သူဋ္ဌေး သုံးယောက်

အမျိုးသမီးစွမ်းဆောင်ရှင် (အပိုင်း-၆)

သူဋ္ဌေး သုံးယောက်
ဃောသကသူဋ္ဌေး၊ ပါဝါရိကသူဋ္ဌေး၊ ကုက္ကုဋသူဋ္ဌေး၊ ပြောအုံး။
တစ်က (ဃောသကသူဋ္ဌေးပါဘုရား) နှစ်က (ပါဝါရိကသူဋ္ဌေးပါ ဘုရား) သုံးက (ကုက္ကုဋသူဋ္ဌေးပါဘုရား) အဲဒီသူဋ္ဌေးသုံးယောက်ရဲ့ ကျောင်းတိုက်ကြီးသုံးခုဟာ သူတို့ရဲ့နာမည်အတိုင်းပဲ၊ ဃောသိတာရုံကျောင်းရယ်၊ ပါဝါရိကာရုံကျောင်းရယ်၊ ကုက္ကုဋာရုံကျောင်းရယ်လို့ ကျောင်းတိုက်ကြီး သုံးခု ရှိရာမှာ ဘုန်းတော်ခြောက်ပါးသခင် ဘုရားရှင်ကိုယ်တော်မြတ် သံဃာတော် အပါးငါးရာနှင့် ကြွတော်မူလာပြီးတော့ ဘယ်ကျောင်းတိုက်မှာ သီတင်းသုံးနေသလဲဆိုရင် ဃောသိတာရုံကျောင်းမှာ စတင်လို့သီတင်းသုံးတယ်၊ ပြီးတော့မှ တစ်ကျောင်းစီ တစ်ကျောင်းစီ လှည့်ပြီးတော့ နေသွားတာ။
အဲဒါကြောင့် '' ဧကံသမယံ - အခါတစ်ပါး၌။ ဘဂဝါ - ဘုရား ရှင်ကိုယ်တော်မြတ်သည်။ မဟတာ ဘိက္ခုသံဃေန သဒ္ဓိံ ပဉ္စမတ္တေဟိ ဘိက္ခုသတေဟိ၊ ရဟန်းတော်ငါးရာတို့နှင့်အတူတကွ။ ကောသမ္ဗီယံ - ကောသမ္ဗီ ဆိုတဲ့ရွှေမြို့တော်မှာ။ ပရိသတ်ရေ ဘယ်မြို့လဲ။
ကောသမ္ဗီမြို့ပါဘုရား။
ယမုံနာမြစ်ကမ်းမှာရှိနေတဲ့ ကောသမ္ဗီမြို့က၊ ဃောသိတာရာမေ ဃောသိတာရုံဆိုတဲ့ ကျောင်းတိုက်တော်မှာ။ ဝိဟရတိ - ဣရိယာပထ မျှတ ရွှင်ပြုံးသီတင်းသုံးစံနေတော်မူခဲ့ပါပေသတည်း။
သာဓု သာဓု သာဓုပါဘုရား။

