Myanmar Kyat Converter
Friday, October 16, 2009
သီတဂူစတား (sitagustar)
အရှင်အာနန္ဒာလျှောက်ထားပြီ
''ဘဂဝါ-ဘုန်းတော်ကြီးတော်မူသော မြတ်စွာဘုရား၊ သိတကာရဏံ-ပြုံးရွှင်တော်မူခြင်းရဲ့ အကြောင်းကို၊ ပါတုကရောတု-ထင်ရှားအောင်ပြုတော်မူပါဘုရား''လို့ အရှင်အာနန္ဒာမထေရ်က ဘုန်းခြောက်ပါးသခင် ကိုယ်တော်မြတ်ကို လျှောက်ထားခဲ့တယ်။
အဲဒီလိုလျှောက်တော့ မြတ်စွာဘုရား ကိုယ်တော်မြတ်ကမြေကွက်ကြီးကြည့်ပြီး ရုတ်တရက်မဖြေသေးဘူး။ ပြုံးနေတယ်၊ ဖြူတဲ့ရောင်ခြည်တော်တွေကလည်း ထွက်ဆဲဘဲ။ အဲဒါ အရှင်အာနန္ဒာက ဘာကြောင့်ပြုံးသလဲ လျှောက်တော့...
ငါဘုရားရဲ့ ထံတော်ပါး၌ ခစားလိမ္မာ ညီဘွားအာနန္ဒာ... ဟောဒီမှာ မည်းနက်နေတဲ့မြေကွက်ကြီးကို ရှုလော့။ ချစ်သားအာနန္ဒာ... မည်းနေတဲ့မြေကွက်ကြီးကို ကြည့်စမ်း။ မည်းနေတဲ့မြေကွက်ကြီးဒီမှာရှိတယ်။ အဲဒါ ကြည့်စမ်းဆိုတော့ အရှင်အာနန္ဒာက ကြည့်လိုက်တယ်။ အပေါ်မှာ အဖြူတွေ လွှမ်းထားတယ်။
အတိတ်အကြောင်း တစေ့တစောင်း
ဟောဒီနက်နေတဲ့ မြေကွက်ပေါ်မှာ အတိတ်ဝေးစွာ ဟိုးရှေးခါတုန်းက ငါဘုရားရှင်ကိုယ်တော်မြတ်သည် ဘုရားလောင်းဖြစ်တဲ့ကာလ ဒီနေရာမှာ ကဏှရသေ့ဖြစ်ခဲ့ ဘူးပြီလို့ ဘုရားရှင်ကိုယ်တော်မြတ်သည် အရှင်အာနန္ဒာ မထေရ်ကို မိန့်ကြားတော်မူခဲ့ပါတယ်။
အတိတ်ဝေးစွာ ဟိုရှေးအခါတုန်းက ဒီနေရာမှာ ငါဘုရားရှင်ကိုယ်တော်မြတ်သည် ကဏှရသေ့ဖြစ်ဘူးပြီ၊ အဲဒီမည်းတဲ့မြေကွက်ပေါ်မှာ ဘုရားလောင်းဘာဖြစ်ဘူး သလဲ? ရသေ့မည်းကြီးဖြစ်ဘူးတယ်။
အဲဒီတုန်းက ဒီနေရာဟာ ဟိမဝန္တာလို့ခေါ်တဲ့ င်္ဆီးနှင်းခဲတဲ့အရပ် ဖြစ်တယ်၊ အခုအဲဒီ ကဏှရသေ့နေသွားတဲ့ နိဂြောဓာရုံကျောင်း ဆိုတဲ့နေရာဟာ ဆီးနှင်းခဲဘို့မဆိုထား နဲ့ နွေရာသီ တန်ခူးကဆုန်ဆိုလျှင် အရမ်းပူပြင်းလှတယ်။ ဘာဖြစ်လို့လဲဆိုတော့ သစ်တောတွေ အကုန်ပြုန်းတီးသွားပြီ၊ အဲဒီနိဂြောဓာရုံကနေမြောက်ဘက်ကို (၁၅)မိုင် မိုင်(၂ဝ) လောက်သွားမှ သစ်တောအစလေး နည်းနည်းတွေ့တယ်၊ ရှေးတုန်းကနှင်းခဲတဲ့နေရာဖြစ်တယ်။
