောဂီ)
ရဟန်းသာမဏေများသည် ကိုယ့်ဘုန်းကိုယ့်ကံကြောင့် ရရှိလာတဲ့ လာဒ်လာဘတွေကို ကိုယ်တစ်ယောက်တည်း မသုံးဘဲ မိတ်ဆွေအပေါင်းသင်းများနဲ့ မျှဝေသုံးစွဲခြင်း။ ဘယ်သူ့ကိုပဲ မျှဝေမယ် ဘယ်သူ့ကိုတော့ မျှဝေ မပေးနိုင်ဘူးဆိုတဲ့ ခွဲခြားတဲ့စိတ်မထားဘဲ အတူနေသူအားလုံးကို တပြေညီတည်းသဘောထားပြီး အညီအမျှဝေခြမ်းပြီး သုံးစွဲခြင်းဖြစ်သည်။ စာရေးသူတို့ ငယ်ငယ်က ဆရာသမားများ၏ အဆိုအဆုံးအမကို နားကြားခဲ့ရသည်။ “စိတ်ကောင်းရှိဖို့က ပထမ”ဆိုတဲ့ ဥပဒေဆယ်ချက်ထဲက တစ်ချက်သည် အမရပူရမြို့မဟာဂန္ဓာရုံတိုက်ကြီး၏ စာသင်နည်းစနစ်တခုဖြစ်သည်။ သူတော်ကောင်းစိတ်ကို ဖြစ်စေဖို့ သဒ္ဓါတရားကို တိုးပွားစေဖို့၊ ဣဿာ မစ္ဆရိယစိတ်တွေ ဆုတ်ယုတ်စေဖို့ ဆိုတဲ့ ရည်ရွယ်ချက်ဖြင့် ပရိယတ္တိစာပေများကို သင်ယူရသည်။ ဆရာများကလဲ ကိုယ့်မှာ ရရှိလာတဲ့ ပစ္စည်းပစ္စယလေးတွေကို အတူနေ သီတင်းသုံးဖော်တို့အား ပေးတတ်ကမ်းတတ်အောင် ဆိုဆုံးမလေ့ရှိသည်။ ဆိုလိုသည်မှာ နံပါတ် ၄ သာရဏီယ တရားကို ဖြစ်ကျင့်ဖို့ရန်ဖြစ်သည်။ စိတ်ကောင်းရှိဖို့ ပထမ ဟူသော ပထမဆုံး ဥပဒေသည်ပင် သာရဏီယ ၆ ပါးလုံး ဖြည့်ကျင့်စေဖို့ တိုးပွားစေဖို့ပဲ ဖြစ်သည်။ ကိုယ့်ရဲ့ ကျိုးပန်းမှုကြောင့် ရရှိလာတဲ့ ဘ၀စည်းစိမ် ဥစ္စာတွေကို ကိုယ်တည်း မသုံးစွဲဘဲ ကိုယ့်မိသားစုပဲ မသုံးစွဲဘဲ ကိုယ့်အိမ်အနီးအနားမှာရှိတဲ့ သူတွေကို မျှဝေပေးခြင်းသည် ၄ ခုမြောက် သာရဏီယဖြစ်သည်။ အလုပ်ရှင်၊ အရာရှိ အသီးအသီးတို့သည်လည်း ကိုယ်ချည်း မသုံးစွဲဘဲ ကိုယ့်အောက်ငယ်သားတွေကို ဝေမျှသုံးစွဲခြင်းဟုသော သာရဏီယ အကျင့်ကို လေ့ကျင့်သင့်သည်။

