Myanmar Kyat Converter
Tuesday, November 17, 2009
သီတဂူစတား (sitagustar)
မကွေးဆရာတော်ကြီး၏ သြ၀ါဒ (၁)
ရက်စွဲ (၀၇၊ ၁၁၊ ၂၀၀၉)
ဆရာတော်အရှင်မြတ်တို့ဘုရား-
သံဃာ့အဖွဲ့အစည်းဖွဲ့စည်း၍ သာသာနာတော်သန့်ရှင်းရေးကိုဆောင်ရွက်ခဲ့ရာ ရှေးဦးအစပိုင်းအချိန် က ရဟန်းတု၊ ရဟန်းယောင်များ ပပျောက်သလောက်ဖြစ်၍ သမဏသာရုပ္ပ မရှိသော ရဟန်တော်များလည်း နည်း ပါးလာခဲ့ပါသည်။ ပရိယတ္တိသာသနာတော်၏ အညစ်အကြေးဘေးရန်ဖြစ်သော အဓမ္မ၀ါဒများကိုလည်း ပိတ်ပင် ဟန့်တားပယ်ရှားနိုင်ခဲ့ပါသည်ဘုရား။
ယခုအခါ ပရိယတ္တိသာသနာတော်၏ဘေး၇န်ဖြစ်သော ``အဓမ္မ၀ါဒ´´ ဟုဆုံးဖြတ်ခဲ့ပြီးသော ၀ါဒများ တစ်စ တစ်စ ခေါင်းထောင်လာပြန်ပါသည်။ အချို့က မထင်မရှား ဟောပြောကြသည်။ အချို့က အထင်အရှား ဟောပြောကြသည်။ အချို့က သင်တန်းဖွင့်၍ ပြသကြသည်။ အဓမ္မ၀ါဒအဖြစ် ဆုံးဖြတ်အပ်ပြီးသော စာအုပ်စာတမ်းများကို မိတ္တူကူး၍ ဖြန့်ချိနေကြသည်များကိုလည်း အထင်အရှားတွေ့မြင် နေကြရပါသည်။
ဤအဓမ္မ၀ါဒများကို မည်သည့်ဒေသ၌ မည်သည့်ပုဂ္ဂိုလ်များ မည်သို့ မည်ပုံဟောပြော နေကြသည်။ သင်တန်းပို့ချနေကြသည် စသည်များကို `` ပြည်နယ်/တိုင်း၊ မြို့နယ်သံဃနာယက အဖွဲ့များက အတိအကျစုံ စမ်းထောက်လှမ်း၍ နိုင်ငံတော်သံဃမဟာနာယက အဖွဲ့ထံအစီရင်ခံတင်ပြကြရန်ညွှန်ကြားလွှာများထုတ် ထား သင့်မည်´´ ဟု သဘောရပါသည်ဘုရား။
ဤလျှောက်ထားခဲ့ပြီးသော အကြောင်းခြင်းရာများသည် ပရိယတ္တိတည်းဟူသော မြတ်ဗုဒ္ဓ၏ သာသနာတော်မသန့်မရှင်း ညစ်နွမ်းရခြင်း၏ အညစ်အကြေးများဖြစ်ပါသည်။ ဤသာသနာ့ အညစ်အကြေး များကို သုတ်သင်ပယ်ရှား တားမြစ်ခြင်းမရှိဘဲ လျစ်လျူရှုထားကြလျှင် ပရိယတ္တိဟူသော မြတ်ဗုဒ္ဓ၏ သာသနာတော်မြတ်ကြီး ပျက်စီးကွယ်ပျောက်သွားနိုင်ပါသည်။
“အမှိုက်မှစ ပြသာဒ်မီးလောင်” ဟူသော မြန်မာစကားပုံတစ်ခုရှိခဲ့ပါသည်။ ယခုဖြစ်ပေါ်နေသည့် ပြသာဒ်ကိုလောင့်မည့်မီးသည် သာမည မီးပေါက်မီးပွားကလေးမျှ မဟုတ်တော့ပါ။ ထေရ၀ါဒ ဗုဒ္ဓသာသာတော်မြတ်ကြီးတည်းဟူသော ပြသာဒ်တော်ကြီးကို မျိုဝါးလောင်မြိုက်သွားနိုင်လောက်အောင် အင်အား ကြီးမားသော မီးပုံကြီးဖြစ်နေသည်ကို လည်းသတိကြပ်ကြပ်ထားတော်မူကြစေချင်ပါသည်ဘုရား။
ပရိယတ္တိ (ပိဋကတ်စာပေ) ဟူသော မြတ်ဗုဒ္ဓ၏သာသနာတော်မြတ်ကြီး ပျက်စီးပျောက်ကွယ်သွားလျှင် ပဋိပတ္တိ (ကျင့်စဉ်) ပဋိဝေဓ (မဂ်ဖိုလ်)တည်းဟူသော သာသနာတော်မြတ်ကြီးများလည်း ပျက်စီးကွယ်ပျောက် သွားကြ ပါလိမ့်မည်ဘုရား။
ဘုရယးရှင်ကိုယ်တော်မြတ်ကြီးသည် ထိုအရေးကိုမြင်တော်မူသောကြောင့် အရှင်မဟာကဿပမထေ ရ်မြတ်အား ”ကဿပ လောက၌ ရွှေအတုမဖြစ်ပေါ်သေးသမျှ ကာလပတ်လုံး ရွှေအစစ်မကွယ်ပျောက်နိုင်သေး၊ လောက၌ ရွှေအတုဖြစ်ပေါ်လာသောအခါ၌မူကား ရွှေအစစ် ကွယ်ပျောက် နိုင်၏။
“ကဿပ ဤဥပမာ အတူပင် လောက၌ သူတော်ကောင်းတရားအတုအယောင် မဖြစ်ပေါ်သေးသမျှ ကာလပတ်လုံး သူတော်ကောင်းတရားတည်းဟူသော သာသနာတော် မကွယ်ပျောက်နိုင်သေး။ လောက၌ သူတော်ကောင်းတရား အတုအယောင်ဖြစ်ပေါ်လာသော အခါ၌မူကား သူတော်ကောင်းတရားတည်း ဟူသောသာသနာတော် ကွယ်ပျောက်နိုင်၏ ´´ ဟု ဆိုပါသည်ဘုရား။
(ဆဋ္ဌမအကြိမ် နိုင်ငံတော်သံဃမဟာနာယကအဖွဲ့(၄၇)ပါးစုံညီ န၀မအစည်းအဝေး)
Posted in: သြ၀ါဒ
Washington Time
London Time
Beijing Time
Kuala Lumpur Time
Brasilia Time
Wellington Time
Havana Time
Singapore Time
Yangon (Rangoon) Time
New Delhi Time
0 comments:
Post a Comment