အမျိုးသမီးစွမ်းဆောင်ရှင် (အပိုင်း-၂)

အမျိုးသမီးစွမ်းဆောင်ရှင် ခုဇ္ဇုတ္တရာ

ဇေတဝန်ကျောင်းတော်မှာ ကျင်းပတဲ့ ဘွဲ့နှင်းသဘင်
ဒီဘွဲနှင်းသဘင်ကို မြတ်စွာဘုရားက သာဝတ္ထိပြည် ဇေတဝန်ကျောင်းတိုက်မှာ ကျင်းပတယ်၊ ဗဟုသုတဓမ္မကထိကဧတဒဂ်တဲ့၊ ပရိသတ်ကြီး ပြောလိုက်အုံး။
ဗဟုသုတဓမ္မကထိကဧတဒဂ်ပါဘုရား။
သာဝတ္ထိပြည် ဇေတဝန်ကျောင်းတိုက်မှာ ဘွဲ့နှင်းသဘင်ကျင်းပတော့ တန်းစီပြီးတော့ တစ်ယောက်ပြီးတစ်ယောက်ဘွဲ့တွေပေးတာ၊ ဘုရားကိုယ်တော်တိုင်ပေးတာ၊ ဘုန်းကြီးထင်တယ်ပေါ့လေ ဒီကနေ့ခေတ်လိုရွှေ စလွယ်ကြီးတွေ ဘာတွေတော့ပါမယ်တော့ မဟုတ်ဘူး၊ ဘုရားကြေငြာရုံလေး ကြေငြာတာပဲ၊ ဒီဘွဲ့ရကြတယ်။
အခု ဘွဲ့ခံတဲ့အမျိုးသမီးက ဘယ်အရပ်သူလဲလို့ ဆိုလို့ရှိရင် ပရိသတ်ရေ ကောသမ္ဗီမြို့သူ၊ ဘာမြို့လဲ။
ကောသမ္ဗီမြို့ပါဘုရား။
ကောသမ္ဗီမြို့ဆိုတာ ဒီကနေ့အိန္ဒိယပြည်ကြီးမှာ ဗာရာဏသီကနေ အနောက်ဘက်ထဲကို သွားလိုက်ရင် မိုင်နှစ်ရာကျော်ကျော်လေးသွားရတယ်။ ယမုံနာမြစ်ကမ်းမှာ ကောသမ္ဗီမြို့ဟောင်းဆိုတာ အသောကမင်းကြီးစိုက်ခဲ့တဲ့ ကျောက်တိုင်ကြီးနဲ့ မှတ်မှတ်သားသား၊ အဲဒီနေရာဟောင်းမှာ ယခုထိ ရှိတယ်၊ ယမုံနာမြစ်ကမ်းပေါ့၊ အဲဒီ နန်းစိုက်တဲ့ရှင်ဘုရင်က ဥတေနမင်း၊ ပြောဘယ်သူလဲ။
ဥတေနမင်းပါဘုရား။
အေး ကန္တိတိုင်းထဲမှာ ပါဝင်ပြီးတော့ ဥတေနရှင်ဘုရင်အဲဒီမှာ နန်းစိုက်တယ်၊ ဥတေန တဝင်းပူနဲ့ဖတ်ရင် တစ်ခါတစ်ခါကျတော့ ဒဒွေးနဲ့ ရေးပြီးတော့ ဥဒေနလို့ ဒီလိုလဲရှိတယ်၊ နှစ်ခုစလုံးဖတ်လို့ရတယ်၊ ဒီစာလုံးဟာ တဝမ်းပူရော ဒဒွေးရော အားလုံးပဲ ဟုတ်လား၊ ပညာရှင်တွေလက်ခံ ကြတယ်။ ဥတေနနန်းစိုက်တဲ့ကောသမ္ဗီမှာ ယမုံနာမြစ်ကမ်းက ကောသမ္ဗီမြို့၊ အဲဒီမှာ မြတ်စွာဘုရားရှင်ကိုယ်တော်မြတ်ဝါတော်ကိုးဝါအရတုန်းက ဝါဆိုသွားတယ်။
မြတ်စွာဘုရား ကိုးဝါအရ တစ်ဝါဆိုတုန်းက မြတ်စွာဘုရားထံမှာ တရားတွေနာပြီးတော့ သောတာပန်တည်လိုက်တာ ဒီမိန်းကလေးဟာ နောင်သောအခါ မြတ်စွာဘုရားက ဗဟုသုတဓမ္မကထိက ဧတဒဂ်ဆိုတဲ့ဘွဲ့ပေးတော့ သာဝတ္ထိပြည်မှာ အခမ်းအနားကြီးကျင်းပလို့အကုန်လုံးတန်းစီပြီးတော့ ဒကာမတွေ ဘွဲ့ရကြတော့ သူ့ဘွဲ့နဲ့သူ တစ်ဆယ့်သုံးယောက်ရကြတယ်၊ ဘိက္ခုနီတွေ ရကြတယ်၊ ဥပါသကာ ဒကာယောက်ျားတွေ ရကြတယ်။ ရဟန်းတော်တွေရ၊ ဧတဒဂ်ဘွဲ့ရကြတယ်။