အဲဒီအချိန် ကောသမ္ဗီပြည်မှာ ထီးနန်းစိုးအုပ် မင်းလုပ်နေတာက ပရိသတ်ရေ ရှင်ဘုရင်ကြီးကိုပြော၊ ဘယ်သူတဲ့လဲ။
ဥတေနပါဘုရား။
တေန ခေါ ပန သမယေန - ထိုအခါမှာ။ ဥဒေနောနာမရာဇာ (သို့မဟုတ်) ဥတေနော နာမရာဇာ - ဥတေနခေါ်တဲ့ရှင်ဘုရင်ကြီးသည်။ ဓမ္မေန သမေန - ဓမ္မနှင့်လျော်ညီစွာ တရားနှင့်လျော်ညီစွာ။ ဒါက စာက ထည့်ရေးတာ၊ ရှင်ဘုရင်ကြီးသည် ကောသမ္ဗီပြည်မှာ မင်းလုပ်တာ ဘာနဲ့ လျော်ညီစွာနေသလဲ။ ဓမ္မေန သမေန - တရားနှင့်လျော်ညီစွာ။ ရဇ္ဇံ ကာရေသိ - မင်းပြုတော်မူ၏။
ရှင်ဘုရင်ဆိုတော့လည်းပဲ ဒီလိုကောင်းအောင် ကြည့်ပြီးရေးရတာပဲနော်၊ တရားနှင့်လျော်ညီစွာမင်းလုပ်တော်မူ၏။ ပြီးတော့မှသာ မဟုတ်တာလျှောက်လုပ်တာ၊ မဟုတ်တာလျှောက်လုပ်တာကိုကြည့်၊ ဒီမှာပြောမယ် ဥတေနရှင်ဘုရင်လုပ်တာကိုပြောတာပါ၊ ဟုတ်လား၊ သူ့မှာ မိဖုရားနှစ်ယောက်ရှိတယ်၊ တစ်ယောက်က ခုနပြောထားတဲ့ သာမာဝတီ၊ ဃောသကသူဋ္ဌေးက မွေးစားတဲ့ ဒီသမီးကလေး၊ သာမာဝတီကို ဃောသကသူဋ္ဌေးက ချစ်လွန်းလို့တဲ့၊ သူဋ္ဌေသမီးငါးရာအခြံအရံနဲ့ စောင့်ရှောက်ထားတယ်။

ဘုရင်တိုင်းခန်းလှည့်လည်
ဘုရင်ကြီးဥတေနက တိုင်းခန်းလှည့်ပြီးတော့ တိုင်းပြည်ကိုလှည့်ကြည့်တာ၊ ဘုရင်ကြီးတိုင်းပြည်လှည့်ပြီဆိုလို့ရှိရင် တိုင်းသူပြည်သားတွေ ဟိုရွာကထွက်ကြို ဟိုမြို့ ဒီမြို့ကထွက်ကြို၊ လမ်းဘေးဝဲယာကနေ အလံတလူလူနဲ့၊ သပြေပန်းတွေနဲ့ ဝှေ့ယမ်းလို့ ဟုတ်လား။ ကြိုကြရတယ်ကို။ လုံချည်တွေဆင်တူတွေ ဘာတွေဝတ်ပြီးတော့ အဲဒါကြိုကြဟေ့ဆိုတော့ ထုံးစံအတိုင်း အမျိုးသမီးတွေချည်ပွဲထုတ်တာများတယ်။

မြို့ကျက်သရေဆောင် သူဋ္ဌေးသမီးတွေ အမျိုးသမီးတွေ ဘာတွေ အကုန်ထွက်၊ အဲဒါလူကြီးတွေကခေါ်ထုတ်တာ၊ လမ်းဘေးဝဲယာတန်းစီလို့ သာမာဝတီနှင့်အမျိုးသမီးငါးရာ သူတို့လည်းပဲ ကြိုကြရတယ်။ ရှင်ဘုရင် ကြီးကြွတော်မူလာတယ်ပေါ့၊ အရပ်ထဲလမ်းတွေကြည့်မယ်၊ ဘာတွေကြည့်မယ်၊ ရေတွေ မီးတွေ တံတားတွေကြည့်မယ်ထွက်လား၊ အဲဒါ ဃောသကသူ ဋ္ဌေးရဲ့အိမ်ရှေ့ရောက်တဲ့ အခါလည်းကျရောဟာ ကြိုဆိုတဲ့အဖွဲ့က တယ်စည်တာပဲ၊ ရွှေရုပ်ကလေးလို့လှနေတဲ့ သူဋ္ဌေးသမီးကလေးလည်း တခါတည်း ပြေပန်းနဲ့ငွေဖလားနဲ့ကိုင်ပြီးတော့ ဘေးကတစ်ဖက်နှစ်ရာငါးဆယ်စီ မိန်းမချောလေးတွေနဲ့ ဘုရင်ကြီးလာတဲ့နေရာမှာ အောင်မယ် သနပ်ခါးရည်လေးနဲ့ ရင်ဘတ်ကိုဖြန်းပေးပြီးတော့။

