ဓမ္မဆေးတော်

သီတဂူ ကမ္ဘာ့ဗုဒ္ဓတက္ကသိုလ်တွင် ကျင်းပအပ်သော အပြည်ပြည်ဆိုင်ရာ ထေရ၀ါဒတက္ကသိုလ်များ ညီလာခံအမှတ်တရများ၊ နိုင်ငံ ၃၀ ကျော်မှ ကိုယ်စားလှယ်များ တက်ရောက်ကြသည်။


အမျိုးသမီးစွမ်းဆောင်ရှင် (အပိုင်း-၅)
ခုဇ္ဇုတ္တရာ


ဆရာတော် ဦဉေယျ၏ဓမ္မဆေး
ဟို သာယာဝတီ ဆရာတော်ဦးဉေယျ ပြောသလိုပဲ -
''ဘေးပြစ်တာ လေးသစ္စာ မမြင်ကန်းသောကြောင့် ပင်ပန်းသူလူ အချို့မှာ ပူလို့မဆုံး'' သာယာဝတီ ဆရာတော်ကြီး ဦးဉေယျ ရှိတုန်းက ရွှေတောင်မှာ တရားဟော၊ ဘုန်းကြီးတို့ သွားနားထောင် ဒီစာတစ်ပိုဒ်ရထားတာ၊ ယခုအထိ ကျေးဇူးတင်လို့ မပြီးနိုင်ဘူး ဆရာတော်ကြီးကို။

''ဘေးပြစ်တာ လေးသစ္စာ မမြင်ကန်းသောကြောင့် ပင်ပန်းသူ လူအချို့မှာ ပူလို့မဆုံး'' ဘာဖြစ်လို့မဆုံးလဲ။
ပူလို့မဆုံးပါဘုရား။

ဘာဖြစ်လို့ပူလဲ၊ ကိုယ့်အပူနဲ့ကိုယ်ပဲ၊ ဆန်မရှိလဲပူတယ်၊ ဆီမရှိလဲ ပူတယ်၊ ပူပေါ့၊ အိုလို့ပူတယ်၊ နာလို့ပူတယ်၊ ချစ်သူနဲ့မတွဲရလို့ပူတယ်၊ မုန်း တဲ့သူနဲ့တွဲရလို့ပူတယ်၊ ပူစရာတွေအများကြီးပဲ ဟုတ်လား။
''ဘေးပြစ်တာ လေးသစ္စာ မမြင်ကန်းသောကြောင့် ပင်ပန်းသူလူ အချို့မှာ ပူလို့မဆုံး၊ သနားလေသနော်'' ဆရာတော်ကြီးရေးထားတာ ဘုန်းကြီးတို့ မရေးတတ်ပါဘူး၊ သနားလေသနော် တရာအရည်ဖျော်လို့ တစ်ခွန်းခေါ် ဇွန်းကော်လို့ တိုက်ချင်လ'' အံမယ် သနားစရာကောင်းလွန်းလို့ ဟောဒီလူတွေက တစ်ခွန်းစွန်းခေါ်တဲ့ အခြေအနေရောက်ကုန်ပြီတဲ့၊ အဲတာ ဇွန်းနဲ့ ကော်ပြီးတော့ တရားကိုအရည် ဖျော်တိုက်ချင်တယ် ဆရာတော်ကြီးက။

တစ်ခွန်းခေါ်ဆိုတာ သိလား၊ မေးခိုင်လို့နော်၊ သွားဖြဲလို့မရတော့ ဘူး သေပေါက်ဝကပ်နေတယ်၊ အဲတာ ဆေးဘယ်လိုမှတိုက်လို့မဖြစ်တော့ ဘူးတဲ့။ အမေ ဟဲ့ဆိုပြီး တစ်ခွန်းပဲခေါ်နိုင်တယ်၊ နောက်မခေါ်နိုင်တော့ ဘူး၊ အဲဒီလောက်အခြေအနေဆိုးရောက်နေတဲ့လူတွေကို ဆရာတော်ကြီးက အမလေး ပါးစပ်ဖြဲပြီးတော့ တရားအရည်ဖျော်ပြီး ငါတိုက်လိုက်ချင်တယ် ကွာဆိုပြီးတော့ ဒီစာရေးထားတာ။

