ခေါင်းဆောင်တို့ ကျင့်စဉ်

သီတဂူကမ္ဘာ့ဗုဒ္ဓတက္ကသိုလ် (ရန်ကုန်) ဖွင့်ပွဲ
တတိယမြောက်နေ့၌
ကြွရောက်လာသော လူမှုအဖွဲ့အစည်း ပရိသတ်တို့အား

သီတဂူဆရာတော် ဒေါက်တာအရှင်ဉာဏိဿရဟောကြားအပ်သော


ခေါင်းဆောင်တို့ ကျင့်စဉ်
သုမင်္ဂလော အယံကာလော၊ မင်္ဂလာအပေါင်းနှင့် ပြည့်စုံတဲ့အခါကောင်းပါ။ မင်္ဂလာကောင်း အခါကောင်းမှာ အားလုံးကို မင်္ဂလာစကားပြောပါမယ်။ မင်္ဂလာစကား ပြောကြားခွင့် ရလို့၊ ပြောကြားခွင့်ရဆိုရာမှာ အသင်းအဖွဲ့ပေါင်းစုံ၊ လူမျိုးလည်း တော်တော် စုံတဲ့ ပွဲမှာ ပြောကြားခွင့်ရလို့ ပိုပြီးတော့ ၀မ်းသာတယ်။
ရှေးဦးစွာ နားထောင်ကြတဲ့ ပရိသတ်ကို မေတ္တာရပ်ခံထားချင်တာ နှစ်ခု ရှိပါတယ်။ တစ်ခုက ငြိမ်ငြိမ်တိတ်တိတ်၊ တိတ်တိတ်ဆိတ်ဆိတ် မြတ်စွာဘုရားကြိုက်တဲ့ မူဝါဒ၊ အရှင်သာရိပုတ္တရာနဲ့ အရှင်မဟာမောဂ္ဂလာန်တို့ရဲ့ Country-side-ဒေသမှာ ရဟန်းခံ လာကြတဲ့ ကျေးလက်က ရဟန်းအပါး (၅၀၀) ဘုရားနဲ့ သာရိပုတ္တရာ၊ မောဂ္ဂလာန်တို့ နေရာကို ဘုရားဖူးဖို့ ရောက်လာကြတယ်။ ဟိုအလွန်ဝေးတဲ့ Remote place-ကနေ သာဝတ္ထိဆိုတဲ့ Capital-ကို ရောက်တော့ သူတို့မှာ မမြင်ဘူးတာ၊ မတွေ့ဘူးတာတွေ၊ မကြားဘူးတာတွေ သိပ်များတော့ မြင်လိုက်ရင် ဟာကနဲ့၊ ဟယ်ကနဲ့ အခုနက တမ္ပ၀တီဦးဝင်းမောင်ပြောတဲ့ ပန်းဆယ်မျိုးကို စိတ်ဝင်စား တတ်ရင် ဒီကျောင်းတော်ကြီး ထဲမှာ ဟာ, ဟယ် ဒီလိုဖြစ်တယ်။ အဲဒီလို ဇေတ၀န် ကျောင်းတော်ကြီးကို ရောက်တော့ တအံ့တသြတွေ ဖြစ်တော့ တပါးနဲ့ တပါး အပါး (၅၀၀) တောက ကိုယ်တော်တွေရော၊ မြို့က ကိုယ်တော်တွေရော ဆုံလိုက်တော့ နှုတ်ဆက်စကား ပြောတာ၊ တောကကိုယ်တော် (၅၀၀)နဲ့ မြို့က ကိုယ်တော် အပါး (၅၀၀)စကား ပြောရင် အပါး (၁၀၀၀)ပြောတဲ့ စကားဖြစ်မယ်။ အဲဒါတွေ ဇေတ၀န် ကျောင်းတိုက်ကြီးမှာ ညံနေတာ၊ ဆူနေတာ၊ အဲဒါတွေ မြတ်စွာဘုရားကြားတော့… ဟဲ့ ဟဲ့. . . ညံလှချည်လား ကျောင်းတိုက်ကြီးမှာ ဘာသံတွေလဲ? တောရဟန်းနဲ့ မြို့ရဟန်းတွေ မတွေ့တာကြာလို့ နှုတ်ဆက်တဲ့ အသံတွေ ပါဘုရား။
ဟယ်… အင်းကြီးတစ်ခုမှာ တံငါသည်တွေ ငါးပက်တော့ ရေတွေကခန်း ငါးတွေက ကျိကျိတက် ပေါ်လာတဲ့အခါ တံငါသည်တွေ လုပြီးတော့ ငါးဖမ်းတော့ ဆူညံနေတဲ့ အသံတွေလိုပဲလို့ ဘုရားရှင်က ဆိုတော်မူတယ်။ ရဟန်းတော်တွေ တံငါသည်တွေ ငါးဖမ်းသလို ဆူညံနေတယ်။ ဘယ်သူ့တပည့်တွေလဲ? အရှင်သာရိပုတ္တရာ၊ အရှင်မောဂ္ဂလာန်တို့ရဲ့ တပည့်တွေပါဘုရား၊ သွား. . . မင်းတို့ တပည့်(၅၀၀)ကိုခေါ်, မင်းတို့ ကျောင်းကထွက်၊ အရှင်သာရိပုတ္တရာရော၊ အရှင်မောဂ္ဂလာန်ရော တပည့်တွေကို ကောင်းကောင်း မဆုံးမနိုင်လို့ မြတ်စွာဘုရားက ဘာလုပ်လိုက်လဲ? ပရိသတ်ပြော၊ မြတ်စွာဘုရားက ဘာလုပ် လိုက်လဲ? နှင်ထုတ်လိုက်ပါတယ်ဘုရား။ ဘုန်းကြီးကျောင်းက အထုတ် ခံရမှာ ကြောက်လို့ အားလုံးပရိသတ်က ငြိမ်ငြိမ်နေကြပါ။ ဘုရားက အရှင်သာရိပုတ္တရာနဲ့ အရှင်မဟာမောဂ္ဂလာန်ကို ဘာလုပ်လိုက်လဲ? တပည့်တွေကို ကောင်းကောင်း မဆုံးမနိုင်တော့ ဆရာပါ နှင်ထုတ်တယ် မဟုတ်လား? တင်ပါဘုရား။
ဒီကနေ့ အားလုံးလာကြတဲ့ ပရိသတ်ဟာ ဘုန်းကြီးကို ဆရာလို့ သဘောထားရင် အားလုံးက ကိုယ့်ကိုယ်ကို တပည့်လို့ သဘောထားရင် တပည့် ဆူရင် ဆရာပါ ဘာဖြစ်လဲ? နှင်ထုတ်ခံပါတယ်ဘုရား။ နှင်ထုတ်ခံရမှာ ကြောက် ပါတယ်။ အားလုံးပဲ ငြိမ်ငြိမ်နေကြပါ။

နောက်တစ်ချက် မြတ်စွာဘုရားပရိနိဗ္ဗာန်စံပြီးတဲ့နောက် ဓာတ်တော်တွေကို ဝေခြမ်းမလို့ ပြင်ဆင်တဲ့နေ့က ရှစ်ပြည်ထောင်မင်းတို့ ဓားလှံလေးမြှား လက်နက်တွေနဲ့ ဓာတ်တော်တွေကို လုမလို့ အုံးအုံးကျွက်ကျွက် ဓားတ၀င်းဝင်း၊ လှံတ၀င်းဝင်း ဖြစ်ကြတယ်။ အိမ်ရှင်နိုင်ငံဖြစ်တဲ့ မလ္လာမင်းတို့ကလည်း တို့နယ်မြေမှာ ပရိနိဗ္ဗာန်စံတဲ့ မြတ်စွာဘုရားရဲ့ ဓာတ်တော်ဟာ တို့ပဲ ပိုင်တယ်။ ဘယ်သူ့မှ မပေးဘူး။ ကျန်တဲ့ မင်း ခုနစ်ပါးတို့ကလည်း တို့ဘုရားမို့ တို့လည်းပိုင်တယ်။ မြတ်စွာဘုရားကို အမျိုး တော်ချင်ကြတာနော်။ ပရိသတ်ရေ… ဘာဖြစ်ချင်ကြတာလဲ? အမျိုးတော်ချင် ကြတာပါ ဘုရား။ အခု ခင်ဗျားတို့ ဘာကို အမျိုးတော်ချင်ကြတာလဲ? ကိုယ်တော် ချင်တဲ့ အမျိုး ကိုယ့်ဘာသာကို ရှာ။ ဘုရားကို အမျိုးတော်ချင်ကြလိုက်ကြတာ။ အဇာတသတ်ကလည်း မြတ်စွာဘုရားက တို့အမျိုး၊ ကပိလ၀တ်က သာကီဝင်တွေနဲ့ ဒေ၀ဒဟက ကောလိယ၀င်တွေကတောင် ဘာမှ မပြောရသေးဘူး၊ အဇာတသတ်က စပြောလာတယ်၊ ဘုရားဟာ တို့အမျိုးတဲ့….၊ ဒီလို ဒီလို။ အဲဒီတော့ သူလည်း ဘုရားအမျိုး ငါလည်း ဘုရားအမျိုး ဒီလိုဖြစ်ကုန်တယ်။ ဘာလိုချင်လို့လဲ? ဓာတ်တော်လိုချင်လို့။ အဲဒီတော့ ဓားတ၀င်းဝင်း လှံတ၀င်းဝင်းနဲ့ ဓာတ်တော်လုတဲ့ ပွဲ။ ဘုရားအမျိုးတွေက ဓားလှံတ၀င်းဝင်းနဲ့ ဓာတ်တော်လုမလို့ ဖြစ်တော့ အခြေအနေက မကောင်းဘူး။ အဲဒါကို ထိန်းမည့် ပုဂ္ဂိုလ်က မရှိဘူး။

အဲဒီတော့ ပေါ်လာတဲ့ ပုဂ္ဂိုလ်က ဘယ်သူလဲဆိုတော့. . . ဟိုရှေးတုန်းက တက္ကသီလဆိုတဲ့ မြို့တော်ကြီးမှာ နှစ်ပေါင်းများစွာ ဆရာလုပ်ခဲ့ဘူးတဲ့ တက္ကသိုလ် ပါမောက္ခချုပ် အငြိမ်းစား ဒေါဏ၊ သူက ဒီပွဲရောက်နေတာ။ ကြည့်လိုက်တော့ ဓားတ၀င်းဝင်း လှံတ၀င်းဝင်းနဲ့ ဓာတ်တော် လုမည့် မင်းတွေဟာ ဒီကောင်တွေ အကုန်လုံး ငါ့တပည့်တွေ။ ငါ့တပည့်တွေ ငါပြောရင် ရလောက်တယ်ဆိုပြီးတော့ စင်မြင့်ပေါ် တက်ပြီးတော့ သူကအော်လိုက်တာ။ ပါမောက္ခချုပ်ဒေါဏဆရာကြီး အော်တဲ့ စကား (၂)ခွန်း မှတ်ရအောင်။ "အမှာကံ ဗုဒ္ဓေါ ခန္တိဝါဒေါ" တို့များရဲ့ ဘုရားဟာ ခန္တီဝါဒီပုဂ္ဂိုလ် ဖြစ်တယ်။ တို့ဘုရားဟာ ဘာဝါဒကို ကိုင်ထားလဲ ပရိသတ်? ခန္တီဝါဒပါဘုရား၊ ခန္တီဝါဒ။ ဒီထဲကလူတွေ ဘာဝါဒတွေ ကိုင်ထားလဲ? ကိုင်ချင်တဲ့ ၀ါဒကိုင်၊ အဲဒါတွေ အားလုံး ခန္တီဝါဒအပေါ်မှာ အခြေဆိုက်ရမယ်။ ခန္တီ. . . မြေကြီးပေါ်မှာ ဒီလူတွေ နေတယ်၊ ဒီလူတွေ နေ့တိုင်း. . ., စကားလုံးလေး နဲနဲရုိုင်းရိုင်းလေးပြောရင် ခန္တီအဓိပ္ပါယ် ပိုရှင်းတယ်။ သည်းခံပြီး နားထောင်ပါ၊ ဂမ္မဒေါသရောက်တယ်လို့ အပြစ်မတင်ပါနဲ့၊ ဒီမြေကြီးပေါ်မှာ နေတဲ့ ဒီလူတွေ ဒီမြေကြီးပေါ်မှာ ဒီလူတွေ ချေးယိုတယ်၊ သေးပေါက်တယ်။ မြေကြီးဘယ်တော့မှ reject-မလုပ်ပါဘူး။ ယိုချင်တိုင်း ယို၊ အရှိ အရှိအတိုင်းထား။ ဒီလူတွေပဲ ဒီမြေကြီးကို လှချင်လို့ ပန်းတွေနဲ့ အလှပြင်ပြန်ရော…၊ ဟာ… ငါ့မြေကြီး သိပ်လှနေပြီ ဆိုပြီးတော့ စိုက်ထားတဲ့ ပန်းပင်တွေကို ဒီမြေကြီးက attach-လည်း မဖြစ်လို့ accept-လည်း မလုပ်ပါဘူး။ လှလို့လည်း မမက်မောဘူး။ ညစ်ပတ် အရုတ်ဆိုးလို့လည်း စိတ်မပျက်ဘူး။ အဲဒါဟာ quality, qualification of leader. ခေါင်းဆောင်တွေမှာ ဒါဟာ အရေးကြီးတဲ့ အရည်အချင်းပဲ။ ကောင်းချင်တိုင်းကောင်း မမက်မောဘူး၊ ဆိုးချင်တိုင်းဆိုး စိတ်မပျက်ဘူး။ မြေကြီးနဲ့ တူတဲ့အကျင့် ခန္တီခေါ်တယ်။ အကျယ်တ၀င့်ပြောဖို့ ဘုန်းကြီးတို့ ဒီနေ့ အချိန်မယူပါဘူး။ နိဒါန်းလောက်ပြောရင် ဘုန်းကြီးတို့ တရားတွေ ရှာနာပါ။ ခန္တီ။ အမှာကံ ဗုဒ္ဓေါ အဟု ခန္တိဝါဒေါ။ တို့ဗုဒ္ဓဟာ ဘာဝါဒလဲ? ခန္တီဝါဒပါဘုရား။ အားလုံးမြေကြီးလို ကျင့်သုံး ကြရမယ်။ မကောင်းဆိုးဝါးတွေ လာချင်တိုင်းလာ စိတ်မပျက်ပါဘူး။ အကောင်းနဲ့ အဆိုးတွေ ပေးချင်တိုင်း ပေး၊ မမက်မောပါဘူး။ ခန္တီတရား. . . ဒါဟာ ဗုဒ္ဓရဲ့ ၀ါဒပဲ။

နောက်တခု အမှာကံ ဗုဒ္ဓေါ သန္တိဝါဒေါ။ ခန္တီဝါဒကို မကိုင်နိုင်ရင် သန္တိဝါဒကို ချမှတ်လို့ မရဘူး။ မခံနိုင်ဘူးဟေ့လို့ဆိုရင် သန္တိဟာ မဖြစ်နိုင်တော့ဘူး။ နောက် လာမည့်ဝါဒက ဘာလဲဆိုတော့ သန္တိဝါဒ။ ဘာများပါလဲ? သန္တိဝါဒပါဘုရား။ နောက် လာမည့်ဝါဒက သန္တိဝါဒ။ တို့ဘုရားရဲ့ဝါဒက သန္တိဝါဒ။ ကုလားလို့ ပြောရရင် သျှန္တီဝါဒ။ ငြိမ်းချမ်းတဲ့ဝါဒ။ ခန္တီရှိတော့မှ သန္တိ။ အဲဒီမှ ခန္တီရဲ့နောက်မှ မေတ္တာ ပါလာမယ်။ မေတ္တာကို တဆက်တည်းပြောရရင် ရေနဲ့တူအောင် ကျင့်။ ရေ… မြန်မာနိုင်ငံမှာ ရေပေါင်းများစွာမှာ Brand name-တွေ တစ်ရာကျော်လောက် ရှိမယ်ထင်တယ်။ ဘယ်နာမည်နဲ့ ထုတ်တဲ့ ဘာရေပဲ ဖြစ်ဖြစ် သတ္တိက နှစ်မျိုးထဲပဲ- သန့်ရှင်းတာနဲ့ အေးချမ်းတာ။ ဘယ်နမျိုးလဲ? နှစ်မျိုးပါဘုရား။ ဧရာဝတီ၊ ချင်းတွင်း၊ စစ်တောင်းစသည် နာမည်ပဲ ကွဲတယ်။ သောက်လိုက်ရင် အေးတယ်၊ ချိုးလိုက်ရင် သန့်ရှင်းတယ်။ တရုတ်၊ ကုလား၊ အမေရိကန် ဘယ်တိုင်းပြည်ကထွက်တဲ့ ရေပဲ ဖြစ်ဖြစ် ဘာရလဲ? သန့်ရှင်းတာနဲ့ အေးချမ်းတာ နှစ်မျိုးပဲ ရတယ်။ ကုလားရေကို တရုတ်သောက်လည်း ဒီနှစ်မျိုးပဲ အကျိုးထွက်တယ်။ တရုတ်ရေကို ကုလားသောက်လည်း ဒီနှစ်မျိုးပဲ အကျိုးထွက်တယ်။ မေတ္တာဆိုတာ ရေနဲ့တူတယ်။ လူသားတိုင်းကို တညီတည်း အေးချမ်းစေချင်တယ်။ လူသားတိုင်းကို တညီတည်း နှလုံးစိတ်ဝမ်းအေးချမ်းစေချင်တယ်။ ဘ၀သန့်ရှင်းစေချင်တယ်။ အဲဒါ ခန္တီနဲ့ မေတ္တာ၊ မေတ္တာနဲ့ ခန္တီ၊ အဲဒါဘယ်သူ့ဝါဒလဲ? ဗုဒ္ဓရဲ့ဝါဒပါဘုရား။ အဲဒီနှစ်ခုလက်ကိုင်ထားမှ နောက်ကဘာရလဲ? သန္တိဆိုတဲ့ Peace ငြိမ်းချမ်းခြင်းကို ရနိုင်တယ်။ ဆိုတော့… ဘုရားကို အကြောင်းပြုပြီး ဓားတ၀င်းဝင်း လှံတ၀င်းဝင်း မလုပ်ကြနဲ့။ တို့ဘုရားဟာ ခန္တီဝါဒ, သန္တိဝါဒ။ သန္တိဝါဒဘုရားကို အကြောင်းပြုပြီးတော့ ဓားတွေ တ၀င်းဝင်း၊ လှံတွေ တ၀င်းဝင်း မပြကြနဲ့ဟေ့။ ဓားတွေ လှံတွေ ချလိုက်ကြ။
ဒီတော့ ရှစ်ပြည်ထောင် မင်းတွေ အကုန်လုံးက ကြည့်ကြတယ်၊ အသံဝါကြီးနဲ့ အော်နေတာ ဘယ်သူများလဲ? ဒါ. . .တို့ဆရာကြီး၊ ဆရာကြီးပြောတဲ့ စကားတော့ တို့နားထောင်မှပဲ။ အားလုံး ဓားလှံတွေ ချပြီးတော့ ဓာတ်တော်ဝေပွဲဟာ အေးအေး ချမ်းချမ်း ပြီးသွားတယ်။ အဲဒါကြောင့် ဒီကနေ့ ဗုဒ္ဓတက္ကသိုလ်ကြီး ဖွင့်ပွဲကို ကြွရောက်လာကြတဲ့ အသင်းဖွဲ့ ပရိသတ်အားလုံးတို့ အငြိမ်းစားပါမောက္ခချုပ်ဟောင်း ဦးဒေါဏပြောတဲ့ ခန္တီတရား၊ သန္တိတရား လက်ကိုင်ထားပြီးတော့ ဒီကနေ့ ဒီအစည်းအဝေး၊ ဒီအခမ်းအနားက စပြီးတော့ မည်သည့်လုပ်ငန်းကို ဆောင်ရွက်စေကာမူ ဗုဒ္ဓရဲ့ ဒီဝါဒနှစ်ပါး လက်ကိုင်ထား။ ခန္တီနဲ့ မေတ္တာလက်ကိုင်ထား၊ သန္တိဖြစ်အောင် ဆောင်ရွက်ကြပါလို့ ဘုန်းကြီးက ဒုတိယအနေနဲ့အားလုံးကို တိုက်တွန်းပါတယ်။
နောက်တတိယပြောချင်တဲ့ အချက်က လာကြတဲ့ ပရိသတ်တွေ လူမှုရေး ဆောင်ရွက်တဲ့ အသင်းအဖွဲ့တွေ၊ ဘာသာရေးဆောင်ရွက်တဲ့ အသင်းအဖွဲ့တွေ၊ နိုင်ငံရေး ဆောင်ရွက်တဲ့ အသင်းအဖွဲ့တွေ ဆိုင်းဘုတ်ကတော့ အမျိုးမျိုးပဲ။ ဘာသာရေး အသင်း အဖွဲ့လည်း နာမည်မျိုးစုံပဲ၊ လူမှုရေးအဖွဲ့လည်း နာမည်မျိုးစုံပဲ၊ နိုင်ငံရေးအဖွဲ့လည်း နာမည်မျိုးစုံပဲ၊ အဲဒါ ဆိုင်းဘုတ်တွေပဲ။ အဲဒီဆိုင်းဘုတ်တွေကို ခွာပြီးတော့ အရှိကို အရှိအတိုင်း ကြည့်နိုင်ဖို့တော့ တော်တော် အရေးကြီးတယ်။ ဧရာဝတီ၊ ချင်းတွင်း၊ စစ်တောင်း၊ သံလွင် ဗမာပြည်မှာ အလွန်အရေးပါတဲ့ မြစ်ကြီးတွေ။ ဧရာဝတီရယ်၊ ချင်းတွင်းရယ်၊ စစ်တောင်းရယ်၊ သံလွင်ရယ်၊ ကုလားတန်ရယ် နာမည်တွေ အများကြီးပဲ။ အဲဒီ different name-တွေဟာ ဘယ်အပေါ်မှာပဲ ရှိတာလဲ? Only in the land, မြေကြီးပေါ်မှာပဲ။ သူတို့ရဲ့ ဦးတည်ချက်က ဘယ်မှာလဲ? They are flowing successfully, continuously, their destination is only ocean။ သူတို့ရဲ့ destination-က တစ်ခုတည်းပဲ။ မြစ်တွေနာမည်သာ ကွဲတာ၊ ပန်းတိုင်က တစ်ခုတည်းပဲ။ အဲဒါကို ကောင်းကောင်းကြီး မြင်ဖို့ လိုတယ်။ အဲဒါ clear vision-လို့ ခေါ်တယ်။ ပါဠိလိုပြောရင် သမ္မာ ဒဿန-လို့ ခေါ်တယ်။ အဲဒီ clear vision-မဖြစ်သေးသမျှ ဧရာဝတီက ကြည်တယ်ကွ၊ ချင်းတွင်းက နောက်တယ်ကွဆိုရင် အဲဒီမှာ conflict-ဖြစ်တာပဲ။ နာမည်ကို ဖောက်ပြီး ရေကို ရောက်အောင် ကြည့်ပါ။ ဟုတ်ပီလား? တင်ပါပါဘုရား။ နာမည်ကို ဖောက်ပြီး ရေကို ရောက်အောင် ကြည့်လိုက်ရင် ရေက ဘာဖြစ်လဲ? သတ္တိနှစ်မျိုးပဲ ရှိတယ်။ ဘာနဲ့ ဘာလဲ? သန့်ရှင်းခြင်းနဲ့ ကြည်လင်ခြင်းပါဘုရား။ ဧရာဝတီလည်း ဒါပဲ၊ ချင်းတွင်းလည်း ဒါပဲ။ သံလွင်ကော၊ စစ်တောင်းကော? ဒါပဲ။ နာမည်ကို ငြင်းခုံနေရင်ဖြင့် ပင်လယ်ကို တော်တော်နဲ့ ရောက်ကြမှာ မဟုတ်ပါဘူး။ မြစ်ရေတွေဟာ ပင်လယ်ထဲ စီးသွားကြတယ်၊ ပင်လယ်ထဲရောက်တော့ . . . ဟေ့ ဧရာဝတီကရေ ချင်းတွင်းထဲ လာမပေါင်းနဲ့ဆိုပြီးတော့ ဟိုမှာ ရသေးလား? မရပါဘူး ဘုရား။ စစ်တောင်းက ရေလည်း ဧရာဝတီရေနား မကပ်နဲ့၊ တခြားစီနေကြ, နေလို့ ဖြစ်သေးလား? မဖြစ်ပါဘူးဘုရား။ အဲဒါတကယ့် United-ပဲ၊ တကယ့် Unity-ပဲ၊ တကယ့် Harmony-ပဲ။ ဘယ်ထဲမှာ သွားပေါင်းလဲ? ငန်သော အရသာ၊ ပြာသောအဆင်းဆိုတဲ့ ပင်လယ်ကြီးမှာ မြစ်အားလုံးတို့က ရေတွေ ပေါင်းသလိုပဲ။ သန္တိဆိုတဲ့. . . ဗုဒ္ဓရဲ့ စကားအရပြောရင် ငြိမ်းချမ်းတဲ့ နိဗ္ဗာန်မှာ အားလုံး ပေါင်းဖို့ရန်အတွက် ကုန်းမြေပေါ်မှာ နေနေခိုက် နာမည် လေးတွေကို ကြည့်ကြည့်ပြီးတော့ ငြင်းခုံ မနေကြပါနဲ့။

