ထူးချွန်သူတို့၏ကျင့်စဉ်

အမျိုးသမီးစွမ်းဆောင်ရှင်(အပိုင်း-၄)
ခုဇ္ဇုတ္တရာ

ထူးချွန်သူတို့၏ကျင့်စဉ်
အလုပ်မလုပ်တဲ့ လူတွေကိုပြောတာ။ အဲဒါကြောင့်
(၁) အလုပ်လုပ်ရင် ကြာကြာလုပ်။
(၂) မရပ်မနားလုပ်
ဘုရားအလောင်းခြောက်နှစ် ဒုက္ကရစရိယကျင့်တာ အနားယူ အပန်းဖြေတာ တစ်ခါမှမရှိဘူး၊ Vacation တွေ၊ ဘာတွေ Holiday တွေမရှိဘူး။ ဘုရားလေးဆယ့်ငါးနှစ်ပတ်လုံး ဟုတ်လား၊ အသက်ရှည် မရပ်မနားဟော တဲ့တရားပွဲတွေမှာလည်း လေးဆယ့်ငါးနှစ် ဘုရား သက်တော်ရှည်တယ်၊ မဟုတ်လား၊ ဝါတော် ဘုရားဖြစ်ပြီး လေးဆယ့်ငါးဝါ အနားယူ အပန်းဖြေ ပြီးတော့ ငပလီသွားတာ၊ ဘာညာမရှိပါဘူး၊ ဟုတ်လား။
မှန်ပါ့ဘုရား။
အေး အဲဒါကြောင့် ပရိသတ်ကြီး မရပ်မနားလုပ်နိုင်မှ တော်ရုံကျတယ်၊ အနားယူ အပန်းဖြေပြီးလုပ်နေလို့ကတော့ မဖြစ်ဘူး။ နောက်နံပါတ် (၃)က အလုပ်လုပ်စရာက ဘာလဲဆိုတော့ ''နိရာဝသေသဘာဝနာ'' နိရာဝသေသဆိုတဲ့အဓိပ္ပါယ်က ကောင်းတာမှန်သမျှ အကုန်လုပ်၊ ဘာပါဘဲ။
ကောင်းတာမှန်သမျှ အကုန်လုပ်ပါဘုရား။

ဥပမာ ယောဂီတရားအားထုတ်တယ်၊ တရားအားထုတ်တယ်ဆိုတဲ့ ဝိပဿနာတရားဟာ အလုပ်တကာအလုပ်ထဲ အကောင်းဆုံးအလုပ်ပဲ၊ တချို့ယောဂီက တို့တရားအားထုတ်နေတာကွ၊ ဘုရားမီးမထွန်းနိုင်ဘူး၊ ရေ မကပ်နိုင်ဘူး၊ မအားဘူးတဲ့၊ ဘုရားမီးထွန်း ရေကပ်ပစ်ထားတာနော်၊ အဲဒီလိုမဟုတ်ဘူး၊ ကောင်းတာမှန်သမျှ အကုန်လုပ်ရမယ်၊ တံမြက်လှည်း၊ သောက် ရေကပ်၊ သုံးရေခပ်၊ အိမ်သာရေဆေး၊ ဘုရားဆီမီးထွန်း၊ ဘုရားရှိခိုး၊ မေတ္တာပို့၊ ပရိတ်ရွတ် ဘာမှမကျန်နဲ့၊ အဲဒီလိုကောင်းတာတွေစုံတော့ ဟို အဓိက ကောင်းမှုဟာ အခြံအရံတွေရလို့ သူကတက်သွားတာ၊ တစ်ခုတည်းစွပ်လုပ်လို့ တက်တာမဟုတ်ဘူးနော်။