''တစ်ခွန်းခေါ် ဇွန်းကော်လို့ တိုက်ချင်လ မလိမ္မာ သူနာမိုက်ကယ် တို့'' အဲဒီလူမမာက အဲဒီအခြေအနေ ရောက်နေတော့ တရားရေအေးအမြိုက် ဆေးဆိုတာကို အဲဒီလူသောက်သလားဆိုတော့ သွားကစိထားတယ်၊ တိုက်လို့မရဘူး၊ အဲဒါနဲ့ ဆရာတော်ကြီးက စိတ်ပျက် လက်လျော့ပြီးတော့ကွာ ဒီလူတွေ မေးခိုင်တယ်၊ သွားတွေကစိနေတော့ တရားရေအေး အမြိုက်ဆေး တိုက်ကျွေးအလကား သူတို့အော်နေတာ တိုက်လို့မရပါဘူး။

''ကဲ မျှောလိုက်ကြနေအုံး မျှောက်လိုက်ကြနေအုံး'' ဆိုပြီး ဆရာတော်ကြီးက အဲဒါနဲ့အဆုံးသတ်ထားတယ်။ ဆရာတော်ဦးဉေယျ သာယာဝတီဆရာတော်တဲ့၊ ဘယ်တော့မှပလ္လင်နဲ့ ထိုင်မဟောဘူး၊ မတ်တတ် လမ်းလျှောက်ဟောတယ်၊ အဲဒါကြောင့် အားလုံးပဲ ဟုတ်လား မြတ်ဗုဒ္ဓရဲ့သာသနာမှာ လူ့ဘဝရကြတဲ့ ဒီဒကာ ဒကာမတွေ ဘုန်းကြီးတို့တစ်တွေ အပါအ ဝင်တဲ့အနှစ်တစ်ရာအတွင်းမှာ အားလုံးပရိသတ်ရေ ဘဝတစ်ခုနိဂုံးချုပ်ဖို့ က သေချာသလောက်ရှိတယ် မဟုတ်လား။
မှန်ပါ့ဘုရား။

အေး ရာကျော်ဆိုတာ ယခု စပါးတောင်မရှိတော့ဘူး၊ ရာကျော်ဆိုတာ စပါးတောင်မရှိတော့ဘူး သွားပြီ မဟုတ်လား၊ လူရာကျော် တော်တော်ရှားတယ်နော်။ အဲဒါကြောင့် မရပ်မနားလုပ်နိုင်မှ၊ ကြာကြာလုပ်နိုင်မှ၊ အကုန်လုံးသိမ်းကြုံးလုပ်နိုင်မှ ဟုတ်လား။ ရိုရိုသေသေလုပ်၊ ပျော်ပျော်ပါးပါးလုပ်၊ ဒီလောက်လုပ်နိုင်မှ တော်ရုံကျတယ်၊ အဲဒါ အိပ်လိုက် စားလိုက် အနားယူလိုက်၊ အပန်းဖြေလိုက် အတင်းအဖျင်းထိုင်ပြောလိုက် တီဗွီကြည့်လိုက် လက်ဘက်ရည်ဆိုင်ထိုင်လိုက် ဘာမှဖြစ်လာမှာမဟုတ်ဘူး။

ဒါတိုင်းပြည်အတွက်လည်း မဖြစ်ဘူး၊ ကိုယ့်အတွက်လည်းမဖြစ်ဘူး၊ သာသနာတော်အတွက်လည်း ဘာမှဖြစ်မှာမဟုတ်ဘူး၊ အဲဒါ အချိန်ကို အချည်းအနှီးဖျက်ဆီးနေတဲ့ လူတွေကများကုန်ပြီတဲ့။ အဲဒါကြောင့် ကမ္ဘာမှာ အောက်တန်းကျတာဟာ အဲဒါ အလုပ်မလုပ်ခြင်းဟာလည်း အကြောင်းတစ်ပါးပဲ။