အခုဒီမှာ အားလုံး ထိုင်နေကြတယ်၊ ဒါဘာလဲ? ဗုဒ္ဓတက္ကသိုလ် Convocation hall, နာမည်က ဒီအတိုင်းပေးထားတယ်။ အကယ်၍ ဒီအဆောက်အဦးကြီးထဲမှာ ဘုရင်ကြီးနဲ့ မိဖုရားကြီးလာနေတယ်ဆိုလို့ရှိရင် ဗုဒ္ဓတက္ကသိုလ် Convocation hall-မဟုတ်တော့ဘူး၊ Palace-ဖြစ်သွားမယ်။ အကယ်၍ ငါးပိတွေ ငါးခြောက်တွေ လာတင်ရောင်းတော့ ဘာဖြစ်သွားမလဲ? Bazaar, Market- ဈေးကြီး ဖြစ်သွားမယ်။ အကယ်၍ အရက်တွေ, ဘာတွေ လာရောင်းကြမယ်၊ ခေါက်ဆွဲတွေ, ဘာတွေ လာကြော် ရောင်းကြမယ်ဆိုတော့ ဒီအဆောက်အဦးကြီးက ဘာဖြစ်သွားမလဲ? Bar and restaurant ဖြစ်သွားမယ်။ ဘာလဲ? နာမည်တွေ ပြောင်းတာ။ တကယ့် Structure-က ဘာလဲ? သံချောင်းရယ်၊ အုတ်ရယ်၊ အင်္ဂတေရယ် ဒါပဲ။ နန်းတော်ကြီးလည်း ဒါနဲ့ပဲ ဆောက်တယ်၊ အိမ်သာလည်း ဒါနဲ့ပဲ ဆောက်တယ်၊ ဘုရားကျောင်းလည်း ဒါနဲ့ပဲ ဆောက်တယ်။ အထဲက သံချောင်းနဲ့၊ အုတ်နဲ့၊ အင်္ဂတေနဲ့ အဲဒါကို မမြင်တော့ အပေါ်က အဆောက်အဦးကြီးလောက် ကြည့်ပြီးတော့ ဘာဖြစ်လဲ? Beauty, I love. Ugly-ဆိုတော့ I hate။ အဲဒါတွေ မဖြစ်ရအောင် reality-ကို မြင်အောင် ကြည့်ရအောင်။ အရှိတရားနဲ့ အမှန် တရားဟာ အထဲမှာ ရှိတာ။ ပါဠိကို ရွတ်ချင် ရွတ်ပေါ့ . . . အဇ္ဈတ္တံ ၀ါ ဗဟိဒ္ဓံ ၀ါ။
တကယ်တော့ နာမည်တွေက အလကားပါ၊ နာမည်တွေ သိပ်များရင် သိပ်စကားများတယ်။ မြတ်ဗုဒ္ဓရဲ့လမ်းက "ဧကာယနော မဂ္ဂေါ"။ တစ်လမ်းထဲပဲ။ အားလုံး အရှိနဲ့ အမှန်ကို မြင်အောင်ကြည့်။ ရေရဲ့ သတ္တိကို မြင်အောင်ကြည့်။ မြစ်တွေရဲ့ အပေါ်ယံ နာမည်ကို ဖောက်၊ ရေရောက်အောင် ကြည့်ပြီးတော့ အေးချမ်းသော နှလုံးသား၊ သန့်ရှင်းသော နှလုံးသားကို တည်ဆောက်ပြီးတော့ ငန်သောအရသာ ပြာသောအဆင်း ဆိုတဲ့ ပန်းတိုင်၊ ပန်းတိုင်ကတော့ ဘာလဲ မသိဘူး။ ဘုန်းကြီးတို့ အခုထိ မသိသေးဘူး ပန်းတိုင်က ဘာလဲလို့။ အဲဒီပန်းတိုင် တခုခုမှာ အကုန်လုံး ငြိမ်းငြိမ်းချမ်းချမ်းနဲ့ ပေါင်းဆုံးဖို့ရန် ဒါအရေးကြီးပါတယ်။ အဲဒါကြောင့် ခန္တီတရားနဲ့ မေတ္တာတရားပါ။ ဒီတော့ ဘာပြောမလဲ? Capitalist-လား? Socialist-လား? Communist-လား? အဲဒါတွေဟာ အကား၊ နာမည်တွေပဲ။ လူသား။ အဲဒီ Label-တွေကို ခွာထား။ အားလုံးဘာတွေလဲ? လူသားတွေ။ အဲဒါလေးကို ကြည့်ကြပါ။ လူသားတွေပဲ။ "သဗ္ဗေ၀ အညမညေဟိ ပိယစက္ခူဟိ သမ္ပဿန္တာ ၀ိဟရန္တု"။ သတ္တ၀ါအားလုံး အချင်းချင်း ချစ်ခင်သော မျက်လုံး တို့ဖြင့် တစ်ယောက်နဲ့ တစ်ယောက် ကြည့်နိုင် ကြပါစေကုန်သတည်း။ အားလုံးလည်း နေ့တိုင်း ဒီဆုကို တောင်း၊ မေတ္တာနာနာပို့။ "ချစ်သောမျက်လုံးနဲ့ ကြည့်ပြီးတော့ တစ်ယောက်နဲ့ တစ်ယောက် ချစ်ခင်သော မျက်လုံးဖြင့်ကြည့်နိုင်ကြပါစေ"လို့ ဘုန်းကြီးတို့ရဲ့ ဆုတောင်းကိုလည်း အစဉ်သဖြင့် ဘုန်းကြီးတို့ရဲ့ နှလုံးသားထဲမှာ တကယ်ရှိတဲ့ ဒီဆုတောင်း, အဲဒါကို ဘုန်းကြီးတို့ တောင်းဆိုပါတယ်။
အဲဒါကြောင့် clear vision, ပါဠိလိုပြောရရင် သမ္မာ ဒဿန-ရှင်းသောဉာဏ် အမြင်ကို ရအောင် အပေါ်ယံက label-တွေကို ခွါထား၊ လူသားတွေဟာ လူသား အချင်းချင်း လူသားမျက်စေ့နဲ့ ချစ်သောမျက်လုံးနဲ့ အားလုံးကြည့်နိုင်အောင် ကြိုးစား လေ့ကျင့်ကြရမှာ ဖြစ်ပါတယ်။

"နတ္ထိ ဘိက္ခဝေ အနမတဂ္ဂေ သံသာရေ အဉာတိဗုဗ္ဗော" ဘ၀သံသရာမှာ ညီ အစ်ကို၊ မောင်နှမ၊ ဆွေမျိုး ဉာတိ မတော်ဘူးတဲ့ သတ္တ၀ါ မရှိပါဘူး။ မြတ်စွာဘုရား သံသုမာဂီရိကို ရောက်တော့၊ သံသုမာဂီရိဆိုတာ ဗာရာဏသီ အနီးနားမှာ။ သံသုမာဂီရိမြို့က ဘုရားရဲ့ ဆွေများ, မျိုးများနေတဲ့ ဟို. . .ဟိမ၀န္တာတောင်ခြေမှာ အဝေးကြီးပဲ။ သံသုမာဂီရိကို ဘုရားရောက်တော့ အဘိုးကြီး အဘွားကြီး နှစ်ယောက် မြတ်စွာဘုရား အိမ်ရှေ့ရောက်တာ မြင်မြင်ချင်း ထွက်ပြေးလာပြီးတော့. . . ဟာ. . . ငါ့သားကြီး အိမ်ကို မလာတာကြာပီ ဆိုပြီးတော့ ဘုရားရှင်လက်ကို ဆွဲပြီးတော့ အိမ်ပေါ်ကို ခေါ်သွားတယ်။ ဘုရားရှင်က လိုက်သွားတယ်၊ ဘာမှ မပြောဘူး။ သံဃာတော်တွေက အံ့သြငေးမောနေတာ။ အိမ်ပေါ် ရောက်တော့ သားကြီးဆိုပြီးတော့ ပုဏ္ဏားကြီးက ချွေးလေး ဘာလေးသုတ်, ခြေလေး ဘာလေး ဆေး, အဘွားကြီးကလည်း ဆွမ်းတွေ ဘာတွေပြင်၊ ငါ့သားကြီးဆွမ်းမကျွေးရတာ ကြာပြီ, စား။ သား အမိ အရင်းလို ပြုစုကြတာ။ နကုလပီတာ နကုလမာတာ။ အဲဒီတော့ အရှင်မောဂ္ဂလာန်၊ အရှင်အာနန္ဒာစတဲ့ သံဃာတော်တွေက ဘုရားဟာ အဖေလည်း ရှိတယ်၊ အမေလည်း ရှိတယ်၊ သုဒ္ဓေါဒနတို့ မာယာဒေ၀ီတို့ဆိုတာ လူတိုင်းသိတယ်။ ဒီအဘိုးကြီး အဘွားကြီးက သားကြီး သားကြီးဆိုတာကို ဘုရားကလည်း ငြိမ်ခံနေတယ်။ ဟုတ်မှ ဟုတ်ရဲ့လား? ဘယ်လိုလဲ?။ ဆွမ်းဘုဉ်းပေး ပြီးတော့မှ ဘုရားက ရှင်းပေးရတယ်။ တို့ဗုဒ္ဓဘာသာတွေက အတိတ်သံသရာ (cycle of the continue of the birth and death)ဒါကို တို့…ယုံကြည် လက်ခံတယ်။ အဲဒါကြောင့် အတိတ်မှာ မရေမတွက် နိုင်သောဘ၀မှာ ငါဟာ သူတို့လက်ထဲမှာ၊ သူတို့ရဲ့ ရင်ခွင်မှာ သားဖြစ်ခဲ့ဘူးတယ်။ အဲဒါကြောင့် ဘ၀ဟောင်းက ဘာလဲ? အချစ်ဓာတ်။ ပရိသတ်ရေ … ဘာလဲ? ဘ၀ဟောင်းက အချစ်ဓာတ်ပါဘုရား။ ဘ၀ဟောင်းက အချစ်ဓာတ်က မပြယ်သေးဘူး။ အားလုံး "ဘ၀ဟောင်းက အချစ်ဓာတ်လေးတွေ မပြယ်ကြပါစေနဲ့" ဆိုတာကိုလည်း ဆုတောင်း နေတယ်။ ဘ၀ဟောင်းက အချစ်ဓာတ်လေးက မပြယ်သေးတော့ သားဆိုတဲ့ အမှတ်နဲ့ အိမ်ပင့်ပြီးတော့ ဆွမ်းကပ်တာ။ အဲဒီမှာ ဘုရားပြောတာ။ ဘ၀ဟောင်းမှာ ဆွေမျိုးသားချင်း မတော်ဘူးတဲ့ ပုဂ္ဂိုလ်သတ္တ၀ါ မရှိဘူး။ ဆွေမျိုးသားချင်းဆိုတာ ယဉ်ကျေးအောင် ပြောတာ။ အသေးစိတ်ပြောရရင် သိပ်မကောင်းဘူး။ အသေးစိတ် ပြောချင်သေးလား? လင်မယား မတော်ဘူးတဲ့ ယောက်ျားမိန်းမလည်း မရှိဘူး။ အဲဒီလောက်အထိ ပြောလို့ရတယ်။ ဆရာတပည့် မတော်ဘူးတာလည်း မရှိဘူး၊ အိမ်အောက်က ကိုယ်စားပြီးတဲ့ စားဖတ် ၀ါးဖတ်ကို ပစ်ချကျွေးလို့ အမြီးတငေါက်ငေါက်နဲ့ စားနေတဲ့ ခွေးလေးသည်ပင် လွန်ခဲ့တဲ့ဘ၀က ကိုယ့်အဖေ ဖြစ်ချင် ဖြစ်မယ်။ ဘ၀ဟောင်းက ဆွေမျိုးသားချင်း မတော်ဘူးတဲ့ ပုဂ္ဂိုလ်သတ္တ၀ါ မရှိဘူး။

အဲဒီလို နှလုံးသွင်းပြီးတော့. . .
၁။ အချစ်ကို မပြယ်ရအောင်
၂။ အမုန်းတွေကို ပြယ်သွားအောင် ကြိုးစားကြပါ…ဆိုတာကို ဒီအချက်လေး ကိုလည်း ဘုန်းကြီးတို့ ပရိသတ်အားလုံးကို တိုက်တွန်းပါတယ်။
နောက်တစ်ခု လူမှုရေး၊ ဘာသာရေး၊ သာသနာရေး၊ နိုင်ငံတော်ရဲ့ အကျိုး စီးပွားကို ဆောင်ရွက်ကြတဲ့ လူတွေအားလုံး၊ အထူးသဖြင့်တော့ အသက်စွန့်ပြီးတော့ တိုင်းပြည် အတွက် အလုပ်လုပ်ကြတဲ့ စစ်ခေါင်းဆောင်တွေ၊ တပ်မတော်သားတွေ၊ အသက်စွန့်ပြီး ဆောင်ရွက်ကြတဲ့ နိုင်ငံခေါင်းဆောင်တွေကို ဘုန်းကြီးတို့က ဘုန်းကြီးရဲ့ စိတ်ထဲမှာ ဘုရားလောင်းတွေလို ဘုန်းကြီးက ကြည်ညိုတာ။ လေးအသင်္ချေကမ္ဘာတစ်သိန်း ဖြည့်ခဲ့တဲ့ ဘုရားလောင်းရဲ့ ကျင့်စဉ်တွေကို ကြည့်, ကြည့်။ သူတပါးရဲ့ အကျိုးစီးပွားအတွက် ဘုရားလောင်း ဘာတွေလုပ်လဲ?။ အသက်စွန့်တာတွေ အများကြီးပဲ။
အားလုံးပရိသတ်ကို မေးမယ်၊ စွန့်ခြင်းကြီး ဘယ်နပါးရှိလဲ?။ ငါးပါးပါဘုရား။
၁။ ဓနပရိစ္စာဂ - သူတပါးရဲ့ အကျိုးစီးပွားအတွက် ငါ့ပစ္စည်း ဆုံးရှုံးချင်တိုင်း ဆုံးရှုံးပါစေ … ဒီလိုမဟုတ်လား?။ ဘုရားလောင်းစိတ်ဓာတ်ကို မွေးရမယ်။

၂။ နောက်တစ်ခုက ဘာလဲ?။ ဓနပရိစ္စာဂပြီးရင် ဘရိယပရိစ္စာဂ-ဆိုကြပါစို့။ အဲဒါတော့ Very difficult to renounce your wife။ ဘရိယပရိစ္စာဂ-မယားကို စွန့်တာ။ ရှေ့တန်းတိုက်ပွဲ ဆင်နွဲနေကြတဲ့ တပ်မတော်သားတွေ၊ တပ်မတော် ခေါင်းဆောင်တွေ၊ သူတို့က ဟိုမှာတိုက်ပွဲ ဆင်နွဲနေတုန်း, ဒီက တခါတခါ ဘာဖြစ်သွားမှန်းကို မသိလိုက်ဘူး။ စွန့်လိုက်ရတာတွေ ပြန်လာတော့ မရှိတော့ဘူး။ အဲဒါမျိုးတွေ အများကြီးပဲ။ သူတို့ ကိုယ်တိုင်လည်း အသက်စွန့်သွားလို့ ဒီက မုဆိုးမဖြစ်သွားပြီး ကျန်ရစ်တာတွေ။ နိုင်ငံရေးကို လုပ်ကြတဲ့ နိုင်ငံခေါင်းဆောင်တွေလည်း ဒီလိုပဲ အသက်စွန့်ပြီး အလုပ် လုပ်ကြရတာ။ အဲဒါကြောင့် ဘုန်းကြီးက အရမ်းကြည်ညိုတယ်။ အော်. . . နိုင်ငံခေါင်းဆောင်တွေနဲ့ တပ်မတော် ခေါင်းဆောင်တွေဟာ ဘာလဲ? ဘုရားလောင်းတွေ။

ဘုရားလောင်းကျင့်စဉ်
(၁) စီးပွားဥစ္စာကိုလည်း စွန့်လွှတ်ရတယ်။ (၂) သားသမီးကိုလည်း စွန့်လွှတ်ရတယ်။ (၃) သားမယားကိုလည်း စွန့်လွှတ်ရတယ်။ (၄) အင်္ဂါအစိတ်အပိုင်း ခြေထောက်တွေပြတ်, လက်တွေပြတ်, မျက်လုံးတွေကန်း, ဘာတွေလဲ? အင်္ဂပရိစ္စာဂ။
သိဝိဇာတ်မှာ မျက်ကန်းပုဏ္ဏားတစ်ယောက် နန်းတော်ရှေ့ ရောက်လာ၊ ကြေးစည် ရိုက်တယ်။ တူဝေေ၀ဆိုတော့… ဟာ နန်းတော်ရှေ့မှာ အလှူခံ၊ ဘာအလိုရှိပါသလဲ?။ ဆန်လိုလား? ဆီလိုလား? မလိုဘူး။ မျက်လုံးလိုတယ်တဲ့၊ မျက်လုံးကို ကြေးစည်ရိုက် အလှူခံတာ။ အဲဒီတော့ မင်းချင်း ယောကျာ်းတွေက မင်းတရား. . . မျက်လုံး အလှူခံတဲ့ဘုရား။ (ဟာ. . . အဲဒါဆို သီတဂူစက္ခုဒါန ဆေးရုံကိုပို့။ ဟုတ်လား? အဲဒီတုန်းက မပေါ်သေးဘူး၊ အခုမှ ပေါ်တာ။ သီတဂူစက္ခုဒါနဆေးရုံ အားလုံး (၁၂)ခု ဖွင့်ထားပြီးပီ။ (၃)ခုက တည်ဆောက်ဆဲ။ အားလုံး (၁၅)ခုရှိတယ်။) ကြားညှပ်လိုက်ရင်တော့ အားလုံးမှတ်ထားလိုက်ပါ၊ ငါဘာယူသွားမလဲ?။ ကိုယ့်ကိုယ်ကို မေးပြီးတော့ အဖြေ ထွက်အောင် လုပ်ကြ။ ဘုန်းကြီး အခု (၇၅)နှစ် Retire-လုပ်ဖို့ သင့်ပြီ။ ငါဘာယူသွားမလဲ?။ အားလုံး မေးကြပါ။ ငါ့တိုင်းပြည်၊ ငါ့သာသနာ၊ ငါ့လူမျိုးအတွက် ငါဘာတွေ ထားခဲ့မလဲ?။ အဲဒီမေးခွန်း နှစ်ခု နာနာမေးပြီးတော့ အဖြေထွက်အောင် လုပ်ကြစမ်းပါ။
အာနန္ဒာနဲ့ ဒေ၀ဒတ်၊ နှစ်ယောက်လုံး ဘုရားရဲ့ ညီတော်ဝမ်းကွဲ အတူတူပဲ။ အာနန္ဒာဘာယူသွားပြီး၊ ဘာထားခဲ့သလဲ? ညီအစ်ကို နှစ်ယောက်မတူတာ။ ဒေ၀ဒတ်ကို အပြည့်အစုံဖတ်ကြရအောင် ဒေ၀ဒတ္တ။ နားထဲ နဲနဲ မချမ်းသာဘူးလား?။ ချမ်းသာ ပါတယ်ဘုရား။ ဘယ်လိုဖတ်ရမလဲ?။ ဒေ၀ဒတ္တပါဘုရား။ ဒေ၀ဒတ်ဆိုတော့ ဂမ္မဒေါသ၊ နားထဲ တော်တော် ဆင်းရဲတယ်။ အဲဒီတော့ နာမည်ထဲက ဟိုဖြတ် ဒီဖြတ် မဖတ်ကြပါနဲ့။ နာမည်တွေကို ဟိုပြင် ဒီပြင်မလုပ်ကြပါနဲ့။ နာမည်ကို အရှိအတိုင်းသာ ဖတ်ကြပါ။ ဒေ၀ဒတ်တစ်မျိုး၊ ဒေ၀ဒတ္တ- ဒါသိပ်ကောင်းတယ်။ အဲဒါကို တချို့က နာမည်တွေကို ဟိုလိုဖတ် ဒီလိုဖတ်နဲ့ . . . တခါတလေ စကားဝှက်တွေလား? ပဟေဠိတွေလား? နားကို မလည်ဘူး။ အေး… ဒေ၀ဒတ္တက ဘာတွေ ယူသွားနိုင် ခဲ့သလဲ? ဘာတွေ ထားပစ်နိုင်ခဲ့သလဲ? အဖြေက ရှင်းနေတာပဲ၊ မတူတာ။ နှစ် (၂၅၀၀)သမိုင်းမှာ ဒေ၀ဒတ္တ ဘာတွေ ထားခဲ့သလဲ? အပြစ်အညစ်အကြေး ဒုစရိုက် မကောင်းဆိုးဝါးတွေချည်းပဲ အကုန်ထားပစ်ခဲ့တယ်။