ကောသမ္ဗီမြို့သူ မြို့သားတို့၏ဂုဏ်ရည်
အဲဒီတော့ ကောသမ္ဗီပြည်ဆိုတာက ပရိသတ်ရေ သာသနာတော် ရဲ့သမိုင်းမှာတော်တော်မှတ်သားစရာကောင်းတဲ့မြို့တစ်မြို့။ ဘာလို့လဲဆို တော့ သက်တော်တစ်ရာ့ခြောက်ဆယ် အသက်ရှည်ပြီးတော့ အနာကင်း၊ ကျန်းမာခြင်းနှင့်ပြည့်စုံတဲ့နေရာမှာ ဧတဒဂ်ရရှိတော်မူသော အရှင်ဗာကုလ အဲဒီကောသမ္ဗီမြို့မှာဖွား၊ ဗာကုလထေရ်ကြီး ဘယ်မြို့သားလဲ။
ကောသမ္ဗီမြို့သားပါဘုရား။
ထူးတယ်၊ နောက် ကောသမ္ဗီမြို့က ဘာထူးသေးလဲဆိုတော့ မေတ္တာ ဧတဒဂ်ဘွဲ့ရတဲ့သာမာဝတီဆိုတာလည်း ကောသမ္ဗီကပဲ၊ အခု ဗဟုသုတ ဓမ္မကထိကဧတဒဂ်ရတဲ့ ခုဇ္ဇုတ္တရာလည်းပဲ ကောသမ္ဗီကပဲဆိုတော့ ကောသမ္ဗီ တစ်မြို့တည်းက ထူးချွန်တဲ့ပုဂ္ဂိုလ်ကို ပရိသတ်ရေ ပေါ်ပေါက်တာ ယခုပြောတာ ဘယ်နှစ်ယောက်လဲ။
သုံးယောက်ပါဘုရား။
သုံးယောက်ထဲမှာ နှစ်ယောက်က အမျိုးသမီးဖြစ်တယ်၊ သာမာဝတီ ခုဇ္ဇုတ္တရာ၊ သာမာဝတီက မေတ္တာဝိဟာရီဧတဒဂ်၊ ဘာပါလဲ။
မေတ္တာဝိဟာရီဧတဒဂ်ပါဘုရား။
မေတ္တာနဲ့နေတယ်၊ အမြဲတန်းမေတ္တာနဲ့နေတယ်၊ အဲဒီ သာမာဝတီနဲ့ ခုဇ္ဇုတ္တရာတို့ကတွဲဖက်အလွန်ညီတဲ့ မိန်းမနှစ်ယောက်၊ တွဲဖက်သိပ်ညီတယ်၊ နှစ်ယောက်စလုံးဘွဲ့တံဆိပ်ရ။
''ဧတဒဂ္ဂံ ဘိက္ခဝေ မမ သာဝိကာနံ မေတ္တာဝိဟာရီနံ ဥပါသိကာနံ ယဒိဒံ သာမာဝတီ''
ဘိက္ခဝေ - ရဟန်းတော်များ အိုချစ်သားတို့။ မမ သာသနေ - ငါ ဘုရားရှင်ရဲ့သာသနာတော်မှာ။ ယဒိဒံ ယာ ဧသာ သာမာဝတီ - အကြင် သာမာဝတီဆိုတဲ့ အမျိုးသမီးသည်။ အတ္ထိ - ရှိပါပေ၏။ ဧတံ ဧသာ သာမာ ဝတီ - ထိုသာမာဝတီဆိုတဲ့ အမျိုးသမီးငယ်သည်။ မမသာသနေ - ငါဘုရား ရှင်ရဲ့သာသနာတော်မှာ။ မမ သာဝိကာနံ - ငါဘုရားရှင်ရဲ့အဆုံးအမစ ကားကိုလိုက်နာကြကုန်သော။ မေတ္တာဝိဟာရီနံ - မေတ္တာဖြင့်နေလေ့ရှိကြကုန်သော။ ပရိသတ်ရေ ဘာနဲ့နေလဲ။
မေတ္တာနဲ့နေပါတယ်ဘုရား။