မေတ္တာဧတဒဂ်ပိုင်ရှင် သာမာဝတီ၏ မွေးဌာန
နောက် သာမာဝတီနဲ့ ခုဇ္ဇုတ္တရာတို့က ကမ္ဘာတစ်သိန်းကာလ မရပ်မနား ကျင့်ကြံအားထုတ်၍လာခဲ့ကြတာ ဂေါတမဘုရား သာသနာတော် ဟောဒီကောသမ္ဗီမှာ ဘုရားကိုးဝါမြောက် ဝါကပ်တော့ မြတ်စွားဘုရားနဲ့ လာတွေ့ကြတယ်။
သာမာဝတီဆိုတာ တကယ်တော့ ကောသမ္ဗီမြို့သူတော့ မဟုတ်ဘူ့း ပရိသတ်ရေ ဘဒ္ဒိယမြို့သူ၊ ဘဒ္ဒိယမြို့ကသူဋ္ဌေးသမီး၊ မြို့မှာ ကပ်ရောဂါ အကြီးအကျယ် ကူးစက်ရောဂါကြီးဖြစ်တော့ ရရာပစ္စည်းယူပြီးတော့ သားအမိ သားအဖသုံးယောက် ထွက်ပြေးတာ၊ ကောသမ္ဗီမှာတို့သူငယ်ချင်း ချစ်သူငယ်ချင်းဃောသက သူဋ္ဌေးရှိတယ်ဆိုပြီးတော့ ထွက်ပြေးတာ၊ မြို့မရောက်ခင်မှာပဲ မိဘနှစ်ပါးကွယ်လွန်သွားတော့ ဃောသကသူဋ္ဌေးက သတင်းကြားပြီးတော့ သြော် ငါရဲ့စီးပွားဖက် သူငယ်ချင်းရဲ့သမီးလေး မိမဲ့ ဖမဲ့ဖြစ်ရှာပြီဆိုပြီးတော့ အဲဒါမွေးစားထားတာ။

ဒါနဲ့ ဘဒ္ဒိယမြို့က သာမာဝတီသည် ဘာဖြစ်လဲ၊ ကောသမ္ဗီက ဃောသကသူဋ္ဌေးရဲ့ မွေးစားတဲ့သမီးတဲ့၊ ဒါချုံးပြီးတော့ပြော၊ အဲဒီလိုဖြစ်လာ၊ ခုနက သူဋ္ဌေးသုံးယောက် မြတ်စွာဘုရားကိုယ်တော်မြတ်ရှိရာ သာဝတ္ထိသွား တရားနာ၊ ပြောပြီးပြီ၊ ပရိသတ်ရေ မေ့သွားမယ်၊ ပြန်စပ်ထား၊ မြတ်စွာဘုရား ကျေးဇူးတင်ဖို့ ကောင်းလိုက်တာ၊ ဘာဖြစ်လို့ကျေးဇူးတင်၊ အဆုံးမမြင်တဲ့ သံသရာကို ကန့်သတ်ပေးလိုက်ပြီ။ တို့သံသရာ ဘယ်လောက်ပဲကြာတော့ အဲဒီသူဋ္ဌေးသုံးယောက် သောတာပန်သံသရာ ဘယ်လောက်ကြာမလဲ၊ ကမ္ဘာ သုံးသောင်းနဲ့တစ်ထောင် ဟုတ်လား။
မှန်ပါ့ဘုရား။