အာနန္ဒာ. . . ဘာထားပစ်ခဲ့သလဲ?။ မြတ်စွာဘုရား (၄၅)နှစ်မှာ ဟောသမျှ စကားလုံးတွေကို combine and organization- လုပ်ခဲ့တာ သူပဲ။ အဲဒါကြောင့် ဘ၀မှာ ကောင်းကောင်းထားပစ်ခဲ့နိုင်အောင်၊ ကိုယ့်အတွက်လည်း ကောင်းတာ လေးတွေ ယူသွားနိုင်အောင် အားလုံးကြိုးစားကြရမှာ ဖြစ်ပါတယ်။ အခုပြောနေတာ ဘုရားလောင်းရဲ့ စွန့်ခြင်းကြီး ဘယ်နပါးလဲ? (၅)ပါးပါဘုရား။ နောက်ဆုံး အသက်စွန့်တာ။ အခုနက သိဝီဇာတ်မှာ ပုဏ္ဏားကကြေးစည်လေး ရိုက်လိုက်တော့ ဘုရင်ကြီးက အလှူခံကို ဘာလှူလိုက်လဲ? မျက်လုံးလှူလိုက်တယ်။ ဘုရင်ကြီးက အလှူခံကို နန်းတော်ထဲကို ခေါ်လိုက်တယ်။ မျက်စေ့ဆရာဝန်က အသိတဉ္စန။ အံ့သြစရာ ကောင်းတာက မျက်စေ့ဆရာဝန်ဆိုတာ အဲဒီတုန်းကတည်းက ရှိတာ။ မင်းကြီးရဲ့ မျက်လုံးထုတ်ပြီးတော့ မျက်လုံးအစားထိုး လှူလိုက်တာ။ ပုဏ္ဏား မျက်လုံးတစ်ဖက် ရသွားတယ်။ အင်္ဂပရိစ္စာဂကို ပြောတာပါ။ ခြေထောက်တွေ ပြတ်လို့၊ လက်တွေပြတ်လို့၊ မျက်လုံးတွေကန်းလို့ နိုင်ငံတော်အတွက် ဆောင်ရွက် ကြတဲ့ တပ်မတော်သားတွေ၊ နိုင်ငံရေး ခေါင်းဆောင်တွေ၊ လူမှုရေး၊ ဘာသာရေး၊ သာသနာရေအသင်းအဖွဲ့က ပုဂ္ဂိုလ်တွေ နိုင်ငံမှာ အများကြီးပဲ။ အားလုံးကို ဘုန်းကြီးက လှိုက်လှိုက်လှဲလှဲ ဂုဏ်ပြုတယ်၊ ကျေးဇူးတင်တယ်။ အော်. . . ဘုရားလောင်းစိတ်ဓာတ်နဲ့ အလုပ် လုပ်ကြတာ။ ဒီအတိုင်းလည်း ဆက်လုပ်ကြပါ။
ပုဏ္ဏားကလည်း ရှိသေးတယ်၊ မျက်လုံးတစ်ဖက်မြင် တော်ရော့ပေါ့၊ တော်ပြီးလား? မင်းဘာလိုသေးလဲ ဆိုတော့။ တစ်ဖက်ကျန်သေးတယ်တဲ့။ တစ်ဖက်ပေးပါအုန်း။ အလှူခံက မျှမျှတတလေး ကြည့်လုပ်မှ ရတယ်။ ရတိုင်း ကိုယ်လိုချင်လို့ ယူချင်တိုင်း ဘယ်ရမလဲ။ အင်္ဂပရိစ္စာဂနော်၊ ကိုယ်အင်္ဂါကို စွန့်တာ။
အသက်စွန့်တာ တစ်ခုလေး ပြောပြရရင် "ယုံလေး" ဖြစ်တဲ့ဘ၀ကို ပြောပြချင်တယ်။ အစာငတ်နေတဲ့ ပုဏ္ဏားတစ်ယောက်ကို တွေ့တယ်။ ပုဏ္ဏား ဘာဖြစ်နေလဲ? ဖိုလှိုက် ဖိုလှိုက်နဲ့၊ ထမင်းမစားရလို့။ ဒါဆို မီးလေးဖို။ ရဲရဲတောက်မီးလည်း ဖိုပြီးရော့ ဘာပြောလဲ? ကျုပ်ခုံချမယ်၊ ကျုပ်အသားတွေကို မီးထဲမှာ ဖုတ်လိုက်။ ကျက်တဲ့အခါ ခင်ဗျား စားပါ။ ဒါဘာလုပ်တာလဲ? ဇီဝိတပရိစ္စာဂ အသက်ကိုစွန့်တာ။ စွန့်လွှတ်ခြင်း renounce။ မစွန့်လွှတ်နိုင်ရင် ဘယ်တော့မှ ထိပ်တန်း မရောက်ဘူး။ အဲလို စွန့်လွှတ်ချင်တဲ့ စိတ်ဓာတ်မျိုးရှိဖို့လည်း လိုပေလိမ့်မယ်။ စွန့်လွှတ်ခြင်းဟာ လွတ်မြောက်ခြင်းရဲ့ လမ်းစပဲလို့ ဒီလိုလည်း ခေါ်နိုင်တယ်။ စာဂေါ ပရိနိဿဂ္ဂေါ မုတ္တိ-ဆိုတဲ့ စာကို ကြည့်ပြီးပြောတာ။ အဲဒါကြောင့် အားလုံး ဘုရားလောင်းစိတ်ဓာတ် မွေးကြ။ ဘုရားလောင်းစိတ်ဓာတ် မွေးဆိုတော့ တဆက်တည်း . . . ဘုန်းကြီးက ဘုရားလောင်းကျင့်စဉ် ဆိုတာ လေးကို နဲနဲဆက်လက်ပြီးတော့ ပြောပြ ချင်သေးတယ်။ ဘုန်းကြီးနောက်ထပ် အချိန်(၁၅) မိနစ်လောက် ယူမယ်။ အရေးကြီးတဲ့အပိုင်းလေးတွေကို ဘုန်းကြီး Point-တွေလောက် ပြောပြီးသွားပါပြီ။

ဘာပြောမလဲဆိုတော့ ဘုရားလောင်းရဲ့ ကျင့်စဉ်က (၁၀)ခု ရှိတယ်။ (၁၀)ခုကို ဗမာတို့ ပြောနေကျအတိုင်း ရိုးရိုးပြောရင် ပါရမီ (၁၀)ပါး။ ပထမပါရမီက ဘာများလဲ? ပရိသတ်ကြားဘူးလား? ပြောစမ်းပါ။ ဒါနပါရမီပါဘုရား။ ဒါန။ ဒါန-ဆိုတာကို ဘယ်လို နားလည်လဲ?။ လှူတယ်လို့ ဒီလို နားလည်မယ်နော်။ လှူတာလည်း ဒါနမှန်တယ်။ အဲဒီ ဒါနထဲမှာ ပေးတာကိုလည်း ဒါနအနေနဲ့ထည့်ပါ။ နဲနဲလေး နဲနဲလေး ကွာတာကို ကိုယ့်ဟာကို နှလုံးသွင်းယူပါ။ Share-ဝေပေးတာ၊ ဝေငှတာကိုလည်း ဒါနပါရမီထဲ ထည့်ပါ။ စွန့်လွှတ်တာကိုလည်း ဒါနပါရမီထဲ ထည့်ပါ။ လှူတယ်၊ ပေးတယ်၊ ရှယ်ယာတယ်၊ ဝေငှတာကိုလည်း ဒါနထဲထည့်ပါ။
ကမ္ဘာ့ကုလသမဂ္ဂဌာနချုပ် (United Nation Organization)က "ဗုဒ္ဓနေ့" အခမ်းနားကျင်းပတယ်။ (၁၆)နိုင်ငံက ကိုယ်စားလှယ်တွေကို စကားပြောဖို့ ဖိတ်တယ်။ (၁၄)နိုင်ငံက သံအမတ်တွေ ပြောတယ်၊ ဗမာနဲ့ မွန်ဂိုလီးယား နှစ်နိုင်ငံပဲ ဘုန်းကြီး တက်ပြောတယ်။ Dana means giving up of our position။ ဘာလုပ်တာလဲ?။ မိမိတို့ပိုင်ဆိုင်မှုတွေကို စွန့်လွှတ်တာ။ Sharing our power with others။ မိမိတို့ရဲ့ Power-တွေကို ဘာလုပ်တာလဲ? သူတပါးတို့နဲ့ ဝေငှတာ။ Now-a-day craving for power influence and wealth, အဲဒါတွေကို သိပ်ပြီး crave-ဖြစ်နေလို့ရှိရင်၊ is the main cause for war and tension။ သိပ်ပြီးတော့ position-ကို အရမ်းမက်မောနေကြလို့ရှိရင် ဘာဖြစ်လဲ?။ Tension-နဲ့ စစ်အတွက် အဓိကအကြောင်းကြီး ဖြစ်နေတတ်တယ်။ ဗိမ္ဗိသာရမင်းကြီး အသတ်ခံရတာ၊ နောက်ပြီးတော့ ကောသလတိုင်းက ကောသလ ဘုရင်ကြီး နန်းလုခံရတာ၊ အဇာတသတ်က အဖေကို သတ်ပြီးတော့ နန်းလုတယ်။ ကောသလတိုင်းမှာ ကောသလဘုရင်ကို နန်းချပြီးတော့ ၀ိဋဋူဘက နန်းလုတယ်၊ Power sharing-မလုပ်လို့။ ဝေသာလီကျတော့ လိစ္ဆ၀ီမင်းတွေက "ဝေသာလိယာ လိစ္ဆ၀ီရာဇာနော ၀ါရေန ရဇ္ဇံ ကာရေသုံ"-ဆိုပြီးတော့ ဘုရင်ကို လေးနှစ် တစ်ကြိမ်, လေးနှစ် တစ်ကြိမ် ပါလီမန်လွှတ်တော်ထဲကနေ ရွေးပြီးတော့ ဘုရင်ကို တင်မြှောက်သွားတာကို တွေ့ရတယ်။ ဝေသာလီမှာ ရာဇဂြိုလ်ရဲ့ ဖြစ်ရပ်မျိုး ကောသလတိုင်းမှာ တခါမှ မဖြစ်ခဲ့ဘူး။ အဲဒါကြောင့် ဒါနဆိုတဲ့ သဘောသည် ပစ္စည်းဥစ္စာကို လှူတာလောက် တခုတည်း မဟုတ်ပဲနဲ့ ဝေတာကော ယူရမယ်။ ကိုယ်က Billion-အထိ ချမ်းသာနေတယ် ကိုယ့်အိမ်ရှေ့မှာ သူတောင်းစားတွေ့ရင် နဲနဲတော့ ဝေပေးပါ။ ကိုယ်က ဘီလျံ (Billion)၊ မီလျံ(Million) လောက် ချမ်းသာနေမယ် ကျောင်းမနေနိုင်တဲ့ ကလေးတွေ၊ ဆေးမကုနိုင်တဲ့ ပုဂ္ဂိုလ်တွေ တွေ့ရင် ဆေးလေးတွေ၊ ပညာရေးလေးတွေ ဝေပေးပါ။ Sharing our positions with the poor people။ Poverty ကမ္ဘာကြီးက အများကြီး poor-ဖြစ်နေကြတယ်၊ poverty-ဖြစ်ကြတဲ့ ပုဂ္ဂိုလ်တွေများနေကြတယ်။ The possessor-တွေက ဘာလုပ်ကြမလဲ? ဝေနိုင်မှ tension-မှုတွေ လျော့ပြီးတော့၊ the world fighting, conflicting-တွေလည်း လျော့သွားမယ်။ ဒါနပါရမီဟာ အလွန်ကျယ်ပြန့်ပါတယ်။ နာနာ ပေးနိုင်ရင် အရာရာကို အောင်မြင်တယ်။ ဒါနံ သဗ္ဗတ္ထ သာဓကံ-ဟောထားတာ ရှိပါတယ်။ Learning the beauty of giving- ပေးကမ်းစွန့်ကြဲခြင်းနဲ့ ပတ်သက်တဲ့ အလှအပလေးတွေကို သင်ယူကြပါ။ We should pity on millions of people who are living under poverty-line- ဆင်းရဲ မွဲတေနေကြတဲ့ လူတွေကို များများကြီးကြည့်ပြီးတော့ မီလျံနာတွေ၊ ဘီလျံနာတွေက ဝေငှနိုင်တဲ့ စိတ်ဓာတ်တွေ မွေးကြပါ။ And suffering from diseases and ignorance- အ၀ိဇ္ဇာကြောင့် ရလာတဲ့ mental disease၊ ရောဂါအမျိုးမျိုးကြောင့် ရလာတဲ့ physical disease၊ အဲဒီ disease- (၂)မျိုးကို ခံနေရတဲ့ ပုဂ္ဂိုလ်တွေကို ကြည့်ပြီးတော့ သနားပြီးတော့ များများကြီး ဝေတဲ့အလုပ် ဒါနပါရမီကို ဖြည့်ကြပါ။

နောက် ဒုတိယပါရမီဘာလဲ? သီလပါရမီပါဘုရား။ သီလဆိုလိုက်လို့ရှိရင် ပါဏာတိပါတာ ဝေရာမဏိ- ငါးပါး၊ ရှစ်ပါး၊ ကိုးပါး ရွတ်တာကို အားလုံး စိတ်က ရောက်သွားလိမ့်မယ်၊ မှန်ပါတယ်။ ဒါပေမယ့် အဲဒီလောက်တင် မစဉ်းစားပဲနဲ့၊ အတိုချုပ်ကတော့ ဘုန်းကြီး စာလေးတစ်ကြောင်း ဖတ်ပြပါမယ်။ Not to generate any evil deeds- မကောင်းတဲ့ အမူအရာကို ဘာမှ မလုပ်ပါနဲ့။ Not to generate any evil speeches- မကောင်းသောစကားဘာမှ မပြောပါနဲ့။ ဒါ သီလပဲ။ Every leader-ခေါင်းဆောင်တွေအားလုံး၊ should value-တန်ဖိုး ထားကြပါ။ the life-ဘ၀ကို တန်ဖိုးထားကြပါ။ Practicing of morality-ကိုယ်ကျင့်တရားကို ထိမ်းသိမ်းခြင်းဖြင့် အားလုံးတန်ဖိုးထားကြစမ်းပါ။ So, guard your morality- ကိုယ်ကျင့်တရားကို စောင့်ရှောက်တဲ့ ပုဂ္ဂိုလ်ဟာ။ Become good leader- ခေါင်းဆောင်ကောင်း တစ်ယောက် ဖြစ်လာမှာပါ။ Foreign policies of nations are-ကမ္ဘာအရပ်ရပ်က ပြည်ပရေးရာ ၀ါဒတွေမှာ။ Mostly based on selfish- တကိုယ်ကောင်းဆန်တဲ့ အပေါ်မှာ အခြေခံတတ်ကြတယ်။ And interests lacking moral dimension- ကိုယ်ကျင့်တရားနဲ့ ပတ်သက်တာတွေ လျော့ပါးနေတယ်။ Morality serves- ကိုယ်ကျင့်တရားက အားလုံးကို လုပ်ကျွေးပြုစုမယ်။ As the foundation for the development of meritorious deeds- ဘ၀ရဲ့ ကောင်းကျိုးတရားတွေ ဖြစ်ပွားဖို့ရန်အတွက် သီလတရားဟာ အားလုံးရဲ့ အခြေခံ ဖြစ်ပါလိမ့်မယ်။

နောက်တတိယတစ်ခုက ဘာလဲ? နေက္ခမ္မပါဘုရား။ နေက္ခမ္မ-ဆိုတာ ဘယ်လို translate (ဘာသာသာပြန်)လုပ်ချင်လဲ? တောထွက်တာလား? တောထဲမှာ အခုလူတွေ အများကြီးပဲ။ ဘုန်းကြီးတွေရော၊ ကလေးတွေရော၊ ကျောင်းသား တွေရော၊ စစ်သားတွေရော၊ ကချင်တွေရော၊ ကရင်တွေရော အများကြီးပဲ။ ဒါ…တောထွက်တာလား?။ အဲဒါနေက္ခမ္မဆိုတဲ့ စာလုံးကို ဘုန်းကြီးတို့က တောထွက်တာလို့ မဆိုချင်ဘူး။ Renounce-စွန့်လွှတ်တာ။ ဘာလုပ်တာလဲ? စွန့်လွှတ်တာပါဘုရား။ အားလုံးစွန့်လွှတ် နိုင်မှ။ သိဒ္ဓတ္ထက ထိပ်တန်းကနော်။ ဟို…သမ္မာသမ္ဗုဒ္ဓကိုမပြောပဲ စကားလုံးတစ်လုံး ပြောပါ့မယ်။ Most perfect one- လောကမှာ အပြည့်စုံဆုံး ပုဂ္ဂိုလ် တစ်ယောက်၊ လောကရဲ့ အထိပ်တန်း အပြည့်စုံဆုံးသော ပုဂ္ဂိုလ်တစ်ယောက် ဖြစ်လာဖို့ရန်အတွက် သူဘာလုပ်ရတာလဲ?။ ယသောဓရာနဲ့ (၁၃)နှစ်လောက် ကာမဂုဏ်စည်းစိမ်ခံစားနေပေမယ့် အဲဒါကို ဘာလုပ် ပစ်ရလဲ?။ စွန့်ပစ်ရပါတယ်ဘုရား။ စွန့်ပစ်ရတယ်… renounce-ဆိုတာ ဒါကို ပြောတာ။ တောထဲသွားနေကို ပြောတာမဟုတ်ဘူး။ renounce- စွန့်ကြ။ ဒီစည်း စိမ်းချမ်းသာလေးကို မစွန့်လွှတ်နိုင်ရင်, မက်မောနေရင်, သာယာမှုလေးတွေကို မစွန့်လွှတ်နိုင်ရင် လောကမှာ ဘယ်တော့မှ ရှေ့တန်းမရောက်ဘူး၊ ထိပ်တန်း မရောက်ဘူး။ renounce-ဆိုတာ စွန့်လွှတ်တာ။ နန်းတော်ကြီးလည်း စွန့်ရတယ်၊ မကြာခင်မှာ သုဒ္ဓေါဒနက သူ့ကို ဘာလုပ်တော့မှာလဲ?။ နန်းလွှဲတော့မယ်၊ ဘုရင် လွှဲတော့မယ်။ အဲဒီတော့ မင်းစည်းစိမ်ပါ ဘာလုပ်ရလဲ? အဲဒီတော့ ဒီလိုပြောရင် စိတ်မဆိုးနဲ့။ Renounce the power-သူရမည့် အာဏာပါဝါတွေကို သူဘာလုပ်သွားလဲ?။ စွန့်တာ။ အဲလိုစွန့်တဲ့အတွက်ကြောင့် သူဘာဖြစ်သွားလဲ? ဗုဒ္ဓဖြစ်တာ။ အဲဒါကြောင့် ခန္ဓာကိုယ်ရဲ့ သက်သာမှုကလေးတွေ မစွန့်လွှတ် နိုင်သေးသမျှ, မက်မောစရာလေးတွေကို မစွန့်လွှတ်နိုင်သေးသမျှ ဘာဖြစ်လဲ? ဘယ်တော့မှ ထိပ်တန်းတစ်နေရာကို မရဘူး။ စွန့်လွှတ်ချင်တဲ့ စိတ်ဓာတ်ကို အားလုံးမွေးကြ။ Renounce-ဆိုတာ အဲဒါပါပဲ။ We should sacrifice and renounce our time. အချိန်၊ ကျုပ်မအားဘူး၊ ကျုပ်အချိန်၊ ကျုပ်အတွက် အလုပ် လုပ်ရအုန်းမယ်။ သူများအတွက် အချိန်မပေးနိုင်ဘူး၊ တိုင်းပြည်အတွက် အချိန်မပေးနိုင်ဘူး၊ လူသားတွေ အတွက် အချိန်မပေးနိုင်ဘူး၊ လုပ်သမျှ ကိုယ့်အတွက်ကိုချည်း အချိန်ကို အသုံးချတာ။ အချိန်ကိုလည်း မစွန့်လွှတ်နိုင်ဘူး။ နောက်တစ်ခုက as long as we should not renounce money- ပိုက်ဆံငွေကြေးလည်း အဆုံးရှုံးမခံနိုင်ဘူး၊ Power-ကိုယ့်ရဲ့ တန်ခိုးသြဇာ ပါဝါကိုလည်း မစွန့်လွှတ်နိုင်ဘူး။ Sensual pleasure-စည်းစိမ်ခံစားရတာ တွေကိုလည်း မစွန့်လွှတ်နိုင်ဘူး၊ for the welfare of the nations- သူတပါးတို့ရဲ့ အကျိုးစီးပွားအတွက် ကိုယ့်ရဲ့ အချိန်၊ ကိုယ့်ရဲ့ စီးပွားဥစ္စာ၊ ကိုယ့်ရဲ့ သက်သာမှုတွေကို မစွန့်လွှတ်နိုင်သေးသမျှ မက်မောစရာလေးတွေကို မစွန့်လွှတ် နိုင်သေးသမျှ ဘယ်တော့မှ ထိပ်တန်းကို မရောက်ပါဘူး။ အဲဒါကြောင့် renounce-ဆိုတဲ့ နေက္ခမ္မပါရမီဟာ ကိုယ့်ရဲ့ possession, ကိုယ့်ရဲ့ power, ကိုယ့်ရဲ့ ပိုင်ဆိုင်မှု, ကိုယ့်ရဲ့အချိန်, ကိုယ့်ရဲ့ သက်သာမှုတွေကို ဘာလုပ်တာလဲ? သူတပါးတို့ အတွက် များများကြီး စွန့်လွှတ် နိုင်အောင် ကြိုးစားကြပါလို့ ဒီအချက်တော့ ဒါပြောသွားတာ။ We would never minister the services to the nations as long as we could not renounce- မစွန့်လွှတ်နိုင်သေးသမျှ။ We would never minister the services to the nations-လူတွေရဲ့ အကျိုးစီးပွားကို တို့မလုပ်နိုင်ဘူး။

နောက် နံပါတ် (၄)ဘာပါလိမ့်? ပညာပါဘုရား။ ပညာ- removing the ignorance-မိမိ နှလုံးသားထဲမှာ ဘာကို ဖယ်နိုင်ဖို့လဲ?၊ အ၀ိဇ္ဇာကို ဖယ်နိုင်ဖို့ လိုတယ်။ The darkness of delusion in life- ဘ၀ရဲ့ အမှောင်တွေကို အကုန်လုံး ဘာလုပ်ရမလဲ? ဖယ်ထား နိုင်ရမယ်။ This is right and this is wrong- မှားလား? မှန်လား? မသိတဲ့ အဲဒီအ၀ိဇ္ဇာတရားကို ဖယ်ပစ်။ Understanding the true and understanding the reality- အရှိတရား အမှန်တရားကို နားလည်အောင် လုပ်ကြ။ Seeing the realistic nature and reviewing the correct vision are very important to make balanced decisions- သိပ်အရေးကြီးတယ်, correct vision။