ဘုရင်ကြီးဘာကြည့်?
ရှင်ဘုရင်ကြီးက သေချာကြည့်ဟာ တယ်ချောတယ်ဟေ့၊ သူက လက်စသတ်တော့ ဒါကြည့်တာပဲ၊ တယ်ချောတယ်ဟေ့၊ ဒီကောင်မလေး တယ်ချောတယ်ကွ၊ ကြည့်ရင်းကြည့်ရင်းနဲ့ပဲ ဘုရင်မင်းကြီး မျက်လုံးပိတ်လို့ မရတော့ဘူး၊ စိုက်ပြီးကြည့်တော့ မျက်လုံးကပြူးပြီးတော့ ပုဇွန်မျက်လုံးလို ထွက်၊ အနားမှာရှိတဲ့ ဝန်ကြီး အမတ်ကြီးတွေက၊ ဟာ တို့ရှင်ဘုရင် ဘာဖြစ်ပါလိမ့်လဲ၊ ဟာ ဘုရင်ဘာဖြစ် မျက်လုံးကြီးထွက်ရသလဲ ဆိုတော့ အရေ တကြီးအနားမှာ ဆရာဝန်တွေ ဘာတွေလည်းပါတယ်၊ အဲဒီဘုရင်ကို မြန်မြန်ဆေးရုံပို့၊ မျက်စိအထူးကုတွေ သီတဂူမှာရောက်နေတယ်၊ ပို့ မြန်မြန် ပို့၊ ဒါတော့ အပိုထည့်ပြောတာ၊ ဘယ်ပါမလဲ စာထဲမှာ၊ အဲဒါဘုရင်ကြီး မအိပ်နိုင် မစားနိုင်ဖြစ်ပြီးတော့ ပြန်သွားတာတဲ့၊ မျက်စိမှိတ်လို့မရဘူး၊ သာမာဝတီမျက်လုံးထဲက မထွက်နိုင်ဘူး၊ သူဋ္ဌေးသမီး ကြိုက်ပြီးတော့ ရွှေနန်းတော်ပြန်ရောက်တော့ ဒီပြင်ဟာတွေ သိပ်မကြည့်တော့ဘူး၊ အဲဒါကြည့်ပြီးတော့ ခပ်မြန်မြန်ပြန်တာပဲ၊ နန်းတော်ပြန်ရောက်တော့မှ ဟဲ့အမတ်တွေ ဟိုမှာ ငါ မိန်းမချောတစ်ယောက်တွေ့ခဲ့တာ အဲဒါမေးကွယ်၊ နာမည်လေး ဘာလေးမေး၊ အဲဒါ ဘယ်သူ့သမီးလဲ၊ ယောက်ျားရှိ မရှိစုံစမ်းကြ။

