တစ်ပိုင်းတစ်စအတွေးများ

ဘုန်းဘုန်း
ဆောင်းပါး ပို့လိုက်ပါတယ်။ အဆင်မပြေရင်တော့ မတင်ပါနဲ့။ သေချာ စစ်ကြည့်လိုက်ပါအုံး။ မှားပါမှာစိုးလို့။


တစ်ပိုင်းတစ်စအတွေးများ
တွေးမိနေတာတော့ ကြာပါပြီ။ တိုက်တိုက်ဆိုင်ဆိုင် ဟိုတလောကက ၂၀၀၉ ထုတ် မန္တလေးသာသနာ့ တက္ကသိုလ်မဂ္ဂဇင်းမှာပါတဲ့ အရှင်ဝါသဝ(နတ်မောက်)ရဲ့ မှားမှန်အဖြစ် အမှန်စစ်နိုင်ပါစေ (စာ-၄၈-၅၂)ဆိုတဲ့ဆောင်းပါးကို ဖတ်လိုက်ရတော့တွေးရုံနဲ့ အားမရလို့ရေးလိုက်တာပါ။ အဲဒီဆောင်းပါးမှာ အဓိကပြောထားတာက ဘယ်အရာမဆို အမှားအမှန်ကိုကိုယ်ပိုင်ဥာဏ်နဲ့ ဝေဖန်စိစစ်တတ်ဖို့၊ အမှားအမှန်ကို ထောက်ပြရဲတဲ့သတ္တိမျိုးရှိဖို့၊ အများနဲ့သက်ဆိုင်တဲ့ဟောပြောပွဲတွေမှာ အပြန်အလှန်ဆွေးနွေး မေးမြန်းနိုင်တဲ့စနစ်မျိုးရှိဖို့ စတာတွေကိုမြင်သာအောင် တင်ပြထားပါတယ်။ အဲဒီလိုအမှားအမှန်ကို ကိုယ်တိုင်ဝေခွဲနိုင်ပြီး အမှန်ဘက်ကနေ ရဲရဲဝံ့ဝံ့ ရပ်တည်နိုင်တဲ့သတ္တိမျိုးကိုလည်း ငယ်ငယ်ကတည်းက လေ့ကျင့်ပျိုးထောင်ပေးဖို့ အထူးသဖြင့် စာသင်ခန်းတွေမှစတင်ပြီး အဲဒီလိုသတ္တိမျိုးရအောင် ပျိုးထောင်ပေးဖို့ တိုက်တွန်းထားပါတယ်။ ဆောင်းပါးကိုဖတ်ပြီး တဆက်တည်း
ကိုယ့်ကိုကိုယ်ပြန်ဆင်ခြင်မိပါတယ်။

အော်...ဟုတ်တယ် ငါတို့တတွေဟာလည်း တစ်ချို့ကိစ္စတွေမှာ အမှားအမှန်မစစ်ဘဲ လက်ခံခဲ့တာ၊
အမှန်ကိုတကယ်မသိလို့လက်ခံခဲ့တာ၊ အကြောင်းအမျိုးမျိုးကြောင့် မှားမှန်းသိရက်နဲ့ အမှန်မပြင်နိုင်ရဲခဲ့တာတွေနဲ့ ကြီးပြင်းခဲ့ရတာပါလားလို့ ခံစားလိုက်ရပါတယ်။ ဆောင်းပါးရှင်ကတော့ ဘာသာရေးနဲ့ ပတ်သက်တာတွေကို အလေးထားပြီးတင်ပြသွားတာပါ။ ကိုယ်က ဘာသာရေးအပြင် တခြားအရေးတွေကိုပါ ဆက်ပြီးတွေးမိတာပါ။ တစ်စုံတစ်ခုအပေါ်မှာ အမှားအမှန်မစစ်ဘဲ လက်ခံလိုက်တာဟာ အမှန်ကိုတကယ်မသိလို့လဲ ဖြစ်နိုင်ပါတယ်။

ခုခေတ်မှာ အကြောင်းအရာမျိုးစုံကို နည်းမျိုးစုံနဲ့ မြင်နေ ကြားနေရပါတယ်။ တစ်ခုနဲ့တစ်ခုဟာလည်း မတူဘူးဆိုရင် ဘယ်ဟာအမှန် ဘယ်ဟာအမှားဆိုတာ ဆုံးဖြတ်ရခက်မှာပါ။ ကိုယ်ကျွမ်းကျင်တဲ့ နယ်ပယ်မဟုတ်ရင် ဆုံးဖြတ်ဖို့တော်တော်ခက်ပါတယ်။ ခုခေတ်လူတော်တော်များများဟာ ဗဟုသုတတွေအများကြီးရှိ အကြောင်းအရာ တော်တော်များများကိုလည်း သိကြပါတယ်။ ဒါပေမယ့် တစ်ခုခုကို ခြေခြေမြစ်မြစ်သိလားဆိုရင် အဲဒီလိုလူတော်တော်ရှားပါတယ်။ ဒါကြောင့် တစ်ခုခုကို အမှားအမှန်ဝေဖန်ဖို့ လိုတဲ့အခါ မဆုံးဖြတ်ခင်မှာ အဲဒီကိစ္စနဲ့ပတ်သက်တဲ့ အမှားအမှန်ကိုဝေဖန်နိုင်တဲ့ အသိဥာဏ်ပညာမျိုး၊ အတွေးအခေါ်မျိုး ကိုယ့်မှာအပြည့်အဝ ရှိနေဖို့ အရေးကြီးပါတယ်။