အထူးသတိပြုရသည်မှာ ပေးသူ ယူသူတို့ နှစ်ဦးလုံး ကိုယ်ကျင့်တရားရှိရမည်။ ကိုယ်ရှာဖွေလို့ ရလာတဲ့ စည်းစိမ်တို့သည် ဓမ္မိယလဒ္ဓဖြစ်ရမည်၊ အသက်မွေးဝမ်းကြောင်းစင်ကြယ်ပြီး ရတဲ့ ပစ္စည်းဖြစ်ရမည်။ မသန့်ရှင်းသော ပစ္စည်းဖြင့်ကား သာရဏီယ ကျင့်ဝတ်မဖြစ်နိုင်။ ထို့ကြောင့် ဒီသာရဏီယကျင့်ဝတ်သည် ကိုယ်ကျင့်တရားရှိသူသည်သာ ဖြည့်ကျင့်နိုင်သည်၊ ကိုယ်ကျင့်တရား မရှိသော ဒုဿီလ သမားကတော့ ဖြည့်ကျင့်ခွင့်မရ။ ကိုယ်ကျင့်တရားရှိသော မိတ်ဆွေ အပေါင်းသင်းများက နည်းမမှန်သောနည်း (၀ိသမလောဘ၊ မိစ္ဆာဇီဝ)ဖြင့် ရရှိလာသော ပစ္စည်းကို ဝေငှပါက လက်မခံနိုင်ကြ။ ဆိုလိုသည်မှာ ဒုဿီလပေးသော ပစ္စည်းလက်မခံ။ သာရဏီယဖြည့်ကျင့်ဖို့ရန်အတွက် အသက်မွေးဝမ်းကြောင်း စင်ကြယ်စေရမည်၊ သီလရှိရမည်ဟူသတည်း။

ပေးသူ+ယူသူနှစ်ဦးလုံးက ကိုယ်ကျင့်တရားနှင့် ပြည့်စုံကြသည်ဖြစ်သောကြောင့် သာရဏီယတရားကို ဖြည့်ကျင့်သူသည် ဣဿာ မစ္ဆရိယစိတ် မရှိခြင်း၊ လူရော နတ်ပါ ချစ်မြတ်နှိုးခြင်းကို ရရှိခြင်း၊ လာဘ်လာဘပေါများခြင်း၊ ပေးမကုန်အောင် ပေါများခြင်း။ ကိုယ့်မှာ အကြောက်တရားနှင့် ဆာလောင်မှုဘေးနဲ့ ရင်ဆိုင်ရရင်တောင် နတ်တွေရဲ့ အစောင့်အရှောက်ကို ရရှိခြင်း စသည်ဖြင့် အကျိုးကား ကြီးမားလှသည်။

(၅) တူညီသော ကိုယ်ကျင့်သီလရှိခြင်း (သီလသာမညဂတော)
“ရောမမှာနေ ရောမလိုကျင့်”ဆိုတာလို ရောက်တဲ့နေရာမှာ သီလရှိသူ ကိုယ်ကျင့်တရားရှိသူတွေနဲ့ တန်းတူနေနိုင်ခြင်း။ သာရဏီယတရားတို့သည် အကောင်းဘက်ကိုပဲ ရည်ရွယ်သဖြင့် သီလမရှိသူ ကိုယ်ကျင့်တရားမရှိသူတို့နှင့် တန်းတူစရာမလို။ ရောက်တဲ့နေရာတိုင်းမှာ သောတာပန်သီလရှိသူနဲ့ တန်းတူ သောတာပန်သီလအဖြစ် ဖြည့်ကျင့်၍နေခြင်း။ ကောင်းတဲ့သူနဲ့တွေ့တော့ သူနဲ့အဆင့်တူအောင် သူ့လိုနေပြရသည်။ သာရဏီယသဘောအရ သောတာပန်ပုဂ္ဂိုလ်တစ်ယောက်၏ သီလသည် သမုဒ္ဒရာတစ်ဘက်ကမ်း သို့မဟုတ် နတ်ပြည်မှာရှိသော သောတာပန်ပုဂ္ဂိုလ်တစ်ယောက်၏ သီလနဲ့ ဘယ်လိုမှ ခွဲခြား၍မရ၊ တစ်ထပ်တည်း ညီမျှနေသည်။