ဘုရင်ကြီးသမီးပျိုများသိမ်းပိုက်
အလုပ်ကဒါအရေးကြီးသွားတာ၊ အဲဒါ စုံစမ်းရေးထွက်တော့ အဖြေက ယောက်ျားမရှိဘူး၊ သမီးပျိုပဲ၊ ဃောသကသူဋ္ဌေးရဲ့သမီး၊ အဲဒါဆိုရင် နောက်ထပ်စာတစ်စောင်ပို့ အဲအိမ်ကိုစာပို့လိုက် အဲဒီအမျိုးသမီးကို မိဖု ရားမြှောက်မယ်၊ ရွှေနန်းတော်ဆက်၊ လုပ်ပြီဟုတ်လား၊ အဲဒီလိုစာပို့လိုက် တဲ့အချိန်မှာ သာမာဝတီအိမ်မှာမရှိဘူး၊ ခရီးထွက်သွား၊ အဖေ အမေနှစ် ယောက်သားတစ်ခါ ဘုရင်ရဲ့စာလည်းရရော မျက်ရည်ဖြိုင်ဖြိုင်ကျပြီးတော့ တို့သမီးအတွက်ကြုံမိတာ ဘုရင်တော်ကောက်တော်မူပြီ ဒုက္ခပါပဲ၊ မချမ်းသာကြဘူး။
အဲဒါ ဃောသကသူဋ္ဌေးက ဘုရင်ထံစာပြန်တယ်၊ မဆက်သွင်းနိုင်ပါဘူး၊ သမီးလေးချမ်းသာစွာနေပါစေ၊ မင်းနန်းတော်ကိုမပို့နိုင်ပါဘူးလို့ စာပြန်လိုက်တာ၊ အဲဒါဘုရင်ကစိတ်ဆိုးပြီးတော့ အေး သမီးမပေးဘူးဆိုတဲ့ အဲဒီအိမ်ကိုသွား ချိတ်ပိတ် အိမ်ရှိလူတွေ အကုန်ထုတ်ပြီးတော့ အဲဒါပုလိပ် တွေကိုလွှတ်ပြီးတော့ အိမ်ချိတ်ပိတ်၊ ဟာအဖေရော အမေရော အိမ်အပြင် လမ်းပေါ်ထွက် မတ်တတ်ရပ်ပြီးတော့ သာမာဝတီပြန်လာတော့တွေ့ပြီးမေး အမေတို့အဖေတို့ ဘယ်နဲ့ကြောင့်လမ်းပေါ်ထွက်နေကြလဲ၊ ဒို့အိမ်ချိတ် ပိတ်ထားပြီ၊ ဟာ အမြတ်တော်ကြေးလည်းမရှိ ဘာလဲမရှိ၊ ဘယ်လိုကြောင့် ပိတ်ရသလဲ၊ ဘုရင်ကိုသမီးထွက်ကြိုမိတာ၊ အဲဒါကြည့်ပြီးတော့ ကြိုက်သွားတာနဲ့တူတယ်၊ မိဖုရားမြှောက်ချင်လို့တဲ့။

အဲဒါပေးရင်ပေး မပေးလို့ရှိရင် ခုဟာ ချိတ်ပိတ်သေးတာ၊ နောက်ကျတော့မှ ဆက်ငြင်းနေရင်တော့ အမေရော အဖေရော အကုန်လုံးအချုပ် ထဲရောက်လိမ့်မယ်၊ ဟာ အဲဒါဆိုရင်တော့မဖြစ်သေးဘူး၊ လိုက်မှပဲဆိုပြီးတော့ သာမာဝတီက တိုအောင်ချုံ့လိုက်တော့ အမျိုးသမီးအခြံအရံငါးရာ နှင့်အတူတူ မင်းနန်းတော်ကိုလိုက်သွားတာ၊ အဲဒါနဲ့ မတော်တဆ သာမာဝတီ ဘာဖြစ်ရသလဲ မိဖုရားဖြစ်ရတာတဲ့၊ နန်းတော်ထဲကမွေးလို့မဟုတ်ဘူး၊ ဘုရင်လမ်းသွားရင်ကြိုက်သွားပြီးတော့ ကောက်သွားတာ၊ အဲဒီလိုဖြစ်သွားတာ။ ဟာ မိဖုရားကြီးမြှောက်ပြီးပြီလည်းဆိုရော အမေရော အဖေရော အမယ်လေး မျက်နှာတွေပွင့်လို့၊ ဘာလိုချင်လဲပြော၊ ဟုတ်လား၊ ဘုရင်ကြီးကလေ အဖေရော အမေရော အိုကေပဲ လိုချင်တာတွေ အကုန်လုံးရနော် အဆင်ပြေတယ်။