အဲဒီတော့လွန်ခဲ့တဲ့နှစ်(၂၅ဝဝ)က အဖြစ်အပျက်ဟာ ဒီကနေ့မှာ ဒီလောက်ပြောင်းလဲသွားရင် နောင်အနာဂတ်နှစ်(၂၅ဝဝ)ကို ကြိုကြည့်လိုက်စမ်းပါ၊ ကမ္ဘာကြီးဘယ် လောက် ခြောက်သွေ့သွားမလဲဆိုတာ သစ်တောတွေ သစ်ပင်တွေ အကုန်ခုတ်ပြစ်တော့ မိုးတွေကလည်း မရွာတော့ဘူး၊ နှင်းတွေလည်း မကျတော့ဘူးဆိုရင် ဟောဒီမြေ ကြီးမှာ မီးဟုန်းဟုန်းတောက်လောက်အောင် ပူပြီးတော့ ကြောက်စရာကောင်းတဲ့ အနေအထားဖြစ်လာဖို့ သေချာ သလောက်ရှိတယ်။
အသက်လေးရယ်တဲ့ရှည်စေလို
ဒါကြောင့် အသက်ရှည် အနာကင်း ကျန်းမာခြင်း နှင့် ပြည့်စုံဖို့ဆိုပြီး ရှေးလူကြီးတွေက သစ်ပင်စိုက်တာကို အထူးအားပေးတယ်၊ မြတ်စွာဘုရားရှင်ကိုယ်တော်မြတ်က လည်း သစ်ပင်စိုက်တာကို အထူးအားပေးတယ်၊ သစ်ပင် စိုက်ပျိုးခြင်းနှင့်ပတ်သက်တဲ့ တရားတွေကိုလည်းပဲ ဘုရား ဟောပြတော်မူတယ်။ အသက်ရှည်ချင်ရင်, အနာကင်းချင်ရင် ဘာလုပ်ကြမလဲ သစ်ပင်စိုက်ကြ။
''အာရာမရောပါ ဝနရောပါ ယေ ဇနာ သေတုကာရကာ၊ တေသံ ဒိဝါစ ရတ္တောစ သဒါ ပုညံ ပဝဍ္ဎတိ''။
သစ်ပင်စိုက်ခြင်း, ဥယျာဉ်ပြုပြင်ခြင်း တံတား ဖောက်ခြင်း, လမ်းခင်းခြင်းဆိုတဲ့ ဒီကောင်းမှုတွေဟာ နေ့ရောညရော ကုသိုလ်တွေထာဝရတိုးပြီးတော့ အသက်ရှည်ခြင်း ကျန်းမာခြင်း ဖြစ်နိုင်တယ်။ 'ဝနရောပ' သုတ္တန်မှာ သစ်ပင်စိုက်ခြင်းကို ဟောထားတာရှိတယ်။
ဘက်စုံထူးချွန်သူ
အဲဒီတော့ ဘုန်းကြီးတို့ဘုရားက သိပ်အံ့သြဖို့ ကောင်းတယ်နော်။ တခါတလေကျတော့လည်း ဆေး အကြောင်း ဟောတော်မူတယ်။ တခါတလေကျတော့လည်း ရေအကြောင်း ဟောတော်မူတယ်။ တခါတလေကျတော့လည်း သစ်ပင်စိုက်ခြင်း အကြောင်း ဟောတော်မူတယ်။
ခုဒီမှာကြည့်၊ သစ်ပင်စိုက်ခြင်းအကြောင်းကို ဟောတယ်၊ ဘုန်းကြီးတို့ဘုရားက တကယ့်ဘက်စုံတတ်ကျွမ်းတဲ့ဘုရား။ ခုလူတွေက ဘက်စုံတာဆိုတာပြောနေ ကြတယ်၊ မစုံတာက များနေတယ်၊ ရေအကြောင်းပြော တတ်တဲ့လူတွေက ဆေးအကြောင်းမပြောတတ်ဘူး။ ဆေး အကြောင်းပြောတတ်တဲ့ သူတွေက ရေအကြောင်း မပြောတတ်ဘူး။