လောကလူသားတွေ အများစုက ကိုယ့်ထက် စည်းစိမ် ရာထူး ပညာ နိမ့်ပါးသူကို ကိုယ်နဲ့အဆင့်မတူဘူးဆိုပြီး တန်းတူမဆက်ဆံနိုင်ကြ၊ ကိုယ့်ထက် ကိုယ်ကျင့်တရားဘယ်လောက်ပဲ ကောင်းကောင်း ပိုက်ဆံရှိ ပညာတတ် လူ့ဗာလက အထင်သေး အမြင်သေးဆက်ဆံတတ်သည်။ ပညာရှိသူတော်ကောင်းကို ရှေ့တန်းမတင်ချင်ကြ၊ ကိုယ့်ထက်သာသူ မြင်ပြန်တော့လဲ ၀မ်းမသာနိုင်ဘဲ ဆွဲချဖို့ပဲ စဉ်းစားတတ်ကြသည်။ တကယ်ဆို သာရဏီယတရားအရ အသွင်မတူပေမဲ့ မွန်မြတ်တဲ့အသွင်ဖြစ်အောင် တန်းညှိပေးရသည်။ ကိုယ်က စည်းစိမ်ဥစ္စာဘယ်လောက်ပေါပေါ၊ ပညာတွေဘယ်လောက်ပဲ တတ်တတ်၊ ရာထူးတွေဘယ်လောက်ပဲ မြင့်မြင့် ကိုယ့်ထက်ကိုယ်ကျင့်သီလ မြင့်မြတ်သူကို တလေးတစားဆက်ဆံရမည်၊ ကိုယ့်ထက်သာသူကို ၀မ်းသာပေးရမည်အပြင် ကိုယ်လဲ သူ့လိုလူဖြစ်အောင်ကြိုးစားရမည်။

(၆) တစ်ယောက်နဲ့တစ်ယောက် အမြင်တူမျှခြင်း (ဒိဋ္ဌိသာမညဂတော)
သာရဏီယတရားတော်အရ အမြင်တူရမည်ဟုဆိုရာဝယ် သံသရာဝဋ်ဆင်းရဲမှလွတ်မြောက်ရေး အမြင်တူရခြင်းဖြစ်သည်။ ရောက်လေရာ အရပ်မှာ သံသရာလွတ်မြောက်ကြောင်း သမ္မာဒိဋ္ဌိအမြင်ရှိသူတွေနဲ့ တန်းတူနေနိုင်အောင် ကြိုးစားရမည်။

ဘာသာရေးမှာပဲ ဖြစ်ဖြစ်၊ နိုင်ငံရေးမှာပဲဖြစ်ဖြစ်၊ လူမှုရေးမှာပဲဖြစ်ဖြစ် စီးပွားရေးမှာပဲဖြစ်ဖြစ် အရေးများစွာတွင် အမြင်မတူရင်၊ အသွင်မတူရင် ပေါင်းရသင်းရ ခက်ခဲတတ်သည်၊ သို့သော်လည်း အသွင်မတူ အမြင်မတူရင် ညှိယူလို့ရသည်၊ အများစုက မျက်စိ ဇွတ်မိတ်ပြီး ကိုယ့်အမြင်က မှန်သည်ဟု ယူဆတတ်သည်၊ အတ္တကြီးသူ ဖြစ်တတ်သည်။ အတ္တလေး ဘေးဖယ်ထားပြီး ကိုယ့်အမြင် သူ့အမြင်များကို ပြန်လည်သုံးသပ်သင့်သည်။ အများအတွက် အကျိုးရှိမည့် အမှန်တရားကို လက်ခံသင့်သည်။ တစ်ဖတ်လူ၏ အမြင်သည် ကိုယ်အမြင်ထက် ပိုအကျိုးများနေပါက ထိုသူ့အမြင်နဲ့ တန်းညှိသင့်သည်။