ကလေးထိန်းရဲ့သမီးဆိုတာ အဲဒါကိုခေါ်တယ်၊ ရှေးကခေါ်သလို ယဉ်ယဉ်ကျေးကျေး ခေါ်ရအောင်၊ အထိန်းတော်ရဲ့သမီး၊ ရှေးခေါ်သလို ခေါ်ကြည့်။
အထိန်းတော်ရဲ့သမီးပါဘုရား။
အေး ဓာတိဓီတာ - ဓာတိ-နို့ထိန်း။ ဓီတာ-သမီး။ ဓာတိဓီတာ- နို့ထိန်းရဲ့သမီးကလေးထိန်းရဲ့သမီးဆိုတော့ သူဟာကျေးကျွန်အနေအထာ မှာရှိတယ်နော်၊ မိဘနှစ်ပါးကလေးထိန်းရတယ်ဆိုတော့ အမျိုးအားဖြင့်ထိပ်တန်းမကျဘူး၊ အဲဒီကလေးထိန်းရဲ့သမီး ခုဇ္ဇုတ္တရာကို ဃောသကသူဋ္ဌေးက ဟဲ့ နင့်အရှင်သခင်မအတွက် ပန်းဝယ်တဲ့တာဝန် နင်ယူဆိုတော့ ပန်းဆက် တာဝန်ယူရတယ်၊ သာမာဝတီရွှေနန်းတော်ပါသွားတဲ့အခါကျတော့ ခုဇ္ဇုတ္တရာကလည်း ပန်းဆက်တာဝန်နဲ့ရောပြီး သူလည်းရွှေနန်းတော်လိုက်သွားရတယ်ကိုးဗျနော်။
အဲဒါအထိန်းတော်ရဲ့သမီးသည် ဘာဖြစ်ပြန်လဲ၊ ရွှေနန်းတော်ထဲမှာ မိဖုရားခေါင်ကြီးရဲ့ပန်းတော်ဆက်ရာထူးကိုတက်သွားပြန်တာ၊ သူကလည်း ပဲ အဲဒီလိုဖြစ်တယ်။ နောက်ဘုရင်ကြီး ဟိုဘက်တစ်ဘက်မှာကြည့်လိုက်ရင် မိဖုရားတစ်ယောက်ရှိသေးတယ်၊ မာဂဏ္ဍီတဲ့ ဘာတဲ့လဲ။
မာဂဏ္ဍီပါဘုရား။

မာနကြီးရင် ကျန်ရစ်ဖြစ်မယ်
အေး မာဂဏ္ဍီဆိုတာက ပုဏ္ဏားမျိုး အမျိုးဇာတ်မြတ်တယ်လို့သူ တို့ကသူတို့သတ်မှတ်ကြတယ်၊ တို့အမျိုးအထက်တန်းစားပိုက်ဆံပေါတယ်၊ ပညာတတ်တယ်၊ အမျိုးမြတ်တယ်၊ မာနသိပ်ကြီးတယ်၊ ပုဏ္ဏားမျိုးတွေ ဟို လူနဲ့မပေါင်းနိုင်ဘူး၊ ဒီလူနဲ့မပေါင်းနိုင်ဘူး၊ ဒီလိုတွေ။ အဲဒီတော့ မာနအလွန်ကြီးပြီးဆိုလို့ရှိရင် အဲဒီသမီးမာဂဏ္ဍီ၊ ယောက်ျားလည်း မာဂဏ္ဍီ၊ မိန်းမလည်းမာဂဏ္ဍီ၊ လင်မယားနှစ်ယောက်၊ မာဂဏ္ဍီကနေမွေးတဲ့သမီးလည်း မာဂဏ္ဍီပဲ၊ အဲဒီတော့ သမီးမာဂဏ္ဍီအချောအလှ မာနကြီးလွန်းလို့ အမျိုးဇာတ်ကိုအကြောင်းပြုပြီးတော့ မာနတက်လွန်းလို့ ဟိုယောက်ျားနှင့်စေ့စပ် မာနကြီးတာနဲ့ပျက်သွား၊ ဒီယောက်ျားနှင့်စေ့စပ် မာနကြီးတာနဲ့ပျက်သွား၊ မာနကရှေ့ကခံခံနေတဲ့အတွက်ကြောင့် ယောက်ျားမရနိုင်ဘဲနဲ့အဲဒီမာဂဏ္ဍီ အမျိုးသမီးလည်းပဲ တဖြည်းဖြည်းနဲ့အရွယ်လွန်ပြီးတော့ သူလည်းပဲအပျို ဟိုင်းမကြီးဖြစ်တယ်။
အဲဒီ မာဂဏ္ဍီကို အဖေလုပ်တဲ့သူက မာဂဏ္ဍီက ငါ့သမီးအပျိုးကြီး လင်ရမှကောင်းမယ် လင်မရရင်တော့ ဒီပစ္စည်းတွေ အမွေခံမည့်ကလေး တော့ ဒုက္ခပဲ ပစ္စည်းကလည်းသိတ်ချမ်းသာတယ်၊ အမွေခံမရှိရင် ရှေးတုန်း က ဘုရင်ကသိမ်းတာ၊ အဲဒါကြောင့် အဖေလုပ်တဲ့သူက သမီးအတွက် ယောက်ျားရဖို့ကြိုးကြိုးစားစားရှာတယ်၊ အမေကလည်း ဒီလောက်မဟုတ် ဘူး၊ အဖေကြီးပဲ ပူပင်နေတာ၊ တစ်မျိုးကြီးပဲအဲဒါလဲ။