အဲဒါကြောင့် နံပါတ်(၃)က ကောင်းမှုဆိုရင် အကြွင်းမရှိအကုန် လုပ်တဲ့။ နောက်ဆုံနံပါတ်(၄)က ဘာလဲဆိုတော့ ''သက္ကစ္စဘာဝနာ'' ဘာပြောသလဲ။
သက္ကစ္စဘာဝနာပါဘုရား။
ရိုရိုသေသေ လေးလေးစားစားလုပ်တဲ့၊ ကိုယ်လုပ်တဲ့အလုပ်ကို ပေါ့ပေါ့တန်တန်မလုပ်လိုက်ကြနဲ့။ နံပါတ်(၅)ကျတော့ ''အဘိရတိဘာဝနာ'' ပျော်ပျော်ပါးပါးလုပ်။ နည်းဘယ်နှစ်ပါးလဲ။
ငါးပါးပါဘုရား။
(၁) မရပ်မနားလုပ်။
(၂) ကြာကြာလုပ်။
(၃) ကောင်းတာအကုန်လုပ်။
(၄) ရိုရိုသေသေလုပ်။ ပြီးတော့
(၅) ပျော်ပျော်ပါးပါးလုပ်ကြ။ ဟုတ်လား
မှန်ပါ့ဘုရား။
အေး အဲဒီနည်းငါးပါးကို ထူးချွန်ပြောင်မြောက်တဲ့ပုဂ္ဂိုလ်တွေ လုပ်တဲ့နည်းငါးပါးခေါ်တယ်။ အဲဒါကိုအသေးစိတ် ပရိသတ်ရေ သင်တန်း တစ်ရပ်အနေနဲ့ ပို့ချမယ်ဆိုရင် အလွန်ကောင်း။ ခေါင်းဆောင်တို့ကျင့်စဉ်ဆို ပြီးတော့ ဘုန်းကြီးတို့ ခပ်ငယ်ငယ်သံဃာ့တက္ကသိုလ်တုန်းက ဆရာဦးဖေအောင်နဲ့ ဆရာ ဦးလှမောင်တို့၊ ဆရာတော်ကြီး အရှင်သေဋ္ဌိလတို့ပို့ချတာ သင်ခဲ့ရဖူးတယ်။

နောက်ကျတော့မှ အဲဒီစာလုံးတွေက စရိယာပိဋကပါဠိတော်ကြီးထဲမှာ ဘုရားလောင်းကျင့်တဲ့ကျင့်စဉ်တွေပဲဆိုတာ စာကိုသေချာဖတ်မှ နောက်ကျမှပြန်တွေ့ရတယ်၊ ခေါင်းဆောင်တို့ကျင့်စဉ်ဆိုတာ ဒါမျိုးတွေ။ အဲဒီတော့ သာမာဝတီတို့ ခုဇ္ဇုတ္တရာတို့ ဒီလိုထူးချွန်တဲ့ဘွဲ့တွေရ၊ သာသနာ တော်မှာ ထိပ်တန်းရောက်အောင် သူတို့လုပ်ခဲ့တာ ကမ္ဘာတစ်သိန်း၊ ဘယ် လောက်လဲ။
ကမ္ဘာတစ်သိန်းပါဘုရား။
အေး ဂေါတမဘုရားလက်ထက်မှာ လာပြီးတော့ ပြည့်စုံကြတယ်တဲ့ တွဲဖက်ညီတဲ့ မိန်းမနှစ်ယောက်၊ ဒီတော့ မြတ်စွာဘုရားရှင်ကိုယ်တော်မြတ် ဝါတော်ကို ပရိသတ်ကြီးပြော။
ကိုးဝါရ ပါဘုရား။
ကိုးဝါအရ ကောသမ္ဗီမှာဝါဆိုတယ်၊ အဲဒီအချိန်မှာ ဒီအမျိုးသမီး တွေရဲ့ထူးချွန်ပြောင်မြောက်မှုတွေဟာ ဘုရားရှေ့မှောက်မှာဖြစ်သွားတယ်။

