Myanmar Kyat Converter
Tuesday, January 05, 2010
သီတဂူစတား (sitagustar)
5 Jan 10, 00:45
မောညို: အရှင်ဘုရား ကမ္ဘာနိုင်ငံ အသီးသီးမှာ ရှိသော ရဟန်းတော်များသည် အဘယ့်ကြောင် သင်္ကန်းရုံတာ ကွဲပြားသလဲဆိုတာ တပည့်တော် သိချင်ပါတယ်ဘုရား။ တရုတ်ရဟန်းတော်များ ယိုးဒယား ရဟန်းတော်များ သင်္ကန်းရုံပုံ နှင့် မြန်မာရဟန်းတော်များ သင်္ကန်းရုံပုံ မတူညီ၍ လျှောက်တင် ရခြင်း ဖြစ်ပါသည်ဘုရား တခြားဘာသာဝင်တွေ မေးသောအခါ ဘယ်လိုဖြေရမှန်း မသိလို့ မေးခြင်းဖြစ်ပါသည် အရှင်ဘုရား ။
သီတဂူစတား အဖြေး မောညိုရဲ့ မေးခွန်းကလည်း သိသင့်သိထိုက်တဲ့ အချက်ပါပဲ။ ဒကာ မောင်ညို အနေနှင့် ပထမဆုံး ဗုဒ္ဓဘာသာသည် ဘုရားပရိနိဗ္ဗာန်စံပြီး မကြာမီမှာပဲ၊ အယူဒါဒ အသစ်အဆန်းတွေကို တည်ထွင်တဲ့ ဂိုဏ်းကြီးပေါ်ပေါက်လာသောကြောင့် အရှင်မဟာမထေရ် အမှူးပြုသော ရဟန္တာ အရှင်များက မထမသင်္ဂါယနာပွဲကြီး ကျင်းပခဲ့တယ်။ ထိုအချိန်ကစပြီး ဗုဒ္ဓဘာသာနှင့် ပတ်သက်ပြီး အယူဝါဒများ ကွဲပြားလာခဲ့တယ်ဆိုတာ သိဘို့လိုပါတယ်။ ယနေ့တော့ ထေရ၀ါဒဂိုဏ်းနှင့် မဟာယာနာဂိုဏ်းဆိုပြီး အဓိက ဂိုဏ်း၂ ခုကွဲပြားနေပါတယ်။ အကျယ်မပြောလိုပါ၊ အကျဉ်းလောက်သိရင် လုံလောက်မည်ထင်ပါတယ်။ ခံယူချက်ခြင်းမတူသောကြောင့် ကွဲပြားသည်ဟုမှတ်ပါ။ ထေရ၀ါဒဂိုဏ်းဆိုတာ ပထမသင်္ဂါယနာ ဦးစီးခဲ့သော အရှင်မဟာကဿပ အမှူးရှိသော ရဟန္တာမထေရ်မြတ်တို့၏ သြ၀ါဒကို ခံယူကာ ၁။ ဘုရားဟောဝါဒများကို နုတ်ပယ်ခြင်းလည်းမပြု၊ ၂။ အယူအဆအသစ်တွေကိုလည်း ထပ်မံထည့်ခြင်းမပြု၊ ၃။ ဘုရားဟောအတိုင်း ကျင့်ကြ လိုက်နာခံယူကြ ဟူသော မူသုံးချက်ကို လက်ခံထားသော ၀ါဒဖြစ်၍ ထေရ၀ါဒဟုခေါ်သည်။ မဟာယာနဂိုဏ်းဆိုတာကတော့ အဓိပ္ပါယ်အမျိုးမျိုးဖွင့်ဆိုကြသည်။ လိုရင်းကတော့ ဘုရားဟောထားသော မူရင်းဓမ္မအပြင် နောက်တိုးဝါဒသစ်တွေ တည်ထွင်ပြီး ၀ါဒအသစ်များထည့်သည့်ဂိုဏ်းဟူ၍ မှတ်ထားလိုက်ပါ။
အ၀တ်အစားကွဲပြား
အ၀တ်အစားနှင့်ပတ်သက်ပြီး ဘုရားပညတ်တော် သေခိယနှင့် စူဠ၀ါ၊ ၀ိနည်းမဟာဝါတို့တွင်လေ့လာပါက တွေ့နိုင်ပါသည်။ ရဟန်းတော်များအတွက် အ၀တ်အစားချုပ်ပုံကို ၀ိနည်းမဟာဝါတွင်လေ့လာပါ၊ အ၀တ်အစားဝတ်ပုံကိုတော့ သေခိယတွင်လေ့လာပါ။ အ၀တ်၏ အရောင်ကိုလည်း ပိန္နဲရောင်ရှိရမည်ဟု သိထားပါသည်။ လည်ပင်းနှင့်လက်ကောက်ဝတ်တို့ကို လုံခြုံအောင် ဖုံးပြီးဝတ်ရမည်ဟုဆိုသည်။ ဤကား ထေရ၀ါဒလက်ခံကျင့်သုံးသော အ၀တ်အစားနှင့် ၀တ်ပုံတို့ဖြစ်ပါသည်။ ထေရ၀ါဒထဲသည်ပင် အနည်းငယ်သော အယူအဆကွဲပြားမှုတွေရှိပါသေးသည်၊ မပြလိုတော့ပါ။ ထေရ၀ါဒဗုဒ္ဓဘာသာသည်ပင် အ၀တ်အစားနှင့် အရောင်ကွဲပြားမှုတွေရှိနေတာကတော့ နေရာဒေသ၊ ရာသီဥတုနှင့် ရိုးရာယဉ်ကျေးမှုတို့ကြောင့် ကွဲပြားလာသည်ဟူ၍ မှတ်ထားပါသည်။ မဟာယာန အ၀တ်အစားအကြောင်းကိုတော့ သီတဂူစတား ကောင်းကောင်းမသိပါ၊ သို့သော် ရာသီဥတု၊ ဒေသ၊ ယဉ်ကျေးမှုနှင့် အတွေးခေါ်ကွဲပြားမှုတို့ကြောင့် ကွဲပြားသွားသည်ဟု မှတ်ထားပါသည်။ ဒကာမောညိုအနေနဲ့ သီတဂူစတားရဲ့အဖြေတွေကို ကြိုက်က လက်ခံနိုင်ပါသည်၊ မကြိုက်က ပယ်နိုင်ပါသည်၊ အားမရသေးက အခြားတက်သိနားလည်သော အရှင်မြတ်များကို မေးနိုင်ပါသည်။
သီတဂူစတား
၅-၁-၂၀၁၀
Posted in: အမေး+အဖြေ
Washington Time
London Time
Beijing Time
Kuala Lumpur Time
Brasilia Time
Wellington Time
Havana Time
Singapore Time
Yangon (Rangoon) Time
New Delhi Time
0 comments:
Post a Comment