သမ္မာဒဿနမရှိသေးသမျှ ဘာဖြစ်လဲ? မှန်ကန်သော ဆုံးဖြတ်ချက်ကို မချနိုင်ဘူး။ အသိဉာဏ်က Clear vision-ရှင်းလင်းသော အသိဉာဏ်မရှိသေးသမျှ ဘာဖြစ်လဲ? ဆုံးဖြတ်ချက်တွေ ဘာတွေ ချချ မမှန်နိုင်ဘူး။ မှားတဲ့ဆုံးဖြတ်ချက် တစ်ခုကို ချလိုက်မိပြီဆိုလို့ရှိရင် အဲဒါကိုလုပ်တဲ့ ပုဂ္ဂိုလ်တွေ အဲဒီဆုံးဖြတ်ချက် နောက်မှာ ခံရတဲ့ ပုဂ္ဂိုလ်တွေရဲ့ ဒုက္ခအစဉ်အဆက်ကြီးကတော့ အဆုံးသတ်ဖို့ မလွယ်ဘူး။ အဲဒါကြောင့် ပညာအရေးကြီးပါတယ်။ ဘုန်းကြီးတို့ မနေ့တစ်နေ့က အမေရိကက ပြန်လာတော့ Barnes and Noble-ဆိုတဲ့ စာအုပ်ဆိုင်ကို သွားပြီးတော့ ဘုန်းကြီးက စာအုပ်တွေကို သွားနေ့ကျဆိုင်မှာ ၀င်ရှာတော့ စာအုပ်ကြီးတစ်အုပ် တွေ့တယ်။ ဗမာလို ပြောမယ် "ကမ္ဘာမှာ အဆိုးဝါးဆုံးသော ဆုံးဖြတ်ချက်ကြီးများရဲ့ သမိုင်း"ဆိုတဲ့ စာအုပ်ကြီး တစ်အုပ်ကိုတွေ့တော့ ဘုန်းကြီးက ပျော်ပျော်ပါးပါးနဲ့ ၀ယ်လာခဲ့တယ်။ ဘယ်ကစဆုံး ဖြတ်ထားသလဲဆိုတော့ အာဒံနဲ့ဧ၀တို့၊ အီဗရာဟင် တို့က စပြီးတော့ သူတို့ဆုံးဖြတ်တွေကို မှားလို့ ဒီကနေ့ ကမ္ဘာကြီးမှာ the passion-ဆိုတဲ့ ရာဂတွေ တိုးပွားနေတယ် ဆိုတဲ့အကြောင်း အဲဒီလူက ရေးထားတယ်။ ခရစ်ယာန်တွေကို သူကရေးထားတယ်။ စာအုပ်ကတော်တော် ကောင်းတယ်။ The history the words dicession of the world- ဆိုတဲ့ စာအုပ်တစ်အုပ်ရှိတယ်။ အဲဒါကြောင့် ဆုံးဖြတ်ချက်တစ်ခုချတော့မယ် ဆိုရင် ဘာလိုလဲ?။ ပညာလိုတယ်။ ပညာမပါပဲ ဆုံးဖြတ်ချက်ချတဲ့ ဆုံးဖြတ်ချက်တွေဟာ မှန်ကန်ဖို့ ခက်ခဲတယ်။ အဲဒါကြောင့် ဘုရားလောင်းရဲ့ ပါရမီမှာ ဘာ Quality-လဲ? ပညာပါရမီ။ အားလုံး ဘုရားလောင်းကျင့်စဉ်ကို ကျင့်ကြတဲ့ ဒီအမျိုးကောင်းသားတွေဟာ ပညာကို လေ့လာကြပါ။ အဲတော့ ကျောင်းတက်မှ ပညာရမယ်လို့တော့ တဖက်သတ်ကြီး မမှတ်နဲ့။ ကျောင်းမတက်ဘဲလည်း ပညာတွေ ရနိုင်ပါတယ်။ ဘုန်းကြီးတို့ နီတိမှာ စာတစ်ခုရှိတယ် "လောကော သတ္တာန-မာဆေရော။ The whole world is our teacher. လောကကြီးတစ်ခုလုံးဟာ ကျွန်ုပ်တို့ရဲ့ ဆရာသမား"။ နေ့စဉ် နေ့စဉ်မြင်နေကြတဲ့ အရာအကုန်လုံးက ကျွန်ုပ်တို့ရဲ့ ဆရာသမားတွေ။ အဲဒါတွေ အားလုံးကို ယူသင့်တာ ယူထား၊ ဖယ်သင့်တာကို ဖယ်ထား။ အားလုံးဟာ ပညာပဲ။ Invaluable to decision makers။ Wisdom guided by awareness-သတိနဲ့ ထိန်းချုပ်ထားတဲ့ ပညာ။ is invaluable- အလွန်တရာ တန်ဖိုးကြီးမားတယ်။ ဘာတွေအတွက်လဲ? To decision makers-ဆုံးဖြတ်ချက် တစ်ခုကို ချချပေးမည့် လူတွေအတွက် သတိနဲ့ ထိန်းချုပ်ထားသော ပညာသည် အလွန်တရာ တန်ဖိုး ကြီးပါတယ်။

နောက်တစ်ခုဘာလဲ ပရိသတ်? ၀ီရိယပါဘုရား။ ၀ီရိယ endeavor။ ၀ီရိယဆိုတဲ့ ဥစ္စာဟာ အဓိပ္ပါယ် နှစ်မျိုးပြောလို့ ရပါတယ်။ တစ်မျိုးက ၀ီရ- ရဲရင့်သော စိတ်ထား၊ ရဲရင့်တယ်ဆိုတာ သတ်ဖို့၊ ဖြတ်ဖို့၊ ခိုးဖို့၊ လုယက်ဖို့၊ နှိပ်စက်ဖို့ ရဲရင့်တာကို မဆိုလိုပါဘူး။ ဘာလုပ်ဖို့ ရဲရင့်ရမလဲ? အေးသလား? ဒီလောက် အေးနေတဲ့ အချိန်ကြီးမှာ အလုပ် လုပ်စရာရှိတယ်၊ အဲဒီအေးနေတဲ့ အရာကို ရဲရဲတင်းတင်း ရင်ဆိုင်ပြီး သွားလုပ်ပါ။ သိပ်ပူတယ်၊ ပူနေတုန်းလည်း ပူနေတာကို ရဲရဲတင်းတင်းရင်ဆိုင်ပြီးတော့ လုပ်ရမည့် ကိစ္စကိုလုပ်သာလုပ်။ ပူလို့ နောက်ဆုပ်နေမယ်၊ အေးလို့ နောက်ဆုပ်နေမယ်ဆိုရင် ဘာဖြစ်မလဲ? အကုန်လုံး အခွင့်အရေးတွေ ဆုံးရှုံးမယ်။ အဲဒါကြောင့် ၀ီရဆိုတာ အေးတာတို့, ပူတာတို့, စောခြင်းတို့, နောက်ကျခြင်းတို့, နေကောင်းခြင်းတို့, နေမကောင်းခြင်းတို့, ချစ်သူနဲ့ ခွဲရခြင်းတို့, မုန်းသူနဲ့ တွဲရခြင်းတို့ကို ရင်ဆိုင်ရဲတဲ့ သတ္တိကို ဘာခေါ်သလဲ? ၀ီရလို့ ခေါ်ပါတယ်ဘုရား။ အဲဒီ "၀ီရရှိတဲ့ ပုဂ္ဂိုလ်ကို ၀ီရိယရှိတဲ့ ပုဂ္ဂိုလ်"လို့ ခေါ်တာပါပဲ။ အဲဒီ ၀ီရစိတ်နဲ့ အားထုတ်တဲ့အခါမှာ right endeavour-အရေးကြီးပါတယ်။ Right endeavourer-ဆိုတာက မိမိအတွက်လည်း အကျိုးရှိမယ်၊ သူတပါးလည်း အကျိုး ရှိမယ် နှစ်ဦးနှစ်ဖက် အကျိုးရှိမယ်ဆိုရင် ဒါ endeavour-ပဲ။ ကိုယ့်အတွက်သာ အကျိုးရှိပြီး သူတပါးအတွက် အကျိုးမရှိဘူးဆိုလို့ရှိရင် အဲဒီကိစ္စကို အားထုတ်ဖို့ အများကြီး ကျိုးစားရမယ်။ လောကရေးရာဆိုရင်တော့ ဒါကို လုပ်ဖို့ စဉ်းစားရမယ်။ ဓမ္မရေးရာမှာ ဆိုရင်တော့ ကိုယ့်အကျိုးစီးပွားအတွက် ဒါကို လုပ်လို့ရပါတယ်။ အဲဒါ Right endeavourer-မှန်ကန်စွာ အားထုတ်ခြင်း။ Striving steadfastly without slacking in efforts and perseverance is the perfection of right endeavor-ဒါဟာ perfection-တစ်ခုပဲ။ ပါရမီကို perfection-လို့ ခေါ်တယ်နော်။ If you want to perfect man, we should follow ten perfections.
နောက်တခုက ဘာတဲ့လဲ ပရိသတ်? ခန္တီပါရမီပါဘုရား။ ခန္တီလည်းပဲ ဘယ်ထဲ ပါသလဲ? ပါရမီထဲပါပါတယ် ဘုရား။ ခန္တီအကြောင်း ပြောပြီးပီ။ မြေကြီးလို ကျင့်ကြ။

နောက်တစ်ခုက ဘာတဲ့လဲ ပရိသတ် ခန္တီပြီးတော့? သစ္စာပါရမီပါဘုရား။ သစ္စာ။ အဲဒါကိုလည်း ရေးထားတဲ့ ဘုန်းကြီးရဲ့ စာတမ်းလေး ဖတ်ပြီးတော့ အပြည့်အစုံ ပြောပြမယ်။ Leaders, any leaders should not utter-မပြောသင့်ဘူး။ Any conscious lies- သိလျက်နဲ့ မဟုတ်တာကို မပြောနဲ့။ For the sake of wealth and power-စီးပွားဥစ္စာနဲ့ ပါဝါအတွက် သိလျက်နဲ့ မဟုတ်တာကို မပြောရဘူး။ They should not be swayed by desire-ရာဂကြောင့်လည်းပဲ လောဘနဲ့ပဲလည်း မဟုတ်တာကို မပြောရဘူး။ ဒေါသကြောင့်လည်းပဲ မဟုတ်တာကို မပြောပါနဲ့။ They should not be swayed by fear- ကြောက်လို့လည်းပဲ မဟုတ်တာကို မပြောပါနဲ့။ They should not be swayed by delusion- မသိသဖြင့် မောဟ လွမ်းပြီးတော့လည်း မဟုတ်တာကို မပြောပါနဲ့။ Leaders should constantly establish the Perfection of Truthfulness-မှန်ကန်စွာ ပြောဆိုတဲ့ အလေ့အကျင့်ကို အားလုံး စနစ်တကျ တည်ဆောက်ကြပါ။ Which is speaking only the truth with no duplicity in speech- စကားထဲမှာ နှစ်ခွန်းမရှိပါစေနဲ့၊ နှစ်မျိုးမရှိပါနဲ့။ Planet Venus pursues its own course through all the seasons- Planet Venus- ဘာလဲ? အင်္ဂါဂြိုလ်လား? ကမ္ဘာမြောက်ဝင်ရိုးစွန်းမှာ သွားနေတဲ့ ဓူဝင်ကြယ်၊ ကမ္ဘာကြီးကို ပတ်နေတာ လမ်းကြောင်းလေး ပြောင်းပြီးတော့ ဟိုလမ်းကြောင်း ဒီလမ်းကြောင်းကနေ သွားအုန်းမယ်ဆိုပြီးတော့ ဘယ်တုန်းက သွားဘူးလဲ?။ ကမ္ဘာပတ်နေတဲ့ ကြယ်တာရာတွေ, လတွေ, နေတွေ, ဒီ orbits-တွေ, ဒီ planet-တွေဟာ ဒီ orbit-ကိုသာ ပြောင်းပြီးသွားရင် ကမ္ဘာကြီး ဘာဖြစ်မလဲ? ကမ္ဘာပျက်မယ်။ အဲဒါကို စံနမူနာထားပြီးတော့ မှန်ကန်သော လမ်းကြောင်းက အားလုံး လျှောက်ကြပါ၊ သစ္စာပါရမီ။
နောက်နံပါတ် (၈) ဘာပါရမီလဲ ပရိသတ်? အဓိဋ္ဌာနပါရမီပါဘုရား။ အားလုံး ဘုန်းကြီးက ဘုရားလောင်းကျင့်စဉ်ကို ပြောနေတာ။ စစ်ခေါင်းဆောင်အားလုံး၊ နိုင်ငံရေး ခေါင်းဆောင်အားလုံး, လူမှုရေး, ဘာသာရေး, သာသနာရေး ခေါင်းဆောင်အားလုံးကို ဘုန်းကြီးက ဘုရားလောင်းတွေလို ကြည်ညိုပြီး ပြောနေတာ။ အခု အဓိဋ္ဌာနပါရမီ- resolusion။ The leaders should make resolution as steadfast as a rocky mountain-ကျောက်တောင်ကြီးကဲ့သို့ ခိုင်မာသော ဆုံးဖြတ်ချက် ရှိရမယ်။ အခုတစ်မျိုး အခုတစ်မျိုး မလုပ်ရဘူး။ ဆုံးဖြတ်ချက်တစ်ခုချပြီးရင် အဲဒီ decision-ကို ချတော့မယ် ဆိုရင်လည်း ဘာနဲ့ ချရမလဲ? သတိနဲ့ ထိန်းထားတဲ့ ပညာနဲ့ ဆုံးဖြတ်ချက် ချရင် အဲဒီဆုံးဖြတ်ချက်သည် မမှားဘူး။ အဲဒီမှန်ကန်တဲ့ အကျိုးရှိမည့် ဆုံးဖြတ်ချက်ကို ချပြီးရင် ကျောက်ထဲမှာ စိုက်ထောင်ထားတဲ့ ကျောက်တိုင်လိုဆို ဘာဖြစ်မလဲ? ဒီဆုံးဖြတ်ချက်ဟာ ခိုင်းမြဲနေရမယ်။ ဖွဲထဲမှာ, သဲထဲမှာ စိုက်ထားတဲ့ တိုင်လို ရိုင်မနေရဘူး။ Which never trembles when the storm beats upon it- မုန်တိုင်းတွေ တိုက်ချင်တိုင်း တိုက် ကျောက်ထဲမှာ စိုက်ထားတဲ့ ကျောက်တိုင်က ဘယ်တော့မှ မယိမ်းယိုင်ဘူး။ Likewise, leaders must be unshaken in their resolution- ဆုံးဖြတ်ချက်တွေ အားလုံး ဘယ်တော့မှ မယိမ်းယိုင်ပါစေနဲ့။

နောက် နံပါတ် (၉) ဘာပါရမီလဲ? မေတ္တာပါရမီပါဘုရား။ မေတ္တာ- ပြောပြီး သွားပြီ။ မေတ္တာကဘာနဲ့ တူတဲ့အကျင့်လဲ?၊ ရေနဲ့ တူတဲ့အကျင့်ပါဘုရား။ ရေလို ကျင့်ကြပါ။ လူကောင်းတွေသောက်လည်းပဲ၊ သူတော်ကောင်းတွေ သောက်လည်းပဲ ဘာဖြစ်လဲ? အေးချမ်းတယ်။ လူမိုက်တွေ လူဆိုးတွေသောက်လည်း အေးချမ်းတယ်။ လူကောင်း လူဆိုး နှစ်မျိုးလုံးကို ရေသည် အေးချမ်းစေသလိုပဲ ရန်သူမိတ်ဆွေ အားလုံး ဘာဖြစ်ပါစေလဲ? အေးချမ်းပါစေလို့ နှလုံးသွင်းကြပါ။ မေတ္တာ။
နောက်ဆုံး နံပါတ် (၁၀) ဘာပါရမီလဲ ပရိသတ်? ဥပေက္ခာပါရမီပါဘုရား။ ဥပေက္ခာ။ We all leaders, any leaders, religious leaders, national leaders, social leaders, political leaders, any leaders should not be perturbed by prosperity- စီးပွားဥစ္စာတွေကြောင့် စိတ်တွေ ဘာဖြစ်ရမလဲ? စိတ်တွေ မယိမ်းယိုင်ရဘူး။ and adversity gain and lost- Gain-အသစ်ရတာ, စိတ်က ဘာဖြစ်လာလဲ? စိတ်က မြှောက်သွားတယ်။ Lost-ဘာဖြစ်လဲ? ဆုံးရှုံးကုန်ပြီ၊ စိတ်ဓာတ်တွေကျလာတယ်။ သိပ်အောင်မြင်နေပြီ ဘာဖြစ်လဲ? မြောက်ကြွကြွ ဖြစ်လာတယ်။ ဆုံးရှုံးကုန်ကြပြီး စိတ်ဓာတ်တွေ ကျလာတယ်။ Gain and lost-အဲဒီ နှစ်ခုကြောင့် စိတ်က ဘာဖြစ်ရလဲ? မယိုင်ရဘူး။ Honor- ဂုဏ်ကျေးဇူး အပြောခံရတယ်။ Censure- ကဲ့ရဲ့ခံရတာ။ ဂုဏ်ကျေးဇူးအပြောခံရလို့ ဘာဖြစ် လာသလဲ? ငါပဲကွ ငါပဲကွ ငါ့အတွက် ဒါပြောတာ။ ဒါငါလုပ်တာ။ ကဲ့ရဲ့လာတော့ ငါမဟုတ်ဘူး၊ ဒါ ငါမလုပ်ဘူး၊ ဟိုကောင်တွေ။ ဘုန်းကြီးတို့ဆရာ အနီးစခန်း ပြောတယ်။ အင်္ဂလိပ်ကြီး အမဲပစ်သွားတာ ဗမာအရာရှိတွေ နောက်ကလိုက်ရတယ်။ အင်္ဂလိပ်အုပ်ချုပ်တဲ့ခေတ်က အင်္ဂလိပ်အရေးပိုင်, ဗမာပြည်မှာ အုပ်ချုပ်နေတာ အတော်ကြာလာတော့ ဗမာစကားလေး မတောက်တခေါက် ပြောတတ် လာတယ်။ ဗမာအရာရှိတွေက နောက်က လိုက်ရတယ် တောထဲသွား အမဲပစ်တယ်။ ဒိုင်း. . .ဆို ပစ်ချလိုက်တယ်၊ သမင်ကို တည့်တည့် မှန်တယ်။ အဲဒီ အင်္ဂလိပ်အရေးပိုင် ပစ်တာ မမှန်ဘူး။ သူ့နောက်က မြို့ပိုင် ပစ်တာ မှန်တယ်။ ဟိုမှာ သွားကြည့်တော့ သမင်လေးဆိုတော့… အင်္ဂလိပ်အရေးပိုင်က ရိုင်ဖယ်ကြီးကို ကိုင်ပြီးတော့ ဒါ နာကျစ်တာကွ၊ ဒါ နာကျစ်တာ။ မြို့ပိုင်က ပစ်တာ, အင်္ဂလိပ် အရေးပိုင်က ပစ်တာကို မဟုတ်ဘူး။ သမင်ကို ပစ်တာ မှန်တိုင်း မှန်တိုင်း ငါကျစ်တာချည်းပဲကို လုပ်တာ, အင်္ဂလိပ်အရေးပိုင်။ နောက်ကျတော့ ဒိုင်း…ဆို ပစ်လိုက်တာ သမင်မဟုတ်ဘူး၊ ယာခုတ်နေတဲ့ လူကြီးကို မှန်တာ၊ သွားကြည့်တော့ လူသွားမှန်တာ…၊ အဲဒီတော့ အင်္ဂလိပ်ကြီးက ဟင်း. . .ဒါ ငါကျစ်တာ မဟုတ်ဘူး၊ နင် ကျစ်တာ။ အဲဒီတော့ ကောင်းလာလို့ ဆိုရင်တော့ ငါပဲ၊ ဆိုးလာလို့ဆိုရင်တော့ နင်ပဲ။ အဲဒီလို မလုပ်ကြနဲ့။ We all leaders should not be perturbed by prosperity and adversity, gain and lost, honor and censure. A leader must have the quality of equilibrium of mind- စိတ်ဓာတ်က ဘာဖြစ်ရမလဲ? တညီတည်း ရှိရမယ်။ ကောင်းချင်လည်း ကောင်း၊ ဆိုးချင်လည်း ဆိုး၊ တညီတည်း။ ဗုဒ္ဓရဲ့ Middle way-က နေရာတကာမှာ ၀င်တယ်။ အခုနက ခန္တီမှာကြည့် ဘာဖြစ်သလဲ? ချေးယို သေးပေါက်လည်း ခံရတယ်၊ စိတ်မပျက်နဲ့။ ချေးနဲ့ သေးနဲ့ အပက်ခံရလည်း စိတ်မပျက်နဲ့။ ပန်းကုံး အဆက်ခံရလည်း စိတ်မမြောက်နဲ့။ Middle way-ပဲ ကျင့်ရမယ်။ မေတ္တာကျတော့ ဘာဖြစ်လဲ? ကောင်းတဲ့လူတွေလည်း ချမ်းသာ ကြပါစေ၊ ဆိုးတဲ့လူတွေလည်း ကျန်းမာပါစေပဲ။ Middle way-ပဲ။ ဗုဒ္ဓရဲ့ Middle way-က in every case-ပဲ။ You can apply။ အဲဒါကြောင့် Buddhist Acadamy-က ဘာတွေကို သင်မလဲ? Apply Buddhism-ကို သင်တာ။ ဗုဒ္ဓတက္ကသိုလ်ရဲ့ ရည်ရွယ်ချက်သည် ဘာလုပ်ကြမလဲ? သံဃာငယ်တွေကို apply Buddhism- လောကကြီး လူတကာနဲ့ အသုံးချနိုင်တဲ့ ဗုဒ္ဓရဲ့ အဆုံးအမတွေကို သင်ပေးမယ်၊ လူနဲ့ တထပ်တည်း ဖြစ်အောင်။ အဲဒါကြောင့် Morning class-ဘုန်းကြီးတို့ ဒကာ ဒကာမတွေအတွက် ဖွင့်မယ်ဆိုတာကလည်း အဲဒါပါပဲ။ Apply Buddhism-ကို သင်ပေးမယ်။ Equilibrium of mind- ဥပေက္ခာဆိုသည်ကား ကောင်းသော အနေအထား၊ ဆိုးသော အနေအထား ဘယ်အနေအထားမှာ မဆို စိတ်ကို ဘယ်လိုထားရမလဲ? Equal, stability သာတူ ညီမျှဖြစ်အောင်၊ ငြိမ်နေအောင် အားလုံး ကျင့်သုံးကြ။ ဒါပြောပါတယ်။ We should go through middle way by being always evenly balanced in both favor and fear without attachment- သိပ် favor-ရရင်လည်း do not attach-ပဲ။ fear-ဖြစ်လာရင်လည်း do not deattach။ အဲဒီနှစ်ခုကို လွတ်အောင် အလယ်ကသွားကို ဘာခေါ်သလဲ? Equanimity။ အဲဒါတွေ အားလုံးဟာ ဘယ်သူ့ကျင့်စဉ်တွေလဲ? ဘုရားလောင်း ကျင့်စဉ်။ ဒါတွေကို ပါဠိလို ဘာခေါ်သလဲ? ပါရမီ။ ပါရမီကို အင်္ဂလိပ်လို ဘာသာပြန်တော့ Perfection။ အားလုံးသော ဘ၀သံသရာတစ်လျှောက်လုံးက ဆွေမျိုးမတော်ခဲ့ဘူးသော ပုဂ္ဂိုလ်သတ္တ၀ါမရှိဆိုတဲ့ မြတ်စွာဘုရားရဲ့ အနမတဂ္ဂ သုတ်တော်အရ ဒီကနေ့ ဘုန်းကြီးတို့ ပြောဆိုတဲ့ တရားစကား လာရောက် နားထောင်ကြတဲ့ အမျိုးသား အမျိုးသမီးအားလုံးဟာ ဘုန်းကြီးတို့ရဲ့ ဘ၀ဟောင်းက ညီအစ်ကို မောင်နှမဟောင်းတွေပါလို့ ဘုန်းကြီးတို့ ဒီလို သဘောထားပြီးတော့ တိုင်းပြည်နဲ့ လူမျိုးအတွက် အလုပ် လုပ်ကြတဲ့ လုပ်ငန်းဟာ ဘာလုပ်ငန်းလဲ? ဘုရားလောင်း လုပ်ငန်း, အဲဒါကြောင့် ဘုရားလောင်းကျင့်စဉ် (၁၀)ပါးကို Leadership quality-များအနေနဲ့ ဘုန်းကြီးတို့ ဒီကနေ့ ပြောပြပါတယ်။ နိုင်ငံမှာ ခေါင်းဆောင်ကြတဲ့ ပုဂ္ဂိုလ်တွေ၊ အသင်းအဖွဲ့တွေမှာ ခေါင်းဆောင်ကြတဲ့ ပုဂ္ဂိုလ်တွေ လူလူချင်း တစ်ယောက်နဲ့ တစ်ယောက်၊ တစ်ယောက်အကျိုးစီးပွားကို တစ်ယောက်က ဆောင်ရွက်တဲ့အခါမှာ ဘာသာရေး ခေါင်းဆောင်များသည်ပင် ဒီအတိုင်း ပါရမီ (၁၀)ပါးလမ်းစဉ်အတိုင်း (Ten kinds of perfections)ဆိုတဲ့ ပါရမီ (၁၀)ပါးအတိုင်း အားလုံးကျင့်သုံးနိုင်ကြမယ်ဆိုရင် တိုင်းသူပြည်သား လူအများလည်း သူတို့ရဲ့ အကျိုးစီးပွားတွေ ဘာဖြစ်လာမလဲ? Perfect- တိုင်းသူပြည်သား လူအများရဲ့ အကျိုးစီးပွားလည်း perfect-ဖြစ်လာအောင်၊ ခေါင်းဆောင်တွေ အားလုံးကလည်း ဘာဖြစ်လဲ? Perfect men-တွေ ဖြစ်လာအောင် ဒီ ten kinds of perfection-ဆိုတဲ့ ပါရမီ (၁၀)ပါး အားလုံးကို လိုက်နာ ကျင့်သုံး ပြီးတော့ တိုင်းပြည်ရဲ့ အကျိုးစီးပွားအားလုံး ပြည့်စုံအောင် ကျင့်သုံးကြပါ၊ ကျင့်သုံးနိုင်ကြပါစေဆိုတာ ဘုန်းကြီးက လေးနက်စွာ တိုက်တွန်းပြီးတော့ ဘုန်းကြီးရဲ့ ဒီမှာတင် နိဂုံးချုပ်အပ်ပါတယ်။
အားလုံးကို ကျေးဇူးတင်ပါတယ်။
သီတဂူစန်းလပမာ ချမ်းမြသာယာ ရှိကြပါစေ
သီတဂူဆရာတော်ဒေါက်တာအရှင်ဉာဏိဿရ
အဂ္ဂမဟာပဏ္ဍိတ၊ အဂ္ဂမဟာသဒ္ဓမ္မဇောတိကဓဇ၊ အဂ္ဂမဟာဓမ္မကထိက (Ph.D., D.Litt.)

