အနှစ်ကိုးပါး(အပိုင်း-၂၀)

အမြတ်ဆုံးပုဂ္ဂိုလ်ဟာ အမြတ်ဆုံးနေရာမှာရှိရမယ်

လမ်းလျှောက်ပြီးသွားတော့ အဲဒီဆင်ဝင်နားကို ရောက်လာကြတယ်။ ရောက်တာနဲ့ တပြိုင်နက် မေးလိုက် တယ်။ ''ဒကာကြီး ဟောဒီလှေကားတက် ဖိနပ်ချွတ်မှာ စီပြီးတော့ချထားတဲ့ အရုပ်တွေဟာ ဘာအရုပ်တွေတုန်း ပြောစမ်းပါ''လို့။ ဘုရားဆင်းတုတော်တွေမှန်းတော့ သိပါတယ်။ စကားဖြစ်အောင်လို့ တမင်မေးလိုက်တာ။
မေးတော့ ''အဲဒါတွေဟာ ဗုဒ္ဓရဲ့ရုပ်တုတော်တွေ ပဲ''တဲ့။ ဗုဒ္ဓဆင်းတုတော်တွေလို့ အဲဒီ အဘိုးကြီးက ဖြေ တယ်။
''ဟုတ်လား ဒီအရုပ်တွေက ဗုဒ္ဓဆင်းတုတော်တွေ လား''။
''မှန်ပါတယ် ဘုရား''
''ဒကာကြီး လောကမှာ မြတ်ဗုဒ္ဓဆိုတဲ့ ပုဂ္ဂိုလ်ဟာ သတ္တဝါအားလုံးတို့ထက် အမြတ်ဆုံး ပုဂ္ဂိုလ်တစ်ယောက် ဆိုတာကို ဒကာကြီး လက်ခံရဲ့လား''။
''မှန်ပါ အမြတ်ဆုံး ပုဂ္ဂိုလ်တစ်ယောက်ဆိုတာကို လက်ခံပါတယ်ဘုရား''။
''ဗုဒ္ဓဟာ တကယ့်အမြတ်ဆုံးနေရာမှာ ရှိထိုက် တယ်ဆိုတာကိုကော လက်ခံရဲ့လား''။
''လက်ခံပါတယ်ဘုရား''။
''ဒကာကြီး ဗုဒ္ဓဘာသာ ဟုတ်တယ်နော်''။
''မှန်ပါ၊ တပည့်တော် ဗုဒ္ဓဘာသာပါဘုရား''။
''ဒါဆိုရင် ဒကာကြီးရဲ့ စိတ်ဓာတ်ဟာ အလွန် မွန်မြတ်တဲ့ စိတ်ဓာတ်ပဲဆိုတာကို ဘုန်းကြီး ယုံကြည်တယ်''။
အဲဒီလိုလေး ပြောထားတော့ စကားအကုန်လုံး တုပ်မိသွားပြီ။ ဘုန်းကြီးက ဆက်ပြောလိုက်တယ်။
''ဗုဒ္ဓဟာလဲ အမြတ်ဆုံးပုဂ္ဂိုလ်မို့လို့ အမြတ်ဆုံး နေရာမှာ ရှိထိုက်တယ်၊ ထားထိုက်တယ်။ ဗုဒ္ဓဘာသာဖြစ်တဲ့ ဒကာကြီးကိုယ်တိုင်လဲ အမြတ်ဆုံး စိတ်ဓာတ်ရှိတယ်။ အဲဒီလို ဖြစ်ပါလျက်နဲ့ မွန်မြတ်တဲ့ပုဂ္ဂိုလ်တစ်ယောက်ကို ဘယ့်နှယ် ကြောင့် ဖိနပ်ချွတ်တဲ့နေရာမှာ ထားရသလဲ'' ဆိုတော့ သူ ဘာမှ ပြန်မပြောနိုင်တော့ဘူး၊ ငေးနေတယ်။
ပြီးတော့မှ သူက ပြောတယ်။ ''အမြတ်ဆုံး ပုဂ္ဂိုလ် တစ်ယောက်ကို ဘာပြုလို့ ဖိနပ်ချွတ်တဲ့ နေရာမှာ ထားရ တုန်းဆိုရင်ဘုရား ကမ္ဘာအရပ်ရပ် ကလာကြတဲ့ ကမ္ဘာလှည့် ခရီးသည်တွေဟာ ဒီလို ရှေးကျတဲ့ (ရှေးဟောင်းဆင်းတု တော်များ) ဗုဒ္ဓဆင်းတုတော်တွေကို အလွန်စိတ်ဝင်စားကြ တယ်''တဲ့။