ဝေဖန်နိုင်တဲ့ အသိဥာဏ်ပညာမျိုးရှိမှလည်း မှန်ကန်တဲ့အဖြေရမှာပါ။ တခါတရံမှာတော့ အမှားနဲ့အမှန်ဟာ မကွဲပြားဘဲ ရှိနေတတ်ပါတယ်။ တစ်ချို့ကိစ္စတွေက အမှားအမှန်သတ်မှတ်ချက် အတိအကျရှိပေမယ့် တစ်ချို့ဟာတွေကျတော့ မရှိပါဘူး။ အဲဒီအခါမှာ အမှားအမှန်ကို ဘာနဲ့တိုင်းတာဆုံးဖြတ်မလဲလို့ စဉ်းစားစရာ ဖြစ်လာပါတယ်။ ရလာမဲ့အကျိုးဆက်ပေါ်မူတည်ပြီး ဆုံးဖြတ်ရမယ်လို့ ယူဆကြမယ်ထင်ပါတယ်။

အရာရာတိုင်းကို လိုက်ပြီး အမှားအမှန် စိစစ်ဖို့မလိုပေမယ့် ဘဝမှာအရေးပါတဲ့ကိစ္စတစ်ချို့မှာတော့ အမှားအမှန်စိစစ်ဖို့လိုပါတယ်။ တစ်ချို့ကိစ္စတွေက မှားမှားမှန်မှန် ပြသနာသိပ်မရှိပေမယ့် တစ်ချို့ကိစ္စတွေမှာတော့ အကြီးအကျယ် ထိခိုက်ဆုံးရှုံးမှုတွေ ဖြစ်နိုင်ပါတယ်။ နောက်တစ်ခုက အမှားကို တကယ်မသိလို့ လက်ခံလိုက်သူ၊ အမှန်ထင်လို့ပြောတဲ့သူကို သိတဲ့သူကအမှန်ပြင်တဲ့ကိစ္စပါ။ အဲဒီမှာ အမှန်ပြင်တဲ့သူဟာ ရိုးရိုးသားသား (ရိုးရိုးသားသား) နဲ့ သဘောထားမှန်ဖို့ အရေးကြီးပါတယ်။ အပြင်ပေးခံရသူကလည်း သဘောထားကြီးဖို့ လိုပါတယ်။ (တမင်မှားအောင် ရည်ရွယ်ချက်နဲ့လုပ်တဲ့သူကိုတော့ တစ်မျိုးပေါ့)။ တစ်ချို့ကိစ္စတွေမှာ လိမ်လိမ်မာမာ ပါးပါးနပ်နပ်နဲ့ ပြင်ပေးတတ်ဖို့ လိုပါတယ်။ မဟုတ်ရင် နောက်ဆက်တွဲတွေက မမျှော်လင့်တာတွေ ဖြစ်လာတတ်ပါတယ်။

ဒါကြောင့် လူမှုရေး၊ စီးပွားရေး၊ နိုင်ငံရေး၊ ဘာသာရေးစတာတွေမှာ အမှားစစ်တာပဲဖြစ်ဖြစ်၊ အမှန်ပြင်တာပဲဖြစ်ဖြစ် အရေးအကြီးဆုံးက ပြင်နိုင်စစ်နိုင်တဲ့ အသိဥာဏ်ပညာမျိုး အပြည့်အဝရှိဖို့ပါ။ ဒါမှလည်းရလဒ်ကောင်းတွေ ထွက်လာမှာပါ။
အဲဒီအသိပညာမျိုးရအောင် ဘယ်လိုလေ့ကျင့်ပျိုးထောင်ပေးကြမလဲ။ ပျိုးထောင်ပေးလို့ရောရပါ့မလား။ ပျိုးထောင်ရပြီဆိုပါတော့ ပြင်ရောပြင်ရဲကြပါ့မလား။(ရိုးသားစွာနဲ့) ပြင်ဖို့တာဝန်ရှိတယ်လို့ရော
ခံစားမိကြပါ့မလား။ တွေးစရာတွေကတော့ အများကြီးပါပဲ။

မြတ်စု
၂၇-၁၂-၂၀၀၉

လွန်ခဲ့တဲ့ရက်ပိုင်းက မမြတ်စုအား မေးမိပါသည်၊ ညီမ စာရေးဝါသနာပါလားလို့၊ ၀ါသနာပါရင် ဆောင်းပါးလေးတစ်ပုဒ်လောက် ရေးပါ့လား၊ အများအတွက် ဗဟုသုတ အသိဥာဏ်ရစေမဲ့ ဆောင်းပါးမျိုးပေါ့။ သူလဲပဲ စာပေ၀ါသနာပါသည့်အလျောက် ရက်မကြာပဲ ချက်ချင်း ဆောင်းပါတစ်ပုဒ် ခေါင်းထဲက ညစ်ထုတ်ပေးနိုင်ခဲ့တယ်။ မမြတ်စုအား အထူးကျေးဇူးတင်ပါတယ်။ မမြတ်စုလိုပဲ စာပေ၀ါသနာပါသူများကို ဖိတ်ခေါ်ပါတယ်။

သီတဂူစတား
၂၈-၁၂-၂၀၀၉

Posted in: ဆောင်းပါး