ဤနေရာမှ ကူးယူဖော်ပြသည်။

ရွင်လန်းချမ်းမြေ့ပါစေ
သီတဂူစတား
၂၉-၆-၂၀၁၁

Read more »

ရဟန်းနှင့် အမျိုးသမီး

စာမိတ်ဆက်

ဒီမေးခွန်းလေးကတော့ အားလုံးသိထားသင့်တဲ့ အကြောင်းပဲ ဖြစ်ပါတယ်။ မြန်မာနိုင်ငံသည် ဗုဒ္ဓဘာသာ ဘုန်းတော်ကြီး အများဆုံးရှိသော နိုင်ငံဖြစ်သည်၊ ၄ သိန်းကျော်သော ရဟန်းသံဃာများ ရှိရာကား အလွန်ကြီးကျယ်သော အဖွဲ့စည်းကြီးတစ်ခုဖြစ်သည်။ ထိုအဖွဲ့အစည်းကြီးသည် လူဝတ်ကြောင်များကို အမှီပြုပြီး အသက်မွေးဝမ်းကြောင်းပြုကာ ရဟန်းအလုပ်ကို လုပ်နေသူများ ဖြစ်ကြသည်။ လူဝတ်ကြောင်များနှင့် အနေနီးစပ်စွာ နေကြရသည်။ အများစုသော သူများသည် သာမန် ပုထုဇဉ်များ ဖြစ်ကြသည်၊ ပုထုဇဉ်များပီပီ ဖြစ်တတ်သော မေတ္တာတွေ သံယောဇဉ်တွေ အချစ်တွေ စတဲ့ တစ်ယောက်နှင့်တစ်ယောက် အနှောင်အဖွဲ့များ ဖြစ်တတ်သည်။ သို့သော် ရဟန်း (ဘိက္ခု)ဆိုတာကိုက ထိုအနှောင်ဖွဲ့တွေကို ကြောက်လို့ ရဟန်းပြုလာသည်ဟု ဆိုလိုသည့်အတွက် အနှောင်ဖွဲ့တွေ ရှင်းအောင် အားထုတ်သူများ ဖြစ်ကြရပါမည်။ ကိလေသာပွားအောင် အားထုတ်သူများ မဖြစ်သင့်ပါ။

လူတွေကတော့ ရဟန်းတွေဆိုတာ ရဟန္တာကြီးများကဲ့သို့ ကိလေသာ တဏှာ ရာဂ ကင်းသူများဟု မှတ်ယူထားကြသည်။ သာမန် လူဝတ်ကြောင်တွေလို ချစ်တာ ကြိုက်တာ စတဲ့ သံယောဇဉ်များ မရှိဟု ခံယူထားကြသည်။ စာရေးသူ ရဟန်းဖြစ်ခါစက ရှမ်းပြည်တောင်ပိုင်း အောင်ပန်းမြို့ရှိ မဟာဂန္ဓာရုံကျောင်းတိုက်မှာ နွေရာသီ စာသွားချပေးဖူးသည်။ တခါတော့ ထိုကျောင်းရှိ စာချဘုန်းကြီးများနှင့် သားအမိ နှစ်ယောက်ရှိသော အိမ်သို့ အလည်ပင့်သဖြင့် သွားခဲ့သည်။ သမီးဖြစ်သူမှာ ကျောင်းဆရာမ စာရေးသူထက် ၃ နှစ်လောက်ပဲ ကြီးမည်ထင်သည်။ ထိုသားအမိနှစ်ယောက်သည် ဘုန်းကြီးရဟန်းတွေကို အလွန်ကြည်ညိုတတ်သည်၊ အလှူအတန်းလဲ ၀ါသနာပါသူဖြစ်သည်။ တနေ့တော့ အမေဖြစ်သူ ဒကာမကြီးက အားပါးတရပြောတယ် ‘‘ဘုန်းကြီးတွေက ငါးပါးသီလ လုံခြုံတယ်၊ ရဟန္တာကြီးတွေပဲ ဘုရား၊ တပည့်တော် သမီးကိုလဲ အဲလို ရဟန္တာကြီးတွေနဲ့ဆို ယုံကြည်စိတ်ချရပါတယ်ဘုရား’’ အဲဒီလောက်ထိ ဘုန်းကြီးရဟန်းတွေကို အထင်ကြီး လေးစားထားကြသည်။ မန္တလေးက ကျောင်းအမ သားအမိက စစ်ကိုင်းရောက်လာတော့ သူတို့ ပြောနေတဲ့စကား ကြားလိုက်မိတယ်။ သူ့မှာ ဘွဲ့ရသမီးက တစ်ယောက်ရှိသည်။ ဘွဲ့တစ်ခုသာရထားသည်၊ ဒီက ဘုန်းကြီးတွေ ဘွဲ့တွေ ၂ ခု ၃ ခုတောင်ရထားတာဆိုတော့ သမီးကိုတော့ စဉ်းစားမှာ မဟုတ်ပါဘူးတဲ့။ သူအထင်ကြီးတာက တမျိုး။

အဲဒီလောက် အထင်ကြီး ကြည်ညိုတတ်ကြသော ဒကာဒကာမတွေ တွေ့ရပြန်တော့ တွေးပြီး ရှက်မိသည်၊ ငါ့မှာက ကိလေသာတွေနဲ့ လူဝတ်ကြောင်တွေလို ကိလေသာတွေ ရှိနေတာပဲ၊ လူတွေနဲ့ မတူတဲ့ အသိုင်းအ၀ိုင်းမှာ နေပြီး လူတွေ မလုပ်နိုင်တဲ့ အလုပ် လုပ်နေတာပဲ ထူးတာ။ ကျန်တဲ့ စိတ်အစဉ်ကတော့ သိပ်မထူးပါလားဟု တွေးကာ ရှက်မိသည်။ ဒါ့ကြောင့်ဘုရားက ဣန္ဒြိယသံဝရသီလ ခေါ်တဲ့ သတိ အမြဲရှိစေဖို့ ဟောထားသည်။ မျက်စိ, နား,နှာ စတဲ့ ဒွါရ (ပေါက်) ၆ ခုမှ ၀င်လာတဲ့ အာရုံတွေနောက် လိုက်ပြီး တဏှာ ရာဂစတဲ့ ကိလေသာတွေ ၀င်မလာနိုင်အောင် သတိဖြင့် ပိတ်ဆို့ထားဖို့ သီလ အကျင့်တစ်ခု အနေနဲ့ ဟောထားခဲ့သည်။

အမေး+အဖြေ

ထိုကြည်ညိုတတ်သော သူများထဲက ကျောင်းအမတစ်ယောက်က စာရေးသူအား မေးခွန်းတစ်ခုမေးတယ်၊ ၂၅-၆-၂၀၁၁ နေ့က ဖြစ်တယ်။ သူက စာရေးသူနဲ့ အရမ်းရင်းနှီးသူဖြစ်သဖြင် စတားဟုခေါ်လေ့ရှိသည်။ စတား အားလား၊ မေးခွန်းတစ်ခု မေးချင်လို့ ဟု အစချီကာ မေးပါတော့သည်။ သူ့မေးခွန်းက--

အမေး

အခုနေရာတော်တော်များများမှာ ရဟန်းတော်တွေနဲ့ ဒကာမ ဇာတ်လမ်းတွေ တော်တော် များများကြားနေရတယ်လေ။ အဲဒါ ၂ယောက်လုံးငရဲတွေကြီးကြလား။ ဒါက သူမေးလိုက်တဲ့ မေးခွန်းဖြစ်ပါတယ်။

မှန်ပါသည်။ မေးသင့်ပါသည်။ အထက်မှာ ပြထားသလိုပဲ ရဟန်းတော်များသည် သာမန် ပုထုဇဉ်များဖြစ်ကြသည် လူဝတ်ကြောင် အသိုင်းအ၀ိုင်းမှာ သွားလာ နေကြရသည်၊ အနေနီးစပ်သည့်အတွက် ရဟန်းနှင့်မိန်းမ ဆိုတဲ့ ဇာတ်လမ်းတွေ ဖြစ်ကြသည်။ နှစ်ယောက်လုံးမှာ အပြစ်ရှိလားဆိုတာက အလွန်ကျယ်ပြန့်တဲ့ မေးခွန်းဖြစ်ပါတယ်။ သူမေးတဲ့ မေးခွန်းက ရဟန်းတော်များ ပါရာဇိက ကျပါသလားဆိုတာပဲ ဖြစ်ပါသည်။

အဖြေ

ပါရာဇိကအဓိပ္ပါယ်က သာသနာတော်မှ ဆုံးရှုံးခြင်းဟု ဆိုလိုသည်၊ အကျဉ်းအားဖြင့် ၄ မျိုးရှိသည်။ (၁) မ-သတ္တ၀ါများနှင့် သားကျင့် မယားကျင့်ခြင်း (၂) လူသတ္တ၀ါသတ်ခြင်း (ကိုယ်ဝန်ကျဆေးပေးခြင်းအပါဝင်) (၃) သူများပစ္စည်းခိုးခြင်း (၄) ဈာန်မဂ်ဖိုလ် မရဘဲ ရယောင်ဆောင်ပြီး လိမ်လည် လှည့်ဖြားခြင်း။

ရဟန်းတော်များ လူမိန်းမ တိရစ္ဆာန်မ စတဲ့သူတွေနဲ့ သံဝါသခေါ် သားကျင့်မယားကျင့် ကျင့်ခဲ့ရင်တော့ ပါရာဇိက ကျသည်ဟုဆိုသည်၊ ရဟန်းဘ၀မှာ ဘုရားပေါင်း ထောင်သောင်းချီပြီး သိမ်ပြန်လည်ဝင်လည်း ဒီဘ၀ ရဟန်း ပြန်မဖြစ်နိုင်၊ သို့အတွက် လူ သို့မဟုတ် ကိုရင်ကြီးဘ၀ဖြင့် နေရသည်။ ရဟန်းဘ၀နဲ့ ဆက်နေတော့ ဘာဖြစ်လဲ? သူသည် မစင်ကျယ်သော သူဖြစ်ရကား ၀တ်ထားတဲ့ သင်္ကန်းသည် မီးရဲရဲတောက်နေတဲ့ သံပြားကို ပတ်ထားရသလို၊ ဒကာ ဒကာမတွေ လှူတဲ့ အစားအစာတွေကလည်း မီးရဲရဲတောက်နေတဲ့ သံလုံး သံခဲတွေကို စားမျိုနေရသလို၊ နေရတဲ့ ကျောင်းသည်လည်း သူ့အတွက် မီးရဲရဲတောက်နေသော သံလှောင်အိမ်ကြီးသဖွယ်ဖြစ်သည်၊ ဒကာ ဒကာမတွေရဲ့ လက်အုပ်ချီခြင်းဟာလဲ သူ့အတွက် လှံနဲ့ ၀ိုင်းထိုးနေသည့်အလားပင်ဖြစ်ပါတော့သည်။ ဈာန်တရား မဂ်တရား များ မရနိုင်။ ဤပြစ်မှုကား ကိုယ်ထိလက်ရောက် ကျူးလွန်မှ အပြစ်သင့်သည်။ စကားဖြင့် သားမယား ပြောခြင်းကား ပါရာဇိက မကျနိုင်ပါ။ ရဟန်းသည် မိန်းမနှင့် အတူအိပ်စေကာမူ လွန်ကျူးမှု မဖြစ်ဘူးဆိုရင် ပါရာဇိက မကျ။ သံဃာဒေသ် အာပါတ်ခေါ်တဲ့ ကုစားလို့ရတဲ့ အပြစ်ကြီးစားတော့ သင့်သည်။

(မှတ်ချက်။ ။ မေထုနသံဝါသခေါ် သားကျင့်မယားကျင့်ခြင်းနှင့်ပတ်သက်ပြီး ပါရာဇိက ကျနိုင်တဲ့ အဆင့်နှင့် မကျနိုင်တဲ့ အဆင့်တွေကိုတော့ ပါရာဇိကဏ်အဋ္ဌကထာနှင့် ကင်္ခါဝိတရဏီအဋ္ဌကထာတို့၌ ပါသည်၊ အသေးစိပ်ကိုတော့ ဖော်မပြလိုတော့) ၀ိနည်းသိက္ခာပုဒ်တွေဆိုတာ လူဝတ်ကြောင်တွေလဲ သိသင့် သိထိုက်ပါတယ်၊ ထို့ကြောင့် လူဝတ်ကြောင်တွေအတွက် နားလွယ်နိုင်တဲ့ ၀ိနည်းအကြောင်းကို ဘုရားဥပဒေတော်ကြီး ဟုသော အမည်ဖြင့် တောင်မြို့ မဟာဂန္ဓာဆရာတော်ကြီး ရေးသားခဲ့သည်။)

အဲဒါ ၂ယောက်လုံးငရဲတွေကြီးကြလား ဆိုတဲ့ မေးခွန်းကတော့ ရဟန်းအတွက် အဖြေကတော့ ပြဆိုခဲ့အတိုင်းပါပဲ။ အမျိုးသမီးများအတွက်ကော ဘာဖြစ်နိုင်လဲ? ငရဲကြီးလား? ဆိုလိုတာ ရဟန်းအပြစ်ခံရသလို အမျိုးသမီးကော ခံရသလား? ဆိုတဲ့ အဓိပ္ပါယ်ပဲ။
အပြစ်ဆိုတာ ၂ မျိုးရှိပါတယ်။ လောက၀ဇ္ဇ နှင့် ပဏ္ဏတ္တိဝဇ္ဇပေါ့။ ထိုအမျိုးသမီးကို ရဟန်းနှင့် ဖြစ်တော့ လူတွေက သာသနာဖျက်မဆိုတဲ့ ခေါင်းစဉ် တပ်ပြီး ကဲ့ရဲ့ကြလိမ့်မယ်၊ အပြစ်တင်ကြလိမ့်မယ်။ ဒါက လောက လူသားတွေက ပေးတဲ့ အပြစ်မို့ လောက၀ဇ္ဇမည်တယ်။ ပဏ္ဏတ္တိဝဇ္ဇဆိုတာက ပညတ် သတ်မှတ်ထားတဲ့ စည်းကမ်း။ ဥပမာ-ငါးပါးသီလပေါ့၊ သူများအသက် သတ်ခြင်း၊ ခိုးခြင်း၊ လိမ်လည်ခြင်၊ စတဲ့ ငါးပါးသီလကို ကျူးလွန်က ပဏ္ဏတ္တိဝဇ္ဇ အပြစ် ဖြစ်တာပေါ့။ ဤအပြစ် ၂ မျိုးတွင် ရဟန်းနှင့်ဇာတ်လမ်းဖြစ်သော အမျိုးသမီးကား လောကအပြစ် (လောက၀ဇ္ဇ)ကိုတော့ ခံရမည်။ ငရဲ ကျ မကျကိုတော့ ဇာတ်လမ်းလေး တစ်ခု ပြောပြမယ်။

ဘုရားလက်ထက်က အရှင်သုဒိန္နအမည်ရှိ အလွန် သဒ္ဓါတရားကောင်းသော သူဋ္ဌေးသား ရဟန်းတပါးရှိခဲ့ဖူးတယ်၊ သူ့မှာက ရဟန်းမ၀တ်ခင်က အိမ်ထောင်ကျခဲ့ဖူးလို့ ဇနီးတစ်ယောက်ရှိတယ်။ ရဟန်းဘ၀ရောက်သွားတော့ အမေဖြစ်သူက အမွေစားအမွေခံ သားသမီးမျိုးရိုး ပြတ်စဲသွားမည်ကို စိုးရိမ်ရကား သားဖြစ်သူ ပြန်လာသောအခါ သမီးဖြစ်သူနဲ့ သားသမီးတစ်ယောက်စာ အတွက် သားမယားတို့ထုံး ကျင့်ခိုင်းတော့သည်၊ ရဟန်းဖြစ်သူကလဲ မပြုချင်ပေမဲ့ ခဏခဏ ဒီလို တောင်းဆိုနေတော့မှာပဲ၊ ဒီတစ်ကြိမ်တစ်ခါတော့ သူတို့စိတ်ကြိုက် အတိုင်း လိုက်နာလိုက်သည်၊ သားလေး တစ်ယောက်ထွန်းကားသည်။ သို့သော်ကား ရဟန်းဖြစ်သူမှာ ဒီဘ၀မှာ ဈာန်မဂ်ဖိုလ် မရနိုင်တော့။ သိက္ခာပုဒ်များ မညတ်ခင် ပထမဆုံး ဒီလိုကျူးလွန်မှုအတွက် ပါရာဇိကခေါ် သာသနာတော်မှ နှင်မထုတ်ခံရပေမဲ့ ဈာန်တရား မဂ်တရားများကိုတော့ မရ။ ဇနီးဖြစ်သူနှင့် သားကလေး နှစ်ယောက်လုံးကတော့ သောတာပန် အရိယာပုဂ္ဂိုလ်များ ဖြစ်သွားကြသည်။ အဲဒီတော့ အမျိုးသမီး ငရဲကြီးလားဆိုတာကိုတော့ စာဖတ်သူတို့ကိုယ်တိုင်ပဲ ဆုံးဖြတ်ပါလေ။

အမေး
ကိုယ်အားဖြင့်ကျူးလွန်တာ မဟုတ်ဘဲ ၀စီကံတွေ မနောကံတွေနဲ့ ပြောဆိုနေကြတယ်ဆိုရင်ကော ဘာအပြစ်သင့်လဲ?

အဖြေ
ဟုတ်ပါတယ်၊ ဒါလဲ အလွန်မေးသင့်တဲ့ မေးခွန်းပါပဲ။ သူက ပြောတယ် အွန်လိုင်းမှာ ရီးစားစကားပြောနေတာ ဘာအပြစ်သင့်လဲ? ကုစားလို့ မရတဲ့ ပါရာဇိက အပြစ်လဲ မသင့်ပါဘူး၊ သံဃာဒေသေသ်ခေါ် ကုစားလို့ ရတဲ့ အပြစ်လဲ မသင့်ပါဘူး။

မနောကံဖြင့် ကျူးလွန်ပါက ရဟန်းတော်များ ၀ိနည်း အပြစ် လုံးဝမရှိပါ၊ (မနောဒွါရေ အာပတ္တိ နာမ နတ္ထိ)။ သို့သော် ရီးစားစကားပြောခြင်း ၀စီကံအပြစ်ကတော့ လောကအပြစ် (လောက၀ဇ္ဇ) လူသူများ ကဲ့ရဲ့ခံရမည်။ ၀စီကံရော မနောကံ ၂ မျိုးလုံးကတော့ ၀ိနည်းအပြစ် မရှိသော်လည်း အဘိဓမ္မာ အပြစ်တော့ ရှိသည်။ ဆိုလိုတာက တဏှာ ရာဂ ကိလေသာတို့ကို ဖြစ်စေ တိုးပွားစေတက်သော စကားများဖြစ်သောကြောင့် ၎င်း၊ ကြံစီနေသောကြောင့်၎င်း အကုသိုလ် အပြစ်များကား ရှိသည်။
ရဟန်းများ ရီးစားစကားပြောလျှင်ကော ဘာအပြစ်ဖြစ်လဲ ဆိုတာနဲ့ စပ်လျှဉ်းပြီး ဒုဋ္ဌုလ္လ၀ါစာ နှင့် အတ္တကာမပါရိစရိယာယ သိက္ခာပုဒ်များမှာတော့ ယုတ်ရင်းကြမ်းထမ်းတဲ့ ၀စ္စမဂ် ပဿာဝမဂ်တို့နှင့် စပ်လျှင်၍ ပြောလျှင်တော့ သံဃာဒေသေသ် အာပတ် အပြစ်ရှိသည်။ ထိုစကားများ မဟုတ်ပါက- မုသာဝါဒ လေးမျိုးထဲက သမ္ဖပ္ပလာပါဝါစာ- အကျိုးမရှိတဲ့ စကားဖြစ်ခြင်းကြောင့် ဒုစရိတ် ၁၀ ပါးထဲက တပါးအပါအ၀င်ဖြစ်တဲ့ အကုသိုလ်အပြစ်ဖြစ်သည်။ တဏှာ ရာဂစတဲ့ ကိလေသာစကားများဖြစ်ခြင်းကြောင့် အဘိဓမ္မာသဘောအရ အကုသိုလ်အပြစ်ဖြစ်သည်။

အမေး
နောက်တစ်ခု မေးခွန်းကလဲ သိသင့်တဲ့ မေးခွန်းပါပဲ။
ဘုန်းကြီးနဲ့ အမျိုးသမီး ဖြစ်ကြရင် ဘုန်းကြီး အနေနဲ့ အာပတ်ဖြေလိုက်ရင်ပြီးရော ဒကာမတွေ ဘက်က သာသနာဖျက်မဆိုတဲ့ ငရဲ ကိုခံကြရမယ်ဆိုတာကို တပည့်တော် သူငယ်ချင်း ကျောင်းအမ တစ်ယောက်က ပြောတယ်ဘုရား။ စတား အဲဒါကော ဟုတ်လား။ သူက သူ့ဘုန်းကြီး လူထွက်သွားတာနဲ့ ပတ်သက်ပြီးပြောပြတာ စတားရဲ့။

အဖြေ
အာပတ်ဖြေတယ်ဆိုတာ ရဟန်းတော်များ အပြစ်ကျူးလွန်ထားရင် ကုစားတဲ့နည်းပဲ။ ရဟန်းတော်များမှာ အပြစ် (အာပတ်)အမျိုးစား ၇ ခုရှိတယ်။ ရှေးက ပါရာဇိကနှင့် သံဃာဒေသေသ် ၂ မျိုးကို အပြစ်ကြီးလို့ ယူဆထားကြတယ်၊ နောက် ၅ မျိုးကတော့ အပြစ်သေးသေးပေါ့။
၁။ ပါရာဇိက အာပတ်ကတော့ ကုစားမရတော့ဘူး
၂။ သံဃာဒိသေသ်အာပတ်ကတော့ ကြီးလေးတဲ့ အပြစ်ဖြစ်သောကြောင့် ကြီးကြီးကျယ်ကျယ် ကံဆောင်ပြီးတော့ ကုစားရပါတယ်။ ဒါကို မာနတ်ဆောက်တည်တယ် ပရိဝါသ်ဆောက်တည် တယ်ဟုခေါ်သည်။ လူဝတ်ကြောင်တွေကို ပြောပြဖို့ နဲနဲ ခက်ပါတယ်။
၃။ ကျန် ၅ မျိုးကတော့ ဒေသနာကြားခြင်းခေါ်တဲ့ အာပတ်ဖြေ ကုစားရင် ရသည်ဟု စာပေမှာ ဆိုသည်။ ဒါပေမဲ့ နောင်မကျူးလွန်မိအောင် ဆင်ခြင်ပါ့မယ်လို့ ပြောပြီး ခဏခဏ ကျူးလွန်လို့တော့ မရပါဘူး။ အာပါတ်ဖြေလိုက်ရင် လုံးဝပျောက်ရောလားဆိုတော့၊ အနာပေါက်နေသူကို ဆေးဖြင့်ကုသပါက အနာပျောက်ပေမဲ့ အမာရွတ်လေး ကျန်တတ်သည်။ အပြစ်တွေ ဆေးကြော ကုစားပေမဲ့ အမာရွတ်လေးတော့ ကျန်တက်သည်တဲ့ (ဘာသာဋီကာဆရာတော်)