သံဝေဂဖြစ်သွားတဲ့ ဟိုတယ်ပိုင်ရှင်
''အဲဒီလို စိတ်ဝင်စားကြတဲ့ အတွက်ကြောင့် ဟို တယ်ထဲ ရောက်တာနဲ့ တပြိုင်နက်တည်း သူတို့စိတ်ဝင်စား ကြတဲ့ ဗုဒ္ဓရဲ့ဆင်းတုတော်တွေကို ဖူးတွေ့ပါရစေဆိုတဲ့ ရည် ရွယ်ချက်နဲ့ ဟောဒီလှေကားမုခ်မှာ ထားလိုက်တာပါ''တဲ့။
ဒီတော့ ဘုန်းကြီးက ပြောလိုက်တယ်။ ''ကောင်းပြီ ဒကာကြီး သူတို့စိတ်ဝင်စားဖို့အတွက် လှေကားတက်မှာ ထားတယ်။ အဲဒီစိတ်ဝင်စားပါတယ်ဆိုတဲ့ ပုဂ္ဂိုလ်တွေထဲမှာ ဗုဒ္ဓဘာသာဝင်ပုဂ္ဂိုလ်တွေ ဘယ်လောက်များသလဲ''။
''ဗုဒ္ဓဘာသာဝင်က နည်းပါတယ်ဘုရား၊ ဗုဒ္ဓ ဘာသာကို စိတ်ဝင်စားလို့လေ့လာတဲ့ ပုဂ္ဂိုလ်တွေက ပိုများ ပါတယ်''။
''ဒကာကြီး ကောင်းပြီ ဗုဒ္ဓဘာသာကို မကြည်ညို တဲ့ ပုဂ္ဂိုလ်တွေလဲ အများကြီး လာကြမှာပေါ့''။
''လာကြပါတယ်ဘုရား''။
''ဒီတော့ ဗုဒ္ဓဘာသာဝင်ဖြစ်တဲ့ ဟိုတယ်ပိုင်ရှင် ဒကာကြီးကိုယ်တိုင်က ဗုဒ္ဓရဲ့ဆင်းတုတော်ကို အဲဒီလှေကား တက်မှာ ထားတယ်ဆိုရင် ဗုဒ္ဓဘာသာမဟုတ်တဲ့ ပုဂ္ဂိုလ်တွေ၊ ဗုဒ္ဓဘာသာကို မကြည်ညိုတဲ့ ပုဂ္ဂိုလ်တွေက အဲဒီဆင်းတု တော်တွေကို ခြေနဲ့နင်းသွားကြလိမ့်မယ် ဒကာကြီး''။
အဲဒီတော့မှ သူတော်တော်သံဝေဂဖြစ်သွားတယ်။ ဘာမှပြန်မပြောတော့ပဲနဲ့ ဘုရားဆင်းတုတော်တွေကို စိုက် ကြည့်ပြီးတော့ သူရပ်နေတယ်။
အဲဒီနောက် ဘုန်းကြီးက ပြောလိုက်တယ်။ ''ဗုဒ္ဓ ဘာသာ သူတော်စင်တို့က ကိုယ့်ဘုရား ကိုယ့်ဟာကိုယ် လှေ ကားရင်း ထားတယ်ဆိုရင် ဗုဒ္ဓဘာသာ မဟုတ်တဲ့သူတွေက တက်နင်းတော့မှာပဲ။ ဒီတော့ သူများ တက်မနင်းသေးခင် အမြတ်ဆုံးဖြစ်တဲ့ ဗုဒ္ဓရဲ့ ဆင်းတုတော်တွေကို မွန်မြတ်တဲ့ နေရာမှာ ဒကာကြီး ထားလိုက်စမ်းပါ။ အဲဒါက ပိုပြီးတော့ စိတ်ဝင်စားစရာ ကောင်းပါတယ်''။
''မှန်လှပါ၊ အရှင်ဘုရားတို့ နောက်တစ်ခေါက်လာ ရင် အဲဒီလှေကားတက်နားမှာ ဘုရားဆင်းတုတော်တွေကို မတွေ့ စေရပါဘူး၊ နေရာပြောင်းလိုက်ပါ့မယ်ဘုရား''တဲ့။ လှေကားတက်နားမှာ ဘုရားဆင်းတုတော်တွေ ရှိ၊ မရှိ နောက်တစ်ခေါက် သွားရင် ကြည့်ရဦးမယ်။
ဘုန်းကြီးတို့ မြန်မာပြည်သူ ပြည်သားတွေကျတော့ ဘုရားဆင်းတုတော်ကို လှေကားတက်ထားဖို့အရေး ဝေး ရော။
ဘုရားအရိပ်တောင်မှ ကောင်းကောင်း မနင်းရဲကြ ဘူး။ ဟိုမှာကတော့ ဗုဒ္ဓဘာသာဆိုတဲ့ ပုဂ္ဂိုလ်တချို့ဟာ အဲဒီလို လှေကားအတက်မှာ ထားတယ်ဆိုတာ ရှိနေပါ တယ်။