ရပ်တော့လည်း မေတ္တာနဲ့ရပ်နော၊ သွားတော့လည်း မေတ္တာပွားပြီးတော့ သွားတယ်တဲ့၊ ထိုင်တော့လည်း မေတ္တာပွားပြီးတော့ထိုင်တယ်တဲ့၊ အိပ်တော့လည်း မေတ္တာပွားလို့အိပ်တယ်၊ ဣရိယာပုတ်လေးမျိုး ခန္ဓာကိုယ်ရဲ့ လှုပ်ရှားတဲ့အနေအထာ လေးပါးစလုံးမှာ မေတ္တာလွှတ်တာ ဘယ်သူလဲ။
သာမာဝတီပါဘုရား။
သာမာဝတီ အသားကလည်းရွှေလိုဝင်းပြီးတော့ အလွန်လှတယ်။ အားလုံးရွတ်နေတဲ့သုတ္တန်မှာဒီနေနည်းပါတယ်။
''တိဋ္ဌံ စရံ နိသိန္နောဝ သယ နော ယာဝတဿ ဝိတမိဒ္ဓေါ''
ရွတ်နေတဲ့စာထဲမှာ ပရိသတ်ရေ ဒါမပါဘူးလား။
ပါပါတယ်ဘုရား။
တိဋ္ဌံ စရံ နိသိန္နောဝ သယနေ - တိဋ္ဌံ - ရပ်နေတုန်းမှာပဲဖြစ်ဖြစ်။ စရံ - သွားနေတုန်းမှာပဲဖြစ်ဖြစ်။ နိသိန္နောဝ - ထိုင်နေတုန်းမှာပဲဖြစ်ဖြစ်။ ပြီးတော့ဘာလာလဲ၊ သယနော - လျောင်းစက်နေတုန်းမှာပဲဖြစ်ဖြစ်။ ဧတံ သတိံ အဓိဋ္ဌေယျ - အဲဒီ မေတ္တာသတိကို ဆောက်တည်လို့နေကုန်ရာ၏။ ရပ်လည်းမေတ္တာ၊ သွားလည်းမေတ္တာ၊ ထိုင်လည်းမေတ္တာ၊ အိပ် လည်းမေတ္တာပေါ့၊ အဲဒီလိုနေမယ်ဆိုရင်။
ဧတံ ဝိဟရဏံ - အဲဒီလိုမေတ္တာနဲ့နေကြခြင်း ထိုင်ကြခြင်းကို။ ဗြဟ္မဝိဟာန္တိ၊ ဗြဟ္မဝိဟာရခေါ်တယ်လို့ ပရိသတ်ကြီး ဗြဟ္မဝိဟာရခေါ်ကြည့် လိုက်ပါ။
ဗြဟ္မဝိဟာရပါဘုရား။
ဗြဟ္မာကြီးတွေနေသလိုပဲတဲ့။ သာမာဝတီက ဥတေနနန်းတော်မှာ ဘယ်လိုနေသလဲ ဗြဟ္မာကြီးတွေနေသလိုနေနေတာ၊ ကမာရွတ်ကဒကာမ တွေနဲ့ နည်းနည်းကွာလိမ့်မယ် ဟုတ်လား။ အေး ဗြဟ္မဝိဟာန္တိ - ဗြဟ္မာပြည် မှာ ဗြဟ္မာကြီးတွေနေသလိုမေတ္တာနဲ့နေနေတဲ့အတွက်ကြောင့် ဗြဟ္မဝိဟာရ ခေါ်ရတယ်လို့ ပရိသတ်ရေ သာမာဝတီရဲ့နေခြင်းကို ဘာခေါ်သလဲ ဗြဟ္မဝိ ဟာရခေါ်တယ်။
Noble abiding မွန်မြတ်သော နေထိုင်ခြင်း။ အဲဒီလိုနေတဲ့ဗြဟ္မ ဝိဟာရခေါ်ရတယ်လို့။ သန္တော - ဘုရားအစရှိတဲ့အရိယာသူတော်ကောင်း တွေက။ အာဟု ကထေသိ - ကောင်းစွာမသွေ မိန့်ဆိုတော်မူကြလေကုန် သတည်း။
သာဓု သာဓု သာဓုပါဘုရား။

အမျိုးသမီးစွမ်းဆောင်ရှင် (အပိုင်း-၃)မျှော်

Posted in: တရားတော်