ကျောင်အမက ပြောသေးတယ်၊ ဒီမေးခွန်းကို မေးချင်နေတာ ကြာပြီ၊ မေးရမှာ ရှက်တာရယ်၊ အားနာနေတာရယ်ကြောင့် မမေးဖြစ်တာ။ စတားတို့ ဘုန်းကြီးတွေက တရားနဲ့ပတ်သက်လာလျှင် ပြည့်စုံကြတယ်လေ၊ ဒါ့ကြောင့် အထင်ကြီးပြီးမေးတာပါတဲ့ဗျာ။

အမှာစာ
စာရေးသူအနေနဲ့ ဒီမေးခွန်းနဲ့ ပတ်သက်၍၎င်း အင်တာက်စာမျက်နှာပေါ်တွင် ဒကာတစ်ယောက်၏ ဖော်ဝက မေးလ်စာများနှင့်စပ်လျဉ်းပြီး အနဲငယ်ပြောချင်ပါသည်။ စာရေးသူတို့နိုင်ငံသည် မတူညီတဲ့ ရဟန်းရယ် လူဝတ်ကြောင်ရယ် အလွန်းကြီးမားတဲ့ အဖွဲအစည်းကြီး ၂ ခုက ယှဉ်တွဲ နေကြသည်ဖြစ်၍ ဒီအဖြစ်မျိုးတွေက ကြုံလာနိုင်ပါသည်၊ သီလ သမာဓိ အားကောင်းတဲ့ခေတ် ဘုရားလက်ထက်ကတောင် ဤကဲ့သို့ ဖြစ်ရပ်တွေ ရှိနေပါသည်။ ဒါတွေကို နားလည်ပြီး လူဝတ်ကြောင်ဘက်က ဤကဲ့သို့ ရဟန်းငယ်များနှင့်တွေ့က သို့မဟုတ် သိသိချင်း လိမ္မာပါးနပ်စွာ နောက်ဆုတ်လိုက်ပါ၊ သို့ဟုတ် ထိုရဟန်းကို နားလည်အောင် ဆုံးမလိုက်ပါ။ ရဟန်းတော်အားလုံး ဒီလိုချည်းပဲဆိုတာမျိုး ယူဆသွားမည်၊ မှတ်သွားမည်ကိုတော့ စိုးရိမ်မိပါသည်။ စာရေးသူတို့ သာသနာအတွင်းနေသူများကလဲ ထိုဒကာဒကာမအသိုင်းဝိုင်းများကို အမှီပြု၍ နေကြရပါသည်၊ သာသနာအတွက် ကျေးဇူးများသူများဖြစ်ကြသည်။ သူတို့၏ သဒ္ဓါဒေယျ ၀ိနိပါတ ခေါ် သဒ္ဓါတရားကို ပျက်ပြားစေတဲ့ အမှုမျိုး မကျူးလွန်မိအောင် သတိကြီးစွား စောင့်ထိမ်းနိုင်ကြပါစေလို့ ဆုမွန်ကောင်းတောင်းလိုက်ပါတော့သတည်း။


စာရေးသူ မီသလောက်ပဲ ဖြေကြားလိုက်ပါသည်။ ကျေးဇူးအထူးတင်ပါသည်။

ရွှင်လန်းချမ်းမြေ့ပါစေ
သီတဂူစတား
၂၅-၆-၂၀၁၁

Read more »

ရှားရှားပါးပါး အလှူ (၂)

စာရေးဖို့ အကြောင်းရှာနေတာကြာပြီ၊ အခန်းအောင်းနေရကား ခရီးသွားမှတ်တမ်းလဲ မရေးနိုင်ခဲ့။ ဒီတပတ်တော့ အရင်တစ်ပတ်က ရှားရှားပါးပါးအလှူ အပိုင်း (၁)ဖြင့် ပို့စ် တစ်ခု ရေးပြီး အလှူရှင်တစ်ဦးကို ဂုဏ်ပြု ရေးသားခဲ့သည်၊ ယခုတစ်ပတ်မှာလဲ ထိုအလှူရှင် မိသားစု တဖန် ရောက်လာတာကြောင့် အလှူရှင် ဂုဏ်ပြုပို့စ်လေးတစ်ခု တင်ဖို့ စိတ်ကူးမိပါသည်။ အလှူရှင် များများရလျင်တော့ ဂုဏ်ပြုပို့စ်တွေ များများ တင်ဖြစ်မည်ထင်။pppppppp။ ဟုတ်ပါဘူး စာရေးသူက အကြောင်းရှိမှ mood ၀င်ပြီး စာရေးမှ အဆင်ပြေသည်။

ရဟန်းတော်များသည် အိမ်ယာတည်ထောင် လူဝတ်ကြောင်များကို အမှီပြုပြီး သာသနာပြု လုပ်ငန်းတွေကို အားထုတ်နေကြရတာ ဖြစ်ပါတယ်။ တိုင်းသူ ပြည်သားများသည် အရပ်စကားနှင့် ပြောရလျှင် ရဟန်းတော်များ၏ ထမင်းရှင်များဖြစ်သည်။ ထို့အတွက် ရဟန်းတော်များမှာ ထိုထမင်းရှင်များကို အမှတ်ရ သတိရ မေတ္တာပွားကြရမည့် တာဝန်ရှိပါသည်။ အကယ်၍ မေတ္တာပွားခြင်း မပြုခဲ့သော် ထိုထမင်းရှင်များကို ကျေးဇူးယူစားသော -ဣဏပရိဘောဂ (အကြွေးတင်) ဖြစ်၍ နေသည်။ တိုင်းပြည်၏ဆွမ်းကို အချီးအနှီးစားသုံးသူများဟု အပြစ်တင်စရာ ဖြစ်လာသည်။ ထို ထမင်းရှင်များကို လက်ဖျောက်တစ်ချက်လောက်ကလေးမျှ မေတ္တာပွားလိုက်ပါက (မှတ်မှတ် ရရ သတိရမိလိုက်ပါက) အကြွေးမတင်သည့်အပြင် တိုင်းပြည်၏ အစားစာများကို အကျိုးရှိစွာ စားသုံးသူများဟု ဆိုအပ်၏။

မြန်မာမိသားတစ်စုသို့ မှတ်မှတ်ရရ
၁၈-၆-၂၀၁၁ နေ့၊ စနေနေ့ ရုံးပိတ်ချိန် ဖြစ်၍ ဘုံဘေမြို့ရှိ မြန်မာမိသားစု လေယာဉ်အင်ဂျင်နီယာ ဒကာ ဦးကျော်ဆွေ+ဒကာမ ဒေါ်သန်းသန်းဌေးနှင့် သမီးဖြစ်သူ မယဉ်သူဇာကျော်တို့ စောမယကောလိပ်ရှိ စာရေးသူတို့အဆောင်သို့ ရောက်လာကြသည်။ စောမယကောလိပ် ဆန်စကရစ်ဌာနနှင့် ပါဠိဌာနတို့တွင် ဒေါက်တာဘွဲ့အတွက် စာတမ်းပြုစုနေကြသော မြန်မာရဟန်းတော် ၁၅ ပါး (အမြဲနေ-အတူစား) တို့အား နေ့ဆွမ်းအတွက် စားဖွယ်များ အသီးအနှံများ ပိုပိုလျှံလျှံ လှူသွားကြသည့်အပြင် ဆန် ဆီများပါ လှူသွားသည်။ ထိုမိသားစုအတွက် မှတ်မှတ်ရရ သတိရစေရန် သို့မဟုတ် မေတ္တာပွားမိစေဘို့ရန် ဤပို့စ်ဖြင့် မှတ်တမ်းတင်အပ်ပါသည်။

ဒါနဟူသည်
ဒါန-ပေးဝေခြင်း, စွန့်လွတ်ခြင်း, ဟူသော အဓိပ္ပါယ်ရှိသည်။ ကိုယ့်မှာရှိသော ရုပ်ဝတ္ထုပစ္စည်းကို တစ်ပါးသူအား ပေးဝေခြင်း၊ ကိုယ်သန္တာန်မှာ ကိန်းဝပ်နေသော လောဘ တဏှာ အညစ်အတေးကို စွန့်လွတ်ခြင်းဟုသော နေက္ခမ္မ အဓိပ္ပါယ်ရှိသည်၊ နေက္ခမ္မ ကို အများစုက တောထွက်ခြင်းဟု သိထားကြသည်၊ မူရင်းအဓိပ္ပါယ်မှာ စွန့်လွတ်ခြင်းဟု ဆိုလိုသည်၊ စွန့်လွတ်ခြင်း အမျိုးမျိုးရှိသည်၊ သားမယားကို စွန့်ခြင်း၊ ဇနီးကို စွန့်ခြင်း စသည့် ဘုရားရှင်ပါရမီဖြည့်ခဲ့သည် စွန့်ခြင်းကြီး ငါးမျိုးတို့ကို စွန့်လွတ်ပြီး တောထဲတောင်ထဲ တစ်ကိုယ်တည်း တောရဆောက်တည်ခြင်းသည်လည်း နေက္ခမ္မ မည်ပါသည်။ ထို့ပြင် ကိုယ့်သန္တာန်မှာ ကပ်ညှိနေသည့် ကိလေသာ အညစ်အကြေးများကို စွန့်လွတ်ခြင်းသည်လည်း နေက္ခမ္မမည်ပါသည်။ ဒါကိုပဲ စာပေက ပုည ဟု ခေါ်သည်။ ပုည-ကုသိုလ်ဟု မြန်မာမှုပြုသည်။ ဆိုလိုသည့် အဓိပ္ပါယ်မှာ စိတ်ကို ဖြူစင်အောင် ပြုလုပ်ခြင်းဟု ဆိုလိုပါသည်၊ ထို့ကြောင့် စိတ်ကို ဖြူစင်အောင် အားထုတ်နည်း ဆယ်မျိုးပြထားသည်။ ဒါကို စာပေက ပုညကြိယာဝတ္ထု (၁၀)ပါးဟု ခေါ်သည်။ ဒါနသည်လည်း ထို ၁၀ မျိုးတွင် ပထမဆုံးသော တစ်ခုပင် ဖြစ်သည်။

ဒါနနှင့် စပ်ဖွယ် သံသရာ
ဒါနပြုဘို့လိုအပ်ပါသလား? သံသရာလွတ်အောင် အားထုတ်ရာ၌ ဒါနက အရေးကြီးပါသလား? ဒါနမပါဘဲ သံသရာ မလွတ်နိုင်ဘူးလား? ဒါနက သံသရာကို ရှည်စေနိုင်ပါသလား? စသည်ဖြင့် ဒါနနှင့်ပတ်သက်ပြီး လားပေါင်းများစွာ မေးခွန်းများရှိနေပါသည်။
အူမတောင့်မှ သီလစောင့်ဆိုတဲ့ မြန်မာစကားပုံလိုပြောရမည်ဆိုရင်၊ ကိုယ့်ကျင့်တရားဆိုတာ ဘ၀မှာ ပြည့်စုံ လုံလောက်မှုနှင့်လည်း ပတ်သက်နေသည်၊ လုံလောက်မှုမရှိပါက ခိုးမယ် လိမ်မယ် သတ်မယ်ဆိုတဲ့ အကုသိုလ်အမှုတွေ တသီကြီး လွန်ကျူးနိုင်ပါတယ်၊ စက္က၀တ္တိသုတ်မှာ ရှင်ဘုရင်က တိုင်းပြည်သူ ပြည်သားတွေကို အရင်းအနှီးထုတ်မပေးတော့ ပြည်သူတွေ စားဝတ်နေရေးတွေ မပြေလည်တော့ဘူး၊ လူမှုရေးကျင့်ဝတ်တွေ ပျက်ကုန်တယ်၊ ခိုးမှု လိမ်မှု သတ်ဖြတ်မှုတွေ ဖြစ်ပေါ်လာတယ်။ ဒါနသည် ဘ၀သံသရာမှာ သက်တောင့်သက်သာ ဘ၀ကို ရပ်တည်နိုင်ဘို့ အထောက်အပံ့ တိုက်ရိုက်အကျိုးပေးရုံမဟုတ်၊ တခြားသော သီလမှု၊ ဘာဝနာမှုစတဲ့ ဘ၀သံသရာမှ လွတ်ကြောင်း ကောင်းမှုတွေ အတွက် အထောက်အပံ့ဖြစ်ပါတယ်။ ဘာမှ မပြည့်စုံ မလုံလောက် တစ်နေ့လုပ်မှ တစ်နပ်စာရသော ပုဂ္ဂိုလ်တစ်ယောက် ဘ၀အတွက် ခက်ခက်ခဲခဲ ရုန်းကန်နေရသောကြောင့် ထိုသီလ ဘာဝနာ စတဲ့ ကောင်းမှုပါရမီတွေ ပြုနိုင်ဘို့ဆိုတာ မလွယ်ကူ။ ထို့ကြောင့် ဒါနသည် ဘ၀သံသရာလွတ်မြောက်ရေးအတွက် သွယ်ဝိုက်ပြီး များစွာ အထောက်ကူပြုပါသည်။

ဒါနအကျိုး
ဒါနပြုခဲ့သော ပုဂ္ဂိုလ်သည် လူချစ်လူခင်ပေါသည်။ သူတော်ကောင်းတွေက လာရောက်တွေ့ဆုံကြမည် ချီးမွမ်းစကားပြောဆိုကြမည်၊ ကောင်းသတင်း ကျော်ကြားမည်၊ အလှုရှင်သည် ဘယ်ရောက်ရောက် ဘယ်ပရိသတ်မှာပဲ ဖြစ်ဖြစ် ရဲရဲဝံ့ဝံ့ ရှိသည်၊ ကိုယ့်ကိုယ်ကို ယုံကြည်မှုရှိသည်၊ လူတို့ကျင့်သုံးသော ဂိဟိဓမ္မခေါ် ၅ပါးသီလ မြဲစေနိုင်သော အခွင့်ထူး ရှိသည့်အပြင် နောက်ဘ၀အတွက် ကောင်းသော ဂတိမှာ ဖြစ်ရသည် ဟု သီဟသေနာပတိသုတ်နှင့် ဒါနာနိသံသသုတ်တို့တွင် ဖော်ပြထားသည်ကို တွေ့ရသည်။
ဒါနပြုခဲ့သော ပုဂ္ဂိုလ်သည် ဒါနမပြုသူထက် အကျိုး ၅ မျိုးသာလွန်သည်ဟု အင်္ဂုတ္တရနိကာယ် သုမနသုတ်တွင် ဖော်ပြသည်။ နတ်ဘ၀မှာပဲ ဖြစ်ဖြစ် လူ့ဘ၀မှာ ဖြစ်ဖြစ် ရဟန်းဘ၀မှာပဲ ဖြစ်ဖြစ်၊ သူတပါးထက် ပိုအသက်ရှည်ခြင်း၊ ပိုလှခြင်း၊ ပိုချမ်းသာခြင်း၊ ပိုပြီး အခြံအရံ မိတ်ဆွေ အပေါင်းသင်း ပေါခြင်း၊ ပိုပြီး သြဇာအာဏာရှိခြင်း ဟူသော အကျိုများပဲ ဖြစ်ပါတယ်။ ဒီသုတ်နဲ့ ပတ်သက်ပြီး စိတ်ဝင်စားဖွယ် ဇာတ်လမ်းလေးတစ်ပုဒ်ရှိတယ်။

ထူးဆန်းဖွယ် ဇာတ်လမ်း
ကောသလမင်းကြီး၏ သမီးတော်လေး သုမနသည် အမျိုးသမီး ၅၀၀ အခြံအရံနှင့် ဘုရားထံရောက်လာသည်၊ သူ့မှာ မယုံနိုင်အောင် အံသြစရာအဖြစ်အပျက်တစ်ခု ကြုံခဲ့ရတယ်၊ ဒီအဖြစ်အပျက်ကို သူများကိုလဲ မပြောရဲဘူး၊ မယုံနိုင်ဘဲ သူ့ကို သို့မဟုတ် ဖြစ်ပျက်ခဲ့တဲ့ ကလေးတွေကို အရူး သို့ဟုတ် ဘီးလူးကလေးတွေဟု ယူဆကာ သတ်ပစ်မှာကိုလဲ ကြောက်နေသည်၊ ထို့ကြောင့် ဘယ်သူ့ကိုမှမပြောဘဲ ဘုရားထံရောက်လာပြီး တွေ့ခဲ့သော ဖြစ်ကြောင်းကုန်စဉ်ကို လျှောက်ထားလေသည်။
‘‘သူတွေ့ခဲ့သော အဖြစ်ပျက်က-- သူမ အခန်းထဲ ၀င်လာသောအခါ စိန်,ရွေတွေ စီခြယ်ထားသော စိန်စီပုခက်ထဲအိပ်နေသော သူမ၏ မွေးကင်းစမောင်လေးနှင့် အနားက ရိုးရိုး အသားပုခက်ထဲမှာ အိပ်နေသော သူ၏အထိန်းတော်မ၏ သားလေးတို့ လူသူမရှိချိန် ခေါင်းငဲ့၍ တစ်ယောက်နှင့်တစ်ယောက်ကြည့်ကာ စကားပြောနေကြသည်ကို ကြားလိုက်သည်။ စိန်စီပုခက်ထဲက ဘုရင့်သားတော်လေးက ‘‘ကဲ--သူငယ်ချင်းရေ--အခုတော့ ကောင်းကြသေးရဲ့လား၊ အရင်တုန်းက လှူပါဟဲ့လို့ ပြောတုန်းက မလှူခဲ့ဘူး၊ အခုတော့ ငါ့အလုပ်သမားရဲ့သား အသားပုခက်နဲ့ အိပ်နေရပြီပေါ့’’လို့ ပြောလိုက်သောအခါ အသားပုခက်ထဲက ကလေးက‘‘ ဘာထူးလဲကွာ- မင်းပုခက်လဲ ဓာတ်ကြီး ၄ ပါးနဲ့လုပ်ထားတာ၊ ငါ့ပုခက်လဲ ဓာတ်ကြီး ၄ ပါးနဲ့ ပြုလုပ်ထားတာ’’ပဲဟု မွေးကင်းစကလေးများက ထူးဆန်းစွား ဓာတ်သံ ပရမတ်သံတွေ ပြောနေတာကို ကြားလိုက်ရသော မင်းသမီးလေး သုမနခင်မျာ အံ့သြမှင်သက်ကာ မတုန်မလှုပ် ကျောက်ရုပ်ကဲ့သို့ ဖြစ်ရသည်။
ထိုဖြစ်စဉ်များကို ဘုရားရှင်ကြားသိသောအခါ ထိုကလေး ၂ ယောက်၏ အတိတ်ဘ၀အကြောင်းကို ပြောပြတယ်။ သူတို့ ၂ ယောက် လွန်ခဲ့သော ဘ၀များစွာက သိပ်ချစ်ကြတဲ့ သူငယ်ချင်းတွေပေါ့၊ တစ်ယောက်က အလှူအတန်း ၀ါသနာပါတယ်၊ တစ်ယောက်က လှူစရာ မလိုဟု ယူဆထားသည်၊ သို့သော်လည်း သီလမှု ဘာဝနာမှုကိုတော့ အတူ အားထုတ်ကြသည့်အတွက် လူဘ၀ နတ်ဘ၀များစွာတို့၌ အလှူအတန်း ပါခဲ့သူက အထက်မှာ ပြဆိုခဲ့ အကျိုး ၅ မျိုးတို့ဖြင့် သာလွန်ခဲ့သည်၊ ယခု ဘ၀မှာလဲ ဘုရင့်သားနဲ့ အထိမ်းတော်သား လာဖြစ်ကြပြန်သည်။ ဤကား ဒါန၏ ကောင်းကွက်များဖြစ်သည်။ နောက်ဆုံးတော့ ထိုကလေး ၂ ယောက်လုံး ရဟန္တာများ ဖြစ်သွားကြသည်။
လောသကတိဿ ဒါနအမှုမပြုခဲ့ သို့သော် ရဟန်းတရားအားထုတ်ခဲ့သော်ကြောင့် ရဟန္တာဖြစ်တဲ့အချိန် ဘ၀မှာတောင် အစားအစာ ၀၀လင်လင် မစားခဲ့ရဟု ဆိုသည်။

ဒါနနှင့် သံသရာ
ဒါနက သံသရာကို ရှည်စေနိုင်ပါသလား? အချို့က ဒါနသည် သံသရာကို ရှည်ကြာစေဖို့ အားပေးသည်ဟု မှားယွင်းစွာ ယူဆသည်။ အမှန်တကယ်တော့ ဒါနပြုရာဝယ် ဦးတည်ချက် ၂ မျိုးရှိသည်၊ လူ့ဘ၀ နတ်ဘ၀ စသည့် ဘ၀သံသရာမှာ ပြည့်ပြည့်စုံစုံ နေနိုင်ဘို့အတွက် မျှော်လင့်ချက်ဖြင့် ဒါပြုခြင်း။ ဒီလို ဒါနမျိုးကို ၀ဋ္ဋနိဿိတ ဒါန (ကုသိုလ်) ဟုဆိုလိုပါသည်၊ သူ၏ အလှူဒါနသည် ၀ဋ်ဆင်းရဲကို ဦးတည်နေသည်၊ မှီနေသည်၊ ထိုဒါနမျိုးသည် သံသရာကို ရှည်စေပါသည်။
ဒုတိယ တစ်မျိုးကတော့- ဘ၀သံသရာ ၀ဋ်ဆင်းရဲမှ လွတ်မြောက်လိုသည့် (နိဗ္ဗာန်ကို ရလိုသည့်) ဦးတည်ချက်ဖြင့် ပြုသော ဒါနသည် သံသရာမှ လွတ်စေပါသည်၊ သံသရာကို တိုစေပါသည်၊ ဒီလိုဒါနမျိုးကို ၀ိဝဋ္ဋနိဿိတ ဒါန (ကုသိုလ်) ဟု ခေါ်ပါသည်။ သံသရာ လွတ်မြောက်ကြောင်း အလှူဖြစ်ပါသည်။

ဒါနသည် အလွန်အရေးပါသည့် ကောင်းမှုမျိုးဖြစ်သည်၊ စာရေးသူတို့ ဘုရား ဂေါတမသည်ပင် ဒါနနှင့်စပြီး ဒါနနဲ့ပဲ အဆုံးသက်ခဲ့သည်။ သုမေဓာ ရသေ့ဘ၀မှာ ခန္ဓာကိုယ်ကို တံတားခင်းလှူဒါန်းပြီး နောက်ဆုံး ဘုရားဖြည့်မည့် ရှေးတစ်ဘ၀၊ ဝေဿန္တရာမင်းဘ၀မှာ သားတော်သမီးတော်များဖြစ်သော ကဏှာ နှင့် ဇာလီတို့ကို ဇူးဇကာပုဏ္ဏားကြီးအားလှူဒါန်းခဲ့သလို တိုင်းပြည်က အလေးပေး အားထားရသော ဆင်ဖြူတော်ကြီးကိုလည်း တိုင်းတပါးသို့လှူဒါန်းခဲ့သည်။ သတ္တ၀ါများ ကယ်တင်ရန် ဘာကိုပဲ ပေးစွန့်ရ ပေးစွန့်ရ စွန့်လွတ်လှူဒါန်းဖို့ အသင့်ဖြစ်နေခဲ့သည်။ ဘုရားရှင်ကဲ့သို့ ဘ၀ကို ဒါနဖြင့်စ၍ ဒါနဖြင့် အဆုံးသက်နိုင်ကြပါစေသတည်းးးးး။