ဘုရားက ဆေးလည်းသိ၊ ရေလည်းသိ၊ သစ်ပင် လည်းသိ၊ ဘာမဆိုအကုန်သိ၊ ဘုရားက တကယ်စုံတာ၊ အားလုံးဘက်စုံချင်ရင်လေ ဘုရားနည်းကို လေ့လာကြ။
အခုနိဂြောဓာရုံ ကျောင်းတော်ကြီးနေရာဟာ ရှင်းသွားပြီ။ ဘာသစ်ပင်မှမရှိတော့ဘူး၊ ပူလိုက်တာ၊ ဟိုတုန်းက ဆီးနှင်းခဲတဲ့အရပ်၊ နိဂြောဓာရုံဆိုတာ အုတ်ခုံအုတ်ရိုးလေးတွေနဲ့ လွမ်းစရာဆွေးစရာ ဖြစ်နေတယ်။ သစ်ပင်တွေ ပြောင်လို့၊ ကုလားတွေ နွားကျောင်းနေတဲ့နေရာကြီး ဖြစ်နေပြီ။ အဲဒီနေရာမှာ မြတ်စွာဘုရားက ''ဟေ့.. ငါရသေ့ လုပ်ပြီး တရားကျင့်ဘူးတယ်''လို့ မိန့်တော်မူတယ်။
အကျယ်ချဲ့ကာ ဟောကြားပါ
အဲဒီလိုပြောတော့ ရှင်အာနန္ဒာက ''ဒီလောက်နဲ့ တော့မပြည့်စုံသေးဘူး မြတ်စွာဘုရား၊ အပြည့်အစုံဟောပြပါ၊ တပည့်တော်တို့ နားထောင်ပါရစေ''လို့ လျှောက်တယ်။လမ်းလျှောက်ရင်း ညနေစောင်းလေးမှာ ''ချစ်သားအာနန္ဒာ နေရာခင်းလော့''လို့ မိန့်တော်မူတယ်။
ရှင်အာနန္ဒာမထေရ်က မြတ်စွာဘုရားရှင်ကိုယ် တော်မြတ်ရဲ့ နှစ်ထပ်သင်္ကန်းကြီးကို လေးခေါက်ခေါက်ပြီးတော့ ခင်းပေးတော်မူတယ်။ ချုပ်ထားတဲ့ နှစ်ထပ်သင်္ကန်း ကို လေးခေါက်ခေါက်လိုက်ရင် (၈)ထပ်ရမယ်၊ ထိုင်တဲ့နေရာမှာ ထူထူထဲထဲလေး ဖြစ်ချင်တဲ့သဘော။
ဘုန်းကြီးတွေ အိမ်ပေါ်ကြွလာရင် ''ကြွပါဘုရား၊ ထိုင်ပါဘုရား''လို့လျှောက်ထားရင် ထိုင်လဲထိုင်လိုက်ရော ''စောင်လေးမှ မခင်းလိုက်ရသေးဘူး၊ ထပါဦးဘုရား''တဲ့၊ သူတို့ထိုင်ဆို ထိုင်ရ၊ ထဆိုထရတယ်၊ တောမှာဆိုရင်တော့ စောင်လေးဘာလေး ခင်းပေးတယ်။
မြို့ပေါ်မှာကျတော့ ကုလားထိုင်က အဆင့်သင့်ရှိတယ်၊ ခုတော့ ဘုရားရှင်ဟာ ကျွန်းပင်အောက်က မြေမည်း ကြီးပေါ်မှာထိုင်ရတာ၊ နှစ်ထပ်သင်္ကန်းကြီးကို လေးခေါက် ခင်းပြီးတော့ ထိုင်တယ်၊ အပန်းဖြေနားနေတော်မူပြီးမှ တရားကိုဟောတော်မူတယ်။
အပိုင်း-(၄) မျှော်
Posted in: တရားတော်
Washington Time
London Time
Beijing Time
Kuala Lumpur Time
Brasilia Time
Wellington Time
Havana Time
Singapore Time
Yangon (Rangoon) Time
New Delhi Time
0 comments:
Post a Comment