အကျဉ်းချုပ်သော်----
(၁) တစ်ယောက်ကိုတစ်ယောက် ,ရှေ့မှာပဲဖြစ်စေ ဆိပ်ကွယ်ရာမှာဖြစ်စေ ကာယကံမေတ္တာထားခြင်း (မေတ္တံ ကာယကမ္မံ)
(၂) အချင်းချင်း တစ်ဦးအပေါ် တစ်ဦး ၀စီကံမေတ္တာ ထားခြင်း (မေတ္တံ ၀စီကမ္မံ)
(၃) တစ်ယောက်အပေါ် တစ်ယောက် ရှေ့မှာပဲဖြစ်ဖြစ် မျက်ကွယ်မှာပဲဖြစ်ဖြစ် မေတ္တာပွားခြင်း (မေတ္တာ မနောကံ)
(၄) ရရှိလာတဲ့ ပစ္စည်းတွေကို အတူမျှဝေသုံးစွဲခြင်း (လာဘေဟိ အပ္ပဋိဝိဘတ္တဘောဂီ)
(၅) တူညီသော ကိုယ်ကျင့်သီလရှိခြင်း (သီလသာမညဂတော)
(၆) တစ်ယောက်နဲ့တစ်ယောက် အမြင်တူမျှရခြင်း (ဒိဋ္ဌိသာမညဂတော)
ဘာပဲဖြစ်ဖြစ် အဓိကအားဖြင့် သာရဏီယတရားသည် အရိယာနယ်ပယ် သို့မဟုတ် ဘာသာရေးနယ်ပယ်ကို အဓိကထား ဖွင့်ဆိုထားပေမဲ့ ဘာသာရေးအပြင် လူမှုရေး စီးပွားရေး နိုင်ငံရေးတွေမှာပါ စံနမူနာယူပြီး အသုံးချမည်ဆိုပါက ညီညွှတ်ရေး ငြိမ်းချမ်းရေး တည်ငြိမ်ရေး ကြီးပွားရေး စသည့် အရေးများစွာအတွက် များစွား အကျိုးများမည် ဖြစ်ပါသည်။

ရွှင်လန်းချမ်းမြေ့ပါစေ
သီတဂူစတား
၇-၇-၂၀၁၂

Read more »

သီတဂူဆရာတော်နှင့် မဟတ္တမဂန္ဒီ၏ ၁၄၃ ကြိမ်မြောက်မွေးနေ့

မဟတ္တမဂန္ဒီ၏ ၁၄၃ ကြိမ်မြောက်မွေးနေ့  သီတဂူဆရာတော် တက်ရောက် မိန့်ခွန်းပြော

အိန္ဒိယနိုင်ငံ၏ငြိမ်းချမ်းရေး ခေါင်းဆောင်တစ်ဦးဖြစ်သည့် မဟတ္တမဂန္ဒီ၏ ၁၄၃ ကြိမ်မြောက်မွေးနေ့ အထိမ်းအမှတ်ပွဲကို “နိုင်ငံတကာအကြမ်းမဖက်ရေးနေ့”ဟု ကုလသမဂ္ဂမှ သတ်မှတ်ထားသည်။ ထိုနေ့အတွက် ယနေ့(အောက်တိုဘာ ၂ ရက်နေ့) တွင် ရန်ကုန်မြို့ရှိ၊ အိန္ဒိယသံရုံးတွင် ကျင်းပခဲ့သည်။