မှတ်မှတ်ရရ ဒါနနှင့်စပ်ဖွယ် ပို့စ်ဖြင့် ယနေ့ကုသိုလ်ရှင် (တတိယ အကြိမ်) ------
ဘုံဘေမြို့ရှိ မြန်မာမိသားစု လေယာဉ်အင်ဂျင်နီယာ ဒကာ ဦးကျော်ဆွေ+ဒကာမ ဒေါ်သန်းသန်းဌေးနှင့် သမီးဖြစ်သူ မယဉ်သူဇာကျော်တို့အား မှတ်မှတ်ရရ ဂုဏ်ပြုပါသည်။

ရွှင်လန်းချမ်းမြေ့ပါစေ
သီတဂူစတား
၁၈-၆-၂၀၁၁

Read more »

တတိယနေ့ အခမ်းအနား

တတိယနေ့ အခမ်းအနား

သီတဂူကမ္ဘာ့ဗုဒ္ဓတက္ကသိုလ်၊ မြောက်ဒဂုံ၊ ရန်ကုန်

၁၈-၆-၂၀၁၁

သီတဂူကမ္ဘာ့ဗုဒ္ဓတက္ကသိုလ် (ရန်ကုန်) ၏ ကျောင်းဆောင်သစ် ဖွင့်ပွဲကို တတိယနေ့ အဖြင် ဇွန်လ ၁၈ ရက်နေ့က ကျင်းပခဲ့ပါတယ်။

ထိုတတိယနေ့ ဖွင့်ပွဲမှာတော့ နိုင်ငံရေး, ဘာသာရေးနှင့် လူမှုရေးအသင်းဖွဲ့များက ခေါင်းဆောင်ပိုင်းတွေကို ဖိတ်မန်ထားတာဖြစ်ပါတယ်။

အဲဒီတတိယနေ့ ဖွင့်ပွဲအခမ်းအနားမှာ ဒီမိုကရက်တစ်ပါတီ မြန်မာ၊ အမျိုးသား ဒီမိုကရေစီအင်အားစု၊ ရခိုင်တိုင်းရင်းသား တိုးတက်ရေးပါတီစတဲ့ နိုင်ငံရေးပါတီ အသီးအသီးက ခေါင်းဆောင် တော်တော်များများ တက်ရောက်ခဲ့တယ်လို့ သိရပါတယ်။

ဒီအခမ်းအနားကို ကိုယ်တိုင်တက်ရောက်ခဲ့တဲ့ ဒီမိုကရက်တစ် ပါတီ မြန်မာရဲ့ အထွေထွေ အတွင်းရေးမှူး ဒေါ်သန်းသန်းနုကတော့ ဆရာတော်ရဲ့တရားနဲ့ပတ်သက်ပြီ ပြောပြရာမှာ အရေးကြီးဆုံးက သည်းခံရမှာဖြစ်ပြီး အကျိုးအားဖြင် မေတ္တာစိတ် ပွားရမှာ ဖြစ်ကြောင်းနဲ့ အဲဒီလို သည်းခံနိုင်သူသာ သန္တိ ဆိုတဲ့ ငြိမ်းချမ်းရေး လုပ်ငန်းကို လုပ်နိုင်မှာ ဖြစ်ကြောင်းတွေကို ပြောပြခဲ့ပြီး။ ဘယ်လိုရည်ရွယ်ပြီး ဟောတယ်ဆိုတာကိုလဲ သဘောပေါက်ကြောင်းတွေကို ပြောပါတယ်။

ဆရာတော်ကြီးက အာဏာရှိသူက အာဏာကို ဝေမျှလို့ အတူတူပူပေါင်း ဆောင်ရွက်တာမျိုးဟာလဲ ဒါနထဲ အကျုံးဝင်တယ်ဆိုပြီး လောကီရေးနဲ့ပါ ဆက်စပ်လို့ မိန့်ကြားသွားကြောင်းလဲ ဆိုပါတယ်။

အမျိုးသားဒီမိုကရေစီ အင်အားစုက ဦးခင်မောင်ဆွေကတော့ တရားရဲ့ အဓိပ္ပါယ်အရေ နိုင်ငံရေးဘက်ကြည့်ရင် အားလုံး ခေါင်းဆောင်ပီသစွာနဲ့ ညီညွတ်ရေးကို စုပေါင်း လုပ်ဖို့လို့ ဖွင့်ဆိုလိုရမှာ ဖြစ်ကြောင်း ပြောပါတယ်။

ဆရာတော်က ခေါင်းဆောင်အားလုံး ညီညွတ်ဖို့ ဟောပေမဲ့၊ အာဏာရ ပါတီနဲ့ အတိုက်ခံပါတီအင်အားစုတွေကို တစ်ရက်စီခွဲပြီး ဖိတ်တဲ့အပေါ်မှာတော့ ဒေါ်သန်းသန်းနုကတော့ ပိုပြီးတော့တောင် ကောင်းတယ်လို့ မြင်ကြောင်းနဲ့ အဲဒီလို သီးသန့်ဖြစ်တာကို ပိုပြီး နှစ်သက်ကြောင်း ပြောပါတယ်။ 
ဤနေရာမှ ကူးယူဖော်ပြသည်။

တတိယနေ့ အခမ်းအနား

သီတဂူကမ္ဘာ့ဗုဒ္ဓတက္ကသိုလ်၊ မြောက်ဒဂုံ၊ ရန်ကုန်

၁၈-၆-၂၀၁၁

 ရန်ကုန်မြို့မှာ ဖွင့်လှစ်တဲ့ သီတဂူ ဗုဒ္ဓသာသနာ တက္ကသိုလ် ဖွင့်ပွဲမှာ ဆရာတော်က အဲဒီလို မိန့်ကြားခဲ့တာလို့ ကိုယ်တိုင် တရားနာယူခဲ့တဲ့ ဒီမိုကရက်တစ်ပါတီ- မြန်မာ DPM ရဲ့ ခေါင်းဆောင်တဦးဖြစ်သူ ဒေါ်သန်းသန်းနုက RFA ကို ပြောပါတယ်။
“ဆရာတော်ကြီးက သူ့အနေနဲ့ တိုင်းပြည်အတွက် အလုပ်လုပ်နေတဲ့သူ ဆိုရင် တပ်မတော်ခေါင်းဆောင်တွေပဲ ဖြစ်ဖြစ်၊ နိုင်ငံရေး ခေါင်းဆောင်တွေပဲ ဖြစ်ဖြစ်၊ သက်စွန့်ကြိုးပမ်း လုပ်နေတဲ့သူ အကုန်လုံးကို လေးစားတယ်.. တဲ့။ အဲဒီလူတွေ အကုန်လုံး ပူးပေါင်းဆောင်ရွက်မှ မြန်မာနိုင်ငံက ကိုယ်သွားချင်တဲ့ ပန်းတိုင်ကို ရောက်မှာ … တဲ့။ အားလုံးလက်တွဲ ဆောင်ရွက်ဖို့ စည်းလုံးညီညွတ်ဖို့၊ ငြိမ်းချမ်းဖို့ ပြောပါတယ်။ ဒါနပါရမီ ဆိုရင် လူတွေက အလှူပေးတယ် ဆိုတာလောက်ပဲ သိကြတယ်။ အမှန်တော့ အလှူပေးတာ တခုတည်း မဟုတ်ဘူး၊ Sharing ဝေငှ တာ။ ဝေငှ တယ်ဆိုတဲ့နေရာမှာ အာဏာ ဆိုရင်လည်း Power Sharing ၊ အဲဒါမျိုးလည်း ပါတယ်ဆိုပြီး ဆရာတော်ကြီးက အရိပ်အမြွက် ပြောပါတယ်။ နိုင်ငံရေးသဘော တိတိကျကျ ကွက်ကွက်ကွင်းကွင်းတော့ မဟုတ်ပါဘူး။ ဒါပေမယ့် တက်ရောက်လာတဲ့ လူတွေကလည်း အကုန်လုံးက သဘောပေါက်ကြပါတယ်”
ဆရာတော် အရှင် ဉာဏိဿရ ရဲ့ ဒီကနေ့ မနက်ပိုင်းက တရားပွဲကို ပြီးခဲ့တဲ့ ၂ဝ၁ဝ ရွေးကောက်ပွဲမှာ ပါဝင်ခဲ့တဲ့ တိုင်းရင်းသား နိုင်ငံရေးပါတီတွေက ခေါင်းဆောင်တွေ၊ ကိုယ်စားလှယ်တွေ အပါအဝင် နိုင်ငံရေးပါတီ အသီးသီးနဲ့ နိုင်ငံရေး အကျဉ်းသားဟောင်း စုစုပေါင်း တရာကျော် တက်ရောက် တရားနာယူကြတယ်လို့ သိရပါတယ်။
တက္ကသိုလ်ဖွင့်ပွဲ စတင်တဲ့ မနေ့ကလည်း ဆရာတော် အရှင်ဉာဏိဿရ က အခမ်းအနား တက်ရောက်လာကြတဲ့ ဒုတိယ သမ္မတ ဦးတင်အောင်မြင့်ဦး အပါအဝင် အစိုးရ အဖွဲ့ဝင်တွေ၊ ကြံ့ခိုင်ရေးပါတီ ခေါင်းဆောင်တွေကို တိုင်းပြည် ငြိမ်းချမ်းရေးအတွက် အားလုံးနဲ့ ညီညွတ်ရေး တည်ဆောက်ကြဖို့ ဟောကြားခဲ့တယ်လို့ သိရပါတယ်။

ဤနေရာမှ ကူးယူဖော်ပြသည်။

 ရွှင်လန်းချမ်းမြေ့ပါစေ

သီတဂူစတား

၁၉-၆-၂၀၁၁

Read more »

ကျောင်းဆောင်သစ်ဖွင့်ပွဲအခမ်းအနား (ဒုတိယနေ့)

သီတဂူဆရာတော် ဒေါက်တာအရှင်ဉာဏိဿရ ကြီးမှုးပြီး တည်ထောင် ဆောက်တည်ခဲ့တဲ့ ရန်ကုန်တိုင်း၊ ဒဂုံမြို့သစ်မြို့နယ် (မြောက်ပိုင်း) ရှိ သီတဂူ ကမ္ဘာ့ဗုဒ္ဓသာသနာ့တက္ကသိုလ် ဖွင့်ပွဲအခမ်းအနားကို ဇွန်လ(၁၇) ရက် နံနက် (၁၀) နာရီအချိန်က ကျင်းပခဲ့ပါသည်။ အခမ်းအနားသို့ နိုင်ငံတော် ဒု - သမ္မတ သီဟသူရ ဦးတင်အောင်မြင့်ဦးနဲ့ ဇနီး၊ ပြည်ထောင်စု ရွေးကောက်ပွဲ ကော်မတီ ဥက္ကဋ္ဌ ဦးတင်အေး၊ ကြံ့ခိုင်ဖွံ့ဖြိုးရေးပါတီဥက္ကဋ္ဌ ဦးဌေးဦး၊ ရန်ကုန်တိုင်းဒေသကြီး လွှတ်တော် ကြံ့ခိုင်ဖွံ့ဖြိုးရေးပါတီ တောင်ဥက္ကလာပမြို့နယ်အမတ် ဦးအောင်သိန်းလင်း၊ ပြန်ကြားရေးဝန်ကြီးဌာန ၀န်ကြီး ဦးကျော်ဆန်း၊ သာသနာရေးဝန်ကြီးဌာန ၀န်ကြီး သူရဦးမြင့်မောင်၊ နိုင်ငံတကာသံအရာရှိများနဲ့ တာဝန်ရှိပုဂ္ဂိုလ်များ တက်ရောက်ခဲ့ပါတယ်။

အခမ်းအနားမှာ နံနက် (၁၀) အချိန်တွင် နိုင်ငံတော် ဒု - သမ္မတ သီဟသူရ ဦးတင်အောင်မြင့်ဦးက သီတဂူ ကမ္ဘာ့ဗုဒ္ဓသာသနာ့တက္ကသိုလ် ဆိုင်းဘုတ်ကို စက်ခလုတ်နှိပ် ဖွင့်လှစ်ပြီး၊ ရန်ကုန်မြို့တော်ဝန် ဦးလှမြင့်က ဖဲကြိုးဖြတ် ဖွင့်လှစ်ပေးခဲ့ကြောင်း သိရပါတယ်။ 

အဲ့ဒီနောက်မှာတော့ သီတဂူဆရာတော် ဒေါက်တာ အရှင်ဉာဏိဿရက ကြွရောက်လာကြတဲ့ ဒါယိကာ၊ ဒါယိကာမများကို ငါးပါးသီလ ချီးမြှင့်ပြီး ကမ္ဘာ့ ဗုဒ္ဓသာသနာ့တက္ကသိုလ် တည်ထောင်ရခြင်းအကြောင်း ရှင်းလင်း ပြောကြားခဲ့ပါတယ်။ သီတဂူဆရာတော်က သာသနာ့တက္ကသိုလ်တည်ထောင်ရခြင်းအကြောင်း ရှင်းလင်း ပြောကြားပြီးနောက် နိုင်ငံတော် ဒု - သမ္မတ သီဟသူရဦးတင်အောင်မြင့်ဦးက ဆရာတော်အရှင်သူမြတ်များကို လှုဖွယ်ဝတ္ထုများ ဆပ်ကပ် လှုဒါန်းပြီး အခမ်းအနားကို နေ့လည် (၁၂) နာရီအချိန်တွင် ဗုဒ္ဓသာသနံ စိရံတိဌတု (၃) ကြိမ် ရွတ်ဆိုကာ အခမ်းအနားကိုရုတ်သိမ်းခဲ့ကြောင်း သိရှိရပါတယ်။

ဤနေရာမှ ကူးယူဖော်ပြပါသည်။

ရွှင်လန်းချမ်းမြေ့ပါစေ

သီတဂူစတား

၁၈-၆-၂၀၁၁

Read more »

ဒုတိယနေ့ ဖွင့်ပွဲအခမ်းအနား

 

 

ဒု-သမ္မတ

အစိုး ​ရအဖွဲ့​ဝင်ပုဂ္ဂိုလ်​တွေကို ဗုဒ္ဓရဲ့​တရား​တော်​တွေအတိုင်း​ ကျင့်​ကြံအား​ထုတ်ပြုမူ၊​ ​နေထိုင် ​ဆောင်ရွက်ကြဖို့​ သီတဂူဆရာ​တော် ​ဒေါက်တာအရှင် ဉာဏိဿရက မိန့်​ကြား​လိုက်ပါတယ်။

ဒုတိယအ​ နေအဖြစ် ဒီက​နေ့​ကျင်း​ပတဲ့​ အပြည်ပြည်ဆိုင်ရာ ကမ္ဘာ့ဗုဒ္ဓတက္ကသိုလ် (ရန်ကုန်) ဖွင့်​ပွဲ အခမ်း​အနား​ကိုတက်​ရောက်လာတဲ့​ ဒုတိယသမ္မတ သီဟသူရ ဦး​တင်​အောင်မြင့်​ဦး​ အပါအဝင် အစိုး​ရအဖွဲ့​ဝင် ဝန်ကြီး​တွေ၊​ နိုင်ငံတကာသံရုံး​တွေက တာဝန်ရှိသူ​တွေ၊​ ကုလသမဂ္ဂ အဖွဲ့​အစည်း​တွေက ဧည့်​ပရိသတ်​တွေကို မိန့်​ကြား​လိုက်တာ ဖြစ်ပါတယ်။

ဒီလို မိန့်​ကြား​ခဲ့​တာနဲ့​ပတ်သက်ပြီး​ ဆရာ​တော်ရဲ့​ အတွင်း​ရေး​မှူး​ဖြစ်သူ ဦး​ဟန်က အခုလို ပြန်​ပြောပြပါတယ်။

“ဗုဒ္ဓရဲ့​ ​ဟောကြား​ချက်​တွေကို အား​လုံး​ ညီညီညွတ်ညွတ်နဲ့​ လိုက်နာကြဖို့​ပေါ့​။ ကျင့်​ကြံကြဖို့​ အား​ထုတ်ကြဖို့​ ဘာသာ​ရေး​ သာသနာ​ရေး​ဆိုင်ရာ ဆုံး​မဩဝါဒ​တွေ အဲဒီမှာလည်း​ လူတိုင်း​လူတိုင်း​ အား​လုံး​ ကိုယ့်​နေ့​စဉ် လုပ်ငန်း​မှာ ဗုဒ္ဓရဲ့​ တရား​ကို ကျင့်​ကြံအား​ထုတ်မယ် ဆိုလို့​ရှိရင် အား​လုံး​ ​အေး​အေး​ချမ်း​ချမ်း​နဲ့​ ကိုယ့်​ဘဝ​အေး​ချမ်း​မှု​ရော အား​လုံး​ ဖြစ်မယ်။ ကိုယ့်​ဘဝ ​ရှေဘဝ၊​ ဒီဘဝ အား​လုံး​ ပြည့်​စုံမယ်ဆိုတာ​တွေ တကယ့်​ တရား​သက်သက်​တွေ။”

ပြည်​ထောင်စု သာသနာ​ရေး​ဝန်ကြီး​ဌာန ဝန်ကြီး​ သူရဦး​မြင့်​မောင်က​တော့​ ဆရာ​တော်ကြီး​အ​နေနဲ့​ အခုလို အပြည်အပြည်ဆိုင်ရာ ဗုဒ္ဓတက္ကသိုလ်​တွေ တည်​ထောင်ဖွင့်​လှစ်​ပေး​တဲ့​အ​ပေါ် ​ကျေး​ဇူး​တင် ဂုဏ်ယူဝမ်း​မြောက်​ကြောင်း​ ပြန်လည် ​ပြောကြား​ခဲ့​ပါတယ်။

ဒီက​နေ့​ ဖွင့်​ပွဲအခမ်း​အနား​အစီအစဉ်​တွေကိုလည်း​ ဦး​ဟန်က အခုလို ​ပြောပြပါတယ်။

“​ရှေ့​မှာက ​နေပြည်​တော်က​နေပြီး​တော့​ ပြည်​ထောင်စုသမ္မတ မြန်မာနိုင်ငံ​တော်ရဲ့​ ပြည်​ထောင်စု ဝန်ကြီး​ခေါ်တာ​ပေါ့​နော် သာသနာ​ရေး​ဝန်ကြီး​ ဦး​မြင့်​မောင်က​နေပြီး​ ဆိ်ုင်း​ဘုတ်ကို စက်ခလုပ်နှိပ်ဖွင့်​တယ်။ ​နောက် ကျ​နော်တို့​ တိုင်း​ဒေသကြီး​က ဝန်ကြီး​ချုပ် ဦး​မြင့်​ဆွေက​နေပြီး​ လိုက်ကာ​ ဖွင့်​ပေး​တယ်။ ​နောက် ​ရောင်စုံ ၆ ​ရောင်ခြယ် ဘူ​ဘောင်း​တွေနဲ့​ ကျ​နော်နဲ့​ မြို့​တော်ဝန်ကြီး​ ဦးလှမြင့်နဲ့​က နှစ်​ယောက်တွဲပြီး​တော့​ ကျ​နော်တို့​ ဖွင့်​ပေး​တယ်။ အဲဒီက​နေ ဆရာ​တော်ကြီး​က လိုက် ရှင်း​လင်း​ပြပြီး​တော့​ ကျ​နော်တို့အ​ပေါ်ထပ်က​ ဘုရား​ဆောင်ကြီး​တွေဆီကို အား​လုံး​တက်ကြတာ​ပေါ့။ အဲဒီကျ​တော့​ ဗုဒ္ဓရုပ်ပွား​တော်​တွေကို ဒုတိယ သမ္မတကြီး​က ဖွင့်​တယ် အဲဒါပါပဲ။”

သဲကုန်း​ သပိတ်အိုင်​တောရ သီတဂူဆရာ​တော် ​ဒေါက်တာအရှင်ဉာဏိဿရ တည်​ထောင်ဖွင့်​လှစ်​နေတဲ့​ သီတဂူ အပြည်ပြည်ဆိုင်ရာ ကမ္ဘာ့​ဗုဒ္ဓတက္ကသိုလ် (ရန်ကုန်) ဖွင့်​ပွဲ အခမ်း​အနား​တွေကို ​နောက် သုံး​ရက်ထက်မံကျင်း​ပပြုလုပ်ဦး​မှာဖြစ်ပြီး​ နိုင်ငံ​ရေး​ပါတီ​ခေါင်း​ ​ဆောင်​တွေ၊​ လူမှု​ရေး​အသင်း​အဖွဲ့​ခေါင်း​ဆောင်​တွေလည်း​ တက်​ရောက်ကြဖို့​ရှိ​နေပါ​သေး​တယ်။

သဲကုန်း​ သပိတ်အိုင်​တောရ သီတဂူဆရာ​တော် ​ဒေါက်တာအရှင်ဉာဏိဿရ သီတဂူအပြည်အပြည်ဆိုင်ရာ ကမ္ဘာ့​ဗုဒ္ဓတက္ကသိုလ် (စစ်ကိုင်း​) ကို ၁၉၉၁ က စတင်တည်​ထောင်ဖွင့်​လှစ်ခဲ့​ပါတယ်။

သာသနာပြုလုပ်ငန်း ​ ​တွေအပြင် ပညာ​ရေး​၊​ လူမှု​ရေး​လုပ်ငန်း​တွေကို ​ဆောင်ရွက်​ပေး​နေတဲ့​ သက်​တော် ၇၅ နှစ် ရှိပြီဖြစ်တဲ့​ ဆရာ​တော်ကြီး​ဟာ ၁၉၈၈ ခုနှစ် ၈ ​လေး​လုံး​ ဒီမိုက​ရေစီအ​ရေး​အခင်း​ ကာလတုန်း​က “ရာ​ဇောဝါဒသုတ္တန်” ကို ​ဟောကြား​ခဲ့​ပြီး​ အစိုး​ရအပါအဝင် တိုင်း​ပြည်အုပ်ချုပ်သူ​တွေအ​နေနဲ့​ ဗုဒ္ဓဘုရား​ရှင်ရဲ့​ အဆုံး​အမ တရား​တော်အတိုင်း​ လိုက်နာကျင့်​ကြံကြဖို့​ လိုအပ်ပုံကို ​ဟော​ပြောဆုံး​မခဲ့​ဖူး​ပါတယ်။ 

သတင်းစာသားကို ဤနေရာမှ ကူးယူဖော်ပြပါသည်။

ဓာတ်ပုံများကိုတော့ ဇင်ယော်မောင်မောင် ဖေ့စ်ဘုတ်မှ ကူးယူဖော်ပြသည်။

ရွှင်လန်းချမ်းမြေ့ပါစေ။

သီတဂူစတား

၁၈-၆-၂၀၁၁

Read more »

ပထမနေ့ အခမ်းအနား

၁၃၇၃-ခုနှစ် နယုန်လပြည့်နေ့မှ လပြည့်ကျော် (၄) ရက်နေ့အထိ ကျင်းပသော

ရန်ကုန်တိုင်းဒေသကြီး၊ ဒဂုံမြို့သစ် (မြောက်ပိုင်း) မြို့နယ်

သီတဂူကမ္ဘာ့ဗုဒ္ဓတက္ကသိုလ် (ရန်ကုန်)

ကျောင်းဆောင်သစ်ဖွင့်ပွဲအခမ်းအနား၏ ပထမနေ့ အစီအစဉ်
  (၁၆-၆-၂၀၁၁)

     

ရှေးဦးစွာ ပင့်လျှောက်ထားသော ဆရာတော်ကြီးများကို ကြိဆိုရေး အဖွဲ့က ကျောင်းဆောင်ရှေ့မှ ကျောင်းပေါ်သို့ ရောက်အောင် ပင့်ဆောင် ကြိုဆိုလာကြပါသည်။