အဲဒါကြောင့် သံသရာကို ဒီလိုတိုအောင် ကန့်သတ်ပေးတဲ့ဘုရားဟဲ့ ဆိုပြီးတော့ ကျေးဇူးတွေတင်ပြီးတော့ ရှိတဲ့ပစ္စည်းကုန်သွန်ပြီးတော့ ကောသမ္ဗီမှာ ကျောင်းတိုက်ကြီးတွေ တည်ဆောက်ကြတာ၊ အဲဒီတော့ ကျောင်းဆောက်တယ် ကျောင်းဆောက်တယ်ဆိုတဲ့ ကိစ္စနော်၊ သူ့ရည်ရွယ်ချက်နဲ့သူ တွေရှိကြတယ်၊ ဒီကနေ့ ဘုန်းကြီးတို့ ဒကာ ဒကာမတွေဒီမှာ တည်ထားတဲ့ ဘာတဲ့လဲ မဟာသိမ်တော်ကြီး ပြန်လည်ပြင်ဆင်ပြီးစီး အောင်မြင်တယ်၊ ဘာ ရည်ရွယ်ချက်နဲ့ သိမ်တော်ကြီးကို တည်ဆောက်သလဲ မေးစရာရှိတယ်၊ မေးထားတယ်၊ ကိုယ့်ဟာကိုဖြေ။

ဟောဒီ သူဋ္ဌေးသုံးယောက် ကျောင်းဆောက်တာ ဘာဖြစ်လို့ ဆောက်၊ စကြာမင်းဖြစ်ချင်လို့ မဟုတ်ဘူး၊ အသက်ရှည်ချင်လို့ မဟုတ်ဘူး၊ အနာကင်းချင်လို့ မဟုတ်ဘူး၊ ဘာဖြစ်လို့ဆောက်သလဲ၊ ရှည်လျာစွာသော သံသရာ ဘာလုပ်ပေးလိုက်သလဲ၊ ဒီလောက်ပဲ မင်းတို့သံသရာလည်တော့ကွာ။ သောတာပန်ဆိုတာ ကမ္ဘာသုံးသောင်းတစ်ထောင်၊ ဟာ - Endless the cycle of the continuous of the suffering အဆုံးမမြင် အောင်လည်နေတဲ့ ဒုက္ခစက်ကြီးကို ဒီမှာရပ်တော့ သတ်မှတ်ပေးလိုက်တယ်။ ဒါကိုကျေးဇူးတင်ပြီးတော့ ရှိတဲ့ပစ္စည်းသွန်ချပြီးတော့ ဘာလုပ်သလဲ၊ ကျောင်း ဆောက်တာ၊ သူတို့ဆောက်ပုံကတစ်မျိုး။

ဟောဒီ ခုလူတွေဆောက်ပုံကတော့ တော်တော်တစ်မျိုးပဲ၊ သူအမျိုးနဲ့သူပေါ့လေ၊ အသေးစိပ် မပြောတော့ပါဘူး၊ ကျေးဇူးတွေတင်ပြီးတော့ ဒီလိုဆောက် ဘုရားကိုလျှောက်ခဲ့တယ်၊ ကောသမ္ဗီကိုတစ်ခါတစ်ခေါက်ကြွ ရောက်တော်မူခဲ့ပါဘုရား၊ ဘုရားက ဒေသစာရီလှည့်လည်ပြီးတော့ ကြွသွားတာ၊ ကိုးဝါမှာ ကောသမ္ဗီရောက်ပြီ၊ ဘယ်သူတွေလဲ၊ ကျောင်းဒကာကြီးတွေက၊ အဲဒါသွားရော၊ ထူးချွန်ဘွဲ့တော့အဝေးကြီးပဲ၊ ဟုတ်လား၊ ကျောင်းဒကာ နာမည်တောင်မမှတ်မိဘူးလို့ဆိုရင် ထူးချွန်ဘွဲ့ရဖို့တော့ မမြင်တော့ဘူး။

အမျိုးသမီးစွမ်းဆောင်ရှင် (အပိုင်း-၆)ကို ဆက်ပါဦးမည်
သီတဂူစတား
၁၉-၁-၂၀၁၀

Posted in: တရားတော်