အခမ်းအနားတွင် သီတဂူဆရာတော် ဒေါက်တာအရှင်ဥာဏိဿရက မဟတ္တမဂန္ဒီသည် ဗုဒ္ဓဘာသာဝင်တစ်ဦးမဟုတ်သော်လည်း ဗုဒ္ဓဘာသာ၏အခြေခံအချက်များဖြစ်သည့် ပါရမီ ၁၀ ပါးကိုကျင့်သုံးကြောင်းကို ဂန္ဒီ၏ဘ၀အတွေ့အကြုံ ဖြတ်သန်းမှုများနှင့်ယှဉ်ကာ “Life of Mahatama Gandhi & Buddhist Principles” ခေါင်းစဉ်ဖြင့်ဟောပြောခဲ့သည်။

မြန်မာနိုင်ငံဆိုင်ရာအိန္ဒိယသံအမတ်ကြီးဒေါက်တာဗီလာဆွန်ဒါရာရာဂျမ် ရှေရှာဒရီက သီတဂူဆရာတော်ကြီးအနေဖြင့် ဗုဒ္ဓဘာသာနှင့်ပတ်သက်သော ငြိမ်းချမ်းရေးအယူအဆများကို မဟတ္တမဂန္ဒီမွေးနေ့အထိမ်းအမှတ်ပွဲတွင် ဟောကြားပေးမှုကို ကျေးဇူးတင်ရှိကြောင်းပြောကြားခဲ့သည်။

7 Day News မှ ကူးယူဖော်ပြပါသည်။

ရွှင်လန်းချမ်းမြေ့ပါစေ
သီတဂူစတား
၂-၁၀-၂၀၁၂

Read more »

အလှူရှင် (၃)စု မှတ်တမ်း

အလှူရှင် (၃)စုမှတ်တမ်း

(၁) အလှူရှင် (စင်္ကာပူ)
Mr. Henry Tan and his daughter Miss Nicolette from Singapore donated lunch, three bags of rice, and some fruit to the 24 Ph.D students who are studying in Somaiya College, Mumbai in India at 26,09.2012.

May you be happy, healthy and wealthy!

ဒီကနေ့ ၂၆-၉--၂၀၁၂ နေ့မှာ ကျရောက်တဲ့ မွေးနေ့ရှင်များ ဖြစ်ကြသော စင်္ကာပူနိုင်ငံမှ Mr. Henry Tanနှင့် သမီးဖြစ်သူ Miss Nicolette တို့က Mr. Henry Tan ၏ ၆၉ နှစ်ပြည့်မွေးနေ့နှင့် သမီးဖြစ်သူ Miss Nicolette ၏ ၂၂ နှစ်ပြည့် မွေးနေ့အတွက် ရည်မှန်းပြီး ဘုံဘေမြို့ စောမယကောလိပ် Ph.D ကျောင်းသား ရဟန်းတော် ၂၄ ပါးတို့အား နေ့ဆွမ်း ကပ်ခြင်း၊ ဆန် အိပ် ၃ အိပ် လှူဒါန်းခြင်းများ ပြုလုပ်သည်။

(စင်္ကာပူအလှူရှင်) 

++++++++

(၂) အလှူရှင် မြန်မာ (ရန်ကုန်)
At the same day, the donors from Yangon, Myanmar donated $ 720 for four requisites to the Ph.D students who are studying in Somaiya College, Mumbai in India.
၂၆-၉-၂၀၁၂ ရက်နေ့ကပဲ ရန်ကုန်မြို့ရှိ အလှူရှင် မိသားစုကလဲ စောမယ ကောလိပ် Ph.D ကျောင်းသား ရဟန်းတော် များ၏ ဆွမ်း, သင်္ကန်း, နေစရာ, ဆေးဝါး ပစ္စည်းလေးပါး အတွက် ရည်စူးပြီး အမေရိကန် ဒေါ်လာ ၇၂၀ ကို လှူဒါန်းလိုက်ပါသည်။