ကြွရောက်လာသော ဆရာတော်ကြီးများနှင့် ပင့်သံဃာများ ကို သီတဂူ ဦးသန်းလွင်+ဒေါ်ခင်ခင်သိန်း မိသားစု တို့ကအာရုံ မုန့်ဟင်းခါး၊ ကော်ဖီနှင့် အချိုပွဲ မုန့်များနှင့် ပြည့်စုံအောင် လှူဒါန်းဆက်ကပ်ပါသည်။ ဆွမ်းဘုန်းပေးပြီးသော အခါ ကြွရောက်လာသော သံဃာတော်များက ဘုရားနေကဇာတင်ပူဇော်ကြပါသည်။                          

        ထို့နောက် သိမ်သမုတ်ရာနေရာ နိမိတ်ကြားရန်အတွက် သီတဂူကမ္ဘာ့ဗုဒ္ဓတက္ကသိုလ်မှ ဒေါက်တာ ဘွဲ့ရ သံဃာတော်များ နေရာယူကြပြီး ဆရာတော်ကြီးများနှင့် သီတဂူ ဆရာတော်တို့မှ သိမ်သမုတ်ကြပါသည်။

 ထို့နောက်         သီတဂူ အရှင်ဒေ၀ိန္ဒာလင်္ကာရာဘိဝံသ က သိမ်သြဘာစာတမ်းကို ဖတ်ကြားလျှောက်ထား ပါသည်။

ကြွရောက်လာသော ဆရာတော်သံဃာတော်များအား  ဒေါ်ရွှေဥ (ရာစုသစ်ရွှေဥ ရွှေဆိုင်) မိသားစုမှ သင်္ကန်းတစ်စုံစီနှင့် န၀ကမ္မ ၀ထ္ထုငွေ ကျပ်တစ်သိန်းစီနှင့် လှူရန်များကို ကပ်လှူလှူဒါန်းပြီးနောက်

 ပထမနေ့ အခမ်းအနားကြီးကို အောင်မြင်စွာ ရုပ်သိမ်းခဲ့ကြပါသည်။ 

မပန်းစပယ် ပေးပို့သည်၊ အထူးကျေးဇူးတင်ပါသည်။

ရွှင်လန်းချမ်းမြေ့ပါစေ

သီတဂူစတား

၁၆-၆-၂၀၁၁

Read more »

ကျောင်းဆောင်သစ်ဖွင့်ပွဲအခမ်းအနား

၁၃၇၃-ခုနှစ် နယုန်လပြည့်နေ့မှ လပြည့်ကျော် (၄) ရက်နေ့အထိ ကျင်းပသော

ရန်ကုန်တိုင်းဒေသကြီး၊ ဒဂုံမြို့သစ် (မြောက်ပိုင်း) မြို့နယ်

သီတဂူကမ္ဘာ့ဗုဒ္ဓတက္ကသိုလ် (ရန်ကုန်)

ကျောင်းဆောင်သစ်ဖွင့်ပွဲအခမ်းအနား၏ ပထမနေ့ အစီအစဉ်

        (၁၆-၆-၂၀၁၁)

     ၁။     ကြွရောက်လာသော ဆရာတော်ကြီးများကို ကြိုဆိုရေးအဖွဲ့က ကျောင်းဆောင်ရှေ့မှ ကျောင်းပေါ်သို့ ရောက်အောင် ပင့်ဆောင်ကြိုဆိုပေးရန်။

             (ဦးဆောင်ကြိုဆိုရေးအဖွဲ့။ ၁၊ ဦးကုမာရ၊  ၂-ဦးသုစိတ္တ၊ ၃-ဦးခေမာစာရ၊ ၄-ဦးကဉ္စန၊ ၅-ဦးဥက္ကံသ)

     ၂။     ကျောင်းပေါ်သို့ ရောက်ရှိလာသော သံဃာတော်များကို အာရုံဆွမ်း ဆက်ကပ်ရန်။

             (ဦးဝေဠုရိယ၊ ဦးသဇ္ဇန တို့မှ နေရာထိုင်ခင်း စီစဉ်ပေးရန် နှင့် ဦးသာသန၊ ဦးသုန္ဒရ၊ ဦးခေမာစာရ၊ ဦးနန္ဒာစာရတို့က ဆွမ်းပြင်ရာ၌ ကူညီရန်။)

     ၃။     အာရုံဆွမ်းဘုဉ်းပေးပြီးသောအခါ ကြွရောက်လာသောသံဃာတော်များက ဘုရားအနေကဇာတင်ရန်။

     ၄။     သိမ်သမုတ်ရန်။

             နိမိတ်ကြားရန်အတွက် (၈) ပါးတာဝန်ယူရန်။ ၁-ဦးဝေဠုရိယ၊ ၂- ဦးသာသန၊ ၃- ဦးသဇ္ဇန၊ ၄။ ဦးကုမာရ၊ ၅-ဦးအဂ္ဂဓမ္မ၊ ၆- ဦးပညာသီဟ၊ ၇-ဦးဥက္ကံသ၊ ၈-ဦးနန္ဒာစာရ

     ၅။     သိမ် သြဘာစာကို အရှင်ဒေ၀ိန္ဒာလင်္ကာရာဘိဝံသက ဖတ်ကြားလျှောက်ထားရန်။

     ၆။     လှူဒါန်းဖွယ်တို့ကို ဆက်ကပ်လှူဒါန်းရန်။

             လှူဖွယ်ဝတ္ထုများ နေရာချထားရေးနှင့် အစီစဉ်တကျလှူဒါန်းနိုင်ရေးအတွက် ဦးကိတ္တိနှင့် ဦးသာသန တို့က တာဝန်ယူ ဆောင်ရွက်ပေးရန်။

             မဟနဥက္ကဋ္ဌဆရာတော်ကြီး တစ်ပါးတည်းကိုသာ ဆက်ကပ်၍ ကျန်သည့် ၄၆ ပါး အတွက် လှူဖွယ်များကို တပေါင်းတည်းပြု၍ လှူဒါန်းရန်။ သီတဂူကမ္ဘာ့ဗုဒ္ဓတက္ကသိုလ် (စစ်ကိုင်း၊ ရန်ကုန်၊ မန္တလေး) ပင်သံဃာ ၂၈-ပါးအတွက် သီးသန့်သိမ်းဆည်းထားရန်။

     ၇။     သံဃာတော်များကို နေ့ဆွမ်းကပ်ရန်။

             သာသနာပိုင်ဆရာတော်ကြီးများနှင့် တိုင်းဥက္ကဋ္ဌဆရာတော်များကို သီတဂူဗိမာန် ပထမထပ်တွင် ဆွမ်းကပ်ရန်။ ဆရာတော်ကြီးများကို လေဆိပ်ပို့ရန် Land Cruiser and Land Rover ကို ဆရာတော်က သုံးခွင့်ပြုထားသည်။ ဒရိုင်ဘာ - သီတဂူ ဦးရွှေနီ နှင့် သီတဂူ ဦးငြိမ်း။     

             ဆရာတော်ကြီးများ လေဆိပ်ပို့သည့်အခါ သီတဂူဦးဇင်းများက လိုက်လံကူညီရန်။

၁၃၇၃-ခုနှစ် နယုန်လပြည့်နေ့မှ လပြည့်ကျော် (၄) ရက်နေ့အထိ ကျင်းပသော

ရန်ကုန်တိုင်းဒေသကြီး၊ ဒဂုံမြို့သစ် (မြောက်ပိုင်း) မြို့နယ် သီတဂူကမ္ဘာ့ဗုဒ္ဓတက္ကသိုလ် (ရန်ကုန်)

ကျောင်းဆောင်သစ်ဖွင့်ပွဲအခမ်းအနား၏ ဒုတိယနေ့ အစီအစဉ်

(၁၇-၆-၂၀၁၁)

     ၁။     သီတဂူကမ္ဘာ့ဗုဒ္ဓတက္ကသိုလ် ကျောင်းဆောင်၏ မုခ်ဦးမီးရောင်စုံဆိုင်းဘုတ်ကို သာသနာရေးဝန်ကြီးဌာန၊ ပြည်ထောင်စုဝန်ကြီး သူရဦးမြင့်မောင်က စက်ခလုပ်နှိပ်၍ ဖွင့်လှစ်ပေးရန်။

     ၂။     သီတဂူကမ္ဘာ့ဗုဒ္ဓတက္ကသိုလ်ဆိုင်းဘုတ်တွင် ချိတ်ဆွဲထားသော စိန်ကန့်လန့်ကာကို ရန်ကုန် တိုင်းဒေသကြီး ၀န်ကြီးချုပ် ဦးမြင့်ဆွေ နှင့် ရန်ကုန်မြို့တော်ဝန် ဦးလှမြင့်တို့က ဖဲကြိုးဖြတ်၍ ရောင်ခြောက်သွယ် လေပူဖောင်းများကို လွှင့်တင်ပေးရန်။

     ၃။     လေပူဖောင်းများလွင့်တက်သွားသည့်နှင့်တပြိုင်နက် သီတဂူဂီတဉ္ဇလီအဖွဲ့က မန္တလေးမြို့ မဟာဝိသုဒ္ဓါရုံ တိုက်သစ်၊ မင်္ဂလဗိမာန်ဆရာတော် ရေးသားပူဇော်အပ်သော မင်္ဂလာ (၈၀) ပေါ် တေးထပ်ကို သီကျူးပူဇော်ပေးရန်။

     ၄။     နိုင်ငံတော်သမ္မတကြီးနှင့် ၀န်ကြီးများ၊ အဖွဲ့ဝင်များက ကျောင်းဆောင်ကြီး၏ ဒုတိယထပ် ဘွဲ့နှင်းသဘင် ခန်းမဆောင်တွင် တက်ရောက် နေရာယူပေးကြရန်။

     ၅။     ဘွဲ့နှင်းသဘင် ခန်းမဆောင်အတွင်းရှိ မြတ်စွာဘုရားကျောင်းတော်၏ ရွှေကန့်လန့်ကာကို နိုင်ငံတော် ဒုတိယသမ္မတ သီဟသူရ ဦးတင်အောင်မြင့်ဦးက စက်ခလုတ်နှိပ်၍ ဖွင့်လှစ်ပေးပါရန်။

     ၆။     သီတဂူကမ္ဘာ့ဗုဒ္ဓတက္ကသိုလ် ပါမောက္ခများ၊ ကထိကများ စသည့် သံဃာတော်များက ဇယော ဟိ ဗုဒ္ဓဿ အစချီသည့် ဇယမင်္ဂလာဆုတောင်းဂါထာများကို ရွတ်ဆိုပူဇော်ရန်။

     ၇။     နိုင်ငံတော်သမ္မတကြီးနှင့် ကြွရောက်လာသော ဧည့်ပရိသတ်အားလုံးတို့က ရတနာသုံးပါးအား သြကာသ ကန်တော့ချိုးဖြင့် ကန်တော့၍ ငါးပါးသီလ ခံယူဆောက်တည်ရန်။

     ၈။     နိုင်ငံတော်သမ္မတကြီးနှင့် ၀န်ကြီးများက လှူဖွယ်ဝတ္ထုတို့ကို ဆက်ကပ်လှူဒါန်းရန်။

     ၉။     သီတဂူကမ္ဘာ့ဗုဒ္ဓတက္ကသိုလ် အဓိပတိဆရာတော်က သီတဂူသန္ဒေသကထာ အနုမောဒနာ စကား မိန့်ကြားရန်။

   ၁၀။     နိုင်ငံတော်သမ္မတကြီး၏ ကိုယ်စား သာသနာရေးဝန်ကြီးဌာန၊ ပြည်ထောင်စုဝန်ကြီး သူရဦးမြင့်မောင်က ၀မ်းမြောက်ကြောင်းစကား လျှောက်ထားရန်။

   ၁၁။     မြန်မာရှေးဟောင်းအနုပညာရှင် တမ္ဗ၀တီ ဦးဝင်းမောင်က ဘွဲ့နှင်းသဘင် ခန်းမဆောင်အတွင်းရှိ ပန်းချီ၊ ပန်းပု အနုပညာများအကြောင်းကို ရှင်းလင်းတင်ပြ လျှောက်ထားရန်။      

   ၁၂။     မန္တလေးမြို့ မဟာဝိသုဒ္ဓါရုံတိုက်သစ်၊ မင်္ဂလဗိမာန်ဆရာတော် ရေးသားပူဇော်အပ်သော ထုတိမင်္ဂလာ ဂါထာများကို အရှင်ပညာနန္ဒ (သီတဂူကြယ်တပွင့်) က ရွတ်ဖတ်ပူဇော်ရန်။

   ၁၃။     သီတဂူကမ္ဘာ့ဗုဒ္ဓတက္ကသိုလ် အဓိပတိဆရာတော်က ရေစက်ချအနုမောဒနာချီမြှင့်၍ အမျှအတမ်း ပေးဝေရန်။

   ၁၄။     သီတဂူကမ္ဘာ့ဗုဒ္ဓတက္ကသိုလ် အဓိပတိဆရာတော်က လက်ဆောင်ပစ္စည်းများ ပေးရန်။

   ၁၅။     အခမ်းအနား ပြီးဆုံးပြီဖြစ်ပါ၍ ကြွရောက်လာသော ဧည့်ပရိသတ်အားလုံးတို့ နေ့လည်စာ သုံး ဆောင်ရန် နှင့် ဒေါ်ရီရီသန့် အမှူးပြုသော သီတဂူဂီတဉ္ဇလီအဖွဲ့က ဓမ္မဂီတဖြင့် ဧည့်ခံဖျော်ဖြေရန်။

၁၃၇၃-ခုနှစ် နယုန်လပြည့်နေ့မှ လပြည့်ကျော် (၄) ရက်နေ့အထိ ကျင်းပသော

ရန်ကုန်တိုင်းဒေသကြီး၊ ဒဂုံမြို့သစ် (မြောက်ပိုင်း) မြို့နယ်

သီတဂူကမ္ဘာ့ဗုဒ္ဓတက္ကသိုလ် (ရန်ကုန်)

ကျောင်းဆောင်သစ်ဖွင့်ပွဲအခမ်းအနား၏ တတိယနေ့ အစီအစဉ်

(၁၈-၆-၂၀၁၁)

     ၁။     သီတဂူကမ္ဘာ့ဗုဒ္ဓတက္ကသိုလ်၏ ဘွဲ့နှင်သဘင်ခန်းမဆောင်ထဲသို့ ကြွရောက်လာကြသော အသင်းအဖွဲ့ ဆိုင်ရာ ဧည့်ပရိသတ်တို့ကို သီတဂူကမ္ဘာ့ဗုဒ္ဓတက္ကသိုလ် အဓိပတိဆရာတော်က တွေ့ဆုံနှုတ်ဆက်ပြီး လက်ဆောင် ပစ္စည်းများ ပေးရန်။

     ၂။     စုံညီကြသောအခါ ဧည့်ပရိသတ်အပေါင်းတို့က  သြကာသကန်တော့ချိုးဖြင့် ကန်တော့၍ ငါးပါးသီလ ခံယူဆောက်တည်ကြရန်။

     ၃။     သီတဂူကမ္ဘာ့ဗုဒ္ဓတက္ကသိုလ် အဓိပတိဆရာတော်က သီတဂူသန္ဒေသကထာ အနုမောဒနာ စကား မိန့်ကြားရန်။

     ၄။     အဖွဲ့အစည်းအားလုံးတို့၏ ကိုယ်စား စာရေးဆရာကြီး မင်းယုဝေက ၀မ်းမြောက်ကျေးဇူးတင်စကား ပြောကြားရန်။

     ၅။     သီတဂူအဓိဋ္ဌာန်ဖြင့် အခန်းအနားကို ရုပ်သိမ်းရန်။

     ၆။     အခမ်းအနား ပြီးဆုံးပြီ ဖြစ်ပါ၍ ကြွရောက်လာသော ဧည့်ပရိသတ်အားလုံးတို့ နေ့လည်စာ သုံး ဆောင်ရန်။

     ၇။     နေ့လည်စာသုံးဆောင်ပြီးပါက အသင်းအဖွဲ့များမှ အလှူရှင်များက ပြန်လည်နေရာယူပြီး သီတဂူ ကမ္ဘာ့ဗုဒ္ဓတက္ကသိုလ် အဓိပတိဆရာတော်က ဂုဏ်ပြုလွှာ ပေးအပ်ရန်။

၁၃၇၃-ခုနှစ် နယုန်လပြည့်နေ့မှ လပြည့်ကျော် (၄) ရက်နေ့အထိ ကျင်းပသော

ရန်ကုန်တိုင်းဒေသကြီး၊ ဒဂုံမြို့သစ် (မြောက်ပိုင်း) မြို့နယ်

သီတဂူကမ္ဘာ့ဗုဒ္ဓတက္ကသိုလ် (ရန်ကုန်)

ကျောင်းဆောင်သစ်ဖွင့်ပွဲအခမ်းအနား၏ စတုတ္ထနေ့ အစီအစဉ်

(၁၉-၆-၂၀၁၁)

     ၁။     သီတဂူကမ္ဘာ့ဗုဒ္ဓတက္ကသိုလ် (ရန်ကုန်) ကျောင်းအလှူရှင်များအားလုံးကို နံနက် (၉) နာရီမှ (၁၁) နာရီ အထိ ဧည့်ခံကျွေးမွေးရန်။

     ၂။     နံနက် (၁၁) နာရီမှ (၁၂) နာရီအတွင်း ကျောင်းအလှူရှင်များအားလုံး မော်ကွန်းလွှာ လက်ခံယူမည့် အစီအစဉ်အတိုင်း ဘွဲ့နှင်းသဘင်ခန်းမဆောင်အတွင်း၌ နေရာယူပေးကြပါရန်။

     ၃။     မော်ကွန်းလွှာ ပေးအပ်ပွဲ အခန်းအနားကို နမော တဿ သုံးကြိမ်ရွတ်ဆို၍ ဖွင့်လှစ်ရန်။

     ၄။     သီတဂူကမ္ဘာ့ဗုဒ္ဓတက္ကသိုလ် အဓိပတိဆရာတော်က သီတဂူသန္ဒေသကထာ အနုမောဒနာ စကား မိန့်ကြား၍ ရေစက်ချ အမျှဝေရန်။

     ၅။     သီတဂူဂီတဉ္ဇလီအဖွဲ့က ဓမ္မပူဇာဖြင့် ဆက်လက် ဧည့်ခံဖျော်ဖြေရန်။

မှတ်ချက်=      သီတဂူအပြည်ပြည်ဆိုင်ရာ သာသနာပြုဗိမာန် ကျောင်းဆောင်အလှူရှင်များက လက်ယာ ဘက်ခြမ်းတွင် လည်းကောင်း၊ သီတဂူကမ္ဘာ့ဗုဒ္ဓ တက္ကသိုလ်သုံးထပ်ကျောင်းဆောင် အလှူရှင်များ က လက်ဝဲဘက်ခြမ်းတွင်လည်းကောင်း အသီးသီး နေရာယူပေးရန်ဖြစ်ပါသည်။

----------------------

၁၃၇၃-ခုနှစ် နယုန်လပြည့်နေ့မှ လပြည့်ကျော် (၄) ရက်နေ့အထိ ကျင်းပသော

ရန်ကုန်တိုင်းဒေသကြီး၊ ဒဂုံမြို့သစ် (မြောက်ပိုင်း) မြို့နယ်

သီတဂူကမ္ဘာ့ဗုဒ္ဓတက္ကသိုလ် (ရန်ကုန်)

၂၀၁၁-၂၀၁၂ ပညာသင်နှစ်၊ ကျောင်းဖွင့်ပွဲ၊ ဒီပလိုမာအောင်လက်မှတ်ပေးအပ်ပွဲနှင့်

ကျောင်းသားသစ်များအား လက်ခံကြိုဆိုပွဲ

ကျောင်းဆောင်သစ်ဖွင့်ပွဲအခမ်းအနား၏ ပဉ္စမနေ့ အစီအစဉ်

(၂၀-၆-၂၀၁၁)

၁။       နမော တဿ မဟာပဏာမ သုံးကြိမ်ရွတ်ဆို ဘုရားကန်တော့၍ အခမ်းအနားကို ဖွင့်လှစ်ရန်။

၂။       သီတဂူကမ္ဘာ့ဗုဒ္ဓတက္ကသိုလ် (ရန်ကုန်)၊ ပညာရေးတာဝန်ခံမှ (၂၀၁၁-၂၀၁၂) ပညာသင်နှစ်တွင် ကျောင်းဝင်ခွင့်ရသော ကျောင်းသားများစာရင်းချုပ်ကို ရှင်းလင်း လျောက်ထားရန်၊

၃။       သီတဂူကမ္ဘာ့ဗုဒ္ဓတက္ကသိုလ်၊ ပါမောက္ခချုပ်ဆရာတော်မှ ကျောင်းသားသစ်များအား ကြိုဆို နှုတ်ခွန်းဆက် စကား မြွတ်ကြားရန်။

၎။       သီတဂူကမ္ဘာ့ဗုဒ္ဓတက္ကသိုလ်၊ ပါမောက္ခချုပ်ဆရာတော်မှ (၂၀၁၀-၂၀၁၁) ပညာသင်နှစ်တွင်  Diploma in Buddha-Dhamma-တန်း အောင်မြင်ကြသော ကျောင်းသား ကျောင်းသူ များအား ဒီပလိုမာ အောင်လက်မှတ်များ ချီးမြင့်ရန်။

၅။       သီတဂူကမ္ဘာ့ဗုဒ္ဓတက္ကသိုလ်၊ မော်ကွန်းထိန်းဆရာတော်က (၂၀၁၁-၂၀၁၂) ပညာသင် နှစ်တွင် တက်ရောက် ပညာသင်ယူကြမည့် ကျောင်းသားများအား ကျောင်းသားကဒ်များ ပေးအပ်ရန်။

၆။       ရန်ကုန်တိုင်းဒေသကြီး ရွှေကျင်/သုဓမ္မာ သံဃနာယကဆရာတော်ဘုရားကြီးများထံမှ သြ၀ါဒကထာ နာကြားရန်။

၇။       သီတဂူကမ္ဘာ့ဗုဒ္ဓတက္ကသိုလ်၊ မော်ကွန်းထိန်းဆရာတော်ထံမှ သြ၀ါဒကထာ နာကြားရန်။

၈။       သာသနာတော်ထွန်းကားပြန့်ပွါးရေးဦးစီးဌာန၊ ညွှန်ကြားရေးမှူးချုပ် ဦးခိုင်အောင်မှ သာသနာရေး ဆိုင်ရာ ၀မ်းမြောက်ကြောင်းစကား လျှောက်ထားရန်

၉။       ဆရာတော်ကြီးများအား လှူဘွယ်ဝတ္ထုများ ဆက်ကပ်လှူဒါန်းရန်။

၁၀။     ဒီပလိုမာတန်းတွင် သုံးနှစ်ဆက်တိုက်ပထမဆုရရှိခဲ့သော အရှင်ဇောတိပါလာလင်္ကာရအား ရွှေတံဆိပ်ဆုကို သီတဂူဆရာတော်ဘုရားမှ ချီးမြှင့်တော်မူရန်။

၁၁။     သီတဂူကမ္ဘာ့ဗုဒ္ဓတက္ကသိုလ်အဓိပတိ သီတဂူဆရာတော်ဘုရားကြီးထံမှ နိဂုံးချုပ် သြ၀ါဒကထာ နာယူရန်။

၁၂။     သီတဂူအဓိဋ္ဌာန်ဖြင့် အခမ်းအနားကို အောင်မြင်စွာရုပ်သိမ်းရန်

မှတ်ချက်။     ။ စာသင်သားသံဃာတော်များအား လှူဖွယ်ဝတ္ထုများဆက်ကပ်လှူဒါန်းရန်။

သတင်းများ ပို့ပေးသော သီတဂူကမ္ဘာ့ဗုဒ္ဓတက္ကသိုလ်မှ ဒေါက်တာ ကုမာရ အား အထူးကျေးဇူးတင်ပါသည်။

ရွှင်လန်းချမ်းမြေ့ပါစေ

သီတဂူစတား

16-6-2011

Read more »