သူဋ္ဌေးသုံးယောက်၏သတင်းစကား
မြတ်စွာဘုရားရှင်ကိုယ်တော်မြတ် သာဝတ္ထိပြည်ဇေတဝန်ကျောင်းမှာ နေနေတုန်း၊ အဲဒီကောသမ္ဗီပြည်ကနေ သူဋ္ဌေးသုံးယောက်က သတင်းကြားတယ်၊ ဘုရားပွင့်ပြီ။ သူဋ္ဌေးသုံးယောက် ဃောသကသူဋ္ဌေး၊ ကုက္ကုဋသူဋ္ဌေး၊ ပါဝါရိကသူဋ္ဌေး၊ အဲဒီသူဋ္ဌေးသုံးယောက်သတင်းကြားတော့ သာဝတ္ထိ သွားပြီးတော့ သူတို့ဘုရားဖူးပြီး တရားနာကြတယ်၊ သုံးယောက်စလုံး သော တာပန်တည်ပြီးတော့ ပြန်လာတယ်၊ မြတ်စွာဘုရား ကျေးဇူးတင်ဖို့ကောင်းလိုက်တာတဲ့။
သူတို့က ဘုရားကိုကျေးဇူးတင်တာ၊ သူတို့တင်ပုံတင်နည်းက ဘာလဲဆိုတော့ အဆုံးမမြင်တဲ့သံသရာကို။ ပရိသတ်ရေ ဘာသံသရာလဲ။
အဆုံးမမြင်တဲ့သံသရာပါဘုရား။
ဘယ်တော့ဆုံးမလဲလို့ ပုထုဇဉ်အနေနဲ့မမြင်နိုင်ဘူး။ အဲဒီအဆုံး မမြင်နိုင်တဲ့သံသရာကို ကန့်သတ်ပေးလိုက်လို့အဆုံးမြင်သွားပြီ၊ သောတာပန်ဆိုတာ လူ့ပြည် နတ်ပြည်ခုနှစ်ကြိမ်၊ နောက်သကဒါဂါမ်ဖြစ်၊ လူ့ပြည် နတ်ပြည်မှာ တစ်ကြိမ်၊ အနာဂါမ်ဖြစ်ပြီးတော့ လူ့ပြည်နတ်ပြည်ပြန်မလာတော့ဘူး၊ သုဒ္ဓဝါသဘုံတက်ပြီးတော့ သုဒ္ဓဝါသငါးဘုံမှာ အစဉ်အတိုင်းတက် အကနိဋ္ဌဘုံရောက် ရဟန္တာဖြစ်လို့နိဗ္ဗာန်စံ။

အဲဒီတော့ သုဒ္ဓဝါသငါးဘုံမှာရှိနေတဲ့ သက်တမ်းတွေကို အကုန် ပေါင်းပြီးတော့ တွက်ကြည့်လိုက်ရင် မှတ်ထား၊ ကမ္ဘာသုံးသောင်းနှင့်တစ်ထောင်၊ ဘုန်းကြီးတို့တွက်ပြီးသားမှတ်၊ ဒီလူတွေတွက်ခိုင်းနေရင် မိုးလင်းတောင်ပြီးမှာမဟုတ်ဘူး၊ ကမ္ဘာဘယ်လောက်လဲ။
သုံးသောင်းနှစ်တစ်ထောင်ပါဘုရား။
သောတာပန်ရဲ့ဘဝသံသရာသည် ဘယ်လောက်ပဲကြာတော့မှာလဲ ကမ္ဘာသုံးသောင်းနှင့်တစ်ထောင်၊ ဟောဒီဇေယျဝတီက ဒကာမတွေရဲ့သံသရာသည် သွားပေအုံးတော့ သွားပေအုံးတော့ ကြာကြာလည်းမလုပ်ချင်ဘူး၊ မရပ်မနားလည်း အားမထုတ်ချင်ဘူး၊ အြ<ွကင်းမရှိလည်း အားမထုတ်ချင်ဘူး၊ ရိုရိုသေသေလည်း အားမထုတ်ချင်ဘူး၊ ပျော်ပျော်ပါးပါးလည်းအား မထုတ်ချင်ဘူးဆိုရင်တော့ သွားပေအုံးတော့ သွားပေအုံးတော့ မြုပ်ကြအုံး၊ မျောကြအုန်းလို့။ (အပိုင်း-၅) မျှော်
သီတဂူစတား
၁၃-၁၂၀၁၀

Posted in: တရားတော်