ဘုရားကိုသမီးနှင့်ပေးစားရန်ကြံ
အဲဒါကျတော့ မြတ်စွာဘုရားကလည်း ကောသမ္ဗီအကြွ၊ ပရိသတ်ရေ သူတို့အိမ်ရှေ့ကဖြတ်သွားတာ၊ ဘုရားကိုမြင်လိုက်ရော မာဂဏ္ဍီပုဏ္ဏားကြီးက ဘုရားကိုမြင်လိုက်တော့၊ ဟာ ချောလိုက်တဲ့ယောက်ျား၊ ဒီလောက် ချောတဲ့ယောက်ျားကို ငါတစ်သက်တစ်ခါမှမတွေ့ဖူးဘူး၊ ဒီယောက်ျားကို ငါ့သမီးနဲ့ပေးစားရင်ကောင်းမှာပဲ။ ဘာသာရေးမှာ တော်တော်ခေါင်းပါးတဲ့သူတွေ၊ သမီးကို ဘုရားနဲ့ပေးစားရင်ကောင်းမယ်ဆိုပြီးတော့ အဲဒါမိန်းမကို ပြောတယ်၊ ဟဲ့မိန်းမ တို့သမီးနဲ့တော်တဲ့ယောက်ျားကိုငါတွေ့လိုက်တယ်၊ သမီးအလှပြင်၊ လာတို့သုံးယောက်လိုက်ကြရအောင်ဆိုပြီးတော့ ဘုရားနောက်ကနေ တစ်ခါတည်းတောက်လျှောက်လိုက်ကြတယ်။

ဘုရားခြေတော်ရာ
မြတ်စွာဘုရားကိုယ်တော်မြတ်က သိတော်မူတယ်၊ ဟောဒီ ပုဏ္ဏား လင်မယားနှစ်ယောက် မာဂဏ္ဍီလင်မယားနှစ်ယောက် ငါဘုရားသာသနာတော်မှာ အနာဂါမ်တည်ပြီးတော့ဝင်မယ်၊ အနာဂါမ်တည်ပြီးတော့ သာသနာတော်ရောက်ပြီးရင် ရဟန္တာဖြစ်မယ်၊ အဲဒီအကျိုးကိုမျှော်ကိုးပြီးတော့။ ဘုရားကသူတို့အရပ်ထဲ ဆွမ်းခံသွားတဲ့အခါမှာ လမ်းမှာခြေရာလေး ချထားပစ်ခဲ့ပြီးတော့ ဆွမ်းခံဆက်ကြွတယ်။

အပိုင်း(၇)ဆက်ပါဦးမယ်။
သီတဂူစတား
၂၅-၁-၂၀၁၀

Posted in: တရားတော်