အိန္ဒိယဝန်ကြီးချုပ် နေရူးရဲ့ သမာဓိဆင်းတုတော်
ကမ္ဘာမှာရှိကြတဲ့ ပန်းချီရုပ်ပေါင်းများစွာ၊ ပန်းပု ရုပ်ပေါင်းများစွာ ဆင်းတုတော်ပေါင်းများစွာတို့တွင် အံ့သြ စရာ အကောင်းဆုံးနဲ့ ကြည်ညိုစရာ အကောင်းဆုံး ရုပ်ဟာ ဗုဒ္ဓရဲ့ ဆင်းတု တစ်ခုပဲရှိတယ်။
အိန္ဒိယဝန်ကြီးချုပ်နေရူးဟာ ဒုတိယကမ္ဘာစစ်ကြီး ဖြစ်ခါစ ထောင်ထဲမှာရောက်နေတော့ အလွန်စိတ်ညစ်ပြီး တော့ ပင်ပန်းတဲ့အခါများမှာ သူ့စားပွဲမှာ ဗုဒ္ဓဆင်းတုတော် တစ်ခုကို တင်ထားပြီးတာ့ နာရီပေါင်းများစွာ ထိုင်ပြီးတော့ ဖူးမျှော်ပြီးတော့ ကြည်ညိုတယ်။
အဲဒီလိုကြည်ညိုနေရင် နေရူးဟာ စိတ်ချမ်းသာ တယ်လို့ဆိုတယ်။ အဲဒီဆင်းတုက ''သမာဓိဆင်းတု''။
သီဟိုဠ်ကျွန်း မဟာစေတီတော်ကြီးရဲ့ အနီးအနား က ကျောင်းတိုက်ဟောင်းကြီးတွေ ရှိပါတယ်။ မဟာဝိဟာရ ကျောင်းတိုက်တို့၊ ဇေတဝန်ကျောင်းတိုက်တို့ အဘယဂီရိ ကျောင်းတိုက်တို့ ဆိုပြီးတော့ မဟာစေတီကြီးအနီးမှာ ကျောင်းတိုက်ကြီးတွေရှိတယ်။
အဲဒီ ဇေတဝန်ကျောင်းတိုက်ကြီးထဲမှာ ''သမာဓိ ဆင်းတု''ဆိုတာ ရှိတယ်။ ဒီကနေ့လဲပဲ ရှိပါတယ်။ သမာ ပတ်ဝင်စားပြီးတော့နေတဲ့ ဆင်းတုတော် တစ်ခုဟာ အလွန် အံ့သြဖွယ် ကောင်းတဲ့ လက်ရာနဲ့ ထုထားတာ တည်တည် ငြိမ်ငြိမ်နဲ့ တယ်ပြီးတော့ ကျက်သရေရှိတယ်။
ဘုရားဆင်းတုတော်ဟာ တင်ပျဉ်ခွေထိုင်ပြီး လက် ဝါးနှစ်ဘက် ထပ်ပြီးတော့ ဈာန်ဝင်စားနေတဲ့ပုံမျိုး။ သမာ ပတ် ဝင်စားနေတဲ့ ပုံမျိုးကို သရက်ဥယျာဉ်ကြီးထဲမှာ သေ သေချာချာ ထုထားတာ ''သမာဓိဆင်းတု''တဲ့။
အဲဒီဆင်းတုဓာတ်ပုံကို နေရူးဟာ သူ့ရဲ့စားပွဲပေါ် မှာ တင်ထားပြီးတော့ ကြိမ်ဖန်များစွာ ဖူးတယ်။အဲဒီလို ဖူးမျှော်ကြည်ညိုရင်းနဲ့ စိတ်ရဲ့ကြည်လင်ချမ်းသာမှုကို ရခဲ့ တယ်ဆိုတဲ့အကြောင်းကို နေရူးကိုယ်တိုင် ရေးခဲ့ဖူးပါတယ်။
ဒါကြောင့် ကမ္ဘာမှာ ရုပ်တုပေါင်းများစွာ ရှိတဲ့ အထဲက ဗုဒ္ဓရုပ်ပုံဟာ အလှဆုံး၊ ဗုဒ္ဓရုပ်ပုံမှတပါး အခြား အခြား လူပုဂ္ဂိုလ်တွေ နိုင်ငံရေး ခေါင်းဆောင်တွေ ဘာသာ ရေးခေါင်းဆောင်တွေ မျိုးစုံနေတဲ့ ရုပ်ပုံပေါင်း များစွာထဲမှာ ဗုဒ္ဓပုံတော်ဟာ အံ့သြစရာ အကောင်းဆုံးပုံတစ်ခုဆိုတာကို အိန္ဒိယဝန်ကြီးချုပ် နေရူးက ပြောခဲ့ပါတယ်။

အနှစ်ကိုးပါး(အပိုင်း-၂၁)ဖော်ပြပါဦးမည်။

Posted in: တရားတော်