အလှူရှင်များ----
၁။ ဒေါက်တာ ဦးမောင်မောင်ခင်+ဒေါ်ခင်အုံး မိသားစု ပြည်မြို့--------------$ 100
၂။ ဒေါက်တာ ၀င်းမောင်+ဒေါက်တာ အေးမိခင် ပေါင်းတည်မြို့--------------$ 100
၃။ မနှင်းနွယ်စိုး ရန်ကုန်မြို့---------------------------------------------------$ 20
၃။ ကိုနိုင်+ဒေါက်တာသော်သော် မိသားစု ရန်ကုန်--------------------------$ 200
၅။ ဦးမောင်သာထွန်း+ဒေါ်မီမီခိုင် သမီး မမဉ္ဇူသာထွန်း စမ်းချောင်း----------$ 100
၆။ ဦးသိန်းထိုက်+ဒေါ်ခင်သန္တာမြင့် မိသားစု သင်္ဃန်းကျွန်း-------------------$ 100
၇၊ ဦးဇော်နိုင်အား ရည်ဇူး၍ ဒေါ်မြင့်သိင်ဂီ သား မောင်ဇော်ရဲထက်နိုင်၊
မောင်ကောင်းခန့်နိုင် မိသားစု တောင်ဥက္ကလာပ----------------------------$ 100
ထိုမိသားစုအားလည်း စောမယကောလိပ် Ph.D ကျောင်းသား ရဟန်းတော် များက မေတ္တာပို့ ဆုတောင်းပေးနေပါကြောင်း။

(အမေရိကန် ဒေါ်လာ (၇၂၀) အလှူရှင်များနှင့် အလှူများ)

May you be happy, healthy and wealthy!

++++++++++

(၃) အလှူရှင် (ရန်ကုန်/ဘုံဘေ)
At 28,09,2012, the donor is U Kyaw Swe+Daw Than Than Htay and family. The family always offers some rice together with great curry, fruit, juice and others for lunch to the Ph.D students who are studying in Somaiya College, Mumbai in India. Today, the family donates Indian rupees ten thousand (Rs-1,0000=$ 200) for the Ph.D students’ lunch.

၂၈-၉-၂၀၁၂ ရက်နေ့ အလှူရှင်ကတော့ အိန္ဒိယနိုင်ငံ ဘုံဘေမြို့တွင် တာဝန် ထမ်းဆောင်နေသော ရန်ကုန်မြို့မှ ဦးကျော်ဆွေ+ ဒေါ်သန်းသန်းဌေး မိသားစု ဖြစ်သည်။ ထိုမိသားစု တစ်ပတ်ခြားလျှက် စောမယကောလိပ် Ph.D ကျောင်းသား ရဟန်းတော်များကို ဆွမ်းကပ်လေ့ရှိသည်။ ယခုအခါ ဒကာမကြီးက မြန်မာပြည် ပြန်ရောက်နေသဖြင့် ဒကာကြီးတစ်ယောက်သာ ဘုံဘေမှာ ရှိနေသည်၊ ချက်ဖို့ပြုတ်ဖို့ အဆင်မပြေသဖြင့် ဆွမ်းအလှူတော်အတွက် ရူပီး တစ်သောင်း (၁၀၀၀၀= $ 200)၊ ဆန်၊ ဆီ၊ စသည်များကို လှူဒါန်းသွားသည်။

May you be happy, healthy and wealthy!

အထက်ဖော်ပြပါ မြန်မာ+စင်္ကာပူများမှ အလှူရှင်အားလုံး ကိုယ်ရောစိတ်ပါ ချမ်းသာကြပါစေ။

May all of the Donors from Singapore and Myanmar be happy, healthy and wealthy!

မြန်မာစာ မဖတ်တတ်သော တရုပ်အလှူရှင်ပါ ၀မ်းသာဖွယ် (အနုမောဒနာ) ဖြစ်အောင် အင်္ဂလိပ်လို မတတ်တတတ်နဲ့ တွဲပြီး ဂုဏ်ပြုလိုက်သည်၊

ရွှင်လန်းချမ်းမြေ့ပါစေ
သီတဂူစတား
၂၉-၉-၂၀၁၂

Read more »